#ليالي_ام_الوفاء_والبنين ( شوط كربلائي )
_
لحد آخر نفس بيها تصيح حسين يمه حسين
خافن قصرت وياك سامحني يماي العين
____
دنت ليها منيتها ومنتظرة تغمض العين
لحظة و لن يدك الباب ظنت هذا جف البين
لجن بالأمر فزعت لن الجاي ليها حسين
اجه ليها و كعد يمها.
بيمه من يكلمها
الألم ما ظنه يلجمها
طفت نار الكلب هسه و لا تهتم بعد للبين
_
گعد يمها أبو اليمه يلقنها ابمنيتها
و اهيه اتباوع الوجه كتبتله وصيتها
الهوه ظل صاعد ونازل محتاره برزيتها
تكله يا ضوه عيوني
امقصرة لو تشوفوني
بالمحشر اتركوني
امقصره خاف يوليدي و ما وفيت الك بالدين
___
بچه حسين بوصيتها يكلها ماكو أي تقصير
يكلها ولدج البطف. بوفاهم ناس راح اتحير
دره و عادة الدرة. وسط التاج دوم اتصير
يكلها يمه لتحيرين
ولدج بالدمه اموفين
واحدهم إليه امعين
و ابتشري يضي عيناي بعد كافي ولا تبجين
_
ابتشرت من شرح إلها. تكله يمه مشتاگه
حاجيني ينور العين. هم يحسين نتلاگه
بدليلي ناري مستعرة ودمعة عيني سباگة
يكلها نلتقي باجر
و ابويه واكف مناطر
و الكل بالسمه حاضر
لا تتأخرين اهواي و احنه الجيتچ امتانين
__
ماتت و الجنان ابساع فتحت بابها الها
وكف حيدر علي بالباب و الزهره تكللها
مشكوره اعله تربيتج العجبت هالخلك كلها
مثلج ما وفت مرة اب
و تضحيتج شكرها الرب
ابنج بالنحر عزب
انتي مثله لو بالطف بنحرج والله متبخلين
حسين الامين
_
لحد آخر نفس بيها تصيح حسين يمه حسين
خافن قصرت وياك سامحني يماي العين
____
دنت ليها منيتها ومنتظرة تغمض العين
لحظة و لن يدك الباب ظنت هذا جف البين
لجن بالأمر فزعت لن الجاي ليها حسين
اجه ليها و كعد يمها.
بيمه من يكلمها
الألم ما ظنه يلجمها
طفت نار الكلب هسه و لا تهتم بعد للبين
_
گعد يمها أبو اليمه يلقنها ابمنيتها
و اهيه اتباوع الوجه كتبتله وصيتها
الهوه ظل صاعد ونازل محتاره برزيتها
تكله يا ضوه عيوني
امقصرة لو تشوفوني
بالمحشر اتركوني
امقصره خاف يوليدي و ما وفيت الك بالدين
___
بچه حسين بوصيتها يكلها ماكو أي تقصير
يكلها ولدج البطف. بوفاهم ناس راح اتحير
دره و عادة الدرة. وسط التاج دوم اتصير
يكلها يمه لتحيرين
ولدج بالدمه اموفين
واحدهم إليه امعين
و ابتشري يضي عيناي بعد كافي ولا تبجين
_
ابتشرت من شرح إلها. تكله يمه مشتاگه
حاجيني ينور العين. هم يحسين نتلاگه
بدليلي ناري مستعرة ودمعة عيني سباگة
يكلها نلتقي باجر
و ابويه واكف مناطر
و الكل بالسمه حاضر
لا تتأخرين اهواي و احنه الجيتچ امتانين
__
ماتت و الجنان ابساع فتحت بابها الها
وكف حيدر علي بالباب و الزهره تكللها
مشكوره اعله تربيتج العجبت هالخلك كلها
مثلج ما وفت مرة اب
و تضحيتج شكرها الرب
ابنج بالنحر عزب
انتي مثله لو بالطف بنحرج والله متبخلين
حسين الامين
#ليالي_ام_الوفاء_والبنين
___
بعد الطف بتلث اسنين
انفجعت آيه ... عالوفايه لمن ماتت
شگد مشتاگه اتشوف حسين
آخر مره ... بالليل السفره اهواي اشتاگت
و بهذا الإحساس ماتت ام عباس
___
اعتنه الموت و تشهدت عليمن دمع هلت
عجيبه
چبيره دمعه طاحت الولدها چنها ناحت
مصيبه
هاي ام البنين الضاله من دون البنين
مصيبه و الوحدها من اجه البين
چانت عدها اربع مو زلم چنهم كواكب
نطتهم فدوه راحوا دون الحسين
بلحظه لن وحدها اتصير
و تربايتها ... ما بخلتها لأبن الزهره
حگها ابهاي الساعه اتحير
ام الاربع ... منها المدمع عالخد يجره
و بهذا الإحساس ماتت ام عباس
_
حچت شفتها كلمه و لكن ما أفهمه
بالانفاس
اظن عبدالله گالت الابنها چا اشتاگت
يهالناس
ما تدرون بالطف جسمه متوسد التربان
وگع وبصف اخوته منذبح والراس عالزان
شلون امه تريده تدري أبنها هناك مقتول
يم حسين اخيه مندفن عبدالله عطشان
عبدالله بالطف مذبوح
ياهو صاحت ... المن نادت هاي الحيره
يفهم كلمتها المجروح
شنهو نطقت ... ياهو ندبت ايحل تفسيره
و بهذا الإحساس ماتت ام عباس
_
شفتها ادير العيون يمكن رايده عون
أبنها
لو جعفر تريده يجي ايوسدها بيده
أظنها
يا جعفر يجيها الموت أخذ من عدها الاولاد
و يا عون التريده بكربله بالروح هم جاد
يا وسفه تموت ام البنين ابعازة ابنين
يكفي لو فقط واحد حضر والفاطمه عاد
لا جعفر جاها لا عون
بهاي اللحظه ... آخر نبضه اتريد اموادع
راح اتموت امهم يدرون
چا ما حضروا ... ليش اتأخروا محد سامع
و بهذا الإحساس ماتت ام عباس
____
گرّب كلش الموت حچت بس خافت الصوت
سمعته
حرف واضح يهل الناس اكيد اتصيح عباس
ندهته
يبو فاضل الليله أم البنين اتريدك اتعود
ارجع يالوفي وفيت يم الشاطي العهود
آخر لحظه لمّك ارجعلها اتشوفك اتريد
ارجع يابو فاضل حتى لو من دون الزنود
آخر لحظه إلها اليوم
يابو الغيره ... بهاي الحيره وانته اتشاهد
يا عباس أرجع بدموم
أنظر لمّك ... چا متهظمك ابلايه واحد
و بهذا الإحساس ماتت ام عباس
_
بده يثگل حچيها و ارتفعت اديها
بونيني
گلت شنهو تطلبين گالت رايده حسين
يجيني
لحظه لن شفتها ابتسمت و فتحت الايدين
هلا يبني تگول و ماتت و آخر چلمتين
شكثر مشتاگه گالت لنها منها فاضت الروح
اكيد من الطفوف الها المسيه اتعنى الحسين
نادت يا يمه يحسين
يا أنفاسي ... هجرك قاسي شگد اذاني
مرتاحه بسد الجفنين
لا متبالي ... جاها الغالي كافي أتاني
و بهذا الإحساس ماتت ام عباس
حسين الأمين
___
بعد الطف بتلث اسنين
انفجعت آيه ... عالوفايه لمن ماتت
شگد مشتاگه اتشوف حسين
آخر مره ... بالليل السفره اهواي اشتاگت
و بهذا الإحساس ماتت ام عباس
___
اعتنه الموت و تشهدت عليمن دمع هلت
عجيبه
چبيره دمعه طاحت الولدها چنها ناحت
مصيبه
هاي ام البنين الضاله من دون البنين
مصيبه و الوحدها من اجه البين
چانت عدها اربع مو زلم چنهم كواكب
نطتهم فدوه راحوا دون الحسين
بلحظه لن وحدها اتصير
و تربايتها ... ما بخلتها لأبن الزهره
حگها ابهاي الساعه اتحير
ام الاربع ... منها المدمع عالخد يجره
و بهذا الإحساس ماتت ام عباس
_
حچت شفتها كلمه و لكن ما أفهمه
بالانفاس
اظن عبدالله گالت الابنها چا اشتاگت
يهالناس
ما تدرون بالطف جسمه متوسد التربان
وگع وبصف اخوته منذبح والراس عالزان
شلون امه تريده تدري أبنها هناك مقتول
يم حسين اخيه مندفن عبدالله عطشان
عبدالله بالطف مذبوح
ياهو صاحت ... المن نادت هاي الحيره
يفهم كلمتها المجروح
شنهو نطقت ... ياهو ندبت ايحل تفسيره
و بهذا الإحساس ماتت ام عباس
_
شفتها ادير العيون يمكن رايده عون
أبنها
لو جعفر تريده يجي ايوسدها بيده
أظنها
يا جعفر يجيها الموت أخذ من عدها الاولاد
و يا عون التريده بكربله بالروح هم جاد
يا وسفه تموت ام البنين ابعازة ابنين
يكفي لو فقط واحد حضر والفاطمه عاد
لا جعفر جاها لا عون
بهاي اللحظه ... آخر نبضه اتريد اموادع
راح اتموت امهم يدرون
چا ما حضروا ... ليش اتأخروا محد سامع
و بهذا الإحساس ماتت ام عباس
____
گرّب كلش الموت حچت بس خافت الصوت
سمعته
حرف واضح يهل الناس اكيد اتصيح عباس
ندهته
