رويات شهد عبدالله🤍🤍:
*#الساعه_أربعه_ونص《07》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
أحمد بعد روان انتهت كان مصدوم شديد..
قعد ساكت و هيا كانت كلها بترجف
وشها كان لونو احمر و بدعك يدها مع بعض من الخوف

عنده نرمين :

يوسف:ح تفضلي ساكته؟!..
نرمين:ما عندي شي اقولو
يوسف:نرمين.. انتى حالياً قدامنا ممكن تكوني مذنبه.. ما عايزه تطلعي نفسك من الموضوع؟!..
نرمين:انا ما عملتا شى غلط

يوسف كان بعاين لنرمين و زهجان شديد
مسافة هو واقف في واحد دقه ال باب
يوسف فتح ليهو و طلع وقف معاهو بره..

يوسف:اها لقيت حاجه؟؟

=في حساب البنك لقينا مبلغ ٨٠ مليون اتحول ليها و اتسحب في يوم الحادثه الساعه ١١ ظهر كده..

يوسف سمع كلامو و دخل جوه قعد قصاد نرمين..

يوسف:عملتي بال ٨٠ مليون شنو؟؟
نرمين:٨٠ شنو؟؟م.. م عندي
يوسف:طيب.. م دام ح تكذبي احسن م تتكلمي ..

يوسف مسك تلفونو و ضرب ل واحد و فعلا جا و يوسف قال ليهو أخذها..

نرمين في اللحظه دي بقت جايطه و بتصرخ و بتقول ليهو انا ما عملتا شى و الله انت بتاخذني ليه حسي..
يوسف كان بارد شديد و بقول ليها لمن تتعلمي تقولي الحقيقه ح نجيبك هنا تاني..

سمر كانت واقفه بره و شايفه الرجال بياخذو نرمين
كانت مخلوعه و بتسأل فيهم في شنو؟؟
يوسف طلع بره و كان بعاين للمنظر و ساكت

بعد مسافه دخل جوه و سمر دخلت وراهو..

سمر:ليه .. ماخذين نرمين وين.. ممكن تفهمني
يوسف:وحده بتكذب و بتقول انها كانت في مكان بس ما كانت فيهو و في جريمه قتل في النص ح تتوقعي أخذناها ليه
سمر:هههه.. انت اكيد جنيت.. دي نرمين.. نرمين علاقته ب رامي حلوه شديد بعدين احنا اخوان...انت شكلك م سامع نفسك بتقول في شنو اصلا!!
يوسف:كل الناس بتقول احنا اخوات و احنا قرايب و ده راجلي و ده حبيبي بس في النهايه بحصل شنو ي سمر؟؟ديل بالذات هما البقتلونا.. ديل بالذات..

في اللحظه دي أحمد دخل جوه

أحمد:يوسف عايزك دقيقتين
يوسف:في شنو
سمر:لو حاجه بخصوص رامي ح تقولها قدامي

أحمد عاين ليوسسف و كان ساكت

يوسف:احسن تطلعي بره ي سمر
سمر:م ح اطلع.. في شنو؟؟ عايزه اعرف..

يوسف اخذ نفس عميق بعدين قال لأحمد قول

احمد:روان قالت..
يوسف:شنو
احمد:دخلت المبني بسبب راجل امها
يوسف:راجل امها دخلو شنو

أحمد حكه ليهم القصه و سمر كانت مصدوم شديد بالسمعتو..

قبل يتمو كلامهم سمر طلعت و مشت مكتب أحمد..
لقت روان قاعده و سرحانه..

سمر:روان..ليه ؟؟ليه م قلتي لينا طيب!! كيف احنا م عارفين حاجه زي دي.. مش احنا كنا بنحكي كل حاجه لبعض ي روان

روان:ليه صح؟؟ طيب خليني اوريك ليه..
أمكن عشان انتو اصلا ما كنتو ملاحظين.. امكن عشان انتو اصلا كنتُ كلكم بتخبو على بعض..
ليه م أنا أسألك؟!..
ليه م قلتى لينا انو رامي كان عندو دخل في قصه المخدرات دي.. ليه م جيتي حكيتي لينا و سكتى و خبيتي الموضوع كأننا غريبين..
تتذكرى لمن قلتى انو السفر جا فجأه كذابه ي سمر لأنك كنتى عارفه قبلها بشهور ..
ليه؟؟
مش احنا اخوات؟؟

سمر:قصة السفر دي..
روان:اي وريني.. قصة السفر دي شنو؟؟ اها اتفضلي.. قولي ليه كذبتي علينا..انا اتحرشو بي عشان كده كنت خايفه و ساكته بس انتى.. انتى مشيتي و سبتينا فجأه و من غير حتى تفكرى فينا..
سمر:لو انتى اتحرشو بيك فأنا كنت مريضه سرطان.. لو انتى ما قلتى عشان خايفه فأنا ما قلتا عشان ما تزعلو..

#فلاش_باك:

بلسان سمر :

في فترة من فترات حياتي كنت بتعب شديد، أقل حاجه كنت بحس اني ببذل مجهود
الصراحه أنى كنت انسانه بتخاف من المرض شديد
لمن تجيني حمه بحس اني بموت..

في يوم رجعتا من الجامعه و حسيت اني م كويسه خالص و كان في مكان معين في صدري واجعني شدديد
كلمتا امي و فعلا مشينا على المستشفي طوالي..

بعد كشفو علي قالو لينا نجي بعد ساعتين و فعلاً ده الحصل..

وقتها قالو لي الخبر ده..

_الحاجه ال كويسه انك الحمد لله جيتي في وقت كويس شديد..
ال واضح هنا أنك مصابه بسرطان ال ثدى و الحمد لله يادوب في بدايه مراحلو
عمليه صغيره ممكن تنقذك حسي..

بتذكر خوف امي علي كان كبير..
و ابوي بعد عرف كمان كان خايف شديد
خوفهم علي كان ناتج عن تجربه سيئه حصلت زمان..

الصراحه انو موت اخوي الأكبر مني في عمليه زايده بسيطه بسبب بنج زايد كان كافي جداً عشان يزرع جوانا خوف كبير اتجاه حاجات كبيره
وقتها ابوي كان اصلا مقرر اننا لازم نسيب البلد دي
بس مرضي أداهو دافع عشان يبده ينفذ فكرتو..

كنت خايفه بس مطمنه في نفس الوقت..

_مطمنه عشان احساس جميل شديد لمن تلقا ناس بحاولو عشانك.
بحاولو عشان انت تكون كويس
و عشان حياتك قيمه شديد بالنسبه ليهم
و الأهم و المهم أنهم جمبك
و انك ما براك

خالي كان عايش في دبي و شغلو و وضعو حلو شديد
و فعلاً بسببو قدرنا نسافر و ابوي اشتغل هناك

لمن مشيت عشان احارب مرضي قررتا أني ما احكي ل زول فيهم

ما عشان ما عايزاهم جمبي
بس عشان المسافات قاتله
و القلق في البُعد صعب
و م كنتا عايزه زول فيهم يزعل أو يتعب بسببي

حتى رامي..
أخترتا اني اكون الحبيبه البتضحى..
و اختار اني احارب براي من غيرو..

فعلاً حاربتا براي
و بفضل ربنا انتصرتا
و لاني قدرتا ألحق الموضوع في ووقت كويس ما كان صعب شديد..

ما قدرتا احكي ل رامي و لا غيرو أنتصاري ده
لانو في انتصارات بتفضل جوانا للأبد
و بنحس انو احسن تكمل كده..

في الوقت ال حالي :

روان سمعت قصه سمر و كانت متؤثره شديد
بعدها كان في هدوء في ال مكان

ما كان في زول فيهم قادر يتكلم
منو ال ح يصبر ال تاني؟؟

قبل ساعات كانو معتبرين نفسهم اخوات
معتبرين انو ماف أسرار بينهم
بس في اللحظه دي اكتشفتو انهم غريبين على بعض..
غريبين تماماً..

عنده يوسف :

كان قاعد في المكتب و بفكر في حاجات كتيره و منها اتذكر واحد من الأسباب ال جابتو ال سودان..

#فلاش_باك

يوسف:انت عارف هدفي شنو.. و عارف ليه انا جيت هناا
خالد:يوسف م توقف حياتك و كمل.. ال حصل حصل و انتهى
يوسف:و اخوى ال ضيع حياتو ؟؟
خالد:ي يوسف..
يوسف:انا م ح اخليهو.. إن كان آخر حاجه ممكن اعملا.. ناصر لازم يتعاقب..

في الوقت الحالي :

يوسف م قدر يستحمل و طلع بره و كالعاده ولع ليهو سجاره..

بلسان نرمين :

نزلوني الطابق ال تحت كان كلو عباره عن سجون..
في اليمين كانو الرجال
بس في باب تاني و لفينا على الممر الشمال كان كلو نسوان و بنات..

دخلوني واحد منهم و كنت خايفه شديد
المكان كان مخيف
و الناس كانو كلهم بعاينو لي من فوق لمن تحت

كان في وحده لابسه عبايه رماديه و قاعده في زاويه السجن
أما تاني في بتين واضح انهم من عمري لابسين بنطالين و واقفين بعاينو لي
تاني كان في مره كبيره لابسه توب و قاعده في الارض..

ريحه المكان كان غريبه شديد، في ورق واقع و أكياس و وساخه...
كنت بعاين لكل حاجه و مستغربه

كيف انا ادخل مكان زي ده!!

فضلتا واقفه و بحاول امسك دموعي بس م قدرتا
وقتها قعدتا ابكي..
ما عارفه ليه اتذكرتا ابوي في اللحظات دي بالذات..

لو كان عندي امنيه كنت ح اتمنى انو يكون عايش لسه..

كنت ح اتمنى انو يكون واقف معاي 💔💔

#فلاش_باك

محمد:ي بتي انا عارفك ما بتغلطي.. انتى تربيتي و انا واثق اني م قصرتا في تربيتي معاك

نرمين:ماف غيرك بقيف معاي

محمد:و دايماً ح اقيف معاك.. المهم انك ما تنزلي راسك أبداً لزول

في الوقت الحالي :

نرمين:انا آسفه و الله يا ابوي.. نزلتا ليك راسك 💔💔💔

يوسف دخل مكتبو بعد جا وراهو زول و كان معاهو ورق..

يوسف:اها

=المبلغ كان من عمها

يوسف:كلم عمها يجي طيب.. نشوف ليه حول ليها المبلغ ده

=تمام..

بعد طلع ال راجل جا داخل واحد كان واضح انو شاب في بداية العشرينات..

يوسف قال ليهو يجي بعدين بس الولد دخل و قعد

يوسف:ي استاذ دي م قهوه مسموح ليك فيها تجي على كيفك... اطلع بره يا شوف زول تاني تمشي ليهو

_بيكو.. بيكو هو القتل ناصر

يوسف:...

عنده سمر و روان :

سمر:آسفه لاني م قلتا ليكم
روان:الفايدة شنو
سمر:من شنو
روان:مننا كأصحاب.. لو م وقفنا جمبه بعض ال فايده شنو
سمر:انا ال مفروض اسأل السؤال ده.. كيف سكتي على الموضوع ده..
روان:مش كان عندكم فضول تعرفو ليه دايماً بلبس حاجات طويله و واسعه حتى لو قدامكم بس.. ده هو السبب..

