#زيارة_الاربعين
__
لحن باسم الكربلائي قصيدة طفو الگمره
_ - _ - _ - _ - _
گبرك ... نحتمي بسوره _ ياهو اليزوره
ينوح المصابك
جرحك ... يسري وي دمنه _ وي مدامعنه
نطيح اعله بابك
ما مشينه اعله الجمر گاصدينك نعتذر
____
يا حسين انته الطبيب الكثرن اجروحه
زايرك من يعتنيلك تطمئن روحه
اربعينك على العالم خيّم ابنوحه
و گبرك الكل البشر بيبانه مفتوحه
قدرك ... ما يلوحه انسان _ ضامي بس سلطان
ملكت الضماير
سرك ... معجزت الهام _ شما گضت اعوام
تزيد الشعاير
يا عظيم و مقتدر گاصدينك نعتذر
____
نعتنيلك كل سنه نمشي اعله لهفتنه
خاطر انفرح دليلك لو تشاهدنه
ندري بيك انته العبادة الواجبه النه
و لهذا انگول لجلك الله خالقنه
نمشي ... لشوفت عيونك _ انخلي مضمونك
عقيدة گلبنه
كلشي ... قدمت قربان _ اهلك و صحبان
ضحايه لجلنه
صعبه نوفيلك عشر گاصدينك نعتذر
____
يالمشت اختك اسيره بثورتك هايه
لون طول العمر نمشي دون الكفايه
لكن انواسي العقيله بهاي الحچايه
واجباً مو مستحباً نرفع الرايه
نگصد ... انواسي العتره _ زينب و اسره
علي و الزچيه
نگعد ... يم ابو فاضل _ انگله يا كافل
اخيتك سبيه
جايه ليك من اليسر گاصدينك نعتذر
____
كل مشينه ما يوافي لوعه من گلبك
اچبير جرحك و الطريق ازغيّر ابدربك
انته صح ضامي و لكن نرتوي بعذبك
احنه ما عدنه وسيلة فقط بس حبك
الزاير ... بالعمر مره _ تعتني الگبره
بيوم القيامة
الحاير ... لو وصل منكر _ بصايتك تحضر
تحيط الخدامه
انته راعي هالامر گاصدينك نعتذر
_______
بدربك انشاهد معاجز و العقل مبهم
طه يمشي الحد ضريحك قبّله و سلم
واگف و ناصبله موكب حيدر امحزم
فاطمه اتوزع بديها و الحسن يخدم
بيهم ... من يمر زاير _ الحسن حاضر
يرحب مضيفه
ليهم ... اليعتني طالب _ ما يرد خايب
علي حامي ضيفه
يوگف ابيوم الحشر گاصدينك نعتذر
حسين الأمين
__
لحن باسم الكربلائي قصيدة طفو الگمره
_ - _ - _ - _ - _
گبرك ... نحتمي بسوره _ ياهو اليزوره
ينوح المصابك
جرحك ... يسري وي دمنه _ وي مدامعنه
نطيح اعله بابك
ما مشينه اعله الجمر گاصدينك نعتذر
____
يا حسين انته الطبيب الكثرن اجروحه
زايرك من يعتنيلك تطمئن روحه
اربعينك على العالم خيّم ابنوحه
و گبرك الكل البشر بيبانه مفتوحه
قدرك ... ما يلوحه انسان _ ضامي بس سلطان
ملكت الضماير
سرك ... معجزت الهام _ شما گضت اعوام
تزيد الشعاير
يا عظيم و مقتدر گاصدينك نعتذر
____
نعتنيلك كل سنه نمشي اعله لهفتنه
خاطر انفرح دليلك لو تشاهدنه
ندري بيك انته العبادة الواجبه النه
و لهذا انگول لجلك الله خالقنه
نمشي ... لشوفت عيونك _ انخلي مضمونك
عقيدة گلبنه
كلشي ... قدمت قربان _ اهلك و صحبان
ضحايه لجلنه
صعبه نوفيلك عشر گاصدينك نعتذر
____
يالمشت اختك اسيره بثورتك هايه
لون طول العمر نمشي دون الكفايه
لكن انواسي العقيله بهاي الحچايه
واجباً مو مستحباً نرفع الرايه
نگصد ... انواسي العتره _ زينب و اسره
علي و الزچيه
نگعد ... يم ابو فاضل _ انگله يا كافل
اخيتك سبيه
جايه ليك من اليسر گاصدينك نعتذر
____
كل مشينه ما يوافي لوعه من گلبك
اچبير جرحك و الطريق ازغيّر ابدربك
انته صح ضامي و لكن نرتوي بعذبك
احنه ما عدنه وسيلة فقط بس حبك
الزاير ... بالعمر مره _ تعتني الگبره
بيوم القيامة
الحاير ... لو وصل منكر _ بصايتك تحضر
تحيط الخدامه
انته راعي هالامر گاصدينك نعتذر
_______
بدربك انشاهد معاجز و العقل مبهم
طه يمشي الحد ضريحك قبّله و سلم
واگف و ناصبله موكب حيدر امحزم
فاطمه اتوزع بديها و الحسن يخدم
بيهم ... من يمر زاير _ الحسن حاضر
يرحب مضيفه
ليهم ... اليعتني طالب _ ما يرد خايب
علي حامي ضيفه
يوگف ابيوم الحشر گاصدينك نعتذر
حسين الأمين
#صاحب_الأمر_ع
__
خلصت مواعيد السفر يالمنحجب مالك خبر
وين أنته چا وين منتظرك سنين
يابو صالح
_
خلصت مواعيد السفر ما بقت بس چم جمعه
يالواعدتني برجعتك خلصت أيامي دمعه
ضليت اون مثل الفگد كل اهله
بسامره يوميه انتظر و السهله
غيبتك تركت بالگلب جم عله
يم بابكم ليليه عيني اموشله
يوميه يم باب انتظر فات الأوان اعله العمر
لا يعتني البين منتظرك سنين
يابو صالح
____
يالتارس بروحي عشگ ارحم بهجرك حالي
ما نايم الليل برغد امساهر بگلبي و بالي
عايش لچن گضيت عمري بغربه
الفاگد حبيبه شلون يصبر گلبه
گاعد و اناجيك بدعاء الندبه
اين الذي في روحي ساكن حبه
في مكه ام وادي طوى ام طوس ام في نينوى
نشد المجانين منتظرك سنين
يابو صالح
____
مو هوه لكن مستقر بيه و صرت أنفاسي
مالكني و انته ابلا أهل يا اعز من كل ناسي
لو يمر يوم و انسى ذكرك لحظه
كون المنيه اتعجل بهل النبضه
ماريد غيرك و اليحب ما يرضه
لو خيل عشره اعله الصدر و اترضه
عايش الك طول الزمن يا اترف واجمل وطن
يا مهجة الدين منتظرك سنين
يابو صالح
___
طال الهجر بيه و تره افراگك جرح ما ينراف
يالعايش ابروحي هوه أتنفسه و ما ينشاف
لجلك مضن كل السنين برجوه
گلبي عِشگ غيرك ابد ما يهوه
لو يضمه بس منك يرد يترّوه
لوما يحبك گلبي گلي اشيسوه
بديني يم بابك نده حادي العمر بيه حده
ما عندي عمرين منتظرك سنين
يابو صالح
____
شمقدم انه الحضرتك خاطر أكلك عجل
ما عندي بس حبي الصدگ يا أشرف و أجمل خل
بلكت يكفي هالفعل للغايه
ادريبه ذنبي امعذباك هوايه
اعدل طريقي امروتك مولايه
عطشان جيتك و ارتوي بحچايه
بس رايد احچايه هلا و شكبره هذا التقبله
ابعسكر الدين منتظرك سنين
يابو صالح
حسين الأمين
__
خلصت مواعيد السفر يالمنحجب مالك خبر
وين أنته چا وين منتظرك سنين
يابو صالح
_
خلصت مواعيد السفر ما بقت بس چم جمعه
يالواعدتني برجعتك خلصت أيامي دمعه
ضليت اون مثل الفگد كل اهله
بسامره يوميه انتظر و السهله
غيبتك تركت بالگلب جم عله
يم بابكم ليليه عيني اموشله
يوميه يم باب انتظر فات الأوان اعله العمر
لا يعتني البين منتظرك سنين
يابو صالح
____
يالتارس بروحي عشگ ارحم بهجرك حالي
ما نايم الليل برغد امساهر بگلبي و بالي
عايش لچن گضيت عمري بغربه
الفاگد حبيبه شلون يصبر گلبه
گاعد و اناجيك بدعاء الندبه
اين الذي في روحي ساكن حبه
في مكه ام وادي طوى ام طوس ام في نينوى
نشد المجانين منتظرك سنين
يابو صالح
____
مو هوه لكن مستقر بيه و صرت أنفاسي
مالكني و انته ابلا أهل يا اعز من كل ناسي
لو يمر يوم و انسى ذكرك لحظه
كون المنيه اتعجل بهل النبضه
ماريد غيرك و اليحب ما يرضه
لو خيل عشره اعله الصدر و اترضه
عايش الك طول الزمن يا اترف واجمل وطن
يا مهجة الدين منتظرك سنين
يابو صالح
___
طال الهجر بيه و تره افراگك جرح ما ينراف
يالعايش ابروحي هوه أتنفسه و ما ينشاف
لجلك مضن كل السنين برجوه
گلبي عِشگ غيرك ابد ما يهوه
لو يضمه بس منك يرد يترّوه
لوما يحبك گلبي گلي اشيسوه
بديني يم بابك نده حادي العمر بيه حده
ما عندي عمرين منتظرك سنين
يابو صالح
____
شمقدم انه الحضرتك خاطر أكلك عجل
ما عندي بس حبي الصدگ يا أشرف و أجمل خل
بلكت يكفي هالفعل للغايه
ادريبه ذنبي امعذباك هوايه
اعدل طريقي امروتك مولايه
عطشان جيتك و ارتوي بحچايه
بس رايد احچايه هلا و شكبره هذا التقبله
ابعسكر الدين منتظرك سنين
يابو صالح
حسين الأمين
#اهل_المجالس
_
يالناشدت عني و تريد اخباري
ايدليك بيه دمع عيني الجاري
يالتيهت عنواني بكل تعزيه تلگاني
___
يالتبحث عن العنوان اسمع مني هالكلمه
تلگاني بظلام الليل تضوي دمعتي النجمه
لا تسألني وين اتعيش بيتي مجلس و خدمه
صحباني الدمع و الآه و اللجمات و اللطمه
اويايه دمعتي تنتقل بالعزيات
امسافر على اجناح الجرح و الحسرات
شوف الدمع حلاني بكل تعزيه تلگاني
__
ليليله اعله باب الشوگ كاتب مستهل و انعه
