محمد:اي بقدر اطلع بس ييكون معاي ناس قبيل مرقت براي تسحبيا بس وقدرت اودي العجلات بي هناك ..
امان:طيب حلو عرفنا الخطه نبدأ طبعا بعد الحلوين ديل ينومو مش😂
شهد:عندي فكرة ممكن نخليهم يتعمقو في النوم شوية
امان:كيف
شهد طلعت من جيبها حبوب كدا وقالت ليها ترا تراااا حبوب منومه لي حسن الحظ انا ببلعها وقت ما اقدر انوم. وامس خليتها في جيب البنطلون وانا لابسه اتنين😂
محمد:يخخخ حبيييييتك كيف والله احسسن حظ
امان:احم طيب انا بقدر اخش للمطبخ ممكن بعدين اعمل ليهم شاي كلللهم واخت ليهم فيو المنوم ده
شهد:ظابط اتفقنا اتحمستتت
محمد:انا زاتي والله حسيت عملاء سريين وشغالين مع الاستخبارات😂!.
بعدها اتفرقو ومشو على اوضهم لحد ما زمن الخطه يجي ويبدؤ الخطه

-هل الخطه حتنجح ويطلعو؟!
ام حا يتكشفو ويتم.حبسهم وتعزيبهم
نتلاقه في البارت الجاي..

*~Lama-hilaly💙🪐~**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《06》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​الزمن الاتفقو عليه جا وقامت امان عملت الشاي وختت المنوم مشت ادت الحرس وشربو الشاي ولي حسن الحظ الريس كان ماف عندو مهمه هو ومعاو جزء من الحرس الشغالين معاو..
امان:شهد مهمتي انتهت دورك جا وانا اديت البييراقب شاشة الكاميرات شاي برضو دقايق وبكون نام امشي ليه ووقفي الكاميرات في الزمن ده بجهز الشنطه الحا نشيلها ومحمد برة بينتظر مننا اشارة
شهد:طيب بالتوفييق لينا وان شاء الله نطلع من هنا 😭
امان:ان شاء الله ي شهد ان شاء الله امشي بعد ده امشي وانا بلم الحاجات قبل ما المنعول ده يجي
شهد مشت ودخلت الغرفه ولقت الحارس نائم..
*بلسان شهد:*
انا دخلت لقيت الحارث نائم وطبعا انا كنت بحب التكنلوجيا جداااا وبعرف وبفهم فيها كتيير طوالي بديت وقفت الكاميرات ومشيت قطعت الاسلاك الموصله بيها عشان ما تشتغل تاني زاتو ..
طوالي مرقت مشيت لي امان لقيتها جهزت اي شي وكنا شايلين شنطه وحده حقت ضهر ما فيها شي غير قروش شلناها نتصرف بيها وفيها عبايتين وجلابيه لي محمد بحيث نتنكر بيهم برة ما يعرفونا ما بعرف جابوهم من وين بس المهم طوالي اتسحبنا طلعنا كنت خايفه شددد.
لقينا محمد منتظر قال لينا مالكم اتأخرتو ..قلنا لي ارح المهم جينا طوالي طلعنا وركبنا العجلات وفراررري جرينا بيهم من الفرحه اقسم بالله قربت اطير😭.
محمد:لازم نسرع ذياده عشان المنطقه دي بخاف منها عديل بقيت
امان:طيب سرعو
بقينا ماشين وماشين لحد ما عبرنا شدييييد يعني نحن ماشين بالعجلات لينا ساعه 🙂!
وقفت لانو خلاص حيلي مات والطاقه الفيني بححح كملت قلت ليهم اقيفو لانو تعبت خلاصص وقفنا وشربنا موية وكان في مظلة مشينا قعدنا تحتها ..
امان قعدت تضحك وتضحك لمن بكت ونحن كنا فرحانييين شديييد يخ طلعنا ي جماعه نحن اتحررنا من العوارض ديل😭..
قلتا ليهم قومو ارح نعرف نحن وين ولازم نسافر بي اي طريقه من الحته دي
محمد:ما تخافو انا التلفون الاديتكم ليو قبيل فعلت فيو نت واسي نفتح الموقع ونعرف نحن وين ومنها نتحرك
فعلا فتح ولفينا نفسنا وين في جده معقووولة من جده للرياض جابوني و ماف زول جايب خبري
كسرة:-
ناس امان ومحمد كانو في السودان لمن اتخطفو وبالاصح ما اتخطفو ابوهم هو الاداهم لي الراجل ده وهربوهم تهريب ودوهم السعودية الرياض
*.................•.................•..................•................*
قلت ليهم لازم اتصل اطمن امي علي..
محمد:شهد ما ينفع راجل امك حا يعرف نحن وين امك اكيد.حا توريه بعد يسألها ولي اسي ما معروف هي عرفت انو السبب او لا ..قلت ليه طيب كيف اسافر وانا ما عندي.جواز ولا معاي بطاقة اصلا انا
محمد اسي نحن نمشي نشوف مكان نقعد فيو وبعديها ربنا يسهله ي شهد
امان:نحن اسي ما بنقدر نطلع من السعوديه لازم جوازات وارقام وطنيه وطبعا دي محتاجه قروش معناه نحن لازم نقعد ونشتغل عشان نقدر نطلع الاوراق دي
شهد: فعلا
محمد:ارحكم والقروش المعانه دي ممكن تقعدنا اسبوع اسبوعين لو ما بزرنا وان شاء الله المحتاجين ليه شديد بس نشيل من القروش ..

قامو وركبو عجلاتهم وبقو يفتشو في بيت للاجار او غرفه او اي شي ..بعد فتشو ولقو بقت في مشكله وحده وهي...
نتلاقه في بارت تاني🤍!