روان رفعت الكم حقه العبايه و كان يدها فوق كلها آثار ضربات
رفعت بنطلونها و للأسف كان كلو آثار ضرب برضو..

روان:هو خلق انسانه مريضه في المجتمع.. أنسانه ما قادره حتى تقول ل صحباتها شوفو جسمي كلو مضرب كيف!.. 💔

سمر:و امك طيب ؟؟

روان:امي.. هههه..

#فلاش_باك

وقتها كان عُمري ١٤ سنه..
كنت عارفه ال صح من الغلط
كنت عارفه اني ما مفروض اسكت..

الصراحه ١٤ سنه ما سن كافي عشان أكبر للدرجه دي
بس وقتها للأسف انا كبرتا💔

كانو بقولو انو البت مهما حاولت تحمى نفسها
ما ح تقدر براها
و انها محتاجه عيلته جمبها عشان تنجح
و ده ال كنت متمنى انو يحصل بس ما حصل..

بتذكر اني رجعتا من المدرسه و انا مقرره اني خلاص لازم احارب و لازم أثور ضد أي إنسان بحاول يأذيني

كنت لابسه هدوم المدرسه و من غير أغير هدومي دخلتا لأمي في المطبخ
كانت بتطبخ و عامله مكرونه بالبشمل..
كنت بحبها شديد وقتها❤️

قلتا ليها كل حاجه..
م قعدنا.. بس وقفتا وراها و بديت احكي كل حاجه 💔

امي أتلفتت و كانت مصدومه شديد..
بعد خلصتا حضنتها و كنت ببكي..

بس امي عملت شنو؟؟

امي دخلتني الغرفه
كنت متوقعه انها ح تقول لي يلا لمى هدومك و خلينا نمشي من الراجل ال حيوان ده
أو مثلا تقول لي ما ح اخليهو و ح نرجع حقنا..

بس هيا قالت ده " ما تقولي كده تاني..
انتى فهمتيهو غلط
ده ابوك."

كنت عايزه اتكلم تاني بس قالت لي " أسكتي.."

من وقتها انا ساكته
من وقتها و انا م بحب حتى المكرونه بالبشمل..
و من وقتها و هو بأذيني اكتر..

كنت متوقعه انو نقطه ضعف أمي " أنا "
بس لا نقطه ضعفها " هو "

أمكن الحُب بعمل كده
بس معقول الحُب يخليها تفضل نفسها و بيتها على بتها؟؟!!..

١٣ سنه و انا بعانى من التحرش
بس الحقيقه أني بعانى من كسرة الخاطر اكتر..
فقدتا ثقتي بالناس
بنفسي
حتى بالحياه..

في الوقت ال اتوقعتا فيهُ انو امي تقيف معاي..
هيا وقفت ضدي
هل ح اقدر أتجاوز النقطه دي تحديداً..

في الوقت الحالي :

سمر قامت من مكانها و مشت حضنت روان..

روان كانت ماسكه يد سمر قوي و مغمضه عيونها..

روان:ليه انا اعيش ده كلو و هو هناك مبسوط.. ليه انا اخاف و اتألم و هو و لا على بالو؟؟ ليه اسكت ي سمر.. تعبتا خلاص.. 💔

في اللحظات دى أم نرمين جات و كان واضح انها قلقانه على بتها شديد...
سألت واحد و وصف ليها غرفه يوسف بس لمن كانت ماشه على هناك أحمد ناداها و قال ليها انو بتها في السجن تحت و هيا جاطت و قالت الا تشوفها و فعلاً نزلوها تحت..

ام نرمين اول ما شافت نرمين بقت بتبكي و ماسكه الحيطه عشان م تقع..

رانيا:كلو بسببي😭😭

نرمين:امي روقي عشان ماف زول يسمعك

رانيا:انا السبب الله ياخذني 😭😭ح اقول ليهم بس انتى خلى يطلعوكِ

نرمين:لا اوعك تقولي شي.. انا ح اتصرف بس انتى اسكتي

رانيا:تتصرفي كيف يعني.. انتى م شايفه نفسك وين حسي

نرمين:امي انتى بس ما تعملي حاجه.. لو سمحتي.. اصبري بس.. 💔

رانيا:...

عنده يوسف :

يوسف:انت منو اصلاً؟؟ و بتقول في شنو؟؟

مازن:انا اسمي مازن..

مازن طلع دفتر صغير و ختاهو قدام يوسف..

في الدفتر ده في اسم لأي زول اشتغل مع ناصر
و المبالغ ال عايزه من كل واحد فيهم
و كل التفاصيل

يوسف:طيب؟؟
مازن:لمن تشوف ح تلقا انو رامي كان منهم و انو مطلوب منو مليار و تقريبا هو أكتر زول عايز منو مبلغ كبير قدر ده.. بس زي م ح تلقا اسم رامي ح تلقا اسم بيكو.. بيكو كمان كان شغال معاهو.. و كان عايز منو ٢٠٠ مليون..
في نفس يوم ال حادثه ناصر رسلني هناك عشان اتكلم مع رامي بخصوص القروش بس م لقيتو و لقيت بيكو..

#فلاش_باك

في مكان ما جمب الجامعه شاب واقف و بتكلم مع واحد و كان واضح انو النقاش حاد ..

بيكو:عاين انا ح اعمل ليك كل حاجه عايزه بس امشي من هنا لانو م وقتو و لا ده المكان المناسب لنقاش زى ده

مازن:و متين الزمان المناسب؟!.. لو ما عايز تقنعو كلمنى و انا بتصرف معاهو

بيكو:انت خليك بعيد من القصه دى قلتا ليك و م تعمل شى بس

مازن:تمام عندك لمن بليل و لو ما حصل ال قلتو ليك انت و هو اعتبرو نفسكم ف خبر كان.

ف الوقت الحالي:

يوسف:كنتُ عايزين تقنعو رامي ب شنو؟؟

مازن:ناصر كان عايز من رامي يتخلى عن بيتو.. الحاجه الوحيده ال فاضله ليهم..
بيت رامي كان موقعو مناسب شديد ل حاجات كتيره و أولها انو هو كان محتاج ل بيت في حي كبير وسط شباب كتار عشان يقدر يبيع بصوره اكبر.. بس رامي كان ح يرفض و طلبنا من بيكو يدخل ف الوقت ده..

يوسف:من متين بيكو ليهو دخل ف موضوع المخدرات ده؟؟

مازن:بيكو هو العرف ناصر على رامي..

يوسف:....

عنده روان:

أحمد اخذ روان عنده واحد اسمو إسلام كان هو المسؤل عن قضايا الاغتصاب و التحرش و فعلاً روان حكت كل حاجه من غير تخاف ال مره دي و من غير تحاول تخجل..
كان المهم عندها انها بس تتكلم..
أنها بس تتخلص من العبء ده كلو..

في مكان ما جمبه القسم :

بيكو كان واقف و بشرب في ال سجاره..
كان واضح انو ليهو ايام م نايم..

_ي مان.. مالك قلتا عايزني سريع كده

بيكو:...

في مكان تاني في نفس الوقت

_انت شايف انك م ح تتمسك يعني؟؟

=انا... ما..

_ما ح تقدر تعيش مع العبء ده فتره طويله صدقني.. ما ح تقدر..

عنده يوسف :

يوسف:انت شنو ال خلاك تتأكد طيب انو بيكو هو ال قتل ناصر؟!..

مازن:نفس يوم الوفاه بيكو جا و اتشاكل مع ناصر و قال ليهو انو انت ال قتلتا رامي بس وقتها ناصر م كان عارف انو رامي اتوفى اصلا..
لمن طلعنا بيكو بره الشقه و ضربناهو كان بقول انو ح يقتلوو و انو م ح يخليهو و ده كان سبب كافي جداً يخليني أشك فيهُ

يوسف:...

الشاب بعد خلص كلامو مع يوسف طلع بره و يوسف كان قاعد و راسو جايط..

كان عارف انو في خلل في نقطه معينه بس ما كان قادر يفهم الخلل وين بالظبط..

هل نرمين و لا بيكو و لا منو بالظبط!!
كل زول فيهم كان فيهُ حاجه غلط..
بس الغلط الأساسي و الشك الكبير كان كلو حولين حماده
يوسف ما كان عارف السبب بس هدوء حماده كان مسبب أستفهام كبير..

يوسف قام من مكانو و نزل تحت عشان يشوف نرمين
كانت واقفه و بتعاين للأرض..

يوسف:ما ناويه تقولي حاجه؟ ؟
نرمين:انا قلتا ال عندي
يوسف:لو لقيت دليل واحد زياده على الأدله ال عندي ح ارفعك للمحكمه طوالي
نرمين:انت.. ما حاسس انك واثق بنفسك بزياده
يوسف:عندي احساس انك م عملتي حاجه... قاعد احاول اعرف شنو البخليكي تكذبي.. خايفه على منو؟؟
نرمين:و لا زول..
يوسف:في زول... في حاجه... و لو م اتكلمتي ح تندمي
نرمين:....

*" في بعض الأحيان ال عائله جدار*
*و في بعضها العائله قاع."*

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆

*#الساعه_أربعه_ونص《08》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
يوسف:عارفه الخط ال فاصل بين الخطيئه و الصواب شنو؟؟

نرمين:شنو

يوسف:السكوت البخلينا مذنبين و في نفس الوقت امكن معانا حق..

نرمين:انت ليه بتقول لي كده؟؟

يوسف:انتى صح دمك تقيل و مستفزه بس م اظن تقتلي زول ،لو انتى بتعملي كده ل سبب لو سمحتي قولي.. عشان اقدر اساعدك

نرمين:...

يوسف قال كلامو ده و مشا طوالي..

روان حكت كل حاجه كانت عايزه تقولها و فعلاً خلال ساعتين جابو محمود القسم..

م كان فاهم حاجه بس بمجرد م فهم بقا بصرخ و جايط و ضرب ل ام روان و فعلا جات و كانت م فاهمه حاجه في البدايه بس بعد فهمت الدنيا فجأه اتقلبت على رااس روان..

روان كانت بره المكتب و سامعه امها بتقول لالا بتي فهمت غلط..
وقتها كانت بتسمع صوت قلبها بتكسر..
م بتكسر عشان ماف زول معاها
بتكسر عشان الانسانه ال وحيده المفروض تدعمها دايماً هيا ضدها في موضوع زي ده💔

روان م قدرت تستحمل و دخلت جوه

روان:امي انتى م جاده صح؟؟
انتى ليه بتعملي كده؟؟
عشان راجل ي امي؟!..
ياخ حتى لو راجلك و حتى لو م عندك غيرو في الدنيا، حتى لو ح نموت جوع و م عندنا جنيه عشان ناكل معقوله تعملي كده فيني ي امي؟؟
انتى شايفه جسمي عامل كيف؟!.. خلينا من جسمي انتى شايفه نفسياتي كيف؟!
ياخ انا بخاف اقيف براي في الشارع.. بخاف زول يعمل لي حاجه و انا ف قاعتي..
ياخ بخاف انوم.. في زول فينا بخاف ينوم؟!
أنا و الله بخاف اغمض عيوني..
انتى عارفه بحصل لي شنو كل م اغمض عيوني؟؟
بتخيل شكل راجلك العفن ده.. انتى كيف قادره تقعدي معاهو ف نفس المكان و انتى عارفه انو بعمل فيني كده؟!..
كيف قادره تجي هنا و تدافعي عنو و انتى عارفه انو انسان سئ و مريض و وسخ؟!..
يا أمي انتى كيف قادره تعتبري نفسك ام وريني؟!..
ياخ بتك م قادره تحميها من إنسان مريض زي ده و جايه تتكلمي كده عادي مع الناس؟!..