مجلس ناصب ابگلبي كل لحظه يون ضلعه
ياما حارگ ابروحي بس ما أشبه الشمعه
ما اطفه اويه هب الريح لا اذبل من الدمعه
لو چنت منغث السبب مو بيه
كل يوم افك ريگي الصبح لطميه
بحسين افك الساني بكل تعزيه تلگاني
_
ميهمني تذم عذال بكفاي الحچي متروس
مهو البيده گمر ضاوي شلون ايبدله ابفانوس
خليني اعله باب حسين الداخل مجلسه محروس
ترى الشجره التحب حسين فشله اتخاف من الفوس
خليني يمه و بالمجالس شادود
لطام صاير شاعر و هم رادود
امگدي اعله بابه اني بكل تعزيه تلگاني
__
لتحاول تغير أفكار ما تگدر عليه ابهاي
ترى ظهري اسنده عباس من طاح اعله شاطي الماي
كل يوم الحرب تنعاد و يرجع منتصر مولاي
كافي بسك اتعادي حسين امسيطر اعله الراي
شگد حاربوني قبلك و روح أسأل
كلمن على المجلس تگرب ينذل
من هيبته انطاني بكل تعزيه تلگاني
____
عن هاي القضيه أبعد منك ما ردت مأجور
تدريني من ادگ صدري حيدر يعتني مطبور
قبل لا يبتدي المجلس توصل مرأة من النور
بآخر زاويه تگعد تبچي و ابضلع مكسور
يوصلني فارس بس بلايه چفين
من گتله ياهو گلي شادود حسين
الطم بلا ذرعاني بكل تعزيه تلگاني
__
كلما انحني ابابه يرد يرفع إلي الهامه
كلش زايده اعليه لو يحسبني خدامه
شمقدمله حتى اقنع ريت احترگ بخيامه
لو كون اكسر بصدري فدوه الكسرت اعظامه
اشما دمعي يجري و باللطم متوزر
لا ما اوافي شوغه من الخنصر
لمصيبته أحزاني بكل تعزيه تلگاني
حسين الأمين
_
يالناشدت عني و تريد اخباري
ايدليك بيه دمع عيني الجاري
يالتيهت عنواني بكل تعزيه تلگاني
___
يالتبحث عن العنوان اسمع مني هالكلمه
تلگاني بظلام الليل تضوي دمعتي النجمه
لا تسألني وين اتعيش بيتي مجلس و خدمه
صحباني الدمع و الآه و اللجمات و اللطمه
اويايه دمعتي تنتقل بالعزيات
امسافر على اجناح الجرح و الحسرات
شوف الدمع حلاني بكل تعزيه تلگاني
__
ليليله اعله باب الشوگ كاتب مستهل و انعه
مجلس ناصب ابگلبي كل لحظه يون ضلعه
ياما حارگ ابروحي بس ما أشبه الشمعه
ما اطفه اويه هب الريح لا اذبل من الدمعه
لو چنت منغث السبب مو بيه
كل يوم افك ريگي الصبح لطميه
بحسين افك الساني بكل تعزيه تلگاني
_
ميهمني تذم عذال بكفاي الحچي متروس
مهو البيده گمر ضاوي شلون ايبدله ابفانوس
خليني اعله باب حسين الداخل مجلسه محروس
ترى الشجره التحب حسين فشله اتخاف من الفوس
خليني يمه و بالمجالس شادود
لطام صاير شاعر و هم رادود
امگدي اعله بابه اني بكل تعزيه تلگاني
__
لتحاول تغير أفكار ما تگدر عليه ابهاي
ترى ظهري اسنده عباس من طاح اعله شاطي الماي
كل يوم الحرب تنعاد و يرجع منتصر مولاي
كافي بسك اتعادي حسين امسيطر اعله الراي
شگد حاربوني قبلك و روح أسأل
كلمن على المجلس تگرب ينذل
من هيبته انطاني بكل تعزيه تلگاني
____
عن هاي القضيه أبعد منك ما ردت مأجور
تدريني من ادگ صدري حيدر يعتني مطبور
قبل لا يبتدي المجلس توصل مرأة من النور
بآخر زاويه تگعد تبچي و ابضلع مكسور
يوصلني فارس بس بلايه چفين
من گتله ياهو گلي شادود حسين
الطم بلا ذرعاني بكل تعزيه تلگاني
__
كلما انحني ابابه يرد يرفع إلي الهامه
كلش زايده اعليه لو يحسبني خدامه
شمقدمله حتى اقنع ريت احترگ بخيامه
لو كون اكسر بصدري فدوه الكسرت اعظامه
اشما دمعي يجري و باللطم متوزر
لا ما اوافي شوغه من الخنصر
لمصيبته أحزاني بكل تعزيه تلگاني
حسين الأمين
لــمّـا أرادَ اللهُ خـلـقَ أحـمـدِ
أوحَـى إلـى الـصـلاةِ أن تجسدِ
والـكـونُ والـحـيـاةُ قبل المولِدِ
ومـا وجـودهـا بـــلا مُحمدِ
واللهُ لـولا أحـمـدُ لـم يُـعـبـدِ
والـعـقـلُ لـولا أحـمدٌ لم يسجُدِ
بــــهِ الإلــهُ مــعـبـود قبل الوجود موجود
أغرق الدُّنيا عُلومًا .. وبِها الجهلُ هلك
عِلمَ فيزياءٍ وكيمياءٍ وطبٍ وفلك
وَاسألوا كُلَّ عليمٍ .. قُل لنا مَن عَلَّمَك؟
سيُجيب العدلُ منهم "جَعفَرٌ" مِن دون شَك.
١* الشيخ عبد الكريم الزرع
٢* الشاعر لؤي حبيب الهلال
أوحَـى إلـى الـصـلاةِ أن تجسدِ
والـكـونُ والـحـيـاةُ قبل المولِدِ
ومـا وجـودهـا بـــلا مُحمدِ
واللهُ لـولا أحـمـدُ لـم يُـعـبـدِ
والـعـقـلُ لـولا أحـمدٌ لم يسجُدِ
بــــهِ الإلــهُ مــعـبـود قبل الوجود موجود
أغرق الدُّنيا عُلومًا .. وبِها الجهلُ هلك
عِلمَ فيزياءٍ وكيمياءٍ وطبٍ وفلك
وَاسألوا كُلَّ عليمٍ .. قُل لنا مَن عَلَّمَك؟
سيُجيب العدلُ منهم "جَعفَرٌ" مِن دون شَك.
١* الشيخ عبد الكريم الزرع
٢* الشاعر لؤي حبيب الهلال
#الليالي_الفاطميه
بـحـبـكـم آل الـمـصـطفى باچر ثباتي
بيوم ما ينـفعني لا صومي و صلاتي
بـخـدمـتـي اتـقـبـلـون أكـبـر امنياتي
و لـجـل خـدمـتـكـم فقط هذه قناتي
سنبدأ ببركة الزهراء عليها السلام
قصائد الليالي الفاطميه ١٤٤٥ هـ
نسأل الله القبول و التوفيق لجميع خدام أهل البيت عليهم السلام و أن يرفع الغمه عن هذه الأمه بحق الصديقه الطاهره و ابيها و بعلها و بنيها و التسعة المعصومين من ذريتها الطاهره
#حسين_الأمين
#اللهم_عجل_لوليك_الفرج
بـحـبـكـم آل الـمـصـطفى باچر ثباتي
بيوم ما ينـفعني لا صومي و صلاتي
بـخـدمـتـي اتـقـبـلـون أكـبـر امنياتي
و لـجـل خـدمـتـكـم فقط هذه قناتي
سنبدأ ببركة الزهراء عليها السلام
قصائد الليالي الفاطميه ١٤٤٥ هـ
نسأل الله القبول و التوفيق لجميع خدام أهل البيت عليهم السلام و أن يرفع الغمه عن هذه الأمه بحق الصديقه الطاهره و ابيها و بعلها و بنيها و التسعة المعصومين من ذريتها الطاهره
#حسين_الأمين
#اللهم_عجل_لوليك_الفرج
#الليالي_الفاطميه ١
_
چيت الگبرچ يم اعيالي امخلصها اسنيني
اقرالچ يا سوره الخاطر بيها تحاچيني
اقره القرآن و بگلبي احزان
____
اقره بكل سوره الگالچ صوره
و بكل آيه انتي عيوني اتشوفچ
يا نقطة بائي نورچ زهرائي
احروف القرآن اقراها احروفچ
امن اقره الفاتحه تتفتح دموعي
ارتل بالعصر والعصره بضلوعي
بألم نشرح يزهره احچي موضوعي
من اقره بكل سوره الكالچ يا فاطم صوره
آنه القطب و أنتي النور الهاي المعموره
سر و برهان و بگلبي احزان
_______
بياهي تكلميني افراگچ حانيني
ابيا سوره أسمع صوتچ يوحي
يا حب دلّالي متغير حالي
يا ممتحنه شيطيب اجروحي
دليني النبأ آنه و صرت ناسي
سيل الفرگه ذبل كل غصن ياسي
اجيت ابلا نفس رديلي انفاسي
حيدر مو حيدر ظل عگبچ مكسور الخاطر
ساعة موتچ ساعة موتي بس آنه امكابر
صاير دفان و بگلبي احزان
_______
يا روحي و حبي ضيعته الدربي
و فاطر گلبي افراگچ يا كوثر
گعدي و حاچيني ماشوف بعيني
الدخان بريتي و ظهري اتكور
انْه يونس نقذته وطيبت ايوب
صاح بيا علي و ردله البصر يعقوب
اليشيل اجبال بغيابچ صبح متعوب
آنه الچفي ايدير الكون و يرجف من اسمي
عگبچ يالزهره ما اگدر انگلها الجدمي
القاهر شجعان و بگلبي احزان
_____
حوريه انسيه اصلچ قدسيه
يا كهفي و كوني و لوني و كلي
يا بسمة فجري افراگچ من عمري
ماخذ حالي و حيلي و هم خلي
يا تفاحه و اصل التين و الزيتون
من نورچ أُريق الزيتِ في الماعون
انتي القاف للقرآن وانتي النون
يا حرف الصاد و يا فصلت يا كهف اسراري
يا مشكاة النور الاعلى يا سر الباري
أصل الفرقان و بگلبي احزان
______
راح ارجع وحدي بدموعي أحدي
امرافگ آلامي و دافن حلمي
القرآن بچفي يحچيلچ نزفي
أمنيتي اشفافچ تنده بسمي
آيات و سور اقرالچ بآلام
الكهف و الروم و الاسراء و الانعام
لعيونچ تره هذا الگلب محتام
رتلت بروحي و بجروحي آيات المصحف
و راح ارجع وحدي و احزاني صف ايماشي الصف
ضايع ذبلان و بگلبي احزان
_
حسين الامين
_
چيت الگبرچ يم اعيالي امخلصها اسنيني
اقرالچ يا سوره الخاطر بيها تحاچيني
اقره القرآن و بگلبي احزان
____
اقره بكل سوره الگالچ صوره
