*#الساعه_أربعه_ونص《12》*
*#بقلم_نرمين_طه*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يوسف كان واقف بعاين لأبوهو بنظره حاده شديد..

حسين:يوسف.. انت يوسف..

حسين كان عايز يحضن يوسف بس يوسف رجع ل وره خطوتين..
في اللحظه دي حسين بقا ببكي و قعد في الأرض..

حسين:استاهل انا.. استاهل تتعامل معاي كده، بس و الله ي ولدي لو تعرف انا ندمان كيف.. و الله كل يوم بدعي ربنا أنى اشوفكم تاني.. انت و ياسر😭

يوسف كان بعاين ليهُ و واضح انو م متأثر أبداً..

يوسف:انت عايزني أصدق الدراما دي حسي؟؟!.. وين كان قلبك وقت خليتني انا و ولدك في الشارع؟؟ مشيت عرستا و عشتا حياتك و جبتا عيال و انت م عارف عننا حاجه اصلا!! بعد السنين دي كلها جاي تقول و الله حاسي بالذنب و قاعد ادعي ربنا انو اقابلكم.. تقابلنا تعمل بينا شنو؟؟!.. احنا كِبرنا وسط ناس م بنعرفهم..و قضينا حياتنا كلها بنحاول نجيب قروش عشان ناكل.. وين انت كنت؟؟

حسين:انا عارف اني غلطان
يوسف:انت م غلطان.. انت عملتا ال حاجه ال خلتنا نطلع رجال.. لكن أبداً م تتوقع أننا ح نشفع ليك.. لو حسي انا ساعدتك فأنا عملتا كده عشان مرتك و اخواتي.. صح م بعرف عنهم حاجه بس هما م يستاهلو يعيشو في الشارع زينا.. و م ذنبهم انو ابوهم م قادر يبقا راجل و يفتش شغل و يشتغل.. انا متأكد لو م لقيت حل ح تتخلى عنهم زي م عملتا معانا.. بس المره دي انا هنا و م ح اخليك تعمل فيهم كده..

يوسف قال كلامو ده و مشا طوالي و كان زهجان شديد..

اتحرك من هناك و مشا على شارع النيل..
نزل و قعد..
كان في جوطه حولينو و ناس كتار..
قصادو قروب من البنات و الأولاد قاعدين كلهم و فيهم ولد ماسك الجيتار و بغنى..

يوسف اتذكر كيف كان بعزف و بغنى عشان بس يجيب قروش..

كيف كان بشارك في كل المناسبات ال صغيره عشان بس ياخذ كم جنيه ياكل بيهم..

#فلاش_باك :

يوسف كان عمرو ١٤ سنه...

حسين:ح تقعدو مع عمكم هنا.. انا ح اسافر و ارجع اشيلكم

يوسف:يعني مسافر عشان شغل؟؟

حسين:اي.. ياسر أمانه في رقبتك.. أنتبه ليهُ.. طيب؟؟

يوسف:طيب..

حسين أختفى فجأه و م رجع لأكتر من شهر..

يوسف في يوم طلع من الغرفه و كان ماشي على المطبخ سمع عمو و مرتو بتشاكلو..

حامد:عايزاني اعمل شنو يعني اطلع الشفع من البيت؟؟
نسرين:يعني اخوك يختفي و احنا نربي ليهو اولادو ؟؟ ده كلام شنو كمان
حامد:دي امانه في رقبتنا ي زوله
نسرين:ي زول م بعرف امانه و لا بتاع.. اخوك كان عليهُ ديون دفعنا نصها م قلتا حاجه وقتها.. لكن يجي يقول ماشي شغل و تاني لا نلم فيه لا في رقم ليهو اصلا.. دي مصيبه شنو كمان
حامد:اصبري شويه لو م عرفنا نصل ليهو بنتصرف.. امكن حصلت معاهو حاجه لا سمح الله
نسرين:حاجه شنو عليك الله؟ انت عارف اخوك م مسؤل و عارف انو عادي ممكن يرمى اولادو م بفرق معاهو اصلا..

يوسف سمع الكلام ده و دخل الغرفه تاني و كان خايف الكلام ده يطلع صح💔
الشهر اتحول ل ثلاثه شهور و وقتها معاملة مرة عمو اتحولت لمعاملة سيئه جداً..

اتأكد انو ابوهو فعلاً ما ح يجي
و أنو قرر يستسلم و يسيبهم💔

يوسف اخذ اخوهو و م كان عارف وين ممكن يمشي..
بس كان أهون مليون مره من العيشه ال كانو عايشنها ف البيت هناك..

مرت عليهم أيام كانو بنومو في الشارع..
كانو بياكلو بواقي الاكل من المطاعم..

يوسف م كان فارق معاهو نفسو بس كان خايف على اخوهو شديد

قرر يشتغل و يحاول يشد حيلو..
فعلاً كان بشتغل كل حاجه..
كان بشيل التلج في ظهرو و بوصلو السوق و بياخذ قروش على التوصيل
او بنظف المطاعم
و كان بشتغل مع البناين و يشيل ليهم الطوب فوق..

ربنا كان شايف تعبو ده كلو و على حظو ال حلو في واحد وضعو كويس شديد شاف انو انسان نظيف من جوه و قرر يساعدو..

و فعلا وفر ليهو مكان ينوم فيهو هو و اخوهو..
وفر ليهم شغل و كان واقف معاهم لمن كبرو..

يوسف كان شاطر شديد و بسبب تعبو و قرايتو الكتيره جاتو منحه و قدر يسافر و يقره بره
و ياسر اتسهلت ليهو و قره اقتصاد..

بعد يوسف قدر يقيف على رجولو و زي م الراجل داك وقف معاهو هو حاليا بحاول يرد ليهُ الجميل..

متذكرين مدير القسم ال شغال فيهُ يوسف؟؟؟
اسمو مدثر، ده هو الإنسان ال عظيم الوقف مع يوسف و يوسف عشان يرد ليهُ الجميل اشتغل معاهو في القسم و كان بحاول دايماً يثبت نفسو عشان يحسس مدثر انو تعبو م ضاع على الفاضي و انو قدر كل الثقه الكبيره الزرعها فيهو.. ❤️

المقوله ال جايه تنطبق على يوسف تماماً :

"_ممكن الحياه تظلمك
عادي جداً
و ممكن تعيش أيام و انت بتتمني نهايه منصفه لأنك ما بتستاهل كل الحُزن ده
تتمنى لو كنت في حياة غير حياتك الحاليه أو يكون عندك حظ أكبر من كده ب شوية
بس تصحه في يوم و أنت فخور بكل الأنجازات ال قدرتا تحققها رغم كل الصعوبات ال واجهتها..
تقيف و انت رافع راسك لأنك رغم كل شئ قدرتا تواجه و تفوز و تبقا انسان عظيم
و الحقيقه انو لو ما الصعوبات دي ما كنت ح تنجح فأنك تصل للنقطه دي
و انك تكون انسان عظيم كده 🤍".

يوسف اتحرك على بيتو..
اول م دخل فتح النور..
كان بيتو عباره عن شقة في الطابق الثالث في عماره واضح انها حلوه و غاليه..

شقتو كان فاضيه تماماً..
بس فيها كنبه وحده..
و في المطبخ في طربيزه كبيره و في كرسين..

دخل المطبخ شرب مويه و بعدها مشا غرفتو كانت عباره عن سرير كبير و كلها ستاير عشان الضو م يدخل أبداً الغرفه..وقتها الوقت كان صباح بس جوه الغرفه كان ليل..

يوسف رقد و من التعب نام طوالي..

عنده نرمين :

كانت قاعده و سرحانه..فجأه سمعت صوت سمر بتصرخ..

أتلفتت عليها لقته نايمه..

روان صحت مخلوعه و نرمين مشت على سمر و بقت بتحاول تصحيها ..

نرمين:سمر ده كابووس أهدى💔

سمر فتحت عيونها و بقت تبكي و تصرخ بصوت أعلى..

روان بقت حاضناها و بتبكي معاها..

نرمين:سمر و الله ده كابوس قولى بسم الله 💔
سمر:م كابوس ي نرمين.. م كابوس 😭انا راقده هِنا و م عارفه منو قتل رامي.. يعني حسي القتلو مبسوط و عايش حياتو و انا هِنا نايمه.. انا حاسه راسي ح ينفجر.. حبيبي مات كيف و ليه و بسبب منو م عارفه.. ضربو كيف و عملو فيهو شنو و عشان شنو ؟؟هل في زول يستاهل يموت كده؟؟ انتو عارفين رامي م بعمل حاجه ل زول.. انا و هو كان مفترض نعرس و نجيب عيال و نفرح.. انا حسي اكمل حياتي كيف و هو ما فيها؟!.. وروني اعمل شنو من غيرو؟؟!.. انا كل يوم لمن اصحه بمسك تلفوني عشان ارسل ليهو لاني بعمل كده دايما و بلقا انو هو الرسل لي أول.. حسي بمسك تلفوني م بلقا منو رساله..اتعود على عدم وجودو كيف وروني؟!.. انا بس عايزه اعرف القتلو منو💔جيبو لي القتلو بس.. عايزه انوم و انا مرتاحه.. عايزه انوم و انا مطمنه انو دمو م ضاع ساي😭

روان و نرمين م عرفو يقولو ل سمر شنو و فضلو بس ساكتين..