مناسك كانت مصدومه و بتعاين ل روان..
دي كانت أول مره روان تتكلم فيها كده...
ام روان سكتت و م قدرت تقول حاجه بس بعد مسافه محمود اتكلم..

محمود:بتك مريضه نفسيه م تسمعي كلامها..

روان عاينت ليهو و قعدت تضحك..

روان:ح أحاسبك على كل حاجه خليتني اعيشها.. و الله ما ح اخليك..

روان قالت كلامها ده و طلعت بره..

عنده يوسف :

كان قاعد في مكتبو و دخل عليهُ راجل كبير واضح انو زول عندو مكانه..
قعد و كان لابس بدله مرتبه شديد و ريحتو كانت حلوه و قويه..

يوسف:انت طبعاً عم نرمين
صمد:اي انا عبد الصمد و بقولو لي صمد
يوسف:و الله يا عمي م عايز أطول عليك بس كان في كم حاجه عايز اسألك منها
صمد:قول.. نرمين م تكون عملت حاجه؟؟
يوسف:و الله لمن حسي م معروف بس كان ف مبلغ اخذتو منك و كنت عايز أسألك ليه
صمد:و الله ي ولدي م عارف لكن بعد وفاة ابوهم هما استلمو طبعا الورثه عادي بس هما عيله صغيره و ياهو اخوي ده م عندو ولد..
عندو نرمين و بت أكبر منها اسمها نور عايشه في كندا متزوجه و عندها عيال
نرمين اول مره ترفع التلفون من بعد وفاة اخوي و تطلب مني قروش و طبعا م سألتها ليه لانو خفته تتحسس أو تخاف تطلب مني تاني

يوسف:اها.. و الله طبعا الموضوع كان بالنسبه لينا غريب لانو المبلغ ده استلمتو مع يوم وفاه رامي زميلها في الجامعه
صمد:انا م بعرف ال انت بتعرفو طبعا لكن نرمين تربيه محمد اخوي.. اخوي عمرو م ربا بناتو الا على الكويس و الطيب..
أنا متأكد انو نرمين م ليها دخل في حاجه..
يوسف:طيب ماف شى غريب بحصل حولينها أو مشكله هيا كانت فيها...

صمد سكت مسافه بعدين قال..

صمد:نرمين دي انا بعرفا حق المعرفه طبعا و لو في شى واحد غلط حوليناها فهو امها للأسف.. أمها انسانه سيئه جداً..
م بحب اقول عنها كده بس صدقني مهما كان الغلط فتشو حولين امها و ح تفهمو..

في مكان تاني في القسم :

أحمد كان واقف و بعاين للورق و مستغرب شديد..

أحمد:يعني حسي حسب كلامك لو لقينا صاحب بقايا الجلد دي ح نعرف الزول ال ممكن يكون قتلو

_اي.. واضح انو الزول ال قتلو غلط الغلط البسيط ده..
م كان في آثار بصمات أو دم أو أى حاجه في ناصر بس يبدو انو ناصر كان بقاومو عشان كده مسكو و حاول يخربشو و طبعا م استفاد حاجه بس في ظفورو في بقايا الخربشه دي و ح نقدر نعرف ال قاتل بالطريقه دي بس..

في مكان تاني في نفس الوقت :

_حجزتا متين ؟؟

=احنا م صح نسافر حسي.. ح نتكشف

_صدقني صح.. ماف وقت نضيعو اكتر.. لازم نمشي..

في القسم :

يوسف ضرب لأحمد و قال ليهُ انا عايز حماده..

م كان في سبب بس يوسف كان عايز يقعد مع حماده..
كان في استفهام كبير و عايز يحاول يحلو..

فعلاً حماده جا القسم و كان واضح انو تعبان شديد..

حماده:انتو ليه بتجيبوني تاني؟؟
يوسف:معلش بنضايقك شكلنا..
حماده:انا قاعد احاول أتجاوز موت أهم انسان في حياتي.. انتو م بتساعدوني على التجاوز أبداً..
يوسف:احكي لي عن نفسك
حماده:م فاهم
يوسف:مثلا ل ياتو درجه انت قريب من بيكو و رامي،، مع انو طبعاً واضح انهم قريبين من بعض شديد.. انت كنت ال طرف ال ثالث المظلوم؟؟!..

حماده وشو اتغير و وقتها يوسف لاحظ انو بده يستفزو و عرف انو ماشي ف الطريق ال صح

يوسف:غريب.. انتو بتقولو انكم أصحاب و اخوان بس حسي نرمين في السجن و روان عندها مشكله كبيره مع راجل امها و سمر جات من السفر و انتو كأنكم م عايشين هنا.. علاقتكم غريبه شديد.. في أول بركان اتفرقتو..
حماده:لو ما عندك أسأله عن موت رامي انا عايز امشي
يوسف:انت قتلتو؟؟

حماده كان بضحك و بعاين ليهُ..

حماده:اقتل صحبي؟؟
يوسف:امكن بتغير منو.. أو امكن حصلت بينكم مشكله قديمه.. مثلاً مشكله بخصوص وحده لانو دي ممكن تحصل كتير.. صح؟؟

حماده ملامح وشو اتغيرت.. كان ساكت و م عايز يتكلم و يقول حاجه..

يوسف:البت سمر؟!.. بس ما اظن.. امكن طرف تالت..

يوسف كان بتكلم و بعاين في ملامح حماده
ملامحو كانت حاده شديد اللحظات ديك..
يوسف ما كان قادر يفهم مشكلتو بس قدر يحدد انو في مشكله حصلت بينو و بين رامي بس ليه و متين م قدر يفهم النقطه دي بالذات..

حماده كان بالو طويل شديد و صح كان واضح انو زهجان بس كان ماسك أعصابو..
بعد يوسف تعب طلع من الغرفه و هو الشك جواتو بكبر اكتر..

كان السؤال ال كبير ليه حماده ساكت؟!..
ليه كلهم طلعت اسرارهم الا هو؟!..

حماده كان قاعد جو و بده يتذكر..

قبل سنتين بالظبط :

#فلاش_باك

كانو قاعدين في الكافتيريا في الجامعه

حماده:ممكن توريني مالك طيب؟!.. بتبكي ليه ي روان؟؟!..
روان:ماف شى ي حماده خليني بس..
حماده:في زول زعلك؟؟

قطع كلام حماده نرمين و هيا بتقعد جمبه روان..

نرمين:انتى زعلتي بجد؟؟رامي اكيد م قاصد.. انتى هبله
حماده:رامي عمل شنو
نرمين:و لا شى و الله بس كان بهظر معاها و بقول ليها انو مستحيل زول يحبها و انو شكلها ح تبور

نرمين لسه كانت بتتكلم بس حماده قام من هناك و هو زهجان و مشا على المكان الدايماً بقعدو فيهُ بيكو و رامي...

اول م وصل هناك ضرب رامي و دي كانت أول مشكله جاده بينهم..

رامي:انت مجنون ده شنو؟؟!..

رامي وقف مكانو و ما رجع عشان يضرب حماده عشاان المشكله م تكبر اكتر..

حماده:انت عارف.. ليه بتعمل كده و انت عارف
رامي:عارف شنو
حماده:انو روان بتحبك..

رامي سكت و م قدر يرد بس حماده كان منفعل شديد و بيكو كان مصدوم لانو دي كانت أول مره حماده يقرر ينفعل و م يكون هو الطرف ال هادي ال بحاول يهدى الوضع..

رامي:انت بتتكلم عن شنو؟؟
حماده:ليه بتعمل فيها كده؟ كلامك بجرحا و انت عارف كده..
أنت م غبي و احنا م أغبياء فأحسن نكون صريحين سوا
رامي:انا م عايزه تفكر بالطريقه دي.. بعدين انت نسيت انو سمر قاعده.. سمر ممكن تتخلى عن فكره حُبنا عشان روان و انا م بقدر اخسر سمر
حماده:بس بتقدر تكسر قلب روان صح
رامي:لو انت مهتم بيها كده حبها انت طيب..

حماده زهج زياده و كان عايز يضربو تاني بس بيكو وقف بينهم و بقا بحاول يهدى الوضع

حماده طلع من الجامعه عشان كان زهجان شديد و كان قصادو طوالي عربيه رامي..
مسك الحجر و كان عايز يضرب العربيه بس في آخر لحظه استغفر ربنا و قعد جمبه العربيه و بقا بحاول يهدى شويه..

في الوقت ال حالي :

يوسف جاب نرمين المكتب و كان قاعد و بعاين في الورق و بتكلم معاها..

يوسف:ح نجيب بعدين أمك عشان نتكلم معاها

نرمين:م فهمتا كيف يعني و ليه و بعدين امي دخلا شنو..

نرمين فجأه خافت شديد و كان واضح ال خوف من عيونها..

يوسف خته الورق و بقا بعاين ليها..

يوسف:في كم حاجه عايزين نسألا ليها..
نرمين:حاجه زي شنو
يوسف:عرفنا انو المبلغ بتاع ال ٨٠ مليون هيا ال قالت تدوهو ل زول

نرمين وشها لونو اتغير و كانت بتعاين ليهو و مصدومه

نرمين:عاين.. هو كان في زول عندو معاها دين.. انا اديتو للزول..

يوسف قام من مكانو و قعد قصادها..

يوسف:طيب ليه م تقولي كده من البدايه.. ده كلو عشان امك؟؟ليه بتحاولي تدسي طيب.. حصل شنو ؟؟

نرمين ف اللحظه ديك قعدت تبكي..
يوسف كان قاعد و مصدوم..

بعد مسافه قام و جاب ليها مويه و مناديل و قعد تاني قصادها..

كان واضح من نرمين انها متأثره شديد و تعبانه...

بعد مسافه أخذت نفس و راقت شويه..

#فلاش_باك :

بلسان نرمين :

كنا عيله مثاليه.. عيله دايما بتضحك و فرحانه
بس قبل ابوي يتوفى اتغيرت حياتنا كعيله..
فجأه بيتنا اتحول لكتله من الحزن..

لمن حسي بتذكر ال يوم داك كأنو امبارح..

ابوي كان ماسك التلفون و برجف..
اول مره اشوف ابوي بالمنظر داك.. 💔💔

كان معصب و زعلان في نفس الوقت..

و ديك كانت أول مره ابوي يضرب أمي💔

لمن لقيتو بضرب امي كنت بحاول اهديهو بس ابوي رماني في الأرض قوي و كان لسه بصرخ..

محمد:انا تعملي فيني كده يا رانيا؟؟ قصرتا معاك في شنو انا وريني.. ليه تكسري لي ظهري كده ليه..

ابوي كان بقول كلام كتير شديد و انا م كنت فاهمه حاجه بس أثناء ما هو منفعل رمه التلفون في الأرض قوي و اللحظه ديك قدرتا اشوف و يا ريت م شفتا💔

الأنسان ممكن يزعل من اهلو.. ممكن يبطل يحبهم..
بس كلو بتصلح بأعتذار أو حتى تغير..

