*#وإليك~المُشتكى 《19》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
احيي انا ي قلبي قطع قلوبنا الولد ي ستنا يكون مالو عاد؟
عيونو دي حمراء عديل احساس زول بكيان من حاجه قاهراهو شديد بس المفروض م يقلقنا بالشكل ده يحكي لينا الحاصل معاهو عشان الناس م تقلق وتتوتر ' ستنا قالت ل امجد البس ي ولد امش وراهو شوفو مالو تخلي يمش كيف انت؟ امشي الحقو سريع ' م اتردد سرع خطواتو وطلع على طول ' عسجد كانت مبسوطه وهي خاته اصبعا ف شفايفها ب انبساط عاينت ل رزان ب طرف عينا قالت ليها ده البسمو دقاني وبكى سبقني واشتكى 🙂 ' رزان عاينت ليها وهي حاسه ب ضيق وعدم راحه ' قالت ل عسجد لي يبكى طيب حاسه انو في موضوع تاني والا ماف سبب يخليهو يبكي وهو غلطان قالت ليها ي بت منتظره منو شنو انتي ؟ زول عمل الغلط وخجلان يقعد ب اي عين تاني ؟ فالدراما دي هي امثل حل عشان يبرئ نفسو او يثبت ليك العكس والناس تتعاطف معاهو ذكي هو علي فكره عايز ينفض ب ريشو التافه 'سكتت وهي مقهوره ' ريم كانت وراهم ونظراتا تجاه عسجد مليانه غضب قالت ل رزان مالو هو عارفين السبب يعني؟ قبل رزان تتكلم عسجد سبقتا قالت ليها مجرد تافه م اكتر 😏 ريم م هضمت الاجابه اتحركت مشت منهم ورزان مقهوره شديد حاسه انو في حاجه غلط مشت ناس امها قالت ل خالتا سيده عرفتو مالو؟قالت ليها بري والله ي رزان الولد حيرنا وقلقنا عليه عليك الله فيك الخير ي بتي اتصلي ل خالتك بدريه اتحققي منها الله يرضي عليك قالت ليها وهي مقهوره تشبك ف ايدها يمكن عندو موضوع خاص الناس ظروف فما شايفه داعي نقلّق ناس امو بعدين امجد مشى وراهو بس يرجع ح نعرف الحاصل قولت كلامي ده وبسرعه مشيت منهم خشيت الغرفه وانا حاسه ب شعور غريب م عارفه لي احساسي بقول لي في حاجه غلط ' م قدرت اتجاوز الموقف خاصه لما دموعو جرت يعني اذا حاسس ب تأنيب ضمير مفروض يعتزر مفروض يبرر موقفو ويتأسف ' آآآخ م عارفه لي م قادره اتعاطف معاهو ولا قادره اتجاوز موقفو الاخير ' الف استفهام ف راسي م لاقيه ليه إجابه سرحت وانا باكل اضافري 'جات ريم ماره جمبي نزلت شنطتا من الدولاب قولت ليها اجازتك خلصت قالت لي اي وبقت تطلع هدوما من الدولاب ' قولت ليها مسافره الليله يعني؟ ردت لي بعد مسافه المفروض اقعد لمتين مثلاً؟ قبل ارد ليها عسجد زاتا قامت على حيلا قالت احنا كمان ح نمش الليله 😄البيت ح يكون ليك مسيخ تاني قولت ليها ي حليلكم ح افقدكم شديد والله ماشين مالكم عليك الله قالت لي ي بت شهرين كملناهم معاكم مفروض تطردونا انتو بعد ده 😂 لكن ح توحشونا وربي ' قولت ليها ح افقدك والله بتفرقي لي كتير 😔فيها شنو لو قعدتو اكتر والله العظيم من بعدكم ح انفسن خاصه وامجد مسافر جات قعدت جمبي وباستني ف خدي قالت : والله انا كمان ح افقدك ي روزه بس انتي عارفه ابوي براهو وزهج من الوحده فلازم نمشي عشان م نخش ف سين وباء معاهو عارفاهو لو زعل لا بسمع ولا بشوف بعدين منو قال ليك ح انقطع منكم 🥺 وحضنتني عليها 'شعور الفراق صعب جداً الصراحه اتعودت عليهم وانو اتعود على فراقهم صعب علي 😞 'المهم خليت ريم تستف شنطتا شلت تلفوني ومرقت بره لقيت خالتي سيده لابسه توبا تتكلم مع امي ' وصلتهم كانت بتقول ل امي اتكلمت مع بدريه كانت طبيعيه جداً يبقى الولد ده عندو موضوع تاني لكن برضو يفترض يحكي لينا الدنيا مشاكلا كترت احتمال فصلوه من الشغل هو زاتو بالغ قعد كتير قالت ليها الله وحدو يعلم، الولد ده انا عارفاهو راجل م ببكي ساي
' لكن ندعي الله يربط على قلبو ' ولد رضي ومحترم دمعتو م بتنزل بالساهل ' كنت واقفه بعاين ليهم وانا مقهوره م عارفه لشنو مراودني احساس تأنيب الضمير ' هل انا كنت قاسيه معاهو يعني م كان المفروض اهاجمو طوالي ' بس العملو غلط وعيب لي اسكت ليه 😥 طيب هو لي م خت حساب انو ممكن اشوفا او امجد ' فكري جايط اذا هو قاصد يشوه صورتي اسبابو شنو 'صمتا كده قولت اذا هو ب نفسو اعترف لي انو كان حاقد على معتصم واحتفل ب انفصالي يبقى ده كائن مريض واي شي متوقع منو '
بلسان عسجد:
ريم ستفت شنطتا وخلتا علي جنب شايفاها تعاين فيني ب طرف عينا جات علي قالت لي عايني انا مسافره وانتي مارقه من البيت وانك تفتحي موضوعي انا ومعتصم م ح تستفيدي شي ولعلمك انا كمان ماسكه عليك ذله عارفه ومتأكده تماماً إنو ليك ايد في مرقة مروان يعني ببساطه ممكن افضحك انا كمان لذلك السكوت من صالحنا الاتنين ' قولت ليها ب ضيق ذلة شنو

الماسكاها علي؟ عايزه تنفضي ب ريشك بس كذابه ي ريم ' العملتي جريمه وم بنسكت عليه رزان ضروري جداً تعرف الحقيقه عشان تشوف قدر شنو انتي بتكرهيها وحاقده عليها قالت لي انا م بكرها والحصل عفواً عن نفسنا وخلاص انفصلنا وعفى الله عما سلك احياناً الشيطان بقودنا في طريق سالب من غير إرادتنا والغلط م عيب عيب البستمر في الغلط زيك كده 🙁ضحكت ليها بشماته قولت ليها عارفه شي جاي الدور عليك تنفعي تكوني ممثله 👌 انتي مستهتره ومنحطه م خجلانه من نفسك؟ عليك الله اختك تخونيها مع خطيبا (في اللحظه دي رزان اتحركت عليهم وقبل تصلهم سمعت الكلمتين دي) واصلت عسجد ' كنت بستغرب في الحكاوي الزي دي اخت تخون صحبتا واخت تخون اختها والخ... م كنت فاكره امثالك ح يقابلوني فالواقع ' والحاجه المحيراني معتصم الغدرتي بيه اختك هل انتي مبسوطه معاهو يعني بتواجهي عادي من غير م يقشعر ليك شعر؟؟؟ يعني عادي بتتونسي وتضحكي معاهو في حين اختك بتبكي دم 😑وختت ايدها في صدر ريم قالت ليها م ظنيت يكون عندك قلب نفضت ليها ايدا ب ضيق قالت ليها الجمل م بشوف عوج طولو يمكن انا غلطا فعلاً بس راجعت نفسي وندمانه العيب فيك انتي رزان بت خالتك يعني اختك بس بكل انانيه وحقد عملتي عملتك العملتيها وم خليتي علاقتا ب مروان تستمر ' الحقد الفيك كبير جداً م بتقارن بي ' وانا اساساً م حقدت عليها ولا حبيت معتصم حقد او عشان افرقها منو الحصل بينا شي عفوي وغير مخطط عكسك تماماً انتي حاقده بكل معاني الكلمات ومعترفه كمان من غير خجل وبكل قوة عين عايزاني انا اساعدك عشان علاقتا ب مروان م تطور صدقيني مروان عمرو م م كان ليك ولا ح يكون ليك يخ هو م شايفاك اصلاً وانو يفكر فيك دي معجزه عارفه يعني شنو معجزه يعني سابع احلامك يعترف بيك واياك تنبذيني بالغلط تاني لانو غلطك م بتقارن مع غلطي وم تناقشيني تاني انتي م الله عشان تحاسبيني واذا جبتي سيره ل رزان م ح اتردد اسمعا كلامك القولتي لاني سجلت ليك صوت فعشان كده وتفادياً للمشاكل بفضل تسكتي واسكت والح تعملي تاني عشان تبعدي مروان منها محاسبه عليه انتي قالت كلاما ده وعايزه تمشي عينا وقعت ف عين رزان 😰 ' بلعت ريقا وكرعيها م شايلاها مسحت عيونا وعاينت ل عسجد ' عسجد
كانت مخلوعه وعامله كده 😟 '
بلسان ررزان:
عيوني م نزلت منهم وانا بتحسبن فيهم ونفسي هايج ' جسمي يرجف لحد رموش عيوني قدرت استند على الباب وانا خاته ايدي ف قلبي مره ابكي ومره اتحسبن فيهم ب صدمه' معقوله النفوس بقت وسخانه للدرجه دي 💔ريـ ريـ ريم تغدر فيني 😭لاحول ولاقوة الا بالله ' ريم اختي م قادره م قادره كيف هان ليها كيف طاوعا قلبها ' نعم بتكرهني واي شي بس م اتوقعت تغدر فيني حسبنا الله ونعم الوكيل جيت نازله من طولي عالارض وانا ببكي بكل معاني الالم و الغدر ' معقوله ريم 'طيب عسجد 😢شنو الذنب العملتو عشان يجازوني بالحقد الدفين ده 💔 ريم اخـ اختي تغدر فيني
*اتذكرُ تِلك اللحظات الجَميله التي جمعتنِي بهما ظننتُ انهم من اكبر النِعم التي وهبَها الله لي ' لقد عِشنا طِفولٌه مليئةُ بالحُب والمرح والبرائه ' نًشئنا في اُسر ذات مبادئ وقِيم واخلاٌق ' كنت اعتقد بأنهم سندي ومسندي احببتهم ب صدق كنت افتخر بهما كونهم إخوتي وثقتي بهم لا يهدّها جبال ' لم اعد استطيع الادراك فيما جرى كيف يعقل بأن اختي التي لطالما وثقت بها وقدمت لها الحنان والامان ان تفعل بي هكذا 💔لا يُمكنني التصديق حتماً ' جُننت نعم جننت هل يعقل بأن اختي التي رضعنا سوياُ من نفس النهد ان تغدر بي ب اقذار الافعال ' ماذا فعلت لها ؟ بما اذيتها م هو ذنبي حتى تجزيني هكذا؟هل هي سعيده الان هل كانت سعيده عندما كنت اصرخ وقلبي محطم 💔 رحماك ي رب وإليك المُشتكى 💔
-----------------------------------
تاني يوم في بورسودان:
مروان في المكتب:
جا خاشي وشايل ورقو ' كيفك ي سعادتك ☺️ رد ليه ب ترحاب ياا استاذ مروان كيفك ياخ ' رد ليه مروان الحمدالله كيف امورك انت بتصل ليك كتير ماف رد وينك ي زول ' رد ليه والله انت عارف شنو الفتره الفاتت دي مع مشغوليه الزواج وكده اموري كانت جايطه جداً جري شديد فعشان كده التلفون زاتو م جايب ليه خبر امورك شنو انت عليك الله كيف الوالده والوالد؟ رد ليه وهو سارح كويسين الحمدالله قال ليه اها انت مشروع الزواج عملت فيه شنو شايفك قبل كم يوم منزل فالاستوري بتاعك صور بت كده ومعاها صورتك كاتب فيها تزوجنا قولت الزول ده ايامو باسطه الظاهر 😄 ' كان بعض اضراسو ب ضيق وغضب قال ليه ' خليتو ☹️ اسمع كلامي التأشيره تطلع متين زهجت من البلد دي والله عايزك الليله قبل بكره تطلعها لي قال ليه والله ضغط شديد لكن حأحاول اسرع ليك بس نصيحه ليك اتزوج ي صحبي الزواج بعوضك عن اي شي تنسى حاجه اسمها زهج 😉 قام على حيلو قال ليه كدي اسي انا ح امش عليك الله ي احمد ابذل لي مجهودك خارجني من البلد دي ضحك قال ليه تمام ي زول لكن وسع صدرك ياخ ' طلعت منو وانا متضايق وزهجان شديد المكتب كان قريب للكورنيش فكنت بتمشى وانا

