*#في_العشرين《18》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
صحيت من النوم متأخره، الليله اجازه عشان يوم السبت.. استحميت و صليت طلعت برا لقيت جمانه و مراد بيفطروا
جمانه: شكلك تعبانه ف قلت م اصحيك مراد صحى و جاني
ياسمين باست مراد : م مشكله ، حبيبي مراد 💕 عاينت للضربه
جمانه: م تخافي عملت ليهو الدواء
ياسمين: تمام، طبعا حاسه جسمي مكسر و محتاجه انوم تاني و الله
جمانه: ارجعي نومي
ياسمين: بنوم بعدين ،حسي دايره افطر ميته من الجوع
فطرت و غسلت العدة بعديها مسكت تلفوني لقيت 5 مكالمات من عثمان و رساله، فتحت الرساله لقيته مرسل لي Guten Morgen (صباح الخير) ، رديت ليهو طوالي قام ضرب لي
عثمان:شنو يا عاملة فيها تقيله؟و م بتردي
ياسمين: و الله كنت نايمه
عثمان : معقوله بس دا كله نوم ،اصبحتوا كيف و مراد بقى كيف
ياسمين:تقول شنو بس🤣 و الله نحن تمام الحمدلله..و الله هو كويس الحمدلله
عثمان: الحمدلله بالمناسبه مشتاق ليك كتييييررررر
ياسمين: انا اكتر و الله
عثمان : طيب خلينا نتلاقى
ياسمين: نتلاقى وين
عثمان: على كيفك انت الساكنة هنا انتي ادرى
ياسمين:رايك شنو جنب برج ايفل
عثمان: حيييينا برج ايفل اشمعنا
ياسمين: تتذكر لما كنت بقول ليك نفسي امشي فرنسا و ازور برج ايفل
عثمان : حيييييينا
ياسمين: شوف ي تبطل هباله ي انا بكسر حنك المرقه
عثمان: خلاص خلاص، طيب الساعه كم
ياسمين : بعد 4 ساعات
عثمان: اوكي تمام ،تشوس
ياسمين: تشوس
سريع سريع مشيت نكته دولابي كله رميت الهدوم كلها ف الارض بقيت بفكر ألبس شنو ،جمانه و مراد جو لقوني مجدعه الهدوم ف الأرض
جمانه: دا شنو البتعملي فيهو دا؟😂
ياسمين: عثمان قال لي داير ألاقيك بعد 4 ساعات و انا م عارفه ألبس شنو و م عندي هدوم😩
جمانه: دا كله و م عندك سبحان الله
مراد:ماما سوبهان الله
ياسمين:حبيبي انا😂جمانه تعالي اختاري لي طيب
جمانه: طيب زحي
جمانه بقت تفتش لي و تقولي لي دا كيف انا اقول ليها لا م حلو ،مراد برضو بيرفع لي هدوم و يقول لي ماما حلو😂😂لحدي ف النهايه جمانه اقنعتني انو البس لبسه عاديه و نهاريه قالت لي ألبسي بنطلون جينز ازرق فاتح و تيشيرت ابيض و طرحه سوداء ، مشيت عملت ماسك ف وشي بعد كم دقيقه غسلته، نومت مراد و بعديها لبست هدومي و تاني لبست خواتم كتتيره ف يديني لاني بعشقهم وو السلسل الجابو لي عثمان طلعته و خليته فوق التيشرت عشان يبقى ظاهر و يعرف اني م حصل قلعته نهائي،
بوست مراد ف راسه و ودعته جمانه و مشيت المحطه لاقيت ابراهيم هناك ، ركبنا المترو و بقينا نتونس
ابراهيم:دي شنو الشياكه دي ماشه وين
ياسمين : ماشه ألاقي عثمان
ابراهيم: دقايق دقايق هو انتو اتصالحتوا؟
ياسمين: يب يب
ابراهيم: ااااخخخخ ي معفنه تفو عليك و تجي تكلميني حسي
ياسمين : ي ود استكين اتصالحنا امس
ابراهيم: اه معليش كان كدا🌚
طيب احكي لي
حكيت ليهو كل شي
ابراهيم: يبقى حلو انكم لسه متزوجين و حترجعي معاه السودان؟
ياسمين: طبعا لا حأكمل جامعتي هنا انا حياتي كلها هنا ، و ثم ثانيا امشي افوتك و اخليك معقوله بس🌚❤
إبراهيم : ايوااا حنكيني سمح😂زمان تضربي لي ف اي شي بس حسي شكلك لقيتي البديل
ياسمين : اشم رائحة غيره
ابراهيم: ف عينك
وصلنا المحطه و اتمشينا لحدي وصلنا برج ايفل
إبراهيم : انت ي ياسمين عثمان دا عارف انه مراد بقول لي بابا؟
ياسمين: لا لا 😂 لو عرف مشكله، المشكله م هنا المشكله مراد لو براهو ناداك نحن نقول ي منو
إبراهيم : خشمنا حيبقى ملح ملح😂
ياسمين: اساسا 😂😂
عثمان من بعيد شافنا و نحن بنضحك جا علينا و قال: اهيهيهيهي، ضحكونا معاكم🙂
ياسمين: احم عثمان دا ابراهيم و ي ابراهيم دا عثمان
ابراهيم: اتشرفنا
عثمان:🙂🙂
ابراهيم: طيب انا استأذن يلا باي
ياسمين: باي
ياسمين: انت حيوان و لا شنو ي عثمان ليه بتتساخف و بتتلائم كدا حسي ود الناس عمل ليك شنو
عثمان: كان بضحك معاك و الكلام دا انا م بنفع معاي ي بت انت حقتي.
طبعا انا فصلت طوالي😂🌚
عثمان: حينا تخجلي
ياسمين: عثماااان
عثمان : سكته
ياسمين: بس ي ريت تفهم انه ابراهيم دا زي اخوي و هو أساسا مرتبط
عثمان: كويس

ارح نمشي نتصور قدام برج ايفل
ياسمين: ظابط 😍
اتصورنا كتييييير شديد و ماشين و ماسكين يدين بعض..اشترينا اكل صيني من الناس البكونو عندهم كشك ، اكلنا و بقا هو بياكلني بيده😂
عثمان : لازم تاكلي عشان تسمني بقيتي ضعيفه
ياسمين: اسمن ف عينك، عاجباني روحي كدا استايل و وزني مناسب
عثمان : ههه
ياسمين: هه شنو في شنو ي ود الناس
عثمان : ماف شي، انتي ف كل الاحوال عاجباني
ياسمين :بديك كف
عثمان: غلطان انا البقول ليك كلام سمح
ياسمين: اننننننن
كل واحد فينا سكت و بقا م بتكلم مع التاني زي 5 دقايق، ف نفس اللحظه اتلفتنا على بعض و ندهنا بعض😂
عثمان: هديل
ياسمين: عثمان
عثمان+هديل : دا شنو
عثمان + هديل:م تحاكيني
عثمان: هديل
ياسمين: عثمان
عثمان+ ياسمين: خلاص
فكينا نحن الاتنين الضحكه😂😂
ياسمين : ممكن نكون جادين و نبطل العواره
عثمان : اوكي..طيب انا داير اشوف لي شقه مفروشه
ياسمين: ليه م مرتاح مع اصحابك؟
عثمان : م كدا بس انا داير اقضي زمن معاك و مع مراد فهمتي
ياسمين:....
عثمان: معاكم جمانه ف البيت م بقدر اجي ابيت معاكم
ياسمين: انا م بقدر اخليها براها
عثمان: هي كلها كم اسبوع انا و الله مشتاق ليك عندي كتير احكيه ليك مشتاق انوم ف حضنك و تقري لي أذكار النوم و تحصنيني .. انا م صدقت لقيتك بعد السنين دي. اكيد جمانه حتتفهم.