بس لمن تحس انك خلاص م قادر تحترمهم
هنا ده مستحيل يتغير..

و اليوم داك انا فقدتا احترامي ل امي..

بتذكر انو التلفون كان فيهو صور كعبه شديد
صور واضح انها لأنسانه م كويسه بس للأسف البوجع ال قلب انو الانسانه دي أمي💔

ما كنت مصدقه عيوني و لا حتى كنت مصدقه ال بسمعو..

لمن ابوي رمه طلاق على امي و طلع انا كنت لسه مصدومه

فضلتا قاعده ف الارض و بعاين ل امي و هيا بترجف و بتبكي..

ما قدرتا اقوم و اقيف معاها لأني زي ابوي مصدومه شديد..
كيف أعظم انسانه في عيوني تعمل غلط كبير زي ده؟؟

و في اللحظه دي كلو اتغير..

ابوي كان عايش بره البيت..
و قال لأمي تلم هدومها و تسافر لأهلها في السعوديه و تاني م ترجع..

كان الموضوع صعب بالنسبه لي بس كنت واقفه مع ابوي و كان كل حاجه بقولها انا بوافق عليها..

امي م كانت بتقدر تتكلم معانا..
كانت دايماً ساكته و قاعده ف الغرفه
مرات كنت بقول امشي ليها بس كل م اتذكر برجع غرفتي و انا قلبي واجعني شديد انها عملت كده..
و اكتر حاجه واجعاني انها عملت كده في ابوي 💔💔

قبل امي تسافر ب يومين ابوي اتوفى بجلطه💔
حياتي كلها وقفت في النقطه دي..

خساره انسان زيو كان أكبر خساره ممكن تواجهني..

وقتها امي لغت السفر عشاان تقعد معاي..

كان تعاملي معاها في حدود شديد..
كانت بتحاول تعوضني بأنها تقيف معاي و تحبني و تكون ام مثاليه بس م كان في حاجه بتشفع ليهاا..

في يوم قاعدين في البيت جات لأمي رسايل من رقم غريب..

طلع حبيبها ال قديم بهدده بصور ليها..
الصور كانت كعبه شديد لدرجه ما قدرنا نعمل حاجه غير أننا نوافق على كل حاجه بقولها..

في البدايه طلب مبلغ ٣٠ مليون و اديناهو
تاني طلب ٥٠ و تاني طلب ٦٠..

خوفي على سمعة امي كانت فوق كل حاجه
كنت راضيه اعمل أى حاجه بس المهم يبعد مننا..

بس كان دايما بطمع للزياده..

قبل يوم الحادثه بيوم اتصل علي و طلب مني مبلغ ٨٠ مليون
ما كان عندي وقتها المبلغ ده و هو حدد زمن معين ح يجي فيهو ال جامعه ياخذ المبلغ..
وقتها م جا في بالي غير عمي و فعلاً طلبتا منو القروش و هو رسلا لي..

يوم الحادثه ضرب لي

فلاش باك :

نرمين:انا... صحبتي ح تجيني.. ح اطلع اشوفها

روان:خليها تجي هنا طيب

نرمين:لالا اتفقتا اقابلها بره.. احسن اطلع بره..

فعلاً طلعتا و كان هو راكب في عربيه كبيره توسان لونها ابيض
في البدايه اترددت اركب أو لا بس كان لازم احاول اوقفو عند حدو و فعلا ركبتا

نرمين:انت م زهجتا؟؟ ياخ حرام عليك احنا قروش م عندنا خلاص..
امسح الصور الله يخليك

وقتها هو قعد يضحك و قال لى انتى امسكى امك اول بعدين اتكلمي..

كنت حاسه انى مخنوقه شديييد..
نزلتا و قعدتا ابكي في نص الشارع..
كنت حاسه بالعجز و انو ماف راجل معاى يجيب لي حقي منو..
كنت حاسه انى مظلومه و انى بعمل حاجات فوق طاقتى..

م اظن امى اتغيرت
او امكن اتغيرت
بس ابوى اتوفى
قروشنا نصها ضاعت
و أهم نقطه
مستحيل ارجع أحترما.. 💔💔

في الوقت الحالى :

نرمين:عايزني اقول انا كنت وين؟؟ كنت بحاول اخلي الحيوان يمسح الصور العفنه دي من تلفونو؟؟ كنت ح تقول لي صور منو.. كنت ح اقول ليك امي..
دي امي ي يوسف.. أمي.. 💔

....

*" هُناك أشياء*
*إما أن تكسِرنا*
*أو*
*تكسِرنا... لا فرار منها."*

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#الساعه_أربعه_ونص《09》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
يوسف سمع كلام نرمين كلو و كاان قاعد و بعاين ليها بس
بعدها بمسافه قال ليها

يوسف:و لمتين كنتِ ح تستمري تعملي كده ؟!..
نرمين:م فهمتك
يوسف:نرمين انك تخبى الغلط ده غلط أكبر.. كان ح يفضل يطلب قروش و يفضل وراكم و انتو كل حاجه ح تنفذوها !! ليه؟!.. أمك غلطانه و ده كلو غلط بس ما ينفع تعالجي الغلط بأنك تسكتي..
نرمين:يوسف انا ما عندي زول.. ما عندي زول ممكن امشي اقول ليهو ساعدني.. ما عندي زول ممكن لمن تحصل حاجه أجري ليهو.. انا صحباتي.. روان و سمر حسي م جو سألوني حاصل شنو.. وينهم؟؟ انا كل زول عرفتو في حياتي كان بختفى فجأه وقت انا احتاج ليهُ.. عايزني اواجهو كيف و انا عارفه اني براي؟!..
يوسف:طيب بس حسي الوضع اختلف.. انا هِنا.. ما ح تحتاجي زول و ح اجيب ليكي حقك منو.
نرمين:بجد؟!.
يوسف:بجد.. ❤️

عنده حماده :

كان قاعد و سرحان لسه و بفكر في كل حاجه..
م قدر يسكت و قعد يبكي💔
كان صوت بكاهو عالي شديد..

أحمد كان ماشي و سمع صوتو لمن دخل عشان يشوف م كان مصدق انو ده حماده..
رجع وره من غير يطلع صوت و طلع بره..

أحمد دخل المكتب ل يوسف لقاهو قاعد مع نرمين

ناداهو بره و قال ليهو عن موضوع التشريح و انو لقو في ظفور ناصر جلد لزول..

يوسف طوالي طلب انو يعملو تحليل و ياخذو عينه من الشله كلها..

يوسف:بذات حماده.. ركز على حماده
احمد:كان ببكي قبل شويه
يوسف:وراهو قصه.. بس هو م عايز يحكي
احمد:شاكي فيهُ؟؟
يوسف:لازم نشك فيهم كلهم.. بس الانسان ال م بحكي ده اكتر زول مفروض نشك فيهُ..

يوسف دخل جوه و قعد..
نرمين كانت قاعده و سرحانه..

نرمين:ح نعمل شنو؟!..
يوسف:لازم اتكلم مع امك.. عارف انو الموضوع ده حساس شويه بس لو م اتكلمتا معاها م ح نقدر نصل ل حل
نرمين:طيب..
يوسف:نرمين..
نرمين:ها..
يوسف:ما تخافي.. ماف شي ح يحصل و الله و كلو ح يتحل.. اثقي فيني شويه بس..
نرمين:طيب.. ح اجرب..
يوسف:جربي جربي 😂

يوسف قعد يضحك و دي كانت أول مره يضحك فيها..

بلسان نرمين:

كنت عارفه انو لا الوقت و لا الوضع مناسب بس كان يوسف انسان مميز شديد
مميز لدرجه كان حقيقي شديد

_تقريبا احنا فقدنا ال نوع ده
نوعية ال ناس الحقيقين ال دايما بعبرو و الواضح فيهم مشاعرهم و الأهم ال دايماً بعرفو يفصلو بين حياتهم و حياة الناس ال حوليهم و ده كان يوسف بالظبط..

في نفس الوقت في القسم :

نرمين طلعت و قعدت في مكتب أحمد مستنيه امها تجي و في الوقت ده يوسف جاب بيكو و مشو غرفه التحقيق..

يوسف:قلتا لي انو رامي شغال معاهم و انو و انو.. بس نسيت تقول لي جزو مهم شديد.. انك انت ال عرفتهم على بعض و انك كنت شغال معاهم..

بيكو:انا بطلتا..

يوسف:بيكو.. احكي كل حاجه من الاول.. انا ما عندي أخلاق اجيبك كل يوم عشان تحكي لي جزووو

بيكو:طيب...

#فلاش_باك :

بلسان بيكو :

بعد وفاه ام رامي حاجات كتيره اتغيرت..
ابوهو تعب شديد و كان رامي لازم يحاول يساعد ابوهو و فعلاً نزل شغل و حاول انو يقيف على رجولو بس الموضوع كان صعب لانو كان مرتبط بالجامعه و القرايه و الضغوطات، و طبعا ما يحتاج اتكلم عن الفرص في السودان كيف شبهه معدومه..

وقتها كان بفكر في حل و انا كنت عارف ال حل..

الفتره ديك اتعرفتا على أصحاب ناصر و هما العرضو علي الشغل ده..
صح كنت خايف بس لقيت انو كل الشباب بعملو كده
اكتشفتا انو الجامعه كلها مصايب و كلها ناس بتعمل اكعب من كده..

في يوم كنتا انا و رامي قاعدين مع الشباب ديل في قهوه من قهاوي الجامعه..

رامي:ال انتو بتعملو ده حرام.. في ناس بتضيع بسبب الحاجات دي

_في ناس بتضيع.. بس في احنا كمان!..
الناس بترحمنا؟؟
لمن قروشنا تخلص في زول ح يدينا اكل ؟!. لمن يجو يطالبو بإيجار لبيوتنا في زول ح يساعدنا عشان ندفع؟؟
شايف العربات دي كلها؟؟
من وين؟!.
شباب زينا سايقين و مبسوطين ليه؟؟
عشان وراهم أهل و عشاان اتخلقو كده عندهم قروش
بس احنا يفترض نعيش في الظلمه.. ليه؟؟
عشان ال زيهم هما ال عايشين ال حياه دي بس احنا لا..

بيكو:احنا اصلا ح نبيع للعايز.. يعني م ح نغصب زول على حاجه.. صح؟؟

_صح!! احنا ال بنجبر ال ناس م انتو..بس احنا م بنجبر أى زول.. احنا بنجبر ال بستاهلو

رامي:زي؟؟

واحد فيهم قعد يضحك و أشر ليهم على واحد قاعد في بداية القهوه..

_زي ده.. واحد بلعب بقروش ابوهو.. عايش حياتو و مبسوط و كل يوم راكب عربيه شكل.. زي ده لازم نجبرو لانو بدعس ال زينا

رامي:تجبرو كيف؟؟

_كده.. اتفقنا مع بتاعت القهوه و حسي القهوه ال هو بشربها دي فيها حاجه..

بيكو:مخدرات؟!

_اي بس بنسبه بسيطه.. ح يتعود يجي كل يوم عشان م يصدع و لمن نوقفه منو ح يجن و ح يجي يطلب مننا و ح نقدر ناخذ من قروش ابوهو زي م عايزين..