مدخل ايدي ف جيبي مدبرس شديد كاره اي شي م عايز حاجه غير اسافر وبس ' قنعت وبطني طمت من حاجه اسمها حب ولا زواج ' طلعت تلفوني وصورت رزان كانت فالخلفيه عاينتا ليها مسافه ب قلب موجوع وانا عاصر التلفون شديد حبيتك م بنكر اتمنيتك تكوني لي مره وانجب منك ي رزان بس انا م راجل ف نظرك 🙁 راجل معتصم الخلاك نص الطريقه صح خليك مطمنه بعد الليله ح اشطبك من حياتي بصوره نهائيه خليهو الشايفاهو راجل وودحلال يتزوجك ورميت التلفون فالبحر مليان غضب ' دي الطريقه الوحيده الممكن تخليني انساها' اتمشيت وقفت جمب بتاع واحد عندو كشك علي الظلط اخدت منو صندوق سجاير ولأول مره ادخر م ارتحت الا بعد كملتو كلو 💔....
-----------------------------
رزان: م ناقشتهم نهاي خليتم يتعذبو ب تأنيب الضمير حاولو يبررو لي بس م سمعت منهم ولا اديتم فرصه من الاساس ' سمعت المفروض اسمعو من زمان تاريهم بضحكو علي وانا المسكينه ماشه معاهم بنيه واحده وقلب صادق استغلو طيببتي وغدرو فيني 💔 خلوني افقد الثقه ف نفسي واقرف من حاجه اسمها إخوّه معقوله اتعرض للأذى من اقرب الناس لي 😑😢 مروان ذنبو شنو ي عسجد بالجد طلعتي حقيره خليتيني اشك في اخلاقو واقلل من قيمتو لصالحك ي سافله لي كمية الحقد دي نفسي اعرف اذيتكم ف شنو 😭😭 ومر تلات يوم على الكلام ده وامجد سافر بس م جبت سيره ل زول كتمتو في حناني وشكيتهم ل الله 💔 قلبي مأنبني شديد بتصل ل مروان كتير بس تلفونو مغلق م ح ارتاح م لم اعتزر منو ' شكيت في اخلاقو ونبذتو بس برضو م رد لي ولا برر لي عشان بحبني وبحترمني بس انا الغبيه صدقت كلاما وهاجمتو من غير م اتحقق من الموضوع 😭 اتصلت ل خالتو بدريه امو اتكلمت معاها وانا ماسكه البكيه بالجلاله سألتها منو قالت لي يومين م قادره تتواصل معاهو ' قفلت منها اتصلت ل امجد سألتو منو قال لي م متواصل معاهو لكن قابلو امس قال ليه قايم بكره الساعه 1 اتدهورت شديد قولت ليه يديني رقم تلفونو قال لي م شالو منو وم عارف الفندق النزل فيه سألني مالك عايزه منو شنو؟ قولت ليه امجد حلفتك بالله حاول جيب لي رقمو عايزاهو ضروري وم تسألني السبب قال لي طيب الموضوع خطير يعني قولت ليه لا ابداً بس عايزاهو ل موضوع تاني عليك الله جيبو لي ي امجد قال لي كويس تمام لكن روقي ي بت في شنو هو احكي لي رزان قولت ليه جيب لي الرقم ي امجد قال لي والله بسأل منو بس تقريباً م شايل تلفون لكن بتصرف ليك قفلت منو وانا ببكي منهاره م ح اسامح نفسي اذا سافر مستحيل اعفي لنفسي' بعد ساعه امجد رجع لي قال لي للاسف الشديد م خليتو يتم كلامو م عندي حل غير اسافر م بقدر اعيش ب تأنيب الضمير واحساس الذنب 😥 كلمت امي بالقصه كامله اتأثرت شديد وفهمتا اني ح سافر بكره فالأول اعترضت بس فهمتا اذا م قابلتو واعتزرت منو م ح اسامح نفسي ويمكن اخش في حاله نفسيه المهم سمحت لي بس علي شرط نسافر سوا لان ح تفضل براها بعد بتها سافرت 😒المهم قطعنا تذكرتين وطول مسافة الطريق دموعي م وقفت وكل شويه والتانيه بتصل ل امجد اخر مكالمه واحنا فالشعبي بورسودان الساعه 12ونص نسبةً ل سرعة امجد اتصل علي قال لي الزول ده قام والله 😰...
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《20》*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
ختيت راسي ف كتف امي وانا ببكي ب كسره ومنهاره انهيار شديد ' انا انسانه نحسه وسيئه ي امي قالت وهي بتطبطب علي ب حزن م تقولي كده ي رزان قولت ليها وانا قابضه توبا من ورا شديد وراسي ف كتفها وبصوت مكسور استاهل الحصل لي كلو ي امي لانو فعلياً كعبه' كل المأساءة المريت بيها بستاهلا عشره مرات ' لاني ظالمه ' اتهمتو وانا متأكده تماماً انو مستحيل يشوه صورتي بس نفوري منو خلاني اشوفو ب صوره عكس شخصيتو انا ظالمه ي ماما 😭والله العظيم ظالمه. كيف حكفر عن خطأي كيف بس ي ماما ' كيف ح اعيش ب تأنيب الضمير م قادره م بقدر 😭 قالت لي الله كريم ي بتي احياناً الله بمتحنك ل حكمه ' قولت ليها وانا ببكي والناس تتفرج فينا مستحيل اتعوض تاني فقدت كل الفرص ي امي ' انا مكتوب لي اتعذب بس لاني غبيه وهبله
ازعل علي شنو وريني علي بتك الكانت مستغبياني وبتضحك علي الوقت كلو ولا بت اختك اللي ضحكت علي' ازعل علي شنو بس ' ردت لي ب استفاهمات اختك وعسجد مالن ي بت؟ رفعت لي راسي وانا ببكي مقهوره شديد قالت لي وهي رافعه لي حنكي ب حيره اختك مالا؟ مسحت دموعي وحكيت ليها اي شي ' كانت مصدومه شديد وهي بتستشهد
وتبكي وتلوم نفسها انو الغلط غلطا لانها م ربتها صح ' الوقت كلو قضيناهو بكى ولوم من غير م نشعر ولا نحس بالناس الحولينا 'امي اتأثرت شديد بكت لمن دموعا وقفت' اخر شي لما روقنا واتيقنا انو الحصل والبحصل كلو من الله قمت جبت لينا مويه شربنا ولسه الحزن م فارقنا ' امي قالت لي وهي مقهوره لي م كلمتيني نفس الوقت العرفتي فيه الحقيقه لي تخليها تمشي ساي ااا وعسجد زاتا م بخليها العملتو اسمو فتنه يعني لو م الله قدر واراد تسمعي حديثهم ح يستمرو في وسخهم لمتين ؟ كدي اتصلي لي ل اخوك ده سريع قولت ليها يمه م تكلمي الله يرضي عليك خلي الامور تهدأ شويه قالت لي تهدء لمتين جاطت وح تجوط اكتر لو سكتا ' الاتنين غلطو في حقك وضروري جداً يتعاقبو خاصه ريم ' قالت وهي مقهوره وصوتا باكي خجلانه اقول عليها بتي اريتني م جبتها ختيت ايدي ف شفايفا قولت ليها ماما خلاص عليك الله م تقولي كده عفى الله عما سلك قالت لي بصوت منهار ' هوي ي بت خليني اقول الفي قلبي واتفشى يميناً بالله اكان انتي عفيتي ليها انا دي م بعفي ليها ' دي وقاحه ونقص في الايمان وعدم تربيه الانسان الايمانو كامل م بفكر في الخطأ صح ماف انسان معصوم من الغلط بس كمان في حاجه اسمها ضمير ااا اذا ريم عندها ضمير وقلب م بتفكر في معتصم المامربيه ' لكن انا والحمدالله ضراعي شادي بأسسها من جديد عقاباً ليها حرمت عليها القرااااايه للابد المؤبد عايزه اتكلم عملت لي كده ✋ وهي مغمضه عيونا ' اياك تحاولي توقفيني انا كان قمتا صعبه 😑 قالت بصوت ناهر اتصلي ل اخوك ده قولتلك 🤬
شلت تلفوني لقيتو متصل اكتر من مكالمه لي م انتبهت ليها رجعت ليه بسرعه اول م رد لي قال لي وشكلو في زحام وين انتي ي بت قولت ليه فالشعبي م مشينا حته 😔قال لي ياخ اتصلت ليك كتير م بتردي قولت ليه خير قال لي ياخ شوفي ليك اي عربيه اسي انا واقف مع مروان ده فالمطار رحلتو اتأجلت ' ختيت ايدي ف قلبي وانا حاسه ب سعاده قمت على حيلي قولت ليه شنووو؟ ب ذهول طبعاً 😃قال لي قاعد معاي اهو بسمع ف كلامي امي قالت لي اديني ليه ي بت م اشتغلت بيها وانا م قادره اعبر عن شعوري قولت ل امجد بخليط صوت م بين باكي وضاحك امـ امـجد بحبك قال لي بصوت ضاحك تمام تمام كدي لمن تصلو اسمعي قولت ليه اي 🥺قال لي اي بتاع ركشه قولي ليه ماشين المطار بوصلكم قولت ليه طيب ' قفل وانا خاته التلفون ف قلبي ودموع الفرح ملت صدري امي قالت لي بقول ليك اديني ليه تقفلي الخط قولت ليها يمه مروان رحلتو اتأجلت 😭 قامت على حيلا قالت يعني اتكلمتي معاهو؟؟ قولت ليها لا امجد قال نلحقهم فالمطار قالت لي سمح م تشوفي ليك ركشه الوقفه ليك شنو 'من الفرح م عرفت اتجه وين ' امشي يمين وتاني ارجع شمال لمن طقشتا لي بت حتى قدرت استوعب الطريق مرقت بسرعه لقيت بتاع امجاد قولت ليه ماشين المطار قال لي م شغال معليش مشيت منو بسرعه شايفه لي صف تكاسي وركشات كتيره اتجهت عليهم ومن السرعه م باقي لي الا اقع مشيت ل اول واحد قولت ليه ماشه المطار لو سمحت قال لي تمام قولت ليه تمام بس امي جوه قال لي كويس اطلعي طلعت وصلني البوابه نزلت بسرعه جبت امي وطلعنا ' امي قالت ليه المطار ي ولد قال ليها

