Bolalar uchun nafs tarbiyasi 📝

🟡Yettinchisi: doimo oddiylik tarafdori bo‘lish.
Oddiylik – bu insonga hech qanday qiyinchilik tug‘dirmaydigan, gunohga boshlamaydigan, maqtanchoqlik kasaliga giriftor qilmaydigan narsa bo‘lib, kattayu kichik bundan faqat foyda oladi.

Kiyim tanlashda, uy, mashina va hayotda kerak bo‘ladigan boshqa ehtiyojlarda ham oddiylikka tayanish, muvaffaqiyat kalitlaridan biri hisoblanadi. O‘sib kelayotgan yosh avlodni sog‘lom fikrlaydigan inson bo‘lib yetishishi uchun, ularning on gini «Odamlar nima deydi?» qabilida kim nima kiysa kiyib, kim nima yesa yeb, kim nima olsa olib, modaning ortidan quvgan holda zaharlamasligimiz kerak.

Nafs tarbiyasida nafaqat ichki olam, balki tashqi olam ham muhim rol o‘ynaydi!

📚 «Bolamni yaxshi koʻraman» kitobidan #iqtibos

Kitobni xarid qilish

✍️ @Hubbuna — oila qurish, oilaviy muhabbat, baxt va farzand tarbiyasi haqida

Bolalar uchun nafs tarbiyasi 📝

🟡Sakkizinchisi: oilaviy dars.
Har kunlik oilaviy dars, ya’ni ota-ona galma-galdan ovoz chiqarib kitob o‘qishi, bolalar esa eshitishi va o‘qilgan ma’lumotlar bo‘yicha har kim o‘z fikrini ifodalashi, barchaga birdek manzur bo‘ladigan, nafsimizga esa og‘ir kelib, shaytonni g‘azablantiradigan narsa.

Boshlanishiga 5-10 daqiqa, keyinchalik esa vaqtini uzaytirish ham mumkin. Shunchaki ko‘nikma hosil bo‘lgunicha, oz bo‘lsa-da davomli bo‘lgani ma’qul. Bu albatta ota-onaning tashabbusiga bog‘liq!

❤️Oilaviy darsdan olinadigan foydalar esa talaygina:
• o‘zaro hamjihatlik;
• er-xotin bir-birini eshitishi;
• ota-ona bolalarning fikrini tinglashi;
• ong o‘sishi, fikrlashning ijobiy tomonga o‘zgarishi;
• kitobga bo‘lgan muhabbatning ortishi;
• uyda kitobxonlik muhitining yaralishi;
• nafsni yengish.

Tong mahali judayam barakali vaqt bo‘lib, agar oilaviy darsni o‘sha paytda qilsangiz, nur ustiga nur bo‘lardi!

📚 «Bolamni yaxshi koʻraman» kitobidan #iqtibos #tarbiya

Kitobni xarid qilish

@Hubbuna — oila qurish, oilaviy muhabbat, baxt va farzand tarbiyasi haqida

"Saodat kaliti"ni yutib oling!

Abdulkarim Hasan domlamizning oila va farzand tarbiyasiga doir "Saodat kaliti" nomli kitoblari bor. Kitob mo'jazgina bo'lsa-da, qimmatbaho tavsiyalarga boy. Ushbu va boshqa kitoblarini muallif dastxati bilan uyingizga yetkazib bersak, elektron variantini ham bepul bersak, nima deysiz?

Buning uchun 5 yoshdan 15 yoshgacha bo'lgan farzandingiz biz bilan Hubbuna kids kanalida muallifning "Virtual olam bolalari" kitoblarini o'qishda faol ishtirok etishi va eng ko'p ball to'plagan beshlikdan joy olishi kerak.

Shartlar juda oson: har kuni kitobdan 10-12 bet o'qish, bitta iqtibos yuborish va 1-2 ta savollarga javob berish.

Musobaqada farzandingiz kitobxon bo'lishga qadam tashlaydi, ilm o'rganadi, kitob muallifi bilan ovozli chatda suhbat qiladi — hatto g'olib bo'lmasa ham!

Shunday ekan, shoshilamiz: 👉 @Hubbuna_kids

Oddiy ota-ona va dono ota-ona 💡

🎈 Oddiy ota-ona bolasining uyga vazifalarini qilish ustida soatlab vaqt ketkazadi. Dono ota-ona esa bola o‘zi ularni qilishi kerak deb hisoblaydi va faqat yordam kerak bo‘lgan o‘rinlardagina aralashadi, muammoning yechimiga yo‘l ko‘rsatadi, bolasining o‘rniga uni bajarmaydi.

🎁 Ko‘plab ota-onalar aybini sovg‘a-salomlar bilan yuvishga harakat qiladi. Dono ota-ona esa bolaga mayda pullarni berishdan cho‘chimaydi, bola o‘zi pulni taqsimot qilish va kattaroq o‘yinchoq olish uchun yig‘ish ko‘nikmasini shakllantirishga imkon beradi. Ota-ona jarayonni kuzatishi, boshqarishi va o‘rgatishi kerak, xolos.

❔ Ko‘pincha ota-onalar bolaning yomon xulq-atvori sababini qidirishga vaqti yo‘q. Muammo tezroq hal bo‘lsa, uyda tinchlik bo‘lsa bo‘lgani. Dono ota-ona avvalo sababiga qaraydi, tahlil qilishdan va muammoga to‘g‘ri yondashishdan erinmaydi.