يبو فاضل الليله أم البنين اتريدك اتعود
ارجع يالوفي وفيت يم الشاطي العهود
آخر لحظه لمّك ارجعلها اتشوفك اتريد
ارجع يابو فاضل حتى لو من دون الزنود
آخر لحظه إلها اليوم
يابو الغيره ... بهاي الحيره وانته اتشاهد
يا عباس أرجع بدموم
أنظر لمّك ... چا متهظمك ابلايه واحد
و بهذا الإحساس ماتت ام عباس
_
بده يثگل حچيها و ارتفعت اديها
بونيني
گلت شنهو تطلبين گالت رايده حسين
يجيني
لحظه لن شفتها ابتسمت و فتحت الايدين
هلا يبني تگول و ماتت و آخر چلمتين
شكثر مشتاگه گالت لنها منها فاضت الروح
اكيد من الطفوف الها المسيه اتعنى الحسين
نادت يا يمه يحسين
يا أنفاسي ... هجرك قاسي شگد اذاني
مرتاحه بسد الجفنين
لا متبالي ... جاها الغالي كافي أتاني
و بهذا الإحساس ماتت ام عباس
حسين الأمين
#ليالي_ام_الوفاء_والبنين
_
المثلچ اتخلف محال تعجز كل النسه بعدچ
مو زلم جبتي جبال وقدمتيهم نذر ولدچ
گلتي لو الفين فدوه لجل حسين
وقدمتيهم نذر ولدچ
___
لبن رضعتي ولدچ لو وفه صافي
اصل الخوه چان بمنبعچ غافي
الكرم من تضحياتچ حگه گام ايغار
اشما تنطين گلتي هذا مو كافي
لو فرضنا بكربلاء انتي هم چنتي موجوده
چا مثل حامي الخِباء زنودچ گطعتي و زنوده
اچفوفچ اويه العين فدوه لجل حسين
وقدمتيهم نذر ولدچ
_
حكيمه و افتهمتي غاية التفسير
و مثلچ مرت ابو بالدنيه لا متصير
عرفتي و بيها وصيتيهم الاولاد
الميشيل الحسين بگلبه ما بي خير
گلتي لولادچ كلام يخجل كل الحچي يمه
لو اجه حسين الامام مو ايده قبلوا جدمه
بهايه متوصين فدوه لجل حسين
وقدمتيهم نذر ولدچ
____
ولدچ حيرت افكار هاي الناس
ومثل مريم اظنچ عندي هالاحساس
هزت جذع مريم و انولد عيسى
اظن هزيتي خيبر و انولد عباس
لو نساء العالمين من آدم لآخر الوادم
ما يجيبن والحسين واحد يشبه گمر هاشم
ماكو منه اثنين فدوه لجل حسين
وقدمتيهم نذر ولدچ
___
يا دره وسط كل تاج تگعد دوم
منزلتچ رفعها الخالق القيوم
عظيمه انتي زوجة حيدر الكرار
و كذلك أم صبحتي لـ ١١ معصوم
انتي سر من السماء يا أم الغيره و النخوه
منچ انصاغ الولاء بتربيتچ صارت الخوه
بكلشي متبخلين فدوه لجل حسين
وقدمتيهم نذر ولدچ
_
محد يدنه قدرچ محد يفهمه
اذ حسين ابعظمته ايصيحلچ يمه
بعتي ارواح ولدچ و اشتريتي الماي
خاف ابكربله يعطش ابو اليمه
انتي علمتي الكفيل فوگ امتونه يحط جربه
وگلتي يعطش مستحيل إلـ بحسين ارتوه گلبه
كلمتچ للحين فدوه لجل حسين
وقدمتيهم نذر ولدچ
_
رحتي بس رمز ظليتي للوادم
و مدرستچ خرج عن عدها چم خادم
الولد ما همتچ عدلين لو ميتين
كل همچ رضت لو ما رضت فاطم
صرتي رمز التضحيات يا اول رايه للخدمه
حتى من بعد الممات اسمچ ظل مقترن بسمه
رفعه بالدارين فدوه لجل حسين
وقدمتيهم نذر ولدچ
__
حسين الأمين
_
المثلچ اتخلف محال تعجز كل النسه بعدچ
مو زلم جبتي جبال وقدمتيهم نذر ولدچ
گلتي لو الفين فدوه لجل حسين
وقدمتيهم نذر ولدچ
___
لبن رضعتي ولدچ لو وفه صافي
اصل الخوه چان بمنبعچ غافي
الكرم من تضحياتچ حگه گام ايغار
اشما تنطين گلتي هذا مو كافي
لو فرضنا بكربلاء انتي هم چنتي موجوده
چا مثل حامي الخِباء زنودچ گطعتي و زنوده
اچفوفچ اويه العين فدوه لجل حسين
وقدمتيهم نذر ولدچ
_
حكيمه و افتهمتي غاية التفسير
و مثلچ مرت ابو بالدنيه لا متصير
عرفتي و بيها وصيتيهم الاولاد
الميشيل الحسين بگلبه ما بي خير
گلتي لولادچ كلام يخجل كل الحچي يمه
لو اجه حسين الامام مو ايده قبلوا جدمه
بهايه متوصين فدوه لجل حسين
وقدمتيهم نذر ولدچ
____
ولدچ حيرت افكار هاي الناس
ومثل مريم اظنچ عندي هالاحساس
هزت جذع مريم و انولد عيسى
اظن هزيتي خيبر و انولد عباس
لو نساء العالمين من آدم لآخر الوادم
ما يجيبن والحسين واحد يشبه گمر هاشم
ماكو منه اثنين فدوه لجل حسين
وقدمتيهم نذر ولدچ
___
يا دره وسط كل تاج تگعد دوم
منزلتچ رفعها الخالق القيوم
عظيمه انتي زوجة حيدر الكرار
و كذلك أم صبحتي لـ ١١ معصوم
انتي سر من السماء يا أم الغيره و النخوه
منچ انصاغ الولاء بتربيتچ صارت الخوه
بكلشي متبخلين فدوه لجل حسين
وقدمتيهم نذر ولدچ
_
محد يدنه قدرچ محد يفهمه
اذ حسين ابعظمته ايصيحلچ يمه
بعتي ارواح ولدچ و اشتريتي الماي
خاف ابكربله يعطش ابو اليمه
انتي علمتي الكفيل فوگ امتونه يحط جربه
وگلتي يعطش مستحيل إلـ بحسين ارتوه گلبه
كلمتچ للحين فدوه لجل حسين
وقدمتيهم نذر ولدچ
_
رحتي بس رمز ظليتي للوادم
و مدرستچ خرج عن عدها چم خادم
الولد ما همتچ عدلين لو ميتين
كل همچ رضت لو ما رضت فاطم
صرتي رمز التضحيات يا اول رايه للخدمه
حتى من بعد الممات اسمچ ظل مقترن بسمه
رفعه بالدارين فدوه لجل حسين
وقدمتيهم نذر ولدچ
__
حسين الأمين
#صاحب_الزمان_ع ( تجليبه )
__
انتهت كل المدامع و انته ما ظاهر
الغيبة طالت و باقي الك ناطر
چم جمعه بقت و شچم بقت باچر ؟
يا شمس الحقيقة الما تغيب بالليل
___
اتنطّر مثل حال الفگد حالي
بدمع عيني وحسرتي وشوگي يبرالي
ماي العين بغيابك صبح خالي
چم بير التترسه دمعتي التسيل
___
يبو صالح ويمته ايخلص اغيابك
نذرت اسنيني اظل واكف على بابك
عليك بزينب إلي امصابها امصابك
ادعي الله يمهدي اويانه بالتعجيل
__
يم حيدر اندبك مره يم حسين
رايد شوفتك و اعميها هاي العين
بكثر ما الهج بكلمة حبيبي وين
ذبلت شفّتي و ما ظل بعد كل حيل
__
أنتظر طيفك يمر ليه ولو لحظه
اليحب لو ما نظر محبوبه ما يرضه
يذبحه الشوگ چن خيل و تجي ترضه
وانه بفرگاك ميدان اعله گلبي الخيل
__
أمشي كل مسيه الجامع السهله
أون اعليك مثل إلي فگد اهله
يوميه تراهي دمعتي اموشله
أويس الثاني صايرلك بلا تمثيل
حسين الأمين
__
انتهت كل المدامع و انته ما ظاهر
الغيبة طالت و باقي الك ناطر
چم جمعه بقت و شچم بقت باچر ؟
يا شمس الحقيقة الما تغيب بالليل
___
اتنطّر مثل حال الفگد حالي
بدمع عيني وحسرتي وشوگي يبرالي
ماي العين بغيابك صبح خالي
چم بير التترسه دمعتي التسيل
___
يبو صالح ويمته ايخلص اغيابك
نذرت اسنيني اظل واكف على بابك
عليك بزينب إلي امصابها امصابك
ادعي الله يمهدي اويانه بالتعجيل
__
يم حيدر اندبك مره يم حسين
رايد شوفتك و اعميها هاي العين
بكثر ما الهج بكلمة حبيبي وين
ذبلت شفّتي و ما ظل بعد كل حيل
__
أنتظر طيفك يمر ليه ولو لحظه
اليحب لو ما نظر محبوبه ما يرضه
يذبحه الشوگ چن خيل و تجي ترضه
وانه بفرگاك ميدان اعله گلبي الخيل
__
أمشي كل مسيه الجامع السهله
أون اعليك مثل إلي فگد اهله
يوميه تراهي دمعتي اموشله
أويس الثاني صايرلك بلا تمثيل
حسين الأمين
#صاحب_الزمان_ع
__
يمتى يبن الحسن .. انشوفك بكربله
دمعه دمعه الشوفتك يالمهدي هليت
نشفت اعيوني و اتاني و انته ما جيت
انتظر يوميه لـلـسهله تعنيت
شلون أعيش ابيت و انته ما الك بيت
جمعتك انتظر .. والدمع سايله
___
ناذر امن المهد عمري الآخر أنفاس
حدر جدمك لو اجيت احنيلك الراس
خل تلوم وما تهمني شما حچت ناس
انه ما شفتك لچن شفتك بالاحساس