عارفو ي حجه 😁قالت ليه الله بسهل عليك استعجل ي ولدي قال ليها سمح يمه اتحرك وطول الطريق القعاد غالبني بعاين للساعه ' م قدرت اصبر اتصلت ل امجد اتأكد اذا مروان لسه معاهو 🥺قال لي قاعد ي زوله وقفل قولت ل بتاع الركشه لو سمحت المطار بعيد قال لي قربنا عندكم زول مسافر لاحقنو؟قولت ليه اي ' قال لي قربنا 'امي قالت لي اتصلي ل خالتك سيده ي بت قولت ليها يمه عليك الله اتناسي الموضوع ده خليني انزل الحمل العلي ده اول ' المهم وصلنا واول م نزلنا اتصلت ل امجد قولت ليه احنا فالمدخل بتاع المطار انت وين قال لي وصلتو بالسرعه دي كدي جاي عليكم قفل وانا الصبر غالبني بعاين يمين شمال بفتش فيهم 'امي قالت مطار ينسيك همومك عاد ي رزان ان شاءالله الرحله الجايه حقتك بركة الله ي بتي عانيتي كتير 🥺 قبل ارد ليها تلفوني رن رديت بسرعه كان امجد قال لي ديل انتو الجمب الظلط قبلت وراي بحركه سريعه وبي لهفه شوفت امجد جاي براهو قلبي بقى يدق بسرعه م خليتو يصلنا مشيت عليه بسرعه قولت ليه وين مروان قال لي انتي ي بت الناس قصتك معاهو شنو احكي لي مالكم؟ قولت ليه وانا مرتبكه كذبت علي يعني 😔 سافر صح؟ مسك ايدي وامي جات علينا قالت ليه وينو مروان ي ولد قال ليها انتي كمان يعني ؟ قصتكم شنو انتو في شنو ي امي قالت ليه احيي ي امجد اكان عرفت العملو عسجد وريم اختك ف رزان تمسخ الدنيا عليك ' اطرفت منهم وقلبي مكسور يعني امجد كذب علينا ' امي حكت ليه الحصل كلو انهار شديد واعصابو اتكثفت وهو ببلّع ف ريقو وعيونو مليانه دموع ' قال وهو منهار: ريم دي انا من زمان ي امي بقول ليك الانسانه دي فارغه كنت حاسي انو وراها قصه واقسم بالله حسيت ح تعمل حاجه غلط ' عسجد م اني كنت بحبها بس فجاءه طلعت من نفسي تاريها كلبه وواطيه ' مسح دموعو وهو مقهور ومتضايق شديد قال لي ساكته عن الحقيقه دي ليك كم من الزمن؟ قولت ليه عرفت من اربعه يوم بس م اتوقعت ي امجد 😥🥺شايف النفوس بقت وسخانه كيف؟ سكت وعيونو محمره قال لي مروان م جاب لي سيره؟ قولت ليه م حب يخرب معاك ويفتن بيناتنا نفسي كان اعتزر ليه 💔 اخد ليه صنه كده قال لي قاعد جوه الزول ده منتظر ' قولت ليه بسرعه انت م بتمزح صح قال لي وهو مقهور جوه قولت ليك ' خليتو واقف مع امي اتحركت بسرعه ومشيت علي المدخل بتاع المطار ب قلب داقي ' قبل اخش جوه جاني صوتو بقول لي رزان ' وقفت وانا مغمضه وخاته ايدي ف قلبي اخدت ربع ساعه حتى اتلفتا ' اول مره اشوفو ب صوره محسنه وب لهف كان لابس بنطلون اسود مع جكت جنز وفنيله سوداء و اسبورت ابيض وشال فالرقبه +نضارات سوداء 'حسيت روحي اول مره اشوفو' شداني ليه الحنين وقلبي رناتو شتت عقلي ' م قادره اوصف ليكم الاحساس بس حسيت ب راحه وانشراح ل شوفتو م طبيعيه عكس احاسيسي الزمان شوفتو انسان مختلف تماماً شكلياً وفكرياً ' غلبني التعبير طلع النظارات وعيونا لأول مره تجتمع مع بعض ل مسافه طويله ومن غير رمش الصاله كانت شبه فاضيه مشيت عليه وانا خجلانه من اخر موقف جمعنا م عارفه ح اعتزر ليه كيف خايفه يحرجني وم يسامحني اول م وصلتو كان صاري وشو حسيت بيه م طايقني 😢 م فتح خشمو معاي طلع تلفونو واتصل نظام م عندو وقت ' معقوله م قدر اجتهادي والمسافه القطعتا عشانو 😥ليه الحق م يهتم 💔 م عرفت ابدا ليه من وين لما شافني وقفت كتير قال لي اتفضلي كنت بشبك ايدي وانا متوتره قولت ليه م عارفه ابدا ليك من وين ممكن تسامحني؟ طلع النضاره ختاها ف جيبو وصلح لحيتو ب عدم اهتمام قال لي اسامحك؟ قولت ليه الحصل كان مخطط ي مروان ' عسجد هي السبب هي الدربت المكايد كلها وخلتني اتهمك قال لي وبعدين قولت ليه ياريت تسامحني ' صح انا اتهورت وانفعلت والمفروض اتفهمك بس انت عارف نفسايتي ياداب بدت تتحسن وعلي حسب كلامك الاخير معاي انك احتفلت ب انفصالي ربطا الاحداث مع بعض وقطعت الشك باليقين انك انت عملتا كان مربع ايدو يعاين فيني وحاجبو مقرونه قولت ليه وانا حاسه بالقهر والحسره صدقتها للاسف قال لي طيب ممكن سؤال واحد بس قولت ليه بسرعه ممكن ايوه قال لي شنو البأكد ليك انو انا بريئ يمكن فعلاً عملتها اا عاينت ليه وانا مكسوره قال لي يعني جايه تعتزري بمجرد م عرفتي انو الموضوع مخطط ليه ؟في حين لو في نفس اللحظه بررت ليك بكل معاني ومفردات العالم م كان ح تصدقيني ' بس لما جات على هواك جايه تعتزري صح؟ قولت ليه مروان الله يرضى عليك اعفي لي واقسم بالله انا في نفس اللحظه كنت مقهوره وبفتش ل سبب عشان اتفش قال لي ب صوت غاضب ولقيتني انا الحل المثالي ليك صح قولت ليه ابداً والله انا بحترمك ضحك وهو مقبل وشو مني ' انكسرت قولت ليه بإمكانك م تصدق بس انا قطعت المسافه دي كلهت عشان اتخلص من تأنيب الضمير واعتزر ليك بتمنا تسامحني ' قال لي كلنا قطعنا مسافات وم زلنا بنقطعا عشان ننسى الامنا وجروحنا تشفى بعدين تعتزري لي نسيتي اني ود حرا* 'عاينت ليه ب استفهامات قولت ليه كيف يعني م فهمت قال لي ي زوله نسيتي خلاص!؟ قولت ليه بالجد م فاهماك ابتسم قال لي

انسي ي زوله قولت ليه لا م بنسى قال لي راحتك +انا كمان بعتزر منك لان حاولت اخش حياتك بالقوه ياريت تعفي لي كلنا بنغلط وغلطي اكبر من غلطك ' وبالمناسبه م تفتكري لغيت الرحله عشانك لان انا م عندي علم ب جيتك من الاساس وحتى لو كنت عارف مستحيل الغيها عشانك عندي ظروف خلتني الغيها لبس نضاراتو قال لي الفكرك م حقرك شكراً ل قدومك ' بلعت ريقي ودموعي جاريه قال لي حبيتك ي بت الناس م ح كذب عليك بس م قدرتي ولا حسيتي ولا قيمتي بس اطمنك ح تعيشي بسعاده مع البتشوفي راجل لاني ود حرا* واشباه الرجال 😊 كلامو جاني زي طعنات السكين ف قلبي يعني ماف مجال للعفو 🥺😔💔بس بالجد انا جرحتو ب كلامي لكن م قللت من قيمتو للدرجه يشوف نفسو خايب انا بس عبرت عن زعلي زي اي بت ممكن تتخت فالموقف م نبزتو ولا قولت كلمه قبيحه تخليهو يقنع مني للاخر طيب لي م شاف غلط عسجد 😔 '
-----------------------
مروان:
مشيت منها وانا متضايق ضيق شديد ' جايه بكل استفزاز وحقاره قالت بعتزر قال 😒🙁 بالجد الانسانه دي عجيبه وم بتستحي ' فاكراني ح اقبل اعتزارها ببساطه واحضنا علي وانا ببكي اقول ليها منتظر اللحظه دي من زمان واخيراً بس للاسف. ده كان زمان مافي مجال للعواطف دي لان الكسره الكسرتيها لي م بتتغفر نهاي ' مستحيل اكون خيار اخير ' ومستحيل قلبي يحن على واحده قللت من رجولتي (في اخر رساله ليها قالت اشباه الراجل وود حرا*)مستحيل انسى الكلمتين دي لو اموت ' الراجل بقدر المره وبحترما من تلاتا خصال حفظ لسانها واحترامها وحجابها بس هي لا احترمتني ولا حفظت لسانا في انو تجرحني 💔
لغيت الرحله لان الوالده اعترضت اسافر من غير م اشوفا فكان لازم اخد رضاها ☺️ولما امجد قابلني وكلمني انو رزان محتاجه تقابلني ضروري الصراحه م اهتميت بس كان عندي فضول ليس الا 😌...
------------------------
قبل ارجع ناس امي بكيت كفايتي لمن حسيت دموعي خلصت حتى غسلت وشي ' م بقدر امش ليهم وانا مكسوره يكفيهم الحزن الهم فيه انا زاتي اكتفيت خلاص ' بس قلبي واجعني على حاجه واحده نفسي اعرف عسجد قالت ليه شنو عني خلاهو يفتكر نفسو خايب ف نظري 😥مستحيل انا اكون فلتا وقولتا ليه بالغلط كنت وازنه كلامي ومتاكده تماماً م قولتها ' م بقدر ارتاح وهو شايفني ب نظره سلبيه ضروري جدا ابرئ نفسي حتى لو م ح يسامحني ' بس صورتي م تتشوه ف نظرو انا مستحيل اقلل من رجولتو لو مهما كان 'سرحت مسافه وانا موجوعه ' عسجد هي العملت الفتنه دي وهي الوحيده اللي ح تصلحا فكان لازم اتصل ليها 😒..
--------------------
في اليوم التاني:
طبعاً كلنا كنا في فندق واحد انا وامجد ومروان وامي بس كل اتنين في غرفه ' انا وامي كنا في غرفه منفصله الليل كلو م قدرت انوم قمت الليل وانا داعيه الله يصلح حالي ويحلني من المشاكل لان حرفياً وصلت اخر مرحله من القهر النفسي المهم زي الساعه 5ونص ص بعد م صلينا الصبح انا وامي امجد اتصل لي قال لي اديه امي كنت متقلقه بعد خلصت كلاما قالت لي قومي ي بت البسي قولت ليها ح نمش وين وفي شنو؟ قالت لي...
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*