🔈 «Baqiroq» onalar o‘z aybini vaqt o‘tib shirin taomlar yoki boqqa sayr uyushtirish bilan yuvmoqchi bo‘ladilar. Ammo hech bir amal bolaga baqirgan, kamsitgan, qo‘l ko‘targan vaqtingizda uning ruhiyatiga yetgan shikastni xotiradan ketkaza olmaydi. Dono onalar o‘zni qo‘lga olish mushkuldek ko‘ringan holda ham o‘zini jilovlaydi, baqir-chaqirlarga ruju qo‘ymaydi.

📚 «Tarbiya-chi?» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida

Og‘riqli bog‘liqlik 💔

🔗 Ona va bola o‘rtasida og‘riqli bog‘liqlik hosil bo‘layotganini ona qayerdan bilishi mumkin? Bu ona-bola o‘rtasidagi odatiy, muvozanatdagi bog‘liqlikdan nimasi bilan farq qiladi? Onaning yo‘qligi sabab bolaning uxlay olmasligi, ovqatlanishdan bosh tortishi, yig‘lab injiqlik qilishi, o‘yinchoqlar yoki o‘yinlarga chalg‘imasligi, ovunmasligi ona uchun o‘rtada og‘riqli bog‘liqlik paydo bo‘lganini bildiruvchi ilk belgilardir.

📎 Ba’zi onalar buni ona-bola o‘rtasidagi mehr-muhabbatga yo‘yishi mumkin. Ammo aslida, bu chegaradan chiqqan bog‘liqlik onaga signal bo‘lishi kerak. To‘g‘ri, bir yoshli bola uchun onasining biroz muddatga bo‘lsa-da qayergadir ketib qolishi fojia bo‘lib tuyulishi mumkin, ammo 3-4 yoshda bu holat oldingidek qo‘rqinchli tuyulmasligi kerak. Aynan ona-bola o‘rtasidagi bog‘liqlikni to‘g‘ri boshqarish orqali bolani real hayotga, sabrga, mustaqil bo‘lishga, chidamga, yo‘qotishlarga bardoshli bo‘lishga, boshqalar bilan til topishishga o‘rgatiladi. Bu xuddi kichik dozalarda emlashga o‘xshaydi.

☀️ Agar bola kichik «ko‘ngilsizlik»larni yengishni o‘rgansa, kelajakda katta zarbalarga ham bardoshli bo‘ladi. Agar bolani har qanday frustratsiyalar (omadsizliklar)dan saqlashga, hamisha onasining yonida bo‘lish istagini qondirishga harakat qilinsa, unda qiyinchiliklarni yengish tajribasi bo‘lmaydi, u atrofdagilarning o‘rinli yoki o‘rinsiz munosabatiga, tanqidiga, buyruqlariga qanday munosabatda bo‘lish kerakligini bilmaydi, unda ayriliq hissi va uni yengish kuchi shakllanmaydi.

📚 «Tarbiya-chi?» kitobidan #iqtibos #tarbiya

Kitobni xarid qilish

✍️ @Hubbuna — oila qurish, oilaviy muhabbat, baxt va farzand tarbiyasi haqida

🤎 Kitоbni o‘qib tugatishingiz kerak bo‘lsa yoki uzоq vaqt uxlamasdan kitоb o‘qishni istasangiz, quyidagi 8 usuldan fоydalanganingiz ma’qul:

🤎 Kitоb o‘qish uchun qulayrоq jоy tоping, lekin juda qulay bo‘lmasin. Yotоqda kitоb o‘qigandan ko‘ra kreslоga suyaning. Shunda ham uxlab qоlsangiz, stulda o‘tirib o‘qing.

🤎 Kitоb o‘qiyotganingizda xоna yorug‘ligini оshiring.

🤎 Xоnani shamоllating, u birоz salqin bo‘lishi kerak. Issiq havоda tez uxlab qоlasiz.

🤎 Kitоbni o‘qib tugatishingiz zarur bo‘lsa, o‘qishga kirishishdan оldin tetiklashishga harakat qiling. Badantarbiya mashqlarini bajaring, qahva iching, sоvuq dush qabul qiling va h. k.

🤎 Tanaffuslar qiling, “pоrsiyalar” bilan o‘qing. Bir sоatdan оrtiq davоmiy o‘qimang. Turing va birоz qadam bоsing, qоningiz yurishib tetiklashadi.

🤎 Оldingizda suv, sharbat yoki chоy bo‘lsin.

🤎 Faоl o‘qing: iqtibоslarni belgilang, qaydlar qiling. Elektrоn kitоb o‘qiganda ham iqtibоslarni belgilash diqqatingiz kоnsentratsiyasi (jamlash) uzоq vaqt davоm etishiga yordam beradi. Tana faоl bo‘lsa (qalam ushlash, sahifalarga stikerlar yopishtirish, fikrlarni yozib qo‘yish) miya ham faоllikni saqlaydi.

🤎 Kitоb o‘qish vaqtingizni o‘zgartiring. Agar har dоim kechqurun uyqudan оldin kitоb o‘qisangiz, kitоb va uyquni bоg‘lоvchi shartli refleks hоsil bo‘ladi. Kunduzi o‘qishni sinab ko‘ring.

🤎 «Men ham kitob o‘qiyman» kitobidan #iqtibos

Xarid qilish

@Hubbuna — oila qurish, oilaviy muhabbat, baxt va farzand tarbiyasi haqida