انظر اعله الدرب ... بصيحة اليا هله
___
بس اشوفك سيدي و اعميها هالعين
لحظه لو انظر حضرتك تسوه السنين
هيچ انه عندي بخت يا وارث الدين
بين ادينك موتتي يا محله هالبين
اوياك كون العمر .. ينگضي بأكمله
___
ثار مو واحد ينطرك تدري ثارات
حيدر و ام الحسن يا مهدي الذات
و بعد ثار المجتبى عندك علامات
و ثار الحسين الغريب بكربله مات
وثار من عمتك .. انگادت ابسلسله
_
أثر باقي اعله النهر منتظرك هواي
رايه تارك عالشريعه سيد الماي
و من الحسين السبط تارك الك هاي
خنصره المگطوع تثأرله يمولاي
علم فوگ النهر .. ينتظر حامله
حسين الأمين
__
يمتى يبن الحسن .. انشوفك بكربله
دمعه دمعه الشوفتك يالمهدي هليت
نشفت اعيوني و اتاني و انته ما جيت
انتظر يوميه لـلـسهله تعنيت
شلون أعيش ابيت و انته ما الك بيت
جمعتك انتظر .. والدمع سايله
___
ناذر امن المهد عمري الآخر أنفاس
حدر جدمك لو اجيت احنيلك الراس
خل تلوم وما تهمني شما حچت ناس
انه ما شفتك لچن شفتك بالاحساس
انظر اعله الدرب ... بصيحة اليا هله
___
بس اشوفك سيدي و اعميها هالعين
لحظه لو انظر حضرتك تسوه السنين
هيچ انه عندي بخت يا وارث الدين
بين ادينك موتتي يا محله هالبين
اوياك كون العمر .. ينگضي بأكمله
___
ثار مو واحد ينطرك تدري ثارات
حيدر و ام الحسن يا مهدي الذات
و بعد ثار المجتبى عندك علامات
و ثار الحسين الغريب بكربله مات
وثار من عمتك .. انگادت ابسلسله
_
أثر باقي اعله النهر منتظرك هواي
رايه تارك عالشريعه سيد الماي
و من الحسين السبط تارك الك هاي
خنصره المگطوع تثأرله يمولاي
علم فوگ النهر .. ينتظر حامله
حسين الأمين
#صاحب_الزمان_ع
______
بعيون النجمات كاتبلك كلمات
اقره اشواگي و اقره الهظمه
طال الموعد حيل ماخذ حيلي الليل
يا مصباح العاش بظلمه
____
رويني العطش چتال إذا ما يرتوي بمايك
دليني الحلم رحال حتى بكل حلم جايك
فهمني شلي بعقلي لو ما ياخذ برايك
وين راسمها بعيون النجم
وين هلبت عطر منك أشم
وين يوميه اذكرك وانلچم
اجمعلك دمعات واسهرلك لچمات
تگضي الدمعه و تبقه اللچمه
طال الموعد حيل ماخذ حيلي الليل
يا مصباح العاش بظلمه
____
جنني العقل مريود بس اوياك ماريده
ريحني هلالك وين چا يمته يهل عيده
گاودني إذا مو انته ياهو الالزم بأيده
صوت ابعثلك و يرجع صده
صوت طال السفر عن موعده
صوت روحي اعله دربك گاعده
ناذرلك چم عين ما بين و ما بين
بين الحسره بين البسمه
طال الموعد حيل ماخذ حيلي الليل
يا مصباح العاش بظلمه
___
علمني الذليل ايعيش بس ايموت بالسكته
ذكرني اني موش إني بس انته تظل انته
تانيني خلگ فلاح عندك وإني تعبته
روح عندي مريضه امن الذنب
روح عني بسببها تنحجب
روح بس اللقائك ترتقب
اسأل ماكو اجواب عن درب الاحباب
ختشوفك عيني لا تعمه
طال الموعد حيل ماخذ حيلي الليل
يا مصباح العاش بظلمه
_____
اجرحني تره المجروح تصبح دمعته اسمه
عذبني اريد ارتاح العذاب اوياك هم نعمه
سويني أويس اوياك گلبي ينتظر علمه
نار بالليل گلبي يشتعل
نار لاني متت لاني عدل
نار هلبت خبر منك يصل
عايش ليله افراگ يا نار المشتاگ
ما يبرد گلبي بچم شمه
طال الموعد حيل ماخذ حيلي الليل
يا مصباح العاش بظلمه
______
خليني علگ شباچ لو بالمجلس اعگدني
الچمني بحرگ خيمات وعالشوغات علمني
ذوبني اعله طاري النوگ وبسحگ الخيل لوعني
كون مثلك عله الطف ابچي دم
كون تحرگني من نار الخيم
كون دلالي بس حبك فهم
يا غوث الملهوف العينك يمته انشوف
و نسمع من اشفافك كلمه
طال الموعد حيل ماخذ حيلي الليل
يا مصباح العاش بظلمه
حسين الأمين
______
بعيون النجمات كاتبلك كلمات
اقره اشواگي و اقره الهظمه
طال الموعد حيل ماخذ حيلي الليل
يا مصباح العاش بظلمه
____
رويني العطش چتال إذا ما يرتوي بمايك
دليني الحلم رحال حتى بكل حلم جايك
فهمني شلي بعقلي لو ما ياخذ برايك
وين راسمها بعيون النجم
وين هلبت عطر منك أشم
وين يوميه اذكرك وانلچم
اجمعلك دمعات واسهرلك لچمات
تگضي الدمعه و تبقه اللچمه
طال الموعد حيل ماخذ حيلي الليل
يا مصباح العاش بظلمه
____
جنني العقل مريود بس اوياك ماريده
ريحني هلالك وين چا يمته يهل عيده
گاودني إذا مو انته ياهو الالزم بأيده
صوت ابعثلك و يرجع صده
صوت طال السفر عن موعده
صوت روحي اعله دربك گاعده
ناذرلك چم عين ما بين و ما بين
بين الحسره بين البسمه
طال الموعد حيل ماخذ حيلي الليل
يا مصباح العاش بظلمه
___
علمني الذليل ايعيش بس ايموت بالسكته
ذكرني اني موش إني بس انته تظل انته
تانيني خلگ فلاح عندك وإني تعبته
روح عندي مريضه امن الذنب
روح عني بسببها تنحجب
روح بس اللقائك ترتقب
اسأل ماكو اجواب عن درب الاحباب
ختشوفك عيني لا تعمه
طال الموعد حيل ماخذ حيلي الليل
يا مصباح العاش بظلمه
_____
اجرحني تره المجروح تصبح دمعته اسمه
عذبني اريد ارتاح العذاب اوياك هم نعمه
سويني أويس اوياك گلبي ينتظر علمه
نار بالليل گلبي يشتعل
نار لاني متت لاني عدل
نار هلبت خبر منك يصل
عايش ليله افراگ يا نار المشتاگ
ما يبرد گلبي بچم شمه
طال الموعد حيل ماخذ حيلي الليل
يا مصباح العاش بظلمه
______
خليني علگ شباچ لو بالمجلس اعگدني
الچمني بحرگ خيمات وعالشوغات علمني
ذوبني اعله طاري النوگ وبسحگ الخيل لوعني
كون مثلك عله الطف ابچي دم
كون تحرگني من نار الخيم
كون دلالي بس حبك فهم
يا غوث الملهوف العينك يمته انشوف
و نسمع من اشفافك كلمه
طال الموعد حيل ماخذ حيلي الليل
يا مصباح العاش بظلمه
حسين الأمين
#استشهاد_علي_الهادي_ع
____
أسألك يالحسن من شيعت والدك
حملته بوحدك لو من اجه ساعدك
هم ضليت محتار جريح ابكل الاكتار
___
إنه السجاد اجيتك دمعي جاري
اخفف حزنك و عظّم الباري
حملته انته بنعش و الجدم ساري
ما مرضوض رضه و جسمه عاري
تشيعه مهيب و شالته شيعته
إنه وحدي بقيت وأجمع بجثّته
رأسه اعله الرمح دار جريح ابكل الاكتار
____
علي الهادي تودعه بكل مهابه
دفنته و بيدك تهيل بترابه
مو دافن ابو بدمه و خضابه
نايم و الشمس صارت سحابه
لملمته بحصيره موذر اعله الترب
صوت النحر ابني وسده اعله الگلب
دفنته و الترب حار جريح ابكل الاكتار
_
بمصايب كربله استذكر الهم
أنه الشايف أبويه بكل كتر دم
يبني بحالتي بس ربنه اعلم
انه الشاهدت خيل بصدره هشم
چن الخيل تسحك ريتي و مهجتي
شفت الگطع راسه چن يحز رگبتي
الخيل بطيحته غار جريح ابكل الاكتار
_
جنازة والدك حضرتها شيعة
تون و بالدمع تبچي الوسيعه
وسفه ويا هظم ذيچ الفجيعة
بلا نايح صفه ابن الوديعة
حضرت فاطمه تنحب و تجري الدمع
تلطم عالوجن مره اعله كسر الضلع
بين الخيل و النار جريح ابكل الاكتار
____
من مات الابو ما طلعتلكم مره
عزيزه امدللة بت الابو مخدره
بين الزلم تمشي امدللة حيدره
من ديره لديره زينب اميسره
يتامه تكفلت تمشي بطريق اليسر
طبت بالمجالس تالي أم الخدر
بزينب هالزمن دار جريح ابكل الاكتار
حسين الأمين
____
أسألك يالحسن من شيعت والدك