بيكو كان بحكي و عيونو حمره شديد..

للأسف الأنسان ده اتوفى قريب بسبب جرعة مخدرات زايده هو أخذها💔

م كنا عارفين الموضوع صعب كده...بس في لحظه حوجه للقروش دخلنا في الشغل ده..

ناصر كان كريم معانا شديد ف البدايه
كنا بنوزع في الجامعه و بناخذ نسبه من القروش و صراحه كانت نسبه كبيره بالنسبه لينا وقتها..

لمن شويه شويه ناصر بده يثق بشغلنا بقا بدينا بضايع كبيره و كنا بنبيعها بطريقتنا و نديهو المبلغ ال اتفقنا عليهو..

في آخر بضاعه كنا مشتركين فيها أنا و رامي..

وقتها دخلنا البضاعه المستودع و مشينا.. م كان في زول فينا بهبش البضاعه الا لمن ناصر يقول خلاص بيعوها..

فضلت معانا فتره و في يوم مشيت المستودع حقنا ده عشان عايز حاجه بس لقيت البضاعه مافي..

كنت متأكد ميه في الميه انو رامي م أخذها..
وقتها خفته شديد و طلعتا من هناك و ضربتا ل رامي و قلتا ليهو اني عايز اطلع من موضوع آخر بضاعه ده، م قلتا ليهُ انها اختفت لاني كنت خايف ناصر يعمل لي شي. 💔

رامي استغرب في البدايه و قال لي ليه قلتا ليهو اني قررتا اتوب و ح أبطل اشتغل الشغل ده..

بس بعدها رامي فرح لانو كان لي فتره بقول ال حاجه دي..
رامي كان صاحب كويس شديد لدرجه انبسط و قال لي ربنا يقدرني زيك و دي ح تكون اخر بضاعه لي..

لو وقتها قلتا ليهُ امكن كان لقينا حل.. كان ح نلحق المووضوع من بدري صح؟؟
بس انا خفته و سكته و هربتا من الموضوع عشان ناصر كان فعلاً شخصيه تخوف شديد.. قررتا أهرب لاني جبان..
مشيت على حساب روح صحبي💔

اتخليت عن صحبي💔

ناصر بعد عرف طبعاً هاج و حصل ال حصل كلو..
بدت التهديدات و بدينا نخاف و انا فضلتا ساكت..
أنا كنت اخو سئ.. سئ جداً..
خسرتا صحبي
م اتوقعتا يموت..

م اتوقعتا💔💔

في الوقت ال حالي :

يوسف:في نقطه م قدرتا أتجاوزها.. انتو شايفين انو تضيعو مستقبل ال شباب و حياتهم بس عشان حياتهم كانت احسن منكم ده سبب؟؟!.
انت انسان كبير و واعي كيف قدرتا تعمل كده؟؟ كيف قتلتا انسان بس عشان قروش ما ح تعمل ليك حاجه اصلا..

بيكو:م كنت عارف.. انا م.. عارف

يوسف:ههههه... دعستو على الناس.. بس حصل شنو؟!..
خسرتا صحبك.. خسرتا نفسك.. انت حتى القروش ال عايزها دي م قدرتا تجيبها.. بعيدا عن القصه بس رامي لو كان حسي م موجود فصدقني ده بسببك
أنت عرفتو على الناس دي انت ال اتخليت عنو.. و انت ال كنت صاحب السوء ال هو كان معتبرو اخو..

يوسف طلع من الغرفه و كان زهجان شديد
كان شايف كل الدنيا سوده الوقت داك..

طلع و قعد في عربيتو بره و كان بحاول م يبكي بس م قدر..
الأنسان ال قوي وقتها رجع ضعيف..

" كلنا في الحقيقه بشر بنضعف مرات.."

يوسف كان بتذكر لمن اخذ اخوهو الوحيد المستشفي و كان بصرخ عشان زول يجي يلحقو💔

#فلاش_باك :

يوسف دخل ال بيت و لقا ياسر راقد ف الارض و برجف كلو..
يوسف اخذو المستشفي و كان بصرخ عشان زول يجي..

وقتها ياسر ما كان واعي..
كان ببكي و بصرخ و برجف و بغمي عليهُ و تاني برجع يصحه..

يوسف كان بعاين للمنظر ده و قلبو بتقطع على اخوهو الوحيد..

كان بتذكر كيف اكتشف انو صاحب ياسر و الانسان ال بعتبرو اخوهم
كيف هو ال طعنو في ظهرو و كان بخته ليهو كل يوم مخدرات في الأكل و الشراب..
كان بتذكر كيف كان واقف قصاد اخوهو و هو شبهه بموت..

كان عارف انو ياسر م ليهو ذنب
كان عارف انو هو مغلوب على أمرو
بس كان زعلان لانو ما كان قادر يعمل حاجه وقتها..
يعمل شنو؟؟
ينقذ اخوهو من الموت كيف؟؟

في الوقت ال حالي:

بعد بيكو حكه قصتو يوسف شاف رامي في ياسر..
شاف شريط حياة اخوهو بتكرر قدامو تاني..
ولع سجاره و كان بشرب ال سجاره و يدو بترجف..

هو السؤال ال وحيد " كيف ناس كانو هما البنخاف عليهم من الأذى يرضو يأذونا كده ؟!.."

في نفس الوقت :

أحمد كان واقف و بعاين ل روان و هيا بتحكي كل حاجه من جديد
كانو بجرجروها كتير و كانت عارفه انو صعب تجيب حقها في الدنيا دي
بس لأول مره تقرر تقاتل..
و زي ما نرمين لقت انسان يدعمها
روان لقت انسان يشجعا..

سمر كانت مع روان و بتفكر في نرمين بس ما كانت قادره تسيب روان
ما كانت قادره ترجع ال صحبه ال م واقفه جمبه صحبتها و هيا محتاجه ليها كده.. 💔

بعد خلصت روان مشت مكتب أحمد هيا و سمر و قعدو هناك بعد أحمد طلب منهم..

أحمد اخذ العينات من سمر و روان و بعدها طلب رامي و بيكو و نرمين و أخذ منهم العينات برضو ..

كانو مستغربين و م عارفين ال حاصل و ليه بياخذو منهم عينه بس كلهم كانو خايفين

الساعه كانت ماشه على اربعه عصر و كلهم قاعدين في مكتب أحمد و بعاينو لبعض..ما كانو قادرين يمشو لانو يوسف طلب انو كلهم يقعدو لمن يقولو ليهم امشو..

سمر:زي المواعيد دي رامي كان بتكلم معاي
نرمين:ربنا يرحمو
بيكو:موت رامي كشف حاجات كتيره.. صح؟!..
نرمين:كشف اننا م أصحاب قصدك.. إننا كلنا كنا بنطعن بعض.. إننا كلنا كذابين و أننا م قدرنا حتى نخلى صحبنا عايش
روان:طبيعي في حياه اي زول فينا يكون في سر ماف زول عارفو
حماده:طبيعي في حاله كنا غريبين.. احنا كنا عيله وحده.. انتى ي روان ليه م قلتى لي؟؟ ليه م جيتي عشان ادافع عنك انا.. ايوا امك كعبه بس ليه ما وثقتي فينا زي ما انتى دايما بتقولي انك واثقه؟!..
روان:كنت خايفه..
حماده:خايفه مننا كلنا ؟!.. رامي م كنتى خايفه منو؟؟
سمر:قصدك شنو؟؟
حماده:هو كان عارف.. الوحيد فينا ال كان عارف انو راجل امك بتحرش بيكي هو رامي
روان:انت عرفتا كيف؟؟
سمر:حكيتي ل رامي و م حكيتي لي..؟
نرمين:يعني شنو؟؟امكن اختارت تثق فيهو.. امكن لانو كان الزول النظيف الوحيد ال فينا..
بيكو:أو امكن عشان بتحبو.. م دام كلنا ورقنا قاعد يتكشف قدام بعض خليهو يتكشف كلو احسن..

سمر عاينت ل روان بصدمه و قالت ليها " كنتِ بتحبي رامي؟؟ رامي حبيبي ؟؟رامي صحبنا ي روان..".

روان وقتها م قدرت تمسك دموعها و بقت جايطه و بتصرخ

روان:اي كنت بحبو.. عارفه غلط و عارفه انو حبيب اختي بس اعمل شنو ده قلب ي ناس ده قلب!!
ما كان على كيفي و لا كان حاجه ممكن امشيها زي ما عايزه..
بعدتا عنو و خليت بيني و بينو مليون مسافه عشانك..
عشان انا ما انسانه قليله اصل و عشان انا بعتبرك اختي..
ليه بتشوفو الحب من الطرف ال ثالث خطيئه؟؟
ليه م بتحسو بينا مثلا؟؟
بنحب حاجه من حقتنا و بنكون عارفين انها ل غيرنا..
بنشوفهم و هما بمشو و مبسوطين و احنا واقفين عندهم من غير حتى نقدر نقول..
عارفين احساس انا كابته المشاعر دي كلها جواي من غير حتى اقدر اقولها ل خيالي شعور بوجع كيف؟؟
ليه انا غلط؟؟
أنا عملتا شنو وروني.. حبيت؟!..
كنت ببكي كل يوم و بصحه الصباح و بتعامل معاهو كأنو اخوي
قادرين تحسو بي؟!..
كل الناس ح تشوفني غلط و كلهم ح يقولو لي كيف تعملي كده و ليه
و انا مفروض أبلع لساني و ادوس على قلبي و اقول معليش صح؟؟!..
ما وريت رامي عشان كنت بحبو.. وريتو عشان هو الوحيد ال كان عارف انو في خلل فيني..
هو الوحيد ال لاحظ اني م بقعد جمبه ولد هو الوحيد ال عارف اني بخاف لمن زول يقرب مني..
هو الوحيد ال ركز ف التفاصيل ال كانت مفروض تكون محور اهتمامكم يا صحباتي..
حكيت ليهو عشان كان عارف..
عشان ما كان ضروري احكي حاجه زي دي..
بس انا غلط طبعا.. انا غلط عشان حبيت و عشان حكيت و عشان حسي زي الغبيه ببكي و ما قادره اكون قويه قدامكم..

كلهم كانو بعاينو ليها و ما قدرو يمسكو دموعهم..

حتى سمر.. كان نفسها تتشاكل معاهاا بس كلامها خلاها م تقدر تعمل حاجه غير تبكي💔

القاعده المعروفه " الطرف الثالث دايماً مذنب.."

الحقيقه :

" ال طرف ال ثالث ما لم يحاول هو مجرد طرف بتعذب بسبب حبو.."

عنده يوسف :

دخل قعد و جات ام نرمين داخله..

كانت لابسه عبايه و بتعاين للأرض بس..

يوسف:نرمين قالت كل حاجه

في اللحظه دي ام نرمين قعدت تبكي بصوره هستيريه..
يوسف ما قدر يعمل حاجه غير يستناها لمن تهدء..

فعلاً بعد هدت قدر يتكلم معاها..