ياسمين : تمام بكلمها و ربنا يسهل
عثمان : ان شاءالله ، بالمناسبه عجبني السلسل م اتوقعت نهائي تكوني لابساه
ياسمين: طبعا من قبيل مستنياك تعلق عليه و غير كدا انا مستحيل اقلعه من رقبتي لو يوم قلعته معناها انا بقيت م بحبك
عثمان : الله لا يجيب اليوم دا
ياسمين: ان شاء الله، نمشي بعد دا
عثمان : خلينا شويه
ياسمين: شويه وين ، انت عارف مراد و كدا
عثمان: تمام
لفينا باريس ديل م خلينا محل م مشيناه و الزمن جرا شديد ..اخر حاجه اشترينا ايسكريم و بقينا ماشين و نتعاور ف الشارع زي السكرانين😂 ألزه و يلزني و شغالين نكورك و نغني بأعلى صوت
كأنه مافي غيرنا ...سببنا ازعاج للناس ..الناس مرقوا لينا بالبلكونات و شغالين ينبزوا فينا😂 و نحن و لا شغالين نغني زي الما حاصل شي بس حصل الما اتوقعناه
*☆صلوا علي النبي💙💙*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#في_العشرين《19》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
انا و عثمان شغالين نتعاور و نلز ف بعض و نكورك زي السكرانين كأنه مافي غيرنا...سببنا ازعاج للناس..الناس مرقوا لينا بالبلكونات و بقو شغالين ينبزوا فينا و نحن و لا شغالين بيهم نغني زي الما حاصل شي بس حصل الما اتوقعناه انهم ضربوا بلغوا علينا😂 و جات الشرطه اخدتنا ،،،اتفتح فينا بلاغ اذيه،، عثمان ضرب ل مؤيد عشان يجي يطلعنا بكفاله،، لحدي يجي ودونا الزنزانات ، انا ف زنزانه و هو ف زنزانه ،، الزنزازتين لصق بعض،، مشيت اتكلت على الحيطه و هو برضو اتكل على الحيطه
عثمان : خايفه؟
ياسمين: أتذكرت السودان و الزنزانه الفي القسم
عثمان مسك يدي و قال: انا معاك ماف زول بهبشك😂 و غير كدا الموضوع حماس ياخ انا و مرتي ف القسم بعدين نحكي لي اولادنا عن دراماتنا
ياسمين: انت و الله م عندك موضوع😂يعني حسي م زعلان انو نحن محبوسين؟
عثمان :لما اكون معاك بنسى كل شي شين ، انتي بتخلي اي شي حلو
ياسمين: دا شنو الكلام المقزز دا،كلام وهميين
عثمان: انتي عارفه انا غلطان اني بقول ليك كلام زي دا ، انتي زوله غريبه
ياسمين: عشان انا غريبه انت بتحبني
عثمان: تصدق بحبك دي براها بسيطه
ياسمين: اه عثمان بديك كف😒
عثمان : خلاص سكته
مؤيد جا و كفلنا الاتنين و مرقنا من القسم.
مؤيد:انتو الاتنين قصتكم شنو؟
عثمان : عاين بحكي ليك بعدين تمام
مؤيد : تحكي لي بعدين شنو ي زول حسي
عثمان : بعدين ي مؤيد بعدين ،خلينا نوصل هديل اولا
ياسمين:😳
مؤيد: هديل؟!
عثملن: معليش قصدي ياسمين
وصلوني و عثمان قال لي خلي بالك من نفسك و مشى،خشيت البيت لقيتهم نايمين غيرت هدومي و صليت صلواتي و نمت طوالي من التعب
*في جانب تاني*
مؤيد و عثمان وصلوا شقتهم طوالي مؤيد استلم عثمان
مؤيد: هوي هوي ماشي وين تعال احكي لي
عثمان : دقايق ي مؤيد اغير هدومي و اجيك
عثمان مشى غير هدومه و جا ل مؤيد
عثمان : اها داير تعرف شنو؟
مؤيد : قبضوكم ليه؟ معقول بس عشان ازعاج؟
عثمان : اتخيل بس
مؤيد: طيب و علاقتك ب ياسمين شنو؟ و هديل دي منو؟
عثمان : دا تحقيق و لا شنو؟
مؤيد: نحن مش اصحاب و اخوان احكي لي
عثمان :.....
مؤيد: سرك ف بير
عثمان : و الله العظيم الكلام دا يطلع من هنا بنخسر بعض بنقتل بعض عديل
مؤيد: م تخاف ماف زول حيعرف اها قول
عثمان : ياسمين دي اسمها الحقيقي هديل و بتكون مرتي و مراد دا ولدي ارتحته؟
مؤيد: كيف يعني؟ انت اتزوجت بتين و كيف؟ و عندك ولد كمان انت جنيت و لا شنو
عثمان : انت قلت حابب تعرف و هدا ليهو كلامي واضح
مؤيد : اتزوجتها بتين و كيف؟
عثمان حكى ليهو كل شي
مؤيد: البتين ديل غريبات
عثمان : منو؟
مؤيد:ياسمين و جمانه ..انا عارف انهم جو بالتهريب و عارف انها منفصله من زوجها و حامل بس م قايل الموضوع فيهو سجن و كمان بيخصك، قصتها قريبة من حقت جمانه
عثمان: الكلام دا يفضل بيناتنا، انا م صدقت اني لقيتها ي مؤيد انا بالجد مبسوط معاها
مؤيد : تمام ..
عثمان: بالمناسبة قلت لي انو قصتها قريبه من حقت جمانه ، جمانه مالها؟
مؤيد: هي بت لقيطه ، بس انا بحبها و دايرها
عثمان : تتوقع اهلنا يوافقوا؟
مؤيد: انا موضوعي أخف قدرا منك بعافر و بحاول اما انت المسبقا متزوج و ب شافعك كمان😂
عثمان: هههه ظريف😒 انا زاتو ماشي اتخمد انوم
مؤيد :تمام
____
اليوم التاني اتلاقينا انا و الشله و مؤيد و اتفقنا على موضوع الرحله و حنعمل شنو و كدا،،، كل واحد فينا قدم اقتراح ف النهايه اتفقنا على شي واحد انه نأجر يخت 😍و قلنا الرحله تكون نهايه الاسبوع الجاي عشان ناس عثمان و اصحابه حيرجعوا السودان،، عثمان قال داير يمدد إجازته بس انا رفضته بعد تحانيس وافق ف معناها عندي اسبوع واحد بس اقضيه مع عثمان
..................................
بعد رجعت البيت قلت بعد كدا افتح الموضوع مع جمانه
ياسمين :جمانه انا دايره اتكلم معاك ف شي
جمانه: اها
ياسمين: بس اوعديني م تزعلي
جمانه : وعد م حأزعل احكي اها
ياسمين: انتي عارفه انه عثمان مسافر نهايه الاسبوع الجاي صح و انا و هو لينا سنتين م شوفنا بعض ف انا و هو قلنا نسكن ف شقه فتره الاسبوع دي،، عارفاك حتزعلي و كدا بس افهمي اني طولت م لاقيته و مشتاقة ليهو و غير كدا عشان مراد يتعرف اكتر على ابوه

جمانه: انتي ي بت هبله؟ البزعل شنو بالعكس انا كدا مبسوطة و اساسا دا الشي الصح ف النهايه هو راجلك و عادي يعني
ياسمين: يعني م زعلانه؟!
جمانه: لا لا بالعكس حأرتاح منك😂
ياسمين: حيوانه انتي
جمانه : شكرا م جبتي جديد😂
و حتمشوا بتين؟
ياسمين: بكرا😅
جمانه: بدري يا 😂حار حار كدا
ياسمين: جمانه بديك كف
جمانه: خلاص سكته
..................................
ضربت لي عثمان و وريته كل شي و قال لي اساسا انا لقيت شقه و ممكن نمشي الليله لكن مدام انتي عايزاها بكرا م مشكله ظابط.
تاني يوم جهزت شنطتي و شنطه مراد و ودعت جمانه و نزلت تحت ل عثمان كان جاب تاكسي ، بتاع التاكسي خت الشنط ف العربيه و مشينا الشقه،، الشقه كانت حلوة شديد و بسيطه فيهاا غرفه واحده و هول صغير و مطبخ صغير و حمام كانت ظريفه شديد و احلى شي انه فيها سرير للبيبي
ياسمين: بالنسبه للسرير😂
عثمان: طلبت منهم سرير و جابوه
ياسمين:ظريف و الله ، عاين ي مراد سرير ليك
مراد : ييييييي
عثمان +ياسمين:😂😂😂
الجرس ضرب، مشى فتح الباب و جا شايل اكياس ،قلت ليهو دا منو قال بتاع الدليفري طلبت اكل و كدا قلت ليهو ي سلاااام انا جعانه شديد قال لي امشي غيري هدومك و انا مراد بنجهز الصفره،، مشيت غيرت هدومي و لما جيت لقيت مراد قاعد فوق ف الصفره و عثمان بلعب معاه و بأكله بطاطس بيده شكلهم كان كيوت شديد بقيت بعاين ليهم مسافه ، عثمان شافني قال لي نحن سمحين للدرجة دي لما تسرحي فينا قلت ليهو موووت😂.. بدينا نأكل و شغالين نتونس و نلعب مع مراد ، بعد خلصنا اكل قعدنا ف التلفزيون مسافه و بعدها جا وقت الصلاه قمنا صلينا و مراد مسبقا نام ، ختيته ف سريره ،، كنت لابسه قميص نوم عثمان بقا بعاين لي قال لي تعالي قلت ليهو اجي وين قال لي تعالي بس قربت عليه حضني دايره ازح منه قال لي لا لا خليك ، حضنا بعد مسافه بعدين مشينا نمنا ، نمت ف حضنه..صحيت الصباح صليت و عملت الفطور و صحيت مراد قعدنا كلنا نفطر و عثمان ساعدني ف غسيل العدة و نظافة الشقه و بقينا نتونس عن موضوع الرحله و الحيحصل شنو و اليوم مر عادي م في شي جديد و بكدا بكون فضل 4 ايام على الرحله ، عثمان بقى بحكي لي مراد ف قصه عشان ينوم بس مراد حلف ينوم كل شويه يقول ليهو عثمان تاني تاني ، عثمان قال ليهو اول شي انا اسمي بابا م عثمان قول بابا ، مراد قال ليهو بابا ،عثمان قال ليهو انا اسمي منو؟ مراد قال ليهو عثمان 😂😂 ، عثمان قنع من انو يقول ليهو بابا و بقا بعيد ليهو ف القصه لحدي نام ، جا رقد جنبي و بقا بتونس معاي و بحكي لي عن تخريجه كان كيف و كان ف بنات مزز نظام بغيظني و كدا بس لا حياه لمن تنادي ،، و انا بارده جدا بس بعاين ليهو قال لي انتي م بتحسي؟ قلت ليهو لا لا للاسف قال لي براي غلطته و عملتها ف روحي عرست لي واحده متبلده المشاعر ، قلت ليهو خلينا من دا حسي أهلك ديل لو عرفوا بقصتنا انا و مراد بيحصل شنو، قال لي تصدقي ي هديل فكرت كتير شديد ف الموضوع دا هو كدا كدا حيجي يوم و يعرفوا و اكيد حيزعلوا ف البدايه بس تاني حيكونوا عاديين انتي بس م تشيلي هم قلت ليهو تمام قال لي تعالي ..رقدني ف حضنه و قرا اذكار النوم ليهو و لي😂 قلت ليهو انا من زمان بعمل كدا قال لي و انا كمان قلت ليهو جد؟ قال لي اي و الله يلا هششش نومي.