حملته بوحدك لو من اجه ساعدك
هم ضليت محتار جريح ابكل الاكتار
___
إنه السجاد اجيتك دمعي جاري
اخفف حزنك و عظّم الباري
حملته انته بنعش و الجدم ساري
ما مرضوض رضه و جسمه عاري
تشيعه مهيب و شالته شيعته
إنه وحدي بقيت وأجمع بجثّته
رأسه اعله الرمح دار جريح ابكل الاكتار
____
علي الهادي تودعه بكل مهابه
دفنته و بيدك تهيل بترابه
مو دافن ابو بدمه و خضابه
نايم و الشمس صارت سحابه
لملمته بحصيره موذر اعله الترب
صوت النحر ابني وسده اعله الگلب
دفنته و الترب حار جريح ابكل الاكتار
_
بمصايب كربله استذكر الهم
أنه الشايف أبويه بكل كتر دم
يبني بحالتي بس ربنه اعلم
انه الشاهدت خيل بصدره هشم
چن الخيل تسحك ريتي و مهجتي
شفت الگطع راسه چن يحز رگبتي
الخيل بطيحته غار جريح ابكل الاكتار
_
جنازة والدك حضرتها شيعة
تون و بالدمع تبچي الوسيعه
وسفه ويا هظم ذيچ الفجيعة
بلا نايح صفه ابن الوديعة
حضرت فاطمه تنحب و تجري الدمع
تلطم عالوجن مره اعله كسر الضلع
بين الخيل و النار جريح ابكل الاكتار
____
من مات الابو ما طلعتلكم مره
عزيزه امدللة بت الابو مخدره
بين الزلم تمشي امدللة حيدره
من ديره لديره زينب اميسره
يتامه تكفلت تمشي بطريق اليسر
طبت بالمجالس تالي أم الخدر
بزينب هالزمن دار جريح ابكل الاكتار
حسين الأمين
#الليالي_الزينبيه ٢
__
يبت حيدر امنيه عندي بزماني
كون اشاهد گبتچ بضعت ثواني
____
للمناره اشتاگ گلبي و الحضرتچ و الضريح
كون اجيچ اركاض زينب لحد ما عالعتبه اطيح
الف هنياله الگصدلچ و حدر فيچ يستريح
روحي ملهوفه اعله كبتچ يشهد اعليها الذبيح
بداعت العباس سهليها الاماني
كون اشاهد گبتچ بضعت ثواني
__
و توصلچ زينب مواكب للحرم مشتاگه
و ركضة اطويريچ يمچ كون هم تتلاگه
اي و حگ خدرچ يحره و محنتچ عالناگه
نار شوگ ازيارتچ وسط الگلب حراگه
ازحوف اجيلچ مو جدم فدواتچ اني
كون اشاهد گبتچ بضعت ثواني
____
شنو موكب يالعقيله لعد گبرچ واصل
مثل يوم الاربعين ايكون يمچ حاصل
الزاير اليوصل ضريحچ امسهل امره الكافل
واحنه سهلها الزياره صحنه يابو فاضل
و النعم من ابو فاضل ماله ثاني
كون اشاهد گبتچ بضعت ثواني
______
خاف اموت و ما اشاهد كبتچ كل هالسنين
الچ من عندي تحيه و دمعة و احزان و ونين
راح عنچ بالنيابه زاير اگصد للحسين
و تعزيه انصب يالعقيله الچ بين الحرمين
فدوه لسمچ مهجتي و روحي و كياني
كون اشاهد گبتچ بضعت ثواني
____
امنيه عندي بزماني بدمعة اطلب حمره
وانتي هم باب الحوائج مثل باقي العتره
عدنه غايب يالعقيله المهدي طول أمره
إندعي من الله بلكي ايعجلنه بنصره
الهجر طال و شعيته الثاره تتاني
كون اشاهد گبتچ بضعت ثواني
حسين الأمين
__
يبت حيدر امنيه عندي بزماني
كون اشاهد گبتچ بضعت ثواني
____
للمناره اشتاگ گلبي و الحضرتچ و الضريح
كون اجيچ اركاض زينب لحد ما عالعتبه اطيح
الف هنياله الگصدلچ و حدر فيچ يستريح
روحي ملهوفه اعله كبتچ يشهد اعليها الذبيح
بداعت العباس سهليها الاماني
كون اشاهد گبتچ بضعت ثواني
__
و توصلچ زينب مواكب للحرم مشتاگه
و ركضة اطويريچ يمچ كون هم تتلاگه
اي و حگ خدرچ يحره و محنتچ عالناگه
نار شوگ ازيارتچ وسط الگلب حراگه
ازحوف اجيلچ مو جدم فدواتچ اني
كون اشاهد گبتچ بضعت ثواني
____
شنو موكب يالعقيله لعد گبرچ واصل
مثل يوم الاربعين ايكون يمچ حاصل
الزاير اليوصل ضريحچ امسهل امره الكافل
واحنه سهلها الزياره صحنه يابو فاضل
و النعم من ابو فاضل ماله ثاني
كون اشاهد گبتچ بضعت ثواني
______
خاف اموت و ما اشاهد كبتچ كل هالسنين
الچ من عندي تحيه و دمعة و احزان و ونين
راح عنچ بالنيابه زاير اگصد للحسين
و تعزيه انصب يالعقيله الچ بين الحرمين
فدوه لسمچ مهجتي و روحي و كياني
كون اشاهد گبتچ بضعت ثواني
____
امنيه عندي بزماني بدمعة اطلب حمره
وانتي هم باب الحوائج مثل باقي العتره
عدنه غايب يالعقيله المهدي طول أمره
إندعي من الله بلكي ايعجلنه بنصره
الهجر طال و شعيته الثاره تتاني
كون اشاهد گبتچ بضعت ثواني
حسين الأمين
#الليالي_الزينبيه ٤
___
ماتت بلوعة جروح أيامها
وتنتظر يلفيها من أحلامها
الكمر يوصل يم گبرها تمنته اهنا ينتظرها
أحلامها
____
يله يا هاشم خدركم چفنوها
هاذي بت حيدر علي ما تعرفوها
من تنزلوها اللحد لا تلچموها
بالسبي ازرك متنها امن اضربوها
انتظروا بلكت هم يجي كفالها
خل يشاهد بعده أخته شحالها
انتظروا خل يوصل كمرها تمنته اهنا ينتظرها
أحلامها
____
تعاين اعليهم بعد صحوة منيه
بلكي واحد جاها من الغاضرية
بس نحر معقولة يلفي ابن الزچيه
وي الكمر يتعنى ليها ابهل الرزية
حلم عدها و تنتظر يلفوها
من الطفوف إخوانها يحضروها
اعله الدرب شابح نظرها تمنته اهنا ينتظرها
أحلامها
_____
ها يعباس اشبعد ما توصل إلها
ماتت و منتظره يلفيها الكفلها
تدري الأحزان شكثر غيرت شكلها
امخدرتكم ما تجي ليها اتحملها
جنازة ظلت تنتظرها جفوفك
ماتت و ظلت تون بحروفك
ما تجي خلص صبرها تمنته اهنا ينتظرها
أحلامها
___
هالحلم چانت حقيقة هم تريده
يوصل العباس و يوسدها بيده
يقره يمها الفاتحة و يحضر عضيده
حتى لو يوصل فقط بس ابوريده
تالي نزلوها الكبر مهظومه
لأن مشتاگه تشوف ارسومه
ما حضر حامي خدرها تمنته اهنا ينتظرها
أحلامها
_____
ها يهاشم ريضوا بلكت يجيها
بلكي من أرض النجف يوصل عليها
لا تهيلون الترب رفعت اديها
چنه واكف حيدر و سلم عليها
وصل والدها و بقت توميله
وسفه ماتت قبل لا تشكيله
بكربله لوعة عمرها تمنته اهنا ينتظرها
أحلامها
___
ماتت و نسمع ونين من الكبر
چنها فاطم وصلت لأم الخدر
تسولف لأمها مرارات اليسر
من مشت بين الغرب أصعب أمر
تسولفلها عن جميع آلامها
من گصد شامت يلوع ايتامها
الدمه يجري من ظهرها تمنته اهنا ينتظرها
أحلامها
حسين الأمين
___
ماتت بلوعة جروح أيامها
وتنتظر يلفيها من أحلامها
الكمر يوصل يم گبرها تمنته اهنا ينتظرها
أحلامها
____
يله يا هاشم خدركم چفنوها
هاذي بت حيدر علي ما تعرفوها
من تنزلوها اللحد لا تلچموها
بالسبي ازرك متنها امن اضربوها
انتظروا بلكت هم يجي كفالها
خل يشاهد بعده أخته شحالها
انتظروا خل يوصل كمرها تمنته اهنا ينتظرها
أحلامها
____
تعاين اعليهم بعد صحوة منيه
بلكي واحد جاها من الغاضرية
بس نحر معقولة يلفي ابن الزچيه
وي الكمر يتعنى ليها ابهل الرزية
حلم عدها و تنتظر يلفوها
من الطفوف إخوانها يحضروها
اعله الدرب شابح نظرها تمنته اهنا ينتظرها
أحلامها
_____
ها يعباس اشبعد ما توصل إلها
ماتت و منتظره يلفيها الكفلها
تدري الأحزان شكثر غيرت شكلها
امخدرتكم ما تجي ليها اتحملها
جنازة ظلت تنتظرها جفوفك
ماتت و ظلت تون بحروفك
ما تجي خلص صبرها تمنته اهنا ينتظرها
أحلامها
___
هالحلم چانت حقيقة هم تريده
يوصل العباس و يوسدها بيده
يقره يمها الفاتحة و يحضر عضيده
حتى لو يوصل فقط بس ابوريده
تالي نزلوها الكبر مهظومه
لأن مشتاگه تشوف ارسومه
ما حضر حامي خدرها تمنته اهنا ينتظرها