*💜🪐Lama-Hilaly**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《07》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​بقت مشكلة وحده وهي انو ماف زول بيأجر من غير عقد ايجار قالو خلاص حا يأجرو انو اخ واختوو ودي صحبت اختو المهم كدا وفعلا قعدو ..
شهد:اها بعد كدا ح نلقى شغل وين ؟
امان:دي المشكلة التانيه تتفتح بي جهة وتتقفل بي جهة يخ انا زهجت وعايزة ارجع السودان😭!.
محمد:اصبرو انتو م حتشتغلو انا بشتغل وبحاول ادبر قروش الايجار وقروش نطلع بيها جوازاتنا والورق لازم نطلع من البلد دي
شهد:انا تاني كان قالو لي السعوديه جمب البيت ما بطلع اشوفه🙂
محمد:قعد يضحك هو وامان ..لي ياخ يمكن تجيها عمرة او حجه
شهد:ما جااية ابدااا
محمد:اتخيلي عرستي وجابوك فيها تاني تنفدي بي جلدك كيف 😂
شهد:بقول ليو ما عايزة امشي وكان سألني لي بقول ليو انت مالك بس م ماشه
محمد:والله انا احرشو حريش اقول ليو شفت سوقها السعوديه ووديها الرياض وجده 🤣!
امان:الله يعرس ليكم
محمد وشهد:🤨منو ديل
امان:قصدي الله يعرس ليك ي شهد وانت ي محمد الله يعرس ليك بس جمعت عشان اختصر لكن انتو اغبياء🤣!
محمد:ضحك وقام قال ليهم طالع اشوف لي شغل ما تفتحو الباب ده لي اي كأئن فاهمين
امان:طيب تمام +محمد جعانه انا بحاول امسك نفسي بس ما قادرة جعت شدييد وبطني بس مليانه موية
شهد:طيب ارح مع محمد نجيب حاجات للبيت ونجي نظبط اكلنا
محمد:ظابط ارحكم
طوالي قامو ومرقو اشترو خضار وحاجات لليت ورجعو محمد مشى يفتش شغل فتش عند المكنيكيه ما لقى المطاعم م لقى محلات الملابس وما لقى في الاخر لقى نجار راجل كبيير كدا
محمد:السلام عليكم
النجار:وعليكم السلام وليدي
محمد:كنت ابغى اسأل عندك شغل ؟
النجار:ايي ايي الله اداني ياك تعال تعال كنت ادور على وليد صغير يشتغل معاي بس مو لاقي الحمدلله
محمد:يعني في ؟
النجار:ايي ابني في
محمد:طيب متى انزل دوام؟
النجار:من الحين تقدر تنزل
محمد:طيب والمرتب كام؟
النجار:اعطيك باليوميه اليوم ب200 درهم. (جماعه مشو ساي انا ما بعرف اسعارهم🤣!)
محمد:انزيين حلو معاي
طوالي محمد بدا يشتغل ويشيل ليو من هنا ويخت هنا ويقطع وشغلو ماشي حلو جدا والراجل مبسوط منو ..

*جانب ام شهد:*
حسبي الله ونعم الوكيل فيك ي عثمان ما عافيه ليك لا دنيا لا اخرة ربنا ينتقم منك في الدنيا قبل الاخرة وتشوفو في عيالك الضوقتني ليو وتعال بتجي وتقول ده حق مها وانا طالعه ليك من البيت ده اشبع بيو بس م بطلع من غير تديني المؤخر حقي واسي ..ي زولة ما عندك عندي اي حاجه يلا برة وما اشوفك هنا تاني واناي طالق طالق طالق بالتلاته..من يوم جيتي المشاكل ما فارقتني. مرة نحس وعارض
مها جات عليو وادتو كف خلتو يشوف عشرة عشرة ..قالت ليو انا نحس ي واطي! انت شبه الرجال ما زيك ي ناقص وانا لو ما جبت لي بتي اسي دي ي عثمان ح اندمك واخليك تبوس رجلي فاهمني ولا ما فاهم ما مها البلعبو عليها
طق عثمان اتذكر شي وانو مها ممكن توديو في ستين الف داهيه ..وكانت هي انو ممكن تبلغ عنو انو تبع المجرم داك وبتها اتخطفت بي سببو ..
مها انا طردتك بس اقدري اعملي شي بتك البتبكي عشانها دي ح تلقيها بححح ماف مات..وطوالي قبل يكمل ادتو كف ..اوعى تقول الجمله دي تاني وانا بوريك بعمل شنو

عثمان حاول يهديها م قدر ومها مشت مع علا عثمان اتصل على الريس وقال ليو كل شي حصل..
ر:سوق معاك كم نفر وشوفو مها وعلا وين وجيبوهم لي
:حاضر ي ريس
طوالي طلع وساق العمالقه ديل معاو فتش وفتش لحد ما لقوهم وبس مسكوهم ودخلوهم في العربية نفس البيت الجابو فيو شهد جابو فيو علا ومها
بس هنا حا تقع الصدمه على الريس وعثمان
وخوفهم ح يذيد نشوف الحلقه الجايه💕