باقي الاسبوع قضيناه في المول و مدينه الملاهي و كانت معانا جمانه.
لحدي جا يوم الرحله كل زول جايب معاك سناكس .. اللحوم قلنا بنشويها و نحن ف اليخت ..ركبنا اليخت و اتحرك بينا و شغلنا اغاني و بقينا نرقص و نغني ف نص البحر😂 كنا كتار سام و أليكس و كارلا و فاطمه و ابراهيم و مؤيد و جمانه و اصحاب عثمان ..اتصورنا كتيررر .. المركب وقف و كلهم نزلوا ف المويه حتى مراد اما انا لا😂 نحن البنات بس بنعاين ليهم..و لا بنجازف لكن كارلا بعد تحانيس نزلت..مؤيد و اصحاب عثمان كانو بجروا عثمان ل تحت بيخلوه يغطس مسافه و تاني بيطلع كرروا معاه الحركه دي 3 مرات .. انا م عارفه اتوترت شديد لما شوفتهم بعملوا كدا .. المره الرابعه لما عملوها فيهو عثمان م طلع
*☆صلوا علي النبي💙💙*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#في_العشرين《20》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
المركب وقف و كلهم نزلوا ف المويه حتى مراد اما انا لا😂نحن البنات بس بنعاين ليهم و لا بنجازف لكن كارلا بعد تحانيس نزلت ..مؤيد و اصحاب عثمان كانوا بجروا عثمان ل تحت بيخلوه يغطس مسافة و تاني بيطلع كرروا معاه الحركه دي 3 مرات .. انا م عارفه اتوترت شديد لما شوفتهم بعملوا كدا..المره الرابعه لما عملوها فيهو عثمان م طلع .. انا خلاص اتجننت و خوفت و ناس مؤيد قايلنو بهظر انتظروا مسافه نظام يمرق ليهم بس لا م مرق هم اتوتروا شديد ..مؤيد غطس و مرقه ..بقا بيضفط ليهو على صدره و بيعمل ليهو ف الاسعافات الاوليه..فجأه عثمان فتح عيونه و قعد يضحك .. مؤيد وقف و بقا بعاين ليهو .. كلنا بقينا مصدومين هو كان بلعب و بهظر و قطع قلوبنا و خوفنا..اصحابه سبوا ليهو.. مؤيد بقا بضرب فيهو و كفته و شغال ينبز فيهو..دفرت مؤيد و قلت ليهو زحي لي للحيوان دا قلت ل عثمان ي كلب الليله النشوف اليحلك مني منو.. مسكته دقيته و قرصته و كفته غايتو اتفشيت فيهو و بعدها قعدت ابكي شديد... قاموا هم مشوا فوق و خلونا برانا .
عثمان: ي بت خلاص بهظر دا كان مقلب عشان لما اسافر تتذكريني بيهو😂😂
ياسمين: و كمان بتضحك؟ انت حيوان و لا شنو؟حسي لو كان حصل ليك شي انا اقول ي منو .. عثمان انا م صدقت رجعنا انت ليه داير تعيشني ف حاله خوف ..خوف من اني افقدك من اني ارجع وحيده تاني ..هو كان ليك هظار و الباقين حينسوا بس لا انا م حأنسى
عثمان: طيب حبيبي معليش خلاص اعفي لي ..م قايلك بتحبيني للدرجة دي😂
ياسمين: عثمان انت مصر تضحك؟
ياسمين طوالي خبطته قام مسك يدها و باسها
عثمان: خلاص ي هديل قلنا معليش
ياسمين: عثم..
عثمان : قلنا معلييش
ياسمين: خلاص سكتة
مد لي خده و خت اصبعه ع خده نظام ادييني بوسه قلت ليهو تدفع كم قال لي عليك الله مش انا راجلك قمت بوسته قال لي ي سلااام😍 تاني واحده ف الخد التاني عشان جضومي تبقى سمحات و كبار قلت ليهو و الله م نصيح انت😂بعد اديته البوسه التانيه مشينا ليهم فوق و اول م شافونا استلمونا
إبراهيم :اووو عصافير الحب🤣💕
مؤيد :خلاص راضاك؟
أليكس: romeo and Juliette
فاطمه : الزعل راح؟انبسطتي؟
جمانة: نبقى ليك عثمان يعني
صاحب عثمان:احيي انا من عثمان
عثمان: هوي بطلوا تشغيلات
مؤيد: انت حيوان على فكره دا مقلب حسي ليك
عثمان: ي جماعه دا مقلب جميل عشان تتذكروني بيهو لازم اخلي بصمه يعني
كلهم قعدوا يحمروا ليهو..و قالو تاني زول ينزل البحر ماف .. شوينا اللحوم و اكلنا ..كانت لمه ظريفه شديد و الضحك ماليها و انبسطنا شديد كل زول نسى همه و بقا بالنا مع الرحله رقصنا و هيصنا و مراد برضو رقص لينا😂قعدنا كلنا ف الأرض قلنا نلعب صراحه و جراءة لفوا القزازه وقعت بين جمانه و فاطمه
فاطمة : صراحه و لا جراءة؟
جمانه: صراحه
فاطمه : حبيتي كم مره ؟
جمانه: مره واحده🤣
مؤيد: ي سلام ان شاء الله الاول و الاخير بس😂😂
كلنا: ان شاءالله 😂
تاني لفوا القزازه وقعت بين ابراهيم و جمانه
ابراهيم: صراحه و لا جراءة؟
ياسمين: صراحه
ابراهيم: نفسك ترجعي السودان؟
ياسمين:لا
تاني لفوا القزازه وقعت بين ابراهيم و عثمان
عثمان: صراحه و لا جراءة؟
ابراهيم: صراحه
عثمان: حصل فكرت ب ياسمين تفكير تاني؟
إبراهيم : كيف يعني؟
عثمان : قصدي حب و كدا
ابراهيم: اي
عثمان : شنوووو
ابراهيم: حسي دا سؤال ليك ..ياسمين دي اختي من يومها و للان و م حصل يوم فكرت فيها تفكير تاني و لا حافكر هي زاتها م مديه مجال مكرهانا عثمان عثمان
انا طوالي خبطته قلت ليهو انت حيوان و لا شنو فضحتني ياه..كلهم قعدوا يضحكوا..عثمان قال و الله انا راسي كبر شديد ي جماعة فاطمه: هو ايه دا كلكم صراحه صراحه خفو علينا شويه نحن عاوزين اكشن شويه
لفوا القزازه تاني وقت بيني و بين صاحب عثمان اسمه عبدالله
عبدالله: صراحه و لا جراءة
فاطمه : اختاري جراءة
ياسمين: جراءة (في سري قلت انا كفايه علي سؤال عن السودان الصراحه دي بتجيب اجلي احسن لي جراءة )
عبدالله: شوفتي عثمان دا.. تشيلي ورده و تديها ليهو و تنزلي على رجلك و تتقدمي ليهو و بعدين تبوسيه

ياسمين: نعمممم؟ انا اتقدم و لي عثمان؟
عثمان: هي مالي انا م زول يعني و ثم ثانيا دا تحدي لازم تعملي
ياسمين: بس ماف ورود
عبدالله :اصله م حنك هاك الهوت دوق دي اعتبريها ورده
ياسمين:😒
مشيت وقفت قصاد عثمان قلت ليهو عثمان تتزوجني؟قال لي قوليها كأنك عايزاها ماف اي حيويه ف الموضوع قلت ليهو تمام
نزلت على رجلي و مديت ليهو الهوت دوق ... طبعا ديلك بهناك شغالين يصوروا و يصفروا. قلت ليهو عثمان تتزوجني ؟ خت يده ف وشه نظام خجلان و بحاكي البنات قال لي انا م مصدق انا من زمان متمني اليوم متمني بتين تتقدمي لي طبعا انا بقيت بعاين ليهو من فوق ل تحت بإشمئزاز انا جني جن الحركات دي قلت ليهو هوووي ي عثمان دا شنو الكلام المقزز دا..ديلك انفقعوا بالضحك قال لي خلاص معليش موافق ..مديت ليهو الهوت دوقه🤣 قام نزل راسه و قرم منها انا م استنيته يقرمها زي الناس حشرتها ليهو كلها جوا خشمه .. بقا بحمر لي قال لي ي حيوانه.. قلت ليهو التحدي و عملته .. عبدالله قال لي فضل البوسه.. مشيت ل عثمان ..طبعا هو طويل..