و هنا القاعده الثالثه :

" الموت صح بوجع
بس أعتيادنا على وجود الأنسان ده و بعدها أختفائو هو السبب الأساسي البوصلنا للنقطه دي
.."

عنده أحمد :

كان قاعد في القسم و بشتغل شغلو عادي بس جاهو واحد و قال ليهو سيد أحمد عامل مشاكل ف السجن و جايط..

أحمد نزل تحت لقاهو جايط و بصرخ..

احمد:انت قايل نفسك في حفله؟؟ جايط كده مالك؟؟
سيد أحمد:عايز يوسف..
احمد:يوسف شغال عندك صح؟؟ مفروض يجي وقت انتا عايز
سيد احمد:المووضوع مهم شديد..
أحمد:و موضوعك المهم ده عن شنو أن شاء الله
سيد احمد:رامي...
أحمد:....

أحمد مشا مكتبو و كان بفكر شنو ال حاجه المهمه ال ممكن ابو روان يكون بعرفها..
ما كان عايز يضيع فرصه زي دي و ضرب ل يوسف و قال ليهُ كلام ابو روان كلو و فعلاً يوسف قفل و مشا استحمه و لبس و اتحرك على القسم..

عنده حماده :

كان قاعد و بتذكر في حياتو زمان..

#فلاش_باك :

كان عمرو ١٢ سنه..
وقتها كان عايش في بيت العيله الكبير.. كان فيهُ اتنين من عماتو و رجالهم و عيالهم و جدو..

كانو بتعاملو معاهو معامله كعبه شديد..
الوقت داك كان هو يادوب جا السودان و م عارف حاجه عن البلد..
ابوهو كان طبيعي بره البيت بحجة الشغل و هو كان طبيعي في البيت لانو م بعرف زول في البلد لسه..

كان بقعد في الغرفه و بكون ساكت اليوم كلو..
في يوم كان جعان شديد و فتح التلاجه يشوف حاجه ممكن ياكلها...

جات عمتو و بقت تضرب فيهُ و لمن سألوها عن السبب قالت انو كان ح يكسر الصحن في حين انو ما كان بهبش حاجه اصلا..

اخوانو الأكبر منو ما كانو بقعدو معاهو.. صح كانو أكبر منو بس عقلهم كان صغير برضو و الاهل زرعو فيهم فكره انو امهم ماتت بسبب الولد ده💔

" قادرين تتصورو كلام الناس بوصل غيرهم ل وين؟!.."

حماده كان طول اليوم بقفل نفسو في الغرفه لانو عارف لو طلع ي ح يتضرب ي ح يشاكلوهو في حاجه هو ما ليهو ذنب فيها 💔

في يوم طلع من الغرفه عشان يمشي الحمام و كان في حريم كتير في البيت جاين يشربو قهوه و بتاع..

هو جا ماري و كلهم بعاينو ليهوو..
قبل يمشي بدو يتكلمو..

_مقعدين معاكم الولد ال نحس ده في البيت ليه؟؟!..

=غايتو الله يكفيكم شرو.. امو و اختو ماتو و ابو خسر شغلو و قروشو كلها فجأه بعد هو جا.. اكتر من كده نحس ماف

_بقولو الاولاد ال زي ديل بكونو تبع الشياطين

=بسم الله شياطين كيف يعني؟؟

_برى لكن بقولو كده.. عشان كده الناس الحولينهم كلهم يا بموتوو ي بحصل ليهم شى كعب..

=و الله ابوهو ما قعد يعاين في وشو اصلا لانو بتذكر طوالي مرتو الله يرحمه.. كان بحبها شديد💔لكن دي الدنيا نعمل شنو

_انتبهو منو غايتو..م تشوفو شافع كده ساي..

حماده سمع كلامهم و دخل الحمام و بقا ببكي..
رجع غرفتو و تاني كمل بكا..
عاش سنين حياتو و هو بس ببكي..
ما كان عندو اصحاب.. كان بخاف يعمل الغلط عشان بعد يعملو بتعاقب بصوره كبيره شدديد.. كان دايما بحاول يثبت انو انسان كويس و م نحس زي م بقولو و انو ربنا كتب لأمو انها تموت هو ذنبو شنو!!

"_عندنا في السودان من العادات القديمه و السيئه شديد أننا بنطلق على زول كلمه نحس لمجرد انو في ولادتو حصلت حاجه كعبه أو بعد ولادتو العيله اتعرضت لظرف مالي سئ..

الموضوع ده متعب شدديد للطفل، و بدخل الطفل في حالات نفسيه كبيره شديد
لمن نسمعو كلام م بنكون خاتين انو ده طفل صغير م فاهم حاجه و انو ما ليهو دخل و دي حكمة ربنا و ده المكتوب ماف زول ح يغيرو..
للأسف معظم ال مريضين النفسين حسي وصلو للحاله دي بسبب ناس تفكيرهم غبي و ما بعرفو يفرقو بين المفروض يتقال و المفروض ما يفكرو بيهو اصلاً.. "

في الوقت الحالي :

حماده كان بعاين في السقف من غير يردد حاجه المره دي..
م كان قادر يتكلم
م كان قادر يقنع نفسو انو كويس
مرات الإنسان بستسلم عشان تعب.. م عشان الناس بكذبو
بس عشان م قادر يقاوم
عشان مرات الأستسلام بخلينا ننسى التعب ال احنا بنعيشو..

في القسم :

يوسف دخل مكتبو خلا الرجال يجيبو سيد أحمد..

اول م دخل قعد في الكرسي و قال ل يوسف عايز مويه..

يوسف عاين ليهو و كان واضح انو زهجان شديد..
مشا قعد قصاادوو..

يوسف:عايز شنو.. أنجز

سيد أحمد:صدقني ال عايز اقولو ح يكون مفيد ليك شديد

يوسف:عاين انا قاعد احاول أتمالك نفسي.. انجز

سيد أحمد:انا ال مفروض اقول ليك اني قاعد أتمالك نفسي.. انت اصلا ما عندك دليل اني كنت بهدد رانيا،، سجنتني من غير حتى تفتح تحقيق ف الموضوع.. ما قالو ليك انو العاطفه ال زياده في الشغل ما كويسه؟؟

يوسف قام من مكانو و مسكو من لياقة قميصو و بقا بصرخ..

يوسف:انا حسي لو عايز ممكن ألصق فيك تهمه أكبر من كده.. م تحاول تختبر صبري..

سيد أحمد:انا شفتا كل حاجه.. عارف الحصل مع رامي كلو..

يوسف:...

في بيت نرمين :

نرمين نزلت تحت عشان تجيب مويه ل سمر..
وقفت مسافه جمبه المطبخ و كانت بتعاين ل غرفة امها..

حست انو في حاجه غلط و مشت دقت الباب بس امها ما كانت بترد..

نرمين فتحت الباب و يا ريتها ما فتحتو..

"_ أحنا كبشر بنغلط كتير
بنختار أختيارات غلط مرات
و للأسف لأننا بشر بنندم
و مرات لانو ندمنا بكون كبير شديد بنختار الطريق الأسهل ف نظرنا...
زي ما حماده اختار يسكت على الكلام ال كان بتقال
رانيا اختارت طريق بعيد من الدنيا عشان ترتاح..
كان صعب عليها تعيش و هيا شايله جواها ألم انو بتها الوحيده م قادره تعاين ليها
أنو بتها الوحيده خجلانه منها
كانت حاسه بذنب انو الإنسان ال وحيد ال كان بحبها مات و هو زعلان منها
مات و هو عتبان عليها
مات و هو عارف انو كان بحب انسانه سيئه ما بتستاهل..
مشكلتنا لمن نختار الطريق الساهل بننسى انو ورانا ناس ح يزعلو بعدنا
ورانا ناس حياتهم ح تصعب اكتر..
بننسي !!.. "

نرمين كانت واقفه و م قادره تصدق المنظر ال قدامها..
ما كانت قادره تصرخ
و لا تبكي
و لا حتى تشوف امها لو عايشه لسه و لا لا..
منظرها ذكرها بمنظر رامي..
تخيل تكون بتشوف كل البتحبهم بموتو قدامك كده!!..

رانيا كانت راقده في السرير و المكان كلو دم
كان السكين واقع في الأرض
كان واضح شديد انو دمها كلو أتصفى من جسمها..