يوسف:وريني هو منو عشان نقدر نجيبو ؟؟
رانيا:المشكله اني لو وريتك هو منو💔
يوسف:ليه؟؟ وين المشكله.. في مشكله أكبر من كده اصلا؟؟
رانيا:هو.. نرمين ما عارفه هو منو.. قلتا ليها اسم ما اسمو.. المصيبه اني م كنت عارفه و الله.. و الله م عارفه💔

يوسف كان مستغرب شديد و ما فاهم رانيا بتقول شنو..

يوسف:هو زول ح يأثر في حياة بتك للدرجه دي يعني؟

رانيا:هو...ابو روان...

يوسف:...

يوسف اتصدم شديد و سكت و بقا م عارف يقول شنو 💔

عنده أحمد :

التحليل طلع سريع نسبة لأنو كان عندو صحبو شغال في المختبر..

أحمد كان عايز يعرف منو ممكن يعمل كده و فعلاً عِرف..
أحمد لمن شاف الاسم فضل واقف مسافه مصدوم..

" القاعده الأساسيه

*م تحكم على مشاعر أنسان ما أذاك*
*ما تقول لزول انت غلط*
*و انت ما عايش تفاصيلو*
*و الأهم*
*ما تثق بأنسان*
*كلنا بنطعن من وره و الله."*


" البارت ده قريب من قلبي شديد للأسف💔💔💔"
*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#الساعه_أربعه_ونص《10》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
*" في حياة كل زول فينا في سر*
*سِر ما قادرين نشاركو مع زول*
*بس للأسف كمان في حِقد*
*حِقد اتجاه ناس كتيره حولينا*
*كل ال حاجات ال بتحصل بتحصل نتيجه ثقه زايده مننا..*

ليه نثق ب فلان؟!..
ليه نغمض عيونا عشان فلان؟!..

كلنا جوانا نقطه سوده عُمرنا ما ح نعرف نعيش من غيرها..
و ده الغلط
لمن النقطه السوده تتحول ل فجوه كبيره
نحاول نملاها بأننا نضر بعض زياده.. "

يوسف كان قاعد مع ام نرمين و مستغرب من كلامها..

يوسف:م قادر افهم علاقتك ب ابو روان شنو اصلا؟؟

رانيا أخذت نفس عميق و بعدها بدت تحكي..

رانيا:انا انسانه سيئه، ما كنت مكتفيه بالنعم الكتيره ال ف حياتي..
ثقه محمد أبو نرمين فيني خلتني اعمل كل حاجه..
من غير اخاف لاني عارفه أني ما ح اتقبض💔
اتعرفتا على سيد أحمد أبو روان قبل كم سنه..
هو اصلا عايش بره و بجي هنا إجازات، كان مغرقني بالهدايا
كل يوم حاجه شكلها مختلف
و كل يوم فُسح
الحقيقه أني كنت غبيه لدرجه حاجات هايفه زي دي كانت بتفرحني شديد
م كنت عارفه انو ابو روان الا في يوم قال لي انو منفصل من مرتو و انو عندو بت في عمر نرمين
ما كنت خاته حاجه في بالي وقتها لمن م قال لي انها بتقره في الرباط
وقتها الشمار قتلني و قلتا ليهو يوريني صوره ليها
استغربتا انو ما عندو صوره ل روان و سألتو ليه يعني قال لي انو قاطع علاقاتو ب بتو من كانت هيا في الأبتدائي..
في يوم قال لى انو مشا الجامعه و سأل منها و شاف التفاصيل حقتها في الأداره و قدر يعرف شكلها و كل حاجه
كان مصور ورقه كبيره فيها صوره روان و مكان السكن و ال حاجات دي و وراني ليها
اتصدمتا شديد و قلتا ليهو انها صحبة بتي
ما كان شغال بالموضوع و قال لي صدفه غريبه و انتهى الموضوع على كده
بعد سبنا بعض بسبب تافهه و هو اني بقيت م بقدر اطلع كتير عشان محمد كان بده يركز معاي
كان بشتمني و بقول لي لو عايزه بتطلعي بس كنت بسكت لمن محمد ما شاف محادثاتي معاهو و الصور ال كنت برسلا ليهو💔
كان زعلان شديد و بعدها ياهو اتوفى💔
سيد أحمد بده يهددني بالصور بعدها و كنت خايفه شديد و قلتا ل نرمين بس طبعا م قلتا ليها انو ابو صحبته..

يوسف:يعني انتى ما دام اصلا كده كده قلتى ليها انو الحيوان ده بهددك كان غالبك تقولي انو ابو روان؟؟
رانيا:خفته شديد و خفته اكتر انها تورى روان.. في حين انو اصلا سيد أحمد ما كان فارق معاهو بتو ابدا..

في مكتب أحمد :

روان:انت كيف عرفتا اني وريت رامي؟؟
حماده:عرفتا صدفه..لمن اخذتا تلفون رامي عشان اصلحو.. دخلتا الواتس و لقيت رسايل كتيره منك وقتها.. الشمار قتلني و شفتا الرسايل و عرفتا وقتها انك بتحكي ليهو
سمر:انا ما زعلانه على مشاعرك اتجاهو.. بس زعلانه انك اخترتيهو بير أسرارك و احنا هنا
نرمين:احنا منو ؟؟ماف داعي نكذب على بعض ي سمر.. احنا عمرنا ما كنا صحبات كويسات
سمر:بس رامي عرف يكون صاحب كويس صح؟؟
بيكو:رامي انظف واحد فينا.. امكن عشان كده اول واحد مشا مننا...

بعد مسافه من الهدوء دخل عليهم أحمد..

احمد:طبعاً أخذنا العينات منكم عشان نعرف لو في زول منكم ليهو علاقه ب موت ناصر و عِرفنا..
سمر:عرفتو شنو
احمد:كان في جلد تحت ظفور ناصر و طلع ده جلد بيكو.. حسي ي بيكو السؤال جلدك بعمل شنو هناك؟؟!..
نرمين:بيكو؟؟

بيكو كان قاعد و ساكت و كلهم بعاينو ليهو مصدومين
لمن م جو رجال اخذوهو السجن تحت..

يوسف خلص كلامو مع ام نرمين و طلع بره المكتب و حكه ليهو أحمد عن النتيجه و انو حسي دخلو بيكو السجن لانو احتمال كبير هو ال قتلو..

يوسف م استغرب شديد و كان اصلا عندو شك كبير انو بيكو عمل كده..
بس م دام بيكو ليهو دخل في موت ناصر
يبقا في احتمالية كبيره انو ليهو دخل في موت رامي..

يوسف مشا مكتب أحمد و لقا الباقين لسه قاعدين..

حماده كان تعبان شديد، يوسف عاين ليهو و قال ليهو لو عايز ممكن تمشي..م عندنا تاني حاجه معاك
حماده طلع بره و راسو كان واجعو شديد..

نرمين و سمر و روان كانو قاعدين جوه و بعاينو ل يوسف مستنينو يقول حاجه..

يوسف:انا انسان واضح شديد و بحب الوضوح شديد.. شايف انك ي نرمين الأفضل تقولي ليهم الحكيتي لي.. لانو في جزو في قصتك مهم و لازم يعرفو الباقين
نرمين:جزو شنو ؟؟!..
يوسف:وريهم عشان اوريكي

نرمين في البدايه اضايقت و م كانت عايزه تحكي حاجه زي دي بس بعدها قررت تثق في يوسف و حكت ليهم الحاصل..
بعد خلصت روان و سمر م عرفو يقولو شنو و فضلو ساكتين..

يوسف:الراجل ال بهدد امها ده بكون ابوكي ي روان..

طبعا روان اول م سمعت كلامو ده اتخلعت شديد
و قلبها بقا بضرب بصوره خياليه
و نرمين كمان اتصدمت و بقت تعاين ل روان بخلعه..

يوسف:ح نجيب ابوكي و ح نحاسبو لكن لازم تعرفي عشان ح تشوفي هنا و م عايزك تشوفي فجأه..

يوسف قال كلامو ده و طلع بره..
اول م طلع روان بقت تبكي

روان:يعني حتى ابوي يطلع سئ للدرجه دي💔💔

عنده حماده :

طلع من القسم و م كان شايف قدامو زي الناس
وقف ركشه و اتحرك على بيتو
اول م وصل دخل غرفتو و قفل الباب بالمفتاح..
فضل قاعد و خاتي يدو في راسو و كان بحاول يسكت الصوت البتكلم في راسو..

كان بتذكر حاجه و بتذكر الصوت ال بقول ليهو " انت ما راجل اصلا.."
" متين ح تعتمد على نفسك و تشيل نفسك؟؟"
" ح تفضل تشوف غيرك فوق و انت تحت.."
" ياخ انت اصلا زي الضل بس ماشي ورانا.."
" حماده انت م ح تتغير.. ربنا خلقك كده اهبل و مسكين بزياده.."

حماده م كان حاسي ب نفسو و هو بكسر في الغرفه و بوقع كل حاجه حولينو..
بعد خلص قعد في الأرض و بقا ببكي..💔

يوسف قال للشباب يجيبو بيكو غرفه التحقيق و ده الحصل..

يوسف كان قاعد و بعاين ل بيكو و بيكو بعاين ف الارض..

يوسف:قول الحصل.. من غير كذب لو سمحتا

بيكو اخذ نفس عميق و بده يحكي..

#فلاش_باك

بلسان بيكو :

بعد وفاه رامي ب يوم..كنت زعلان شديد و كنت متأكد انو ناصر هو ال عمل كده..
مشيت وقفتا قصاد بيتو و بيتو كان اصلا م بعيد من ال جامعه..

هو نزل الشارع و كان مبسوط شديد و بضحك و بتكلم بالتلفون...
فضلتا ماشي وراهو من غير هو يحس..
لمن وصلنا ل شارع فاضي وقتها لفتو..

بيكو:ناصر

ناصر أتلفت و عاين لي و بقا بضحك ..
بيكو:بتضحك لي؟؟
ناصر:انت مش مفروض تكون حزنان على صحبك.. جايبك عندي شنو
بيكو:انت ال قتلتو صح
ناصر:ههههه... و لنفترض اني قتلتو ح تعمل شنو يعني؟؟ صحبك يستاهل الموت.. قروشي حسي ألم فيها كيف زاتو م عارف.. يكون حسي ارتاح من الدنيا..

بيكو كان زهجان شديد و طوالي مسكو و بقا بضرب فيهو..
ناصر كان متفاجئ و م قدر يتحرك و لا حتى يدافع عن نفسو..

بيكو بقا بضرب فيهُ قوي و ناصر كان مسكو من يدو و بخربش فيهو بس بيكو م كان حاسي ب حاجه وقتها غير انو عايز يقتل ناصر..
بيكو حسه انو ناصر خلاص ح يموت و زحه منو طوالي
بقا بعاين ل ناصر و هو شبهه فاقد الوعي..
م قدر يستحمل و جره من هناك و هو ببكي..

في الوقت ال حالي :

يوسف:ده الحصل؟ ؟
بيكو:انا لمن سبتو كان بتنفس ..و الله بتنفس.. م كنت عايز اقتلو 💔
يوسف:ي بيكو.. ناصر مات بسبب ضربه قويه بحجر على راسو..
بيكو:بس انا م ضربتو بحجر.. اصلا م كان في حجر جمبنا.. و الله ده الحصل.. انا م ضربتو ب حجر و الله..

