#يوم_البقيع_العالمي ( نزله )
_
لا ولي إلا علي .. على المرقد .. الچ نشهد
بگبتچ ذهب تصير
___
اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره
الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه
نورها أول ضوه .. بسماواته .. و ملائكته
من نورها تنير
____
قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه
انشوف جبرائيل نازل يخدم و مليان فرحه
وفطرس اجناحه يمسحه ابگبتچ و يردله جنحه
انتي حجه اعله الحجج .. يمرضيه .. يحوريه
فضلچ فضل چبير
____
امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه
باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره
بسمار ماكو ولا جذع .. لأن يكسر .. قلب حيدر
لو شاهده الأمير
____
الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه
حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه
امن الغري گاصد علي .. للزياره .. والبشاره
شفه الضلع الكسير
_
مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه
باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني
ينبني أكبر وطن .. الچ فاطم .. وي القائم
من يبتدي المسير
حسين الأمين
_
لا ولي إلا علي .. على المرقد .. الچ نشهد
بگبتچ ذهب تصير
___
اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره
الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه
نورها أول ضوه .. بسماواته .. و ملائكته
من نورها تنير
____
قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه
انشوف جبرائيل نازل يخدم و مليان فرحه
وفطرس اجناحه يمسحه ابگبتچ و يردله جنحه
انتي حجه اعله الحجج .. يمرضيه .. يحوريه
فضلچ فضل چبير
____
امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه
باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره
بسمار ماكو ولا جذع .. لأن يكسر .. قلب حيدر
لو شاهده الأمير
____
الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه
حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه
امن الغري گاصد علي .. للزياره .. والبشاره
شفه الضلع الكسير
_
مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه
باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني
ينبني أكبر وطن .. الچ فاطم .. وي القائم
من يبتدي المسير
حسين الأمين
#استشهاد_الصادق_ع
_______
اجري يا عيني الدموع جعفريه
الصادق بسمه يلوع هالمسيه
يا حقدهم علامامه يا حقدهم عالامامه
___
صادق العتره الغرر اليهدي بانفاسه البشر
من محمد .. علمه يمتد ... للبريه
ثامن آل المصطفى بالكبر نوره طفه
من حقدهم .. من مكرهم ... الناصبيه
بالسم مثل جده و والده و ابنه
من غدر الخلافه مات قائدنه
للنبي زادوا مصاب هالخلافه
الفكده ظل يبچي السحاب يا وسافه
و استمرت هاللئامه يا حقدهم عالامامه
__
ظلت اعلومه تشع و الحديثه نستمع
كل كلامه .. و ابنظامه ... خط دربنه
عالخلك حبه انفرض و عالخلائق انعرض
الله كاتب .. حبه واجب ... كل عملنه
أحاديثه و علومه و كل تفاسيره
خلت كل عقول الوادم بحيره
غطت اعلومه النجوم و البريه
بفضله تطوير العلوم الأجنبيه
ساير الكون بنظامه يا حقدهم عالامامه
____
من أمير المؤمنين ورث تأويل المبين
علم جده .. ورث بعده ... كل علومه
للهدايه أصبح طريق علمه لليسلك رفيق
لليريده .. يلزم أيده ... يبقى دومه
أهل بيت الرساله اليلتزم بيهم
لا يخشى جهنم من يواليهم
لا يغرك كل كلام أفهم أفهم
همه للشيعي سلام من جهنم
بس دربهم بي سلامه يا حقدهم عالامامه
___
يا هظيمه و يا ألم گبر جعفر انهدم
ما كفاهم .. ما شافهم ... فقط سمه
بالكلب جرحه نزف بس حجر باقي وسف
ابكبره جعفر ... ماكو منبر ... ينعى يمه
اشما هدموله مرقد صادق العتره
بيد المهدي باجر ترجع الحضره
و نكصد الگبره نطوف بالزيارة
و رايه عالگبه نشوف و المناره
باجر اتزول الظلامه يا حقدهم عالامامه
حسين الأمين
_______
اجري يا عيني الدموع جعفريه
الصادق بسمه يلوع هالمسيه
يا حقدهم علامامه يا حقدهم عالامامه
___
صادق العتره الغرر اليهدي بانفاسه البشر
من محمد .. علمه يمتد ... للبريه
ثامن آل المصطفى بالكبر نوره طفه
من حقدهم .. من مكرهم ... الناصبيه
بالسم مثل جده و والده و ابنه
من غدر الخلافه مات قائدنه
للنبي زادوا مصاب هالخلافه
الفكده ظل يبچي السحاب يا وسافه
و استمرت هاللئامه يا حقدهم عالامامه
__
ظلت اعلومه تشع و الحديثه نستمع
كل كلامه .. و ابنظامه ... خط دربنه
عالخلك حبه انفرض و عالخلائق انعرض
الله كاتب .. حبه واجب ... كل عملنه
أحاديثه و علومه و كل تفاسيره
خلت كل عقول الوادم بحيره
غطت اعلومه النجوم و البريه
بفضله تطوير العلوم الأجنبيه
ساير الكون بنظامه يا حقدهم عالامامه
____
من أمير المؤمنين ورث تأويل المبين
علم جده .. ورث بعده ... كل علومه
للهدايه أصبح طريق علمه لليسلك رفيق
لليريده .. يلزم أيده ... يبقى دومه
أهل بيت الرساله اليلتزم بيهم
لا يخشى جهنم من يواليهم
لا يغرك كل كلام أفهم أفهم
همه للشيعي سلام من جهنم
بس دربهم بي سلامه يا حقدهم عالامامه
___
يا هظيمه و يا ألم گبر جعفر انهدم
ما كفاهم .. ما شافهم ... فقط سمه
بالكلب جرحه نزف بس حجر باقي وسف
ابكبره جعفر ... ماكو منبر ... ينعى يمه
اشما هدموله مرقد صادق العتره
بيد المهدي باجر ترجع الحضره
و نكصد الگبره نطوف بالزيارة
و رايه عالگبه نشوف و المناره
باجر اتزول الظلامه يا حقدهم عالامامه
حسين الأمين
#استشهاد_الصادق_ع ( تجليبه )
___
سلامي للبقيع الجعفر الاحزان
سلامي و الگلب لزيارته لهفان
______
سلامي للبقيع الجعفر الصادق
نور الله الذي بي وصه كل سابق
مثل جده علي قران هم ناطق
العلوم الدنيا جعفر أصبح العنوان
____
سلامي للبقيع التربته الخضره
الما نشفت لهسه دمعة الزهره
تون للصادق و مخنوگه بالعبره
تنحب و الدمع فوگ الوجن نيران
____
سلامي للبقيع الگبته الطاحت
و عطر آل النبي من تربته فاحت
من هظم المصيبه احجارته صاحت
يا راعي الأمر عجل يبن عدنان
_
سلامي للبقيع و ناري مشتعله
شوكت يم گبره اگعد و احچي بالعله
و انظر يمه أبو صالح وگف صله
و رايات الثأر ترفع على الطغيان
____
سلامي للبقيع انروح زواره
و ننصبها المواكب و احنه بجواره
و نسمع بالصحن صيحات البشاره
كمل گبر الزجيه و إنتهى البنيان
حسين الأمين
___
سلامي للبقيع الجعفر الاحزان
سلامي و الگلب لزيارته لهفان
______
سلامي للبقيع الجعفر الصادق
نور الله الذي بي وصه كل سابق
مثل جده علي قران هم ناطق
العلوم الدنيا جعفر أصبح العنوان
____
سلامي للبقيع التربته الخضره
الما نشفت لهسه دمعة الزهره
تون للصادق و مخنوگه بالعبره
تنحب و الدمع فوگ الوجن نيران
____
سلامي للبقيع الگبته الطاحت
و عطر آل النبي من تربته فاحت