*Lama-Hilaly💙🪐**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《08》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​محمد اخر اليوم جه ودق جرس البيت مرة وما فتحو رن تاني وما فتحو وتالت ما فتحو قلق وخاف يكون حصل ليهم شي طلع تلفونو يتصل على امان قبل يدوس اتصال فتحو الباب..
محمد: ما بتفتحو الزفت دة مالكم انتو غاطسين وين ما سامعنو!!
امان: كنا نايمين ب محمد ما سمعنا خش
محمد دخل ومشى قعد شوية امان ختت ليو اكل ومشى اوضة تانيه رقد نام طوالي اصلا شهد كانت نايمه الصباح بدري صحو صلى بيهم وقعدو شربو الشاي وعرفو منو انو لقى شغل مع نجار كدا
شهد: نحن حنفضل كدا لمتين؟؟
امان: مستحييل نقدر نواصل كدا نحن ي محمد لازم نشوف شغل نشتغل ونلم قروش سريع نطلع جوازات وارقام وطنيه وبتاع
محمد: ماف شغل ليكم نهائي
شهد: ما على كيفك
محمد: انتي ي شافعه اسكتي ما سألتك
امان: محمد يااااخ كيف ما حتخلينا والله بنقظر نشتغل الصغيرة فينا منو اسي
محمد: 15 و20 سنه كبار
امان: خلااااااص ي جدو وانت قايل نفسك كم وتلتين ما اصغر مني بتستهبل ولا شنو انت😭!.
محمد: انا ولد وانتي بت وما صح اخليك تشتغلي كول ما انا عايش لانو عيب علي وابقى ما راجل
امان: لو ما كنا محتاجين للشغل عارفاك والله ما بتقثر بس لازم نشتغل عشان خلال شهر نكون عنلنا قروش
شهد وامان بقو يحنسو فيو كتييييييييير في النهايه حتة قال خلاص موافق بس بي شرط
شهد: الي هو شنو
محمد: انا بفتش ليكم شغل الاتنين تكونو سوا في نفس المكان بس
امان: اي اي لازم سوا ونحن بنطلع نفتش***
محمد قاطعها وقال: لا ما بتمشو كلامي واضح انا بفتش ولو احتاج تجو بتصل ليك وبوصف ليك تجي وين
امان: تمام.
بعدها محمد طلع وبقى يفتش ليهم في اماكن كدا تكون قريبه من البيت ولاقة ليو واحد حبشي كدا اتكلم معاو في البداية قايلو سوداني بس عرفو وسألو من شغل وكدا
الحبشي كان اسمو: العربي عبدالله ما بالحبشي يعني...
عبدالله: انا عندي مطعم فتحتو هنا اسي في اليومين ديل ممكن تخليهم يجو يشتغلو كاشير وكدا
محمد: ممكن توريني محل المطعم وين ويتزلو متين
عبدالله: تعال اركب معاي هنا دة في عربية نوديك واحفظ الشارع
الحبشي ساق محمد ووراه المطعم وطلع انو ورا بيتهم مباشرتا..
محمد: موقعو ظااااااااابط
الحبشي: 😂 ممكن اخواتك ينزلو من اسي عادي او يجو يشوفو المحل ولو بيناسبهم
محمد: تمام انا بمشي بجيبهم وبجي
الحبشي: تمام انا بنتظرك هنا
محمد مشى بسرعه وصل البيت وفتح بي مفتاحو لقاهم في الصاله وقال
محمد: قومو البسو لقيت ليكم شغل ظابط
شهد: احللف واي وايي اخيرا حا اشتغل
محمد: مع انو ما عايزكم تشتغلو بس عارفكم عنيدات
شهد وامان قامو لبسو سريع وطلعو مع محمد شافو المطعم واتعرفو على الشغالين هناك وحبو المكان شدييد كان الكاشير اربعه انفار اتنين بحاسبو واتنين بياخدو الطلبيات وبيدو الزبائن وهو محل كبييير ماشاء الله
بتاع المحل اداهم الزي بتاع الشغل وقال بكرة ينزلو بيو وبعد كدا محمد شكر الحبشي وطلع ساق البنات وداهم البيت في اليوم دة ما مشى الشغل هو رجعو وعملو فعاليات وقعدو يطبخو سوا
محمد كان بعاين ليهم وقاعد في الارض وامان وشهد بيطبخو وشهد بتعرف بسيييط ما متعلمه يعني..
بعدها اكلو في مطبخهم ولمو العده غسلتها شهد وانان جهزت القهوه وقعدو شربو بي مزااااج..
لحد تاني يوم صحو وجهزو محمد وصلهم ومشى على شغلو بس شاف حاجه مستحيل كان متخيله...

*Lama hilaly.💙☕**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《09》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​محمد هو وفي الطريق لقى الحراس التابعين لي الريس داك افتكرتوه صح؟.
طوالي ادسى منهم حا احكي ليكم بي لسانو.
اول ما شفتهم في الشارع كويس اني لابس شال طوالي اتلسمت بيو وغيرت شارعي وبقيت مستعجل اني امشي الحق ناس امان وشهد لانو هم قريبين من الكافي اقرب عربية ركبتها عشان اصل سريع نزلت بسرعه ووقفت بتاع التكسي ينتظر دخلت جوا والحمدلله لقيت الحبشي في وشي ايتأذنت منو اني اخدهم ضروري وبحكي ليه بكرة اخدتهم لي سمح لي وبسرعه لبسو البس الجو بيه وغيرو اليونيفورم بتاع الشغل من غير ما يفهمو شي.
دخلو ركبو وبسرعه مشينا البيت جرينا جري اقسم بالله كنت خايف يلقونا ولا يهبشو امان وشهد
طوالي دخلنا وقفلنا الباب وبقينا قاعدين نفسي قرب ينقطع من الجري.
امان جرت جابت لي مويه شربت وشوية هديت حتى حكيت ليهم انو لاقوني الناس ديل كنا قاعدين ومتوترين انو يلقونا بس الحمدلله لحد بليل ما حصل شي اتصلت على السعودي الشغال معاو واعتذرت وقلت ليو اني مريض الله يغفر لي غايتو.
قعدنا لحد بليلل قلت ليهم خلاص قومو نومو ولي بكرة الله كريم.
مشو وانا دخلت رقدت في السرير بقيت افكر كيف نطلع ونرجع السودان ومتين اقدر اطلع حق الجوازات ولا اي ورق حسيت الهم والمسؤليه كبيرة شديد جاني احساس وقال لب قوم صلي ليك ركعتين يمكن ربنا يفرجها طوالي قمت واتوضيت صليت ركعتين وادعيت كتير انو تتسهل وقبل الشهرين نرجع الوطن الحبيب اشتقت لي اي حاجه في السودان بأدق تفاصيله.
مشيت ودخلت مسكت المصحف قررت اني اتلي شوية طالما ما جاييني نوم فتحت سورة يوسف وبديت اقراء بحبها جدا السورة دي اثناء ما بتلي شهد جات داخله طبعا الباب كان متاكا ساي دخلت وقعدت في السرير التاتي وبقت تعاين لي وانا كملت قراية وهي ما نطقت بي حرف لحد ما خلصت بقيت اعاين ليها وتعاين لي.
قالت لي تعال اكلني بعد دة بتعاين لي كدا مالكها.. قلتا ليها اسي انا اتكلمت ولا سألتك من قبل ليك ساعه بتعايني لي رسمتيني رسم والله.. قالت لي يخ صوتك مباااااالغه بتتلي بطريقه رهيبه رهيبه مليون مرة يخ بجد الله عليك.. وماشاء الله
تسلمي والله ما ضراك ي رب.. اميين بس نصيحه ما تقول الله ما ضراك لانو ربنا ما ببضر وفيها تشكيك كدا من العلماء فهمتني فنتجنب القول وكدا.. حاضر ي ستهم تسلمي للمعلومه.. يسلمو غواليك ي رب.. ها ما قلتي لي انتي ما نمتي لي اسي مالك قال الساعه 1الا ربع.. ما جاني نوم ومشيت اشرب سمعت صوتك فجذبني وجيت اتحشرت معاك هنا.. ههه خلاص يلا قومي لفي عايز انوم انا امان نامت ولا صاحيه.. اي نامت اول ما دخلنا يحليلها كانت متوتره شدد.
ربنا يرجعنا بلدنا سالمين وغانيمن.. محمد انا مصيري شنو حرجع كيف وامي واختي طيب حيعرفو كيف.. والله ي شهد من قبيل بفكر في الحاجه دي ومتخافي انا بسعى جدا اني اصل لي امك بي اي طريقه ولو عندها جوازك او لو حتقعدي معاها كمان دة قرار بيناتكم طبعا..
بس ي محمد انا عايزة ارجع انا ما مرتاحه هنا ولا مع امي ولا مع راجلها دة محمد انا ما بلقى زول يكون معاي ما نفسي اخليكم بالجد ي محمد اتصرف بي اي شي ارجع معاكم حتى لو امي رفضت.. ربنا يسهلها ي شهد ما تخافي ان شاءلله امك بتوافق..
بعدها شهد طلعت مني ورقدت يخ البت دي ما عارف اوصل ليكم شعوري كيف بس انا ما بحب اشوفها مكسورة او منهارة بزعل شديد لمن تكون زعلانه وبزات لمن عرفت انها ما مرتاحه هنا بعاملها زي امان والله ويا رب امها لو اتلقت توافق تمشي معاي..