جريته من قميصه و بوسته ف خده😂😂كلهم قعدوا يكوركوا و يصفروا..بعدها كملنا اللعبه و رجعنا الميناء و كل زول رجع بيته
اليوم البعديه صحيت من النوم لقيت عثمان ماف ضربت ليهو م برد ..بعد ساعتين جا خاشي و كان شايل معاه اكياس
ياسمين: مشيت وين
عثمان: هدايا ل ناس البيت و كدا ،، مراد وين؟
ياسمين: قاعد ف التلفزيون .. ي مرااااد
مراد: نعم
عثمان: عاين بابا جاب ليك شنو؟و تعالي ي هديل شوفي جبت ليك شنو
كان جايب لي هدوم و ل مراد برضو و جاب ليهو ألعاب .. قام فتح صندوق و طلع منه خاتم بتاع ألماس قال لي لو كان دهب كان بكون احلى قلت ليهو م بيحتاج لو كان شنو مش منك حيكون حلو،، لبسني الخاتم و باس لي يدي و قال لي ربنا يخلينا ل بعض يوم الليله دا دايره اقضيه معاك بس م حنمرق اي مكان قلت ليهو ظريف.. جهزت الاكل و قعدنا ناكل و بقيت بجهز معاه شنطته و بنتونس ... اليوم التاني مشيت معاه المطار .. حضنته مسافه و انا ببكي و هو زاتو دموعه ف عينه .. باس راسي و باس مراد ف خده و قال حأشتاق ليكم و خلي بالك من نفسك و من مراد و مشى... رجعت الشقه شلت شنطتي و سلمت المفاتيح ل بتاع الشقه و مشيت ل شقتي انا و جمانه ..سلمت عليها و قلت ليها خلي مراد معاك انا دايره اكون براي .. رقدت ف سريري و قعدت ابكي لحدي نمت صحيت بمراد و هو بصحي فيني قمت صليت و مشيت اكلت ... بعد كم ساعه عثمان ضرب لي انو وصل و حمدت ليهو السلامه و سألته من ناس بيتهم و كدا و قلت ليهو يمشي يرتاح
*بعد 3 أسابيع*
ياسمين: ي جمانة انا حاسه اني م تمام جمانه: ليه حاسه ب شنو؟
ياسمين: م عارفه بطني طامه من الصباح يمكن الاكلته امس م نفع معاي
جمانه: تكوني حامل؟
ياسمين: م ختيت احتمال زي دا
جمانه: جربي افحصي
ياسمين : بمشي الصيدليه بعد شويه.
مشيت الصيدليه و اشتريت جهاز فحص الحمل ... جمانه كانت مستنياني فحصت و وريتها قلتها ايجابيه .
جمانه: مبرووك ياخ ..حتوري عثمان؟ ياسمين: م عارفه حاسه الموضوع غريب
جمانه:ي بت غريب ف شنو عادي دا راجلك
ياسمين: م عارفه و الله
جمانه: يستحسن توريه كفايه انك خبيتي عليه موضوعك حملك ب مراد
ياسمين : ان شاء الله
مشيت شلت التلفون و ضربت لي عثمان اتونست معاه و بقيت متردده اوريه و لا لا ف النهايه م وريته خوفت من شنو م عارفه.
مشيت المستشفى و تابعت مع دكتورة و كنت حامل لي اسبوع ادتني فيتامينات و نظام غذائي امشي عليه.. تميت 3 اسابيع مع الحمل و للان م وريت عثمان و لا حأوريه ..احساس اني متقله عليه رجع تاني و يبقوا طفلين بدل طفل صعبة ياخ ف قلت بس اكتم الخبر دا بس الوحيدين الكانو عارفين ابراهيم و جمانه.
*ف الجامعه*
مشيت الجامعه و لاقيت شلتي و مشينا القاعه طبعا القاعات ف الطابق التالت.. خشينا اللكشر و حضرنا المحاضره و لما خلصت كان عندنا قاب ساعتين حتى محاضره تانيه .. مرقنا من القاعة و انا نازله من السلم اتعترت و وقعت و اغمي علي ..ساقوني المستشفى و للاسف اجهضت بكيت كتييير و زعلته شديد ..م كنت حابه اتكلم مع زول ..عثمان لما يضرب لي كنت ببين ليهو اني كويسه و بعد يقفل بقعد ببكي ..اصحابي اخدوا لي اورنيك اسبوعين .. ف الاسبوعين ديل قعدت ف البيت و مراد خليته معاي م وديته الحضانة .. بعد تميت الاسبوعين رجعت الجامعه و واصلت حياتي عادي.. تاني انضغطت شديد عشان الامتحانات قربت و بقيت مركزه شديد معاها بقيت م بتكلم كتير مع عثمان طبيعي بكون بقرأ حتى مراد اهملته شديد و قصرت ف حقه.... القرايه لما قفلت معاي شديد و راسي كتم مشيت قعدت ف التلفزيون بقيت بقلب ف القنوات لما جبت قناه فيها داعيه بتتكلم عن انو العلاقه مفروض تكون قويه بين العبد و ربه و الصفات المفروض يتصف بيها العبد ذكرت منها كتير و اتكلمت عن كل صفه بالتفصيل و اتكلمت عن صفه الكذب..حسيت بالذنب لما سمعت الكلام دا و اني خبيت على عثمان و انو كدا ممكن يفقد ثقته فيني و نخسر بعض ..قلت بعد الامتحانات تخلص

لازم اوريه لانو لو وريته حسي حيعمل موضوع و يزعل و انا م حأقدر اقرأ.. بعد 3 اسابيع خلصت الامتحانات و قلت اوري عثمان طوالي ..رجعت البيت و غيرت هدومي .. م قدرت انوم من التوتر مسكت التلفون طوالي و ضربت ليهو
ياسمين : هالو
عثمان: دولي😍اشتقت ليك ياخ
ياسمين : انا اكتر و الله
عثمان: مبرووك خلصتي
ياسمين: اي الحمدلله
عثمان :اشتغلتي كيف؟
ياسمين : و الله فل الفل الحمدلله انت كيفك
عثمان: تمام مدام انتي تمام
ياسمين: ي سلااام🤣❤️ عثمان انا دايره اوريك حاجة بس م تزعل مني و م تقاطعني
عثمان: اها قولي
ياسمين: انت بعد سافرت انا تعبت و فحصت لقيت روحي حامل
عثمان: حامل ؟!! و ليه م بتوريني؟
ياسمين: عثمان انا اجهضت
*☆صلوا علي النبي💙💙*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#في_العشرين《21》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
ياسمين: عثمان انا دايره اوريك حاجه بس م تزعل مني و م تقاطعني
عثمان: اها قولي
ياسمين:انت بعد سافرت انا تعبت و فحصت لقيت روحي حامل
عثمان: حامل؟!! و ليه م بتوريني
ياسمين: عثمان انا أجهضت
عثمان : شنووو كيف يعني كيف يعني اجهضتي؟ م بتوريني انتي اساسا ليه و لا بتقولي انك حامل طرطور انا ..م شايفاني راجل ها؟ انتي مشكلتك شنو وريني نفسي افهمك ي هديل غلبتيني عديل
ياسمين: عثمان اسمعني
عثمان: و لا كلمه مدام انا م عندي اعتبار ليك ف لو سمحتي تاني اتخذي قراراتك براك و لو سمحتي تاني م تضربي لي
ياسمين: عثمان الو الو عثمان
رجعت ضربت ليهو تاني فصل فيني بقيت بضرب كتير لما اداني مغلق ..قعدت ابكي جاتني جمانه جاريه
جمانه: ف شنو بتبكي مالك؟
ياسمين: وريت عثمان اني اجهضته
جمانه: يادوب؟ انتي جاده؟
ياسمين: جاط فيني و كورك و قفل الخط ف وشي و حسي هو قفل تلفونه جمانه: ان شاء الله دايراه يضحك ليك انا كلمتك قلت ليك وريه براك ابيتي و ركبتي راس براك ي هديل بتضيعيه ياسمين : طيب انا حسي اسوي شنو
جمانه: اعتذري ليهو و حاولي راضيه بس عسى و لعل يرضى
ياسمين: ان شاء الله
رسلت ليهو رساله طويلة و اعتذرت ليهو فيها و اني كنت غلطانه و م مفروض اعمل كدا و رسلتها ليها... ضربت ليهو بعد مسافة برضو اداني مغلق .. قلت اخليه يهدأ
*ف جانب تاني*
عثمان كان متضايق شديد متضايق لدرجه كبيره مشى صلى ركعتين و قرا قران و بعدها فتح تلفونه لقى مكالمات كتيره من ياسمين و رسايل كتيره قعد يقرا فيها و بعد خلص قفل تلفونه .. و مرق من البيت
ضربت ليهو م رد لكن خش معاي جرس تاني ضربت حتى رد
ياسمين : عثمان وين انت من قبيل انا عارفاك زعلان مني و انا اسفه و الله
عثمان:...