أحلامها
_____
ها يهاشم ريضوا بلكت يجيها
بلكي من أرض النجف يوصل عليها
لا تهيلون الترب رفعت اديها
چنه واكف حيدر و سلم عليها
وصل والدها و بقت توميله
وسفه ماتت قبل لا تشكيله
بكربله لوعة عمرها تمنته اهنا ينتظرها
أحلامها
___
ماتت و نسمع ونين من الكبر
چنها فاطم وصلت لأم الخدر
تسولف لأمها مرارات اليسر
من مشت بين الغرب أصعب أمر
تسولفلها عن جميع آلامها
من گصد شامت يلوع ايتامها
الدمه يجري من ظهرها تمنته اهنا ينتظرها
أحلامها
حسين الأمين
انت العليَّ الذي فوقَ العُلا رُفِعا
بِبطن مكّةَ وسطَ البيْت إذ وُضعا
اسمى آيات التهاني والتبريكات
لمقام مولانا صاحب العصر والزمان عجل الله فرجه
ولشيعة علي بن ابي طالب عليه السلام في كل بقاع الارض و أقطار السماء
بولادة القرأن الناطق ولي الخالق الجبل الشاهق الصديق الأكبر و الفاروق الأعظم
امير المؤمنين علي عليه افضل الصلاة والسلام
#حسين_الأمين
بِبطن مكّةَ وسطَ البيْت إذ وُضعا
اسمى آيات التهاني والتبريكات
لمقام مولانا صاحب العصر والزمان عجل الله فرجه
ولشيعة علي بن ابي طالب عليه السلام في كل بقاع الارض و أقطار السماء
بولادة القرأن الناطق ولي الخالق الجبل الشاهق الصديق الأكبر و الفاروق الأعظم
امير المؤمنين علي عليه افضل الصلاة والسلام
#حسين_الأمين
#الليالي_الزينبيه ٥
___
غربت دفان تابوت احزان من دون اخوان
شيال النعش فزعه
لا صرخه و لا دمعه غربت دفان
___
نعش .. راگد مثل مهد .. ما بي طفل
حزن .. ظل يشتعل جمراته بالروح
نشد .. حتى الهوه وصل .. راعي اللوه
اجه .. من نينوه صوب اخته مجروح
درب الشام صح ابعيد و يتعبك يبو فاضل
بس الميته زينب هاي و اختك جيه تستاهل
خاطر مكسور بالعين ادور هلبت ناطور
يحضرها اخو اتودعه
لا صرخه و لا دمعه غربت دفان
____
صعب .. بيد الغرب گبر .. زينب تطب
سكت .. منها گلب بس بعده الاحساس
رجف .. منها خبر سأل .. وين الگمر
حضر .. لو ما حضر چا وينه عباس
تدري بيها ميته هواي بس هالمره تفرق حيل
ما متعوده چف غربه جنازتها يخوها اتشيل
بالغربه اتنام رجعت للشام شافت آلام
هم وحدها بالرجعه
لا صرخه و لا دمعه غربت دفان
_
دمع .. يرسم صور ملامح .. للسهر
اثر .. يتبع اثر من يوم الطفوف
يخوها .. اتحملت مصايب .. ما جرت
تراها .. اتأملت لعيونك اتشوف
كل ابنادم امن ايموت على احبابه يدير العين
لاچن زينب الليله تتلفت بقت صوبين
بصوت الاحساس نادت عباس تسمعها الناس
يا كافلها متسمعه
لا صرخه و لا دمعه غربت دفان
__
جنازه .. ابلا متن نحيله .. چن غصن
يبو .. فاضل تحن زينبكم اتموت
يسبع .. المشرعه حماميل .. اربعه
غرب .. يا فاجعه شالوا التابوت
تعال و شوف حالتها اختك يا گمر عدنان
زينب يا وسف يا حيف تموت ابعازة الدفان
محتاجه امتون بيها اتشيعون اختك ام عون
ساعات الدفن لوعه
لا صرخه و لا دمعه غربت دفان
__
انتهى .. حبر العمر مشت .. صوب الگبر
بلا .. اخ يا كسر و الگلب خلصان
اليموت .. ابلا اهل يهد .. ونه الجبل
عجب .. يابو الفضل تترك الجثمان
ماگلك بعد أحضر ماتت و انتهى ونها
اكيد ابعالم البرزخ تجيها و تعتذر منها
طبع الاحباب ايجرحك بعتاب لترد اجواب
احضر و اعلگ الشمعه
لا صرخه و لا دمعه غربت دفان
حسين الأمين
___
غربت دفان تابوت احزان من دون اخوان
شيال النعش فزعه
لا صرخه و لا دمعه غربت دفان
___
نعش .. راگد مثل مهد .. ما بي طفل
حزن .. ظل يشتعل جمراته بالروح
نشد .. حتى الهوه وصل .. راعي اللوه
اجه .. من نينوه صوب اخته مجروح
درب الشام صح ابعيد و يتعبك يبو فاضل
بس الميته زينب هاي و اختك جيه تستاهل
خاطر مكسور بالعين ادور هلبت ناطور
يحضرها اخو اتودعه
لا صرخه و لا دمعه غربت دفان
____
صعب .. بيد الغرب گبر .. زينب تطب
سكت .. منها گلب بس بعده الاحساس
رجف .. منها خبر سأل .. وين الگمر
حضر .. لو ما حضر چا وينه عباس
تدري بيها ميته هواي بس هالمره تفرق حيل
ما متعوده چف غربه جنازتها يخوها اتشيل
بالغربه اتنام رجعت للشام شافت آلام
هم وحدها بالرجعه
لا صرخه و لا دمعه غربت دفان
_
دمع .. يرسم صور ملامح .. للسهر
اثر .. يتبع اثر من يوم الطفوف
يخوها .. اتحملت مصايب .. ما جرت
تراها .. اتأملت لعيونك اتشوف
كل ابنادم امن ايموت على احبابه يدير العين
لاچن زينب الليله تتلفت بقت صوبين
بصوت الاحساس نادت عباس تسمعها الناس
يا كافلها متسمعه
لا صرخه و لا دمعه غربت دفان
__
جنازه .. ابلا متن نحيله .. چن غصن
يبو .. فاضل تحن زينبكم اتموت
يسبع .. المشرعه حماميل .. اربعه
غرب .. يا فاجعه شالوا التابوت
تعال و شوف حالتها اختك يا گمر عدنان
زينب يا وسف يا حيف تموت ابعازة الدفان
محتاجه امتون بيها اتشيعون اختك ام عون
ساعات الدفن لوعه
لا صرخه و لا دمعه غربت دفان
__
انتهى .. حبر العمر مشت .. صوب الگبر
بلا .. اخ يا كسر و الگلب خلصان
اليموت .. ابلا اهل يهد .. ونه الجبل
عجب .. يابو الفضل تترك الجثمان
ماگلك بعد أحضر ماتت و انتهى ونها
اكيد ابعالم البرزخ تجيها و تعتذر منها
طبع الاحباب ايجرحك بعتاب لترد اجواب
احضر و اعلگ الشمعه
لا صرخه و لا دمعه غربت دفان
حسين الأمين
#الليالي_الموسويه
--------------------
يا حمامه. يم عمامه گصدي هاليوم
صيحي حيهم موسى ابنهم مات مسموم
الميت ادفنه هله تقره يمه البسمله
____
للمدينه انطي خبر ... للنبي سيد البشر
مات موسى إبن جعفر ... من سم هارون
تاسع أنوار العرش ... بسجنه ظل خمسطعش
تالي طلعوا بس نعش ... وغربه يشيعون
يا محمد ... ماكو احد ... هالمسيه
لو تحضره ... خلص عمره ... بالرزيه
يا نبينه أحضر إله تقره يمه البسمله
___
للنجف ثاني سفر ... يم علي فارس مضر
ابنك بسم انغدر يا داحي الباب
فزعة رايد يالاسد ... موسى باقي بس جسد
ما وصل منكم احد ايتاني الغياب
يالغضنفر ... بسيفك أحضر ... اسد بغداد
بسمه حاير ... ماكو ناصر ... و شكثر راد
يا علي ما توصله تقره يمه البسمله
__
للبقيع أرض المحن ... گصدي حشمي بالحسن
خل يشد بيده الرسن ... و يطويها الگاع
و نادي سجاد العباد ... و باقر اعلوم الرشاد
خل تسل سيف الجهاد ... ثار الهم ضاع
الصادق الآل ... وصلي مرسال ... ابنه مغدور
مثله بالسم ... شاهد الهم ... لازم ايثور
ثار هاشم زلزله تقره يمه البسمله
___
يا حمامه بالدمع ... گصدي راس المنگطع
سوليفيله بالوضع ... ما يسكت لا
ينهض الموسى نحر ... حتى لو صدره انكسر
بركضته حسين و عثر ... آ واويلا
خايف حسين ... بصدره سهمين ... ينهض اشلون
جسمه مسحوگ ... ظهره مطبوگ ... بدمه مدفون
حشمي بطف كربله تقره يمه البسمله
___
طولي يم المشرعه ... و زيدي حجم الفاجعه
جفوفه صح امگطعه ... و ينهض عباس
غيرته لو تشتعل ... عالارض ما ينحمل
الموسى يگصد بوالفضل ... راعي النوماس
هوسي يمه ... بعصبة امه ... ينسه الزنود
الجسر ينهد ... گنطره ايرد ... إلها مريود
نعش موسى يكفله تقره يمه البسمله