من هظم المصيبه احجارته صاحت
يا راعي الأمر عجل يبن عدنان
_
سلامي للبقيع و ناري مشتعله
شوكت يم گبره اگعد و احچي بالعله
و انظر يمه أبو صالح وگف صله
و رايات الثأر ترفع على الطغيان
____
سلامي للبقيع انروح زواره
و ننصبها المواكب و احنه بجواره
و نسمع بالصحن صيحات البشاره
كمل گبر الزجيه و إنتهى البنيان
حسين الأمين
#استشهاد_الصادق_ع ٣
____
جم خيمه رسمت حركة الدار
جم طفل شفته ايشاكف النار
أكبر جرح من عمتك و اتصورتها بونتك
____
شنهو شفت من حركوا الدار
ليش الدمع صبيته محتار
شنهوه شفته بعينك و ليش
حيلك انهد ابشبت النار
ليش صبيت عالخد الدمع
ليش مرسوم بعيونك ضلع
ليش وجهك اشوفه منصفع
شفتك وكفت اتعاتب الباب
ضلع امي لسه اتكله ما طاب
اسمع حچي عاطفتك و اتصورتها بونتك
__
منهظم كلبك سيدي هواي
اتاذيت لمن جابوا الماي
ما تقبل ايطفوها للنار
جنك ذكرت الخيمه مولاي
نار جابتلك من الطف صور
نار و جمرات من ذاك القهر
نار بعماتك امخليه أثر
هم انجوت طفله بذاك الرماد
و لا رأس مرفوع اعله مياد
ما فارگت ذاكرتك و اتصورتها بونتك
___
كربله ازغيره اتشوف و تنوح
و اعله السبيه طلعت الروح
مثل الشمع و العمتك اتذوب
امن الحرگ چفها هواي مجروح
ادموع شرحت تفاصيل الألم
ادموع وشلّت عينك عالخيم
ادموع راوت الك كل الهظم
شفت اعله دارك ركضت الناس
و حسين صدره اركاض ينداس
شوف الفرق ناشدتك و اتصورتها بونتك
__
حركوها دارك صح على أطفال
بسما جتفوا أيديهم بالاحبال
فزعوا انصارك موش عدوان
و ما ركضت اختك بين الارجال
خيل ما اجت يمك بالفزع
خيل و لا راس منك منكطع
خيل و لا قرط طفله منزع
زينب شفتها ابدون الحسين
لمن مشت مجتوفه الايدين
ما چتفوها ابنيتك و اتصورتها بونتك
____
كل هذا و انته سالم الرأس
و ماكو اعله صدرك خيلهم داس
و لا شفت أخو مكطوع الازنود
و لا تضرب اختك هجمت الناس
ناس حضرت الهزّل للسبي
ناس اتسب بعيالات النبي
ناس بالسوط تضرب عالعبي
الله يعينك شفت الآثار
أمك و عمتك رسمت النار
الحد ما متت حاركتك و اتصورتها بونتك
حسين الأمين
____
جم خيمه رسمت حركة الدار
جم طفل شفته ايشاكف النار
أكبر جرح من عمتك و اتصورتها بونتك
____
شنهو شفت من حركوا الدار
ليش الدمع صبيته محتار
شنهوه شفته بعينك و ليش
حيلك انهد ابشبت النار
ليش صبيت عالخد الدمع
ليش مرسوم بعيونك ضلع
ليش وجهك اشوفه منصفع
شفتك وكفت اتعاتب الباب
ضلع امي لسه اتكله ما طاب
اسمع حچي عاطفتك و اتصورتها بونتك
__
منهظم كلبك سيدي هواي
اتاذيت لمن جابوا الماي
ما تقبل ايطفوها للنار
جنك ذكرت الخيمه مولاي
نار جابتلك من الطف صور
نار و جمرات من ذاك القهر
نار بعماتك امخليه أثر
هم انجوت طفله بذاك الرماد
و لا رأس مرفوع اعله مياد
ما فارگت ذاكرتك و اتصورتها بونتك
___
كربله ازغيره اتشوف و تنوح
و اعله السبيه طلعت الروح
مثل الشمع و العمتك اتذوب
امن الحرگ چفها هواي مجروح
ادموع شرحت تفاصيل الألم
ادموع وشلّت عينك عالخيم
ادموع راوت الك كل الهظم
شفت اعله دارك ركضت الناس
و حسين صدره اركاض ينداس
شوف الفرق ناشدتك و اتصورتها بونتك
__
حركوها دارك صح على أطفال
بسما جتفوا أيديهم بالاحبال
فزعوا انصارك موش عدوان
و ما ركضت اختك بين الارجال
خيل ما اجت يمك بالفزع
خيل و لا راس منك منكطع
خيل و لا قرط طفله منزع
زينب شفتها ابدون الحسين
لمن مشت مجتوفه الايدين
ما چتفوها ابنيتك و اتصورتها بونتك
____
كل هذا و انته سالم الرأس
و ماكو اعله صدرك خيلهم داس
و لا شفت أخو مكطوع الازنود
و لا تضرب اختك هجمت الناس
ناس حضرت الهزّل للسبي
ناس اتسب بعيالات النبي
ناس بالسوط تضرب عالعبي
الله يعينك شفت الآثار
أمك و عمتك رسمت النار
الحد ما متت حاركتك و اتصورتها بونتك
حسين الأمين
#محرم_الحرام
اَللَّـهُمَّ اجْعَلْ مَحْيَايَ مَحْيَا مُحَمَّدٍ وَّ آلِ مُحَمَّدٍ وَّ مَمَاتِي مَمَاتَ مُحَمَّدٍ وََ آلِ مُحَمَّدٍ
السلام عليكم و رحمة الله و بركاته
سنبدأ ببركة أبا عبد الله الحسين عليه السلام
قصائد شهر محرم الحرام ١٤٤٥ هــ
نسأل الله التوفيق و السداد وأن يكتبنا و إياكم من خدمة محمد وآله الطاهرين
لا تنسوني و والديّ من خالص دعائكم
#حسين_الأمين
اَللَّـهُمَّ اجْعَلْ مَحْيَايَ مَحْيَا مُحَمَّدٍ وَّ آلِ مُحَمَّدٍ وَّ مَمَاتِي مَمَاتَ مُحَمَّدٍ وََ آلِ مُحَمَّدٍ
السلام عليكم و رحمة الله و بركاته
سنبدأ ببركة أبا عبد الله الحسين عليه السلام
قصائد شهر محرم الحرام ١٤٤٥ هــ
نسأل الله التوفيق و السداد وأن يكتبنا و إياكم من خدمة محمد وآله الطاهرين
لا تنسوني و والديّ من خالص دعائكم
#حسين_الأمين
حسين الأمين pinned «#محرم_الحرام اَللَّـهُمَّ اجْعَلْ مَحْيَايَ مَحْيَا مُحَمَّدٍ وَّ آلِ مُحَمَّدٍ وَّ مَمَاتِي مَمَاتَ مُحَمَّدٍ وََ آلِ مُحَمَّدٍ السلام عليكم و رحمة الله و بركاته سنبدأ ببركة أبا عبد الله الحسين عليه السلام قصائد شهر محرم الحرام ١٤٤٥ هــ نسأل الله التوفيق…»
#استهلالية_محرم_الحرام ١
__
هلالك يا شهر لو هل يشبه مقتله و التل
و اكصد كربله و انشر قميص حسين المخضب
_
ها يهلال أريد اوياك احجي و انته تسمعني
جيتك سيف ابن جوشن من اكفاي تذبحني
ما فاركتك بكل يوم كل ليله تلوعني
تره المذبوح أي يهلال حسين بكربله ابني
ما فاركتك بدمعي ابجيتك ينكسر ضلعي
وشوفه ساعة الهظمه قميص حسين المخضب
____
حسين الخله بيه اجروح ما ينرافن ابدمعه
يهلال انكسر ضلعي وهوه ما سلم ضلعه
اروح الكربله و احتار عليمن يا شهر انعه
شفت ساحكته صدره الخيل وسيف بمنحره يكطعه
بعيني شايفه المقتل اركاض من الخيم للتل
شفتها كطعة المنحر قميص حسين المخضب
____
شهكت بمذبحه شهكات كل شهكه بألف بسمار
سهم كلبه أخذ روحي من شفته غده محتار
اكعدت يم نحره من عافوه وحيد و عالتراب الحار
حرت بيش انه افييله و دمه من النحر يندار
نزف حد ما خلص دمه وانه بنحره اشتمه
صحت يا يمه يالمذبوح قميص حسين المخضب
____
فرشوا جسمه سفرة خيل يروح و يرجع الخيال
صحت عالخيل ما بسج طحنتي و عظمه صار ارمال
يلجمني كسر ضلعي كلما يلجمه العسّال
خنصر يمنته المكطوع ناصب للجرح تمثال
تدوسه الخيل بنفاسه وصلبوا عالرمح راسه
شفته و ما تراوالي قميص حسين المخضب
_
جم مره متت يهلال من زينب مشت عالنوك
مجتوفه بحبل والايد من جمر الخيم محروك
بناتي إلي نسبن يهلال وماكو هاشمي لاحوك
خرابة شام والكوفه وكل ديره يطبن سوك
رقيه ابالي ما راحت لمن عالطشت ماتت
بهذن كلهن يذكرني قميص حسين المخضب
حسين الأمين
__
هلالك يا شهر لو هل يشبه مقتله و التل
و اكصد كربله و انشر قميص حسين المخضب
_
ها يهلال أريد اوياك احجي و انته تسمعني
جيتك سيف ابن جوشن من اكفاي تذبحني
ما فاركتك بكل يوم كل ليله تلوعني
تره المذبوح أي يهلال حسين بكربله ابني
ما فاركتك بدمعي ابجيتك ينكسر ضلعي