ياسمين: عثمان انا بتكلم معاك لو سمحت رد ..افهم موقفي عليك الله
عثمان: ياتو موقف دا ي هديل.. انت الموضوع لو فارق معاك م كان دسيتي؟ هديل انا زهجت و الله انت قايلاني لعبه شافع انا؟
ل بتين تدسي مني اي حاجه
ياسمين: انا عملت كدا عشان خايفه
عثمان: خايفه من شنو؟ ها وريني؟اني اخليك و الله ماف زول بيعملها غيرك انا استحملت حركاتك كتير ي هديل
جمانه : انا اسفه حبيبي و الله تاني م اعيدها..عثمان ياخ انا اهلي متبرين مني انا اتسجنت و اتعذبت و حاولو يعتدوا علي .. انا سافرت بالتهريب.. عرست من ورا اهلي و كمان حملت..عانيت براي ..اشتغل و اقرأ. .ولدت و ربيت.. دا كله عملته براي و عملت فيك كدا لاني حسيت روحي تقيله عليك.. اهلك للان م عارفين و يمكن م يعرفوا أساسا... كمان يبقوا ليك طفلين كتيره انت شاب ف بدايه عمرك افهمني بس
عثمان: شوفتيني اتضايقت منك؟ زعلته منك؟ بالعكس انا مبسوط بالشي دا .. انت بس حسستيني اني م مهم و م الا اعرف كل شي بخصك
ياسمين: طيب معليش تاني بقول ليك اي شي
عثمان : حصل خير
ياسمين: طيب بحبك
عثمان: عارف
ياسمين: عثمااان
عثمان: و انا كمان انت حسي كيف و كيف حالك ان شاءالله احسن؟كيف اجهضتي؟
ياسمين:انا احسن الحمدلله..وقعت من السلم ف الجامعة
عثمان:حصل خير ربنا كاتب كدا
ياسمين : و نعم بالله..دي شنو الجوطه دي انت وين شكلك م ف البيت
عثمان:اي قاعد برا البيت مشيت مكانا المفضل
ياسمين:ي سلاام😍😍
اشتقت ليهو و الله
عثمان: وعد مني لما تجي السودان بنمشي ليهو
ياسمين: البجيبني السودان تاني شنو م عندي شي هناك
عثمان : انا دي بجيبك بس أصبري
ياسمين: ان شاء الله
طيب انا مضطره اقفل ماشه اعمل اكل ل مراد
عثمان: تمام سلمي عليه
ياسمين: يوصل
بعد قفل من ياسمين جو بتين و قعدوا معاه قالو ليهو ممكن نتعرف قال ليهم لا ف واحده فيهم قالت ليهو معقول م عرفتني قال ليها لا و لا ناوي و عن اذنك .. دفع الفاتور و رجع البيت... لاقى امه قالت ليهو انت ي ود حتفضل كدا انا دايره اشوف اولادك قال ليها ي امي انا م عايزه اعرس لسه علي قالت ليهو لسه عليك شنو شغال و شغلك كويس و وضعك تمام الناقصك شنو انت قال ليها لسه م لقيت البت المناسبه لما ألقاها و لو سمحتي تاني م تفتحي معاي الموضوع دا
*☆صلوا علي النبي💙💙*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#في_العشرين《22》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
ام عثمان قالت ليهو انت وضعك تمام الناقصك شنو قال ليها لسه م لقيت البت المناسبه و لو سمحتي ي امي تاني م تفتحي معاي الموضوع دا
*ف باريس*
بعد قفلت من عثمان
وريت جمانه اني اعتذرته ليهو و قلت ليهو كل شي قالت لي كدا احسن شديد لازم تكونوا صريحين مع بعض و كويس انه قبل اعتذارك و رضى تاني اياك تدسي عليه قلت ليها تاني مستحيل اعملها تاني توبته
.................................
انا حاليا ف رابعه و طبعا لينا فتره بدينا شغل ف المستشفى و كدا.. شغل المطعم خليته لانه بقا ضاغط شديد..ف يوم و انا ف المستشفى ماشه مع فاطمه ... شوفت ابوي و امي و الله هم .. ديل هم زاتهم سألت الممرضه المريض فيهم منو قالت لي المرأة قلت ليها مالها قالت لي ورم ف الرأس...م ابديت اي رده فعل بس سكته و لا بكيت زاتو يمكن لاني بكرهم شديد و حبي ليهم دا كله راح بسبب العملوه فيني... رجعنا للتيم و بقينا شغالين بس هم كانو ف بالي دايما ..مشيت للممرضه القبيل و سألتها من الدكتور المتابعين معاه و مشيت سألته قال لي العملية نسبه نجاحها 75% يعني ان شاءالله بتنجح اطمنت و رجعت كملت شغلي... لما رجعت البيت ضربت ل عثمان
ياسمين: هالو
عثمان: احلى هالو فيك ي ياريس
ياسمين: بكاش خلاص
كيفك انت
عثمان: تمام التمام بس مشتاق ليك كتييير
ياسمين: انا اكتر و الله
عثمان : كيف كان يومك؟
ياسمين: متعب و الله اتخيل حصل شنو
عثمان : اها
ياسمين: شوفت امي و ابوي
عثمان : امك و ابوك منو؟
ياسمين: ناس السودان
عثمان: شوفتيهم وين
ياسمين: ف المستشفى.. امي عندها ورم ف الرأس و حيعملو ليها عمليه
عثمان : لا حول و لا قوة الا بالله العلي العظيم..و حسي هي كيف ؟
ياسمين : و الله م عارفه سألت الدكتور قال لي نسبه نجاح العمليه 75%
عثمان: اتكلمتي معاهم؟
ياسمين: هم م شافوني اساسا و لا حأخليهم يشوفوني.. انا مسحتهم من حياتي
عثمان: ف النهايه دي امك و هي محتاجه ليك
ياسمين: طيب انت لما احتجت ليهم هو كانو وين؟انت عارف ي عثمان لما الممرضه قالت لي هي عندها ورم انا م بكيت و لا ابديت اي رده فعل كنت عاديه يمكن دي نتيجه دعواتي عليهم
عثمان: عيب منك الكلام دا ي هديل ف النهايه مهما حصل ديل اهلك
ياسمين: خت نفسك محلي و بتفهم
عثمان : م بيحتاج لاني فاهم لكن مهما حصل هم اهلك و م حتقدري تغيري الشي دا..ان شاء العمليه بتنجح و امك بتبقى كويسه
ياسمين : ان شاء الله... اتخيل تاني حصل شنو
عثمان: اها
ياسمين: ف واحد جا عامل حادث ضربته عربيه بس اصاباته م خطيره شغال يتغزل فيني و سألني لو مرتبطه و لا لا و لما كنت بحاول انظف ليهو ف جروحه بيمسك يدي و ببوسها😂
عثمان : كيف يعني؟ و انتي كنتي بترضي؟ دا شنو دا ي هديل
ياسمين: انا كنت مخلوعه م عرفت اسوي شنو لا قدرت اضربه لا قدرت اشاكله
عثمان : هديل شوفي كلامي واحد حركات زي دي م بتنفع معاي بجي حسي فرنسا بمسك الولد بكفته و بقتله.. هو بكل قوه عين يعمل كدا و كمان انتي تلقيك مبسوطة عشان فرنسي صح؟
ياسمين: لا و الله😂 عثمان انا برضو زيك م عجبني الحصل لكن اعمل شنو
عثمان : تشاكليه دا المفروض يحصل
ياسمين: طيب معليش حصل خير
عثمان : حصل خير
ياسمين : ich liebe dich انا بحبك
عثمان : ich liebe dich auch انا برضو بحبك
..................................
