*#الجاسر☆~《29》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
يا تتزوجو يا تطلعي من البيت دا،طه دا ولدي و انا بعرفو من زمان زول طيب وزول نفسو بس تجي انتي تعملي ليهو سمعه في الحي ياخ بقا ما قادر يمشي في الشارع ولا يقعد في مكان بسبب كلام الناس امبارح متشاكل ليهو مع ناس عشانك انتي ياخ اتقي الله يا مره ما تبقي دمك تقيل كدا و تجيبي الهوا للولد اسمعيني هنا دي الليله قبل بكره تطلعي من البيت دا فاهمه ولا لا؟سكت ساي بنهره قال لي فاااهمه ولا لا بالخلعه هزيت ليهو راسي قام قال لي يلا سلام عليكم و فات رجعت جوا لميت حبه الهديمات ديك و شلت تلفوني و جاسر و تاني طلعت الشارع و خلااص بقيت افكر و دموعي نازله و بشهق و اقول هو استحملني بارك الله فيه و استحمل كلام الناس عشاني و عشان ولدي انا الكنت ثقيله كل الناس اللي عاشرتهم شاهدين بي كدا و دموعي نازله و ماشه بس وين انا ما عارفه لقيت رجولي واداني كداري في الشمس الهجيره ديك للاستوب الاتسرقت فيهو اللي هو قريب من الشغل و بيت مكرم قعدت اعاين يمين و شمال و افكر طلعت التلفون على امل القى زول عرض لي بيت بس ماف اي شي الضهر اذن و العصر و المغرب فوقهم و الدنيا بدت تضلم و انا ماسكه ولدي و قاعده العشا جا و انا في مكاني و جاسر معذبني الشارع بدا يفضى لمن جات 12 و ماف غير صوت الكلاب و انا برجف من الخوف شويه ألعن حظي تاني استغفر و ادعي جا بتاع عربيه وقف لي و قال لي يا مزه ارح نمشي مشوار خفت شديد بس للحظه الشيطان وسوس لي قال لي امشي اصلا انتي ما بت ما فرقت ع الاقل حتلقي مكان تبيتي فيهو الليله و حتلقي قروش دي فرصه ما تضيعيها بقيت متردده بس قلت خلاص حمشي معاهو اصلا عالم الشرفاء دا مابيني قمت كدا جا طه وقف لي بتاع العربيه و قال ليهو عندك حاجه هنا يا الحبيب قام داك طوالي ساق عربيتو و جرا قبل علي و الغضب باين شديد في وشو قال لي ارح بنتفاهم في البيت جا يشيل مني جاسر بس جريت جاسر علي وقف و عاين لي بي استغراب قال لي ممكن افهم الحاصل شنو و الخلاك تطلعي شنو سكت بس دموعي براها نازله عدل وقفتو و قال لي ما متحرك ما لم أفهم الحاصل شنو قلت ليهو بصوت متقطع الناس بتكلمو عليك عاين لي بي برود و قال لي و تاني قلت ليهو و اتشاكلت مع ناس قال لي اها و تاني سكت مسافه و قلت ليهو جارك جاني و كلمني بالحاصل قال لي جاري منو سكت قال لي اها عرفتو بس هل دا يعني انك تخلي الطفل دا يتمرمط معاك قلت ليهو المرمطه مكتوبه لينا قال لي براك الممرمطه نفسك كدي اسي ارح نتفاهم في الطريق و لو كلامك اقنعني بخليك تمشي قلت ليهو انا اصلا حمشي قال لي ارح ارح شال مني جاسر بالقوه و فات و انا ماشه وراهو و بحاول اشيل منو جاسر بس ما قدرت و جاسر بالجر صحى و بقا ببكي طه قال لي ما تحاولي ما حديك ليهو ما لم ترجعي معاي بقيت ابكي و وقفت قلت ليهو ما تعمل لي فيها الطيب بكره تمشي و تسيبني زيهم،زي ابوي و هدي و انتصار و مكرم كلكم واحد تخلونا نتامل فيكم و تفكو يدنا في نص الطريق تخلونا لا قادرين نرجع لا قادرين نتقدم انا ما عايزه اتعلق بي زول تاني اديني ولدي و خليني اعتمد على نفسي بكره تمل مننا و تطردنا و دموعي عشره عشره في وشي وهو ساكت بعاين لي قام قبل مني و كمل طريقو جريت وراهو و وقفتو و قلعت جاسر بالقوه و دايره امشي مسكني من معصم يدي قبلت عاينت ليهو بي غضب و كنت حكورك فيهو بس لقيتو ببكي سكت و بقيت واقفه زي الهبله و هو دموعو نازله منو قال لي انا يمكن بشبه جاسر انا زاتي ابوي هرب خلاني بس جاسر ع الاقل عندو ام تحارب عشانو اما انا الاتنين هربو مني رموني في المايقوما و انا عمري يوم لا شفت حنان ام لا أب ما لقيت زول يوجهني او يقول لي دا غلط و دا صح كبرت في المايقوما و لمن بقا عمري 12 طلعوني برا و بقيت لافي في الشوارع أو بالأحرى بقيت من اولاد السلس عشت معاناه ما يعلم بيها الا الله صحبي مات في يدي بالجوع مشيت بيهو المستشفى طردونا عشان ما نوسخ المستشفى بعد وفاتو كرهت الخرطوم و كان عمري 16 لميت لي قروش و طلعت جيت عطبره هنا و بقيت شغال غسيل عربات ميكانيكي ببيع بي درداقه اي شغل يجي في بالك اشتغلت حتى اشتغلت اوزع مويه بي كارو لمن لقيت إعلان الشغل حق شركه زين طوالي مشيت و شالوني احتجت كم سنه حتى اشتريت البيت دا و قعدت فيهو انا فقدت صحبي بالتشرد و ما عايز يحصل ليكم كدا خليكم معاي لمن زوجك يظهر انا ببيت في الشارع عادي ما عندي مشكله بشوف لي

أي حته ابيت في..قبل يكمل كلامو قاطعتو بي"تتزوجني" قال لي ها عدتها ليهو بقا واقف مصدوم قال لي مش انتي متزوجه سكت مسافه و قلت ليهو جاسر كمان ما ولد شرعي و انا هربت من اهلي لقيتو خت يدو في راسو و بلف في محلو يقيف شويه يعاين لي تاني يرجع يلف قلت ليهو انا ضحيه حرب و دموعي بدت تنزل وقف و بقا يعاين لي حكيت ليهو كل شي من الالف لي الياء حتى كلام مرت مكرم لي انو الله يديني ود حر*ام و بقيت اتنهد و هو بعاين لي..