يوسف كان بسمع فيهو و ساكت.. كان واضح انو بيكو م قعد يكذب..
وقتها جا استفهام كبير في راس يوسف..
لو م بيكو قتلو يبقا في زول قتلو و بلصق الموضوع ف بيكو!!

يوسف:حماده..
بيكو:مالو؟؟
يوسف:ماف حاجه غريبه فيهو آخر فتره؟!.. يعني م لاحظتا ل حاجه ؟؟
بيكو:لا
يوسف:علاقاتو كيف مع ناس بيتهم
بيكو:عاديه اظن.. احنا م كنا بنمشي بيتو كتير..
يوسف:امو و ابو عايشين؟؟
بيكو:امو متوفيه من بدري شديد و ابو عايش بس دايما بسافر لانو شغلو بخلى يعمل كده
يوسف:م عندو اخوان؟؟
بيكو:عندو اتنين أكبر منو بس كل واحد فيهم عايش بره و هو الوحيد ال هنا
يوسف:في زول كان عارف انك ماشي ل ناصر؟؟
بيكو:لا..
يوسف:متأكد
بيكو:اي..

يوسف مشا مكتبو..
و بقا بفكر..م كان قادر يصل ل حل معين..
طلع من مكتبو و دخل مكتب واحد ف الطابق ال فوق..

يوسف:جبتا لى الحاجات ال قلتها ليك؟!..

_اى اتفضل...

يوسف اخذ الورق و دخل مكتبو تانى و بده يقره..

اول ورقه كانت عباره عن أصابه بالتوحد و شرح للحاله ال كان فيها..

_أصابه بالتوحد من سن الرابعه لسن العاشره
العلاج أكتمل
مستشفي الخوازع في الأمارات

الورقه التانيه كانت عباره عن شرح الدكتور لحالتو ..

_عنف نفسي في المنزل تسببت في دخول الطفل في مشاكل نفسيه
تناقض في الكثير من الصفات
عدم القدره على التعبير حتى عن المشاعر الحقيقيه ..

كان ف ورقه ثالثه عن ضروريه انو يكمل العلاج و عن تحذير المستشفي لأهل المريض بعد سحبو ورقو من المستشفي..

يوسف سرح مسافه بعدها الباب دقه و دخل عليهو واحد كان كبير في العمر بس نظيف و لبسو مرتب شديد..
سلم على يوسف و قعد..

يوسف:دكتور مؤمن.. ابو حماده صح
مؤمن:اى هو..
يوسف:جبتك فجأه و سريع بعتذر بس في حاجات مهمه عايز أسألك منها
مؤمن:اكيد اتفضل

يوسف اداهو الورق عشان يشوفو..

يوسف:حماده م مستقر نفسياً.. لو ممكن اعرف السبب..

مؤمن سكت مسافه بعدها قال

مؤمن:هو فعلاً أتعرض ل ضغط كبير.. امو ربنا يرحمها كانت حامله فيهو و في اختو.. كانو توائم..
بس للأسف حصلت مضاعفات و خسرنا اختو و امو كمان و هو الحمد لله طلع كويس 💔
يوسف:طبعاً الضغط النفسي الاتعرض ليهو كان بسبب كلام الناس
مؤمن:كنت شغال شغل كويس شديد بس بعد ولادتو شغلى وقف.. كنت بخليهو مع اخواتى عشان امشى اشتغل و للأسف فعلاً كان بسمعو كلام و انو نحس و انو امو أتوفت و اختو أتوفت بسببو💔
وقتها م كنت عارف بس لاحظتا انو بقا بس بقعد براهو و وديتو مستشفي طبعا وقتها كنا في الإمارات..
و زى م شايف بعداك طلع انو مريض فعلا
يوسف:ليه وقفتا علاجو
مؤمن:قلتا ليك انو شغلى فجأه وقف.. م كنت بقدر على مصاريف المستشفي.. بعدها جينا هنا.. و طبعا هنا ماف مستشفيات و لا حتى علاج
يوسف:و حالتو حسي كيف؟؟
مؤمن:طبيعي

عنده حماده:

كان قاعد ف الغرفه في الركن و ببكي..
كان بتذكر في كلام ابوهو لمن يوم قال ليهو :

" أنا دايما ح اقعد أحميك كده يعني.. ما ترجل شويه و اكبر
كفايه المصايب ال عملتها لمن حسي."

في نفس الوقت في القسم :

ابو روان جا و كان قاعد بره مستنى يوسف يخلص عشان يدخل ليهو جوه
في الوقت ده نرمين طلعت بره لقت ابو روان قاعد..

نرمين:ي وسخ..

نرمين مشت عليهو و كانت منفعله شديد..
بقت بتصرخ و جايطه..
سمر و روان سمعوها طوالي طلعو بره..

بلسان روان :

اول م طلعنا كانت بتصرخ على واحد كبير كده
لابس جلابيه بيضه.. كان عندو دقن كتير و ما عندو شعر
كانت ريحتو حلوه شديد و قويه..

نرمين أتلفتت علي و اول م شافتنى سكتت
وقتها عرفتا انو ده ابوي..

فكرة انى اشوف ابوى لأول مره بعد السنين دى كلها كانت فكرة مرعبة شديد
و محزنه في نفس الوقت
ابوى طلع انسان سئ زى م امى بتقول..
سئ شديد..

سيد احمد:روان

روان م قدرت تستحمل و دخلت مكتب أحمد و بقت بتبكي شديد..

نرمين:كمان بتقول روان بنفس مفتوحه.. انت ابو؟؟ انت كيف قادر تنوم بليل؟!.. بتك م كانت بتنوم بسبب الخوف و انت عايش حياتك و كمان بتهدد الناس.. انت انسان مقرف شديد
سيد احمد:صدقيني امك هيا المقرفه م انا.. لو هيا انسانه نظيفه بترسل لى صور زى دى؟!..
نرمين:انت حيوان..

يوسف طلع بره بسبب الجوطه و بقا بحاول يهدى نرمين..
لمن م قدر دخلا مكتبو و طلع ابو حماده بره..

نرمين:الحيوان بشتم امى.. كأنو ما شايف نفسو.. وين كان لمن بتو بتحرشو بيها.. و بقول انها مقرفه.. طيب روان مقرفه؟؟ مش بتحرشو بيها هيا كان ذنبها شنو؟؟ ما كان ليها ذنب.. ماف انسان يستاهل يتعمل فيهو كده.. مافي..

يوسف كان ساكت و بعاين ليها..
استناها خلصت كلامها و شربت مويه...
طلع بره و عاين ل سيد أحمد لقاهو قاعد و هادى شديد..

يوسف ناده الاولاد و قال ليهم نزلوهو السجن..

سيد أحمد بقا هايج و بقول ليهو انا عملتا شنو..

يوسف:انت قايل تهديد ال ناس و انك تاخذ منهم قروش دى حاجه م بحاسب عليها القانون يعني؟!.. ح تقعد تحت لمن تتأدب..

سيد أحمد بقا بصرخ و يوسف م شغال بيهو أبدا..

سمر كانت قاعده مع روان في المكتب و بتحاول تهديها..

روان:بعين قويه قال لي روان.. بعرف عنى شنو هو؟!.. كان وين السنين ال فاتت كلها
خلانى و عاش حياتو كأنى م موجوده اصلا..
طول السنين ال فاتت كنت بكذب على نفسي و خاته ليهو صوره حلوه
كنت بقول امكن الظروف هيا ال جبرتو..
أمكن عايز يشوفنى.. بس كلو طلع كذب.. هو اصلا م متذكرنى ي سمر.. م متذكرنى..

عنده بيكو :

كان قاعد في السجن تحت و سرحان..
كان بتذكر في حاجات كتيره
منها يوم شكلة حماده و رامي بسبب روان

#فلاش_باك

حماده طلع من الجامعه و كان زهجان و بعاين لعربيه رامي..
قطع تفكيرو صوت بيكو

بيكو:ي زول مالك أهدى شويه
حماده:دايما بزعلها.. دايما بأذيها
بيكو:بتحبها صح؟؟
حماده:اى بحبها.. و رامي لو فضل يزعلها كده ح ازعلو..

في الوقت الحالى :

بيكو كان بتذكر ال كلام ده و بدت تجيهو أفكار كعبه..

بيكو:لالا.. م بعملا.. حماده م بعمل كده..

عنده يوسف :

كان بتفرج في الكاميرات بتاعت المستشفي في تانى يوم من وفاة رامي..

الساعه سبعه و ربع اتوفي ناصر و في نفس الوقت ده حماده كان قاعد في المستشفي..

يوسف:ياخ ده شنو ده.. يعني حماده م قتل ناصر.. طيب قتلو منو..

يوسف كان زهجان شديد و شاكى في حماده بس ماف و لا دليل فيهو
بالعكس كل حاجه بتشير انو م ليهو دخل..

*" العائله إما أن تكون طريقاً لتصبح عظيماً*
*إما طريقاً لتصبح مريضاً .."*

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#الساعه_أربعه_ونص《11》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
" الروايه دي صح خياليه
بس كل التفاصيل الاتذكرت فيها حقيقيه شديد

_المشاكل العائليه و الأذى ال ممكن يسببو لينا.
_الأصحاب و كيف ممكن يأذونا
_الأسرار العظيمه في حياة كل زول فينا
_قصص الحُب الفشلت
_حياتنا ال ممكن في ثانيه تتحول."

يوسف كان قاعد و سرحان قطع سرحتو صوت أحمد و هو داخل المكتب..

احمد:ي استاذ انت ليك كم يوم م نايم.. امشي نوم شويه
يوسف:م ح اقدر انوم.. ناصر و اتوفى.. حاسي انى م جبتا حق اخوى
احمد:نهايه ناصر كانت كعبه دى حاجه مفروض تريح ليك قلبك شويه
يوسف:م ريحت لى قلبي.. كنت عايز اشوفو في السجن.. كنت عايز اطلع حق كل الشباب ال ضاعو بسببو .. مات و ارتاح..

أحمد م عرف يرد ليهُ و سكت.. بعد مسافه يوسف قال ليهُ

يوسف:ماشي وين انتا
احمد:اقابلها
يوسف:شكران؟؟
احمد:اى
يوسف:ليه؟؟
احمد:ضربت لى قالت عايزه تقابلنى ضرورى.. ح امشي اشوف مالها..
يوسف:أحمد.. ما تخلى قلبك يحن.. أبداً

أحمد ابتسم ليهُ و طلع..
ركب العربيه و بقا بفكر فيها..
اول لقاء بينهم بعد انفصلو!!..
قصه حُب استمرت كم سنه..
كيف انتهت بالبساطه دى؟!..

#فلاش_باك :

احمد:ليه عملتى كده؟؟
شكران:أحمد انا حاسه..
احمد:حاسه؟؟ بعد السنين دي كلها جايه تقولي لى حاسه ؟؟هيا مشاعر الناس لعبه يعني؟؟ انا كنت بحبك و جادى في كل حاجه قلتها.. حياتى كلها وقفت عليك بس.. و حسي جايه تقولي نسيب بعض عشان حاسه اننا م ح ننجح!! شكران جيبي عذر مقبول اكتر.. قولي حاجه تانيه عشان اقتنع...

شكران سكتت و م عرفت ترد.. أحمد طوالى مشا و خلاها..
بعد شهرين سمع انها اتخطبت ل واحد كان معاها ف الجامعه بس خريج..