اسيل: انتي ي هناء عثمان دا بتعرفيه من وين؟
هناء: امي و امه كانو صحبات من زمان بس هو م متذكرني..زمان لما كنا صغار كنا دايما بنلعب مع بعض و انا حسي م صدقت شوفته ..زمان كان مرتبط مع واحده لكن شكلهم انفصلوا لكن حسي حيكون لي و حنتزوج حأخلي امي تتكلم مع امه
اسيل: جبر كدا؟
هناء: اي بس جبر هو حيكون لي يعني حيكون لي.. م قادره انسى انه احرجنا و قال م بعرفنا معقوله بس نساني بالسرعه دي
اسيل: ي زوله انتي سمحه شديد كل الاولاد جارين وراك اصبري كلها كم يوم و بجري وراك
هناء: لو م جرى وراي انا بعرف اخليه يجري كيف
..................................
اليوم التاني مشيت المستشفى عشان العمليه الليله.. لما وصلت لقيت انهم دخلوها العمليه .. استمرت 5 ساعات الدكتور لما مرق طمن ابوي و قال ليهو انا نجحت و مستنينها تفتح بس و كدا..

مشيت للدكتور ف مكتبه و سألته منها و وراني انها كويسه بس لازم تصحى عشان يتأكدوا انو م تكون حصلت اعراض و اضرار جانبيه قال لي انتي المريضة دي ليه مهمه كدا ليك قلت ليهو لانو نحن من نفس البلد بس و الحاله حقتها جذبتني بس ... بعد كم ساعه فتحت و الحمدلله كانت كويسه و ماف اي اعراض جانبيه عاينت ليهم من ورا الباب للحظه كدا اتمنيت امشي على امي و احضنها و ابكي ف حضنها و اقول ليها على كل شي حصل معاي .. على العملتو معاي الدنيا بس م قدرت.ادوها اسبوع و قالو بعديها ممكن يرجعوا السودان لحقتهم لما عرفت هم ف ياتو فندق كنت كل يوم لما ارجع من الجامعه و معاي مراد بجي ماره بجنب الفندق بعاين مسافة و بعدين بمشي.... اليوم الكانو مسافرين فيهو شوفتهم و قلت لي مراد عاين ديل حبوبه و جدو قال لي ابوبه و ددو قلت ليهو اي 😂 .. ناس امي مشوا المطار و رجعوا السودان.
*بعد شهر*
انا قاعدة ف الجامعه و زهجانه شديد ماف موضوع و كنت مشتاقه شديد ل عثمان قلت ل صحباتي انا مشتاقه ليهو شديد قالو لي منو قلت ليهم عثمان، ي ريت لو كان موجود هنا قالو لي ان شاء الله تاني بجي فرنسا قلت ليهم ان شاء الله.فجأه ف زول خت يده ف عيوني من اليدين عرفت دي يدين راجل قلت إبراهيم ياخ بطل حركات الشفع دي
عثمان: بس انا م ابراهيم 😂
ابراهيم جا و معاه عثمان و سام
ياسمين: عثمان😍😍جيت بتين و كيف و ليه م وريتني
عثمان : جيت بالطياره🤣
ياسمين: اهبل.. ليه م وريتني؟
عثمان : حبيت اعملها ليك مفاجأة رايك فيها شنو؟
ياسمين: احلى مفاجأة و الله
عثمان ل الباقين: اخباركم شنو
كلهم: تمام و الله و حمدلله على السلامه
عثمان : الله يسلمكم..طيب انا استأذن منكم حأسرقها شويه
فاطمة : خدها مش عاوزينها
ياسمين:😒
مشيت مع ابراهيم ودانا الشقه الكنا قاعدين فيها زمان..لقيت كل هدومي و هدوم مراد
ياسمين: دقايق هدومي جات هنا كيف؟
عثمان: كنت متفق مع جمانه و جابت كل شي
ياسمين: نسيت حاجه مهمه
عثمان: اللي هي؟
ياسمين: مراد طبعا 🙂
عثمان: بنمشي نسوقه بعدين
ياسمين: الجابك هنا شنو
عثمان: م دايراني يعني و لا شنو؟
ياسمين: م قصدي كدا بس اتخلعت يعني
عثمان: الشركة حقت ابوي حنفتح منها فرع هنا..اقترحت عليه الفكره عشان كل فتره انا اجي هنا و أشوفك😂
ياسمين: مجنون و الله.. بالمناسبه انا جعانه
عثمان : و انا برضو ارح ناكل
..................................
هناء: ي ماما اتخيلي قبل فتره انا شوفت منو شوفت عثمان ولد خالتو الاء
هبة : بلاي..و اخباره شنو
هناء: اتخيلي ي امي م عرفني و احرجني
هبه: اجي كيف يعني
هناء:كدا
هبة : قبل كم يوم لاقيت امه و قالت هي بتفتش ليهو ف عروس دايراه يعرس
هناء: و قولتي ليها شنو
هبه:معقوله بس و انا اضيع الفرصه دي خشيت ليها ب حنك اي هو مفروض يعرس عمره مناسب انا حسي مستنيه هناء بتين تتزوج قالت لي خلاص رايك شنو نخليهم يتزوجوا بتك زي بتي و صعب نلقى بت حلال قلت ليها ولدك يمكن يرفض قالت لي لا
هناء حضنت امها: واااي ي ماما... شكرا شديد
هناء : ي هبله على شنو لازم اشوف ليك المناسب المالي مركزه انتي ف النهايه دايره ليك السمح
*☆صلوا علي النبي💙💙*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#في_العشرين《23》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
عثمان رجع السودان و امه رجعت فتحت معاه موضوع العرس و هو قفله معاها .. من كتر م هي كانت مصره قرب يقول ليها انو هو مسبقا معرس بس مسك نفسه بالعافيه..
امتحاناتي قربت و بقيت مدروشه مع القرايه دا اخر سمستر ف سنه رابعه و كدا بيكون فاضل لي سنه واحده بس.. اما جمانه بتكون دي سنه التخرج حقتها.. الحمدلله انه تخريجها بعد الامتحانات عشان افضى ليهو ب مزاج.... بعد شهر انا كنت خلصت الامتحانات اللي هي كانت صعبه شديد مع الحمل بتاعي😄 الحمدلله بس بديت اجهز مع جمانه عشان التخريج كان فاضل ليهو اسبوع بس... م عندهم زي ناس السودان جوطه و كلام كتير و الا تجيب اكلك براك.. م كان ف شي من دا.. تستلم شهادتك و بس... ف يوم تخريجها كانت لابسه بدله بيضاء و فاكه شعرها و عامله روج احمر.. اما انا كنت لابسه نفس لبستها بس عامله توربان🤣 لما ندهوا اسمها شالت شهادتها و مشت قدام المايك و قالت:
*مما اتولدت لقيت روحي ف ميتم م عارفه اهلي الحقيقيين تعرضت لانتقادات كتيره و كلام جارح اذاني نفسيا بس لقيت انه ماف شي مستاهل الدنيا كدا لازم تصعبها معاك و انا لازم اكون قويه .. بحب اهدي نجاحي دا لاختي حبيبتي ياسمين الوقفت معاي ف كل شي و لو احتجت ليها دايما بلقاها جنبي انا بحبك شديد ي jasmin☹️❤️ و ل حبيبي مؤيد الكلام بقول ليهو ليهو الجملتين ديل
Tu es mon destin انت قدري
Je t'aime moaid انا بحبك مؤيد
بعد استلمت شهادتها هي و دفعتها اخدوا صوره جماعيه ..الناس دايره تمشي مؤيد مسك يد جمانه و قعد على الارض و مد ليها خاتم
مؤيد: انا بحبك شديد انتي روحي و حياتي و كل شي. . انتي كنت و للان و حتفضلي كل شي بالنسبه لي انا داير اكمل حياتي معاك انا حأكون سعيد معاك ..عيني مليانه بيك و م شايف غيرك ،ها قلتي شنو؟
جمانه:😟 مؤيد بس انا بت لقيطه و اهلك يمكن م يوافقوا
مؤيد: م عليك بيهم انتي بتحبيني و لا لا؟
جمانه: اي
مؤيد: تتزوجيني؟
جمانه هزت راسها : موافقه
مؤيد لبسها الخاتم و باس ليها يدها و الناس بقت تبارك ليهم و كدا
*بعد 9 شهور*
عثمان معاي المره دي و حيحضر ولادتي حيكون جنبي ..على قدر م انا خايفه على قدر م انا مبسوطة .. عثمان كان ماسكني من يدي و بمشي فيني
ياسمين: عثمان انا خايفه شديد
عثمان : م تخافي انا معاك.. حسي بتولدي و بتكوني كويسه بس اصبري م تفكري ف اي شي بس خليك معاي
ياسمين :كويس
عثمان: تتذكري لما عملنا الكيكه و انتي
ياسمين: انت تقول لي م تفكري ف اي شي و تجي تقول لي تتذكري عثمان انا الفيني مكفيني
عثمان: خلاص سكته
ياسمين: ظهري واجعني شديد ي عثمان .. خلينا نوقف
عثمان : انتي لازم تمشي
ياسمين: م قادرة م قادرة
عثمان: طيب
قعدنا و انا ختيت راسي ف صدره و ببكي و هو شغال يدعك لي ف ظهري الدكتور جا و قال بعد كدا ندخلها ..هو خشى معاي العمليه ...جبت بت بس تعبت شديد و نزفت كتير و تاني بقيت م شايفة سامعه بس .. الممرضه قالت ليهو ي دكتور ضغطها انخفض شديد 💔 حاولوا ينقذوني م قدروا.....