و بكل آيه انتي عيوني اتشوفچ
يا نقطة بائي نورچ زهرائي
احروف القرآن اقراها احروفچ
امن اقره الفاتحه تتفتح دموعي
ارتل بالعصر والعصره بضلوعي
بألم نشرح يزهره احچي موضوعي
من اقره بكل سوره الكالچ يا فاطم صوره
آنه القطب و أنتي النور الهاي المعموره
سر و برهان و بگلبي احزان
_______
بياهي تكلميني افراگچ حانيني
ابيا سوره أسمع صوتچ يوحي
يا حب دلّالي متغير حالي
يا ممتحنه شيطيب اجروحي
دليني النبأ آنه و صرت ناسي
سيل الفرگه ذبل كل غصن ياسي
اجيت ابلا نفس رديلي انفاسي
حيدر مو حيدر ظل عگبچ مكسور الخاطر
ساعة موتچ ساعة موتي بس آنه امكابر
صاير دفان و بگلبي احزان
_______
يا روحي و حبي ضيعته الدربي
و فاطر گلبي افراگچ يا كوثر
گعدي و حاچيني ماشوف بعيني
الدخان بريتي و ظهري اتكور
انْه يونس نقذته وطيبت ايوب
صاح بيا علي و ردله البصر يعقوب
اليشيل اجبال بغيابچ صبح متعوب
آنه الچفي ايدير الكون و يرجف من اسمي
عگبچ يالزهره ما اگدر انگلها الجدمي
القاهر شجعان و بگلبي احزان
_____
حوريه انسيه اصلچ قدسيه
يا كهفي و كوني و لوني و كلي
يا بسمة فجري افراگچ من عمري
ماخذ حالي و حيلي و هم خلي
يا تفاحه و اصل التين و الزيتون
من نورچ أُريق الزيتِ في الماعون
انتي القاف للقرآن وانتي النون
يا حرف الصاد و يا فصلت يا كهف اسراري
يا مشكاة النور الاعلى يا سر الباري
أصل الفرقان و بگلبي احزان
______
راح ارجع وحدي بدموعي أحدي
امرافگ آلامي و دافن حلمي
القرآن بچفي يحچيلچ نزفي
أمنيتي اشفافچ تنده بسمي
آيات و سور اقرالچ بآلام
الكهف و الروم و الاسراء و الانعام
لعيونچ تره هذا الگلب محتام
رتلت بروحي و بجروحي آيات المصحف
و راح ارجع وحدي و احزاني صف ايماشي الصف
ضايع ذبلان و بگلبي احزان
_
حسين الامين
#الليالي_الفاطميه ٢
__
شمحلاها گبل اسمك كون تنكتب كلمة خادم
____
أمشي ويه ام الحسن نفس الدرب
بالمجالس من تطب صفي الگلب
أخلص و خل دمعك اعليها يصب
المجلس هذا رحمه نعمه من الله نعمه
لا تفگدها باچر صك الجنه لطمه
و دمعة العين
اخلص للزجيه حرزك للمنيه
شما تبعد تلزمك ام الشيعه هيه
ام الحسين
شمحلاها گبل اسمك كون تنكتب كلمة خادم
_____
ما تنفعك كل صلاة و لا صيام
إلا ترضى فاطمه بنت الكرام
كلش بدقه افتهم هذا الكلام
ترضي الله و نبيه من ترضي الزجيه
اوياها خلي دربك و ألزم للمنيه
افتهم زين
من ترضيها فاطم و تعهد تبقه خادم
باچر بالقيامه أجرك بالمأآتم
اتناله ضعفين
شمحلاها گبل اسمك كون تنكتب كلمة خادم
_______
باعد الدنيه و ابد لا تنبهر
و عندي رباط الحچي هذا الأمر
حمزه جان المجلسه شگد ينتظر
خادم هسه شانه يا رفعة مكانه
مطلع كل قصيده للزهره حنانه
بالمجالس
ترچيه بذانك اترك كل زمانك
دنيه لا تبعدك بالدمعه ضمانك
اتصير عابس
شمحلاها گبل اسمك كون تنكتب كلمة خادم
_______
شوف عبود الشعر لمن يحن
باب من اجذوع و ثگيلة وزن
انطبگت اعله ام الحسن طبگ الجفن
ابياته الثجيله صارتله وسيله
مات و باقي شعره هالمده الطويله
طول الايام
ما طفاها ناره للضلع انكساره
و الدمعه اليهلها صارتله مناره
بخدمته اوسام
شمحلاها گبل اسمك كون تنكتب كلمة خادم
_____
هذا آخر مثل عندي و استمع
جاسم امن الزهره شوفه بيا وضع
نذر كل لحظه بحياته للضلع
بكل مجلس ونينه بآهاته الحزينه
دمعاته يهلها لحسين و بنينه
ما هدت دوم
ما ميت تحسه عايش و بمجلسه
يحييها الشعاير و المنبر يحرسه
اتحسه كل يوم
شمحلاها گبل اسمك كون تنكتب كلمة خادم
حسين الأمين
__
شمحلاها گبل اسمك كون تنكتب كلمة خادم
____
أمشي ويه ام الحسن نفس الدرب
بالمجالس من تطب صفي الگلب
أخلص و خل دمعك اعليها يصب
المجلس هذا رحمه نعمه من الله نعمه
لا تفگدها باچر صك الجنه لطمه
و دمعة العين
اخلص للزجيه حرزك للمنيه
شما تبعد تلزمك ام الشيعه هيه
ام الحسين
شمحلاها گبل اسمك كون تنكتب كلمة خادم
_____
ما تنفعك كل صلاة و لا صيام
إلا ترضى فاطمه بنت الكرام
كلش بدقه افتهم هذا الكلام
ترضي الله و نبيه من ترضي الزجيه
اوياها خلي دربك و ألزم للمنيه
افتهم زين
من ترضيها فاطم و تعهد تبقه خادم
باچر بالقيامه أجرك بالمأآتم
اتناله ضعفين
شمحلاها گبل اسمك كون تنكتب كلمة خادم
_______
باعد الدنيه و ابد لا تنبهر
و عندي رباط الحچي هذا الأمر
حمزه جان المجلسه شگد ينتظر
خادم هسه شانه يا رفعة مكانه
مطلع كل قصيده للزهره حنانه
بالمجالس
ترچيه بذانك اترك كل زمانك
دنيه لا تبعدك بالدمعه ضمانك
اتصير عابس
شمحلاها گبل اسمك كون تنكتب كلمة خادم
_______
شوف عبود الشعر لمن يحن
باب من اجذوع و ثگيلة وزن
انطبگت اعله ام الحسن طبگ الجفن
ابياته الثجيله صارتله وسيله
مات و باقي شعره هالمده الطويله
طول الايام
ما طفاها ناره للضلع انكساره
و الدمعه اليهلها صارتله مناره
بخدمته اوسام
شمحلاها گبل اسمك كون تنكتب كلمة خادم
_____
هذا آخر مثل عندي و استمع
جاسم امن الزهره شوفه بيا وضع
نذر كل لحظه بحياته للضلع
بكل مجلس ونينه بآهاته الحزينه
دمعاته يهلها لحسين و بنينه
ما هدت دوم
ما ميت تحسه عايش و بمجلسه
يحييها الشعاير و المنبر يحرسه
اتحسه كل يوم
شمحلاها گبل اسمك كون تنكتب كلمة خادم
حسين الأمين
#الليالي_الفاطميه ٣
__
الضلع بنتظارك تشهره فقارك
المصاب الزجيه شوكت يبدي ثارك
يمهدي يلچمك انسطر خدها لامك
شوكت يبدي ثارك
___
يمتى سيفك اتشهره المصاب الباب
تره اصواب الضلع يالمنتظر ما طاب
لليوم الزجيه اتهل دمع سچاب
يلچمها الكسر من دفعة الاجناب
يغايب دفعها وكسر هم ضلعها
على العتبه طاحت تون من وجعها
غيور و نحشمك انسطر خدها لامك
شوكت يبدي ثارك
__
نابت بالصدر بسمار بالعصره
و طاحت و الونين ايفسر الصخره
وصل يم حيدره صوت الضلع كسره
بقت محتاره امك تجذب الحسره
علي ما اجاها وحيده ابأذاها
الوصيه بچفوفه أمر بيها طه
صبر ما يهظمك انسطر خدها لامك
شوكت يبدي ثارك
_
يمهدي جيش حاوط امك الترفه
كلفه ينضرب خد فاطمه كلفه
گوم و نحره اگطعه مو فقط چفه
تعرفه لا شريف و لا ابن عفه
بهذاك التعدي تمادى يمهدي
سطر بيده امك الصبر لا ميجدي
بلا غيره خصمك انسطر خدها لامك
شوكت يبدي ثارك
__
ما رجعوا يمهدي بكسرت الضلعين
لحد ما من دفعهم طاح منها اجنين
وگع محسن غصب من رضت الجبتين
و تالي محسن و امك صفوا ميتين
ميكفي قتلها ميسلم طفلها
عليها دموعك من الدم تهلها
مصايب تألمك انسطر خدها لامك
شوكت يبدي ثارك
___
انهض يالغيور و لا تعوف احگوك
تره الباب اعله صدر الزهره ظل مطبوك
و بيت الله صفه بنار الحقد محروك
من دخانهم محسن وگع مخنوك
ميتوصه مثلك غدر ماتوا اهلك
مته اتسل حسامك جنود احنه لجلك
الحقيقة نِعلمك انسطر خدها لامك
شوكت يبدي ثارك
حسين الأمين
__
الضلع بنتظارك تشهره فقارك
المصاب الزجيه شوكت يبدي ثارك
يمهدي يلچمك انسطر خدها لامك
شوكت يبدي ثارك
___
يمتى سيفك اتشهره المصاب الباب
تره اصواب الضلع يالمنتظر ما طاب
لليوم الزجيه اتهل دمع سچاب
يلچمها الكسر من دفعة الاجناب
يغايب دفعها وكسر هم ضلعها
على العتبه طاحت تون من وجعها
غيور و نحشمك انسطر خدها لامك
شوكت يبدي ثارك
__
نابت بالصدر بسمار بالعصره
و طاحت و الونين ايفسر الصخره
وصل يم حيدره صوت الضلع كسره
بقت محتاره امك تجذب الحسره
علي ما اجاها وحيده ابأذاها
الوصيه بچفوفه أمر بيها طه
صبر ما يهظمك انسطر خدها لامك
شوكت يبدي ثارك
_
يمهدي جيش حاوط امك الترفه
كلفه ينضرب خد فاطمه كلفه
گوم و نحره اگطعه مو فقط چفه
تعرفه لا شريف و لا ابن عفه
بهذاك التعدي تمادى يمهدي
سطر بيده امك الصبر لا ميجدي
بلا غيره خصمك انسطر خدها لامك
شوكت يبدي ثارك
__
ما رجعوا يمهدي بكسرت الضلعين