وشوفه ساعة الهظمه قميص حسين المخضب
____
حسين الخله بيه اجروح ما ينرافن ابدمعه
يهلال انكسر ضلعي وهوه ما سلم ضلعه
اروح الكربله و احتار عليمن يا شهر انعه
شفت ساحكته صدره الخيل وسيف بمنحره يكطعه
بعيني شايفه المقتل اركاض من الخيم للتل
شفتها كطعة المنحر قميص حسين المخضب
____
شهكت بمذبحه شهكات كل شهكه بألف بسمار
سهم كلبه أخذ روحي من شفته غده محتار
اكعدت يم نحره من عافوه وحيد و عالتراب الحار
حرت بيش انه افييله و دمه من النحر يندار
نزف حد ما خلص دمه وانه بنحره اشتمه
صحت يا يمه يالمذبوح قميص حسين المخضب
____
فرشوا جسمه سفرة خيل يروح و يرجع الخيال
صحت عالخيل ما بسج طحنتي و عظمه صار ارمال
يلجمني كسر ضلعي كلما يلجمه العسّال
خنصر يمنته المكطوع ناصب للجرح تمثال
تدوسه الخيل بنفاسه وصلبوا عالرمح راسه
شفته و ما تراوالي قميص حسين المخضب
_
جم مره متت يهلال من زينب مشت عالنوك
مجتوفه بحبل والايد من جمر الخيم محروك
بناتي إلي نسبن يهلال وماكو هاشمي لاحوك
خرابة شام والكوفه وكل ديره يطبن سوك
رقيه ابالي ما راحت لمن عالطشت ماتت
بهذن كلهن يذكرني قميص حسين المخضب
حسين الأمين
#استهلالية_محرم_الحرام ٢
_____
افتح ابواب المدامع للزجيه
و انصب ابگلبك مواكب بالعزيه
يله يالخادم محرم هل هلاله
يضمن الجنه تره كلمن بچاله بالعزيه
_____
من سنه و انته دمع عينك تضمه
هذا شهر حسين اجه يلي تخدمه
اعتني صوب المجالس واسي امه
دمعتك ترخص لون ما تجري يمه
الما بچت لحسين عينه بيها خله
و اليحارب و اليضده خله بهله
كل اليعادي الشعاير دز رساله
يضمن الجنه تره كلمن بچاله
____
حضر الموكب يخادم و اوفي عهدك
لا يهمك كلمن ايحاول يضدك
حسين عايش كل وكت هو اليسندك
ضاع كلمن حاربه و امثال عندك
امس چانت هالمجالس مانعيها
حاولوا ينهون ذكره ناصبيها
أخذ من ماضي الزمن عبره و دلاله
يضمن الجنه تره كلمن بچاله
__
هذا عاشورك اجه يلي تنطره
انصب ابگلبك مئاتم سوي ثوره
بالدمع و اللطم يالشيعي انصره
كلشي انسه و ديربالك تنسى نحره
باللطم صدرك اخسفه بچف ادينك
بلكي يالتخدم امامك توفي دينك
صدر امامك بالخيول الجيش جاله
تضمن الجنه تره كلمن بچاله
__
خل طموحك يرضه بالخدمه امامك
حتى باچر بالحشر تضمن سلامك
لمن تبذل جهدك اتخيل امامك
حسين يقبل خدمتك و يعلي هامك
سجل بدمعة وفائك هالعباره
ماكو شي لجل ابو اليمه بي خساره
كلشي بالدنيه تره ايعيش اعله جاله
يضمن الجنه تره كلمن بچاله
__
هاي اخر كلمه احچيها بدرايه
اخدم حسين السبط من دون غايه
عيف رايك يالتحب و امشي اعله رايه
اعطش و لا ترتوي إلا من مايه
يا حياه من دونه تسوه يالتخدمه
هذا كل الكون يرحل فدوه لاسمه
دون نوره هالعمر يگضي استحاله
يضمن الجنه تره كلمن بچاله
حسين الأمين
_____
افتح ابواب المدامع للزجيه
و انصب ابگلبك مواكب بالعزيه
يله يالخادم محرم هل هلاله
يضمن الجنه تره كلمن بچاله بالعزيه
_____
من سنه و انته دمع عينك تضمه
هذا شهر حسين اجه يلي تخدمه
اعتني صوب المجالس واسي امه
دمعتك ترخص لون ما تجري يمه
الما بچت لحسين عينه بيها خله
و اليحارب و اليضده خله بهله
كل اليعادي الشعاير دز رساله
يضمن الجنه تره كلمن بچاله
____
حضر الموكب يخادم و اوفي عهدك
لا يهمك كلمن ايحاول يضدك
حسين عايش كل وكت هو اليسندك
ضاع كلمن حاربه و امثال عندك
امس چانت هالمجالس مانعيها
حاولوا ينهون ذكره ناصبيها
أخذ من ماضي الزمن عبره و دلاله
يضمن الجنه تره كلمن بچاله
__
هذا عاشورك اجه يلي تنطره
انصب ابگلبك مئاتم سوي ثوره
بالدمع و اللطم يالشيعي انصره
كلشي انسه و ديربالك تنسى نحره
باللطم صدرك اخسفه بچف ادينك
بلكي يالتخدم امامك توفي دينك
صدر امامك بالخيول الجيش جاله
تضمن الجنه تره كلمن بچاله
__
خل طموحك يرضه بالخدمه امامك
حتى باچر بالحشر تضمن سلامك
لمن تبذل جهدك اتخيل امامك
حسين يقبل خدمتك و يعلي هامك
سجل بدمعة وفائك هالعباره
ماكو شي لجل ابو اليمه بي خساره
كلشي بالدنيه تره ايعيش اعله جاله
يضمن الجنه تره كلمن بچاله
__
هاي اخر كلمه احچيها بدرايه
اخدم حسين السبط من دون غايه
عيف رايك يالتحب و امشي اعله رايه
اعطش و لا ترتوي إلا من مايه
يا حياه من دونه تسوه يالتخدمه
هذا كل الكون يرحل فدوه لاسمه
دون نوره هالعمر يگضي استحاله
يضمن الجنه تره كلمن بچاله
حسين الأمين
#استهلالية_محرم_الحرام ٣ شوط كربلائي
_______
يساكن روح روحي شلون يفارگني بعد ذكراك
يحسين الله ينساني لو فد لحظه إني انساك
__
اهلالك ما يغيب ابيوم خاطر هالشهر يظهر
يبو اليمه المصابك صار خدي ابدمعته امحفر
انسه أيامي لو ما نوح و أذكر گطعة المنحر
كل يوم اليمر عاشر
بكلبي و دمعتي امساهر
بدونك ضايع و حاير
شتسوه الدنيه من دونك ابلا مجلس و اظل انعاك
_
عايش و العمر طرواك بيك أيامي كاضيها
هيه الدنيه دونك بيش غير انته المحليها
الناس الذبحتك يحسين ريحة ناس ما بيها
عشت بالروح مو بالعين
دين الله و أصل هالدين
كلشي ايعود الك يحسين
من عاشور و العاشور اموتن و أعدل بطرواك
___
ناسيك شوكت يحسين عاشر بيه يوميه
ناصبلك مجالس ليل و اقرالك بروحيه
انام بصوت لطميه و افز بصوت لطميه
عاشرت الحزن عِشره
نعاوي و نايحه و حسره
يلي منذبح نحره
حادي ادموعي ما يرتاح و لا يتسامر ابفرگاك
____
ما فارك دمعتي عليك اليفاركنه بس كبري
إذا موش بجروحك هام ما يسواش كل عمري
مو عَشرة لطم يحسين عِشرة وياك ادك صدري
ماردني صبح جرحك
و يلچمني غده رمحك
و ذابحني الذي يذبحك
الطاري الخيل اموت و كون تسحگني انه ابلياك
_
كلبي جن علك شباج حيل بمجلسك شدني
أبدّي سنيني يمك ماي خاطر ترجع اتلمني
هوه العايش ابلياك لا حبه ولا يحبني
ما رافگت بس خادم
والي بمجلسك لاطم
جريمه تنحسب وادم
الما ناحت على امصابك ولا سارت على مسراك
حسين الأمين
_______
يساكن روح روحي شلون يفارگني بعد ذكراك
يحسين الله ينساني لو فد لحظه إني انساك
__
اهلالك ما يغيب ابيوم خاطر هالشهر يظهر
يبو اليمه المصابك صار خدي ابدمعته امحفر
انسه أيامي لو ما نوح و أذكر گطعة المنحر
كل يوم اليمر عاشر
بكلبي و دمعتي امساهر
بدونك ضايع و حاير
شتسوه الدنيه من دونك ابلا مجلس و اظل انعاك
_
عايش و العمر طرواك بيك أيامي كاضيها
هيه الدنيه دونك بيش غير انته المحليها
الناس الذبحتك يحسين ريحة ناس ما بيها
عشت بالروح مو بالعين
دين الله و أصل هالدين
كلشي ايعود الك يحسين
من عاشور و العاشور اموتن و أعدل بطرواك
___
ناسيك شوكت يحسين عاشر بيه يوميه
ناصبلك مجالس ليل و اقرالك بروحيه
انام بصوت لطميه و افز بصوت لطميه
عاشرت الحزن عِشره
نعاوي و نايحه و حسره
يلي منذبح نحره
حادي ادموعي ما يرتاح و لا يتسامر ابفرگاك
____
ما فارك دمعتي عليك اليفاركنه بس كبري
إذا موش بجروحك هام ما يسواش كل عمري
مو عَشرة لطم يحسين عِشرة وياك ادك صدري