..................................
عثمان صحى مخلوع من النوم و كان معرق و بقا يكورك هديل هديل قلت ليهو ف شنو ي عثمان قال لي انتي حيه الحمدلله مسكني حضني و بقا ببكي قلت ليهو ف شنو قال لي حلمت حلم شين بس الحمدلله قلت ليهو حصل خير ارح ناكل انا جعانه..مشينا اكلنا و قعدنا ف التلفزيون و انا نمت شالني و وداني السرير .. اليوم التاني بالصباح و انا بنضف بطني وجعتني بقيت بنادي ف عثمان يالله انا وصلت الغرفه ز بقيت بنادي فيهو و ببكي.. قلت ليهو عثمان الحقني انا حأولد عثمان ..عثمان فتح عيونه و عاين لي لما لقاني ببكي اتخلع و نط من السرير قال لي مالك قلت ليهو انا موجوعه شكلي حأولد قال لي انا اسوي شنو قلت ي يا اهبل اضرب لي جمانه تجي ل مراد قال لي تمام ضرب ليها و قال ليها هديل شكلها حتولد حنمشي المستشفى تعالي هناك .. ساقني و مشينا المستشفى و الدكتور قال ليهو خليها تتمشى لما قال ليهو كدا عثمان اتخلع اتذكر الحلم و بقا يقول لي ارح نتمشى و مسكني من يدي لما انا تعبت و قلت ليهو م قادره و ظهري واجعني و قعدنا و رقدت ف حضنه و بقا يمشي يده على ظهري و كان قلبه بدق سريع

*عثمان ف سره معقول دا كله خوف نفس الحصل ف الحلم حاليا بحصل ي رب م يحصل ليها شي انا م بقدر اعيش من غيرها ي رب ي رب تطلع سالمه بعد شويه جات الممرضه ساقتني بس هو م خشى معاي خاف .. خاف يفقدني و اموت ..بعد مشيت غرفه العمليات هو ندم بقا يقول ف نفسه ي ريتني لو مشيت معاها.. كان متوتر شديد و ماشي و جاي و مؤيد بحاول يهدي فيهو و جمانه ماسكه مراد بعد فتره الدكتور قال ليهم حمدلله على سلامتها و مبروك جابت بت قام عثمان سأله و ياسمين كيف قال ليهم الحمدلله كويسة... عثمان طوالي سجد سجده شكر ..حولوني غرفتي و عثمان شالها كبر ليها ف اضانها و قال سميتك نوربانو .. نمت و صحيت من النوم سألته عثمان بتي وين، باسني ف راسي و قال لي اول شي حمدلله على السلامه تاني شي بتك كويسه نايمه بس تالت شي مبروك لينا نور قلت ليهو الله يبارك فيك قلت ليهو نوربانو قال لي عاجبك الاسم قلت ليهو بقوة.. جو خاشين مؤيد و جمانه و مراد و باقي الشله باركوا لي و سألوني من اسمها قلت ليهم نوربانو قالو لي معناه شنو قلت ليهم هو اسم عثمان معناه مدام نور قالو لي غايتو انتي و جنك بالتاريخ دا😂 قلت ليهم م تخافو المره الجايه لو جبت ولد بسميه جنكيز .. عثمان قال لي هههه ظريفه و الله.. قلت ل مراد تعال شوف اختك ..زعل ابا يجي 😂 جمانه قالت اوهو علينا بدينا من حسي حركلت الغيره 😂😂.. ابراهيم شالو و قال ليهو ارح نكسي ناكل شوكلاته .. مشى اكلو شوكلاته و جو و بعديها اخدنا كلنا سيلفي للذكرى و كلهم رجعوا فضلنا انا و عثمان..خرجوني اليوم التاني و مشيت الشقة... سابع يوم عملنا لمه ظريفه ف الشقه و عثمان اتصدق للمحتاجين و بس .. تاني يوم رجع عثمان السودان
*في السودان*
الاء:رايك شنو ف بت هبه هناء؟
عثمان :رأي فيها كيف يعني ؟
الاء: هي بت حلال و سمحه ماشاءالله و اهلها ناس كويسين انا دايراها ليك
عثمان: ي امي انا م عايز اعرس جبر هو؟
الاء: اي جبر انا دايره افرح بيك.. ي علي اتكلم مع الولد دا
علي: ي ولدي مالو العرس البت بت حلال و مناسبه ليك
عثمان:بس دي حياتي انا و انا البقرر منو البعرس
الاء: شوف هنا حتعرسها يعني حتعرسها
عثمان: م حأعرسها لاني مسبقا متزوج
*☆صلوا علي النبي💙💙*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#في_العشرين《24》*
*#بقلم_هديل_محمد*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
الاء:شوف هنا حتعرسها يعني حتعرسها
عثمان: م حأعرسها لاني مسبقا متزوج
الاء: كيف يعني الكلام دا
علي : دا شنو البتقول فيهو دا؟ متزوج و من ورانا؟
عثمان : اي متزوج و عندي طفلين
الاء قعدت ف الكرسي: كيف يعني الكلام دا داير تجننا اخر عمرنا ي ود
عثمان: لا داير اجننكم لا شي عندي طفلين مراد و نوربانو و عايشين ف فرنسا و لما كنت بسافر م كنت بسافر عشان الشغل كنت بمشي بلاقيهم ارتحتوا؟ دايريني اتزوج ياهو انا متزوج و يا ريت نقفل على الموضوع
الاء: تطلقها تطلقها حسي دا
عثمان: لا بطلقها لا شي دي حياتي انا
علي ادى عثمان كف: كان تفكر ف كدا قبل تتزوج و تخت اعتبار لاهلك و شوف هنا لو م طلقتها يبقى انسى انو عندك ام و اب
عثمان عاين ليهو و عيونه محمره و مشى غرفته طوالي.. قفل الباب بقوة و قعد ف السرير و بقا بهز ف رجله
الاء: حسي نحن نسوي شنو؟
علي: لازم يطلقها منظرنا يكون شنو قدام الناس متزوج بالدس و عنده طفلين و اها تاني داسي شنو مننا ولدك دا
الاء: نضغط عليه لحدي يطلقها او ممكن نوافق عليها
علي: دا شنو البتقولي فيهو دا ي مره
الاء: نحن دايرين بت حسب و نسب ل ولدنا نتفق معاه يعرس هناء و يخلي ديل ف فرنسا رأيك شنو؟
علي سكت يفكر:.....
الاء: عثمان بريدني شديد و م برفض لي طلب حأقول ليهو برضاي عليك تعرس م عرست م راضية عنك و انت اقنعه بالزواج
علي: تمام
عثمان ف غرفته كان بيضرب بتاعه البوكس باق بيده لما يده اتورمت تلفونه ضرب .. م كان برد تاني ضرب م رد التلفون بقا يضرب كتير شال التلفون لقى المكالمه مني صمت التلفون و شال بشكيره و خش استحمى
بعد خلص صلى ركعتين و قرا قرآن... ابوه جاهو ف الغرفة قال ليهو تعال تحت .. نزل معاه
ابوه قال ليهو احكي لينا عن مرتك بالتفصيل .. عثمان حكى ليهم و هم بقو مصدومين و ساكتين
آلاء : اسمها غيرته و خريجه سجون و ثم ثانيا انت شنو الدراك انو كلامها هي الصح
عثمان: لأني بعرفها لي سنين و لاني واثق فيها انا قلت العندي
ابوه سكت مسافه و قال: انت مش متزوج تمام نحن م عندنا مشكله بزواجك دا بس عندنا شرط
عثمان ساكت و بعاين ليهو: اها
علي: تتزوج هناء و ام اولادك ديك م حتطلقها
عثمان: يعني اكون معرس اتنين؟ انتو جادين؟ م بقدر اعملها انا بحبها شديد م بكسرها كدا كدا حأجرحها
الاء: شوف هنا كفايه انه نحن حنقبل بواحده زيها ي تعرس هناء ي تطلقها القرار قرارك و يستحسن يكون الاختيار الاول بت زي هناء م بتتعوض
علي: فكر عندك يومين ورينا قرارك
.................................