*#وإليك~المُشتكى 《21》*
*#♡الاخــــــــــــــــــــــــــــــــــــــــيرة♡*
*#بقلمي~مريم~حسين*
*☆ــــــــــــــ☆»»»»»»»»»»»»♡ــــــــــــــــ♡*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لاحول ولا قوة الا بالله البيت ده بهدلو كده منو ي ابراهيم؟؟
قال ليها كلمتك من المره الفاتت ي سيده انا زاتي م عارف من الاسبوع الفات البيت ده قابلني بالشكل ده ' سيده كانت مصدومه ترفع فالحاجات ب حسره ووجعه ' عسجد اتطرفت وهي مقهوره ' امها رفعت مزهريه مكسوره قالت ب حسره المزهريه دي هديه محافظه عليها اكتر من 20سنه 😭الله يقطع ايدين العمل العمله دي بركة الله شاحده ربي عليه ' لي بس الاذيه دي قبلت ل ابراهيم قالت ليه وانت من الوقت داك لي م فهمتني بالبهدله دي ااا كنت وين لحد م الناس خشو وكسرو البيت بالشكل ده ي ابراهيم؟ وين كنت قال ليها ي مره وطي صوتك ده عليك الله انا البعرفني شنو ح يحصل كده مفروض تحمدي ربك وقفت على كده م نهبو البيت ' اصلا دي عمله مقصوده 🙁قعدت طرف السرير تهرج وهي ماسكه المزهريه 'عسجد اتحركت منهم خشت جوه وقفلت الباب وراها ب انهيار ' ملصت الطرحه واترزعت فالسرير على لسانه:
يعني كده خلاص رزان غلبتني وممكن مروان يتفهما واطلع انا الخاينه واشيل وش القباحه 😢وبكده مروان م ح يفكر فيني واحتمال يكرهني واخسرو 💔كيف ح اطلع من الورطه دي لان مستحيل اسمح ل رزان تتغلب علي استحاله مروان مخلوق لي عسجد وعسجد مخلوقه ل مروان' شلت تلفوني بسرعه اتصلت ل مروان م خش معاي ' مرقت ل امي بره لقيتا ترفع فالحاجات ب زعله وتهرج ' عاينت للصاله القاعده فيها امي الصراحه مبهدله شديد واغلب الاغراض الثمينه حطمتها عشانك ي مروان عشان بحبك ومستعده اعمل اكتر من كده بس انت م بتحس لانك حيوان وم بتفكر الا فالحيوانات ☹️
امي قبلت علي قالت لي ب صوت ناهر واقفه ليها شنو انتي ولا عاجبك المنظر ده اا اتحركي شوفي ليك اي مصيبه نضفي العفن والخرابه دي قولت ليها ' الفيني مكفيني م ناقصه صداع ومرض خلي البت البتنضف ليك تنضفو قولت كلامي ده وشلت تلفونا خليتا تهرج م اهتميت بيها كتير خشيت جوه وقفلت الباب وراي ' اول م خشيت فتشت رقمو اتصلت ليه بس بطلع طوالي وهنا عرفت انو تلفونو مقفول او في مشكله في الشبكه ' خشيت ليه واتس اداني هذا المستخدم غير متوفر علي الواتساب ' معقوله يكون غير شريحتو 😢 خشيت الفيس بوك بسرعه ' جبت الاكاونت بتاعو والحمدالله لقيتو منشط 😭😪 اترددت ارسل ليه خفت الحقيره رزان تكون كلمتو عني ' اتدهورت وكل شويه والتانيه بفتح الاكاونت وبتردد ارسل ليه ، اخر شي رسلت ليه كيفك مروان وقفلت الشبكه ' م عارفه ردو ح يكون شنو بس في كل الاحوال م بسمح ليه يقلب الطاوله علي غصباً عن عنو ح يكون ملكي ''
-------------------------
طبعاً لما امجد اتكلم مع امي قال ليها نمشي عند ناس مروان نقعد معاهم يومين تلاته لحد م برنامج الكوره بتاعو يخلص 'فالبدايه اعترضت بس امي اصرت نمشي لان امجد رفض نرجع البيت ونقعد برانا المهم اتحركنا ل ولايتهم والطريق كان كعب شديد من السيول وصلنا متأخرين نسبةً ل إعاقة الطريق
اول م وصلنا ' مروان كان معانا طبعاً' قعدنا في مقهى كده قال ح يجيب عربيه وراجع 'امي قالت ليو م تتأخر ي مروان جمبتي دي واجعاني شديد والله فترت من القعاد 😣قال ليها لالا م بتأخر ' قال كلامو ده وفات مشى ' بعد مشى قولت ل امي حاسه بيه م مرتاح ل جيتنا معاهو 😒قالت لي ي بت بطلي تألفي كلام من راسك ' من طلعنا البص

الوقت كلو يتفقدنا م مرتاح كيفن 'قولت ليها نظراتو ي امي م شايفاها قالت لي ' ده كومكم الاتنين يمكن عشان متحسس منك ' انتي م وضحتي ليه سؤ الفهم؟ قولت ليها رفض يتفهمني واتخيلي ي ماما قال انا قولت ليه ود حرا* في حين واقسم بالله انا متاكده تماماً م اتلفظت معاهو ولا قللت من قيمتو بس ماخد موقف صارم من الكلام ده بالرغم من انو والله والله ي امي م قولت كده ولا بتجرأ بقول كده اساساً 😔قالت لي انا من امس قولتلك تتصلي لي خالتك سيده بس مكاره وده المغطس حجرك 😒قولت ليها فهمتو وحاولت اقنعو بس رفض م كان طايقاني 😞 قالت لي اتصلي ل خالتك ي بت خلي النضم الكتير المشكله دي زولاً يحلها غير عسجد ماف اتصلي ل خالتك اسي ده انا بفتفت ليها الموضوع ده م ممكن يشوفك ب وش القباحه وانتي بريئه قولت ليها بكسره خليها ي امي لو عايز يصدق كان صدق قبل ترد لي ' جاني صوت مروان بقول ' جبت العربيه ي خالتو ودنقر شال الشنطه كانت جمبي قال لي صلحي طرحتك ' ختيت ايدي ف راسي شعري كان بره صلحت الطرحه وقبلت منو ' شال الشنط ومشى وامي وراهو ' سرحت وانا مقهوره ' م عارفه لمتين ح افضل اتعذب كده ' م عايزه اكون حمل ثقيل على زول ولا عايزاهو يختنق ب شوفتي 😓ونا قاعده مقهوره جاني راجع قال لي عندك زول منتظراهو ' قالها لي ب استفزاز طبعاً عاينت ليه ب قهر وضيق قبل اتكلم قال لي ' م اي شي بنشوف نفسنا فيه بعدين انتي م ماشه بيتي عشان تتكبري قال كلامو ده ومشى ب وش غاضب ' رفعت شنطتي ومشيت وراهو من غير م ادي اعتبار ل كلامو م عندي طاقه للمجاكره نهاي خلي يشوفني زي م عايز عملت العلي كلو عشان اعتزر ليه بس معند تاني م ح كلف نفسي تجاهو ولا ب اي شكل ' وصلت التكسي لقيت الباب مفتوح طلعت ورزعت الباب وراي ' هو كان قدام قبل عاين لي ب ضيق قال ل امي مرتاحه ي خالتو قالت لي ايا مرتاحه بس نصل متين من الارهاق ده قال ليها نص ساعه بس ☺️تعبتي الليله قال ليو ايا والله تعبنا رزان من قبيل تشكي من الصداع قبل راسو وغير الموضوع ' هنا اتأكدت انو كرهني للاخر 💔... فضل يتونس مع امي لحد م وصلنا ' اول م التكسي وقف نزل وفتح الباب ل امي ونزل الشنط ' نزلت ورا امي وجيت اشيل الشنطه حقتي قال لي خليها 🙁فمشيت طوالي ' خالتو بدريه استقبلتنا ب ترحاب وفرحه مكان تختنا م عرفت ' امي اول م سلمت ليها رقدت طوالي من الفتر ' قالت لي مروان قال البص اتعطلت قولت ليها ايوه صح الطريق كعب كان ' قالت لي كيفك انتي ي رزان لومنا معاكم كل يوم اقول اجيكم لكن الله م اراد ' قولت ليها النيه واصله ' حسيت بيها عايزه تفتح لي موضوع عرسي وانا م عندي طاقه اتجاوب معاها فقمت على حيلي قولت ليها ماشه الحمام قالت لي اخدي راحتك حبيبتي ' وقامت وراي مشت على المطبخ' ....
بعد المغرب وبعد م اكلنا خالتو بدريه لمت عدة الجبنه قالت ل امي شايفاك بتحبيها علي الفحم اكتر امي كانت راقده قالت ليها والله كلو ماشي ي بدريه 'قالت ليها قولي لي هو في زمن للفحم 😄قالت ليها مع الجري والمشغوليه انا زاتي م بتذكر اخر مره شربتها متين خاصه اخر فتره دي قالت ليها ايا والله م شوفتي وجعنا كيف وعاينت لي ب حسره ' قالت ل امي وين ريم ي ستنا مالا م جات معاكم؟ سكتت وهي بتمشي ايدا فالمخده بعد مسافه قالت ليها ريم فالداخليه والله جات وسافرت قالت الله يوفقها مجتهده شايفاها هي وعسجد كيفهم عليك الله؟ سيده اتكلمتا معاها امس لكن م قالت لي جاين ' قولت ليها والله ي بدريه جيتنا دي زاتا م مخططين ليها بس عشان امجد عندو برنامج كوره ف بورسودان قال نجيكم ب جاي يومين تلاته نغير جو علي بال م يرجع قالت ليها حيي امجد ولدي الله يخليهو يارب الفكرك م حقرك والله م شوفتي فرحتوني قدر شنو 🥺 وفضلو يتونسو ' بس انا كنت مدبرسه ' استئذنت منهم قولت ل امي ' يمه ح امشي البقاله عايزه رصيد' خالتو بدريه قالت لي خلي اكلم ليك مروان يجيبو ليك حبيبه قولت ليها لالا م تكلفيه بمش اجيبو انا 😊قالت لي سمح حبيبتي ' خشيت جوه لبست عبايتي ومرقت ' يمكن عشان طولت منهم الشوارع بقت لي غريبه ' وقفت فالباب مسافه وانا بقرا الشوارع ' اخرتا اتوكلت ومشيت'
------------------------
مروان:
وانا راجع من المسجد شوفتها متجهه على النادي ' اتضايقت شديد م انو شايلها من حساباتي بس في حاجه وقفت لي نص قلبي خلتني اتضايق وانقهر حاولت م اديها اعتبار بس م قدرت ' طيب عندها شنو شارع النادي شاارع كلو اولاد ولي تطلع اصلاً من غير علمي' ولا عايزه تستفزني مثلاً؟ اترددت امشي وراها بس قلبي م سمح لي ' خاصه وانو اختفت تماماً 'مشيت بنفس الشارع السارت فيه م كان ليها اثر اتضايقت شديد واعصابي اتكثفت ' انتظرتها مسافه على نفس الشارع وكل شويه والتانيه بطاوق ح تطلع من وين ' بعد انتظار طويل حتى شوفتها جايه ' وفي ولد ماشي وراها ' هنا م قدرت امسك نفسي من الغضب فحصلتها قبل تصلني ومن غير مقدمات جريتا من ايدا وانا بعاين للولد ب غضب شديد' م انتظر اتكلم معاهو سرع خطواتو ولف' فكت ايدا مني ب ضيق ' وفضلت اعاين