ماردني صبح جرحك
و يلچمني غده رمحك
و ذابحني الذي يذبحك
الطاري الخيل اموت و كون تسحگني انه ابلياك
_
كلبي جن علك شباج حيل بمجلسك شدني
أبدّي سنيني يمك ماي خاطر ترجع اتلمني
هوه العايش ابلياك لا حبه ولا يحبني
ما رافگت بس خادم
والي بمجلسك لاطم
جريمه تنحسب وادم
الما ناحت على امصابك ولا سارت على مسراك
حسين الأمين
#استهلالية_محرم_الحرام ٤
___
فده العمر الك نذر
عيشني بحسينيه كون ابچيلك يوميه
___
رايد بجرحك حياتي ابلايه جرحك كلشي ما تسوه الحياة
أخذ بيدك عمري كله كون كل لحظه الجفون امبللات
عيشني الألم و افجعلي دلالي
رايد كل حياتي اجروحك اگبالي
شما دار الوكت بس انته البالي
مثل وهب الك وهب
عمره بصافي النيه كون ابچيلك يوميه
___
لچمه گلبي من طفوفك العذاب اوياك نعمه مو عذاب
احسبني گطرة ماي بلكت تروي عبدالله و ترده للرباب
رايد صوره من طفك تجي بعيني
يم حرگ الخيم و اللوعه وديني
و بذاك الجمر ابنص گلبي چويني
دموعي دم على الخيم
جمر الخيمه اطفي بيه كون ابچيلك يوميه
____
افرشني يم باب المخيم هيچ و تمر بيه سحگات الخيول
خاف يبقى ضلع سلم اخذه وي راسي على الهزل يجول
رايد راسي ينشال برمح مثلك
و لو ضربوها علويه يدنگلك
كون الضيم يترسني مثل اهلك
على الرمح أنه انذبح
رايد شوغة علويه كون ابچيلك يوميه
___
هاي كل احلامي بيدك طرزتهن چلمه چلمه بالدموع
خاف ما استاهل آنه هاك گلبي و شوفه بس لجلك يلوع
وقف كل المدامع بس على بابك
اترسهن و اوشلهن على امصابك
اقبلني عبد مملوك لاصحابك
عبد ردت ألك صرت
اقبلني و هاك ايديه كون ابچيلك يوميه
__
الله لا يحرمني منك من عزائك من خدمتك يا حسين
الكون لو بچفوفي ينحط ما ابدله بدمعة الخد و الونين
خليني بعزائك محترگ گلبي
رايد ييدي خدمه و ينتهي دربي
چني اويه اليتامه هم رحت مسبي
انتهى الحچي فقط بچي
امحلفك بالمسبيه كون ابچيلك يوميه
حسين الأمين
___
فده العمر الك نذر
عيشني بحسينيه كون ابچيلك يوميه
___
رايد بجرحك حياتي ابلايه جرحك كلشي ما تسوه الحياة
أخذ بيدك عمري كله كون كل لحظه الجفون امبللات
عيشني الألم و افجعلي دلالي
رايد كل حياتي اجروحك اگبالي
شما دار الوكت بس انته البالي
مثل وهب الك وهب
عمره بصافي النيه كون ابچيلك يوميه
___
لچمه گلبي من طفوفك العذاب اوياك نعمه مو عذاب
احسبني گطرة ماي بلكت تروي عبدالله و ترده للرباب
رايد صوره من طفك تجي بعيني
يم حرگ الخيم و اللوعه وديني
و بذاك الجمر ابنص گلبي چويني
دموعي دم على الخيم
جمر الخيمه اطفي بيه كون ابچيلك يوميه
____
افرشني يم باب المخيم هيچ و تمر بيه سحگات الخيول
خاف يبقى ضلع سلم اخذه وي راسي على الهزل يجول
رايد راسي ينشال برمح مثلك
و لو ضربوها علويه يدنگلك
كون الضيم يترسني مثل اهلك
على الرمح أنه انذبح
رايد شوغة علويه كون ابچيلك يوميه
___
هاي كل احلامي بيدك طرزتهن چلمه چلمه بالدموع
خاف ما استاهل آنه هاك گلبي و شوفه بس لجلك يلوع
وقف كل المدامع بس على بابك
اترسهن و اوشلهن على امصابك
اقبلني عبد مملوك لاصحابك
عبد ردت ألك صرت
اقبلني و هاك ايديه كون ابچيلك يوميه
__
الله لا يحرمني منك من عزائك من خدمتك يا حسين
الكون لو بچفوفي ينحط ما ابدله بدمعة الخد و الونين
خليني بعزائك محترگ گلبي
رايد ييدي خدمه و ينتهي دربي
چني اويه اليتامه هم رحت مسبي
انتهى الحچي فقط بچي
امحلفك بالمسبيه كون ابچيلك يوميه
حسين الأمين
#استهلالية_محرم_الحرام ٥ / تجليبه /
_ - _ - __
عاهدناك بالدم احنه عاهدنه
أبد متموت يحسين بضمايرنه
___
اجه شهر الحزن بالحسرة و الآهات
و كل شيعي لمصابك يهمل العبرات
عاهدناك نلطم نبقى بالعزيات
لو بالموكب انكتبت منيتنه
_
طلسم طفك امحير عقول الناس
بكثر دمعاتك الطاحن على العباس
يا مالك گلبنه و كلشي بيه احساس
غيرك يا ابو اليمه فلا عدنه
_
ما نترك عزائك لو يجينه الموت
مهما حاولوا ما ينصه هذا الصوت
يقين و بالعهد باچر جنان انفوت
صحنه بيك صحنه و بيك آمنه
_
يل الضحيت لله بكلشي متبالي
اشما قدمنه الك يحسين من غالي
ما نوفيك لو نلطملك اليالي
عبيدك احنه نبقى و أنته آمرنه
_
يل الواحد فلا مثلك بشر ينعد
على طول الزمن نحرك يظل ممتد
خدام الحضرتك يا حسين أشهد
شمحلاها لون يحسين تقبلنه
__
تربينه بمجالسكم على الخدمه
و أبد ما نترك امصابك يبو اليمه
نسير بدربك و ما نهمل النعمه
يحسين بخدمتك شان رافعنه
___
نعاهد ما نزل عن الدرب مره
إذا زلينه لا ترضى أمك الزهره
كل خادم يقدم منحره و عمره
رخصيه و ابد ما تغله مناحرنه
حسين الأمين
_ - _ - __
عاهدناك بالدم احنه عاهدنه
أبد متموت يحسين بضمايرنه
___
اجه شهر الحزن بالحسرة و الآهات
و كل شيعي لمصابك يهمل العبرات
عاهدناك نلطم نبقى بالعزيات
لو بالموكب انكتبت منيتنه
_
طلسم طفك امحير عقول الناس
بكثر دمعاتك الطاحن على العباس
يا مالك گلبنه و كلشي بيه احساس
غيرك يا ابو اليمه فلا عدنه
_
ما نترك عزائك لو يجينه الموت
مهما حاولوا ما ينصه هذا الصوت
يقين و بالعهد باچر جنان انفوت
صحنه بيك صحنه و بيك آمنه
_
يل الضحيت لله بكلشي متبالي
اشما قدمنه الك يحسين من غالي
ما نوفيك لو نلطملك اليالي
عبيدك احنه نبقى و أنته آمرنه
_
يل الواحد فلا مثلك بشر ينعد
على طول الزمن نحرك يظل ممتد
خدام الحضرتك يا حسين أشهد
شمحلاها لون يحسين تقبلنه
__
تربينه بمجالسكم على الخدمه
و أبد ما نترك امصابك يبو اليمه
نسير بدربك و ما نهمل النعمه
يحسين بخدمتك شان رافعنه
___
نعاهد ما نزل عن الدرب مره
إذا زلينه لا ترضى أمك الزهره
كل خادم يقدم منحره و عمره
رخصيه و ابد ما تغله مناحرنه
حسين الأمين
#استهلالية_محرم_الحرام ٦
____
شفتك علي بكربله شفتك نبي و بسمله
ما چنت محتاج العين من ركزت بالحب زين
شفتك نبي و بسمله
___
شفتك رساله ابلا حرف لا تنمحي و لا تنكتب
شفتك سُلاله امن الصبر شما تعطش اتبين رطب
ردت احسب اجروحك عدد بس النهر ما ينحسب
و اعرفت مو مثل البشر من شفت رمحك ينتحب
من خنصرك كل هوه دم منحرك شع ضوه
ما طحت خالد كل حين من ركزت بالحب زين
______
شفتك شريعة چم نبي كل جرح من عندك نهج
يالتارك الحج منغصب هسه الدهر يمك يحج
طافت سيوف ابريّتك وبالرمح راسك منعرج
وشفتك اترتل ابلا حرج لچن على اختك منحرج
فسرت كل السور و انته اعله رمحك نحر
رتلت آيات الدين من ركزت بالحب زين
_____
بالطف نهر زمزم صرت بس الفرق تجري دمه
يا ماي يم شفتك يشح والكوثر امك فاطمه
بيدك تغيير كل قدر وبنظرتك تمطر سمه
بس انته مختار الذبح ونيران بيك امن الضمه
وخيامك التحترگ مختارهن و السحگ
بيهن شفت عز البين من ركزت بالحب زين
_____
شفتك بلا عين و صور بالعقل فكره اتجسدت
و الگلب لو حبك صدگ الغيرك ابد ما يلتفت
كل العشگ واهل العشگ چذبه و فقط بيك آمنت
واعرفت ايماني كمل من شفت بيك اتجننت