صلوا على الرسول💜ّ*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#الجاسر☆~《30》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏طه بقا واقف بعاين لي و انا ببكي قريب العشر دقايق قام اخد نفس و قال لي ارح البيت اخد جاسر و قمت مشيت معاهو كداري لمن وصلنا بالارهاق نمنا طوالي تاني يوم صحيت لقيت الساعه 10 و جاسر صاحي بلعب جنبي قمت مخلوعه عشان الدوام طلعت لقيت طه ماف قلت بعد دا ما بلحق خلي امشي الدوام التاني و فعلا قعدت و قبل اطلع حمرت لي بطاطس و معاهو حبه سلطه عملتها سندوتشات و طلعت بيها وصلت لقيت طه سلم على و اخد جاسر وداهو الحضانه جاني راجع قال لي قالو المدير اتغير قلت ليهو حلوو سكت مديت ليهو السندوتشات قال لي ما كان في داعي تتعبي نفسك قلت ليهو ولا تعب ولا حاجه و اسفه سهرتك معاي قال لي ولا يهمك مشيت على شغلي في الدوام التاني و بدينا شغل بعد خلصنا طلعنا سوا في الشارع و هو شايل جاسر اتحمحم و قال لي رايك شنو نعمل العقد الجمعه الجايه ابتسمت و قلت ليهو فكرك الناس حيسكتو مننا لو عملنا عقد؟اكيد حيقولو عايزين يدارو على جريمتهم و لو ما عملنا عقد برضو حيتكلمو عشان كدا انسى كلامي الامبارح دا ما تجبر نفسك عشانا بتتحل مع الزمن بس ان شاء الله نلقا ايجار سكت مسافه و قال لي فكرك انا عايز أعقد عليك عشان كلام الناس؟قبلت عليهو و قلت ليهو ما فهمت اخد نفس مسافه و قال لي بصراحه كدا انا معجب بيك ولا من الليله ولا من امبارح من اول ايام جيتي فيها الشغل كنت بقول متين بس تصلي و تسلمي علي بس اللي كان مانعني دايما ماضيني و غير كدا شفت علاقتك بي مكرم اتطورت و قلت في نفسي انو مكرم احسن مني و يستاهلك زول معروف النسب و عندو قروش و كل بنات الشغل منتظرين كلمه منو اكيد هو الانسب ليك مع انو كنت بتضايق بس بكتمها لانو ما عندي حق و لمن جبتك و قعدتي معاي كتير الشيطان كان بوزني عليك بس كنت بطلع من البيت،لمن قال كدا بقيت ما بين مصدومه و خايفه قال لي ما تخافي مستحيل اعمل ليك شي و انا يا بت الناس عايزك على سنه الله و رسوله و لو على كلام الناس انا بتصرف انتي بس اديني فرصه اخدي وقتك و فكري،هزيت راسي و سكت،وصلنا البيت جنب الباب مرق جارهم داك من بيتو لمن شافني حمر لي طه قال لي خشي جوا شلت جاسر و دخلت بقيت افكر في كلام طه و بين مبسوطه انو في زول عبرني و بين خايفه و مقلقه باب الغرفه دق لقيتو طه اداني كيس العشا و قال لي مدي لي الفرشه مديتها ليهو و قفلت الباب اتعشيت و مرقت براحه لقيتو نايم اتسحبت اتوضيت و صليت استخاره و نمت حلمت نفسي في كهف مظلم و في نور في اخرو مشيت على النور لمن طلعت في حته خضراء فيها ورود بيضاء و بركه صغيره في النص و شجر نخيل و أصوات العصافير مشيت قعدت في طرف البركه وبتامل مرتاحه جاني جاسر بحبي شلتو و ختيتو في حضني و الاتنين بقينا نعاين فجأه جاسر بقا يبكي و يبكي و انا احاول اسكتو ابا و صوتو عالي اتاري هو ببكي في الحقيقه و انا فاكراهو في الحلم الساعه الاداني ليك ضربه في وشي خلاني قمت مخلوعه و بالخلعه رميتو بعيد و اتضرب تاني الحيسكتو شنو؟ جريت شلتو و هزيتو ابا يسكت و اذان الصبح اذن و الحته صانه و انا بقول ليهو اسي المصحيك زي الزمن دا شنو زاتو قطعت لي حلمي السمح داك و وقعت انت ياخي في داعي اسي يا جاسر و هو لسه ببكي طه خبت الباب لبست توب و فتحت ليهو مد لي يدو اديتو ليهو و مشيت اتوضيت شايفاهو حايم بي جاسر و يهز في النهايه قال ليهو شوف الكديسه و هو بقا يعاين في الكديسه حتى سكت مشيت صليت و عملت الشاي لقيتو نوم جاسر و بيصلي بعد انتها اعتذرت منو اني اخرتو من الصلاه قال لي ولا يهمك اديتو الشاي و شلت جاسر مرو يومين بين الشغل و البيت لمن جا الخميس و كان صرف المرتبات مشينا صرفنا و احنا راجعين قلت لي طه انا موافقه قال لي شنو قلت ليهو موافقه اتزوجك قبل علي و وقف ابتسم ابتسامه حسيتها من قلبو و هو بقول الحمد لله الحمد لله انتي جاده هزيت راسي بقا يضحك و تاني اتحمحم قال لي طيب مفترض في تجهيزات كتيره مش ضحكت و قلت ليهو لالا بس حنعقد بدون اهلنا كيف قال لي دي خليها علي اسي ارح السوق قلت ليهو ليلت خلي بكره قال لي حنمشي الليله و بكره قلت ليهو خلاص ارح مشينا و اشترا لي توبين طلعه مطقمات اخترتهم انا و عبايتين و فستانين و شباشب و اشترا لي نفسو جلابية و مركوب و لي جاسر لبستين قال لي الزمن أتأخر نجي نتم بكره قلت ليهو ديل ما مهمات المهمات حنشتريهم بكره عاين لي بي استغراب بس انا مشيت قدامو ضحك و جا

وراي قال لي حاضر يا ستي نمنا و اصبحنا يوم العقد من الصباح ابكي و أقارن بين كيف اتمنيت عرسي و كيف قاعده اعرس اخدت نفس و قمت استغفرت صليت و مرقنا من الصباح مشيت اشتريت مواد تومينيه و سريرين طقم و بتوجاز و حبه عده قبلت لقيت طه ببلع في ريقو عرفت خلاص قروشو شطبت ضحكت و قلت ليهو اتطمن معاي مرتبي بكمل لينا قال لي لالا انا الراجل هنا يتسلف من اي زول قلت ليهو الحياة مشاركه ما تتسلف اي شي بعد تعب اقنعتو ....