فيها ب عصبيه بس لساني تقل' وهي زاتا م نضمت معاي ' اتحركت مشت ' جيت وراها واعصابي وصلت الحد ' حصلتها تاني ومن غير م المسا قولت ليها جايه عشان تلفي وتتموضعي صح؟ وقفت والضيق اتضح ف وشها قالت لي اذا انت شايفني بالنظره دي فما ح ابرر ليك ودخلك شنو اصلا ' مسكتا من ايدا ب عصبيه وغضب شديد قولت ليها م تتنهري فوقي فاهمه انا م عندي دخل فيك اوعك تتفرعني لي ' فكت ايدا مني ب ضيق قالت لي ' احترم الشارع عندك اي حاجه واجهني فالبيت '
بلسان رزان: كان بحمر لي شديد خلاني واقفه سبقني وكان غضبان ب كلو وصل البيت ورزع الباب ب كل قوتو' انسان غريب جداً اذا هو م عندو لي حاجه وكارهني لي يتحشر ف حياتي ' اول م وصلت البيت سامعاهو بنق مع امي وخالتي كيف اطلع بالليل ' خالتي بدريه قالت ليه مشت تجيب رصيد ي مروان قول بسم الله' قال ليها ب عصبيه رصيد ولا زفت ي امي تطلع مع المغارب لي وانا قاعد ولا شايفاني باطل وم يستحق تكلمني ' امو قامت على حيلا قالت ليو ب ضيق مروان جنيت انت ده كلام شنو البتقولو ده عيب عليك ' قال ليها يخ نحنا اي شي عارفنو ي امي وعارفين نظرة الناس لينا احنا الما بقيمنا م بنقيمو ويشوف ليه درب تاني بس ' خالتو كانت متحسسه شديد وامي زعلت منو ' بقيت ابكي ب وجعه وانهيار ' قولت ليه ' ياداب شخصيتك ظهرت لي انت انسان م عندك ثقه ف نفسك ودي الشي المخليني 😑م تميت كلامي جراني من ايدي ب عصبيه وامي وخالتي اتهجمو ' قال لي وعيونو مقلعه مخليكي م تعترفي بي صح ' ولا انا ح اعترف بيك ويكون ب معلومك لو بقيتي اخر بت م بفكر فيك وزفاني شديد جيت واقعه جمب امو' ضمتني عليها شديد وهي بتشاكل فيه ب عصبيه م رد ليها اداها ضهرو وطلع' خالتي فضلت تعتزر لي وهي بتبكي قالت لي والله دي م شخصيتو م عارفه الحصل ليه شنو ي بدريه 😭 تصرفاتو اتغيرت وبقى حدودي للاخر لدرجه كان ح يسافر من غير م يودعني ولدي م براهو عليكم الله م تأخذوهو ' امي م قدرت تمسك الكلام طوالي حكت ليها اي شي من الالف للياء ' اتصدمت شديد والحديث طال فالموضوع' انا من الوجعه الفيني م اديت للموضوع اعتبار قمت منهم وانا منهاره ببكي خشيت جوه اتصلت ل امجد وانا ببكي قولت ليه م ح ابيت اليوم ده معاهم ' قال لي اديه امي وديت ليها التلفون ومشيت منهم وفضلت ابكي ب قهر والم شديد كرهت حياتي خلاص بقيت م طايقه وجودي فالحياه ' نفسي اعرف عملت شنو عشان اتجازى بالمحن دي 😭...
----------------------------------
عسجد:
فتحت الشبكه وخشيت الاكاونت بتاعو بس م رد لي 🙁 قبل م ارسل ليه امي جات علي وهي بتتكلم بالتلفون وتعاين فيني ' م ركزت معاها لان همي الوحيد رد مروان المغفل ده بس م رد لي الحقير ' مشغول وين ومع منو غالبك تطلع على رسالتي يعني كل مره بتخليني اكرهك اكتر واكتر بس برضو م بخليك ل رزان مضره بس ☹️... وانا رافعه تلفوني كده جاني كف من حيث لا ادري اتهجمت قبلت كانت امي ' قولت ليها وانا خاته ايدي ف وشي ' امي ضربتيني 😢 جرتني من قميصي قالت لي وهي متضايقه وح اضربك تاني ي كلبه ي معفنه ' فاتنه البت مع مروان ليي ' الحقد ده ورثتي من منو ي وسخه اا البت لسه م اتجاوزت صدمتا الاولى وانتي ب كل حقد وعدم مرعاة تمشي تتفتنيها مع مروان ' اذتك ف شنو رزان ' دموعي جرت وانا بعاين فيها ب حرقة قلب قالت لي بسببك مروان ماخد فكره سيئه عنها مخلوقه من شنو انتي؟
م عندك ضمير ولا م عندك قلب اا رزان بت خالتك ي حيوانه يعني اختك من لحمك ودمك قولت ليها وانا ببكي ضاربني عشانا يعني ؟ ااا تضربيني عشان الحقيره الاسمها رزان دي 🤬 ادتني ضربه ف خشمي قالت لي وهي مقلعه لي عيونا يميناً بالله اقطع جلدك حته حته ي م مربيه نزلتي راسي مع الحريم الله يقرفك ياخ ' م بتخجلي انتي اا بدل تراجعي نفسك وتعتزري لسه الحقد مسيطر فيك تربتك شنو انتي' قولت ليها ب صوت غاضب اخجل من شنو اذا اختها بت امها وابوها حبت خطيبا وعامله معاهو علاقه انا منو عشان اخجل وريني ' نزلت ايدا ب صدمه قولت ليها ريم الطلعت معاها من رحم واحد م استحت تخونا مع خطيبا وقفت علي انا؟ ادتني كف لمن جيت واقعه فالسرير قالت لي بصوت متحسر ' خجلت انا 😥😣واقسم بالله خجلت انا ' اذا انتي شايفه العملتي فلاحه الله يوفقك وانتو الاتنين ح تلقو نصيبكم من العملتو يمهل ولا يهمل م ح ادعيك لان للاسف المؤسف امك انا 😣قالت كلاما ده ومشت مني ' بكيت كفايتي م انو انهزمت خلاص وحقيقتي اصبحت مكشوفه بس لسه م قادره اتصالح مع نفسي عالحقيقه دي مستحيل استسلم ليك ي رزان 😭''
--------------------------------
رزان:
الصباح بدري وقبل تشرق صليت وطلعت ' اخدت القرار ده من امس انو بعد العملو ده م افضل عندو ولا ثانيه ' م مجبور علي ولا انا مجبوره اقعد معاهم ' طلعت وخليت ل امي رساله انو ح اشوف حياتي بعدا ده لان حرفياً كرهت وجودي مع العالم المحيط بي ' م قادره استقر نهاي يومياً مشاكل ومحن وصراعات والم واوجاع كفايه خلاص تعبت واكتر من كده م بقدر ' مرقت وانا م عارفه نفسي ح امش وين المهم