مفتاح گلبي انرمه لمن صرت مغرمه
ما عاشرت وياك اثنين من ركزت بالحب زين
______
شفتك بكل معنى النظر واستحوذت كل الفكر
انچان ما شفتك صدگ چا ليش اكتبلك شعر
انته هذاك المنسلب بس علمتني اعله الستر
انته هذاك الـ بالحرب چنك علي ما تنكسر
انته الصُحف و الذكر انته الشرف للخدر
انته وتظل انته حسين من ركزت بالحب زين
_______
الما باچي لمصابك دمع يا جنه باچر تقبله
كل نبي ما يصبح نبي لو ما يون الكربله
ابراهيم ضحالك إبن خاطر ترفعه منزله
ويحيى انصلب راسه برمح ايواسيك راد بمقتله
اليگضي العمر مو الك بالنار باچر هلك
ابجالك عشت بالدارين من ركزت بالحب زين
حسين الأمين
____
شفتك علي بكربله شفتك نبي و بسمله
ما چنت محتاج العين من ركزت بالحب زين
شفتك نبي و بسمله
___
شفتك رساله ابلا حرف لا تنمحي و لا تنكتب
شفتك سُلاله امن الصبر شما تعطش اتبين رطب
ردت احسب اجروحك عدد بس النهر ما ينحسب
و اعرفت مو مثل البشر من شفت رمحك ينتحب
من خنصرك كل هوه دم منحرك شع ضوه
ما طحت خالد كل حين من ركزت بالحب زين
______
شفتك شريعة چم نبي كل جرح من عندك نهج
يالتارك الحج منغصب هسه الدهر يمك يحج
طافت سيوف ابريّتك وبالرمح راسك منعرج
وشفتك اترتل ابلا حرج لچن على اختك منحرج
فسرت كل السور و انته اعله رمحك نحر
رتلت آيات الدين من ركزت بالحب زين
_____
بالطف نهر زمزم صرت بس الفرق تجري دمه
يا ماي يم شفتك يشح والكوثر امك فاطمه
بيدك تغيير كل قدر وبنظرتك تمطر سمه
بس انته مختار الذبح ونيران بيك امن الضمه
وخيامك التحترگ مختارهن و السحگ
بيهن شفت عز البين من ركزت بالحب زين
_____
شفتك بلا عين و صور بالعقل فكره اتجسدت
و الگلب لو حبك صدگ الغيرك ابد ما يلتفت
كل العشگ واهل العشگ چذبه و فقط بيك آمنت
واعرفت ايماني كمل من شفت بيك اتجننت
مفتاح گلبي انرمه لمن صرت مغرمه
ما عاشرت وياك اثنين من ركزت بالحب زين
______
شفتك بكل معنى النظر واستحوذت كل الفكر
انچان ما شفتك صدگ چا ليش اكتبلك شعر
انته هذاك المنسلب بس علمتني اعله الستر
انته هذاك الـ بالحرب چنك علي ما تنكسر
انته الصُحف و الذكر انته الشرف للخدر
انته وتظل انته حسين من ركزت بالحب زين
_______
الما باچي لمصابك دمع يا جنه باچر تقبله
كل نبي ما يصبح نبي لو ما يون الكربله
ابراهيم ضحالك إبن خاطر ترفعه منزله
ويحيى انصلب راسه برمح ايواسيك راد بمقتله
اليگضي العمر مو الك بالنار باچر هلك
ابجالك عشت بالدارين من ركزت بالحب زين
حسين الأمين
#ليالي_العليلة_ع ١
____
نجوم الليل ياما ناشدت عنك نجوم الليل
هجرني الحيل ماكو أي خبر منك هجرني الحيل
احسبلك دمعاتي بالنجمه احچاياتي
_
امرافگه الهظمه و تاركه البسمه
يوم ما هدتني ايدك
إيست روحي أحسب جروحي
كلهن ايصيحن نريدك
خلصت دمعات ليلي و ظلت آلام
النجم گد ما عرفني بعتبتي اينام
يامه ناشدته يردلي و ترجع اوهام
گلب محتار .. خطوتك تيهت دربي گلب محتار
ارسمت بالدار ملامح حيرتي وتعبي ارسمت بالدار
و أتصور حسراتي بالنجمه احچاياتي
_
اكتب و ارسل حزني ما يحمل
و الصخر فت من ونيني
النجمه مرسالي عاين أحوالي
اعليها ابعثلك حنيني
للسمه صد من يمر ابدربك الليل
عالنجم مكتوبه بنتك شافت الويل
روحي مطحونه بغيابك طحنة الهيل
على النجمات أكتبلي وأنه اكتبلك على النجمات
بلا لچمات بلگت اگدر اوصلك بلا لچمات
انساهن لچماتي بالنجمه احچاياتي
___
من رحت عني كلشي فارگني
رافگت علتي و نحيبي
كل ابو البنته اتلمها عاطفته
ضايعه بعدك نصيبي
بويه من حمّل ظعنكم ثگلت الروح
ضيّعت كل السوالف چلمت اتروح
من كثر ما باچيتلك علمت نوح
ردت وياك ابهودج عمتي اتحطني ردت وياك
يمن بچفاك اظل ابحسبتي و ظني يمن بچفاك
ما تخلص حسباتي بالنجمة احچاياتي
____
اتخيلت ليلي وانته تحچيلي
و بوسط حظنك گعدتي
تسأل و أسأل وإني ادلل
و اسمعك تهتف يبنتي
إحساسي هالمره صدمني شايل اخبار
ما ترد كلمة يبنتي اسمعها بالدار
خايفه بويه و دليلي و عقلي محتار
اشوفك جاي يمته اتحقق أحلامي اشوفك جاي
فگدت الراي تخيلتك متت ضامي فگدت الراي
ارجعلي صرخاتي بالنجمه احچاياتي
__
بموطن الجرحه صايره سبحه
امطشره و بس بيدك التم
من بعد نوحي و معركة روحي
ينعه أسمع ابن حذلم
حسين عفته اعله الوطيه و جسمه مسحوگ
و عالرمح يفتر نظرته راسه بالسوگ
و زينب ابلايه الكفلها صعدت النوگ
متت يحسين اعيش شلون من دونك متت يحسين
عشت يومين فقط من غيبة اعيونك عشت يومين
ما طالت ساعاتي بالنجمه احچاياتي
حسين الأمين
____
نجوم الليل ياما ناشدت عنك نجوم الليل
هجرني الحيل ماكو أي خبر منك هجرني الحيل
احسبلك دمعاتي بالنجمه احچاياتي
_
امرافگه الهظمه و تاركه البسمه
يوم ما هدتني ايدك
إيست روحي أحسب جروحي
كلهن ايصيحن نريدك
خلصت دمعات ليلي و ظلت آلام
النجم گد ما عرفني بعتبتي اينام
يامه ناشدته يردلي و ترجع اوهام
گلب محتار .. خطوتك تيهت دربي گلب محتار
ارسمت بالدار ملامح حيرتي وتعبي ارسمت بالدار
و أتصور حسراتي بالنجمه احچاياتي
_
اكتب و ارسل حزني ما يحمل
و الصخر فت من ونيني
النجمه مرسالي عاين أحوالي
اعليها ابعثلك حنيني
للسمه صد من يمر ابدربك الليل
عالنجم مكتوبه بنتك شافت الويل
روحي مطحونه بغيابك طحنة الهيل
على النجمات أكتبلي وأنه اكتبلك على النجمات
بلا لچمات بلگت اگدر اوصلك بلا لچمات
انساهن لچماتي بالنجمه احچاياتي
___
من رحت عني كلشي فارگني
رافگت علتي و نحيبي
كل ابو البنته اتلمها عاطفته
ضايعه بعدك نصيبي
بويه من حمّل ظعنكم ثگلت الروح
ضيّعت كل السوالف چلمت اتروح
من كثر ما باچيتلك علمت نوح
ردت وياك ابهودج عمتي اتحطني ردت وياك
يمن بچفاك اظل ابحسبتي و ظني يمن بچفاك
ما تخلص حسباتي بالنجمة احچاياتي
____
اتخيلت ليلي وانته تحچيلي
و بوسط حظنك گعدتي
تسأل و أسأل وإني ادلل
و اسمعك تهتف يبنتي
إحساسي هالمره صدمني شايل اخبار
ما ترد كلمة يبنتي اسمعها بالدار
خايفه بويه و دليلي و عقلي محتار
اشوفك جاي يمته اتحقق أحلامي اشوفك جاي
فگدت الراي تخيلتك متت ضامي فگدت الراي
ارجعلي صرخاتي بالنجمه احچاياتي
__
بموطن الجرحه صايره سبحه
امطشره و بس بيدك التم
من بعد نوحي و معركة روحي
ينعه أسمع ابن حذلم
حسين عفته اعله الوطيه و جسمه مسحوگ
و عالرمح يفتر نظرته راسه بالسوگ
و زينب ابلايه الكفلها صعدت النوگ
متت يحسين اعيش شلون من دونك متت يحسين
عشت يومين فقط من غيبة اعيونك عشت يومين
ما طالت ساعاتي بالنجمه احچاياتي
حسين الأمين
#ليالي_العليلة_ع ٢ (( شوط كربلائي ))
__
بعد ما إيست أمشي وي والدي بالسفره
الضعينتهم رحت احچي و هلن يمها بالعبره
_
أول ناگه رحتلها ناكة والدي بدمعه
بالچ من سفركم هاذ يتعب مهجة البضعه
لمن توصلين بخير لطوّليـن بالرجعه
تراني ميته تلگوني
لو رحتوا و تخلوني
الجيتكم تره عيوني
مشبوحه اعله باب الدار هلبت تنطرق مره
__
مشيت الناگة العباس احچي و هيه تسمعني
من يصعد گمر هاشم بلكي اويا يصعدني
لا يمشي و يخليني بدمعي وحيرتي وحزني
ابقه امناطره رده
يلفيني بأقل مده
ما أتحمل الوحده
گولي العمي العباس العليله الجيته منتظره
__
وصلت الناگه مهيوبه هودج عمتي زينب
فخر خدر الهواشم شال بستره و عفّته امهيب
يناگه عني من تمشين گلبي من البعد شيب
فدوه ما تصعديني
وي عمتي تخليني
بعدها شلّي بسنيني
هلبت والدي يقبل و تقبل عمتي الحره
__
هوادج نور فوگ النوگ أنظر و الحزن بيه
مشيت الناگة الخوه علي الأكبر هوه الريه
يناگه فدوه حاچينه بسرعه خل يرد ليه
شلون اتصبر افراگه
لا يهجرني يالناگه
كلبي تذبح اشواگه
اخويه و ما اظن يرضه اخيته تبقه منكسره
____
فجئه و ناگت اسكينه صارت لنها گدامي
رقيه بيها وي خوله اوياهن اصعد احلامي
عبدالله الصعب فرگاه حبيبي و ضحكة ايامي
يا دمعه تهل العين
و كل اهلي شفت ماشين
يلفيني عساه البين
ولا شاهد خواتي اتروح عني و اجذب الحسره
حسين الأمين
__
بعد ما إيست أمشي وي والدي بالسفره
الضعينتهم رحت احچي و هلن يمها بالعبره
_
أول ناگه رحتلها ناكة والدي بدمعه
بالچ من سفركم هاذ يتعب مهجة البضعه
لمن توصلين بخير لطوّليـن بالرجعه
تراني ميته تلگوني
لو رحتوا و تخلوني
الجيتكم تره عيوني
مشبوحه اعله باب الدار هلبت تنطرق مره
__
مشيت الناگة العباس احچي و هيه تسمعني
من يصعد گمر هاشم بلكي اويا يصعدني
لا يمشي و يخليني بدمعي وحيرتي وحزني
ابقه امناطره رده
يلفيني بأقل مده
ما أتحمل الوحده
گولي العمي العباس العليله الجيته منتظره
__
وصلت الناگه مهيوبه هودج عمتي زينب
فخر خدر الهواشم شال بستره و عفّته امهيب
يناگه عني من تمشين گلبي من البعد شيب
فدوه ما تصعديني
وي عمتي تخليني
بعدها شلّي بسنيني
هلبت والدي يقبل و تقبل عمتي الحره
__
هوادج نور فوگ النوگ أنظر و الحزن بيه
مشيت الناگة الخوه علي الأكبر هوه الريه
يناگه فدوه حاچينه بسرعه خل يرد ليه
شلون اتصبر افراگه
لا يهجرني يالناگه
كلبي تذبح اشواگه
اخويه و ما اظن يرضه اخيته تبقه منكسره
____
فجئه و ناگت اسكينه صارت لنها گدامي
رقيه بيها وي خوله اوياهن اصعد احلامي
عبدالله الصعب فرگاه حبيبي و ضحكة ايامي
يا دمعه تهل العين
و كل اهلي شفت ماشين
يلفيني عساه البين
ولا شاهد خواتي اتروح عني و اجذب الحسره
حسين الأمين
#ليالي_العليلة_ع ٣
__
يا ريح للغالي وديلي مرسالي
طالت عليه غيبته وديلي مرسالي
___
يا هوه أخذ الرساله و اگصد الظعن الاهل
خاف ناسيني ابويه عني ما مره سئل
روح وصل هالرساله هلبت ايردلي امل
ايّست روحي تراها يوم من يمي ارتحل
ماكو خبر عنهم يا ريح ناشدهم
تارك عليله ابنيّته وديلي مرسالي
_
امساهره يا ريح وحدي والحزن بيه بنه
ديرة اهموم و نوايب بالگلب مستوطنه
بليل ما غمضت عيني ولا نمت بعده بهنه
جامع الون صار بيتي كل جرح بي مأذنه
هلبت يرد ظعني يا ريح جاوبني
تذبح دليلي فرگته وديلي مرسالي
__
اتعودت كل فجر روحي تنوي ليليه الدمع
وشبحت اعله الباب عيني بلكي مره يندفع
فعلاً اشبهها الزجيه امشي محنية ضلع
ايذوب وي السهر عمري مثل ميذوب الشمع
لمن رحل عني بيه استقر حزني
يا ريح گلي بحالته وديلي مرسالي
__
جرحه نايم وسط گلبي واشيطيّب خاطره
چن غصن بالغربه وحدي ذابل ابلايه اشجره
يا هوه ماريد منه بعد يوصل وانظره
هسه كل امنيتي عطره دزه إلي من منحره
خليني اشتمّه تبرد إلي لچمه
خل افرح بشم رگبته وديلي مرسالي
_
كثر ما تعبني هجره اگعد ارسمله صور
رافچت بابي و عتبته هلبت الجيته أثر
بكلشي دزيت الرساله الطير وانجوم و گمر
لو تشوفون الظعينه الوالدي وصلوا خبر
گلوله منتظره رجعتك بالسفره
ادريها تنزل دمعته وديلي مرسالي
___
ها يريح العطر هذا منه كل حيلي انهدم
اشم بي موت و ضحايه و نحر ابويه يجري دم
آخر الشهگات چانت نزلت بريتي سهم
لا تگلي حسين ميت وصدره بالخيل انهشم
شمّيت احساسه برمح انرفع راسه
من الگفه چن ذبحته وديلي مرسالي
حسين الأمين
__
يا ريح للغالي وديلي مرسالي
طالت عليه غيبته وديلي مرسالي
___
يا هوه أخذ الرساله و اگصد الظعن الاهل
خاف ناسيني ابويه عني ما مره سئل
روح وصل هالرساله هلبت ايردلي امل
ايّست روحي تراها يوم من يمي ارتحل
ماكو خبر عنهم يا ريح ناشدهم
تارك عليله ابنيّته وديلي مرسالي
_
امساهره يا ريح وحدي والحزن بيه بنه
ديرة اهموم و نوايب بالگلب مستوطنه
بليل ما غمضت عيني ولا نمت بعده بهنه
جامع الون صار بيتي كل جرح بي مأذنه
هلبت يرد ظعني يا ريح جاوبني
تذبح دليلي فرگته وديلي مرسالي
__
اتعودت كل فجر روحي تنوي ليليه الدمع
وشبحت اعله الباب عيني بلكي مره يندفع
فعلاً اشبهها الزجيه امشي محنية ضلع
ايذوب وي السهر عمري مثل ميذوب الشمع
لمن رحل عني بيه استقر حزني
يا ريح گلي بحالته وديلي مرسالي
__
جرحه نايم وسط گلبي واشيطيّب خاطره
چن غصن بالغربه وحدي ذابل ابلايه اشجره
يا هوه ماريد منه بعد يوصل وانظره
هسه كل امنيتي عطره دزه إلي من منحره
خليني اشتمّه تبرد إلي لچمه
خل افرح بشم رگبته وديلي مرسالي
_
كثر ما تعبني هجره اگعد ارسمله صور
رافچت بابي و عتبته هلبت الجيته أثر
بكلشي دزيت الرساله الطير وانجوم و گمر
لو تشوفون الظعينه الوالدي وصلوا خبر
گلوله منتظره رجعتك بالسفره
ادريها تنزل دمعته وديلي مرسالي
___
ها يريح العطر هذا منه كل حيلي انهدم
اشم بي موت و ضحايه و نحر ابويه يجري دم
آخر الشهگات چانت نزلت بريتي سهم
لا تگلي حسين ميت وصدره بالخيل انهشم
شمّيت احساسه برمح انرفع راسه
من الگفه چن ذبحته وديلي مرسالي
حسين الأمين
#ليالي_العليلة_ع ٤
_ - _ - _
گعدت بالليل وي نجم سهيل
مهدومة حيل بمدمع همال
و بكتر أبوها گاعدة
مو طفلة جنها والده
منتظره يلفيها النده بمدمع همال
_
طفله ازغيره وجانت حلوه .. بس البلوه
حاطتها
بليل وسدّر عنها الوالد .. ما ظل واحد
محنتها
محد إلها باقي عليله اتركوها
ياهو يواسي الاعليل و أهلها چفوها
لا أخ إلها لا عم و لا ظل أبوها
مشوا و بچلمة اوداع أحبكم لگوها
ديرة خلان چانت قرآن
صارت أحزان بعد الأحباب
حايره اعليمن تصد
و الوجه مثل الورد
اتذبّله چلمة بُعد يشرح يا حال
___
گعدت يمهم مثل الشمعه .. بهيده الدمعه
من أطيح
گعدت واتانيهم بلكت .. واحد هلبت
ليها يصيح
تدعي وياهم اليوم تحضر هدمها
بلگت ثغر الحسين ينادي بسمها
وحيده ما تريد و تظل ابألمها
عليله و من يروحون تموت بحلمها
منتظره تروح متروسه اجروح
متهيد الروح فرگاهم موت
ظلت اتروح و تجي
و من العيون الحجي
كثر ما بيها بجي عالخد شلال
___
ظلت تبچي اتعنى إلها .. حسين و گلها
لا تبچين
اعزيزه اعليه دمعة عينچ .. كافي ونينچ
فدوه حسين
زينب جتي الها تصبر الحبيبه
رجعتنه يعمه تراهي قريبه
اتگلها من السفر هاذ أشاهد مصيبه
خافن من ترجعون ذبيح و سليبه
ظلت بآلام و دمعة أيتام
من الاحلام شافت لوعات