كان واضح انها انتحرت و قطعت شراينها من امس بليل بس ماف زول قدر يعرف..

نرمين قعدت جمبه الباب و فضلت بس بتعاين..

روان لمن حست انو نرمين اتأخرت شديد نزلت تحت و لقتها قاعده في الأرض و سرحانه..

روان مشت عليها و كانت بتنادي فيها بس من غير فايده
لمن م روان شافت المنظر و بقت تصرخ
وقتها سمر نزلت و ضربت للأسعاف و مشت شافت لو هيا لسه عايشه بس للأسف الواضح انها أتوفت من بدري💔

*" من يخرج مِنا كُل هذا الحُزن؟*
*من يخبر الأصدقاء أننا هُلكنا؟!.."*

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*




*#الساعه_أربعه_ونص《13》*
*#بقلم_نرمين_طه*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*"_بنعيش حياتنا و احنا بنخسر*
*بنخسر احلام*
*بنخسر ناس*
*بنخسر اهل*
*بنخسر حياة*
ما كان عشمي في الدنيا
غير أنى أكمل و أنا حاسه أنى ممكن افوز
الليله اكتشفتا
أنى دايماً ح أكون خسرانه ."

جا الأسعاف و أخذ أم نرمين المستشفي بس زي م كلنا عارفين هيا كانت أتوفت...

نرمين كانت مصدومه و بس بتعاين..
كيف امها قدرت تتخلى عنها بالسهوله دي؟؟
اي هيا كانت انسانه سيئه
بس كيف اختارت نهايه سيئه لنفسها كمان
كان ممكن الدنيا تديها فرصه تانيه عشان تتصلح
كيف في الأخره ح تاخذ فرصه تانيه؟؟!..

سمر و روان كانو ببكو و بحاولو يخلو نرمين تبكي بس نرمين م كانت قادره تستوعب..

عدم إستيعابها للموضوع مرتبط بأنها و للأسف ما قضت آخر أيام مع امها اصلا
كان في بينهم جفا.. حُزن و عِتاب من غير حتى يقولو..

"_القاعده الرابعه :

طول ما انتو قصاد بعض يبقا في فرصه تانيه
الموت ممكن ياخذ واحد منكم فجأه
اعتذرو.. سامحوو.. اتكلمو..
بس ما تسكتو ."

عنده يوسف :

يوسف:كيف يعني؟؟ شفتا شنو ؟؟ و اصلا دخلك مبني الجامعه شنو؟ ؟

سيد أحمد اخذ نفس عميق و بعدها بده يحكي..

#فلاش_باك :

بلسان سيد أحمد :

قابلتا نرمين و ادتني القروش و نزلت من العربيه..

وقتها كنت بستعدل العربيه عشان اتحرك من جمبه الجامعه بس عيني وقعت على روان و هيا بتجري و كان واضح انها خايفه و دخلت على الجامعه جوه من الباب الوره ..

م قدرتا امشي من غير افهم في شنو و فعلاً نزلتا و مشيت من غير زول ينتبه لي..
لمن دخلتا جوه م عرفتا روان مشت وين..
م كنت عايز اصرخ عشان ما عايزها تعرف اني ابوها اصلا..

فضلتا بدخل و بطلع من كل القاعات بس م كانت موجوده
بعد مسافه سمعتا صوت صرخات فوق..
كنت خاتي في بالي انو اكيد هيا فوق..

بديت اطلع فوق براحه
كل م اطلع كل م اسمع صوت كلام..

لمن وصلتا آخر طابق..

كان في قاعه على يدي الشمال دخلتا و بقيت واقف جمبه الباب من غير يشوفوني..

كان قدامي ولدين ماسكين في بعض و واضح انهم بتشاكلو..
لمن ركزتا حسيت اني بعرفهم..
بعد مسافه عاينتا لوشوشهم بتركيز أكبر اكتشفتا انهم أصحاب روان..

ام نرمين كانت بتحكيني عن شلتهم دايماً
و ورتني صور جماعيه ليهم
كانو حماده و رامي..

رامي:انت ليه تعمل فيني كده؟؟ حماده انا عملتا ليك شنو وريني؟!..احنا كنا اخوان.. مش كنا بنخاف على بعض من أقل حاجه.. كنا بنجري لبعض عشان نعرف نساعد بعض.. ليه طعنتني من ظهري.. وريني؟؟
حماده:يادوب تتذكر اننا أصحاب.. انت و بيكو بتعرفو شنو عني؟!.. بتعرفو بس أني حماده العاقل الراكز ال م بغلط.. و تاني؟؟
رامي:ده سبب؟؟عملتا ده كلو فيني عشان انت شايف اننا أصحاب م كويسين مثلا؟؟

حماده قعد في الأرض و بقا ببكي..
رامي كان مصدوم في شكلو و م فاهم حاجه..

رامي:وريني حسي.. وريني في شنو.. مالك؟؟

حماده:انا براي.. انا دايما براي..
أنا ما بقدر انوم.. ما قادر حتى أكون راجل زي م ابوي عايز..انا نحس.. كلهم بقولو انا نحس..
عارف يعني شنو تعيش حياتك و انت منبوذ؟؟
و انت زيك زي الكرسي في البيت..

وجودك م فارق مع زول و عدم وجودك م بضر زول..
أنا كنت عايز زول واحد بس في الدنيا يقول لي انت انسان كويس و انت ح تنجح.. يقول لي امك م ماتت بسببك و ده قضاء ربنا..
رامي انا انسان
قتلوني و انا عايش ي رامي💔
اعمل شنو؟؟
برجع البيت ابوي بقول لي رامي احسن منك
وقف على رجولو و انت بس قاعد كده
أنا أعمل شنو؟؟

رامي:بس انت م كده..انت انسان كويس كلنا عارفين

حماده:كذب.. انا م بنوم أبداً انت عارف ال حاجه دي؟؟عندي أرق..
ما قاعد احلم زيكم.. م عندي احلام
تخيل اني انسان بدون أحلام!!
ما قاعد اغمض عيوني و اتخيل حاجات حلوه لانو حياتي كلها سيئه..
ما قادر اشتغل لاني انسان فاشل لانو هما زرعو فيني احساس اني فاشل
رامي انا بخاف غيري ينجح
عشان انا وقتها بكون قدام ابوي افشل انسان

رامي:و خوفك ده ح تتغلب عليهُ و انت بتضر الناس الحولينك يعني؟؟

حماده:اعمل شنو؟!.. ماف زول قاعد يسمعني..
الكوكب ده كلو... بكل الناس ال فيهُ
ماف انسان عايز يسمعني
ماف انسان عايز يقعد جمبي و يقول لي كلمه وحده كويسه
أنا امكن كنت ح اكون كويس لو في زول قال لي كلمه وحده بس
كل الناس بخلت علي بالكلام
كلهم اختارو أنهم يقتلوني بس انا حي..
كيف اثبت للناس أني هِنا
ها..؟؟

رامي:حماده احنا جمبك.. انت ال م شايفنا..

حماده:ما شايفكم؟!..
يعني شنو احنا جمبك وروني؟؟
هو الإنسان بكون جمبه الإنسان و هو بقول بس انا جمبك..
أنا جمبك دي م عندها أفعال يعني؟؟!.
وين كنتُ و انا بحارب الليل براي
وين كنتُ و انا قاعد و ببكي في زاويه غرفتي؟!..
وين كنتُ لمن قررتا أني اختار الطريق الأسهل و ابقا انسان سئ
هو انا ضروري اجي اقول ليكم انا محتاجكم عشان تشوفوني
م لاحظتو اني م كويس؟!..
و لا كان عندكم حاجات أهم!!
أهم من أنكم تشوفوني؟!..
حتى انتو.. قتلتوني.. لأنكم م عرفتو تكونو أصحاب أبداً
لأنكم كنتُ سيئين زي الدنيا
حتى أنتو بخلتو علي بالكلمه الحلوه
في الوقت ال انا محتاج فيهو بس نور بسيط
انتو اخترتو تبقو لي ظلام..
زيهم.. انتو زيهم..
ما تقولو لي احنا جمبك و ما تقولو حاجه لأنكم ما كنتُ جمبي
أنا كنت بحارب براي، ماف زول في الدنيا ليهُ الحق يقول أحنا كُنا معاك..
لأنها كذبه
ما تكذبو لأنكم ما عرفتو تكونو أصحاب.. 💔

حماده قام من مكانو و بقا بعاين ل رامي..

حماده:ما تكذب لاني م بحب الكذب

رامي:و انت حسي استفدتا شنو؟؟انت حققتا كلامهم بس.. بقيت انسان سئ و كذاب.. احنا م عملنا ليك شى عشان تعمل فينا كده.. بس انت سئ.. م نظيف من جوه عشان كده حصل معاك ده كلو
استسلمتا لكلام الناس ليه؟؟ لأنك ضعيف.. شخصيتك ضعيفه زي م ابوك بقول..