مرقت بس ومحل الله يوديني راضيه لان ده اخر خيار'
----------------
مروان:
من امس م قادر انوم وانا مقهور ومنهار شديد م عارف اذا تصرفي الامس صح وبرهن ليها شخصيتي او تهور متسرع 🙁حبيتك ي رزان بس م قدرتي وطلعتيني وقح وفوقا م مسترجل عشان كده ح افضل اكرهك ومستحيل احبك تاني 'م قادر اطيق القعده معاها اكتر ف اتصلت ل احمد يشوف لي موعد الرحله متين بس م رد لي 💔 وانا قاعد متمحن كده جاني صوت بكى من بره ' ختيت التلفون ومرقت بسرعه' لقيت خالتي ستنا حاضنه عليها ظرف وبتبكي ب حزن ' مشيت عليها وانا بسأل امي مالا' قالت لي وهي مقهوره رزان ي ولدي طلعت من البيت وخلت لينا الرساله دي احيي انا من الوجعه البت دي انتهت من الاوجاع خلاااص 'اتظلمت كتير الله يربط علي قلبها يارب 😔 غير شعورياً خطفت الرساله من خالتي وفضلت اقراها ب قلب داقي وجسم مرتجف ' م تميت القرايه خشيت الصالون ب قلق شلت تلفوني وبسرعه مرقت ' حسيت المشي بقى لي تقيل فما كان في حل غير الجري ' كنت جاري ف شوارع الحي وكل م اشوف زول اسألو منها ب قلق وتوتر '
رزان 😰💔' نفسي كان قايم شديد وقلبي دقاتو مسرعه' معقوله طلعت عشاني ' م ح سامح نفسي 😥 طلعت تلفوني ب رجفه دخلت رقما بس خارج نطاق التقطيه ' لا يارزان م بقدر اعيش من غيرك واقسم بالله ' كل القولتو كان في حالة زعل لانك جرحتيني بس بحبك ولو خشيت تحت الارض م بقدر من دونك لالاالا ورجعت اتصلت ليها تاني وتالت بس مافي رد 😭ارجوك يارب م تعاقبني ب رزان م بقدر اعيش من دونا ' م بقدر والله العظيم ' اتحركت من الحته الانا فيها وانا بلف وبدور وبتصل ف رقما' طيب لي م شاورتيني قبل تطلعي لي م نبهتيني م بقدر اخسرك انا م بقدر
' فضلت ماشي ومره اجري وانا بدعي الله يلمني معاها (يارب ان كانت قريبه فأجمعني بها وان كانت بعيده اصلني اياها برحمتك ياالله) كل م اخطي خطوه بقول الدعاء ب توسل وانا ببكي من غير م ادي اعتبار للناس الحولي فجاءه ومن غير مقدمات بعد وصلت اخر الشارع لمحت لي بت ماشه وشايله معاها شنطه' قولت ب حس مخفي رزان' وسرعت خطواتي وصلتها وقبلتا علي كانت حبيبتي نفسها ااخ يارب 😭اتنازلت عن كبريائي ومبادئي من دون م احس حضنتها علي بكل قواي وانا ببكي وبضمها علي شديد 😭🤧' بعد مسافه حتى سحبت جسمي منها وحضنتها تاني ' رزان 😭 جعلها ربي حقا ' فكيتا وانا بعاين فيها ب ندم اني اذيتا بالكلام والفعل وبسببي كنت ح اخسرها قولت ليها ' ودموعي جاريه' كنتي ح تستنغني عني بالبساطه دي ح اعيش كيف من غيرك وريني' سامع صوت من بعيد قال ' عان الهنود ديل عليك الله ' رجعت خطوتين مني قالت لي وعيونا مليانه دموع' ياداب حسيت ب قيمتي؟ موش كنت كارهاني وم طايق وجودي ' وجيت عايز المسا ' زفتني قالت لي وهي مقهوره اوعك تقرب مني واتحركت عايزه تمشي' وقفت قداما والناس اتجمهرت فينا ' في مره وقفت قالت لي ' خلي البت في حالا ي ود الناس وطلبت من الرجال يتدخلو' م رديت ل اي راي من الجمهور الواقف ' همي كان رزان بس' حاسي نفسي بقيت انسان تاني خالص ' كل م تجي عايزه تمش بقيف قداما' كانت متضايقه شديد وبتتوسل للناس يبعدوني من طريقا في راجل اتدخل قال لي ي شاب البت دي تقربك' قولت ليه مرتي
🤧قال لي طيب ي ولدنا ب اسلوب كويس اتكلم معاها وحلو مشاكلكم بالهداوه انتو في شارع لو م عارف ' وتصرفك معاها م سليم نهاي عاين الناس دي ملمومه فيكم كيف قولت ليها ب توسل ' رزان اعفي لي عن اي تصرف شين بدر مني ' عارف نفسي اتعصبت بس كنت زعلان منك شديد ' فكرت نفسي كرهتك وح اقدر اعيش من غيرك بس اقسم بالله مجرد م شوفت رسالتك جنيت رسمي وده دليل على اني لسه بحبك وم بقدر اعيش من غيرك 🥺وفي اللحظه دي ح اقطع ليك وعد انو اشيلك في عيني الاتنين ونفسي مناي الزمان انو اعيشك في سعاده ح احققو ليك' رزان من غير استحاء وقدام العالم ده كلو بقولها ليك م بقدر اعيش من دونك 🥺من دونك م بقدر فاهمه دونك م بقدر' هنا الاولاد كلهم بدو يصفرو ويكوركو ' في واحد وراي قال بوليود مباشر ي صحبي 🤣 ' رزان دموعا كانت عشره عشره في بت جات قالت ليها م بعرفك ي بت بس الح اقولو ليك مستحيل بت تانيه تقولو ليك صدقيني انتي محظوظه جداً 'كونك لقيتي راجل في الزمن ده يجري وراك وفي وسط الناس يعترف ليك ب مشاعرو ف انتي محظوظه جداً ونادر م تلقي شاب صادق في زمنا ده فعشان كده بلساني وب لسان البنات الواقفات ديل كلهم بقولا ليك سامحي وارجعو لبعض م ح تندمي'
بلسان رزان:
اخر قرار اتخذتو انو اغادر من الحولي كلهم بس م كنت مرتاحه 😔بس كنت مقتنعا تماماً انو ح اسس نفسي براي ب عزيمتي وقوتي ' بالرغم من انو كان قرار صعب بس رضيت بيه لان اخر خيار فضل لي' ف بعد مروان قاطعني وبقى لي عائق ' وحاسه انو جيتو اتربطت مع مصيري فالتراجع بقى واجب ☺️🙈ويأتيك الجبر من حيث لاتدري ' وفي عز زحام الناس فينا مسكت ايدو قولت ليهو' رضيت بيك غدري 🥺❤️.....

مسكني من ايدي كان ح يبوسني فيها بس اتكسف فضحكنا كلنا' بعد مشينا من الناس وقعدنا برانا وكل شويه والتانيه نعاين ل نفسنا ونتبسم قولت ليه ' مالك ؟قال لي مالك انتي ' قولت ليها بتعاين مالك طيب ' خت اصبعو ف شفايفو وعاين للجهه التانيه قولت ليهو' مجنون 😒 ضحك وهو مقبل وشو مني ' قولت ليه كمان تحضني قدام الناس 😕جنيت صح فاكر نفسك وين ؟قال لي م تقفلي خشمك ده مني بحضنم تاني مالك مش حبيبتي رميتو بالعلاقه الصغيره حقتي قولت ليه ' حقار انا زعلانه منك على فكره 🙁 قرب مني قال لي ح نوعد بعض م نجيب سيرة الماضي نهاي فاهمه قولت ليه عسجد اتصلت ليك يعني' قال لي رزان 😐😡 قولت ليه لازم اوضح ليك النقطه الكنت خارب بيها وش معاي' وانت ح توعدني تقول الحقيقه' قال لي مصره تعيدي الشريط يعني قولت ليهو مروان الكلام ده اثر فيك كتير وطالما اتصالحنا يبقي لازم. نحسمو. انا متين قولت ليك م راجل وود حرا*'قال لي ياخ اقفلي الموضوع ده ' قولت ليه لا النقطه دي توضح وح نقفل الموضوع ده للاخر ' سكت مسافه قال لي نسيتي رسالتك ي رزان ☹️' قولت ليه رسالة شنو؟قال لي وهو غضبان رسلتيها بالواتس كلها شتايم وإساءه 😒احترت قولت ليه انا م راسلتك واتس نهاي 'طلع تلفونو قال لي انا تلفوني القديم رميتو فالبحر لان كنت متضايق شديد بس ح اعمل استرجاع للرسايل المحذوفه وح وريك ليها لان شكلك ناسيه وقولت ليك نقفل الموضوع بس انتي رافضه م رديت ليه من الاستغراب خليتو بعد م حضرا لي ختيت ايدي ف خشمي ب حيره قولت حسبي الله ونعم الوكيل تحرم علي عيشتي م انا 😭وخطفت منو التلفون وانا بعاين فيها ب صدمه' ودموعي جرت قولت ليه م انا ي مروان. شال التلفون' مسحا قال لي م تحلفي مصدقك ' فضلت ابكي مسافه وانا موجوعه من عسجد الحقيره بالجد البت دي سافله ومريضه 😣 المهم حسمنا الموضوع قال لي خلاص ي رزان ننسى الماضي انتي موافقه تعيشي معاي للابد برضاك ومن دون قيود؟ شوفي انا لحدة اللحظه دي م بغصبك علي اذا عايزه تكملي حياتك براك بنسحب بكل احترام' سكتا مسافه وهو كان بعاين لي 'قولت ليه يعني ح تقدر تعيش من دوني؟قال لي علي حساب راحتك بعصر نفسي اي شي ولا ضيقك قولت ليهو الصراحه قبل تعترف لي ب مشاعرك م كنت مفكره فيك بس فالحظه دي م عايزه حاجه غير تكون معاي ابتسم وسكتنا الاتنين قال لي مجامله صح'قولت ليه لا طبعاً قال لي قولي لي بحبك ي مروان 😁قبلت منو وانا خجلانه قال لي قوليها والا مبصدقك 😏قولت ليه وانا ضايره ضهري منو بحبك ارتحت 🙉 ضحك ب سعاده قال لي وانا بحبك 🙈😁...
رجعنا البيت واحنا متصالحين ومقتنعين تماماً انو سعادتنا ح تكون مبنيه على تواجدنا مع بعض' امي وخالتي كانو مبسوطين شديد ومروان م انتظر ولا ثانيه قال لناس امي ح اعقد ليها بكره' بس اعترضو قالو الا بعد اتحبس ويعملو مراسم الزواج كلها ف بعد اقنعتو حتى وافق ' وفي نفس اليوم وبعد حددنا موعد العقد اتفاجئنا ب جية ريم 😔💔 جاتنا وهي مكسوره تبكي اعتزرت لي ب كل معاني التوسل على قولها: يمكن انا م احسنت اكون ليك اخت شريفه وصديقه لانك م بتستاهلي يكون عندك اخت سافله زي ' م حاقول ليك اعفي لي بس صدقيني فاللحظه دي وكل يوم بمون الف. موته علي الغدر. الغدرتو ليك' جيت اطلب منك السماح لان ضميري انأبني والنوم غلبني ي رزان 🥺اعفي لي وسامحيني وبوعدك م تشوفي وشي تاني لحد م اموت قالت كلاما دي وهي بتبكي امي ضربتا وبهدلتا بس خالتو بدريه طلبت مني اسامحا تحت شعار كلنا بنغلط وخير الخطأون التوابون كان صعب علي اسامحا بس حالتا حننتني وتوسلها خلاني اسامحا لان حسيت بالندم ف عيونا' تاني يوم خالتو ناديه ام معتصم اتصلت ل امي تبكي قالت معتصم عيان وطالب العفو واتكلم معاي ب حسره وندم واصر اسامحو المهم عفى الله عما سلك سامحتحم وريم وكانت حاضره ل مراسم زواجي مع مروان
شاركت معاي فرحتي ب حب ولحدة يوم الزفاف كانت معاي وملازماني ' واخدت الاذن من امي وامجد ح تسافر للداخليه والحمدالله تمت فرحتنا بحضور كل الاهل عدا عسجد م حبيت تكون بعيده وم تشاركني الفرحه ف رسلت ليها صور الزفاف والجرتك 🥰😎😍 ومعاها ريكورد معاي انا ومروان بقول فيه(مرتي وحياتي بحبك ي احلي م املك)
حظرتني من غير م ترد
الكل كان مبسوط وامجد شاركنا فرحتو ب فوزو فالمنتخب 😭كانت احلى ايام تمر علي ف حياتي جبر تعجب منه اهل السموات والارض. 😍😭...