لحد ما من دفعهم طاح منها اجنين
وگع محسن غصب من رضت الجبتين
و تالي محسن و امك صفوا ميتين
ميكفي قتلها ميسلم طفلها
عليها دموعك من الدم تهلها
مصايب تألمك انسطر خدها لامك
شوكت يبدي ثارك
___
انهض يالغيور و لا تعوف احگوك
تره الباب اعله صدر الزهره ظل مطبوك
و بيت الله صفه بنار الحقد محروك
من دخانهم محسن وگع مخنوك
ميتوصه مثلك غدر ماتوا اهلك
مته اتسل حسامك جنود احنه لجلك
الحقيقة نِعلمك انسطر خدها لامك
شوكت يبدي ثارك
حسين الأمين
#الليالي_الفاطميه ٤
__
ألم زينب حسرتچ
ألم بيه دمعتچ
يا يمه دمعچ لا يصب زينب زينب
______
يمه زينب ضمي دمعچ لا يجرحچ هالجرالي
السطره عالخد ألمتني بس مصابچ شده بالي
هاي السطره الجرحت عيني بالطف تجرح متنچ
و الدمعات إلي تجريها منها يبدي حزنچ
حزن من ضلعي يبدي
حزن بعدي استعدي
ما يلتئم جرح الگلب زينب زينب
_______
بدفعة الباب اعله ضلعي نبّت البسمار بيه
لا يلچمچ هذا وضعي كربله اتعيد الرزيه
و البسمار الصوّب ضلعي يكبر بالطف باچر
و ايصيب حسين ابنص گلبه شلون يطلعه حاير
سهم يكبر مصابي
سهم بسمار بابي
و أنتي تنظرينه صعب زينب زينب
______
انكسر مني ضلع واحد و عينچ اتصب دمعه حمره
شلون لو شفتي اخيّچ تسحگ الخيل اعله صدره
يا منظر باچر گدامچ يا دمعه و يا لوعه
اتشوفين حسينچ بعيونچ تطحن خيل اضلوعه
ضلع مني تهشم
ضلع منه ميسلم
بهل الحاله نايم عالترب زينب زينب
_______
الباب و الخيمه يزينب اتشابهن حتى بحرگهن
حالچ اصعب باليتامه انتي بس التبقه الهن
يا زينب باچر مو وحدچ من اتشّب الخيمه
ويه ارقيه اويه اسكينه و اتنامين ابهيمه
علي ليه ميحضر
علي عندچ ميگدر
امگيد علي طول الدرب زينب زينب
_______
لا تعتبين اعله حيدر گيدته احبال الوصيه
ايصير بيچ بأبو فاضل من يروح ابلايه جيه
من ينده گلبچ عباسچ لكن ما تلگينه
يا ويلي اعله الشاطي باقي سهم امصوب عينه
غرب حالتنه هايه
غرب نفس الروايه
متنچ ييمّه منضرب زينب زينب
_____
ارد اوصيچ ابوصيه يمّه اسمعي يالحنينه
حسين من يگرب رحيله وسط نحره قبلينه
قبليي من نحره و گليله من الزهره هايه
ومن يمشي حضريله مهره او ودعي يمّه هوايه
دمع ودعتي الحسين
دمع اعميها للعين
من بعده يسبوچ الغرب زينب زينب
حسين الأمين
__
ألم زينب حسرتچ
ألم بيه دمعتچ
يا يمه دمعچ لا يصب زينب زينب
______
يمه زينب ضمي دمعچ لا يجرحچ هالجرالي
السطره عالخد ألمتني بس مصابچ شده بالي
هاي السطره الجرحت عيني بالطف تجرح متنچ
و الدمعات إلي تجريها منها يبدي حزنچ
حزن من ضلعي يبدي
حزن بعدي استعدي
ما يلتئم جرح الگلب زينب زينب
_______
بدفعة الباب اعله ضلعي نبّت البسمار بيه
لا يلچمچ هذا وضعي كربله اتعيد الرزيه
و البسمار الصوّب ضلعي يكبر بالطف باچر
و ايصيب حسين ابنص گلبه شلون يطلعه حاير
سهم يكبر مصابي
سهم بسمار بابي
و أنتي تنظرينه صعب زينب زينب
______
انكسر مني ضلع واحد و عينچ اتصب دمعه حمره
شلون لو شفتي اخيّچ تسحگ الخيل اعله صدره
يا منظر باچر گدامچ يا دمعه و يا لوعه
اتشوفين حسينچ بعيونچ تطحن خيل اضلوعه
ضلع مني تهشم
ضلع منه ميسلم
بهل الحاله نايم عالترب زينب زينب
_______
الباب و الخيمه يزينب اتشابهن حتى بحرگهن
حالچ اصعب باليتامه انتي بس التبقه الهن
يا زينب باچر مو وحدچ من اتشّب الخيمه
ويه ارقيه اويه اسكينه و اتنامين ابهيمه
علي ليه ميحضر
علي عندچ ميگدر
امگيد علي طول الدرب زينب زينب
_______
لا تعتبين اعله حيدر گيدته احبال الوصيه
ايصير بيچ بأبو فاضل من يروح ابلايه جيه
من ينده گلبچ عباسچ لكن ما تلگينه
يا ويلي اعله الشاطي باقي سهم امصوب عينه
غرب حالتنه هايه
غرب نفس الروايه
متنچ ييمّه منضرب زينب زينب
_____
ارد اوصيچ ابوصيه يمّه اسمعي يالحنينه
حسين من يگرب رحيله وسط نحره قبلينه
قبليي من نحره و گليله من الزهره هايه
ومن يمشي حضريله مهره او ودعي يمّه هوايه
دمع ودعتي الحسين
دمع اعميها للعين
من بعده يسبوچ الغرب زينب زينب
حسين الأمين
#الليالي_الفاطميه ٥
___
ما نسيتچ طايح الباب اعله ضلعچ يالزجيه
ما نسيتچ گاعد و احچي اويه گبرچ كل مسيه
بچفي شايل دمعتي الليل يشرح غربتي
_
على گبرچ اسولف و الهجر مني
اخذ لوني و ضحگتي و بالحزن سلني
لونچ ناشديتي يم حسن عني
من كثر المدامع ما نشف ردني
ميت اوياچ شلون اعيش ابلايه عطرچ يالحنينه
ميت اوياچ ظلمه عگبچ صارت ادروب المدينه
بگلبي ظلت حسرتي الليل يشرح غربتي
____
كسر ضلعچ كسر من عندي دلالي
و بطيحت دموعچ طاحت امالي
اگعدي و شوفي بعدچ غربة اعيالي
اصبّر من يزهره ولدي لو حالي
چم ضلع چم مو ضلع مني انكسر يالزهره بعدچ
چم ضلع چم ضلع فرگه و ضلع ثاري و ضلع ولدچ
و ضلع كسرت دنيتي الليل يشرح غربتي
_
زينب يم حسن تدرين بغيابچ
كل ليله بدمعها تشتم اثيابح
و حسين و حسن لو عاينوا بابچ
ترد نار الهجر مشتعله لمصابچ
هذا حالي انتظر تغفه اليتامه حتى اكلمچ
هذا حالي منهظم بس فاطمه ماريد اهظمچ
المن احچي محنتي الليل يشرح غربتي
__
خل ارجع يزهره بظهري المحدب
من نومتها خايف لا تفز زينب
تتذكر غيابچ و ادري تتعذب
يفسر الصخر ونها اعليچ من تنحب
خل اودعچ وارجع لداري نعش يمشي اعله الاجدام
خل اودعچ ادري تكسر خاطرچ ونات الايتام
تفز خاف ابنيّتي الليل يشرح غربتي
____
بانت فرگتچ و انرسمت الهظمه
و باچر ملتقانه بطف ابو اليمه
نگصد كربله و الناس ملتمه
على حسينچ يزهره اتوذر بجسمه
انه وياچ نلتقي بالطف سويه بدمعة العين
انه وياچ انشوف من مگفاه گطعوا نحر الحسين
بدمه اصبغ شيبتي الليل يشرح غربتي
____
نار الثار لسه بگلبي مستعره
و ذو الفقار بعدچ يجذب الحسره
للمهدي ذخر خليته يالزهره
يجي و ياخذ بثار العصره و الكسره
سيفي بيده المهدي من يظهر يرد احگوك لينه
سيفي بيده و يصلب الجبتين عالشجره بيمينه
سيفي بيده و رايتي الليل يشرح غربتي
حسين الأمين
___
ما نسيتچ طايح الباب اعله ضلعچ يالزجيه
ما نسيتچ گاعد و احچي اويه گبرچ كل مسيه
بچفي شايل دمعتي الليل يشرح غربتي
_
على گبرچ اسولف و الهجر مني
اخذ لوني و ضحگتي و بالحزن سلني
لونچ ناشديتي يم حسن عني
من كثر المدامع ما نشف ردني
ميت اوياچ شلون اعيش ابلايه عطرچ يالحنينه
ميت اوياچ ظلمه عگبچ صارت ادروب المدينه
بگلبي ظلت حسرتي الليل يشرح غربتي
____
كسر ضلعچ كسر من عندي دلالي
و بطيحت دموعچ طاحت امالي
اگعدي و شوفي بعدچ غربة اعيالي
اصبّر من يزهره ولدي لو حالي
چم ضلع چم مو ضلع مني انكسر يالزهره بعدچ
چم ضلع چم ضلع فرگه و ضلع ثاري و ضلع ولدچ
و ضلع كسرت دنيتي الليل يشرح غربتي
_
زينب يم حسن تدرين بغيابچ
كل ليله بدمعها تشتم اثيابح
و حسين و حسن لو عاينوا بابچ
ترد نار الهجر مشتعله لمصابچ
هذا حالي انتظر تغفه اليتامه حتى اكلمچ
هذا حالي منهظم بس فاطمه ماريد اهظمچ
المن احچي محنتي الليل يشرح غربتي
__
خل ارجع يزهره بظهري المحدب
من نومتها خايف لا تفز زينب
تتذكر غيابچ و ادري تتعذب
يفسر الصخر ونها اعليچ من تنحب
خل اودعچ وارجع لداري نعش يمشي اعله الاجدام
خل اودعچ ادري تكسر خاطرچ ونات الايتام
تفز خاف ابنيّتي الليل يشرح غربتي
____
بانت فرگتچ و انرسمت الهظمه
و باچر ملتقانه بطف ابو اليمه
نگصد كربله و الناس ملتمه
على حسينچ يزهره اتوذر بجسمه
انه وياچ نلتقي بالطف سويه بدمعة العين
انه وياچ انشوف من مگفاه گطعوا نحر الحسين
بدمه اصبغ شيبتي الليل يشرح غربتي
____
نار الثار لسه بگلبي مستعره
و ذو الفقار بعدچ يجذب الحسره
للمهدي ذخر خليته يالزهره
يجي و ياخذ بثار العصره و الكسره
سيفي بيده المهدي من يظهر يرد احگوك لينه
سيفي بيده و يصلب الجبتين عالشجره بيمينه
سيفي بيده و رايتي الليل يشرح غربتي
