#Savol: Assalamu alaykum.
Yoshim 20 da. O'qiyman.
Uyimizga sovchilar anchadan beri kelmay qo'ygandi. Orada 1 xotin kelgandi, ungacha hech kim kelmasa-chi endi, deb qo'rquvda edilar va tezda xo'p dedilar. Men duch kelgan odamga teymayman-ku?
Alloh niyyatimdek insonni berishiga ishonaman. Lekin uydagilar tushunishmayapti.

G'iyosiddin Yusuf:

— Va alaykum assalom. Agar o'sha xotinning bolasi ma'qul kelmagan bo'lsa, unga turmushga chiqmaslikka haqlisiz. Bu haqida uydagilaringizga qayta-qayta ayting, tushuntirishga harakat qiling, kerak bo'lsa, yaqinlaringizdan yordam oling.

#Oila_qurish

Meni yaxshi koʻrasizmi savoliga qanday javob berish kerak?

Oilalar har doim muhabbat ustiga qurilmasligi mumkin.

Ammo ikkala tomon bir-biriga begona boʻlib yashashi kerak degani emas.

Yuzingizga tabassum har doim juftingizga yoqtirishingizni bildirib turing.

#Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu alaykum, yoshim 21 da. Yoshlikdan qo'shni qizni yoqtiraman. Keyinchalik bildimki, u ham menga befarq emas ekan. Orada gaplashib qoldik. Men bu haqda uydagilarga aytdim. Uydagilarim norozi. Qizning ammalari yomon ekan, lekin ota-onasi yaxshi odamlar. Shu holatda qanday yo'l tutishim kerak?

G'iyosiddin Yusuf:

— Va alaykum assalom. Ota-onaningiz bilan qiz haqida takror gaplashishingiz yoki oraga odam qo'yib gaplashtirishingiz mumkin. Asosiysi, qizning o'zi munosib nomzod bo'lsa, ularga buni tushuntirish kerak. Ammalariga o'xshagan bo'lmasliklari uchun o'zim mahkam turib harakat qilamiz deyiladi.

#Oila_qurish

Goʻzal oʻrnak boʻlishga harakat qilaman

Kecha soch parvarishim uchun goʻzallik saloniga bordim.

Uyga qaytishim bilan 6 yoshli qizim menga:
– Oyi, nega bunday qildingiz? Siz roʻmol oʻraysiz-ku. Sochingizni hech kim koʻrmaydi, — dedi.

Men unga:
– Ayni shu sababdan ham bu juda muhim. Birinchidan, sochlarimni oʻzim koʻraman. Oʻzimga qarayman, parvarish qilaman. Bu juda muhim narsa. Boshqalar koʻrishi va menga baho berishining keragi yoʻq. Bu ishni dadang uchun ham qilaman. Oilam uchun qaygʻuraman. Yaxshi koʻrganim uchun bezanishga eʼtibor qarataman. Mana shular uchun bu ishni qilishim arzimaydimi seningcha, — dedim.

Qizim:
– Eh! Men uchun qilmaysizmi, — dedi.

Men:
– Albatta, qizim, sen uchun ham qilaman. Butun gʻayratim bilan sen uchun goʻzal oʻrnak boʻlishga harakat qilaman, — dedim

Xadicha Kubro Tongar sahifasidan olindi

#tarbiya #tarjima

✍ @Hubbuna — oila qurish, oilaviy muhabbat, baxt va farzand tarbiyasi haqida

O'zaro munosabatlarni saqlab qolish uchun harakat qilishingiz kerak

Odamlar bir-birini yoqtirgani uchun uzoq vaqt birga qolmaydi: na do'stlar, na sevishganlar. Siz muntazam ravishda muloqot qilishingiz kerak. Bir-biringizning ishlariga chin dildan qiziqing, birga vaqt o'tkazing, arzimas narsalar uchun ham qo'ng'iroq qiling, ahmoqona SMS yozing, yaxshi bo'lganda xursand bo'ling va yomon bo'lganda bir-biringizni qo'llab-quvvatlang, bir-biringizning yonida jim o'tiring yoki parklarda shovqin soling. Nima bo'lishidan qat'iy nazar, har kim o'z yaqinlarini qanday qilib o'ziga yaqin tutishini o'zi hal qiladi.

Siz vaqti-vaqti bilan juda ko'p yaxshi va muhim narsalarni qilishingiz mumkin, lekin hech bo'lmaganda oz bo'lsa ham muntazam harakat qiling. O'zaro munosabatlarni buzish uchun hech narsa qilmaslik kifoya.