رامي كان بستفز حماده بالكلام و ماشي عليهو..
فجأه حماده بقا بصرخ و بكل قوتو رمه رامي في الأرض..

وقتها رامي اتضرب بحافه الباب
حاول يقيف على رجولو بس راسو كان لافي و واضح انو م شايف قدامو..

رامي وقف و بقا ماسك الحافه و مغمض عيونو و بحاول انو يركز..

في اللحظه ده جا واحد و زفاهو و طبعا رامي لانو وقتها كان اصلا فاقد كل القوتو و كل أتزانو هو طوالي وقع..

كنت متوقع العمل كده حماده بس لمن عاينتا اتصدمتا انو واحد تاني..
كان راجل كبير في العمر..
كان واضح من لبسو انو ليهو مكانه في المجتمع..

وقتها وقف مع حماده و حماده كان برجف..

_اقيف زي الناس و أرفع راسك ده فوق

حماده:ابوي.. رامي.. ابوي.. انت.. انت قتلتو..

مؤمن:اي قتلتو.. عندك مشكله ؟؟سارق بضاعه ناصر من رامي انت عارف ناصر ده منو؟؟ عايز توقعني في مشكله مع ناصر؟؟ لو خليناهو ح يكلم ناصر بكل حاجه وقتها ح تمشي وين ي استاذ؟ اطلع من هنا و انت ساكت و كأنو م حصل حاجه.. فاهم؟؟ح اقتلك لو حاولتا تعمل حركه غبيه ي حماده.. مره وحده خليك راجل.

في الوقت الحالي :

سيد احمد:ده الحصل.. خليتهم ينزلو و انا فضلتا جوه.. خفته زول يشوفني.. لمن الناس بقت تصرخ و دخلت المبني انا نزلتا من غير زول يحس بي و طلعتا في الجوطه..

يوسف كان قاعد و خاتي يدو في راسو و مصدوم شديد من كلام سيد أحمد..

سيد احمد:لاني عارف انو الموضوع ده كبير انا صورتهم

يوسف:صورتهم؟؟

سيد أحمد:صورتهم بس بعد رامي وقع.. لمن كان ابوهو بتكلم معاهو..

يوسف طلب تلفون سيد أحمد نسبة لانو كان في السجن و التلفون اخذوهو منو قبل يدخلو..

فعلاً سيد أحمد فتحو و كان مصور حماده و ابوهو..

يوسف:م قادر استوعب.. ابوهو جا اتكلم معاي بعين قويه.. ههه.. طلع الابو هو المريض و الله.. يعني ال بضاعه أخذها حماده.. بس كيف رامي عرف و شنو اصلا وصلم لأنهم يتشاكلو..

سيد أحمد:مفروض تسألو حماده الأسأله دي

يوسف:مش لمن نلقاهو اول.. بس حسي ح نسأل الأبو.. ح تقعد ف المكتب هنا لمن التحقيق ده يتم.. ح تديني تلفونك لانو فيهو دليل مهم شديد.. أما بالنسبه لأنك كنت ساكت الفتره ال فاتت دي كلها فصدقني لمن تنتهي القضيه ح نتفاهم في النقطه دي..


يوسف كلم الشباب و خلا واحد يقعد قدام الباب عشان سيد أحمد م يطلع..
و كلم الباقين عشان يجيبو مؤمن القسم..

أثناء ما هو واقف بتكلم مع واحد جا عليهُ أحمد..

أحمد:سمعتا بالحصل؟؟
يوسف:اها حصل شنو.. م ح اتخلع صدقني.. لانو خلعتي ال جوه كفايه شديد
احمد:حصل شنو؟ ؟
يوسف:تخيل ال قتل رامي منو
أحمد:حماده؟؟
يوسف:ابو حماده
أحمد:واو.. واو.. دقيقه أنا في حاله صدمه حالياً.. ابو حماده دخلو شنو؟ ؟
يوسف:نجيبو و نعرف.. انت عايز تقول لي شنو
احمد:ام نرمين أتوفت..
يوسف:ام منو؟؟
أحمد:نرمين..
يوسف:نرمين.. 💔

عنده نرمين :

كانت قاعده في البيت و الناس بتطلع و تدخل..
كانو بغسلو في امها في الغرفه جوه بس هيا م قادره تدخل..

سمر:نرمين المووضوع صعب بس ي نرمين كده م صح.. قومي خليكي معاها قبل الدفن و الله ح تندمي..

نرمين:ح تقابل ربنا كيف؟؟ ح تقابل ربنا كيف..

سمر و روان م كانو عارفين يتصرفو كيف..
بقو واقفين مع الضيوف و الاهل و نرمين بس بتعاين..
كل م يجي زول يعزيها كانت بتكتفى انها تعاين بس..

بعد مسافه م طويله تلفون سمر ضرب..

سمر ردت و م كانت عارفه منو المتصل بس بعد سمعت صوتو عرفتو يوسف..

يوسف:نرمين كيف..

سمر:مصدومه.. م قاعده تعمل شى ي يوسف بس قاعده.. بعد شويه الدفن و هيا ما قامت تشوف امها اصلا..

يوسف:الناس كتيره صح

سمر:اي البيت كلو حريم و الجيران.. ليه

يوسف:طلعيها فوق انا بره.. م ح اقدر اقعد معاها جمبه الناس

سمر سكتت مسافه بس بعدها يوسف قال ليها بصوت حاد..
يوسف:سمر عايز اشوف نرمين حسي...انجزي..

سمر طلعت نرمين فوق و قعدتها في الغرفه و فعلاً خلال خمسه دقايق يوسف كان جا..

سمر:انت دخلتا من الباب عادي كده قدام الناس؟؟

يوسف:لا...دخلتا من وره..اولاد أهلها البره كتار..

بلسان يوسف :

اول مره اعمل حاجه زي دي.. ادخل بالدس عشان اقابل وحده بعرفها يادوب من كم يوم..
و المشكله الأكبر اني كنت قلقان عليها قلق م طبيعي..

خليت القضيه و وقفتا شغلي و جيت جاري عشان اشوف نرمين بس..

اول مره أتعرض لاحساس زي ده..
اخاف على زول غير اخوي
اقلق على زول غير اخوي
و أحاول عشان زول غير اخوي..

لمن شفتها كانت قاعده و واضح من وشها انها مصدومه..
قلبي اتقطع و انا بشوفها في الحاله دي..

كانت قاعده في الكنبه.. مشيت قعدتا قصادها كان في طربيزه كبيره..

يوسف:نرمين..

نرمين:يوسف.. ابوي مات.. و حسي منو.. أمي..م فضل لي زول انا..ح اقعد مع منو؟؟ ح اعمل شنو؟؟

من غير احس مسكتا يدها قوي و كنت بعاين ليها جوه عيونها..

يوسف:نرمين أبكي.. و امشي شوفي امك قبل ياخذوها...بعدين ح نتفاهم في كل الحاجات ال تانيه

نرمين:م قادره اشوفها.. ح اشوفها كيف؟؟

يوسف:شوفيها و احضنيها عشان م تندمي بعدين.. بعدين انتى خايفه من شنو؟؟ كلو ح يتحل.. و انا جمبك قلتا ليك

نرمين:و انت ح تمشي ي يوسف..

يوسف:بإرادتي لا.. العملتي فيني قادر يخليني واقف عندك للأبد.

"_كأول اعتراف
في أول مره اشوفك بتبكي فيها سكن جواي أحساس غريب..
كان نفسي انتقم من كل الدنيا عشانك
كيف أخلى الدنيا تزعلك؟؟
كيف الدنيا تزعل انسانه خاطفه قلبي زيك!.."

نرمين:م قادره اتخيل انها اخر مره ح اشوفها فيها
يوسف:انتى قويه.. دي الحياة كده ي نرمين.. يلا قومي..

بلسان نرمين :

قمتا من مكاني و مشيت لقيتهم مستنيني عشان اودع امي

كان شكلها حلو شديد 💔
شعرها مرتب..
قعدتا و كنت بلعب ف شعرها و بتذكر كيف كنت بقول ليها انا عايزه زي شعرك الطويل ده..
و ح اصبغو بني عشان لون حقك حلو و انا م بحب الأسود..
مسكته يدها و كنت بتذكر كيف كانت بتمسك يدي في كل حاجه..
اول يوم مدرسه و كل سنه لمن انجح و لمن اتعب و امشي المستشفي و لمن نطلع نتفسح و في الصور و لمن دخلتا الجامعه و في كل لحظات حياتنا..
امي كانت الداعم الأول
أمكن عملت حاجات غلط
و كانت سيئه في حاجات كتيره
بس م فشلت انها تكون ام.. أم تقيف جمبه بتها في كل حاجه..