حسين الأمين
#الليالي_الفاطميه ٦
__
وقت الظهور انتظاري بس الفرج يطفي ناري
بسيفي اعلن المجزره و ابديها من حبتره
___
انه خلافة رساله اطهر و أشرف سلاله
اصل _ فصل _ عدل
احگوگي باچر اردهن ما اعفو عن الغصبهن
وعد _ أشد _ عهد
بدليلي جمره بعدها حمره عله اعظم مصاب
الكسر ضلوعي وطفه شموعي ودفع لينه باب
كلمن تماده اجيله سطرت اچفوفي ثجيله
الحمزه عمي تره و ابديها من حبتره
___
برض المدينه وعيدي من أوصل وسيفي بيدي
هجم _ ندم _ نقم
أخرجها ذيچ الحثاله الصارت رموز الظلاله
جرن _ فتن _ وثن
ابد متخمد بعدها تشتد وسط روحي نار
الدفعها بابي وبده مصابي اطلبه انه ثار
الثاني و إللي يتبعه انبشله گبره و اطلعه
بس الفرج ناطره و ابديها من حبتره
___
القتلوا الزهره الزچيه باچر اصلبهم بديه
أمر _ ثأر _ نصر
احرگهم و بالسقيفه كلمن تسمه خليفه
كفر _ غدر _ سطر
الهجم عل امي وجفنها مدمي بضربته الحقير
اطلعه باچر ضلوعه كاسر حسابه عسير
يا ويلهم من عذابي كلمن حرگ بيده بابي
و عذبوها للطاهره و ابديها من حبتره
__
البالحرب شيلت امه يلبسها لو صاحوا اسمه
سمع _ هلع _ فزع
لو شاف حيدر ميسلم ايظل ابمنامه ايتحلم
رعب _ يطب _ حرب
يا وسفه هظمه علينه زلمه يصير الجبان
الهتك امانه و فعل خيانه النبي اموصي چان
وكت الحرب والكلايف يشردون بس جدي واكف
يرجفون من حيدره و ابديها من حبتره
____
الكاسر ضلوع أم أبيها أسس ظلامت بنيها
سحگ _ رشگ _ حرگ
الگتل محسن ويه امه عبدالله نفسه يفطمه
سهم _ ألم _ هجم
الأخذ سبيه ضعن نبيه نتيجة فعال
من الاوئل بشر رذائل غصب و احتيال
صارت أساس الزچيه و حسين بالغاضريه
نفس النهج سائره و ابديها من حبتره
____
كلمن تطاول اجره و السانه منه ابتره
شهد _ نكد _ بعد
حتى الي يرضه عليهم وبالوسط باقي حچيهم
عمل _ جهل _ حصل
الرضه الفعلهم تره مثلهم احسبه شريك
الرفض لعنهم أعده منهم بعذابي اجيك
حسام جدي حسامي اوياهم مينفع كلامي
نار الغضب مسعره و ابديها من حبتره
حسين الأمين
__
وقت الظهور انتظاري بس الفرج يطفي ناري
بسيفي اعلن المجزره و ابديها من حبتره
___
انه خلافة رساله اطهر و أشرف سلاله
اصل _ فصل _ عدل
احگوگي باچر اردهن ما اعفو عن الغصبهن
وعد _ أشد _ عهد
بدليلي جمره بعدها حمره عله اعظم مصاب
الكسر ضلوعي وطفه شموعي ودفع لينه باب
كلمن تماده اجيله سطرت اچفوفي ثجيله
الحمزه عمي تره و ابديها من حبتره
___
برض المدينه وعيدي من أوصل وسيفي بيدي
هجم _ ندم _ نقم
أخرجها ذيچ الحثاله الصارت رموز الظلاله
جرن _ فتن _ وثن
ابد متخمد بعدها تشتد وسط روحي نار
الدفعها بابي وبده مصابي اطلبه انه ثار
الثاني و إللي يتبعه انبشله گبره و اطلعه
بس الفرج ناطره و ابديها من حبتره
___
القتلوا الزهره الزچيه باچر اصلبهم بديه
أمر _ ثأر _ نصر
احرگهم و بالسقيفه كلمن تسمه خليفه
كفر _ غدر _ سطر
الهجم عل امي وجفنها مدمي بضربته الحقير
اطلعه باچر ضلوعه كاسر حسابه عسير
يا ويلهم من عذابي كلمن حرگ بيده بابي
و عذبوها للطاهره و ابديها من حبتره
__
البالحرب شيلت امه يلبسها لو صاحوا اسمه
سمع _ هلع _ فزع
لو شاف حيدر ميسلم ايظل ابمنامه ايتحلم
رعب _ يطب _ حرب
يا وسفه هظمه علينه زلمه يصير الجبان
الهتك امانه و فعل خيانه النبي اموصي چان
وكت الحرب والكلايف يشردون بس جدي واكف
يرجفون من حيدره و ابديها من حبتره
____
الكاسر ضلوع أم أبيها أسس ظلامت بنيها
سحگ _ رشگ _ حرگ
الگتل محسن ويه امه عبدالله نفسه يفطمه
سهم _ ألم _ هجم
الأخذ سبيه ضعن نبيه نتيجة فعال
من الاوئل بشر رذائل غصب و احتيال
صارت أساس الزچيه و حسين بالغاضريه
نفس النهج سائره و ابديها من حبتره
____
كلمن تطاول اجره و السانه منه ابتره
شهد _ نكد _ بعد
حتى الي يرضه عليهم وبالوسط باقي حچيهم
عمل _ جهل _ حصل
الرضه الفعلهم تره مثلهم احسبه شريك
الرفض لعنهم أعده منهم بعذابي اجيك
حسام جدي حسامي اوياهم مينفع كلامي
نار الغضب مسعره و ابديها من حبتره
حسين الأمين
#الليالي_الفاطميه " گعده " ٧
لحن ابو بشير النجفي
( انه البتول الطاهره الظلموني )
____
يرضه الله لو فاطم رضت يدروها
تالي بحرگ باب و كسر جازوها
ضلع انكسر بيها و خد انسطر ليها
____
اباب فاطم چم روايه من النبي و الله بكتابه
چان يستأذن محمد لمن يوصل على اعتابه
أمر من رب البريه و باب فاطم لله بابه
ليش الغدر و أهل الصنم
هجموا على باب الشيم
و اجنين إلها ما سلم طاح من شدة مصابه
باب الله محروگ و تشب نيرانه
و الزهره مكسورت ضلع حزنانه
نور الله ماذيها و خد انسطر ليها
__
بيّنت كل الحقائق من دار طه هاجموها
ما رعوا حرمة نبيهم و هم وصيته ما رعوها
الجاهليه رد زمنها من عالزهره اعتنوها
واحد حرگ واحد دفع
واحد شتم واحد صفع
بالسوط قنفذ هم رجع و بالرمح هم يضربوها
عرفوا وره الباب احتمت حرگوها
بلا رحمه گوم الشر اجوا عصروها
ما خافوا اعليها و خد انسطر ليها
____
باب و ثچيله اعله ضلعها الله اليعين الزجيه
دفعوها عالزهره بحقدهم هالايادي الناصبيه
من الكسر ونت بألمها و هزت ملائكة الثريه
باب اندفع ضلع انكسر
محسن وگع خد انسطر
من فاطمه شنهو البدر بت نبي و زوجة وصيه
ما نادت الحيدر علي معناها
تدري الوصيه گيدته من طه
محد يحاميها و خد انسطر ليها
____
نابت البسمار ابصدرها و ما برد بيها وجعها
يجري فوگ العتبه دمها ظل يسيل اويه دمعها
واحد يصيح اضربوها و فوگ خدها رد صفعها
چنها غريبه أم الحسن
يا ويلي خلاها الزمن
مثل السبيه ابلا وطن و انكسر منها ضلعها
احقاد ليهم من علي مدفونه
غصبت فدك هالخائنه الملعونه
و الغدره ناويها و خد انسطر ليها
__
" المصيبه "
هاي القضيه للقيامه انعاهد الباري و نبيه
نبقى نذكرها بدمعنه و ما تفارگنه المنيه
فاطمه و كسرت ضلعها تبقى للشيعه هويه
و انعاهده الحامي الحمه
ما ننسه سطرت فاطمه
و نلعن الناس الظالمه
يا علي اشهد عالولايه للحشر هذا عهدنه
حسين الأمين
لحن ابو بشير النجفي
( انه البتول الطاهره الظلموني )
____
يرضه الله لو فاطم رضت يدروها
تالي بحرگ باب و كسر جازوها
ضلع انكسر بيها و خد انسطر ليها
____
اباب فاطم چم روايه من النبي و الله بكتابه
چان يستأذن محمد لمن يوصل على اعتابه
أمر من رب البريه و باب فاطم لله بابه
ليش الغدر و أهل الصنم
هجموا على باب الشيم
و اجنين إلها ما سلم طاح من شدة مصابه
باب الله محروگ و تشب نيرانه
و الزهره مكسورت ضلع حزنانه
نور الله ماذيها و خد انسطر ليها
__
بيّنت كل الحقائق من دار طه هاجموها
ما رعوا حرمة نبيهم و هم وصيته ما رعوها
الجاهليه رد زمنها من عالزهره اعتنوها
واحد حرگ واحد دفع
واحد شتم واحد صفع
بالسوط قنفذ هم رجع و بالرمح هم يضربوها
عرفوا وره الباب احتمت حرگوها
بلا رحمه گوم الشر اجوا عصروها
ما خافوا اعليها و خد انسطر ليها
____
باب و ثچيله اعله ضلعها الله اليعين الزجيه
دفعوها عالزهره بحقدهم هالايادي الناصبيه
من الكسر ونت بألمها و هزت ملائكة الثريه
باب اندفع ضلع انكسر
محسن وگع خد انسطر
من فاطمه شنهو البدر بت نبي و زوجة وصيه
ما نادت الحيدر علي معناها
تدري الوصيه گيدته من طه
محد يحاميها و خد انسطر ليها
____
نابت البسمار ابصدرها و ما برد بيها وجعها
يجري فوگ العتبه دمها ظل يسيل اويه دمعها
واحد يصيح اضربوها و فوگ خدها رد صفعها
چنها غريبه أم الحسن
يا ويلي خلاها الزمن
مثل السبيه ابلا وطن و انكسر منها ضلعها
احقاد ليهم من علي مدفونه
غصبت فدك هالخائنه الملعونه
و الغدره ناويها و خد انسطر ليها
__
" المصيبه "
هاي القضيه للقيامه انعاهد الباري و نبيه
نبقى نذكرها بدمعنه و ما تفارگنه المنيه