___
بسفرتچ آخر مقر ... للرضا بونه و قهر
الوالده خلي ايحظر ... ايوسده بكبره
عظمي ليه الاجر ... خلي يگصد للجسر
بيده يحفرله الگبر ... و ايوادع عمره
و الوصيه ... الكاظمية ... راهب الآل
الرضا ابنه ... وصه النه ... نتبعه و گال
هوه للعتره صله تقره يمه البسمله
حسين الأمين
--------------------
يا حمامه. يم عمامه گصدي هاليوم
صيحي حيهم موسى ابنهم مات مسموم
الميت ادفنه هله تقره يمه البسمله
____
للمدينه انطي خبر ... للنبي سيد البشر
مات موسى إبن جعفر ... من سم هارون
تاسع أنوار العرش ... بسجنه ظل خمسطعش
تالي طلعوا بس نعش ... وغربه يشيعون
يا محمد ... ماكو احد ... هالمسيه
لو تحضره ... خلص عمره ... بالرزيه
يا نبينه أحضر إله تقره يمه البسمله
___
للنجف ثاني سفر ... يم علي فارس مضر
ابنك بسم انغدر يا داحي الباب
فزعة رايد يالاسد ... موسى باقي بس جسد
ما وصل منكم احد ايتاني الغياب
يالغضنفر ... بسيفك أحضر ... اسد بغداد
بسمه حاير ... ماكو ناصر ... و شكثر راد
يا علي ما توصله تقره يمه البسمله
__
للبقيع أرض المحن ... گصدي حشمي بالحسن
خل يشد بيده الرسن ... و يطويها الگاع
و نادي سجاد العباد ... و باقر اعلوم الرشاد
خل تسل سيف الجهاد ... ثار الهم ضاع
الصادق الآل ... وصلي مرسال ... ابنه مغدور
مثله بالسم ... شاهد الهم ... لازم ايثور
ثار هاشم زلزله تقره يمه البسمله
___
يا حمامه بالدمع ... گصدي راس المنگطع
سوليفيله بالوضع ... ما يسكت لا
ينهض الموسى نحر ... حتى لو صدره انكسر
بركضته حسين و عثر ... آ واويلا
خايف حسين ... بصدره سهمين ... ينهض اشلون
جسمه مسحوگ ... ظهره مطبوگ ... بدمه مدفون
حشمي بطف كربله تقره يمه البسمله
___
طولي يم المشرعه ... و زيدي حجم الفاجعه
جفوفه صح امگطعه ... و ينهض عباس
غيرته لو تشتعل ... عالارض ما ينحمل
الموسى يگصد بوالفضل ... راعي النوماس
هوسي يمه ... بعصبة امه ... ينسه الزنود
الجسر ينهد ... گنطره ايرد ... إلها مريود
نعش موسى يكفله تقره يمه البسمله
___
بسفرتچ آخر مقر ... للرضا بونه و قهر
الوالده خلي ايحظر ... ايوسده بكبره
عظمي ليه الاجر ... خلي يگصد للجسر
بيده يحفرله الگبر ... و ايوادع عمره
و الوصيه ... الكاظمية ... راهب الآل
الرضا ابنه ... وصه النه ... نتبعه و گال
هوه للعتره صله تقره يمه البسمله
حسين الأمين
#الليالي_الموسويه ٢
----------------------------
ذكرتك يجدي و هاجت آلامي
ذكرتك وحيد بموتتك ضامي
بچيتك و أنته باحزانك غريب و ماتت إخوانك
يجدي
_////////
جدي حسين جاني البين
مو مثلك و لكن يشبه شويه
بلايه معين. هماتين
وحدي و المنيه حامت اعليه
ذكرتك من على الماي لازم ظهرك اتنوح
من شاهدت عباس جسمه مخذم اجروح
بمنيتي. اذكرت رضة عظامك
بمنيتي. شفت حرگة خيامك
بقيت بلايه وليانك. غريب و ماتت إخوانك
يجدي
__/////////
مثلك حال وحدي انشال
ما عندي أخو لا إبن يلفيني
لا خي عون و المسجون
تبقى اعله الحبايب تنتظر عيني
هانت هالمصيبة لمن شاهدت الطفوف
تتلفت بعينك ما من ناصر تشوف
هظيمة على الماي و متت ضامي
هظيمة ما مترضرضة اعظامي
الحوافر أخذت الوانك غريب و ماتت إخوانك
يجدي
__/////
ثلاث ليال بالاغلال
بقيت بلا دفن هان الأمر عندي
ما منداس عندي راس
بالتابوت لا مو بالحصيرة اتوسد بلحدي
لا محزوز راسي لا بسهام مرمي
لا راسي على ارماح لا بالسيف مدمي
عالتراب ما خلوني عاري
عالتراب ثلاثة بالظهاري
طفل مات اعله ذرعانك غريب و ماتت إخوانك
يجدي
____///////////
بسلاسل أيد مثل ايزيد
گيدوني مثل ما چتفوا اعيالك
عالتابوت اسمع صوت
ناعي مو شماته و ضحك چتالك
ما يوفيلك ابچاي لا حسرات صدري
يلي راسه برماح و سبايه اعياله تسري
دموعي. طاحت و انسمع صوتي
دموعي. لمصابك مو لجل موتي
بحقد سلبوها قمصانك غريب و ماتت إخوانك
يجدي
حسين الأمين
----------------------------
ذكرتك يجدي و هاجت آلامي
ذكرتك وحيد بموتتك ضامي
بچيتك و أنته باحزانك غريب و ماتت إخوانك
يجدي
_////////
جدي حسين جاني البين
مو مثلك و لكن يشبه شويه
بلايه معين. هماتين
وحدي و المنيه حامت اعليه
ذكرتك من على الماي لازم ظهرك اتنوح
من شاهدت عباس جسمه مخذم اجروح
بمنيتي. اذكرت رضة عظامك
بمنيتي. شفت حرگة خيامك
بقيت بلايه وليانك. غريب و ماتت إخوانك
يجدي
__/////////
مثلك حال وحدي انشال
ما عندي أخو لا إبن يلفيني
لا خي عون و المسجون
تبقى اعله الحبايب تنتظر عيني
هانت هالمصيبة لمن شاهدت الطفوف
تتلفت بعينك ما من ناصر تشوف
هظيمة على الماي و متت ضامي
هظيمة ما مترضرضة اعظامي
الحوافر أخذت الوانك غريب و ماتت إخوانك
يجدي
__/////
ثلاث ليال بالاغلال
بقيت بلا دفن هان الأمر عندي
ما منداس عندي راس
بالتابوت لا مو بالحصيرة اتوسد بلحدي
لا محزوز راسي لا بسهام مرمي
لا راسي على ارماح لا بالسيف مدمي
عالتراب ما خلوني عاري
عالتراب ثلاثة بالظهاري
طفل مات اعله ذرعانك غريب و ماتت إخوانك
يجدي
____///////////
بسلاسل أيد مثل ايزيد
گيدوني مثل ما چتفوا اعيالك
عالتابوت اسمع صوت
ناعي مو شماته و ضحك چتالك
ما يوفيلك ابچاي لا حسرات صدري
يلي راسه برماح و سبايه اعياله تسري
دموعي. طاحت و انسمع صوتي
دموعي. لمصابك مو لجل موتي
بحقد سلبوها قمصانك غريب و ماتت إخوانك
يجدي
حسين الأمين
حلم چان و تحقق و انگضى المكتوب
و حلات الحلم لمن ينختم يمك
بديت اوياك من أول احچايه و صوت
و قبل لا أعرف اكتب چنت اخط اسمك
و من كل مرحله من انجح اتعناك
إذا مو يم ضريحك اگصد الرسمك
انتهت ذيچ السنين اتخرجت يحسين
و محلاها الشهاده البيها اثر ختمك
چا شلّي بشهاده ما تطوف اعليك
و شيفيد الفهم لو آنه ما فهمك
مهندس صح صرت .. بس خادم احله هواي
فرق كلش چبير بگد كبر حجمك
كل الغايه ردت اجمعهن الطاريك
اهندسلك لطم و انحب عله اخيمّك
منك . بيك . الك كل العمر يحسين
كبرت بصيتك و من زادك و كرمك
اخلع كل وشاح و كل علم كل رآي
و لبسني بدلهن خيط من هدمك
يمن كل عطف ابويه و الحنان البيه
ما يوصل و حقك ذره من رحمك
ما رايد شهادة خدمتك مولاي
و لتخرجني منها اتوسل ابأمك
خليني اعله بابك انعه و اكتب ليك
و الطم صدري من اذكر سحگ جسمك
كل هاي الشهايد و العلم و الصيت
لو ما بيهن انته اسحگهن بجدمك
باچر كل شهاده ايمر عليها الموت
و كلهم ينسون و يبقى اليخدمك
أخيراً هالشهاده ويه راعي الثار
حلمها اتخدمه لمن يطلب ابدمك
#شهادة_خدمتك
#حسين_الأمين
و حلات الحلم لمن ينختم يمك
بديت اوياك من أول احچايه و صوت
و قبل لا أعرف اكتب چنت اخط اسمك
و من كل مرحله من انجح اتعناك
إذا مو يم ضريحك اگصد الرسمك
انتهت ذيچ السنين اتخرجت يحسين
و محلاها الشهاده البيها اثر ختمك
چا شلّي بشهاده ما تطوف اعليك
و شيفيد الفهم لو آنه ما فهمك
مهندس صح صرت .. بس خادم احله هواي
فرق كلش چبير بگد كبر حجمك
كل الغايه ردت اجمعهن الطاريك
اهندسلك لطم و انحب عله اخيمّك