نرمين:يعني تاني خلاص.. ح امشي براي ي امي؟؟ منو ح يقيف معاي
منو ح يشاكلني
طيب لمن اتأخر منو ح يستناني..
ي امي💔💔💔💔
أنا أقول ي امي تاني ل منو😭😭
و الله م بقدر على وجع زي ده..
لسه وجع ابوي ما اتنسى.. تقومي انتى تمشي و تخليني...
واي ي امي😭😭عليك الله قومي..
أنا أسفه انا غلطانه.. انا اخر ايامات م قعدتا معاك زي الناس.. و الله م ينفع كده طيب ارجعي نتكلم..
ارجعي نتفاهم.. ارجعي نتشاكل.. م تمشي كده ي امي و الله وجعك كده حار شديد 💔💔ارجعي بس اقول ليك انا م شايفاك سيئه..انا شايفاك زوله كويسه شديد.. ي امي حسي نتلاقا وين تاني؟؟ ي امي العملتي ده ح يخليني في الجنه م اشوفك ي امي😭😭لو ربنا كتب لي الجنه اعمل شنو من غيرك😭😭😭😭ليه عملتي كده...

نرمين كانت قاعده و بدت تبكي و تصرخ..

"_في اللحظه دي كفايه فرصه وحده عشان تصلح حاجات كتيره..
فرصه وحده نقول لبعض قدر شنو بنحب بعض
فرصه وحده و كلمه وحده كانت ح تصلح حاجات كتيره شديد."

يوسف كان سامع صوت بكاها و هو فوق..
كان قاعد في غرفتها و بحاول يمسك اعصابو بس قلبو كان واجعو عليها شديد، شديد.. 💔

يوسف غمض عيونو و في اللحظه دي اتذكر حاجه..

سيد احمد:اول م طلعتا كان في قاعه على يدي الشمال دخلتا و وقفتا من غير يحسو بي..

يوسف اتذكر الصوره..

يوسف:لو دخل القاعه يبقا هو على يدهم اليمين.. الصوره أتاخذت من مكان تاني...

*" الموت نهايه طبيعيه..*
*ما قبل الموت يصنع نهايات حزينه. "*

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#الساعه_أربعه_ونص《14》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
يوسف قام من مكانو و كان ماشي على القسم بس صوت نرمين و هيا بتصرخ خلاهو من غير يكون عندو إراده يقعد..

"_شعور أنك تعيش أحاسيس انك مقيد بناس شعور غريب
و تخيل انك تعيشو لأول مره..

تكون انسان مهتم بس بشغلك و فجأه تكتشف انو في حاجات في الحياه احلى من كده
في مشاعر حلوه
و في حُب حِلو ."

نرمين راقت شويه بعد الناس بقو ملمومين حوليناها و بحاولو يهدوها..

بلسان نرمين :

ما كنت عارفه نفسي حاسه ب شنو وقتها..
امكن لو نور كانت جمبي كنت بس ح اترمي في حضنها
و احس انها من ريحة أهلى و اطمن..

بس نور بعيده.. و انا هنا من غير زول..
عاينتا ل سمر و ما عارفه لو كان فاهماني بس وقتها كنت بعيوني بسألها لو يوسف لسه هِنا..

صراحه ما اتوقعتا انو يكون قاعد لسه..

لمن طلعتا فوق و شفتو قاعد لسه قعدتا ابكي اكتر..
حسيت انو البيت ده كلو فاضي و ماف غيرو هنا..
ما ح أنكر أني في لحظه كنت بس ح امشي احضنو و اقول ليهُ " ما تخليني.."

جا مسكني و قعدني و كان بقره قرآن..

"_كأكتشاف جديد
صوتو و هو بقره القرآن كان حلو شديد
في نبره صوتو عموماً في حاجات حلوه بتخلي قلبي يكون فراشات
بس وقتها ما كان قلبي بس الفراشات
أنا ذات نفسي كنت فراشه
حسيت نفسي خفيفه
و نمته
في كتفُ.."

ما عارفه كيف و لا ليه
بس ماسكه يدو
راسي في كتفو
و كأنو الدنيا خاليه من كل حاجه إلا أحنا .❤️

بلسان يوسف :

في حاجات كتيره في الدنيا بالنسبه لي مجرد حِمل زايد

بس وجود نرمين جمبي
خلانى احس اني من غير حِمل
من غير مسؤوليات
و خالي تماماً من الحُزن..

ريحتها تماماً كانت زي الصندل
كان نفسي أعيش معاها في اللحظه ديك للأبد.

بعد نامت مشيت طوالي على القسم..
صح بالي كان عندها بس م بقدر اهمل الشغل كمان..

أول م وصلتا لقيت أحمد واقف..

احمد:ابو حماده هنا.. نكر كل حاجه طبعاً

يوسف:ح ادخل اقابلو بس اول عايز سيد احمد

احمد:ليه حصل شنو

يوسف:بعدين بوريك..

يوسف دخل مكتبو لقا سيد أحمد قاعد..

سيد احمد:اها.. قبضتهم؟؟
يوسف:مالك مستعجل كده انت؟!..
سيد أحمد:م مستعجل
يوسف:عيد لي القصه دي..
سيد أحمد:ليه؟؟
يوسف:اول م طلعتا مشيت وين
سيد أحمد:م متذكر زي الناس.. بس دخلتا القاعه
يوسف:م متذكر زي الناس؟!.. بس قبيل كنت متذكر صح؟؟
سيد احمد:انا زي م قلتا ليك دخلتا القاعه
يوسف:القاعه كانت واقعه شمالك
سيد أحمد:اي
يوسف:وريني الصوره
سيد أحمد:طيب..

سيد أحمد طلع التلفون و وراهو الصوره..

يوسف:م فكرتا تصورهم و هما بعملو الجريمه؟؟
سيد أحمد:انا اتصدمتا وقتها و م عرفتا اتصرف طبعا..

يوسف اخذ نفس عميق و قعد قصادو..

يوسف:طبعا إفادتك دي مهمه شديد.. بس أنتبهه.. لو كذبتا في أقل حاجه.. ح تندم..

يوسف اخذ تلفونو و طلع مشا مكتب تاني كان فيهو جهاز كمبيوتر كبير
نقل الصوره هناك و ناده على صحبو..

يوسف:افحص لي الصوره دي لو فيها حاجه..

قعد ف الكرسي شاب عمرو في بدايه العشرينات لابس نظارات نظر كبيره و شعرو كتير..

فحص الصوره و بعدها قال..

_ده ظل خفيف ل زول ثالث معاهم

يوسف:مع حماده و ابوهو!!

_اي واقف قصادهم بالظبط بس م ظاهر في الصوره..

يوسف:تمام..

يوسف طلع بره و ضرب لأحمد بس احمد م رده..
يوسف طوالي دخل ل ابو حماده كان قاعد في غرفة التحقيق..

مؤمن:انا م فاهم خاتيني هنا ليه
يوسف:سؤال حلو.. بس لعبتكم اتكشفت خلاص..
مؤمن:لعبة شنو.. في سوء تفاهم

يوسف اخذ نفس عميق بعدها قال بثقه..
" أنت و حماده و بيكو عملتو ده كلو.. بيكو اعترف و سيد أحمد اعترف انو ساعدكم و انو كان متفق معاكم.. خلاص اللعبه انتهت و باقي بس انت و ولدك و لو م اعترفتو م مشكله كده كده ح تدخلو السجن. "

مؤمن كان مصدوم و بعدها اتوتر شديد..

مؤمن:أنا.. ما كان لي دخل و الله..

يوسف ابتسم و اطمن انو تحليلو كلو كان صح..

بلسان يوسف :

لمن صحبي في الشغل قال لي انو في زول ثالث في الصوره وقتها فهمتا أنو سيد أحمد كذاب و ما دام كذب يبقا هو مشترك في الموضوع ده
كان عشان احل الأحجيه دي كلها لازم أتوقع منو الزول ال ثالث ال في الصوره..

حسب كلامهم القديم ماف زول بعرف مكان البضاعه غير بيكو و رامي
لو مشينا بمبدء حماده سرق البضاعه و دي حاجه جائزه جداً يبقا الأحتماليه الكبيره انو ساعدو بيكو..
بيكو لمن قرر يعترف بحاجه اعترف انو شاف حماده مع ناصر في حين كان ممكن يقول الحاجه دي من اول
بس هو قالها بعد حماده اختفي و ده ال زاد شكي في الموضوع..