صلوا على الحبيب💜ّ*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#الجاسر☆~《31》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
المهم خلصنا حاجات السوق و رجعنا في الشارع طه قال لي ارح المحكمه من هنا طوالي لمن قال المحكمه لمن شعر جسمي قام،وقفت لدقايق قال لي سامعاني قلت ليهو هاا ااا اي ارح مشينا لقيتو جايب اصحابو شهود و ورقي اصلا كان اديتو لي طه من بليل دخلنا و اثناء العقد جات في بالي حاجات كتيره و اولها انو في اللحظه دي مفترض ابوي كان يكون قاعد بي جلابيتو و عمتو و اخواني و اعمامي كلهم في المسجد وأنا مع صحباتي و اختي في الكوافير و زي ما كنت بحلم راجلي يتصل علي يسمعني العقد جات دمعه حاره نازله على خدي مسحتها سرعه سرعه و كملنا العقد و طلعنا عقد بي عبايتي و في يدي ولدي و راجلي بي قميص و بنطلون عادي ضحكت ضحكه خفيفه على حظي جا طه وقف قدامي و قال لي مبروك لينا و ربنا يقدرني اسعدك ان شاء الله قلت ليهو الله يبارك فيك و ان شاء يقدرني انا كمان و اسندك قال لي اسف على العرس المكلفت دا بس صدقيني حعوضك ما قدرت اشتري ليك ولو دبله لكن وعد مني اعوضك اعفي لي قلت ليهو ولا يهمك اصلا دي حاجات ثانوية شال جاسر و مسك يدي و قال لي يلا بسم الله نبدأ خطواتنا ابتسمت و مشينا بس بطريق غير طريق البيت قلت ليهو ع وين قال لي انتي بس ارح وصلنا جنب كوافير قام قال لي خشي و انا امش اودي العفش و الحاجات البيت لغايه تخلصي قلت ليهو ماف داعي دي تكلفه ساي قال لي ما عايز نقاش يا هانم دا امر من زوجك مع ابتسامه قلت ليهو طيب طيب امور الاستعمار بدت قبلت عشان امشي سمعتو بضحك بعدها نده علي قبلت قال لي يا هانم نسيتي ولدك ضحكنا الاتنين و مشيت شلت جاسر قلت ليهو انت حجزت؟ قال لي أي قولي ليها حجز من طرف طه قلت ليهو اوك دخلت لقيت بت قدري كدا قاعده قامت سلمت علي قلت ليها انا جايه بحجز طه ابتسمت لي و قالت لي دقيقه خشت في غرفه كدا في الكوافير جات بعد تلات دقايق كدا و معاها مره في عمر الاربعينات بس متشببه البشوفها بقول عشرينات سلمت علي بي بشاشه و ترحاب قالت لي انا حنان و دي بتي ملك و انتي زوجه طه مش قلت ليها ايوه قالت لي اتفضلي اتفضلي دخلت جابو لي مويه و عصير و شالو جاسر نوموهو و قالو لي حنطلعك من هنا نجفه لقيتهم عاجنين حنه قلت ليهم دي ما حتشيل الوقت المره ضحكت قالت لي خليها تاخد وقت انتي ما عليك، سكت و بقت تحنني و جات بتها بي صبغه فكت شعري قالت لي ما شاء الله شعرك طويل و حلو بس عايز اهتمام شديد قلت ليها الفتره الاخيره يا الله بلقا وقت اغسلو ضحكو فيني و بدت تصبغ لي اطراف شعري بصبغه اشقر و بني من خلال الونسه معاهم عرفت انو طه انقذ بتها من حريق قام في المحل و انهم مدينين ليهو و بحاولو يردو الجميل فيني،الحنه و الصبغه خلصو لقينا المغرب قرب و البت ماسكه جاسر قامت رسمت لي للحظه اتخيلت اختي و صحباتي معاي و بنضحك و الزغاريد ماليه المكان و الفستان و التسريحه اتخيلت اخواني في السيره و صحباتي كل وحده تقول لي حظك بورتك فكت عقبالنا تفاصيل كتيره جات في بالي بقيت بدمع حنان لاحظت لي و قالت لي صدقيني طه حيعوضك طه راجل يسد عين الشمس يا بختك بيهو والله ابتسمت ليها المهم خلصنا كل شي زي الساعه 10لقيتها بتطلع لي توب احمر من عندها بي طقمو و قالت لي دي هديه بسيطه مني و لبستني ليهو مع الهيلز لمن عاينت في المرايا لمن اتخلعت هل دي انا و بقيت منططه عيوني و مصدومه في صدمتي دي جريت جبت التلفون قلت ليهم الا تصوروني ضحكو ملك قالت لي انا فتوغرافيك تعالي اصورك بي كمرتي قلت ليها و في تلفوني كمان قالت لي من عيوني صورتني بالتلفون انا براي و انا و جاسر شويه جا طه سلم عليهم لمن قبلت عليهو وقف زي الاهبل لمن خجلني بحاول انبهو انو يكسر عينو في ناس