فاطمه و كسرت ضلعها تبقى للشيعه هويه
و انعاهده الحامي الحمه
ما ننسه سطرت فاطمه
و نلعن الناس الظالمه
يا علي اشهد عالولايه للحشر هذا عهدنه
حسين الأمين
#الليالي_الفاطميه ٨
___
ودعتچ و صار الحزن يبرالي
مو ذاكه حيدر لا تغير حالي
الصاگر بسيفي الشجعان يالزهره صاير دفان
مو ذاك حيدر لا تغير حالي
__
گاعد و اسولف عالگبر و الليل ماخذ حيلي
يا فاطمه آنه علي هلبت هله احچيلي
بعدچ و لا مرني صبح عايش بظلمة ليلي
افراگچ أخذ حيلي تره و ماكو احد ايتچيلي
آنه بدفنتچ دافن امنياتي
انتي الحيا عگبچ شلي بحياتي
ابدلالي شايل نيران يالزهره صاير دفان
مو ذاگه حيدر لا تغير حالي
__
چم بير ترست دمعتي و فاضت بعد چم صحره
الشاهدني عگبچ ينصدم بوجهي ملامح أسره
اليدفن حياته بالگبر هالدنيه تصبح گبره
و بسمار ينبت بالصور لمن يرد للعشره
اليكسر الجيش بوحده صاير متعوب
بيه حزن يوسف و دمعة يعقوب
القالع بچفي البيبان يالزهره صاير دفان
مو ذاكه حيدر لا تغير حالي
_
منجل صبح مني الظهر شما ينعدل يتقوس
الشايل ابچف ايده الحصن ما يگدر ايفر محبس
دافن شمس بالمگبره شلون الصبح يتنفس
و كاشخ الليل ابدمعتي وبس ثوب احزاني البس
امن اشتاگ للسبحه تكض اديه
عطرچ اشمه و اغفه يالزجيه
نار الهجر بالوجدان يالزهره صاير دفان
مو ذاگه حيدر لا تغير حالي
____
من ارجع الداري چنت لشوفتچ عيني بلهفه
الكون و الناس و علي كلها صفت مختلفه
و البيت عگبچ مختلف وحيطانه صارت صلفه
ايذكرني كلما ردت اطب عالعتبه دمچ نزفه
شوفي الحبيب بفرگة الحبيبه
اتوديه دمعاته تره و تجيبه
من المواجع خلصان يالزهره صاير دفان
مو ذاگه حيدر لا تغير حالي
_
ماگول رديلي عمر رجعيلي بس اشويه
للدار كلما اعتني يفرغ هواهه الريه
هذا آنه حالي بفرگتچ شحال الحسين وخيه
وشحال زينب لو بچت يا فاطمه بحنيه
اسمعها تبچي و تصرخ الهظيمه
تگتلني والله دمعة اليتيمه
عشت الألم و الاحزان يالزهره صاير دفان
مو ذاگه حيدر لا تغير حالي
حسين الأمين
___
ودعتچ و صار الحزن يبرالي
مو ذاكه حيدر لا تغير حالي
الصاگر بسيفي الشجعان يالزهره صاير دفان
مو ذاك حيدر لا تغير حالي
__
گاعد و اسولف عالگبر و الليل ماخذ حيلي
يا فاطمه آنه علي هلبت هله احچيلي
بعدچ و لا مرني صبح عايش بظلمة ليلي
افراگچ أخذ حيلي تره و ماكو احد ايتچيلي
آنه بدفنتچ دافن امنياتي
انتي الحيا عگبچ شلي بحياتي
ابدلالي شايل نيران يالزهره صاير دفان
مو ذاگه حيدر لا تغير حالي
__
چم بير ترست دمعتي و فاضت بعد چم صحره
الشاهدني عگبچ ينصدم بوجهي ملامح أسره
اليدفن حياته بالگبر هالدنيه تصبح گبره
و بسمار ينبت بالصور لمن يرد للعشره
اليكسر الجيش بوحده صاير متعوب
بيه حزن يوسف و دمعة يعقوب
القالع بچفي البيبان يالزهره صاير دفان
مو ذاكه حيدر لا تغير حالي
_
منجل صبح مني الظهر شما ينعدل يتقوس
الشايل ابچف ايده الحصن ما يگدر ايفر محبس
دافن شمس بالمگبره شلون الصبح يتنفس
و كاشخ الليل ابدمعتي وبس ثوب احزاني البس
امن اشتاگ للسبحه تكض اديه
عطرچ اشمه و اغفه يالزجيه
نار الهجر بالوجدان يالزهره صاير دفان
مو ذاگه حيدر لا تغير حالي
____
من ارجع الداري چنت لشوفتچ عيني بلهفه
الكون و الناس و علي كلها صفت مختلفه
و البيت عگبچ مختلف وحيطانه صارت صلفه
ايذكرني كلما ردت اطب عالعتبه دمچ نزفه
شوفي الحبيب بفرگة الحبيبه
اتوديه دمعاته تره و تجيبه
من المواجع خلصان يالزهره صاير دفان
مو ذاگه حيدر لا تغير حالي
_
ماگول رديلي عمر رجعيلي بس اشويه
للدار كلما اعتني يفرغ هواهه الريه
هذا آنه حالي بفرگتچ شحال الحسين وخيه
وشحال زينب لو بچت يا فاطمه بحنيه
اسمعها تبچي و تصرخ الهظيمه
تگتلني والله دمعة اليتيمه
عشت الألم و الاحزان يالزهره صاير دفان
مو ذاگه حيدر لا تغير حالي
حسين الأمين
#الليالي_الفاطميه ( شور ) ٩
_
بيناتنه دار الحچي بيناتنه
ثنيناتنه نسولف بچي ثنيناتنه
___
ضم اعتذارك يا علي و عوف الذي يجرالي
خلينه هالليله سوه غالي يودع غالي
نجمه وسط گلبك انه وانته گمر دلالي
اعذرني خافن قصرت بالعشرة يابو اعيالي
عوف الدمع عوف الحزن
ميلوگلك ذابل تون
يا وطن روحي لا تظن
الموت فارگ ذاتنه
____
توجع دمعتك يا علي كافي عليك العشره
يا سيد الحب دمعتك تلچمني مثل الكسره
لولايتك يابو الحسن تفداك ميّة زهره
خلينه نتباره الذمم هالهجر كاتب امره
تلچمني حيدر لو نحت
مثلك ترف لا ما شفت
اوياك العمر محلا عشت
ما تنوصف لحظاتنه
___
خليك عايش فدوه لك كسر الضلع والمحسن
كلشي يهون امروّتك لا تظل من بعدي اتون
عيشتنه چانت چن حلم وفرگتك حيدر تحزن
موطني عينك يا علي بعدك انه ابلا موطن
بشوفتك گلبي ينشرح
بفرگتك روحي تنذبح
يا احله من وجه الصبح
عرش الله حَب كلماتنه
___
خليني ارجع للمضه يابو الحسن خليني
يالچنت اغفه بمهجتك و بعينك اتغطيني
ما شفت خله بعشرتك وياك محله اسنيني
منك لون اطلب عمر ابلمح البصر تنطيني
كل معركة وحدك اسد
رب العرش بيك انعبد
الكون بين ايدك سجد
و رتل جميع آياتنه
____
ميموت حبنه الاولي راح انتظر للملگه
فدوه لتتأخر تره گلبي ميحمل فرگه
باچر نرد و ننجمع مثل الغصن و الورگه
ودمعاتنه هم تنمسح وللعاشگ ايرد عشگه
راح انتظر وانته انتظر
الموت ما ينهي الأمر
بالجنه باچر ننحشر
وترجع سوه گعداتنه
حسين الأمين
_
بيناتنه دار الحچي بيناتنه
ثنيناتنه نسولف بچي ثنيناتنه
___
ضم اعتذارك يا علي و عوف الذي يجرالي
خلينه هالليله سوه غالي يودع غالي
نجمه وسط گلبك انه وانته گمر دلالي
اعذرني خافن قصرت بالعشرة يابو اعيالي
عوف الدمع عوف الحزن
ميلوگلك ذابل تون
يا وطن روحي لا تظن
الموت فارگ ذاتنه
____
توجع دمعتك يا علي كافي عليك العشره
يا سيد الحب دمعتك تلچمني مثل الكسره
لولايتك يابو الحسن تفداك ميّة زهره
خلينه نتباره الذمم هالهجر كاتب امره
تلچمني حيدر لو نحت
مثلك ترف لا ما شفت
اوياك العمر محلا عشت
ما تنوصف لحظاتنه
___
خليك عايش فدوه لك كسر الضلع والمحسن
كلشي يهون امروّتك لا تظل من بعدي اتون
عيشتنه چانت چن حلم وفرگتك حيدر تحزن
موطني عينك يا علي بعدك انه ابلا موطن
بشوفتك گلبي ينشرح
بفرگتك روحي تنذبح
يا احله من وجه الصبح
عرش الله حَب كلماتنه
___
خليني ارجع للمضه يابو الحسن خليني
يالچنت اغفه بمهجتك و بعينك اتغطيني
ما شفت خله بعشرتك وياك محله اسنيني
منك لون اطلب عمر ابلمح البصر تنطيني
كل معركة وحدك اسد
رب العرش بيك انعبد
الكون بين ايدك سجد
و رتل جميع آياتنه
____
ميموت حبنه الاولي راح انتظر للملگه
فدوه لتتأخر تره گلبي ميحمل فرگه
باچر نرد و ننجمع مثل الغصن و الورگه
ودمعاتنه هم تنمسح وللعاشگ ايرد عشگه
راح انتظر وانته انتظر
الموت ما ينهي الأمر
بالجنه باچر ننحشر
وترجع سوه گعداتنه
حسين الأمين
#الليالي_الفاطميه ١٠
_
جبل حيله هوه علي فارگ هوه
دافن ضوه الدار بالغربه محتار
علي فارگ هوه
__
راحت ام گلب الحنين و ظلت أحزان السنين
اويه المصيبه
روحه دافنها بتراب و راجع الداره بعذاب
ابلا حبيبه
فگَد _ بعَد _ سنَد علي غريب
هجُر _ عمُر _ كسُر فگِد حبيب
صفه بدنية غرب علي ودّع گلب
و دموعه مدرار بالغربه محتار
علي فارگ هوه
______
ظلمه ليل اليفترگ اليدفن بچفه العشگ
وكل المحنه
دموعه وحدهن جرن راح من عنده وطن
ايعيش ونه
غرُب _ گلُب _ صعُب هجُر غوالي
قهَر _ ذكَر _ صوَر عشِگ ليالي
بقى شايل ألم يظل عايش وهم
وسط الچبد نار بالغربه محتار
علي فارگ هوه
_____
ايشيب افراگ الورد و فاطمه ضمها بلحد
يا هظمها
الما تركها بكل أمر تركته الخاطر گبر
بي ألمها
يوِن _ حزِن _ يحِن دمِع عيونه
ألَم _ رسَم _ سهَم ذبَح ظنونه
تهد حيله الصور لون مره ذكر