*Lama-hilaly🌸💙*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《10》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​*جانب مها ام شهد*
مها: علا مستحيل نفضل هنا بتي انا ما عارفاها وين م بقدر لازم نطلع
علا: امي كيف نطلع وما حنقدر خلينا قاعدين يمكن براهم يطلعونا
مها: انتي هبله ولا غبيه؟ كيف يعني يطلعونا لو كدا من الاول جايبننا لي شنو انا مستحيل استنى لحد ما هم يطلعونا..
علا: بسس ي...
قاطعهم واحد من عمالقة الريس ديل (هههه) جاب ليهم اكل وقال ليهم بعد تخلصو تمشو للريس بس خلصو سريع
(ما عارفه بس لو تتزكرو برضو شهد لمن جات هو جابها وناداها حيرني معاكم هه)
علا وامها اكلو زيييين وطلعو مشو للريس دة طبعا هو بيتكلم وبيرغي وشغال لي مها انو شهد هربت من يدو بس بيعرف يرجعها ومستحيل يرحمها لو لقاها وحيلقاها وانا ناشر ناسي في اي مكان وما حتقدر تطلع من السعوديه دي قبل ما انا اعرف ابدا
مها: انت ي معفن ي وا*طي تف عليك وعلى وشك يخ انت ما عندك ولا ذرة رحمه يخ حرام عليك لي بتعمل كدا فينا نحن ما سألنا لينا زول وقاعدين في حالنا..
الريس: عايزة تطلعي من هنا ماف ليك طلعه انتي بقيتي عارفه مكاني وعارفه شكلي وعارفه شغلي تموتي هنا بسس وطوالي نده لي واحد من الحرس جه طلعهم بره ومرقهو حبسوهم في غرفه كدا..
علا: امي سمعتي البيقول فيو الزول دة؟؟
مها: سامعه ي علا سامعه بس مستحيل اخليهم وحا اندم عثمان والزول التافه دة على كل شي اتعمل فيني وفي بناتي..
علا: هه وكيف دة ونحن محبوسين سوا هنا عندك عصفور بمشي يوري الشرطه الاخبار ولا كيف..
بلسان مها..
طيب انا بوريك شي ي علا بس حسك عينك ما تفتحي خشمك الرادي دة في شي نهائي.. قالت لي انا اوري منو ي امي عليك الله انتي زاتك بتبالغي احكي قلقتيني.. طيب ي علا انا من زمن اختفاء شهد كلمت الشرطه والشرطه لمن عرفت عثمان راجلي شككو في انو هو الخاطفها وانا كنت معارضو وبقول ليهم مستحيل فأدوني جهاز بيحدد الموقع وجهاز زي السماعه كدا مجرد ادوس في الزر بيديهم اشاره موقعي او يسمعو الحاصل شنو.. وانا يوم اتشكلت مع عثمان دستو وهم اكيد سمعو كل شي ونحن وماشين لمحت واحد ورانا ومتتبعنا حتى هز لي بي راسو عشان ما ينتبهو ليه ولمن الناس دي قبضونا ما خفت شديد بسبب انو الشرطه حتعرف مكانهم وانا حا القى بتي بس بتي طلعو اشطر مني وهربت انا من دخلونا البيت دة دست الزر بتاع الموقع ومفترض يكونو حددو موقعنا وخلال اليوم ولا بكرة يجو ويحاصرو البيت ولمن دخلن للريس انا دست الحهاز من هنا عشان يسمعو وسمعو اي شي قالو واتسجل..
علا: 😳😳😳what is theth انتي جاااااااااااااادة ي امي ولا بتهظر الكلام دة انا بشوفو في الافلام والاكشن بس
ضحكت وقلت ليها امك مكنه صح طوالي نطت فيني وشغاله لي مكنه ونص وربع كمان يخ طلعتي ختييييرة وما عرفتك نهائي...
فعلا قعدنا ورقدنا نمناااا لحد نص الليل كدا شايفه الحرص بيتجارو سامعه اقصد خبيت وبتاع دقينا الباب عشان يفتحو لينا زوول جاب خبرنا ماف كان في جوطه شديد برة مدة ساعه ولا ساعه وحاجه وفجأة سمعنا صوت رصاصه اترعبنا انا وبتي بقيت بس قاعدة وبقراء اية الكرسي وخايفين لحد ما الوضع هدأ شوية في واحد جا وفتح لينا الباب لقيتو واحد من الشرطه طلعنا كمية الفرح غير معقولة يخ الحمدلله عقبال نلقى مكان بتي مشيت مع الضابط انا وعلا القسم قالو لازم افاداتنا والجابنا هناك سنو حكينا اي شي وقبل اطلع طلبت اقابل الشرطي الاصلا اداني الاجهزة واتفق معاي وطبعا عثمان اتقبض دخلت نبزتو وردحت ليه زييين ما سكت وقلت للضابط ما لقيتو خبر

من شهد فقال لي خبر حلو جدااااااااا الي هو...