بيكو لمن حسي م عندو عذر غياب مقنع و م اتأكدنا لو فعلاً ما كان موجود داخل المبني

لو عايزين نخته الشخصيه الثالثه ال في الصوره فأكيد كان انسان قريب منهم
كان الخيار الأول بيكو.. "

#فلاش_باك :

يوم وفاة رامي :

رامي و حماده كان بتشاكلو و حصل نفس الكلام ال قالو سيد أحمد أول :

رامي:انت ليه تعمل فيني كده؟؟ حماده انا عملتا ليك شنو وريني؟!..احنا كنا اخوان.. مش كنا بنخاف على بعض من أقل حاجه.. كنا بنجري لبعض عشان نعرف نساعد بعض.. ليه طعنتني من ظهري.. وريني؟؟
حماده:يادوب تتذكر اننا أصحاب.. انت و بيكو بتعرفو شنو عني؟!.. بتعرفو بس أني حماده العاقل الراكز ال م بغلط.. و تاني؟؟
رامي:ده سبب؟؟عملتا ده كلو فيني عشان انت شايف اننا أصحاب م كويسين مثلا؟؟

حماده قعد في الأرض و بقا ببكي..
رامي كان مصدوم في شكلو و م فاهم حاجه..

رامي:وريني حسي.. وريني في شنو.. مالك؟؟

حماده:انا براي.. انا دايما براي..
أنا ما بقدر انوم.. ما قادر حتى أكون راجل زي م ابوي عايز..انا نحس.. كلهم بقولو انا نحس..
عارف يعني شنو تعيش حياتك و انت منبوذ؟؟
و انت زيك زي الكرسي في البيت..
وجودك م فارق مع زول و عدم وجودك م بضر زول..
أنا كنت عايز زول واحد بس في الدنيا يقول لي انت انسان كويس و انت ح تنجح.. يقول لي امك م ماتت بسببك و ده قضاء ربنا..
رامي انا انسان
قتلوني و انا عايش ي رامي💔
اعمل شنو؟؟
برجع البيت ابوي بقول لي رامي احسن منك
وقف على رجولو و انت بس قاعد كده
أنا أعمل شنو؟؟

رامي:بس انت م كده..انت انسان كويس كلنا عارفين

حماده:كذب.. انا م بنوم أبداً انت عارف ال حاجه دي؟؟عندي أرق..
ما قاعد احلم زيكم.. م عندي احلام
تخيل اني انسان بدون أحلام!!
ما قاعد اغمض عيوني و اتخيل حاجات حلوه لانو حياتي كلها سيئه..
ما قادر اشتغل لاني انسان فاشل لانو هما زرعو فيني احساس اني فاشل
رامي انا بخاف غيري ينجح
عشان انا وقتها بكون قدام ابوي افشل انسان

رامي:و خوفك ده ح تتغلب عليهُ و انت بتضر الناس الحولينك يعني؟؟

حماده:اعمل شنو؟!.. ماف زول قاعد يسمعني..
الكوكب ده كلو... بكل الناس ال فيهُ
ماف انسان عايز يسمعني
ماف انسان عايز يقعد جمبي و يقول لي كلمه وحده كويسه
أنا امكن كنت ح اكون كويس لو في زول قال لي كلمه وحده بس
كل الناس بخلت علي بالكلام
كلهم اختارو أنهم يقتلوني بس انا حي..
كيف اثبت للناس أني هِنا
ها..؟؟

رامي:حماده احنا جمبك.. انت ال م شايفنا..

حماده:ما شايفكم؟!..
يعني شنو احنا جمبك وروني؟؟
هو الإنسان بكون جمبه الإنسان و هو بقول بس انا جمبك..
أنا جمبك دي م عندها أفعال يعني؟؟!.
وين كنتُ و انا بحارب الليل براي
وين كنتُ و انا قاعد و ببكي في زاويه غرفتي؟!..
وين كنتُ لمن قررتا أني اختار الطريق الأسهل و ابقا انسان سئ
هو انا ضروري اجي اقول ليكم انا محتاجكم عشان تشوفوني
م لاحظتو اني م كويس؟!..
و لا كان عندكم حاجات أهم!!
أهم من أنكم تشوفوني؟!..
حتى انتو.. قتلتوني.. لأنكم م عرفتو تكونو أصحاب أبداً
لأنكم كنتُ سيئين زي الدنيا
حتى أنتو بخلتو علي بالكلمه الحلوه
في الوقت ال انا محتاج فيهو بس نور بسيط
انتو اخترتو تبقو لي ظلام..
زيهم.. انتو زيهم..
ما تقولو لي احنا جمبك و ما تقولو حاجه لأنكم ما كنتُ جمبي
أنا كنت بحارب براي، ماف زول في الدنيا ليهُ الحق يقول أحنا كُنا معاك..
لأنها كذبه
ما تكذبو لأنكم ما عرفتو تكونو أصحاب.. 💔

حماده قام من مكانو و بقا بعاين ل رامي..

حماده:ما تكذب لاني م بحب الكذب

رامي:و انت حسي استفدتا شنو؟؟انت حققتا كلامهم بس.. بقيت انسان سئ و كذاب.. احنا م عملنا ليك شى عشان تعمل فينا كده.. بس انت سئ.. م نظيف من جوه عشان كده حصل معاك ده كلو
استسلمتا لكلام الناس ليه؟؟ لأنك ضعيف.. شخصيتك ضعيفه زي م ابوك بقول..

رامي كان بستفز حماده بالكلام و ماشي عليهو..

في اللحظه دي جا بيكو و مسك حماده لانو كان منفعل و عايز يضرب رامي...

رامي:خليهو يجي يضربني.. الاخو عامل راجل.. و انت.. انت جاي تقيف هنا ب ياتو وش اساسا؟؟
بيكو:انا حسي دخلني شنو
رامي:دخلك شنو.. انت ال وريتو مكان البضاعه.. خلاص م تمثلو انا عارف كل حاجه.. ليه؟؟ ياخ انتو مش اخواني.. غدرتو بي ليه وروني؟!..
حماده:لسه بتكلم عن اننا اخوان

رامي:انا ح اجن و الله.. ليه عملتو كده؟؟ بيكو قول عملتا كده ليه؟!.. يعني م قادر افهمكم.. عشان قروش؟!. اتفقتو علي الاتنين سوا عشان القروش ؟!..
بيكو:اي عشان القروش.. خلاص ؟!.. كده انت مرتاح بعد عرفتا؟!.. حماده سرق البضاعه بعد انا وريتو مكانها.. و حماده هو ال كلم ناصر انو البضاعه اختفت.. و انا ال قلتا ليهو يعمل كده...
رامي:ليه؟!.. انا و الله بس عايز اعرف ليه عملتو فيني كده.. قولو لي ليه
بيكو:عشان.. انت دايما الأحسن.. في الثانوي في الجامعه.. رامي رامي رامي.. وقعتا الأرض و قمتا عادي و لا كأنو حصل ليك شي.. احنا الحياه دي قاعده تمردغنا زول يجيب خبرنا ماف.. انا العرفتك على ناصر و اقنعتك تشتغل معاهو و في النهايه انت تكسب و انا اعاين ليك..

رامي:ما عارف اقول ليكم شنو.. بس م كان العشم ي اصحابي..

رامي كان بياخذ نفسو بصعوبه..
فجأه طلع تلفون من جيبو و رفعو ليهم..

رامي:ح اقول كل حاجه ل ناصر.. م انتو بس البتعرفو تلعبو..

رامي سجل كلامهم كلو..

في اللحظه دي حماده انفعل و بقا بتشاكل مع رامي عشان ياخذ منو التلفون..
و بيكو واقف و بعاين ليهم..

أثناء م حماده بتشاكل مع رامي رماهو قوي و وقع على الحافه و ضرب راسو..

في اللحظه دي حماده اخذ التلفون و بقا واقف بعيد و بعاين ل رامي و هو بحاول يقيف بصعوبه..

رامي مشا وقف في الحافه و كان خاتي يدو مكان الجرحه..
راسو كان لافي و م شايف قدامو..

في اللحظه دي في زول وقعو..

حماده كان مصدوم..

حماده:قتلتو...ي بيكو قتلتو💔💔

بيكو بعد وقعو بقا برجف و رجع ل وره..

في اللحظه دي ابو روان و ابو حماده طلعو فوق..
كانو جاين سوا..

مؤمن:عملتو شنو؟ ؟
حماده:ي ابوي ده بيكو... وقعو.. و الله بيكو..
سيد أحمد:انتو مجانين.. لازم نمشي من هنا سريع.. الحمد لله انو المبني فاضي و ماف زول..

نزلو كلهم سريع و طلعو..