شگد يلچمه الصار بالغربه محتار
علي فارگ هوه
__
عالحلوه و المره سوه فاطمه چانت دوه
الكل جروحه
بليل مظلم تركته بوحده عايش خلته
بس ويه نوحه
مشَه _ بچَه _ حچَه الترُب تسمعه
هلْي _ علْي _ الْي نده يبضعه
انكسر مثل الغصن گعد يمها يون
كل ذكره اسرار بالغربه محتار
علي فارگ هوه
_
الما تهده أكبر حرب هسه يعثر من يطب
وحده داره
الچان من يوگف جبل اوياهه كل حيله انهدل
الزمن داره
هوَه _ سوَه _ ضوَه _ قِبْل عمرها
شمِع _ ضلِع _ دمِع _ لوَن ذكرها
صعب كلش صعب علي دمعه يصب
المكسور كرار ؟ بالغربه محتار
حسين الأمين
_
جبل حيله هوه علي فارگ هوه
دافن ضوه الدار بالغربه محتار
علي فارگ هوه
__
راحت ام گلب الحنين و ظلت أحزان السنين
اويه المصيبه
روحه دافنها بتراب و راجع الداره بعذاب
ابلا حبيبه
فگَد _ بعَد _ سنَد علي غريب
هجُر _ عمُر _ كسُر فگِد حبيب
صفه بدنية غرب علي ودّع گلب
و دموعه مدرار بالغربه محتار
علي فارگ هوه
______
ظلمه ليل اليفترگ اليدفن بچفه العشگ
وكل المحنه
دموعه وحدهن جرن راح من عنده وطن
ايعيش ونه
غرُب _ گلُب _ صعُب هجُر غوالي
قهَر _ ذكَر _ صوَر عشِگ ليالي
بقى شايل ألم يظل عايش وهم
وسط الچبد نار بالغربه محتار
علي فارگ هوه
_____
ايشيب افراگ الورد و فاطمه ضمها بلحد
يا هظمها
الما تركها بكل أمر تركته الخاطر گبر
بي ألمها
يوِن _ حزِن _ يحِن دمِع عيونه
ألَم _ رسَم _ سهَم ذبَح ظنونه
تهد حيله الصور لون مره ذكر
شگد يلچمه الصار بالغربه محتار
علي فارگ هوه
__
عالحلوه و المره سوه فاطمه چانت دوه
الكل جروحه
بليل مظلم تركته بوحده عايش خلته
بس ويه نوحه
مشَه _ بچَه _ حچَه الترُب تسمعه
هلْي _ علْي _ الْي نده يبضعه
انكسر مثل الغصن گعد يمها يون
كل ذكره اسرار بالغربه محتار
علي فارگ هوه
_
الما تهده أكبر حرب هسه يعثر من يطب
وحده داره
الچان من يوگف جبل اوياهه كل حيله انهدل
الزمن داره
هوَه _ سوَه _ ضوَه _ قِبْل عمرها
شمِع _ ضلِع _ دمِع _ لوَن ذكرها
صعب كلش صعب علي دمعه يصب
المكسور كرار ؟ بالغربه محتار
حسين الأمين
#الليالي_الفاطميه ١١
_
احچيها بدمعتي قصتي ويا حسرتي
چانت أمنياتي بالبين
ياريت المنيه بأرض الغاضريه
وافزع لجل اخويه الحسين
____
بآخر نفس من طحت عالباب شهگته
دخان نار و دم على اعتاب نظرته
صوت الونين بهذا المصاب سمعته
لن شفته ينظر ليه الحسين عرفته
صديت بمحنتي مجروحه نظرتي
و جلماتي انطقتها بالعين
وبساعة مماتي چانت أمنياتي
افزع لجل اخويه الحسين
___
حاچيته بعيوني و عله صوت ونبني
تمنيت بالطف خويه هالموت يجيني
اوكف احزام و درعك اتصير يميني
وانه ابن امك ارعب الجيش يعيني
افديلك وتيني ياخويه وسنيني
اگطعلك يخويه چفين
بحربي و قتالي اشرحلك سؤالي
و افزع لجل اخويه الحسين
___
جان الحلم يم شاطي الماي خلودي
و زينب اخيتي اتصير بحماي عهودي
مثل ابو فاضل اگطع اهناك زنودي
و العيني سهم الموت شراي وعودي
شايل فقاري بالدم انتصاري
افديها رگبتي للدين
املكها الشريعه و اوفي للوديعه
و افزع لجل اخويه الحسين
__
شگد حلوه لو بالطف انه اوياه انصره
و عالخيم حارس اوكف اهناك لخدره
اگطع وتينه الگال يدناه احذره
و من انچتل يم راسي الگاه وانظره
بدمي انازع و عيني تباوع
انتظره يجيني هالحين
و يلفي اليه ويقبل اديه
و افزع لجل اخويه الحسين
___
المحسن أنه الما شاهدت يوم حياتي
لحظه عشت ما بين نيران وفاتي
كل همي چان ابقه اويه الحسين امنياتي
و بكربله ويه اخوتي ايصير مماتي
موعد لقائي من ارفع لوائي
بالمحشر يردلي ثاريين
ثار الزجيه ثار الغاضريه
و افزع لجل اخويه الحسين
حسين الأمين
_
احچيها بدمعتي قصتي ويا حسرتي
چانت أمنياتي بالبين
ياريت المنيه بأرض الغاضريه
وافزع لجل اخويه الحسين
____
بآخر نفس من طحت عالباب شهگته
دخان نار و دم على اعتاب نظرته
صوت الونين بهذا المصاب سمعته
لن شفته ينظر ليه الحسين عرفته
صديت بمحنتي مجروحه نظرتي
و جلماتي انطقتها بالعين
وبساعة مماتي چانت أمنياتي
افزع لجل اخويه الحسين
___
حاچيته بعيوني و عله صوت ونبني
تمنيت بالطف خويه هالموت يجيني
اوكف احزام و درعك اتصير يميني
وانه ابن امك ارعب الجيش يعيني
افديلك وتيني ياخويه وسنيني
اگطعلك يخويه چفين
بحربي و قتالي اشرحلك سؤالي
و افزع لجل اخويه الحسين
___
جان الحلم يم شاطي الماي خلودي
و زينب اخيتي اتصير بحماي عهودي
مثل ابو فاضل اگطع اهناك زنودي
و العيني سهم الموت شراي وعودي
شايل فقاري بالدم انتصاري
افديها رگبتي للدين
املكها الشريعه و اوفي للوديعه
و افزع لجل اخويه الحسين
__
شگد حلوه لو بالطف انه اوياه انصره
و عالخيم حارس اوكف اهناك لخدره
اگطع وتينه الگال يدناه احذره
و من انچتل يم راسي الگاه وانظره
بدمي انازع و عيني تباوع
انتظره يجيني هالحين
و يلفي اليه ويقبل اديه
و افزع لجل اخويه الحسين
___
المحسن أنه الما شاهدت يوم حياتي
لحظه عشت ما بين نيران وفاتي
كل همي چان ابقه اويه الحسين امنياتي
و بكربله ويه اخوتي ايصير مماتي
موعد لقائي من ارفع لوائي
بالمحشر يردلي ثاريين
ثار الزجيه ثار الغاضريه
و افزع لجل اخويه الحسين
حسين الأمين
#الليالي_الفاطميه ١٢
__
علي مات يهالناس بقت بس الانفاس
دافن الكون و ضواه راجع و ايده بگفاه
علي مات
____
مو نعش شايل تره شايل اثنين
روحه ماخذ للدفن وأم الحسين
لو نظر يعگوب حاله و الونين
چا على حيدر عمت من عنده عين
دموعه جراها بشبابه فداها
بالدمع عمره گضاه راجع و ايده بگفاه
علي مات
___
دافن الكون و رجع وحده يسير
منهدل مو حيدره چنه أسير
اليعثر بوكت الشدد حمله چبير
شايله اعيونه دمع اتفيضلها بير
الحرب سهله عنده حاير ابأمره وحده
الشيب كل راسه غزاه راجع و ايده بگفاه
علي مات
____
اعيونه من الزهره ما شبعت تشوف
جرحه ينزف ظل و لا واحد يروف
جبل چان الغيم يم راسه يطوف
هسه محني يشبه ارگاب السيوف
يلوعة دليله المصيبه ثجيله
هالكثر يبچي شجاه راجع و ايده بگفاه
علي مات
__
اليفگد إنسان ابكسر يكره الباب
اتظل تعيش اوياه بس لوعه و مصاب
رمش عين المرتضى بالفرگه شاب
يحفر بروحه گبر مو بالتراب
حياته فگدها علي مات بعدها
راح من عنده هواه راجع و ايده بگفاه
علي مات
____
صعب حاله حيدره ايهز الثبات
علي ميت بس على قيد الحياة
فاطمه كهف الحنان البي يبات
راح منه و بقت عنده الذكريات
صفه الدار يهظمه و مصابه يرسمه
الباب كل عمره خذاه راجع و ايده بگفاه
علي مات
____
كهف لليتمه علي اسمه الرحيم
اتبدل الحال و صبح هوه اليتيم
الزهره امه و بنته و الحب العظيم
تالي يدفنها بدمع خده الأليم
الهجر يا عذابه حمل كل مصابه
صاح للموت انتخاه راجع و ايده بگفاه
علي مات
حسين الأمين
__
علي مات يهالناس بقت بس الانفاس
دافن الكون و ضواه راجع و ايده بگفاه
علي مات
____
مو نعش شايل تره شايل اثنين
روحه ماخذ للدفن وأم الحسين
لو نظر يعگوب حاله و الونين
چا على حيدر عمت من عنده عين
دموعه جراها بشبابه فداها
بالدمع عمره گضاه راجع و ايده بگفاه
علي مات
___
دافن الكون و رجع وحده يسير
منهدل مو حيدره چنه أسير
اليعثر بوكت الشدد حمله چبير
شايله اعيونه دمع اتفيضلها بير
الحرب سهله عنده حاير ابأمره وحده
الشيب كل راسه غزاه راجع و ايده بگفاه
علي مات
____
اعيونه من الزهره ما شبعت تشوف
جرحه ينزف ظل و لا واحد يروف
جبل چان الغيم يم راسه يطوف
هسه محني يشبه ارگاب السيوف
يلوعة دليله المصيبه ثجيله
هالكثر يبچي شجاه راجع و ايده بگفاه
علي مات
__
اليفگد إنسان ابكسر يكره الباب
اتظل تعيش اوياه بس لوعه و مصاب
رمش عين المرتضى بالفرگه شاب
يحفر بروحه گبر مو بالتراب
حياته فگدها علي مات بعدها