[نأسف للخطأ الاملائي ولكنه الكيبورد بيغير سيدي انستاين دة]*
*Lama -hilaly 🔥🩶**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《11》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​الخبر انو هم عرفو مكان شهد.. فرحت شديد وما مصدقه انهم لقو مكانها بجد.. قلت ليه وريني وين انا عايذة بتي.. الضابط قال لي حيمشي معاكم واحد من الضباط الباقين يوديك فعلا طلعنا انا وعلا والضابط مشى بينا للبيت الفيهو شهد..
*من جانب شهد*
نامت طبعا وخلت محمد حينوم وتاني يوم الصباح بدري صحو ومشو للكافي ومحمد قابل الحبشي وقعد معاو وحكى ليه انو ليه امس جه وساق البنات كدا وانو في عصابة بتفاش ليهم وكدا فالحبشي قال ليه طيب لي ما وريتني من البداية وشنو محمد قال ليه كنا حابين نخلي الموضوع كدا بس بينا وحاليا انت عرفت بس عايز طريقة امشي بيها السودان بي اي طريقه وبحاول اني اشتغل واجمع قروش ونرجع السودان.. الحبشي قال ليه طيب ما تخاف واشتغل وانا بحاول اشوف ليكم موضوع الجوازات دة وان شاءلله بتتسهل.. محمد طلع ومشى للنجار وطبعا اعتذر لي غيابو وكدا وبدا يشتغل والنجار كان مررة ظريف وطيب بيعاملو حلو اخر اليوم اخد حق شغلو ورجع مشى الكافي ساق هد وامان لانو ناس الدوام الليلي حيبدو خلاص رجعو البيت اول ما وصلو فوق الشقه كانت الصدمه هنااااا انو لقو ام شهد منتظرة جمب باب الشقه هي وعلا طبعا محمد وامان ما بيعرفوها بس شهد مجرد شافتهم شهقت بصوت عالي خلى محمد يخاف عليهة.. بسرعه قال ليها مالك شهد..
(ح احكي بلسان شهد عشان تتعمقو اكتر)
م م محمد امي طوالي جريت عليها وحضنتها كنت ببكي وما مصدقه انهم قدامي حضنت علا وكيف دة الحاصل شنو لقونا كيف ما كنت فاهمه اي شي محمد وامان كانو مستغربين محمد فتح الباب ودخلناهم ودخلنا وقعدنا كنت لسه ببكي معاهم اول شي سألت امي كيف جات هنا وعرفتني والحصل شنو.. قالت لي حا اوريك. كل شي بس بالاول انتي كيفك ي بتي وحق الله مشتاقه ليك شديييد.. قلت ليها ما زيي ي امي والله ما زي انا فقدتكم شديييد وكيف جيتو هنا وعمو عثمان حصل ليو شنو!!!.
اني حكت لي الحصل كلو بالتفصيل الممل منها عرفت انو عمو عثمان دخل السجن والحمدلله والشكر له.. عرفتها على محمد وعلى امان ووريتها الحصل لي كلوو لحد ما جينا الشقه دي واي شي.. طبعا ما كنت متخليله ابدا ولا مصدقه البيحصل دة نهائي.
دخلنا انا وامان ومحمد كالعاده امان بتطبخ وانا بساعد ومحمد بيونسنا بس اليوم زادت علينا علا جهزنا الاكل ورصيناه اكلنا واتونسنا وامي اتعرفت على امان ومحمد اكتر وشكلها حبتهم شديييد دخلنا ونمنا لانو بكرة عندنا دوام التلاته واليوم كان متعب.. تاني يوم صحينا من الفجر صلينا وشربنا الشاي التلاته وطبعا عملتو امي المرة دي لانو صحت صلت برضو اتجهزنا وفي حدود الساعه8طلعنا محمد ساقنا الكافي وهو مشى للنجار..
كان دة البرنامج لمدة اسبوع وشوية لين ما جه في يوم الحبشي وقال انو قدر يطلعلنا جوازات هو طلع لي محمد ولي امان انا ما قدر لانو ولا ورقة تثبت ميلادي ماف بس اتفاجأت لمن امي قالت لي انا عندي الحواز والرقم الوطني بتاعك لانها اخدتهم وقت جات تطلع من البيت حتى لمن مسكوهم دستهم وشالتهم معاها بعظ قبضو الريس وناسو..
المهم بعد كدا الفرحه اكتملت ماف زول كان مصدق يخ كمية من الفرح فقررنا احنا التلاته اننا نعمل شير ونعمل عزومه ظااابطه طبعا محمد عايز يعمل عزومه هو بس نحن اصرينا نشترك طبعا هو عارف عباطتي😂.

مشينا اشترينا حاجات بيتزا وشوكلت وعصاير ومكسرات وفطائر وشيبسهات حاجات ميكس كدا.
وجينا البيت ظبطنا الوضع وكل شي وقعدنا واحتفلنا بي اي شي انجزناه في الاسبوعين ديل طبعا كان لازم نشتغل وندي الحبشي تعبو بتاع الجوازات فإضطرينا نقعد شهر ونص ندفع اتعابو طبعا الحبش معروفين ما بتفاهمو في القروش دي ا ب دً
منها بدينا نشتغل عشان نجمع حق الطيران والسفر
*بلسان محمد*
طبعا بعد الفرح دة كلو بقيت شغال وبجتهد عشان نطلع حق التذاكر اسرع فتشت شغل تاني عشان اشتغل دوامين والحمدلله اتوفقت وبقيت شغال دوامين صباحي ومسائي وبديت اجمع قروشي على قروش امان وشهد طبعا جددنا القعدة بتاعتنا لي شهر كمان عشان نقدر نكون مخلصين اي شي خلال شهر لمينا حق السفر وطوالي مشيت المطار وحجزت الحمدلله كانو عاملين تخفيض اتحدد لينا السفر بعد تلاته يوم ودي مدة العرض استعجلنا شديد لحد ما قدمت استقالتي في الدوامين وأمان وشهد قدموها كمان جهزنا الشنط طبعا ماف شنط كتيرة كل زول شايل شنطة ضهر بس حتى خالتي ام شهد شنطه واحدة.. كنا متشوقين انا وامان شديد اخيرا حنرجع السودان بلدنا الحبيب الوطن البيحسسك بالامان ما كنت قادر اتخيل اني ح ارجع السودان نهائي وشبه مرتبك من الحيحصل هناك شنو..
ي رب الجاي كلو خير! وحيحصل شنو لمن نمشي السودان؟..

