📺 BUGUN

⏰ SOAT 15:00

jonli efir

🇺🇿 Davlatimiz rahbari muhim tadbirda ishtirok etish uchun Samarqandga tashrif buyurdi.

🇹🇷 Turkiyaning Mersin viloyatida qurilayotgan “Akkuyu” atom elektr stansiyasi qurilish jarayonlaridan maxsus reportaj.

☘️ Surxondaryoda asr vabosi savdosi bilan shug'ullanganlar jazolandi.

🐯 O‘zbekistonga birinchi marotaba “Yaguarlar” olib kelindi.

@hududtv

ТАҚИҚ ВА ТУГАТИШ МАСАЛАНИНГ ЕЧИМИ ЭМАС!
Маълумки, куни кеча Дин ишлари бўйича қўмита томонидан 2024 йил 5 октябрдан сўнг “Умра” хизматини кўрсатиш бўйича барча турдаги фаолият ноқонуний ҳисобланиши эълон қилинди. Бундан англаш мумкинки “Умра” тадбирларини ташкил этаётган барча туроператорларнинг лицензияси тугатилмоқда. Ёки янада соддароқ тушинтирадиган бўлсак монополиядан эндигина қутилган “Умра” сафарини ташкиллаштириш масаласи яна олдинги ҳолатига қайтади.
Бу ишларнинг барчаси айни шу кунларда суд иши кўрилаётган “Panorama Airways” ва “Gulbakhor Airways” МЧЖга нисбатан “бургага аччиқ қилиб кўрпага ўт қўйилаётгандек” гўё. Маълумки мазкур ташкилотлар сабаб 2.454 нафар жабрланувчи қарйиб 24 млрд. сўмдан зиёд пулларини ташкилотдан ундира олишмаяпти. Суд процесси эса айбланувчиларнинг “пулларни фуқаро қўлидан олмаганмиз ёки қўйиб юборишса жабрланувчиларни Умрага юборамиз” каби важ-баҳоналари билан устига-устак ёпиқ тарзда ўтяпти. Туроператорларга 5 октябрдан сўнг “Умра” хизматини кўрсатиш тақиқланишини инобатга оладиган бўлсак демак сафардан умид йўқ! Жабрланувчиларга пулларини ундириб бериш эса одил суд хукмига ҳавола! Буни ҳам чўзишдан фойда йўқ!
Ана энди савол туғилади. Юқоридаги ҳолат сабаб барча туроператорларга қўйиладиган тақиқ масаланинг ечими бўлаоладими? Илгари гўёки давлат назорати остида дея таърифланган Умра монополиясидан азият чекканлар қанча эди? Нарҳи ҳозиргидан икки баробар қиммат Умра сафарини ойлаб ҳатто йиллаб кутганлар буни унитишгани йўқ назаримда? Янги тартибдан сўнг ўшалар жонига оро кирган, минглаб юртдошларимизга Умра сафаридек бахтни тақдим қилган, бозорга соғлом рақобат муҳитини олиб кириб, нарҳлар мўтадиллигини яратган туроператорлар фаолиятига нега чек қўйилиши керак? Янги Ўзбекистонда тадбиркорлик субьектига нисбатан шу муносабат тўғри бўладими? Юзлаб янги иш ўрни яратган, солиқларни ўз вақтида тўлаган тадбиркорлар тақдири кейин нима кечади? Тадбиркор хориж фирмалари билан ва яна минглаб юртдошларимиз билан шартномалар имзолаган бўлса, солиқ ва ижара мажбуриятларини тўкис адо этган бўлса уларни давлатга нисбатан ишончлари йўқолмайдими? Сохадаги янги ислоҳатлар ва имкониятлар ҳақида бонг ургунча амалдаги ҳолатни нега яхшилашнинг имкони йўқ? Туроператорларга қўйиладиган умумий тақиқ бошқа томонлама монополияга йўл очиб қўймайдими?
Таклифим шу: Тақиқ ёки тугатиш билан иш битмайди. “Умра” тадбирларини ташкил этиш ва ўтказишга оид хизматларни кўрсатиш масаласи қайта кўриб чиқилиши керак. Яъни уларга лицензия берилишида йирик миқдорда депозит ҳам қатъий талаб қилиниши керак. Ушбу депозит туроператорлар томонидан қонунбузилиш ҳолатлари содир этилганда, турли хил фирибгарликлар кузатилганда жабрланувчиларга ундириб берилиши учун заҳира бўлиши керак. шундагина тадбиркор ўйлаб қадамини босади. Иши ҳалолми марҳамат депозитини қўйиб бозорга кирсин. Қонунни бузганлар эса жабрланувчиларга товонни тўлиқ тўласин ва бошқа бу бозорга яқинлашмасин. Бу масала шошма-шошарлик билан эмас ҳуқуқий давлатга хос тарзда ечилиши керак. Ана шундагина биз Президентимиз томонидан илгари сурилаётган “Инсон қадри учун” деган тамойилига тўлиқ амал қилган бўламиз. Зеро, қонунбузарлар жазосини олсин, тўғри йўлдаги тадбиркор соғлом муҳитда бемалол бизнесини ривожлантирсин!

Журналист: Дилшод ФАЙЗ

@hududtv