في الوقت ال حالي :

يوسف:انت و سيد أحمد بتعرفو بعض من وين؟؟

مؤمن:سيد أحمد صحبي.. و هو ناصر كانو بعرفو بعض.. يعني ممكن تقول سيد أحمد كان بشتغل مع ناصر بس حصل بينهم خلاف.. بعد عرفتا انو حماده سرق البضاعه انا كلمتا سيد أحمد عشان ياخذه و يتصرف فيها هو..
حماده م كان بعرف يتصرف و كنت خايف يعمل مصيبه عشان كده كلمتا سيد أحمد و قلتا ليهو لازم نتكلم مع حماده في أقرب وقت و هو قال لي انو ح يمشي الجامعه و ممكن نقابلو هناك و فعلا لمن طلعنا نفتش عليهم لقينا ده كلو حاصل..

يوسف:بيكو و سيد أحمد بعرفو بعض؟؟

مؤمن:م اظن..

يوسف:حماده وين؟؟

مؤمن:م عارف

يوسف:مؤمن حماده وين؟؟

مؤمن سكت و م اتكلم..

يوسف:تمام.. بجيبو براي..و آخر سؤال.. انت كيف عرفتا انو حماده سرق البضاعه..

مؤمن:ولدى غبي.. بعد خاف جا و قال لى بكل العملو.. بس تانى قال لى م ادخل في الموضوع و انو ح يتصرف

يوسف:تمام..

يوسف طلع من هناك و كان معصب شديد و طوالى نزل تحت السجن ..

طلع بيكو و طوالى بقا بضرب فيهو..
جو الرجال يمسكو يوسف بس هو كان معصب شديد..

يوسف:عارف ليه كذبتك وجعتنى؟؟ لأنك كنت بتقول لى انا م عرفتا اكون صاحب و انا كذاب و نسيت تقول لى انك قاتل.. ياخ انا أبداً ما ختيتك تعمل كده.. كنت بشك فيهم واحد واحد إلا أنت...و مشيت وقفتا مع ابو في العزا كيف وريني؟؟ كييييف...

الرجال طلعو يوسف فوق و دخلو بيكو السجن..

وقتها بيكو كان برجف و خايف و في نفس الوقت دموعو بتنزل..

يوسف دخل مكتبو و واضح انو زهجان و قرفان من كل حاجه...

يوسف:و الله لو سألتك سؤال واحد و كذبتا فيهُ اعتبر نفسك ميت..

سيد أحمد كان خايف شديد و متوتر..

يوسف:بتعرف بيكو من وين.. لدرجه تلصق التهمه في غيرك و تحميهو...ها... بتعرفو من وين؟؟

" أنكشفت الحقيقة..
لا أسرار بعد الآن..."

آخر حاجه قالها قبل يموت " ما كان العشم فيكم" 💔

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#الساعه_أربعه_ونص15》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
يوسف:حماده!! انا يوسف.. كيف انا منو..

حماده فجأه بقا برجف و خته يدو في ال طربيزه قدامو و بقا بعاين ليهم بتركيز شديد..

يوسف كان مستغرب و ما فاهم حاجه أبداً
حماده بعاين ل يدو و مره بعاين للأرض..

يوسف بعد مسافه طلع بره و ناده أحمد..

يوسف:لقيتو وين ده؟؟
احمد:في واحد من بيوت ابوهو.. بس.. كان مربط يدو مع السرير.. كان في صحن فيه اكل و مرمي جمبو.. و م كان لابس غير شورت و الغرفه كانت بارده شديد
يوسف:ده شنو ده!! ليه ده كلو؟؟ الراجل ده مجنون
أحمد:منظرو كان يقطع القلب.. فجأه كان عباره عن طفل صغير م راجل كبير
يوسف:اتصل بالدكتور طيب خليهو يجي يكشف عليهُ، حالتو العقليه ما كويسه أبداً..
احمد:طيب.. انت م عايز تمشي ترتاح و تنوم شويه
يوسف:لالا.. عندي كم حاجه عايز اعملا
أحمد:طيب..

يوسف دخل مكتبو و كان بقره في ورق كتير
و كان في صور ل جثه ناصر لمن اتوفى..

يوسف شال الورق كلو و جاب بيكو غرفه التحقيق تاني..

يوسف:اها.. زهجتا شكلك من الطلعه و النزله الكتيره.. م تخاف ح نحولك المحكمه العليا خلاص

بيكو:مطلوب مني شنو حسي
يوسف:قتلتا ناصر عشان القضيه تتقفل صح.. كان الواضح انو هو قتلو و بعدها لقينا جثتو و خلاص
بيكو:انا.. ما..
يوسف:بيكو م تكذب..ماف داعي صدقني لانو كلو ح يتكشف في النهايه.. ساعدك فيهُ منو؟؟
بيكو:انا ما قتلتو
يوسف:حماده كان في المستشفي.. منو كان معاك
بيكو:ابو حماده..
يوسف:ما شاء الله.. رئيس العصابه
بيكو:م كنت عارف اننا ح نقتلو.. ابو حماده قال ح نخليهو يقتنع و يلبس القضيه هو.. قال نخوفو شويه..
مشيت ضربتو و لمن قمتا منو هو شال الحجر و ضربو قوي 💔مات..
يوسف:يعني حسي في رقبتك في روحين؟؟
بيكو:انا..
يوسف:في حاجه تاني عايز تقولها؟؟ حاجه م قلتها لي يعني.. عشان م كل مره اجيبك اسألك
بيكو:كان في زول معانا في الطابق فوق وقت حصل ده كلو انا متأكد.. لانو و احنا نازلين سمعنا صوت كركبه فوق
يوسف:مشيتو من غير تشوفو ده منو؟؟
بيكو:سيد أحمد خلانا ننزل و قال هو بتصرف.. بس بعدها قال إنها كديسه و ما كان في زول..

يوسف سمع كلامو ده و سكت..

في مكان تاني في نفس الوقت :

سمر كانت قاعده قصاد القسم في الرصيف..

كانت بتعاين للقسم و عيونها حمره شديد..

سمر:دمو ما ح يمشي ساي.. أبداً..

عنده نرمين :

كانت قاعده في غرفته..
فتحت باب الدولاب و كان في صندوق فوق فيهو حاجات كتيره شديد
نزلتو و طلعت كل الحاجات
كان في كميه من الصور..
كلها كانت عباره عن صورم هما كشله..
نرمين كانت بتعاين لكل صوره و تبكي اكتر من اول..

بدت تشرط فيهم كلهم و تتذكر سمر و هيا بتقول " بيكو قتل رامي.."
كانت بتبكي بحرقه و بتقطع الصور و كل مره بتضرب نفسها بالمقص بالغلط..
سريرها كلو بقا عباره عن دم و عن صور مقطعه و ماليه كل المكان..

نرمين:الله ياخذكم كلكم.. الله ينتقم منكم..

روان كانت واقفه وراها و بتبكي و بتحاول م تطلع صوت في النهايه م قدرت و دخلت الحمام و بقت تبكي بصوت عالي..

"_لحظات الصدمه
لحظات الحُزن القويه

اللحظات البنحس فيها أنو ماف ألم تاني ممكن يكون أقوي من الألم ده..
ماف وجع تاني ممكن يكسرنا بنفس الطريقه دي..
نرمين كانت قاعده فوق سريره وسط كل الصور ال كانت متوقعه انها ح تشوفها بعد كم سنه و تكون مبسوطه بس حصل العكس لانو كل الصور دي كانت عباره عن كذبه كبيره..
روان كانت قاعده في الحمام و بتبكي و بتسأل نفسها كيف ممكن ده كلو يحصل..
سمر كانت قاعده في الشارع و بتعاين للقسم بنظره كلها حسره و وجع..
حماده كان قاعد في زاويه الغرفه و برجف كأنو طفل عمرو اربعه سنين
و بيكو قاعد في السجن و بتمنى لو كل الحقد ده ما دخل قلبو و وصل كل الناس دي للنقطه دي..
اللحظه دي
الساعه دي
كلهم ببكو
كلهم خايفين
كلهم بتمنو الزمن يرجع و يتغير و لو حاجه بسيطه..
مثلا حاجه زي أنو موت رامي يطلع كذبه.. "💔

صباح ال يوم التالي :

كلنا مفتكرين انو حاجات كتيره بدت تتحل
بس في الحقيقه حاجات كتيره على وشك انها تتعقد أكتر..

يوسف صحه من النوم و كان حاسي بتعب شديد..
وقف مسافه و بعدها دخل الحمام و لبس هدومو و كان متحرك على القسم..
جاتو مكالمه من رقم غريب و رده عادي..

_معاي يوسف حسين عز الدين؟؟

يوسف:اتفضل..

_والدك معانا في المستشفي..

يوسف وقف العربيه و بقا م عارف يمشي المستشفي و لا يعمل نفسو م مهتم..
كان نفسو يكمل طريقو بس م قدر..

مشا المستشفي و لقا اتنين من اخواتو من ابواهو واقفين و ببكو..

وحده فيهم اول م شافتو جات عليهُ و مسكت يدو و قعدت في الأرض و بقت تبكي..