بس لا حياة لمن تنادي جا علي انا هبطت و بقيت اقول وااا فضيحتك يا ياسمين بدون مقدمات قبلني في راسي و قال لي ربنا يحفظك لي و حصني هنا بجد بكيت و هو زاتو دمع بس مسح وشو سريع سريع و مسح لي دموعي قال لي بعد اليوم ما عايز دموع طيب هزيت ليهو راسي حنان قالت لي الميك اب خرب تعالي نعدل ليك و فعلا عدلت لي و قالو نتصور سوا ادونا كم وضعيه تصوير جات وحده اني اعاين في عيون طه لمن عاينت ليهو ياداب ركزت مع ملامحو اللون الاسمر الصافي و اللحيه و الحلاقه الجديده الشال المديهو هيبه زياده لمن سرحت فيهو إلا ملك جات طقطقت لي اصابعها قالت لي السرحان دا خلي اسي عندك دهر تسرحي بكيفك دخلت في ضوافري و الغياظ بضحك بطول

حسو عفصتو بالكعب لمن خليتو ينط المهم اتصورنا و مرقنا على البيت وصلنا زي1كدا و بالارهاق طوالي نمنا كلنا في غرفه وحده و المطره صبت و بالحظ يوم عرسي نفس يوم زواجي 28/8 تاني يوم قمنا صلينا و طلعنا الدوام اي ما تستغربو مشينا الدوام عشان ما أخدنا اجازه و الطريق كلو طه يعتذر انو ما عمل لي زي كل عروس شيله و ريحه و دهب و شهر عسل و مهري كان مصحف و انا دا كلو ما فارق معاي قلت ليهو ما مشكله بنعوض ان شاء الله...

التفاعل بقا بسيط الروايه بقت بايخه ولا الحاصل شنو💔ّ

صلوا على الرسول💜ّ*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#الجاسر☆~《31》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
المهم خلصنا حاجات السوق و رجعنا في الشارع طه قال لي ارح المحكمه من هنا طوالي لمن قال المحكمه لمن شعر جسمي قام،وقفت لدقايق قال لي سامعاني قلت ليهو هاا ااا اي ارح مشينا لقيتو جايب اصحابو شهود و ورقي اصلا كان اديتو لي طه من بليل دخلنا و اثناء العقد جات في بالي حاجات كتيره و اولها انو في اللحظه دي مفترض ابوي كان يكون قاعد بي جلابيتو و عمتو و اخواني و اعمامي كلهم في المسجد وأنا مع صحباتي و اختي في الكوافير و زي ما كنت بحلم راجلي يتصل علي يسمعني العقد جات دمعه حاره نازله على خدي مسحتها سرعه سرعه و كملنا العقد و طلعنا عقد بي عبايتي و في يدي ولدي و راجلي بي قميص و بنطلون عادي ضحكت ضحكه خفيفه على حظي جا طه وقف قدامي و قال لي مبروك لينا و ربنا يقدرني اسعدك ان شاء الله قلت ليهو الله يبارك فيك و ان شاء يقدرني انا كمان و اسندك قال لي اسف على العرس المكلفت دا بس صدقيني حعوضك ما قدرت اشتري ليك ولو دبله لكن وعد مني اعوضك اعفي لي قلت ليهو ولا يهمك اصلا دي حاجات ثانوية شال جاسر و مسك يدي و قال لي يلا بسم الله نبدأ خطواتنا ابتسمت و مشينا بس بطريق غير طريق البيت قلت ليهو ع وين قال لي انتي بس ارح وصلنا جنب كوافير قام قال لي خشي و انا امش اودي العفش و الحاجات البيت لغايه تخلصي قلت ليهو ماف داعي دي تكلفه ساي قال لي ما عايز نقاش يا هانم دا امر من زوجك مع ابتسامه قلت ليهو طيب طيب امور الاستعمار بدت قبلت عشان امشي سمعتو بضحك بعدها نده علي قبلت قال لي يا هانم نسيتي ولدك ضحكنا الاتنين و مشيت شلت جاسر قلت ليهو انت حجزت؟ قال لي أي قولي ليها حجز من طرف طه قلت ليهو اوك دخلت لقيت بت قدري كدا قاعده قامت سلمت علي قلت ليها انا جايه بحجز طه ابتسمت لي و قالت لي دقيقه خشت في غرفه كدا في الكوافير جات بعد تلات دقايق كدا و معاها مره في عمر الاربعينات بس متشببه البشوفها بقول عشرينات سلمت علي بي بشاشه و ترحاب قالت لي انا حنان و دي بتي ملك و انتي زوجه طه مش قلت ليها ايوه قالت لي اتفضلي اتفضلي دخلت جابو لي مويه و عصير و شالو جاسر نوموهو و قالو لي حنطلعك من هنا نجفه لقيتهم عاجنين حنه قلت ليهم دي ما حتشيل الوقت المره ضحكت قالت لي خليها تاخد وقت انتي ما عليك، سكت و بقت تحنني و جات بتها بي صبغه فكت شعري قالت لي ما شاء الله شعرك طويل و