*"Lama-hilaly"*💙🌸*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《12》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ما كان في شي كتير زي ما قلت ليكم طيارتنا كانت 4مساء الحضزر 1ضهر اتجهزنا وكل شي وسلمت سيد الشقه المفتاح وطلعنا الى المجهول مشينا المطار امان وشهد وعلا بيصورو ساي قالو تاني ما جايين بس لازم يكون ليهم زكريات هنا ضحكنا فيهم انا وخالتي..
وصلنا المطار وبدينا في الإجراءات كلها ووزنا اصلا ما كان الوزن كتير حتى شلنا لي واحد سوداني معانه حاجات ولي الصدف طلع مقعدو جمبي نحن حاجزين خمسه ركبنا الطيارة وبيقولو قفلو التلفونات وبتاع فعلا منها جات المضيفه بتشرح كيف يركبو حزام الامان ولو حصل شي لا قدر الله كيف نلبس الشي الاصفر داك اسمو شنو😂!.
المهم اتونست مع الود دة وما كان كبير يعني اكبر مني بي سنين بسيطه اتعرفت عليو وهو من وين وكدا عرفت انو عندو شركه في السودان تصدير واستيراد اسبيرات وكدا الشركه معروفه كانت وعندو هو وابوه شركه بتاعت مختبرات ومحاليل طبيه معروفه تقريبا بتاعت سند الواثق دكتور معروف جدا كنت بسمع بيو زمان في السودان وانو انسان طيب قضيناها ونسه لحد ما وصلنا مطار الخرطوم ونزلنا مشينا وماشاء الله كان منتظرنو مرتو واولادو اتنين طبعا اكيد اتصدمتو زي لانو انا برضو اتصدمت انو معرس.. اصر انو نمشي معاو بيتو ويضيفنا ما كنت عايذ امشي بس قلت نحن وصلنا اسي حنمشي على وين!!
خالتي قالت نمشي لي اهلها فمشينا مع الراجل دة وطبها هو سند زاتو القلت ليكم عندو شركة المختبرات(الي قراء رواية سبحان مغير الاحوال حيعرف سند الواثق دة منو)
مشينا معاهم وضيفونا احسن ضيافه ما قصرو خالص
بليل قاعدين بنتونس قال لي انتو حتمشو وين بيتكم؟
قلت ليه واللع بصراحه نحن جينا وما عارفين حنمشي وين ولا عارفين مصيرنا شنو!.
قال لي كيف الكلام دة انتو ما عندكم اهل هنا قلت ليه نحن اتهربنا من السودان قبل سنين وشبه اتخطفنا يعني
سند: كيف يعني ما فاهم كدي احكي القصه براحه..
محمد: حكى ليه من خطفوه ومشو السعودية وهروبهم ولقاءهم بي ام شهد وكل شي.
ايلاف مرت سند كانت في حالة صدمه وكانت متأثرة معاهم
سند قال لي محمد طالما كدا ماف ليكم مشي من هنا لحد ما تلمو في اهلكم واطمن عليكم
محمد: ما ينفع ي سند كتر الف خيرك ضيفتنا الليله وما قصرت ما عايز نبقى حمل تقيل عليك نحن بمرة حنمشي لي اهل خالتي مها ان شاءلله
سند: محمد ي ود دة كلام شنو انت ما جادي طبعا
انت معاك بنات والسودان دة صعب بالمعنى الحرفي حتلمو فيهم كيف؟!.
محمد: حتصرف ان شاءلله ونصل ليهم ما تخاف ي صحبي
ايلاف: محمد ماف مشي من هنا يعني ماف انا ما صدقت لقيت لي اخوات معاي هنا مرت اخوي واخوي بعد عودوني عليهم سافرو وخلوني براي 😭!

*💙🦋Lama hilaly*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《13》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​سند: انا ما حخليكم تمشو والله البنات ديل زي ما هم اخواتك اخواتي والخاله دي في مقام امي حتقعدو فوق في شقة ناس اختي لانو اصلا هما برة السودان حاليا وي محمد ما عايذ نقاش تاني قونو حتكونو تعبانين بمرة الزمن اطول للونسه
سند عند بنت وولد كانو في الاساس فرحو لوجود علا وشهد لانهم يتشافو صغار ايلاف طلعت معاهم وفتحت الشقه وورتهم كل شي ومشت خلتهم
مها: ربنا بيفرجها من حيث لا تعلم ي ولدي
محمد: الحمدلله ونعم بهِ بس لازم نشوف صرفه ونقدر نتحمل المسؤليه
شهد: صح لانو الواحد ما بكون مرتاح كدا
امان: معناه لازم نشتغل زي ما اشتغلنا في السعودية علشان نصرف على نفسنا
محمد: ولا تحلمو في السودان دة اخليكم تطلعو ولا عايذ نقاش كتير وريتكم من اسي
شهد: مح** قبل تكمل سكتها وقال ليها قونو نومو اكيد تعبانين من رحلة السفر لحد ما نشوف بكرة حيحصل شنو
قامو اتوزعو ورقدو نامو لانو تعبانين كانو شديد ولسه ما معروف بكرة حيحصل معاهم ايش!!.