#Erkaklar #ayollar
#tarjima

✍ @Hubbuna — oila qurish, oilaviy muhabbat, baxt va farzand tarbiyasi haqida

Ayol uchun erkakning unga qanday munosabatda bo'lishi juda muhimdir. Axir u birinchi navbatda o'ziga bo'lgan munosabatni, keyin esa erkakning o'zini sevadi.

#Ayollar #Muhabbat

✍ @Hubbuna — oila qurish, oilaviy muhabbat, baxt va farzand tarbiyasi haqida

Oilaviy munosabatlar yomonlashuviga olib keladigan omillardan biri yomon o'rnak bo'ladigan yaqinlardir.

— falonchi doim ish bilan band, oilasiga deyarli vaqt ajrata olmaydi, lekin yaxshi yashashyapti-ku!

— falonchi ro'zg'orga buncha pul sarflar ekan, biz ham kamaytirishimiz kerak!

— falonchi dugonam doim gap-gashtakda yuradi, eri indamaydi...

Aslida, oilaviy munosabatlarni yaxshilash uchun o'zimizdan ko'ra yaxshiroq munosabat o'rnatgan kishilarga qarashimiz kerak. Yuqoridagi gaplar shunchaki o'zimizni oqlash uchun, vijdonimizni qiynamaslik uchun aytilgan bahonalar, xolos. Buni o'zimiz ham yaxshi bilamiz. Faqat bilmaslikka olamiz...

#Erkaklar #ayollar

✍ @Hubbuna — oila qurish, oilaviy muhabbat, baxt va farzand tarbiyasi haqida

#Savol: Assalomu Alaykum. Ustoz turmush o'rtog'im yaqin 1-2 oy ichida harom ichimlik ichishni boshladi. Bu holat haqida ularga yaxshi gapirib tushuntirib ham ko'rdim. Lekin foydasi bo'lmadi. 3-4 kun ulardan xafa bo'lib gaplashmay yursam bu yomon odatni tashlaydilar deb o'ylayabman. Bu qilmoqchi bo'lgan ishim qanchalik to'g'ri?
Javob uchun oldindan rahmat

G'iyosiddin Yusuf:

— Va alaykum assalom. Bu foyda berishi qiyin, menimcha. Ochiq gaplashish, tushuntirish yaxshiroq. So'zi o'tadigan kattalar yordamidan foydalaning. Bu narsaning diniy, tibbiy jihatiga ko'proq urg'u berish kerak.

#Muammo

Azizlar, sizlardan kelayotgan savollarga javobni @Yechimhubbuna kanalida berib boryapmiz. Bu kanalga ba'zisini chiqaryapmiz, xolos.

Chunki juda ko'p savol beriladi, hammasini bu yerda chiqarsak, kanal yo'nalishi o'zgarib ketadi.

Eng kuchli tuyg'u bu umidsizlikdir. Xafagarchilik emas, hasad va hatto nafrat ham emas... Ulardan keyin hech bo'lmaganda qalbda nimadir qoladi, umidsizlikdan keyin — bo'shlik.

#Shunchaki #tarjima

✍ @Hubbuna — oila qurish, oilaviy muhabbat, baxt va farzand tarbiyasi haqida

Bir umrlik tanlovingiz uchun filtringizni toʻgʻrilab oling

Hurmatli qizlar, uylanish istagidagi kuyovning uyi, mashinasi, umuman moddiyati siz uchun oldingi oʻrindami?

Balki jufti halol tanlashda aynan yuqoridagi videoda aytilgan sifatiga qarab tanlash maqbulroqdir.

#oila_qurish

✍ @Hubbuna — oila qurish, oilaviy muhabbat, baxt va farzand tarbiyasi haqida

— Qaynonangiz va ayolingiz dengizga tushib ketsa, birinchi kimni qutqarasiz?
— Baliqlarni 🐠🐟🐳🐬

#Tabassum

✍ @Hubbuna — oila qurish, oilaviy muhabbat, baxt va farzand tarbiyasi haqida

Ayollar erkak kishidan faqat 3 ta narsani istaydi. Agar siz bu kvartira, mashina va mo'ynali kiyim deb o'ylasangiz, adashasiz. Bu sadoqat, minnatdorchilik va e'tibor!

#Erkaklar

✍ @Hubbuna — oila qurish, oilaviy muhabbat, baxt va farzand tarbiyasi haqida