حلو بس عايز اهتمام شديد قلت ليها الفتره الاخيره يا الله بلقا وقت اغسلو ضحكو فيني و بدت تصبغ لي اطراف شعري بصبغه اشقر و بني من خلال الونسه معاهم عرفت انو طه انقذ بتها من حريق قام في المحل و انهم مدينين ليهو و بحاولو يردو الجميل فيني،الحنه و الصبغه خلصو لقينا المغرب قرب و البت ماسكه جاسر قامت رسمت لي للحظه اتخيلت اختي و صحباتي معاي و بنضحك و الزغاريد ماليه المكان و الفستان و التسريحه اتخيلت اخواني في السيره و صحباتي كل وحده تقول لي حظك بورتك فكت عقبالنا تفاصيل كتيره جات في بالي بقيت بدمع حنان لاحظت لي و قالت لي صدقيني طه حيعوضك طه راجل يسد عين الشمس يا بختك بيهو والله ابتسمت ليها المهم خلصنا كل شي زي الساعه 10لقيتها بتطلع لي توب احمر من عندها بي طقمو و قالت لي دي هديه بسيطه مني و لبستني ليهو مع الهيلز لمن عاينت في المرايا لمن اتخلعت هل دي انا و بقيت منططه عيوني و مصدومه في صدمتي دي جريت جبت التلفون قلت ليهم الا تصوروني ضحكو ملك قالت لي انا فتوغرافيك تعالي اصورك بي كمرتي قلت ليها و في تلفوني كمان قالت لي من عيوني صورتني بالتلفون انا براي و انا و جاسر شويه جا طه سلم عليهم لمن قبلت عليهو وقف زي الاهبل لمن خجلني بحاول انبهو انو يكسر عينو في ناس بس لا حياة لمن تنادي جا علي انا هبطت و بقيت اقول وااا فضيحتك يا ياسمين بدون مقدمات قبلني في راسي و قال لي ربنا يحفظك لي و حصني هنا بجد بكيت و هو زاتو دمع بس مسح وشو سريع سريع و مسح لي دموعي قال لي بعد اليوم ما عايز دموع طيب هزيت ليهو راسي حنان قالت لي الميك اب خرب تعالي نعدل ليك و فعلا عدلت لي و قالو نتصور سوا ادونا كم وضعيه تصوير جات وحده اني اعاين في عيون طه لمن عاينت ليهو ياداب ركزت مع ملامحو اللون الاسمر الصافي و اللحيه و الحلاقه الجديده الشال المديهو هيبه زياده لمن سرحت فيهو إلا ملك جات طقطقت لي اصابعها قالت لي السرحان دا خلي اسي عندك دهر تسرحي بكيفك دخلت في ضوافري و الغياظ بضحك بطول

حسو عفصتو بالكعب لمن خليتو ينط المهم اتصورنا و مرقنا على البيت وصلنا زي1كدا و بالارهاق طوالي نمنا كلنا في غرفه وحده و المطره صبت و بالحظ يوم عرسي نفس يوم زواجي 28/8 تاني يوم قمنا صلينا و طلعنا الدوام اي ما تستغربو مشينا الدوام عشان ما أخدنا اجازه و الطريق كلو طه يعتذر انو ما عمل لي زي كل عروس شيله و ريحه و دهب و شهر عسل و مهري كان مصحف و انا دا كلو ما فارق معاي قلت ليهو ما مشكله بنعوض ان شاء الله...

التفاعل بقا بسيط الروايه بقت بايخه ولا الحاصل شنو💔ّ

صلوا على الرسول💜ّ*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#الجاسر☆~《32》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‏
وصلنا الشغل و الناس كلهم بعاينو لي مصدومين من الحنه قام طه وقف في النص و قال ليهم اتزوجنا يا جماعه ماف مبروك اغلبهم ما صدق لكن اصحابو المعاهو صدقو و جو باركو لينا و بدينا الدوام عدا الشهر بخير بدون مشاكل او اي حاجه تعكر مزاجنا جا يوم المرتبات و كان خميس قام طه قال لي انتي مرتبك كم قلت ليهو الدوامين بي600الف قال لي انا كمان دوامين شغال و برضو600 قلت ليهو مش الحراسه صباح و بليل و انت شغال صباح بس قال لي لالا الحراسه مقسمه على تلاته ورديات و انا ماخد اتنين قلت ليهو حلو قال لي انا بعت البيت انصدمت و حسيت بي هبوط حاد قام قال لي ما تخافي اشتريت بدلو بيت تاني عشان كلام الناس و انا عايز اتبنى جاسر و اكتبو في اسمي نقول انو ولدي بس غلطو في اسم الأب في الشهاده رفضت ليهو رفض نهائي قلت ليهو البيت ما مشكله بس جاسر حيفضل على اسم ابوهو الحقيقي حاول يقنعني كتير بس رفضت قال لي خلاص بعد نصرف نمش نشوف البيت قلت ليهو ان شاء الله و فعلا مشينا لقينا عباره عن غرفه زنك و مطبخ و حمام و ناصيه فاتح في ميدان فرحت شديد بي البيت قال لي حنرحل الليله اصلا حاجاتنا ما كتيره خليكم هنا انا بمش اجيب العفش قلت ليهو تمام قام مرق جات مره دقت الباب فتحت ليها سلمت على كانها بتعرفني ليها سنين قالت لي انا البيت الفاتح فيكم طوالي دا فضلتها و اعتذرت منها انو لسه ما جابو العفش و كدا قالت لي ولا يهمك بقت تشاغل في جاسر و شالتو قالت لي ارح بيتي لمن زوجك يجي اترددت بس بعدها اتوكلت و مشيت ما شاء الله بيتها سمح عشره مرات مجرد ما جاسر دخل الغرفه و لقاها مكيفه نام و انا زاتي عين مغمضه و عين مفتحه لمن بعد ساعتين كدا سمعت صوت بكسي وقف طلعت لقيتو طه رجعت شلت جاسر و مشيت طه و صحبو نزلو العفش و صحبو فات دخلنا و حكيت ليهو عن جارتنا قال لي حلو لقيتي جاره و كدا رقدنا نمنا الصباح كان الجمعه عملت الشاي و قعدت طه قال لي مرتبنا الاتنين سوا بطلع مبلغ كويس شديد رايك شنو نبني بيهو البيت قلت ليهو احسن شي بس اول نشتري عربيه رايك شنو قال لي عربيه؟ قلت ليهو ااي الغرفه دي بتحمينا بس ما حنقدر يومي حق المواصلات قال لي معناها محتاجين اربعه خمس شهور كدا قلت ليهو مالو ما مشكله المهم نشتريها ضحك و قال لي من عيوني قمنا على النضافه و غسيل الحيط يخ اتهلكنا في الحيط نضفنا و فطرنا طه قال لي الليله نطلع نفرق حبه قلت ليهو جدا قال لي الحديقه اتذكرت لمن مكرم اتقدم لي فيها بسرعه قلت ليهو لا لمن هو اتخلع كدا تاني اتنحنحت و قلت ليهو احنا ما شفع خلينا نمشي اي مكان تاني قال لي خلاص تمام،العصر خالص طلعنا نتمشى(ما بعرف اماكن عطبره فلو لقيتو حاجه قلتها و هي ما في عطبره اعملو سكيب طيب ؟😹) الجو كان مغيم و المطره بتنقط بسيط و الجو ظابط مشينا حته فيها جناين كدا رهييبه قعدنا نتونس هناك و نتصور و امورنا باسطه حرفيا استمتعت باليوم رغم بساطتو و احنا قاعدين كدا جاسر وقف و مشا خطوتين و وقع طوالي طه قومو و بقا يعمل ليهو حركات "تاتي جسوري مشاا تاتي" و انا بصور فيهم مره طه يمسكو مره يفكو يخليهو يمشي براهو رجعنا كلنا مبسوطين طه دا العوض الاداني ليهو ربنا بجد و ان شاء الله يحفظهم لي و ما اشوف فيهم شر المهم يوم جاتني جارتنا و بقت تتونس معاي قلت ليها عايزه اعمل لي روضه هنا و حضانه قالت لي حتنجح لانو هنا ماف روضه الروضات كلها بعيده شديد من هنا قلت ليها بعملها في بيتي دا بعمل لي راكوبه و الغرفه دي قالت لي انا بمسك ليك الحضانه قلت ليها طيب محتاجين مدرسين قالت لي خليهم علي و انا حعمل ليك دعايه للروضه اصلا السنه فضل ليها شهر و تفتح و كلمت طه رحب بالفكره و عمل لي الراكوبه و جاب فرشه مبدئيا كدا و جارتنا دي راجلها حداد ادانا مرجيحه بسعر معقول و ما شاء الله بالدعايه سجلو كتار ما كنت متخيلاها تنجح بس الحمد لله الناس سجلو و بقا لينا دخل ممتاز و جابو لي استاذتين متخصصات رياض اطفال و بكدا المرتب بقا لي العربيه بس و فعلا بعد 5شهور اشتريناها و عملنا ليها كرامه و مرت سنتين خلالها بنينا البيت سطوح بي حبه حبه و في السنه التالته دي كل شهر نشتري حاجه اشترينا غرفه نوم و غرفه لي جاسر و غرفه ضيوف و مجلس و صالون و مطبخ و الحمامات و سرمكنا و بلطنا الحوش بي البلاط المدور داك و وضايه و الحمد لله الحمد لله استقرينا و اخيرا مرت تلاته سنين على زواجنا و ربنا ما

قسم لينا لسه و انا متحسسه من الحته دي بس طه عادي او بحاول يكون عادي
نهايه الفلاش باك.
قبلت لقيتو واقف في باب المطبخ و بقول لي كالعاده ناسيه ذكرى زواجنا ضحكت و قلت ليهو لا ما حذرت انا هديتي احلى بكتير من هديتك قال لي هديه شنو انا جايب ليك دهب قلت ليهو تؤ تؤ هديتي أغلى صدقني قال لي اها وينا جريتو من يدو و مشيت بيهو على الصالون قلت ليهو انتظر هنا دخلت و مرقت بي ظرف فتحو و شال عاين للورقه ...