بيت عسجد:
اول م شوفت الرساله فضلت ابكي واكسر البيت ب جنون
الله ينتقم منهم الاتنين ان شاءالله م يتهنو 'امي سمعتني قالت لي لو فضلتي تداعيهم ل بكره بعد السعاده شوفتها ف وشهم دي الا دعاك يرجع ليك ماشاءالله عليهن تبارك الله عسل عسل ده بسبب طهارة قلبهم ونيتهم الصافيه اما انتي طول م بتحقدي عليهن م ح تبطلي صراخ وخوفي ليك من الجنون والله يسعدهم لانهم يستاهلو ❤️

لحظات رومانسيه:
تاني اسبوع من زواجنا وبعد م مروان عزم اصحابو وغديتهم
كنت فالتسريحه بسرح شعري 😌حسيت ب لمسات ايد في كتفي'قبلت لقيتو مرواني 🙈خطف مني المشط وبدا يسرح لي شعري وايدو التانيه ف خدي قال'م بشبع منك عارفاني وقومني من التسريحه شال ايدي ختاها لي ف ضهرو ب ورا وشداني عليه من خصري قال لي وهو بمشي ايدو ف وشي بحبك فاهمه 😕قولت ليه مروان جنيت المتابعين ح يشوفونا اقفل الباب 🙈🙊مشى بي على الباب وقفلو وحصل الحصل
...❤️❤️❤️
*النهـــــــــــــــــــ❤ـــــاية*

#ود الضرة ( ١)
#بقلم: منى بابكر

مصطفي ود الكباشي متزوج بت عمو فاطمة
عرسوها ليه ساي
غتي قدحك
ما كان بينهم كلام كتير
وهو واحد عند ابوه ورث منو اطيان بالكوم وسعية ما ليها عد
عاشوا مع بعض سنوات مليانة مودة وتقدير ومحبة
بتزيد مع كل يوم بمر
ما حصل واحد فيهم عمل شي ضد رغبة التاني
ول حصل
واحد فيهم ضايق التاني
لا بي كلمة
لا بي سلوك
مصطفي بقي كل الدنيا لي فاطمة
وفاطمة بقت كل الفرح لي مصطفي
عندو منها ولدين
الكبير اسمو المعز
والصغير اسمو معتز
الا الاقدار كان عندها راي في سعادتهم
واستقرارهم
مات مصطفي فجأة
وماتت معاه
الافراح
والضحكة
وماتت معاه كل اللحظات الجميلة
اتلونت الدنيا في حيز فاطمة باللون الاسود
الاولاد كانو لسة صغار
المعز ف تانية مرحلة الاساس
والمعز لسة ف الروضة
امهم فاطمة
رفضت تتزوج تاني
وقالت حالفة
ما ينخت محل الطيارة
كارو
ورفضت تطلع من بيتها
ابوها قال ليها انتي لسة صغيرة
وعيب عليك تقعدي براك
والناس ما بترحمك
لا بترحمني
وبعدين انتي عارفة بيتي واسع
يشيلك انتي ووليداتك
وتكفينا شر النضمي
قالت ليه
اسمعني يابا
انا بيتك ماني مابياه
وياهو اتربيت فيه
وانا الحمد لله ما متوحدة
عندي بدل الراجل اتنين
يمين انا معتز الصغير عندي يملا العين ويكيلها
خلي كمان معاه المعز
انا بدور اربي وليداتي
فوق دار ابوهم
وبي حق ابوهم
والحمد لله
خيرنا كتير
ان شاء الله ابو المعز ربنا يبرد تربتو
ويوسع مرقدو
ما خلانا محتاجين لي شي
كل شي عندنا بالكتير
وبعدين البيت ما بعيد
ان درتنا كل يوم بنجيك
واصلو ما بننقطع منكم
الا جنس كلامك دة تاني ما تجي تقولو لي
وتاني كلام يجيني راجل دة زاتو ما تجي نقولو لي
يمين
انا بعد ابو المعز
ان راجل نازل من السما ما بدخل حياتي
تدور السنين
ويكبرو
الاولاد
وبقو مضرب مثل ف الحلة
ادب وفهم
العندو عشرة ابهات ما
بربوهم زي ما حاجة فاطمة ربتهم
زرعت فيهم
الطيبة
والواجب ومساعدة الغير
لا بتلقاهم ف نادي لا متقعدين ليهم في ناصية شارع
بس الجامع
الزراعة
البيت
مسكو حواشات ابوهم
والسعية زادت واتوسعت
وفتحو ليهم
دكانين في الحلة
مقعدين فيهم اولاد خالتهم
المعز بقي عمرو اتنين عشرين سنة
ومعتز عشرين سنة
الا ما شاء الله
الفهم العندهم والوعي
الرجال ابان دقون ما عندهم
المعز اشتري ليه دفار
وبقي يترحل بيه
ومساعدو في حاجات الحواشات ول ابضعة الدكان
وان في اي مشوار بوديه
يوم بالمساء حاجة فاطمة
جات لقتهم يتونسو
ويضحكو
قعدت معاهم
وقالت ليهم
انتو تتفقو ديمة
بركة الرضعتو حليمة
ما يدخل بينكم لا انس لا جن
وما اشوف فيكم شر
وبركة الليل الامسي والاوقات الخمسة
محل ما تقبلو .تلقوها
مخدرة
لا تنشلو لا تنتلو
يخدر ضراعكم
يملا ايدكم ويعدل طريقكم
واديكم بنات الحلال
اللسعدنكم ويهننكم
يعرفن قيمتكم
ويحترمن ضيفكم
يشيلن اسمكم
ويسدن عرضكم
ويملنكم شفع لمن تتلخبطو في اساميهم
ضحكو عليها
واي واحد انسند فيها بي اتجاه
قالو ليها
اها بعد الدعوات السمحات ديل
اتكلمي دغري عايزة شنو ؟؟؟؟؟؟؟؟؟
عملت روحها زعلانة وقالت ليهم
يعني عشان جيتكم
سمعت ضحكتكم
لقيت قدمي بتتحرك
مشت عليكم
المعز سلم ليها في راسها
وقال ليها قدمك ان شاء الله لي ابو ابراهيم
قالت ليه امين جمعا
معتز قال ليها
رمضان قرب رايكم شنو نمشي التلاتة عمرة رمضان
المعز طوالي ايدو
واتذكرو لما مشو الحج قبل سنتين
برضو التلاتة مع بعض
وبقو يحكو ف المواقف الحصلت ليهم
ويضحكو
حاجة فاطمة زاتها ايدت الفكرة بس ختت ليهم شرط
المعز قال ليها
موافقين قبل نعرفو
قالت ليه بعد نمشي ونجي بالسلامة وبإذن الله انا عايزاك تتزوج
ما اتوقعو امهم تقول الكلام دة
المعز قال ليها
عرس شنو يمة
انا لسة بدري علي
انتي بس قولي زهجتي مني
عايزة تربطيني بي مرة وتنفكي انتي مني
قالت بي جدية
يا ولد انفك شنو
مالي عايزة ارحلك مني
ما اياهو بتقعد معاي
الا انا عايزة اشوف جناك قبل اموت
وان ببقي لي معتز زاتو اكايتو معاك واعرس ليه
الحق حقكم وخير ابوكم راقد والحمد لله ما شايفة في داعي للعطلة
معتز قال ليها
عرسي ساي لي ولدك
لكن انا دة اختي دربي
انا داير اقرا الجامعة
كفاية المعز طلع من سادس
وبعدين انا داير اتفسح حبة ف المجالس
مالك كاتمة علي نفسي بي مرة
ومسؤولية شفع
امو قالت ليه
غايتو انت دة علي كيفك الا المعز دة انا ما بتنازل من عرسو
قال ليها خير
انا من متين بعرف اقول ليك لا
ان قلتي هسي
حرم ما عندي مانع
ضحكت عليه
وقالت ليه
باقي لي حرم دي فوق الفاضية والمقدودة عشان كدة مشتتها ف اليسوي والما يسوي

ضحك وقال ليها
خلاص بعد العمرة تاني بتبقي فوق اامليان
قامت سالتو اذا كان عندو واحدة رامي معاها بالو
قال ليها
انا اصلا الموضوع زاتو ما كنت رامي بالي معاه
البتشوفيه بس انا معاك
قالت ليه
لا حاااااشا
انت البتدور تعرس
وتعيش معاها
انا ان جبتها من السما الاحمر ما عندي مانع
بس اهم شي عندي تكون بنت ناس
وتغهمك
وتقدرك وتسعدك
قال ليها والاهم من دة كلو تقدرك انتي يا ست الحبايب
الا برضو
انتي اختاريها
لانك بتعرفي البنات اكتر مني
حاجة فاطمة اتلفتت لي معتز وقالت ليه
اها انت ساكت مالك
ما تشور علينا بي واحدة
قال ليها بي كل ادب
معليش يمة المرة دي انا ما بقدر افيدكم
دي بي اعتبارها حياة المعز الخاصة
ما بقدر افتي فيها واشرع
انا بس اسالوني من مستلزمات العرس والسوق والضيوف
سكتت منهم
بعد هوززت راسها
ومشت علي سريرها
جاتو بعد يومين وقالت ليه
انا شايفة خنساء بت جواهر اختي مناسبة معاك
قال ليها
انتي لو شايفة كدة مافي شوف بعد شوفك
ولازمن تكون مناسبة معاك انتي
ضحكت وقالت ليه
انا مالي سببي شنو في الموضوع
جواهر اختها عندها تلاتة بنات
اتنين اكبر من خنساء
كبيرتن اكبر من المعز بي سنة ونص
والبعدها في عمر المعز
خنساء احلاهن
الا كمان لميضة ولسانها طويل
ومافي شي بعجبها
المعز كان اتمني لو امو ترشح ليه
واحدة من الاتنين الكبار
هاديات هدوء عجيب
الزول يمشي ليهم ويطلع ما بتسمع ليهم صوت
الا خنساء دي دايما بحرها زايد
وعاجباها روحها شديد
الا قال بما انو امو اختارتها ما بقول لا
وبعدين ف النهاية هي بت اختها
واكيد كل واحدة فيهن عارفة طبع التانية
وبقدرن يعيشن مع بعض في سلام
وغير كدة هو اكيد عندو دورو في البيت
وليه كلام معاها في كل خطوة
تم شهر
جهزوا فيه اجراءات العمرة
وقبل السفر بي اسبوع
مشت حاجة فاطمة لي اختها جواهر
وطلبو منهم يد خنساء
جواهر بقت تزغرد وتبكي من الفرحة
حاجة فاطمة قالت ليها
انتي امشي اساليها الاول
يمكن يكون عندها راي تاني
جواهر قالت ليها
دة كلام شنو يا فاطمة اختي
كلام فيك انتي ول ف المعز
يمين السعيدة في الدنيا تقع فيك انتي ووليداتك
ابو جواهر كان حاضر الكلام وقال ليها
علي بالطلاق
الزيك انتي ولدك
يجوكم ف محلكم ويطلبوكم
وعلي بالطلاق ان قلتو نعقد هسي ما عندنا مانع
قالت ليهم كتر خيركم
الا برضو الاصول اصول
انا برجع ليكم بعد يومين
اعرفو راي البت علي مهلكم
وطلعت
وناس جواهر
بيتهم بقي فاير زي البليلة
وجات ام لسان طويل
وقالت ليهم
انتو كدة ما ختيتو لي قيمة
شنو يعني توافقو
طوالي
زي الما مصدقين
وبعدين
لو هم شايفين روحهم واااو
انحن برضو العزة فينا
ابو جواهر مسكها من كتفها
وقال ليها انا لماضة معاك ما داير
بطلي حركاتك
دي
وان طرتي السما
ما بتلقي زي المعز
ادب واحترام
خلقة واخلاق
وان لي ما مصدقين
اي ما مصدقين بعد طولة لسانك دي تقعي ليك ف راجل هدي ورضي
وانتي زاتك ما مصدقة
فكت يدها ومشت الاوضة التانية
ولمن فيها اخواتها وعقلنها
وهي اصلها ميتة ف المعز
وفي صلاتها تدعي يكون من نصيبها
الا بس كهن الحريم ما بخليها
اها بعد يومين
المعز زاتو جاء
وادوهم الموافقة
وحاجة فاطمة قالت ليهم العرس طوالي بكون ف العيد
هم اصلا بجو بعد العيد بي اسبوع
قالو مافي مانع
قبل ما يطلعو
المعز طلب يقعد مع خنساء
عندو معاها كلام لازم تعرفو وتسمعو
وعلي انفراد
وقال الكلام
وخنساء قربت تقول ليه انا ما عايزاك
الا اتذكرت نصايح اخواتها
وابتسمت وقالت ليه خير
المعز قال ليها
في حاجات لازم تعرفيها وتفهميها وتعملي بيها
عشان انا ما ح اعيدها ليك تاني
اول شي
اخبار بيتكم ما عايزها في بيتنا
ولا اخبار بيتنا القاها في بيتكم
انا ف الحياة
طلعت بي امي ومعتز اخوي
وديل هم عندي كل الدنيا
امي فاطمة دي عندي خط احمر ما برضي فيها الهبشة
لا منك لا من غيرك
واي قرار تقولو بمشي عليك
زي ما بمشي علي انا قبلك
اذا يوم بالغلط
جيتيني وقلتي لي امك قالت ول امك فعلت وتركت
ما تنتظري ردي
تشيلي حاجاتك العندي واهلك من سكات
وما تنتظري مني اني اجي اطيب خاطرك
ولو الظروف اضطرتني لي سفر او غيرو
وغبت من البيت
اي تصرف منك ما مقبول
امي ممكن تحاسبك
وحتي معتز ليه حق اخذ القرار
باختصار كدة
امي ومعتز في كوم لا يقبل الزيادة
وباقي الدنيا دي كلها في كوم
حتي انتي واولادك البجو منك
ولو الظروف خيرتني بينك وبينهم
ما تتوقعي اني اختارك
مكانك ح يكون مع المهملات
دة كل العندي
تاني اي شي ما عدا ذلك
عندي ما مهم وما من الاولويات
لو التزمتي بالكلام دة تاكدي انو ما بتجيك عوجة

