#2025_жыл_1_апрельден

✅ Нызамшылыққа көре, төмендеги қоллап-қуўатлаў илажлары "Социаллық карта" мәлимлеме системасынан усынылады:

🔷 шахстың майыплығын, студент, оқыўшы, урыс қатнасыўшысы ямаса урыс қатнасыўшысына теңлестирилген шахс жағдайын тастыйықлаў.

✔️Бунда майыплық ҳаққындағы мағлыўматнама ҳәм гүўалықлар, студентлик гүўалықлары, оқыўшылар гүўалықлары, урыс қатнасыўшылары ямаса оларға теңлестирилген шахслар гүўалықларының қағаз формасы социаллық картаға алмастырыў арқалы бийкар етиледи;

🔷майыплығы болған ҳәм имканияты шекленген шахслар ушын улыўма пайдаланыўдағы автомобиль, темир жол, ҳаўа ҳәм дәря транспорты, жөнелиссиз такси хызметлеринен пайдаланыў бойынша жеңилликлер, сондай-ақ, усы хызметтен жеңиллетилген түрде пайдаланыў ҳуқықына ийе болған халықтың басқа категориялары ушын жеңилликлер;

️🔷кириў билет операциялары системасы тийкарында тәртипке салынатуғын мәмлекетлик социаллық объектлерге, концерт-тамаша илажлары ҳәм басқа да илажларға бийпул барыў ямаса бир бөлегин төлеў бойынша жеңилликлер.

📱T/m 📱F/b 📱I/m 📱T/m 📱Y/T

#Билесизбе

🔖️Нызамшылыққа көре, кәсипке таярлаў, қайта таярлаў ямаса маманлығын арттырыў дәўиринде жумыссыз шахсларға Өзбекстан Республикасы Бәнтликке көмеклесиў мәмлекетлик қорының қаржылары есабынан, әдетте, 26 календарь ҳәптеге шекемги мүддетке стипендия төленеди.

✔️Стипендия муғдарлары төмендегише:

🔸соңғы 12 айлық дәўир ишинде жумыстан ҳәм ис ҳақысынан (мийнет дәраматынан) айырылған шахсларға - алдынғы жумыс орнындағы орташа айлық ис ҳақының 75 проценти муғдарында, бирақ мийнетке ҳақы төлеўдиң ең кем муғдарынан кем болмаған ҳәм Өзбекстан Республикасында қәлиплескен орташа мийнет ҳақыдан көп болмаған муғдарда;

🔸узақ, яғный 1 жылдан артық тәнепистен кейин жумыстан ҳәм мийнет ҳақыдан (мийнет дәраматынан) айырылған шахсларға - мийнетке ҳақы төлеў ең кем муғдарының 1 есеси муғдарында;

🔸биринши мәрте жумыс излеп атырған шахсларға - мийнетке ҳақы төлеў ең кем муғдарының 75 проценти муғдарында.

️🚫Стипендияларды төлеў салық салыў объекти есапланбайды.

✔️Стипендиялар төлеў ҳаққындағы мағлыўматлар "Бәнтлик хызмети" мәлимлеме системасында ҳәм сораўнамада көрсетиледи.

📱T/m 📱F/b 📱I/m 📱T/m 📱Y/T

#2025_жыл_1_апрельден

🔰Нызамшылыққа көре, "Туран" мектеп театрының унамлы тәжирийбеси тийкарында улыўма орта билим бериў мектеплеринде "Иқтидор" көркем ҳәўескерлик жәмәәтлери шөлкемлестириледи.

️✔️Сондай-ақ, жәмәәтлер арасында ҳәр жылы миллий ҳәм жәҳән музыкасы бағдарлары бойынша "Иқтидор мактаб ансамбли" республикалық таңлаўы өткериледи.

✔️Таңлаўдың республикалық басқышы жеңимпазлары сырт мәмлекетлерге билимлендириў саяхатына жибериледи.

📱T/m 📱F/b 📱I/m 📱T/m 📱Y/T

#Ҳаял_қызлар_ҳуқықы

✔️Нызамшылыққа көре, "Ҳаяллар дәптери"не киргизилген социаллық қорғаўға мүтәж жалғыз баслы ҳаял-қызлардың балалары мәмлекетлик мектепке шекемги билимлендириў шөлкемлерине үстинлик пенен қабыл етилиў ҳуқықына ийе.

📱T/m 📱F/b 📱I/m 📱T/m 📱Y/T

#2025_жыл_1_апрельден

📃Нызамшылыққа көре, юридикалық ҳәм физикалық шахсларды Бирден-бир жеткерип бериўшилер реестрине киргизиў ушын арзалар Мәмлекетлик хызметлер орайы ямаса БИМХП (my.gov.uz) арқалы қабыл етиледи.

✔️Арзалар БИМХП арқалы дем алыс ҳәм байрам күнлеринен ғәрезсиз, ҳәр күни 24 саат даўамында жиберилиўи мүмкин.

🟢 Бирден-бир жеткерип бериўшилер реестрине киргизиў ҳаққындағы арзаны көрип шығыў нәтийжелери (қанаатландырыў ҳәм бийкарлаў тийкарлары) мәмлекетлик сатып алыўлар арнаўлы мәлимлеме порталында ашық жәрияланады.

📱T/m 📱F/b 📱I/m 📱T/m 📱Y/T