منك . بيك . الك كل العمر يحسين
كبرت بصيتك و من زادك و كرمك
اخلع كل وشاح و كل علم كل رآي
و لبسني بدلهن خيط من هدمك
يمن كل عطف ابويه و الحنان البيه
ما يوصل و حقك ذره من رحمك
ما رايد شهادة خدمتك مولاي
و لتخرجني منها اتوسل ابأمك
خليني اعله بابك انعه و اكتب ليك
و الطم صدري من اذكر سحگ جسمك
كل هاي الشهايد و العلم و الصيت
لو ما بيهن انته اسحگهن بجدمك
باچر كل شهاده ايمر عليها الموت
و كلهم ينسون و يبقى اليخدمك
أخيراً هالشهاده ويه راعي الثار
حلمها اتخدمه لمن يطلب ابدمك
#شهادة_خدمتك
#حسين_الأمين
#ابو_طالب_عليه_السلام
__
حگهم يبو طالب يكرهون اسمك
هيبتهم و عزهم سحگته بچدمك
كسّرت الاصنام علّيت الاسلام
_
شيخ العرب و بوگتك اشيوخ اهواي
من تجي الكعبه اتگلك اهلاً مولاي
و بحكمتك لقمان وصه ابنه بهاي
موش انه يبني ابو طالب حچاي
كلمن على احدودك تجاوز حده
سطرت اچفوفك اثر تبقى بخده
يا شيخ الازلام علّيت الاسلام
___
انته النبع و الناس چانت صحره
اعظم صَدَف و اتكفل اعظم دره
السيرة حياتك هالمثل بي عبره
الما عرف حجمك لا تظن ايقدره
تاريخك الخطه اظن چان اعمه
ما فرّق ابين الذهب و الفحمه
اعمه و مينلام علّيت الاسلام
__
يم اسمك احلوگ التسولف تخرس
يا شذره انته و كل قريش المحبس
انته الامان الطه لو ضُر بي مس
الأول محمد قبله ما تتنفس
كهف اليتيم و چنت الها و گدها
و منك علي هاي الصفه ماخذها
يا حصن الايتام عليت الاسلام
__
شككو باسلامك و دوروا زله
و الغايه منها ابلا شرف تتجله
حتى علي ابنك بعد ما يتعله
و لا بالخلافه ايصير هوه الاوله
ايبيضون بيه الچان تاريخه اسود
خاطر اويه آباء الثلاثه تنعد
ما نصفت اقلام عليت الاسلام
حسين الامين
__
حگهم يبو طالب يكرهون اسمك
هيبتهم و عزهم سحگته بچدمك
كسّرت الاصنام علّيت الاسلام
_
شيخ العرب و بوگتك اشيوخ اهواي
من تجي الكعبه اتگلك اهلاً مولاي
و بحكمتك لقمان وصه ابنه بهاي
موش انه يبني ابو طالب حچاي
كلمن على احدودك تجاوز حده
سطرت اچفوفك اثر تبقى بخده
يا شيخ الازلام علّيت الاسلام
___
انته النبع و الناس چانت صحره
اعظم صَدَف و اتكفل اعظم دره
السيرة حياتك هالمثل بي عبره
الما عرف حجمك لا تظن ايقدره
تاريخك الخطه اظن چان اعمه
ما فرّق ابين الذهب و الفحمه
اعمه و مينلام علّيت الاسلام
__
يم اسمك احلوگ التسولف تخرس
يا شذره انته و كل قريش المحبس
انته الامان الطه لو ضُر بي مس
الأول محمد قبله ما تتنفس
كهف اليتيم و چنت الها و گدها
و منك علي هاي الصفه ماخذها
يا حصن الايتام عليت الاسلام
__
شككو باسلامك و دوروا زله
و الغايه منها ابلا شرف تتجله
حتى علي ابنك بعد ما يتعله
و لا بالخلافه ايصير هوه الاوله
ايبيضون بيه الچان تاريخه اسود
خاطر اويه آباء الثلاثه تنعد
ما نصفت اقلام عليت الاسلام
حسين الامين
#مولد_الحسن_ع
الزهره بالحسن هالليله فرحانه
__
انولد شيخ الكرم و ازدهرت الاكوان
من بيت الوصي شع و النجم فرحان
ألف هنياله بختك يا شهر رمضان
بيك الحسن ضوه بنوره و احسانه
____
ابتشر سيد الرسل بأول سبط مولود
راي الله و حكمته و فضله ما معدود
الله أختار اسمه و بالاسم مقصود
الحسن من الله اسمه و صار عنوانه
__
ما چانت احچايه قبله لا كلمه
هوه اصل الكلام و منبع الحكمه
حيدر و الزجيه اتكنوا ابأسمه
رأي الحكمه چان بكلمة السانه
_
الكرم يم بابه يسجد ابن داحي الباب
و أسأل كل مضيف بديرة الاعراب
ديوان الحسن صار المثل ينجاب
يم طاري الكرم محد وصل شانه
_
ابن حيدر علي بالحرب من مثله
شجاعة والده بضرباته تتجله
الجمل و النهروان ابهاي تشهدله
حيدر بالشجاعه بعلمه بيمانه
حسين الامين
الزهره بالحسن هالليله فرحانه
__
انولد شيخ الكرم و ازدهرت الاكوان
من بيت الوصي شع و النجم فرحان
ألف هنياله بختك يا شهر رمضان
بيك الحسن ضوه بنوره و احسانه
____
ابتشر سيد الرسل بأول سبط مولود
راي الله و حكمته و فضله ما معدود
الله أختار اسمه و بالاسم مقصود
الحسن من الله اسمه و صار عنوانه
__
ما چانت احچايه قبله لا كلمه
هوه اصل الكلام و منبع الحكمه
حيدر و الزجيه اتكنوا ابأسمه
رأي الحكمه چان بكلمة السانه
_
الكرم يم بابه يسجد ابن داحي الباب
و أسأل كل مضيف بديرة الاعراب
ديوان الحسن صار المثل ينجاب
يم طاري الكرم محد وصل شانه
_
ابن حيدر علي بالحرب من مثله
شجاعة والده بضرباته تتجله
الجمل و النهروان ابهاي تشهدله
حيدر بالشجاعه بعلمه بيمانه
حسين الامين
#ليالي_امير_المؤمنين_ع
______
يم دار الامامه مجتمعه اليتامه
عن حيدر بدت قصة دمعهم
كل واحد حچه سالفته منهم
____
أول دمعه تحچي من الأيتام
صاحت الهم بدمع الرزيه
انه وي علي عشرتنه اعوام
كل يوم اليمر يسأل عليه
ما حسيت ما عندي أبو وياه
ابويه و أمي حيدر چان اليه
كلما نلتقي يفرشلي صدره
بحضنه گعدتي و ناكل سويه
ماكو بشر منه منبع للمحنه
بلا حيدر علي أتخيل وضعهم
كل واحد حچه سالفته منهم
____
ثاني ايتيم گال اني بخرابه
صاحاني و گلتله منهو انته
ما جاوبني لكن شفته مهظوم
و بهيبه صفت تنزل دمعته
خذاني عالصدر شايلني مولاي
ثياب و اكل جاب و ما عرفته
أمير المؤمنين أسمع يگولون
لن هوه علي اوياي بعظمته
خذاني اوياه للبيت و بحظنه تربيت
تجرح حيل من تسمع قصصهم
كل واحد حچه سالفته منهم
__
صوت ابنيه گالت سمعوا قصتي
من انه و علي بويه التقانه
چان يگود بيده طفله مثلي
صاحتني و اجه بچفه خذانه
وصلنه البيته و أسمعها كلمته
تعاي ابنيتي گعدني ابمكانه
زينب ثاري چانت تمشي وياي
و حيدر هذا حاچاني بحنانه
بفرحتي گتله يابه ابنيتي ايرد جوابه
الله ايعينهم فگدوا سندهم
كل واحد حچه سالفته منهم
_
رابع گاعد و يبچي بزويه
گلناله شكو قصتك حزينه
مر بيه علي و شافاني وحدي
ما لاعبهم اولاد المدينه
سألني ليش گتله ما يقبلون
ما عندي ابو ايحامي علينه
نزلت دمعته و گال أمشي گلهم
حيدر والدي التحميني عينه
رحتلهم اناشد حيدر صار والد
اتمنوا لو يردونه بعمرهم
كل واحد حچه سالفته منهم
____
آخر گال ما عندي وسيله
غير ادعوا الاله ايطول عمره
من يمشي علي و يروح ظله
يعني الخيمه راحت من الفقره
عشنه چن ملوك بجال ملكه
ابد ما شفنه منه احچايه مره
كلما نعتنيله صدره موجود
مو صدر اليحمله اتگول حضره
مثل عش الحمامه صدره لليتامه
من طاح الولي بين فگدهم
كل واحد حچه سالفته منهم
حسين الأمين
______
يم دار الامامه مجتمعه اليتامه
عن حيدر بدت قصة دمعهم
كل واحد حچه سالفته منهم
____
أول دمعه تحچي من الأيتام
صاحت الهم بدمع الرزيه
انه وي علي عشرتنه اعوام
كل يوم اليمر يسأل عليه
ما حسيت ما عندي أبو وياه
ابويه و أمي حيدر چان اليه
كلما نلتقي يفرشلي صدره
بحضنه گعدتي و ناكل سويه
ماكو بشر منه منبع للمحنه
بلا حيدر علي أتخيل وضعهم
كل واحد حچه سالفته منهم
____
ثاني ايتيم گال اني بخرابه
صاحاني و گلتله منهو انته
ما جاوبني لكن شفته مهظوم
و بهيبه صفت تنزل دمعته
خذاني عالصدر شايلني مولاي