راح من عنده هواه راجع و ايده بگفاه
علي مات
____
صعب حاله حيدره ايهز الثبات
علي ميت بس على قيد الحياة
فاطمه كهف الحنان البي يبات
راح منه و بقت عنده الذكريات
صفه الدار يهظمه و مصابه يرسمه
الباب كل عمره خذاه راجع و ايده بگفاه
علي مات
____
كهف لليتمه علي اسمه الرحيم
اتبدل الحال و صبح هوه اليتيم
الزهره امه و بنته و الحب العظيم
تالي يدفنها بدمع خده الأليم
الهجر يا عذابه حمل كل مصابه
صاح للموت انتخاه راجع و ايده بگفاه
علي مات
حسين الأمين
#الليالي_الفاطميه ١٣ ( نزله )
_________
لا ولي إلا علي .. على المرقد .. الچ تشهد
بگبتچ ذهب تصير
_______
اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره
الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه
نورها أول ضوه .. بسماواته .. و ملائكته
من نورها تنير
_______
قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه
انشوف جبرائيل نازل يخدم و مليان فرحه
وفطرس اجناحه يمسحه ابگبتچ و يردله جنحه
انتي حجه اعله الحجج .. يمرضيه .. يحوريه
فضلچ فضل چبير
_______
امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه
باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره
بسمار ماكو ولا جذع .. لأن يكسر .. گلب حيدر
لو شاهده الأمير
_______
الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه
حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه
امن الغري گاصد علي .. للزياره .. والبشاره
شفه الضلع الكسير
______
مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه
باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني
ينبني أكبر وطن .. الچ فاطم .. وي القائم
من يبتدي المسير
حسين الأمين
_________
لا ولي إلا علي .. على المرقد .. الچ تشهد
بگبتچ ذهب تصير
_______
اليوم نتصور و باچر صوره
من ذهب مرقد الچ و نزوره
تظلم الدنيه و يضيع اضواها
و فقط نورچ يضوي هالمعموره
الناس و الاكوان كلها ظلمه بس النضوي احنه
و اليناشدنه نگله هذا نور الزهره امنه
نورها أول ضوه .. بسماواته .. و ملائكته
من نورها تنير
_______
قطعه باچر من ذهب مصفوفه
من هنا مرقد الزهره انشوفه
و المناير عابرات السبعه
و الملائك نازلات اتطوفه
انشوف جبرائيل نازل يخدم و مليان فرحه
وفطرس اجناحه يمسحه ابگبتچ و يردله جنحه
انتي حجه اعله الحجج .. يمرضيه .. يحوريه
فضلچ فضل چبير
_______
امن العراق افواج اجت مشايه
حمزه قائد كربله ملايه
امن النجف عبود لازم موكب
اوياه عبدالرضا يقره ابهايه
باب من اجذوع يقره و دمعته بعيونه حمره
الها السبب گبرچ يزهره ابلايه باب انسوي حضره
بسمار ماكو ولا جذع .. لأن يكسر .. گلب حيدر
لو شاهده الأمير
_______
الچ من الناحيه يتعنه
بلهفته سيد شباب الجنه
يجي سالم منحره و لا مجروح
حتى لا گلبچ يلچمه بونه
حسين ويه الكمر جايچ يحچي وي عباس كلمه
شگد چنت مشتاگ لمي اترابها مشتاگ اشمه
امن الغري گاصد علي .. للزياره .. والبشاره
شفه الضلع الكسير
______
مو بعيده هالقضيه اعلينه
هيه چم يوم و يرد مهدينه
يعتني بچفيه خضره ايزورچ
و ينبني اعظم صرح بيدينه
باچر بحيل الله نوصل ويه ابو صالح تمني
خدم تنصبها المواكب خدم ويه المهدي تبني
ينبني أكبر وطن .. الچ فاطم .. وي القائم
من يبتدي المسير
حسين الأمين
#الليالي_الفاطميه ١٤ ( شور )
_____
من شاء الله يخلق نور خط احروفچ يا زهراء
لو ما أنتي الناس اتضيع وهاي الدنيه اتصير اهواء
بسمچ فاطر الله الكون وبسمچ متقدسه الاسماء
أنتي نقطة بسم الله
آدم لحروفچ صله
الفضلچ يعود أصل الوجود
ماي الخلود بيمنتچ أنتي الخلود
من عله و بان
نكر ابليس نورچ من عله وبان
لذلك ما سجد و اتسمه شيطان
يمحراب النجاة الكل الاكوان
الجحد فضلچ هظيمه انصيحله انسان
______
يا عطر الجنه القداح يا كوثر عطف الرحمان
سرچ باللوح المحفوظ يا علة خلق الاكوان
اليدرك معرفتچ والله يدرك كل معنى القرآن
الدنيه انخلقت بسرارچ
حجه الباري اختارچ
خصم الكلام خصچ مقام
يا حجة الله اعله الحجج ليچ السلام
داير الكون
على معرفة قدرچ داير الكون
يروح القدس واصل الكاف و النون
فضل ليلة قدر معرفتچ اتكون
و إلي ينكر القرآن ملعون
_______
دارچ بيها الكعبه اطوف والرحه اتفر الافلاك
مسبحتچ چانت من طين و اتعلمت منها الاملاك
بابچ ساتر چان الدين شلون ايدفعه ابن الصهاك
قبله بيتچ للناس
عجبه ابلا ذمه انداس
صوت الونين بضربة لعين
الحارگها دارچ يم حسن حارگله دين
شاعل النار
حرگ چفچ و گلبچ شاعل النار
و على خدچ سطرته خله تذكار
دفع بابچ و ضلعچ صابه بسمار
و وكع محسن قتيل ابعتبة الدار
___
بكسرة ضلعچ شلتي الدين ولوما انتي الناس اتراب
بگلبچ حيدر چان ايعيش و الذالك رادوا ينصاب
بدمچ كسرتي الاصنام و شاهد ظل بسمار الباب
بابچ كاتب بدمومه
فاطم ماتت مظلومه
دم و دموع هاي الجموع
سطرتها عالعين و بعد كسرت ضلوع
هجمت الناس
ثلثميه اعله فاطم هجمت الناس
وردة طه حرموها امن الانفاس
و جنين الها وگع عالعتبه ينداس
و ماتت بالألم و امعصّبه الراس
__
باچر بأمر الله اتشفعين يوم المحشر عالاشهاد
الحارگ بابچ يم حسين بوادي اجهنم ينذب غاد
كلشي ما ينفعنه اهناك بس حبچ يالزهره الزاد
انتي يا اكبر نعمه
بيدچ مفتاح الرحمه
أمر الجنان صك الامان
يا رحمة الله الواسعه وأم الحنان
يم الحسين
اقبلينه برحمتچ يم الحسين
إذا ما نرجوا منچ نرتجي امنين
يمشكاة الهدايه و درة الدين
على دربچ نظل عدليين ميتيين
حسين الأمين
_____
من شاء الله يخلق نور خط احروفچ يا زهراء
لو ما أنتي الناس اتضيع وهاي الدنيه اتصير اهواء
بسمچ فاطر الله الكون وبسمچ متقدسه الاسماء
أنتي نقطة بسم الله
آدم لحروفچ صله
الفضلچ يعود أصل الوجود
ماي الخلود بيمنتچ أنتي الخلود
من عله و بان
نكر ابليس نورچ من عله وبان
لذلك ما سجد و اتسمه شيطان
يمحراب النجاة الكل الاكوان
الجحد فضلچ هظيمه انصيحله انسان
______
يا عطر الجنه القداح يا كوثر عطف الرحمان
سرچ باللوح المحفوظ يا علة خلق الاكوان
اليدرك معرفتچ والله يدرك كل معنى القرآن
الدنيه انخلقت بسرارچ
حجه الباري اختارچ
خصم الكلام خصچ مقام
يا حجة الله اعله الحجج ليچ السلام
داير الكون
على معرفة قدرچ داير الكون
يروح القدس واصل الكاف و النون
فضل ليلة قدر معرفتچ اتكون
و إلي ينكر القرآن ملعون
_______
دارچ بيها الكعبه اطوف والرحه اتفر الافلاك
مسبحتچ چانت من طين و اتعلمت منها الاملاك
بابچ ساتر چان الدين شلون ايدفعه ابن الصهاك
قبله بيتچ للناس
عجبه ابلا ذمه انداس
صوت الونين بضربة لعين
الحارگها دارچ يم حسن حارگله دين
شاعل النار
حرگ چفچ و گلبچ شاعل النار
و على خدچ سطرته خله تذكار
دفع بابچ و ضلعچ صابه بسمار
و وكع محسن قتيل ابعتبة الدار
___
بكسرة ضلعچ شلتي الدين ولوما انتي الناس اتراب
بگلبچ حيدر چان ايعيش و الذالك رادوا ينصاب
بدمچ كسرتي الاصنام و شاهد ظل بسمار الباب
بابچ كاتب بدمومه
فاطم ماتت مظلومه
دم و دموع هاي الجموع
سطرتها عالعين و بعد كسرت ضلوع
هجمت الناس
ثلثميه اعله فاطم هجمت الناس
وردة طه حرموها امن الانفاس
و جنين الها وگع عالعتبه ينداس
و ماتت بالألم و امعصّبه الراس
__
باچر بأمر الله اتشفعين يوم المحشر عالاشهاد
الحارگ بابچ يم حسين بوادي اجهنم ينذب غاد
كلشي ما ينفعنه اهناك بس حبچ يالزهره الزاد
انتي يا اكبر نعمه
بيدچ مفتاح الرحمه
أمر الجنان صك الامان
يا رحمة الله الواسعه وأم الحنان
يم الحسين
اقبلينه برحمتچ يم الحسين
إذا ما نرجوا منچ نرتجي امنين
يمشكاة الهدايه و درة الدين
على دربچ نظل عدليين ميتيين
حسين الأمين