عثمان رجع غرفته و شال تلفونه و ضرب لمؤيد
مؤيد: اوسو الخبر
عثمان : م تمام
مؤيد: كيف الكلام دا ي زول الحاصل شنو
عثمان: هو شنو الما حاصل
مؤيد: اتشاكلت مع هديل؟
عثمان: لا لا بس الموضوع بخصها.. اتخيل امي و ابوي دايرين يعرسوا لي اتخيل بس و كل مره ناقين لي ف الموضوع لحدي انا زهجت و قلت ليهم اني متزوج اساسا
مؤيد: بالفت ياخ
عثمان: بالغت شنو هم كدا كدا حيعرفوا ف يوم من الايام
مؤيد: و حصل شنو؟
عثمان: قالو لي ي اعرس او أطلق هديل
مؤيد: بالغوا طبعا
عثمان: اتخيل بس
مؤيد: و حتعمل شنو
عثمان: م عارف
مؤيد: هديل لازم تعرف لازم توريها من حقها
عثمان: خايف من رده فعلها خايف اكسرها
مؤيد: احسن تعرف منك بدل تكون داسي عليها.. حسي انت عملوا ليك قومه و قعده انا حيحصل لي شنو😂
عثمان: انت كمان حاله تانيه خالص ربنا يسهل بس
مؤيد: اميين اميين
عثمان: يلا انا استأذن منك
مؤيد: تمام سلام
عثمان : سلام
عثمان قفل تلفونه و اخد يومين بيفكر بعدين ضرب لي ياسمين
ياسمين: ماني😍
عثمان : ماني دي بتهد حيلي و الله😂💜
ياسمين: كيفك ياخ
عثمان: تمام و الله و انت
ياسمين: عال العال بس مشتاقه ليك و وين مختفي يعني يومين عديل بالغت
عثمان: شوق بقوة و الله.. بحكي ليك حسي ..كيف مراد و نور؟
ياسمين: كويسين الحمدلله من قبيل مراد بيسألني عنك لحدي نام
عثمان: يحليله.. هديل انا داير اقول ليك حاجه
ياسمين: من بتين الاحترام دا و كمان بتستأذن😂
عثمان: هديل بطلي
ياسمين: معليش اها
عثمان: امي و ابوي عرفوا بموضوع زواجنا

ياسمين:كيف يعني؟
عثمان: وريتهم انا
ياسمين: وريتهم ليه و رده فعلهم كانت شنو
عثمان: وريتهم لانه كدا كدا حيعرفوا يعني .. يعني حتكون شنو جاطوا و كوركوا
ياسمين: يالله💔
عثمان: المشكله م هنا المشكله اكبر من كدا
ياسمين: وترتني
عثمان: هم دايرني اعرس اساسا ليهم فتره طويلة ناقين لي و لما كتروها انا وريتهم اني متزوج و اشترطوا علي ي أطلقك او اتزوج عليك
ياسمين:....
عثمان: ياسمين حبيبتي
ياسمين: اي اي معاك ي عثمان
عثمان :انا م عارف اسوي شنو انا بحبك شديد ي هديل بس اني أطلقك دي مستحيل اعملها انتي ام اولادي و صحبتي و اختي و كل شي
ياسمين : يعني افهم حتعرس علي؟
عثمان: افهميني عليك الله
ياسمين: عثمان طيب طلقني
عثمان: م بطلقك ي هديل م بطلقك
ياسمين: صدقني انا م بقدر استحمل واحده تانيه تشاركيني فيك ،، احسن حل الطلاق بس
عثمان: هديل دقايق نتفاهم
ياسمين: باي
قفلت الخط ف وشه و قفلت تلفونها و بقت بتبكي لحدي نامت
صحت من النوم و كان وشها وارم من البكاء.. مشت تشرب الشاي نور بدأت تبكي و ياسمين صدعت و فاض بيها و بقت تكورك فيها
جمانه:اهدي ياخ بتبالغي دي بيبي حتفهم ليك شنو بالعكس كدا بتخوفيها
ياسمين:سكتيها عليك الله ي جمانه راسي حيتفجر من الصداع
جمانه: هاك دا بندول ابلعيه .. انا حأمشي انومها
بعد نومتها جات لي هديل و سألتها :مالك انتي
ياسمين و هي بتبكي: عثمان ي جمانه عثمان
جمانه:ماااالو حصلت ليهو حاجه?
ياسمين:تفي من خشمك.. لا م كدا بس هو حيعرس
جمانهة: كيف يعني؟
ياسمين: أهله عرفوا هو الوراهم و امه و ابوه عملوا مشكله و قالو ليهو ي يطلقني او يتزوج علي و عثمان رافض فكره الطلاق قال لي م بطلقك.. هو قال م عايز يعرس لكن لو دا بيرضي اهله ف حيعمله.. انا م بقدر استحمل واحده تشاركني فيهو هو حقي انا و بس انا قلت ليهو نتطلق
جمانه: الموضوع حار و اي شي بس انتي عايني للناحيه الايجابيه .. هو بحبك و م عايز غيرك و اكبر دليل انو هو اتزوجك و للان انتو مع بعض .. غير كدا انتي عندك طفلين تربيهم كيف براك؟
ياسمين : بقدر
جمانه:ماف حاجه اسمها بقدر هم ف النهايه حيحتاجوا لابوهم.. و اساسا انتو الاتنين كان مفروض تتوقعوا رده الفعل دي دا زواج م اي شي تاني...و قرارك بتاع الطلاق كان خاطئ هو ماف شي بيده عشان يعمله
ياسمين: يعني أفهم من كلامك اني اوافق؟
جمانه: اقعدي فكري لكن انا شايفه م تطلقوا حتى لو هو اتزوج 3 انتي البتحددي يتعلق بيك و لا بيهم
ياسمين قعدت تفكر زمن بعدها استخارت و ضربت ل عثمان
ياسمين: عثمان
عثمان: عيونه وينك ي هديل قلقتيني عليك م شوفتي الحاله الوصلتيني ليها
ياسمين: طيب و انا؟ الحاله الوصلت ليها انا ؟على العموم انا فكرته و لقيت انه انسب حل انه نفضل متزوجين عشان اولادنا و بس
عثمان: صدقيني دا برضو الانا شايفه و انا و الله بحبك و لا أقول ليك بحبها زاتها بسيطه انا بعشقك ي هديل م شايف غيرك و لو على الحأعرسها م عندي ليها شي انا حقك و بس❤️
ياسمين: ان شاءالله نفضل حلوين كدا
جمانه: ان شاء الله
.................................
*في كافيه بالقرب من شارع الشانزلزيه*
جمانه: تصدق ياسمين واجعاني
مؤيد: عثمان حالته اكعب منها.. هو م داير يخسرها و يجرحها
جمانه: هي كدا كدا حتتجرح .. لو اهل عثمان رفضوها انا يحصل لي شنو مستحيل يوافقوا بي
مؤيد مسك يدها:لا لا بوافقوا ان شاءالله خلي املك ف الله كبير انا م بتخلى عنك و متمسك بيك و شيلي الافكار دي من راسك تمام
جمانه:تمام😊
..................................

عثمان:انا خلاص قررته
الاء:اها
عثمان: حأتزوج هناء
الاء قعدت تزغرد دا :دا يوم السعد دا انا حأضرب لي هبه و اكلمها
علي:دا القرار الصح صدقني..اضربي ليها و قولي ليها بنجيكم الجمعه
عثمان مشى و علي قال ليها اصبري انا بأدب ليك ولدك دا قالت ليهو حتعمل شنو قال ليها اصبري بس
*يوم الجمعة*
الليله خطوبه عثمان مشو ل بيت هناء عشان يخطوبها طوالي ماف داعي ل تعارف مدام هم اصلا بعرفوا بعض
علي:شوف ي قاسم نحن عشره سنين و جايين نتقدم ل بتكم و ربنا يسهل الفيهو خير ..نحن م ناس خطوبه مدام نحن بنعرف بعض خليه عقد طوالي
قاسم:على بركه الله
عثمان:😳😳😳
تم العقد و الاهل بقو يباركوا و جات العروس و قعدت جنب العريس ادوهم الدبل لبسها الدبله و لا فكر يعاين ليها كان مصدوم شديد م اتوقع أبوه يعمل فيهو كدا ..كان مؤمل انو تكون خطوبه و يقدر يغير ليهم رايهم من موضوع العرس بي حصل العكس..هناء بتحاول تتونس معاه بس هو بختصر فيها بس.. اتفقوا العرس يكون بعد شهرين طوالي.. و اتفقوا على حاجات تانيه زدو بعديها رجعوا البيت
..................................