*عند سند وايلاف*
سند: والله الحمدلله ربنا جمعني بيهم اسي كانو حيكونو ماشين ساي والسودان وضعو كعب بزات في الليل دة
ايلاف: اي والله الحمدلله ربنا يجعلو في ميزان حسناتك
سند: على حسب كلامي مع محمد هو عنيد وما بيحب يكون تقيل على زول ومتأكد بكرة حيصر انو يطلع ويمشي لي اهل خالتو دي ف بقترح ليه انو يقعد واشغلو معاي بس..
ايلاف: انا بحنس امان ومها عشان يقنعوه
سند: ان شاءلله يلا والله انا تعبان تعب ياخ الاسبوع القعدتو دة مرهق وما كنت بنوم فيه
ايلاف: مساج في شعرك كيغ وكيف؟
سند: تكوني ما قصرتي يخ
خلو بعد كدا سند وايلاف براهم😂! ♡
كل الناس نايمه عدا شهد الاستاذة قاعدة وبتفتش في شغل بالنت امان جاتها صحيه لقتها صاحيه قالت ليها مالك صاحيه.؟.. ما جايني نوم قلت اتصفح شوية بالتلفونات.. بطلي قلة ادب ونومي تعالي بقراء ليك قرآن بتنومي.. خلاص طيب دقيقه قفلت التلفون ومشيت جمبها حرفيا امان زي محمد عندهم صوت تلاوة يجنن يخ نمت وتاني يوم الصباح صحو وقامو صلو وكل شي
عملو حلقة تلاوة كدا محمد وامان وشهد وعلا ومها كانو بيقرو مع بعضيهم وبعدها الجرس رن فتحت شهد الباب كانت ايلاف وسند وشايلين حاجات كتيير..
ايلاف: صاحين مش؟؟
شهد: ايوا اتفضلو..
دخلو وودو الحاجات المطبخ وجو قعدو في الصالة وكانو منهكين
محمد: دة شنو ي سند؟؟ ما اتفقنا كدا
سند: محمد انت اخوي من اليوم وما عايز نقاش في الموضوع دة وما تخاف انا بشيل مقابل تجاه البعملو معاك دة
محمد: مقابل شنو؟
سند: حا اشغلك معاي بس
محمد: بالجد؟؟
سند: لالا بالكذب😂
محمد والباقين كلهم ضحكو في النهايه اقتنعو انهم يقعدو بس لحد ما يلمو في اهلهم

*💙🦋Lama hilaly**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《14》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​قعدو يتوسنو وكانو مبسوطين بي اللمه سند قرر ينزل شهد وعلا مدرسة ويتمو قرايتهم وامان تمتحن تالت تاتي نسبة لعدم وجود شهادة ليها نزلوهم كلهم في مدرسة وحدة سند بتو اسمه ميلاف والولد عُدي صغار هم البت في الروضه والولد في اولى مدرسة طبعا المدرسة اصلا كانت شغاله بالتالي شهد وعلا وامان فايتهم كتير نزلو وكان اول يوم متعب نسبة لي طول المدة لي امان وديل ما طولو شديد بس الجري الكانو فيو دة طوالي تابعو مع الاساتذة واتفقو نهاية اليوم يقعدو يشرحو ليهم وشالو من البنات كراسات يكتبو بيجو البيت هلكانين بيكتبو حتى ايلاف ومها بيكتبو معاهم يساعدوهم في يوم كان امان نامت وعلا ومها شهد قاعدة في الصاله خاته حاجاتها وبتكتب وكانت خلاص ما قادرة بين نايمه وصاحيه محمد جـ ماري لقاها قاعدة ممحنه 😂!
محمد: وه
شهد: وااي خفتا كبير وعوير
محمد: عايذ اخلعك بس مالك قاعدة كدا وصاحيه لي اسي مالك
شهد: يعني قاعدة العب مثلا انت شايف شنو
محمد: ي بت انا اكبر منك احترميني ولو لي مرة ها
شهد: حاضر ي عمو الكبير
محمد: اكتب ليك؟
شهد: تكون حتريحني لكن انت ما تعبان جيت متأخر..
محمد: كان تعبت بخت ليك حاجاتك وبمشي بخليك 😂
شهد: انننن اكتب وانت ساكت
جه ربع كرعينو وقعد مقابل شهد وبقى يكتب معاها لحد ما خلص ليها كل الدروس اصلا كانو درسين بس شوية تقال عاين ليها لقاها نايمه دخل ليها حاجاتها الشنطه وبالقلم بقى يصحي فيها طبعا هي محجبه واي شي وعديل ماف تلامس بينهم لانو حرام 🌚👈🏻👉🏻!
صحصحت شالت شنطتها ومشت اوضتها نامت طوالي وكذلك محمد لانو كان هلكان فوق دة الشغل وهو طلع بدري نام وكان حاسي بي تعب شديد
الفحر كالعادة مها صحت وصحتهم نفر نفر الا محمد وشهد عذبوها عشان يصحو لانو ساهرو صلو وعملت ليهم شاي ظابط كدا وقعدو يشربو..
محمد قال تسلم يدك ي خالتي والله شاييك بيعجبني كيف علمي امان وشهد ديل ولا بيعرفو .. نطت شهد قالت لي ما تشربو مش ما بيعجبك اوعى تقول لي ي شهد مصدع اعملي لي شاي.. كلهم بقو يضحكو خلصو امان شالت الحاجات وغسلتهم طوالي جو لبسو علشان حيطلعو ترحيل واحد نزلو تحت لي ميلاف و عُدي يسوقوهم ومشو المدرسة ماف شي يذكر كدا في اليوم ياهو نفس الروتين
*بلسان: شهد*
نزلنا المدرسة وانعصرنا عصر البرتقال والله شي كتابه وشي قراية وانا مسحت بتاع بداية السنه كلوو وطبعا فطيت سابع مشيت تامن لانو المفترض اكون فيها الحمدلله خلال شهر خلصت الكتابه الكانت مقررة وفاتتني وحتى انجزت في القراية شديييد بس مضغوطه مضغوطه من كل النواحي بس مرات ببكي عدييل من التعب.. وامتحانات الفترة الاولى قربت كان انا ما حصل جبت درجات قليلة كنت خايفه من الحاجه دي بقيت بساهر بقعد بشرب قهوة كتيرة وبقراء علشان اخلص محمد كتر خيرو بساعدني وامان برضو بتساعدني وامي طبعا اتغيرت في تعاملها معانا او معاي بذات بقت تحفذني شدييد وانو نفسها تشوفني دكتورة وبي شهادتي وكلماتها وحنيتها كفيله تخليني انجح لحد ما جات الامتحانات وامتحنا منها نزلونا اجازة الحمدلله عدت حلو كان اجزنا وامان لا لانو امتحاناتهم وقت اجازتنا برضو عبرت الحمدلله.. عملنا لمة كدا ظرييفه وعمو سند عزم امو وابوه جونا واتعرفو علينا العيله دي بتخش القلب توووش من غير تحس ياخ اللهم بارك بجد حلوين وحياتهم حلوة شديد ربنا يحفظهم ويذيدهم..

