Shavkat Mirziyoyev Parij Olimpiadasi chempionlari Ulugʻbek Rashitov va Hasanboy Doʻsmatov bilan telefon orqali muloqot qildi

Davlat rahbari sportchilarni qizgʻin tabriklab, terma jamoamiz tomonidan bir kun ichida Olimpiadaning ikkita oltin medali qoʻlga kiritilgani Oʻzbekiston sporti uchun tarixiy voqea boʻlganini katta mamnuniyat bilan qayd etdi.

@hududtv

🇺🇿 Asadxoʻja Moʻydinxoʻjayev Oʻzbekiston delegatsiyasiga toʻrtinchi oltin medalni taqdim qildi!

Parijdan yana bir xushxabar. Boks boʻyicha Oʻzbekiston terma jamoasi aʼzosi Asadxoʻja Moʻydinxoʻjayev -71 kg vazn toifasida Olimpiya oʻyinlari chempionligini qoʻlga kiritdi. Murosasiz ruhda oʻtgan final jangida yurtdoshimiz meksikalik Marko Alvaresni magʻlubiyatga uchratishga muvaffaq boʻldi.

Ushbu gʻalabadan soʻng Oʻzbekiston delegatsiyasi hisobidagi medallar ayni paytga kelib 4 ta oltin va 3 ta bronzani tashkil qilmoqda. Tasanno, Asadxoʻja!

@hududtv

🇺🇿 Lazizbek Mullojonov – Parij-2024 yozgi Olimpiya oʻyinlari chempioni!

Fargʻona boksining yana bir yorqin vakili Lazizbek Mullojonov Oʻzbekiston delegatsiyasiga navbatdagi oltin medalni taqdim qilmoqda. -92 kg vazn toifasida ishtirok etgan yurtdoshimiz chempionlik bahsida ozarbayjonlik Loren Alfonso Domingesni magʻlub etib, oltin medalga sazovor boʻldi.

Ushbu muvaffaqiyatdan keyin delegatsiyamiz medallari hozircha 5 ta oltin va 3 ta bronzaga yetdi. Biz sen bilan faxrlanamiz, Lazizbek!

@hududtv

🇺🇿 O’zbekiston delegatsiyasi yozgi Olimpiya o’yinlarida medallar sifati bo’yicha o’z tarixidagi eng yaxshi natijasini yangiladi!

Parij-2024 yozgi Olimpiya o’yinlari yakuniga yetmagan bo’lsada, O’zbekiston delegatsiyasi ayni paytning o’zidayoq 5 ta oltin va 3 ta bronza medallari bilan o’z tarixidagi eng yaxshi natijani yangilab ulgurdi. Hali oldinda 3 nafar atletimiz ishtirokidagi final bahslari, qolaversa, ishtirokini kutib turgan bir qator sportchilarimiz bor.

🔥 Kelgusi kun dasturlarida ham Yangi O’zbekistonning qahramon sportchilaridan yangi g’alabalar kutib qolamiz. Olg’a, O’zbekiston!

@hududtv

🇺🇿 Butun Farg‘onada bayram

🥇Asadxo‘ja Mo‘ydinxo‘jayevning Olimpiada finalidagi g‘alabasi katta shodiyonaga aylanib ketdi. Mana shunday xursandchiliklar bardavom bo‘lsin!

@hududtv