ظلت ابحيره ورعب
و الجرح وسط بالگلب
غربه و بديرة غرب ما يصفه البال
_
بخدها الدمعه تنزل ترفه .. بس يا وسفه
عافوها
مثل الميته صارت بتهم .. من شافتهم
تركوها
أصبح مظلم البيت وحيده و عليله
والموت إلها أظن حان غريبه و ثچيله
تحرك ظلت الباب و لا من وسيله
بلكت هالهوه الهاب يذكّر دليله
بعتبات الدار سوت تذكار
بليل و بنهار أتاني الغياب
ادز سلام اويه الهوه
مخصوص لهلي بنينوى
گله بنتك بالضوه تنحب و ليال
__
كل هم الدنيا اعليها التم .. اعليها غيم
برسومه
بالباب اتسولف منحتها .. وابدمعتها
مهظومه
ظلت تنشد الراح و اليعود عليهم
لمن تدخل الدار يمر كل حچيهم
شابت بيها الانفاس و سوالفها بيهم
كل يوميه بالطيف للطفوف تجيهم
مرت بمصاب گلب إلها ذاب
من الغياب عاشت بآلام
اللحظة مرت چن سنه
أبد ما شافت هنه
و الحزن بيها بنه ديره من اجبال
حسين الأمين
_ - _ - _
گعدت بالليل وي نجم سهيل
مهدومة حيل بمدمع همال
و بكتر أبوها گاعدة
مو طفلة جنها والده
منتظره يلفيها النده بمدمع همال
_
طفله ازغيره وجانت حلوه .. بس البلوه
حاطتها
بليل وسدّر عنها الوالد .. ما ظل واحد
محنتها
محد إلها باقي عليله اتركوها
ياهو يواسي الاعليل و أهلها چفوها
لا أخ إلها لا عم و لا ظل أبوها
مشوا و بچلمة اوداع أحبكم لگوها
ديرة خلان چانت قرآن
صارت أحزان بعد الأحباب
حايره اعليمن تصد
و الوجه مثل الورد
اتذبّله چلمة بُعد يشرح يا حال
___
گعدت يمهم مثل الشمعه .. بهيده الدمعه
من أطيح
گعدت واتانيهم بلكت .. واحد هلبت
ليها يصيح
تدعي وياهم اليوم تحضر هدمها
بلگت ثغر الحسين ينادي بسمها
وحيده ما تريد و تظل ابألمها
عليله و من يروحون تموت بحلمها
منتظره تروح متروسه اجروح
متهيد الروح فرگاهم موت
ظلت اتروح و تجي
و من العيون الحجي
كثر ما بيها بجي عالخد شلال
___
ظلت تبچي اتعنى إلها .. حسين و گلها
لا تبچين
اعزيزه اعليه دمعة عينچ .. كافي ونينچ
فدوه حسين
زينب جتي الها تصبر الحبيبه
رجعتنه يعمه تراهي قريبه
اتگلها من السفر هاذ أشاهد مصيبه
خافن من ترجعون ذبيح و سليبه
ظلت بآلام و دمعة أيتام
من الاحلام شافت لوعات
ظلت ابحيره ورعب
و الجرح وسط بالگلب
غربه و بديرة غرب ما يصفه البال
_
بخدها الدمعه تنزل ترفه .. بس يا وسفه
عافوها
مثل الميته صارت بتهم .. من شافتهم
تركوها
أصبح مظلم البيت وحيده و عليله
والموت إلها أظن حان غريبه و ثچيله
تحرك ظلت الباب و لا من وسيله
بلكت هالهوه الهاب يذكّر دليله
بعتبات الدار سوت تذكار
بليل و بنهار أتاني الغياب
ادز سلام اويه الهوه
مخصوص لهلي بنينوى
گله بنتك بالضوه تنحب و ليال
__
كل هم الدنيا اعليها التم .. اعليها غيم
برسومه
بالباب اتسولف منحتها .. وابدمعتها
مهظومه
ظلت تنشد الراح و اليعود عليهم
لمن تدخل الدار يمر كل حچيهم
شابت بيها الانفاس و سوالفها بيهم
كل يوميه بالطيف للطفوف تجيهم
مرت بمصاب گلب إلها ذاب
من الغياب عاشت بآلام
اللحظة مرت چن سنه
أبد ما شافت هنه
و الحزن بيها بنه ديره من اجبال
حسين الأمين
#ليلة_ام_الوفاء_والبنين_ع ١
____
حگ الربه حل موعده والدم ييمه ايسدده
كلمه وعهد تنطوني اويه الزهره لتفشلوني
يا ولدي يا ولدي
______
ليلة سهر . . قبل السفر نادت ولدها
أما بعد .. احچايه وعهد من هوه گدها
يوم الحرب .. حيدر يطب ساعة شددها
الطاري الخدر .. يفدي العمر ولحگوگي ردها
اخبار البطوله امناطره وإلي يرد ما اعذره
بخباركم فرحوني اويه الزهره لتفشلوني
______
يا يمه الك .. ما عندي شك بسيفك يجعفر
ظل مستعد .. و أسجد عبد يم أبو الاكبر
لو يندبك .. بمّذهبك لحسينك احضر
أدري شهم .. اترجف زلم ارباية غضنفر
لو يطلبك تركض سهم قبل النفس كلمة نعم
لا ما تخيب اظنوني اويه الزهره لتفشلوني
____
اتكرر إلي .. صولة علي يا عون اريدك
بدم منحرك .. وبمصرعك اتوشل وريدك
لو عالخيم .. گرّب سهم لا يعبر ايدك
اهتف شرط .. يم السبط احنه عبيدك
هاي الرساله الكربله يا سيدي تنده اله
لحسين ماي عيوني اويه الزهره لتفشلوني
_____
عندي أمر .. موتك نصر عبدالله يبني
و الفاطمه . . بالخاتمه لتخيبه ظني
والطف طلب .. اربع رگب رايدها مني
حل الوعد .. يبن الاسد الهاي اوعدتني
يا يمه حل وگت الشدد عبدالله بعدك عالوعد
اوفيكم و توفوني اويه الزهره لتفشلوني
_____
بحمايتك .. وبصايتك اختك يعباس
لا تنتظر .. منها أمر افهم بالاحساس
عزب سهم .. چف للخيم وعامود بالراس
ولا زينبك .. اتظل تندبك وبولية الناس
عباس من بعد الذبح راسك ارفعه اعله الرمح
خل يحرس اعله ظعوني اويه الزهره لتفشلوني
حسين الأمين
____
حگ الربه حل موعده والدم ييمه ايسدده
كلمه وعهد تنطوني اويه الزهره لتفشلوني
يا ولدي يا ولدي
______
ليلة سهر . . قبل السفر نادت ولدها
أما بعد .. احچايه وعهد من هوه گدها
يوم الحرب .. حيدر يطب ساعة شددها
الطاري الخدر .. يفدي العمر ولحگوگي ردها
اخبار البطوله امناطره وإلي يرد ما اعذره
بخباركم فرحوني اويه الزهره لتفشلوني
______
يا يمه الك .. ما عندي شك بسيفك يجعفر
ظل مستعد .. و أسجد عبد يم أبو الاكبر
لو يندبك .. بمّذهبك لحسينك احضر
أدري شهم .. اترجف زلم ارباية غضنفر
لو يطلبك تركض سهم قبل النفس كلمة نعم
لا ما تخيب اظنوني اويه الزهره لتفشلوني
____
اتكرر إلي .. صولة علي يا عون اريدك
بدم منحرك .. وبمصرعك اتوشل وريدك
لو عالخيم .. گرّب سهم لا يعبر ايدك
اهتف شرط .. يم السبط احنه عبيدك
هاي الرساله الكربله يا سيدي تنده اله
لحسين ماي عيوني اويه الزهره لتفشلوني
_____
عندي أمر .. موتك نصر عبدالله يبني
و الفاطمه . . بالخاتمه لتخيبه ظني
والطف طلب .. اربع رگب رايدها مني
حل الوعد .. يبن الاسد الهاي اوعدتني
يا يمه حل وگت الشدد عبدالله بعدك عالوعد
اوفيكم و توفوني اويه الزهره لتفشلوني
_____
بحمايتك .. وبصايتك اختك يعباس
لا تنتظر .. منها أمر افهم بالاحساس
عزب سهم .. چف للخيم وعامود بالراس
ولا زينبك .. اتظل تندبك وبولية الناس
عباس من بعد الذبح راسك ارفعه اعله الرمح
خل يحرس اعله ظعوني اويه الزهره لتفشلوني
حسين الأمين
#ليالي_ام_الوفاء_والبنين_ع ٢ ( ميمر )
______
بالطف أبو اليمه كون ... يا يمه يفخر بيكم
الموعد گرب و أرض الطفوف اتناطر
شدوا حزمكم و استعدوا الباجر
ماريد أبو اليمه وحيد و حاير
صيروا ستر جيش حسين ... أربعة و امسميكم
______
صيروا درع يم الخيم و الخدر
حتى الهوه يم الخدر لا يفتر
ماريد واحد عالخيم يتجسر
الزينبكم افدوا الارواح ... حيدر علي اموصيكم
_____
اعله الخيم خلوها ترف الرايه
و يصبح اسمكم بالطف الوفايه
هذا الوعد مني و افهموا حجايه
إلي يرد دون حسين .. يحرم حليبي اعليكم
____
يم الحسين اتصغروا و اتكبرون
بلايه إذن يا يمه لا لا تحجون
هاذي وصيتي الكم يعبدالله و عون
حگ الربه توفي اليوم ... و بأمرته خليكم