وكلنا بنشيلك فوق الراس
وما بتلقي مننا الا كل الخير.والاحترام
وانتي ف البداية لحمي ودمي
وفي النهاية عرضي وح تكوني جزء من حياتي
وواجبي احافظ عليك
واسعدك
واقدرك
خنساء قربت تقول ليه من اولها شروط وقوانين وفلقة راس بي امك واخوك
ياخي في ستين
وعليك يسهل وعلينا يمهل
انا ماني بايرة ليك
ولا فيني عاهة
الا اتذكرت كلام امها واخواتها
قالو ليها اولاد فاطمة ديل امهم دي روحهم ونفسهم
وان غلطانة ما بغلطوها
لو عايزة تكسبيهم
احترميها وما تعاكسيها
وهي اصلا حاجة فاطمة طبيعة حالها مرنة وما متشددة
وكمان فيها روح الفكاهة
والروح المرحة دي معتز ماخد منها الكتير
الا المعز تحس بيه صارم شوية
بس من جواهو طيب شديد
احساس المسؤلية المبكر دة الخلي الصرامة تعرف طريقها ليه
خنساء ابتسمت وقالت ليه
خير ان شاء الله وما بتلقي مني الا الخير
وفي نفسها قالت
اصببببر لي يا ود خالتي
بس اتلم عليك وبعرف شغلي معاك
المعز فهم ما وراء الابتسامة
وقراها بي كل وضوح
قال ليها علي فكرة
لو عندك افكار الحريم بتاعة
بعد تلم في الراجل تمشي علي العجين ما يلخبطو
حاولي شيليها من دماغك
انا في اتنين بس بمشوني ع العجين
امي
وابوي الله يرحمو
حتي معتز اخوي ما بقدر يمشيني علي كيفو
خنساء انهجمت لمن ظهر ف ملامحها
وقالت بسم الله الراجل دة معاه شيطان
غايتو دة امور السحلبة والدحلبة
ما بتمش فيه خالص
الله يعيني عليه
المعز طوالي استاذن ومشي
بعد قال لي امو تقعد معاهن وتشوف المطلوب شنو
لانو هي بتعرف تتفاهم معاهن
قالت ليهم خلاص نحن بنجيكم بعد بكرة
ونديكم قروش بس
انتو اشترو حاجاتكم
والعروس تمشي تشتري حاجاتها
قالت ليهم الدهب والريحة بنجيبن معانا من السعودية
قالو مافي مانع
علي بركة الله
تاني يوم معتز مشي البنك وسحب قروش ما شوية
جاوبوها وزينوها بالحاجات
وحاجة فاطمة ربطت معاهن كم حلاة وبلحة زي العوايد بقولو عشان تحلي حياتهم
وكلمت كل اهلها
انو المساء يجوهن
عشان يمشو يودو
المال لي ناس جواهر
وعشان عارفة اهلها نقناقين
قالت ليهم نحن ان ما ظروف العمرة دي كان مشينا السوق وجبنا حاجاتنا
جواهر وبتها يستاهلن كل شي سمح
الا هسي المعز سلم الدفار لي ابو جواهر عشان يتساعدو بيه في مشاوير السوق
حتي شوية حست بي انو وش الحريم انطلق
وانطلق اكتر بعد شافن كمية القروش المودنهن
يعرسن لي تلاتة انفار ف الحلة
المساء عدي ع خير
وناس حواهر كانو جاهزين
بالعصاير والخبايز والفواكه
والزغاريد بدت
والناس اخر انبساط وفرح
واكتر زول مبسوط العروس
ما عندهم عادة انو العروس تطلع للضيوف
بقولو عشان ما يشيلو نورتها
اها قفلوها جوة اوضة
وجابت ليها دفتر
قدر الدفاتر بتاعة الاحوال الشخصية ف المحكمة
وبدت تكتب في طلباتها
وحاجاتها العايزاهن
تكتب وتكتب وتاخد ليها رقدة
تاااني تتذكر شي تصنقر ف نص السرير
تحلف تقول ممتحنة الجامعة
وبقي مال خنساء حديث الحلة
وقالو المعز خرق عادة الحلة وتاني مافي بت بترضي بي اقل من مال خنساء
غايتو خرب علي وليدات الحلة بالذات ناس رزق اليوم باليوم
حاجة فاطمة رجعت بيتها
ومعاها باقي الاهل يزغردو لمن دخلو البيت
لقت حافظة كبيرة مليانة عصير
وصينية كبيرة فيها كبابي
وتلاتة شيالات
ملانة حلوة بقرة السعودية وبلح
استغربت
لانو هي قبل تطلع وبالجوطة ما فكرت تجهز شي
بس استغرابها ما دام طويل لما شافت معتز وهو بعبي في شيالة رابعة
ومعاه رشا
رشا دي عمرها حداشر سنة
امها بت اعمها لي فاطمة
وبيناتهن مودة كبيرة
وصحبة من هن صغار
ابو رشا اتوفي
وعندها اختين وتلاتة اخوان
وحالهم يحنن
اها حاجة فاطمة واولادها برحموها
وعاملين ليها مرتب ثابت
وكمان مدنها بقرة
تشيل كفايتها من اللبن
والباقي يبيعو ليها وادوها قروشو
كتير بترسل بتها رشا لي فاطمة
عشان تساعدها في اي شغلة
عشان هي ما عندها بنات
برغم انو المعز ومعتز ما مقصرين مع امهم
بدون ما تشعر فاطمة بقت تزغرد وتبكي
ومشت علي رشا
وحضنتها عليها وقالت ليها
الله يفوض بالك
زي ما فوضتي بالي
ويسترك دنيا واخرة زي ما سترتيني مع الحريم التابعاتني
ويكبرك
واديك ود الحلال
وانا اخدمك ف عرسك زي ما خدمتيني
رشا برغم عمرها الصغير بس كانت واعية
قالت ليها
انا برضو بنتك
وما اظن في ام بتشكر بتها علي واجب قامت بيه

والنسوان لسة يزغردن
مشت قدمت ليهن العصير والحلاوة
معتز جاء اتلصق جنب امو وقال ليها
اها ان شاء الله ناس خالتي انيسطوا
قالت ليه ناس خالتك براهم الحلة جت انبسطت
عقبالك يا يمة
اشوفك محنن ومجرتق
للبتسر البال
وتستر الحال
سلم ليها ف راسها وقال ليها

انا لسة بدري علي
لكن بعد عرس المعز
نعرس ليكي انتي اول
مسكتو بي حنية
وجضمتو وقالت ليه خلاص قمت لي جنك طرطشتك
ما عرست وانتو لسة عمي
كمان اعرس وانتو بي شنباتكم
وتاني شي
انا ابوكم
راجل بعدو حرمان
ان بفديني من الموت
معتز قال ليها
انا بس شاحد الكريم اديني مرة تحبني زي حبك لي ابوي دة
حاجة فاطمة عارفها ولدها لايوق
قالت احسن تغير ليه المحطة
قالت ليه ما شاء الله مرات مرات بتكون عاقل
شايفاك مشيت جبت الحلاوة والعصير
قال ليها بي صراحة يمة
الفكرة صاحبتها رشا
بعد انتو طلعتو جات كلمتني
انا طوالي مشيت اقرب سوق وجبت الحلاة والبلح
لقيتها مجهزة الموية الباردة
وكابة فيها السكر
العصير لقيت واحد ف البيت بس ما كتير
قالت ليه بري انا عندي كرتونة عصير
قال ليها والله فتشت لمن عيوني زغللن ما عرفت
قالت ليه انت لكن بتفتش من دون قلب
ما بعرفو الشالو منو
قال ليها
شالو العصار
وداهو للاخدر
وان شفتو بخدر
ضحكت عليه وقالت ليه جن اليابا المعز
النسوان بعد شربن العصير واكلن حلاوتهم
اتسحبن واحدة واحدة
خلن الدار خلا
ما باقي الا رشا
لملمت الكبابي وغسلتهم
وقالت ماشة
الا حاجة فاطمة قالت ليها لا ما بتمشي
انا بتصل لي امك واكلمها انك بايتة معاي
بعد شوية جاء المعز
ومعتز
يتونسو ويضحكو
لحدي ما نامو في سرير امهم
رشا صحت بدري
نضفت المكان
حتي شربت الشاي
ومشت البيت عشان تجهز تمشي المدرسة
المعز قال لي امو
غايتو رشا دي هديتها تجي براها ما مع الناس
قالت ليه والله البت دي انا من صغيرة بريدها وان لي مراد ادخلها جوة قلبي
ما بقدر علي جزاها
معتز قال ان كبيرة حبة كان عرستيها للمعز
المعز قال ليه ما فات شي
عرسها انت
وقبل ما المعز يرد وحاجة فاطمة تعلق علي الكلام
الباب دق وجو داخلين كوم حريم يباركو
باقي اليوم كلو بي نفس المنوال
انفار داخلين
وانفار خارجين
اليوم البعدو كان استعداد للسفر
كانت معاهم رشا لاخر لحظة
ودعتهم
بس ما قدرت تخفي دموعها
حاجة فاطمة زاتها دمعت
وقالت ليها
كلها شهر ينخطف زي البرق
وهو زاتو ترتاحي من غلبتنا حبة

المعز كلم صاحب عربية صغيرة يجيهم
وفعلا جاهم ف المواعيد
ودخلو المطار
الزمن كان لسة فيه ساعتين تاني حتي يدخلو الصالة
مشوا علي الكافتريا قعدو فيها
شربو
شاي
قهوة
شاي
عدت ساعة
وفجاة المعز وشو اتغير وبقي يتحرك يمين وشمال
معتز قال ليه
يا زول مالك
قال ليه في مصيبة حصلت

إلي اللقاء..