م اتكلم أبداً معاها بس كان واضح انها اتخلت عنو عشان غيرو💔

في الوقت الحالي :

أحمد كان بتذكر كل التفاصيل دي و قلبو واجعو..
كيف الإنسان ممكن يكسر إنسان تانى بالبساطه دي!!..

عنده نرمين :

كانت قاعده في مكتب أحمد مع البنات و بحاولو يهدو روان بس كانت تعبانه شديد..

نرمين:روان عليك الله خلاص.. هو صح زول كعب بس الحمد لله انو م كان في حياتك من اول.. حسي كان اتصدمتي فيهُ اكتر..
روان:ده ابوي ي نرمين.. تخيلي انو انسان كعب للدرجه دي.. أمي كعبه و ابوي كعب طيب منو ال كويس؟ ؟لو انا ال ف حياتي كلهم كعبين كده أثق في منو تاني؟؟ مش الاهل مفروض يحمو عيالهم؟؟ مفروض يكونو سند؟؟ طيب لو كانو عكس كده.. نمشي وين عشان ما يحصل لينا شى كعب؟!.. لو الاهل بالسوء ده منو ح يكون كويس معانا ي نرمين.. منو؟!..
سمر:و لا زول.. و لا زول ي روان..

يوسف كان مصدع شديد.. عاين لكم ورقه كانت في المكتب و طلع مشا مكتب أحمد..
لقا البنات قاعدين

يوسف:معليش بس عايز نرمين شويه..

نرمين طلعت من المكتب و مشت وراهو لمن دخلو مكتب يوسف..

نرمين:في حاجه حصلت؟!..
يوسف:الصراحه لا.. بس كنت عايز اتكلم معاكي.. يعني كنتِ تعبانه قبيل.. عشان كده..
نرمين:لا حسي احسن.. روان هيا ال تعبانه شديد
يوسف:اممممم
نرمين:انت كويس ؟؟ال واضح انك تعبان شديد
يوسف:م كويس💔حاسي اني م كويس..
نرمين:ليه مالك؟؟
يوسف:م قدرتا اجيب حق اخوي..
نرمين:حصل شنو معاهو؟؟

#فلاش_باك :

ياسر كان راقد في المستشفي و يوسف واقف بعاين ليهُ..

أحمد دخل عليهُ الغرفه و بقا بتكلم معاهو..

يوسف:حصل شنو؟ ؟
احمد:ماف و لا دليل على ناصر.. م بنقدر نثبت انو اخذ المخدرات من غير يكون راضي..
يوسف:كيف يعني م بنقدر نثبت؟؟!.. يعني حسي ح يضيع ساي ؟!.. و الحيوان داك ح يكون عايش حياتو عادي؟؟
أحمد:يوسف انت عارف ما بنقدر نجيب حق زول في البلد دى.. كل الناس بتضيع و ماف زول بجيب خبر غيرو
يوسف:ده اخوى...

في الوقت ال حالى :

يوسف:ياسر كان عندو صحبو شديد اسمو خالد.. هو كان متفق مع ناصر على ياسر..نفسي اعرف ليه!! ياسر كان معتبرو اخو..
نرمين:عملتا شنو مع خالد طيب
يوسف:و لا شى..سافر و اختفى💔
نرمين:و ياسر؟؟
يوسف:سفرتو بره عشان يتعالج و يوقف الأدمان..

عنده أحمد :

كان قاعد في المطعم و سرحان..قطع سرحتو صوت بت كانت لابسه جكت جينز و بنطلون لونو اسود و فاكه شعرها..
سلمت عليهُ و قعدت قصادو..

شكران:م اتغيرتا.. لسه زى م انتا
احمد:عايزه شنو ي شكران.. انا لسه عندى شغل و م فاضي
شكران:مش زمان كنت بتفضى لى دايما!!
احمد:زمان.. م حسي..
شكران:أحمد.. انا م عارفه اقول ليك كيف بس انا حسيت بقيمتك بعد مشيت.. حاولتا اكمل مع غيرك بس م قدرتا.. انا لسه بحبك
احمد:هههه.. ي بت انتى مجنونه؟؟ انا م قادر افهمك و الله.. انتى قايلانى لعبه وقت عايزه نسيب بعض و وقت عايزه نرجع لبعض؟!..
شكران:انت لسه بتحبني ماف داعى تنكر
احمد:كنت بحبك.. كنت بحب ال بت اللطيفه ال قادره تشيل منى حزنى و دايما بتقيف معاى.. بس انتى اتغيرتي..لدرجة بقيت مستغرب كيف انا حبيت وحده زيك.. البتخلى مره ح يتخلى تانى ميه مره و انا م بقدر ادخل في علاقه اكون خايف فيها دايما.. تانى م تضربي لي.. و زى م اتخطبتى و عشتى حياتك ارجعي تانى اتخطبي و عيشي حياتك❤️

_أحمد قام و كان مبسوط..
مبسوط لانو م استسلم ل قلبو..
لانو قادر يفرق بين العلاقات ال صح و العلاقات المسمومه
و لانو م ح يرجع يغلط نفس الغلط و يرتبط مع انسانه م مناسبه..

" القاعده الثانيه
أنهى كل العلاقات البتأذيك
دوس على قلبك
و أبعد عن كل إنسان م عارف قيمتك.."

عنده يوسف :

نرمين:ابوك وين؟؟

يوسف اول م سمع السؤال ده وشو قلب و كان واضح انو اتضايق شديد..
م رده على نرمين و غير الموضوع و على حظو جو داخلين رجال عايزنو ف شغل

نرمين طلعت بره طوالى و هو رجع ل شغلو
بعد مسافه جا واحد قال ليهو بيكو قال عايز يشوفك ف السجن..

فعلا يوسف نزل و بيكو كان واقف و مستنيهو..

يوسف:في شنو
بيكو:انا ليه لسه هنا
يوسف:لانو م لقينا دليل يثبت انك م قتلتو
بيكو:بس انا قلتا ليك الحقيقه
يوسف:انت قلتها بس ما معروف هل هيا بجد و لا كذب
بيكو:طيب انا اعمل شنو..
يوسف:اتذكر معلومه ممكن تفيدنا

بيكو سكت مسافه و كان واضح انو متوتر شدييد..

يوسف:في شنو ي بيكو
بيكو:مش نفس يوم ال حادث طلع ناصر في الجامعه
يوسف:اها
بيكو:انا شفتو مع حماده..

يوسف اتصدم في البدايه بس بعدها قال ليهو تم

#فلاش_باك :

بيكو طلع بره عشان يشترى سجاره لقا حماده واقف و بعاين ل ساعتو..
كان ماشى عليهُ بس وقف فجأه لمن شاف ناصر جا و وقف مع حماده..

في الوقت الحالي :

بيكو:م كنت فاهم حاجه بس ابدا م ختيت حاجه كعبه و قلتا اكيد في سبب منطقي للموضوع..
يوسف:ليه م قلتا الكلام ده من اول؟؟
بيكو:كنت خايف.. م خايف على نفسي و لا على حماده.. كنت خايف يطلع ليهو دخل في الموضوع.. حماده اخونا.. هو م سئ.. أبدا ما سئ..

يوسف طلع مكتبو و ضرب ل أحمد بس احمد م كان برد..

طوالي كلم الرجال يجيبو حماده القسم...

المفاجأه كانت انو حماده أختفى..
طول فترة الساعتين كانو بفتشو فيهُ
لا موجود في البيت و لا في اى مكان قريب و رقمو كان مقفول..

يوسف بده يتوتر و كان خايف حماده يكون هرب

سأل بيكو وين ممكن حماده يمشي بس بيكو م كانت عندو فكرة أبدا..

البنات رجعو البيت عشان كانو تعبانين شديد..
اول م دخلو ام نرمين كانت خجلانه شديد و دخلت الغرفه عشان م تشوفهم..

روان دخلت نامت طوالى أما سمر فكانت ماسكه التلفون و بتكتب رسايل لزول..

نرمين:بتتكلمي مع منو؟؟
سمر:رامي
نرمين:كيف؟؟
سمر:م تخافي م جنيت😂بس قاعده اوريهو الحاصل ف محادثتو.. الحركه دى مريحه شديد.. بتخليني احس كأنو لسه موجود.. بس عدم ردو للرسايل بكسر قلبي💔بحس انى بغش نفسي و انو فعلاً م موجود.. عمرو م ح يرجع تانى ي نرمين💔

نرمين قعدت جمبه سمر و حضنتها و سمر بقت تبكي و تحاول تطلع حزنها ال حابساهو في قلبها..

عده اليوم و حماده مفقود..
يوسف م قدر ينوم و طلب يفتشو كل مكان
بس للأسف ما لقوهو..

تانى يوم من الصباح :

حماده كان قاعد في ركن في غرفة مظلمه..

كان بردد و بقول " أنا ما عملتا شى... انا ما عملتا شى.."

دخل عليهو واحد ضخم شديد.. خته ليهو الاكل و كبايه مويه و ادويه قدامو..

حماده:انا عايز اطلع من هنا.. ليه م بتطلعونى..

الراجل م رده عليه و طلع..

حماده كان بصرخ بس م كان في زول شغال بيهو..

عنده يوسف :

كان منفعل شديد و طلب انو يشوفو لو طلع بره البلد بس ما لقو حاجه..

بيكو عرف انو حماده مفقود و كان راسو فيهو كميه من الأسأله بس من غير فايده!

أثناء م يوسف قاعد في مكتبو جاتو مكالمه من رقم و قال ليهو " قلتا لى لو حصلت حاجه اوريك.. طردوهو من البيت و حسي في مشاكل و قال م عايز يطلع.."

يوسف طوالى اتحرك على نفس البيت ال كان بمشي و بقيف عندو طول الفتره ال فاتت..

لقا في مشكله حاصله بين صاحب البيت و المؤجر...

_انت لو صبرتا علي شويه كان دفعتا ليك.. نمشي وين احنا حسي..

كانو بنات ال راجل الاربعه واقفين و ببكو
و امهم قاعده في الأرض و لابسه التوب و بتبكي برضو..

يوسف ادخل و قال للراجل عايز منهم كم
الراجل و الناس استغربت شديد
قال ليهو عايز منهم حقه سنه..
حوالى ٧٩٢ مليون..

يوسف سكت مسافه بعدها قال ليهو م مشكله بديك القروش انا حسي خليهم يدخلو البيت..

البنات فجأه نسو البكا و بقو بعاينو ليهوو بصدمه اما الابو فكان برضو مصدوم...

صاحب الشقه م صدق طوالى يوسف طلع الشيك و اداهو ل صاحب الشقه فيهُ المبلغ المطلوب كلو..

الناس مشت و هيا بتفكر ده منو ده
و الأم قامت من الأرض و بقت تشكر في يوسف..

الأبو كان واقف بعيد و بعاين بس..
المره قالت ليهو تعال اشكرو.. مالك متصلب كده..

فعلا ال راجل جا و وقف قصاد يوسف..
كان لابس جلابيه مقطعه لونها مايل على بيجي..

وقف قصاد يوسف و بصوت مكسور قال ليهو

" ولدي.. انت يوسف صح.."

*" لا تحن*
*لمن تخلى..*
*أبداً.."*

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*