*بلسان: محمد*
الحمدلله شغلي ما كان كتير وااعلمتو سريع بس متابع الطلبياا دي جابوها دي شالوها الكميه الحاجات دي وبديت اجمع قروش عشان نمشي اهل خالتي مها لانو كل مرة بتدعي تتسهل وتمشي ليهم وحيكونو قلقو وشنو كنت بصرف على البيت انا من شغلي في فترة كان شهد عندها امتحانات ومضغوطه بساعدها وهي لمن ما تعرف بتجيني اشرح ليها والدنيا ماشه حت امان كنت بشرح ليها طبعا باخد خلفيه عن دروسهم حتى اشرح😂.
امتحنو ونتايجهم مشرفة بالحد نسبة لي انهم جو متأخرين وقدرو يلحقو كان انجاز عظييم.

شهد جابت 270 من 280 وامان نسبتها 85٪ احتفلنا بيهم وعملنا لمة حلوة شديد تاني نزلو مدرسة اجازاتهم خلصت اجتهدو شديييد بذات امان لحد ما شهد امتحنت ونتيجتها طلعت بعد اربعه شهور تقريبا

يوم النتيجة كان في توتر مبااالغ فيو وشهد قربت تبكي داخله وطالعه اليوم دة محمد وسند ما مشو الشغل قعدو وبقو منتظرين النتيجه وقاعدين يحضرو في المؤتمر لحد ما..

*"lama Hilaly 💙"*
*سبحان الله وبحمده🌸سبحان الله العظيم**•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#قلب~ناطق《15》✨*
*#بقلم~لمى~هلالي~(لولي)💔♧*
*♡♡♡ـہہہـ٨ــــہہہـــــ♡♡♡ـہہہـ٨ــــہہہـ♡♡♡*‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​•لحد ما جات اللحظة الحاسمه وبدو يزيعو قالو بتين وتاني ولد وطوالي سمعو اسم شهد علا بقت تصرخ وما كانو مصدقين فرحه محمد كان بيصور اصلا صورهم كلهم شهد قعدت تبكي من الفرح وسند وايلاف وامها وكلهم باركو ليها وسند ومحمد مشو جابو خروف ضبحوه والفرحه الدخلتهم كبيرة عزمو الجيران وقعدو كان يوم مستحيل يتنسي طبعا شهد نهائي ما صاحبت ليها بت كانت في حالها حتى ما متواصله مع صحبتها بتاعت السعودية مكتفيه بس بي علا وامان ومحمد وباقي العيله الكريمه.. طبعا ما يفوتك اتعرفو على ريل وبدر الدين اخوان سند وايلاف وباركو لي شهد كان يوم فرحه بالنسبه ليهم وانتهى بي لمه وونسه وشاي لبن ومنها كل زول مشى نام بعد اليوم المتعب دة طبعا جاتها هدايه كتير محمد قال ليها هديتك بكرة ما متوقعك تنجحي زاتو طبعا بي هظار😂😂كملت الونسه واتفرقو ومشو نامو وتاني يوم محمد قال لي امان ارح معاي عايزك في مهمه شهد وعلا سألوه قال ليهم شي خاص بي اختي مالكم انتو..(حا احكي البارت بي لسان الابطال).. نننن امشي انت واختك ما عايزين نعرف زاتو ارح ي علا نمشي لي امي.. هههه ي زعييله.. محمد خلاص ارح انا طلعت.. محمد مرق ونزلو..
بعد ركبو العربية..
طبعا ي امان عايز اعمل مفاجأة لي شهد وما تنساها نهائي لانو نسبتها حلوة وكدا.. اممم عرفتك مطلعني للسبب دة.. اختي البتفهمني بحبك يخ.. ههه ي بكاش كلو عشان شهد قايلني ما كاشفاك.. م م مشنو مالي كمان؟
تمتم ساااي انت عارف وانا عارف.. انتي شكلك راكبه غلط انزلي😅..
سمح اعمل رايح ارح انا عارفه هي بتحب شنو.. نمشي على وين؟.. عايزين مكتبه لانها بتحب الكتب +من زمان بتقول لي نفسي زول يهديني مصحف بي اسمي كانت بتشوف في الinsta الفيديوهات.. خلاص حلو ارح
طوالي اتحركو مشو مكتبه اشترو ليها ٣كُتب (ايكادولي-كوني صحابيه-فن اللامبالاة) ومشو السوق جابو ليها دريساات وخمارات لانها مختمرة واتفق مع بتاع محل يعمل ليه عباية صلاة ومصلايه ومصحف بي اسم شهد كان الطقم غالي قريب ٢٠الف وقال ليه بكرة تعال بيكون جبناه من المصنع طلعو.. انا جعانه ي محمد ارح ناكل.. خلاص ارح عايزة شنو؟.. نفسي في فتة فول بي زيت سمسم.. هه والله انا برضو ارح بعرف محل بيظبطها.. طلعو ومشو طلبو الفته وقعدو جابو ليهم الطلب وبدو ياكلو ويتونسو سااي فجأة محمد وقع بي لسانو وقال ليها يا ريت شهد تكون لي🌸!
اوباااا يلا اعمل ميت لسه قلت ليك انا اختك وكاشفاك.. هه بحبها زيك عادي بعتبرها اختي البت اصغر مني ياخ مالك حتعملي قصص من ماف؟!
خلاص ما تبقى حاد كدا انا بهظر معاك ي محمد.. هظارك بايخ جدا انا ماشي اغسل يديني.. انا زاتي عايزة اغسل.. اقعدي اكلي.. ما باكل براي... متين تكبري وتخلي عوارتك دي.. لمن انت تلين علي حبه... انا اسف خلاص اقعدي باكل معاك مع اني شبعت.... شبعتاا ولا زعلتا اعترف ساي.. اكلي وانتي ساكته.. عايزة عصير قوم جيب لي... الله يصبرني انتي جيتيني من وين ي بت الناس!. هادية وحلاتي صلاة النبي علي ي اخوي.. ماشي احسن ما اقعد واتجلط اكتر معاك عايزة شنو؟.. كيف شنو ما عارف.. قصدي ببسي فانتا عصير كرتون.. انت مش عارف اني بطلت مياه غاذيه🙂..