يدكم في اللاف💚ّ
متابعه💚ّ
صلوا على الرسول💜ّ*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#الجاسر☆~《33》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‏
فتح الورقه و لقاها تذكره عمره بقا فاتح خشمو و بعاين للورقه قلت ليهو انت حلمك انك تذور الكعبه و كتير كنت بتقول لي بي حلمك دا و حلمك هدف بالنسبه لي اهو جبت ليك تذكره عمره لقيتو سجد و ببكي بصوت حرفيا قلبي اتقطع و بقيت انا زاتي بدمع رفع راسو و مد لي يدو مسكتها قعدني في الارض و رقد في رجولي و هو لسه بدمع قال لي بصوت مهزوز والله احلى هديه جاتني في حياتي انا كل مره بقيم الليل بدعي ربي اني امشي مكه و الحمد لله ربنا استجاب قلت ليهو الحمد لله،شويه و قام مني قال لي و انتو؟ قلت ليهو احنا مالنا قال لي حتقعدو براكم؟قلت ليهو كلها كم يوم قال لي لالا ماف كلام بالشكل دا كيف تقعدي براك قلت ليهو انت بس اتوكل قال لي خلاص انا حوديك لي حنان تقعدي معاها لمن اجي(الحنانه الحننتني في عرسي تتذكروها) قلت ليهو كدا حنتقل عليها قال لي لو ما مشيتي ليها انا زاتي ما ماشي قلت ليهو خلاص تمام ضحك و قال لي انتي دي الله يحفظك لي بس، طه سافر و انا قعدت مع حنان اتعلمت الميك آب بطريقه احترافيه حرفيا علمتني حاجات كتيره في عالم الميك آب و قررت اني افتح كوافير في البيت اصلا بعرف ارسم و اكوي و اتعلمت الميك آب كلمت طه قال لي البتشوفي مناسب اعمليهو بعدها بكم يوم جا طه كنا مشتاقين ليهو شديد جاسر ابا يتفكا منو نهائي و اول شي سأل منو الهدايا قال لي طه بابا وينا هديتي طه طلع ليهو شنطه كامله لبسات و العاب و حلويات و تاب جاسر بقا ينطط بالفرح و شال حاجاتو و اتفكفك من ابوهو قعد يضحك قال لي ولدك دا بتاع مصالح ابتسمت ليهو قلت ليهو ارتاح لي بعدين و طلعت خليتو لمن صحا كلمتو عن الكوافير ما قدرت اصبر كم يوم بالحماس ضحك فيني قال لي حوشنا كبير ببني ليك على جهة الميدان،البنيان اخد 4شهور عملتو كوافير كبير فيهو كم غرفه و جبت مرايات و كراسي و ساونه المهم كوافير متكامل و عملنا ليهو اعلانات و جبت حنانتين و بت تساعدني في الميك آب و ثلاثه بنات لي باقي الاشغال و المهم انشهرت بسرعه كوافيري عبر عبور شديد و الحمد لله، طبعا مربيه شعر جاسر قمت يوم وديتو الحلاق خليتو يحلق بالجنبات و يخلي ليهو الفي النص بس رجعت الكوافير و واسيت ليهو الاطراف بالمقص و ضبغت الاطراف اشقر و هو حلبي لبستو بنطلون اسود و قميص اسود فاتحه الزراير و بي جوا تيشيرت اسود و جزمه أبيض بي اسود و لميت ليهو شعرو فوق بي لستكه لمن ما اتعرفت عليهو جبت الإضاءه و صورتو تاني فكيت شعرو و برمتو ليهو و مع جاكيت بدله كحلي و بنطلون كحلي و قميص ابيض و جزمه بيضاء و رفعتا الصور في حساب الكوافير البقا مشهور الصوره اخدت لايكات و كومنتات بطريقه خرافيه لمن اتخلعت بعدها بي اسبوع دقو علي شركه عايزين جاسر يكون مودل ليهم و طه أول رفض نهائي بس مع الوقت وافق، مرت السنين بين الشغل و الكوافير و الروضه و البيت(طبعا شغل زين بقيت بمشي الصباح بس عشان اقضي زمن اما المسا طه رفض لي)و جاسر الليله اول امتحان ليهو في تاسع هو شاطر و مخو نضيف تبارك الله بس بخاف من الامتحانات موت ايام الامتحانات دي بمرض عديل عدت الامتحانات بي خيرها و بي شرها و جا يوم النتيجه و كلنا متجرسين و انا زي الخاتين جمره في بطني اليوم كلو لافه و جاسر قاعد جنب ابوهو و ابوهو بطمن فيهو المؤتمر خلص و جاسر ما زاعوهو مع انو كلنا كنا متوقعين يزيعوهو دخلنا رقم الجلوس و بعد عشره دقايق ظهرت النتيجه274 فكيت ليك زغاريت الحله كلها اتلمت بيها و حضنت ولدي علي قوي و بقيت ابكي،دا نفسو جاسر القبل كم يوم كان بحبي و معذبني دا نفسو النونو داك كبر،طه برضو جا حضن جاسر و بارك ليهو و اداهو تلفون هديه و انا اديتو اوراق قبول في كورس تعليم اللغه الانجليزيه قال لي امي ياخ ما معقوله معاك نطلع من قرايه تدخلينا في قرايه ياخ ابقي زي ابوي ياخ كلنا ضحكنا فيهو، طبعا جاسر كبر و بقا يسئلني وين اجدادي و ليه احنا ما متواصلين معاهم و ليه اسم ابوي في الشهاده مختلف عن طه اضطريت الفت ليهو قصه انو انا و ابوهو حبينا بعض و هربنا و الموال داك و هو بقا كل مره يقول لي ماما ارح راضي اهلك كدا حرام و اصلا ما كان تهربو و انتو عارفين الزواج بدون رضا الاهل ما بجي المهم دي اتحلت بس اسم ابوهو دا كنت بتجاوزو و في الاخر بقيت اقاطعو بالايام لمن يسأل و هو عشان بحبني بطل يسأل الاجازه عدت و جاسر تبارك الله بقا بتكلم انجليزي عديل بالكورس و مصاحب شله

كويسه شديد و بقا يمشي الجيم و بتاع و ابوهو بيضحك و يقول لي ولدك دا يوم شفت بنات من الثانوي منبرشات فيهو قلت ليهو ما يطقو لي عين يعوقوهو، جا يوم من الصباح صحينا لقينا أصوات الزغاريد ماليه الحله طلعنا قالو الخرطوم اتحررت و الناس طالعين مالين الشارع اول شي جا في بالي اهلي طلعنا سوا و حنرجع ناقصين ما عارفاهم حيين ولا ميتين ولا الحاصل عليهم شنو انا للان زعلانه من ابوي بس مشتاقه ليهم شديد بكيت بحرقه عليهم..