___
كون بقتالك يبني جعفر ترعد
و يابه الفضل أنته الذخر يوم الجد
طفيها عين اعله الخدر من اتصد
عيدوا علي بگطع الروس ... بسيفه علي مربيكم
______
فروا الكواكب لو أمر يمه حسين
كونوا عبيدا ترفعوا اليوم الدين
لو يحجي يمكم لا ترفعون العين
صيروا جبل للحگ سيف ... واتمسكوا بواليكم
______
ماريدن إسهام العطش تاخذ حيل
واحدكم الحد الخيم يصبح سيل
ما أرضه إلا ادماكم اعليها تسيل
لا ما تقصرون بروح ... من العطش ياذيكم
_____
رايتكم اعله المشرعه ركزوها
يم الحسين اترفرف و علوها
حارس العين اعله الخدر خلوها
دون الخدر طيحوا العين ... يا يمه أفخر بيكم
حسين الأمين
______
بالطف أبو اليمه كون ... يا يمه يفخر بيكم
الموعد گرب و أرض الطفوف اتناطر
شدوا حزمكم و استعدوا الباجر
ماريد أبو اليمه وحيد و حاير
صيروا ستر جيش حسين ... أربعة و امسميكم
______
صيروا درع يم الخيم و الخدر
حتى الهوه يم الخدر لا يفتر
ماريد واحد عالخيم يتجسر
الزينبكم افدوا الارواح ... حيدر علي اموصيكم
_____
اعله الخيم خلوها ترف الرايه
و يصبح اسمكم بالطف الوفايه
هذا الوعد مني و افهموا حجايه
إلي يرد دون حسين .. يحرم حليبي اعليكم
____
يم الحسين اتصغروا و اتكبرون
بلايه إذن يا يمه لا لا تحجون
هاذي وصيتي الكم يعبدالله و عون
حگ الربه توفي اليوم ... و بأمرته خليكم
___
كون بقتالك يبني جعفر ترعد
و يابه الفضل أنته الذخر يوم الجد
طفيها عين اعله الخدر من اتصد
عيدوا علي بگطع الروس ... بسيفه علي مربيكم
______
فروا الكواكب لو أمر يمه حسين
كونوا عبيدا ترفعوا اليوم الدين
لو يحجي يمكم لا ترفعون العين
صيروا جبل للحگ سيف ... واتمسكوا بواليكم
______
ماريدن إسهام العطش تاخذ حيل
واحدكم الحد الخيم يصبح سيل
ما أرضه إلا ادماكم اعليها تسيل
لا ما تقصرون بروح ... من العطش ياذيكم
_____
رايتكم اعله المشرعه ركزوها
يم الحسين اترفرف و علوها
حارس العين اعله الخدر خلوها
دون الخدر طيحوا العين ... يا يمه أفخر بيكم
حسين الأمين
#ليالي_ام_البنين ٣
____
يا قافلة العزيز انه ام البنين
هاذي وصيتي الكربله من تعتنين
لو تعمي المدامع عيني دزي قميص حسيني
__
يا قافله لو للسفر هاي المسيه انويتي
حفظيها من ام ثاكله كل جلمه من اوصيتي
يالشايله كلشي إلي روحي و دمعتي و بيتي
كل خطوه امشيها بحذر لو للطفوف امشيتي
ديري بالج عالحراير و الحسين
دربج طويل و خايفه تتعثرين
اترجاج لا تنسيني دزي قميص حسيني
__
أم اربعه كلهم مشوا و بوحدي تركوني
أمهم انه يا قافله بس ولدي ميهموني
خافن يأذيني الهجر و بدمعتي ايخلوني
دزي قميص ابن النبي فدواته ماي اعيوني
لو طال بيج المكصد اويه ابن البتول
دزي عطره بدونه عمري ما يطول
اويه الريح اشم خليني دزي قميص حسيني
__
خلي اعله بالج راكبه خدر الهواشم كلها
بخرت هودجها بعلي و سورة الزهره اقره الها
يا قافله كلشي و لا واحد يصد الظلها
بهونج اكطعي هالدرب خوفي يرك محملها
دزيت وياها حرس ابني الكمر
كتله انذبح عن لا يشوفوها البشر
كالالي لتوصيني دزي قميص حسيني
___
يعقوب ثاني بالدمع صايره و خدي امحفر
مو بنيمين انه انذرت أربعة الكطع المنحر
ديرت حزن بيه انبنت عكبه الجفن ظل يسهر
يوصل قميصه انتظر جا ليش عني اتاخر
يوسف حياتي لشوكت ابقه انتظر
طال الهجر ليه قميصه ما يمر
هواي البعد ماذيني دزي قميص حسيني
_
يا قافله ماكو خبر عنكم تره الروح ابهم
دزي ولو من الرضيع اكماطه خل عطره اشتم
سبحه ابغيابه اطشرت هيجي العمر ما يلتم
اربعه ولدي فدوه اله كون المهم بس يسلم
يا قافله كل الولد فدوه تروح
المهم تسلم لبو السجاد روح
وانه فدوته سنيني دزي قميص حسيني
حسين الأمين
____
يا قافلة العزيز انه ام البنين
هاذي وصيتي الكربله من تعتنين
لو تعمي المدامع عيني دزي قميص حسيني
__
يا قافله لو للسفر هاي المسيه انويتي
حفظيها من ام ثاكله كل جلمه من اوصيتي
يالشايله كلشي إلي روحي و دمعتي و بيتي
كل خطوه امشيها بحذر لو للطفوف امشيتي
ديري بالج عالحراير و الحسين
دربج طويل و خايفه تتعثرين
اترجاج لا تنسيني دزي قميص حسيني
__
أم اربعه كلهم مشوا و بوحدي تركوني
أمهم انه يا قافله بس ولدي ميهموني
خافن يأذيني الهجر و بدمعتي ايخلوني
دزي قميص ابن النبي فدواته ماي اعيوني
لو طال بيج المكصد اويه ابن البتول
دزي عطره بدونه عمري ما يطول
اويه الريح اشم خليني دزي قميص حسيني
__
خلي اعله بالج راكبه خدر الهواشم كلها
بخرت هودجها بعلي و سورة الزهره اقره الها
يا قافله كلشي و لا واحد يصد الظلها
بهونج اكطعي هالدرب خوفي يرك محملها
دزيت وياها حرس ابني الكمر
كتله انذبح عن لا يشوفوها البشر
كالالي لتوصيني دزي قميص حسيني
___
يعقوب ثاني بالدمع صايره و خدي امحفر
مو بنيمين انه انذرت أربعة الكطع المنحر
ديرت حزن بيه انبنت عكبه الجفن ظل يسهر
يوصل قميصه انتظر جا ليش عني اتاخر
يوسف حياتي لشوكت ابقه انتظر
طال الهجر ليه قميصه ما يمر
هواي البعد ماذيني دزي قميص حسيني
_
يا قافله ماكو خبر عنكم تره الروح ابهم
دزي ولو من الرضيع اكماطه خل عطره اشتم
سبحه ابغيابه اطشرت هيجي العمر ما يلتم
اربعه ولدي فدوه اله كون المهم بس يسلم
يا قافله كل الولد فدوه تروح
المهم تسلم لبو السجاد روح
وانه فدوته سنيني دزي قميص حسيني
حسين الأمين
#ليالي_ام_البنين ٤
___
الوصيه نفذتها عالشريعه ثبتتها
___
انه اجيتچ و اخبرچ يمه سمعيني
لجل اخويه هديت السهم عيني
لا تنشديني امرچ لا تنشديني
روحي للطف تشوفيها چفيني
مهجتي هم قدمتها عالشريعه ثبتتها
____
يمه بشريني وياچ انه اموافي
وزعت روحي لحسين هوه صافي
طلب دمي ييمه و ما گلت كافي
الماي ذليته وانه امفطره اشفافي
بسهم عيني اكدتها عالشريعه ثبتتها
_
انه أول أخو ايعزب اخوانه
للمنيه مشت كلها ولهانه
كلمن يريد ييمه يعتلي شانه
ايضحي لحسين وجوده ويه وجدانه
لبو اليمه سلمتها عالشريعه ثبتتها
_
وگت الحروب تعرفين منو ابنچ
حاشه فد يوم ييمه خيبت ظنچ
والله لو رخصه منطيني اوعدنچ
چان روس العساكر وصلت الحظنچ
والرگب چا گطعتها عالشريعه ثبتتها
حسين الأمين
___
الوصيه نفذتها عالشريعه ثبتتها
___
انه اجيتچ و اخبرچ يمه سمعيني
لجل اخويه هديت السهم عيني
لا تنشديني امرچ لا تنشديني
روحي للطف تشوفيها چفيني
مهجتي هم قدمتها عالشريعه ثبتتها
____
يمه بشريني وياچ انه اموافي
وزعت روحي لحسين هوه صافي
طلب دمي ييمه و ما گلت كافي
الماي ذليته وانه امفطره اشفافي
بسهم عيني اكدتها عالشريعه ثبتتها
_
انه أول أخو ايعزب اخوانه
للمنيه مشت كلها ولهانه
كلمن يريد ييمه يعتلي شانه
ايضحي لحسين وجوده ويه وجدانه
لبو اليمه سلمتها عالشريعه ثبتتها
_
وگت الحروب تعرفين منو ابنچ
حاشه فد يوم ييمه خيبت ظنچ
والله لو رخصه منطيني اوعدنچ
چان روس العساكر وصلت الحظنچ
والرگب چا گطعتها عالشريعه ثبتتها
حسين الأمين