ثياب و اكل جاب و ما عرفته
أمير المؤمنين أسمع يگولون
لن هوه علي اوياي بعظمته
خذاني اوياه للبيت و بحظنه تربيت
تجرح حيل من تسمع قصصهم
كل واحد حچه سالفته منهم
__
صوت ابنيه گالت سمعوا قصتي
من انه و علي بويه التقانه
چان يگود بيده طفله مثلي
صاحتني و اجه بچفه خذانه
وصلنه البيته و أسمعها كلمته
تعاي ابنيتي گعدني ابمكانه
زينب ثاري چانت تمشي وياي
و حيدر هذا حاچاني بحنانه
بفرحتي گتله يابه ابنيتي ايرد جوابه
الله ايعينهم فگدوا سندهم
كل واحد حچه سالفته منهم
_
رابع گاعد و يبچي بزويه
گلناله شكو قصتك حزينه
مر بيه علي و شافاني وحدي
ما لاعبهم اولاد المدينه
سألني ليش گتله ما يقبلون
ما عندي ابو ايحامي علينه
نزلت دمعته و گال أمشي گلهم
حيدر والدي التحميني عينه
رحتلهم اناشد حيدر صار والد
اتمنوا لو يردونه بعمرهم
كل واحد حچه سالفته منهم
____
آخر گال ما عندي وسيله
غير ادعوا الاله ايطول عمره
من يمشي علي و يروح ظله
يعني الخيمه راحت من الفقره
عشنه چن ملوك بجال ملكه
ابد ما شفنه منه احچايه مره
كلما نعتنيله صدره موجود
مو صدر اليحمله اتگول حضره
مثل عش الحمامه صدره لليتامه
من طاح الولي بين فگدهم
كل واحد حچه سالفته منهم
حسين الأمين
#ليالي_امير_المؤمنين_ع ٢
_
قبل المنيه عينه رسمت صور بنينه
حيدر بقه ايناظر سم و سبي و حافر
رسمت صور بنينه
_
سكته الدنيه چانت و العرش مايل
بحروفه المصحف اعله الگاع ظل سايل
آخر لحظه لمهم و الدمع هامل
زينب و الحسن و حسين و الكافل
حچي الدمع حلاله وصوت السمه وحاله
يعلم علي باچر سم و سبي و حافر
رسمت صور بنينه
___
بعينه للحسن صد يمسح ابخده
هم مثلي بصيامك تقتلك جعده
بالسم يبني باچر چبدك اتمرده
و اسهام النعش لحشاك تتعده
و بدفنتك مصيبه جثتك تظل غريبه
و گبرك بلا زاير سم و سبي و حافر
رسمت صور بنينه
____
أخذ چف زينب و عاين على العباس
و گله اختك امانه الآخر الانفاس
زينب صوغت الله و كعبة الاحساس
الشمس ما شاهدتها لا تصدها الناس
احفظ وصيتي و امري زينب خدرها خدري
و اعله الخدر ساهر سم و سبي و حافر
رسمت صور بنينه
____
عطش و الماي چان الشفّته فاطر
من لحسين بعيونه بقه ايناظر
استعاذ اهواي من السهم و الحافر
و قراله أمن يجيبه بغربة العاشر
للطف عله ونينه نحر ابنه گاطعينه
راسه برمح صاير سم و سبي و حافر
رسمت صور بنينه
_
من شاف الطفوف و بنته تتسلب
جرح راسه يصب و بدمه يتعذب
مشيب و اعله الطاري الشام رد شيب
صد و گال بالطف نلتقي زينب
بليل اهدعش سويه اگصد وعد عليه
نوگ السبي اتسافر سم و سبي و حافر
رسمت صور بنينه
حسين الأمين
_
قبل المنيه عينه رسمت صور بنينه
حيدر بقه ايناظر سم و سبي و حافر
رسمت صور بنينه
_
سكته الدنيه چانت و العرش مايل
بحروفه المصحف اعله الگاع ظل سايل
آخر لحظه لمهم و الدمع هامل
زينب و الحسن و حسين و الكافل
حچي الدمع حلاله وصوت السمه وحاله
يعلم علي باچر سم و سبي و حافر
رسمت صور بنينه
___
بعينه للحسن صد يمسح ابخده
هم مثلي بصيامك تقتلك جعده
بالسم يبني باچر چبدك اتمرده
و اسهام النعش لحشاك تتعده
و بدفنتك مصيبه جثتك تظل غريبه
و گبرك بلا زاير سم و سبي و حافر
رسمت صور بنينه
____
أخذ چف زينب و عاين على العباس
و گله اختك امانه الآخر الانفاس
زينب صوغت الله و كعبة الاحساس
الشمس ما شاهدتها لا تصدها الناس
احفظ وصيتي و امري زينب خدرها خدري
و اعله الخدر ساهر سم و سبي و حافر
رسمت صور بنينه
____
عطش و الماي چان الشفّته فاطر
من لحسين بعيونه بقه ايناظر
استعاذ اهواي من السهم و الحافر
و قراله أمن يجيبه بغربة العاشر
للطف عله ونينه نحر ابنه گاطعينه
راسه برمح صاير سم و سبي و حافر
رسمت صور بنينه
_
من شاف الطفوف و بنته تتسلب
جرح راسه يصب و بدمه يتعذب
مشيب و اعله الطاري الشام رد شيب
صد و گال بالطف نلتقي زينب
بليل اهدعش سويه اگصد وعد عليه
نوگ السبي اتسافر سم و سبي و حافر
رسمت صور بنينه
حسين الأمين
#ليالي_امير_المؤمنين_ع ٣
____
لحظه يا موت أنتظر لا علي ايرد منطبر
هذا ابو الگلب الحنين الكله رحمه
أخذ كلشي وبس علي لا تدنه يمه
______
انتظر يا موت لا تاخذ ولينه
منهو غيره نعتنيله انمد ادينه
هو خيمتنه الچبيره التحمي بينه
علي يتلگانه بچفوفه الحنينه
ماكو مثله بكل زمن حضنه چان النه وطن
صعبه يا موت الابو لو يجري دمه
هذا ابو الگلب الحنين الكله رحمه
____
اگبال بابه امساهره اعيون اليتامه
هالفجر من خيطه بين بي علامه
ها يموت أخذ العمر و أخذ السلامه
بس يرد النه علي تاج الامامه
كل يتيم انطه العمر بدل اوياه القدر
فدوه كل الكون هذا ايروح لاسمه
هذا ابو الگلب الحنين الكله رحمه
_____
طيب كل اهل الارض ياموت دونه
تسوه كل الدنيه شوفتهن عيونه
چان يحضنه علي بيده الحنونه
هو ام هم چان النه و هم ابونه
طول اعليه الاجل غيره ما عدنه أهل
لا تراوينه بعلي يا موت هظمه
هذا ابو الگلب الحنين الكله رحمه
_____
بدون وجه الحيد هاي الدنيه غربه
صعبة حالتنه بغيابه هوايه صعبه
كل محب شايل اجاه بچفه گلبه
ايقدمه لعيونه هديه لا تعذبه
من رحيله ينكتب تهمل ادموعه اليحب
حيدره أب لليتيم و صاير امه
هذا ابو الگلب الحنين الكله رحمه
_
لا تسافر يا وصي الله ونبيه
بعدك الفقره تظل إبلا رعيه
يا علي نقسم بحق حب الزچيه
انموت كلنه و لا تجي ليك المنيه
موادعك حيدر صعب أخذ وياك الگلب
چانت انفاسك علينه كلها نعمه
هذا ابو الگلب الحنين الكله رحمه
حسين الأمين
____
لحظه يا موت أنتظر لا علي ايرد منطبر
هذا ابو الگلب الحنين الكله رحمه
أخذ كلشي وبس علي لا تدنه يمه
______
انتظر يا موت لا تاخذ ولينه
منهو غيره نعتنيله انمد ادينه
هو خيمتنه الچبيره التحمي بينه
علي يتلگانه بچفوفه الحنينه
ماكو مثله بكل زمن حضنه چان النه وطن
صعبه يا موت الابو لو يجري دمه
هذا ابو الگلب الحنين الكله رحمه
____
اگبال بابه امساهره اعيون اليتامه
هالفجر من خيطه بين بي علامه
ها يموت أخذ العمر و أخذ السلامه
بس يرد النه علي تاج الامامه
كل يتيم انطه العمر بدل اوياه القدر
فدوه كل الكون هذا ايروح لاسمه
هذا ابو الگلب الحنين الكله رحمه
_____
طيب كل اهل الارض ياموت دونه
تسوه كل الدنيه شوفتهن عيونه
چان يحضنه علي بيده الحنونه
هو ام هم چان النه و هم ابونه
طول اعليه الاجل غيره ما عدنه أهل
لا تراوينه بعلي يا موت هظمه
هذا ابو الگلب الحنين الكله رحمه
_____
بدون وجه الحيد هاي الدنيه غربه
صعبة حالتنه بغيابه هوايه صعبه
كل محب شايل اجاه بچفه گلبه
ايقدمه لعيونه هديه لا تعذبه
من رحيله ينكتب تهمل ادموعه اليحب
حيدره أب لليتيم و صاير امه
هذا ابو الگلب الحنين الكله رحمه
_
لا تسافر يا وصي الله ونبيه
بعدك الفقره تظل إبلا رعيه
يا علي نقسم بحق حب الزچيه
انموت كلنه و لا تجي ليك المنيه
موادعك حيدر صعب أخذ وياك الگلب
چانت انفاسك علينه كلها نعمه
هذا ابو الگلب الحنين الكله رحمه
حسين الأمين