اربطو احزمه الامان يا ناس الجاي هبوط اضطراري😹😹

يدكم في اللاف💚ّ
متابعه💚ّ
صلوا على الرسول💜ّ*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#الجاسر☆~《34》♧*
*#بقلم~جوجو~♤*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‏
مرت الايام عاديه الا اني بديت امرض و كل مره حالتي ماشه اسواء و كل ما نمشي نفحص بقولو ماف شي سنه مرت بالحاله دي في الاخر و مع الاسف طلع لي سرطان في الرحم قررو لي عمليه ازاله رحم الكئابه عمت البيت كلو و جاسر من يرجع من المدرسه يقعد جنبي زي الخايف امشي منو و طه بشوف دموعو لمن يصلي بس عاملين فيها قويين عشان يقووني كنت محطمه من جوا مش عشان مرضي عشان انا ما لحقت افرح طه بولد،يوم قعدت جنبو و دموعي عشره عشره اتخلع و قال لي مالك في شي واجعك نمشي المستشفى؟ قلت ليهو اسفه بصوت مقطع قال لي على شنو قلت ليهو ما لحقت افرحك بي طفل و بقيت ابكي زياده،استغفر و مسح وشو و قال لي انا الاسف و كان بعاين قدامو طوالي قلت ليهو على شنو دموعو بدت تنزل قال لي انا عقيم لمن سمعت الكلمه دي اضاني صنت و بقيت بعاين ليهو بي صدمه قعد قصادي في الارض و مسك يديني و بقا يبكي زي الطفل و قال لي انا كنت اناني اعفي لي ما كنت عايزك تخليني انا لو كنت وديتك الدكتور كان المرض اتعرف من بدايتو والله خفت افقدكم و قلت جاسر كفايه علينا انا ما فكرت غير في نفسي كنت اناني شديد و رجع يبكي حرفيا يا جماعه بقيت بارده شديد ما عارفه البرود دا جاني من وين بس خلاص قلبي شبه مات من الصدمات الكتيره و المشاكل،بكل هدوء شلت يدينو زحيتها مني و قمت مشيت غرفه جاسر لقيتو نايم قفلت الباب علينا و رقدت مع جاسر و حضنتو علي و نمت اي نمت ما تستغربو رغم كل شي بس نمت،بقت ايامنا عباره عن اخت ليهو الاكل اغسل اكوي و الموضوع منتهي حتى سلام ماف و هو كل مره بحاول يحنسني بس نهائي رافضه اسمعو،جا يوم العمليه و جاسر و طه معاي في العنبر قبل ندخل قام جاسر مشي يجيب مويه بعد فات طه مسك يدي ختها بين يدينو الاتنين و تكل راسو فيها و بقا يعتذر من جديد و دموعو في خدو قال لي اسف ما قصدي ازعلك بس انا فيكم اناني ما بقدر اتقبل فكره تخلوني انتي الحمد لله ربنا رزقك بي جاسر و انا ربنا عوضني بيكم و مستحيل افككم بالسهوله دي قلت ليهو انا المزعلني منك ما فكره انك ما حتبقى اب المزعلني بجد انك خليتني السنين دي كلها حاسه بالذنب تجاهك و كل ليله انوم بدموع عشان ما جبت ليك بيبي انت حتى دموعي ما راعيت ليها و حكيت لي الحقيقه قال لي ابدا انا بتقطع لي ميه قطعه لمن اشوفك زعلانه عشان ما جبتي لي طفل بس بتقطع بدل الميه الف لو خليتوني قلت ليهو فكرت اني حتخلى عنك مجرد ما اعرف؟قاعد معاي السنوات دي كلها و ما عارفني؟قال لي غلطان انا اعفي لي عليك الله ما تعاتبيني كدا انا ما حمل العتاب دا فكرت فيها انو لو كنت محلو هل حعمل كدا اتذكرت لمن كنت بقول ليهو امش عرس و جيب ليك ولد ضحكت على سخافتي الزمن داك،ليه بس الوجعه بتجينا من اقرب الناس لينا طه بقا لي حاجه مهمه شديد لانو عشره سنين ما شهور زي مكرم لانو معاملني احسن معامله و ما برفض لي طلب لانو بعامل ولدي معامله يمكن ابوهو الحقيقي ما كان حيعاملو بيها هو ما قصر بس انا احساسي الكان معذبني داك خاليني ما ارضى عليهو،قال لي اديني فرصه تانيه و تاني مستحيل ادس منك حاجه جو الدكاتره عشان يسوقوني و طه شغال لي اعفي لي و دموعو حسيتها صادقه قلت ليهو لله و الرسول جا جاسر و بقا مكنكش فيني و متوترين كلهم و بقولو لي ما تتوتري ان شاء الله بتطلعي بالسلامه انتي قدرها ما تخافي ضحكت و قلت ليهم ما تتوترو انتو المهم العفو و العافيه و دخلوني العمليه.
بي لسان طه: ما كان نفسي اكذب عليها انا لمن اشوفها زعلانه من موضوع الخلفه دا بزعل بجد و بخاف انو تخليني عشان نفسها في بيبي بس طلع عشاني عتابها دا كان نار بالنسبه لي بقيت تايه و كئييب حتى اصحاب الشغل لاحظو لي و يوم العمليه لمن اتكلمت معاها في المستشفى عرفت من خلال كلامها انو زعلانه انها ما جابت لي بيبي يعني زعلانه عشاني بس الحمد لله عفت لي و اسي في العمليه قلبي في حلقي و خايف عليها و ماسك جاسر و الإتنين بنحاول نتقوى و العمليه طولت شديد ما في يدي شي غير ادعي ليها ..
بي لسان جاسر: امي دي الحاجه المحليه لي حياتي انا واقف و منتظرها بره غرفه العمليات ببين اني قوي بس انا لو علي اخش معاها العمليه لمن لقيت نفسي خلاص ما قادر قلت لي ابوي انا ماشي المسجد مشيت اتوضيت و صليت و بقيت ادعي و ابكي،في السجود بطول شديد و انا بدعي ليها ترجع معانا سليمه يمكن تكون العمليه بسيطه انا ما عارف بس برضو