_اي ابوي سئ بس هو ابوي في النهايه.. م تعمل فيهو كده.. من يوم شافك و هو بس ببكي.. ربنا بعظمتو بسامح الناس ليه احنا م نسامح.. يوسف م تعمل فيهُ كده عليك الله أعفى ليهو😭😭

يوسف م كان قادر يفهم حاجه.. قومها من الأرض و قال ليها روقي شويه ابوكي م بحصل ليه شى..

الأم كانت قاعده و بتعاين بس للأرض..
يوسف مشا و قعد جمبها..

يوسف:حالتو الصحيه كيف؟؟
نسرين:م عارفه ي ولدي.. م فهمتا كلام الدكاتره ده..
يوسف:وين هو حسي
نسرين:في الغرفه دي.. قال م عايز يشوف زول غيرك
يوسف:يشوفني انا؟؟
نسرين:اي
يوسف:تمام..

يوسف مشا للدكتور و قعد معاهو..

يوسف:مالو..

_و الله ي يوسف ابوك جاتو جلطه مرتين و انت عارف في الثالثه مستحيل نقدر ننقذو.. قلبو ضعيف شديد و حسي جاتو مبادئ جلطه بس لحقناهو.. مفروض يكون بعيد تماماً عن الحُزن و التوتر و الضغوطات

يوسف:امممم.. ادخل ليهو حسي عادي

_اي اصلا عايز يشوفك..

يوسف مشا و دخل غرفتو ..
كان راقد و متغطي نصو و بعاين للسقف و بستغفر..
كان واضح من وشو أنو زعلان شديد و تعبان اكتر..

يوسف قعد جمبو و أخذ نفس عميق..
لمن ابوهو أنتبهه ليهو و شوفو بقا بس ببكي و بتنهد..

حسين:اعفي لي.. انا خفته 💔
م كان عندي قروش عشان تاكلو و لا بيت و لا حاجه.. خفته عليك انت و اخوك و م قدرتا أبهدلكم معاي.. بعد امك أتوفت حسيت الحمل علي تقيل شديد.. م كنت عايز اخليكم و الله بس م قدرتا..
بعد حياتي رجعت كويسه..

يوسف:(قاطعو..) قصدك بعد اتزوجتا..

حسين:انا و الله فتشتكم م لقيتكم..و الله قلبي كان بتقطع عليكم.. كنت كل يوم بقول امكن حصل ليكم شى ،امكن محتاجين لي.. و الله ي ولدي يوم واحد م قدرتا انوم و بالي مرتاح.. بقيت عشان انسى بسكر و بشرب.. بقيت بعمل حاجات كتيره بس عشان اخفف الحُزن ده كلو من قلبي و ماف حاجه نجحت

يوسف:عارف مشكلتك شنو ؟؟مشكلتك بتحاول تألف حاجه و تصدقه.. بتسكر عشان تنسى العملتو؟؟ هو انت من امي عايشه و بتسكر و بتتشاكل معاها.. وقتها كنت بتسكر ليه؟!.. عشان تنسى الحياه القرف ال انت عايشه؟ ؟انت قايل ده عذر؟!.. احنا نمنا في الشارع.. م كان احسن ننوم في الشارع معاك من ننوم برانا خايفين فجأه يجي زول و يعمل لينا حاجه ؟؟
م كنا بناكل احنا برضو!! م كان احسن نجوع معاك؟!..
اتهربتا من المسؤليه و كأنها م جزء من حياتك
ليه؟!..
لأنك جبان و لأنك للأسف م ينفع كان تكون أب..
حسي بعد السنين دي كلها جاي تقول لي انا فتشتكم.. فتشتنا ليه ؟؟
جاي بعد احنا بقينا رجال و كبرنا عايز مننا شنو؟!..
حياتنا مشت من غيرك و م مطلوب حسي منك تجي و تقول لينا انا ابوكم اعفو لي
أنت م ابو
الابو عمرو ما كان كده..
أنا عملتا بأصلي و ح اساعدك مادياً عشان اثبت ليك اني زول كويس و أني تربيه امي ربنا يرحمها و انو السوء الفيك م أثر على الطيب الفيني..

يوسف قال كلامو ده و طلع طوالي من هناك..
اخواتو كانو واقفين بره
بعد طلع رجع ليهم تاني و وقف مع أصغر وحده فيهم كان عمرها تقريباً ١٥ سنه..

يوسف:اسمك شنو
منار:اسمي منار
يوسف:عندك تلفون؟؟
منار:اي
يوسف:جيبيهو

منار ادتو التلفون، يوسف فتحو و سجل رقمو..

يوسف:لو عايزين شي انتى و اخواتك و امك اضربو لي من غير تترددو.. انا..
يوسف كان عايز يقول انا اخوكم بس م قدر..

يوسف:انا موجود دايماً..

ابتسم ليها و طلع من هناك، ركب عربيتو و اتحرك و هو مخنوق شديد..
وقف في الشارع و ضرب مكالمه فيديو..
كان متمنى ياسر يرد عليه بس م رد💔

يوسف سفر ياسر للعلاج بره و بسبب آخر مشاكل بينهم ياسر م كان بتكلم معاهو خالص و قرر م يرد على و لا مكالمه من يوسف💔...

في القسم :

أحمد كان مع مدير القسم و وقع على آخر أوراق و اتحول للمحكمه و مفروض يكون عندو محاكمه العصر..

أثناء م هو ماشي شاف سمر..

احمد:لسه أنتى هِنا؟؟
سمر:اي كنت عايزه يوسف
أحمد:لسه م جا
سمر:اها
أحمد:في شنو؟؟
سمر:يوسف كان قال لي انو ح يتحول للمحكمه متين؟؟
أحمد:بعدين ح يمشي.. زي العصر عندو محاكمه قصيره.. بس الكبيره لسه م اتحددت
سمر:اها.. تمام..

سمر مشت و كانت تصرفاتها غريبه شديد..
اول م طلعت يوسف دخل..

أحمد:وين انت اتأخرتا الليله
يوسف:كان عندي شغله كده
احمد:سمر كانت هنا و صراحه تصرفاتها م عجبتني
يوسف:سيبها البت نفسيته تعبانه شديد
أحمد:على قولك.. عايز تعمل شنو
يوسف:جيب لي سيد أحمد في غرفه التحقيق عايزو..
أحمد:تمام..

يوسف دخل الغرفه و كان مصدع شديد، كان خاتي يدو في راسو و مستنى لمن جا سيد أحمد و قعدو و طلعو..

بوسف:اها قول.. كان منو في فوق غيركم

سيد أحمد اتوتر شديد و كان واضح في وشو التوتر..

سيد احمد:م كان في زول طبعا..
يوسف:كان في.. قول منو؟؟
سيد احمد:و لا زول
يوسف:انا اصلا الليله زهجان.. و عايز اتفشى في زول..

يوسف مسك سيد أحمد و بقا بضرب فيهو و هو بصرخ بس ماف زول دخل عليهم..

سيد احمد:ده ضد القانون..
يوسف:ياتو قانون؟؟ انت في السودان؟؟ بلدنا دي الكبير فيها هو القانون..

سيد أحمد كان بسكت و يوسف بضربو زياده عشان يتكلم و فعلاً في النهايه م قدر و تعب شديد و صرخ و قال " روان ياخ... كان في روان.. كان في بتي" 💔

يوسف خلاهو قاعد في الأرض و قعد هو في الكرسي قصادو..

يوسف:شنو ياخ كل يوم تطلع لي مصيبه جديده.. روان بتعمل هناك شنو؟؟
سيد أحمد:م عارف..
يوسف:قول حصل شنو..
سيد أحمد:...

#فلاش_باك :

بلسان سيد احمد :

أثناء احنا نازلين سمعنا صوت كركبه..
كانو عايزين يتأكدو لو في زول..
طوالي قلتا ليهم انا بشوف و انتو انزلو
فعلاً نزلو كلهم و انا دخلتا كل القاعات
في قاعه دخلتا م لقيت حاجه بس قبل اقفل الباب لمحتا طرف عبايه
فتحتا الباب و دخلتا تاني لقيت وحده قاعده في الأرض بين البينشات و بتبكي زي الطفله..

في البدايه كانت مغطيه وشها و واضح انها خايفه
لمن شالت يدها و شفتها اتصدمتا..
م كنت قادر اتكلم بس كان لازم اخليها تنزل قبل واحد فيهم يعرف انها هِنا..

سيد أحمد:شفتي الحصل؟ ؟
روان:رامي😭ده رامي.. رامي.. رامي مات؟؟ حصل ليهو شنو ؟؟جيبو لي رامي

سيد أحمد قعد في الأرض قصادها..

سيد أحمد:ركزي معاي كويس ، لو زول عرف انك شفتي حاجه و خصوصا ابو حماده ح يقتلك و الله.. لازم تمسحي دموعك و تنزلي من غير زول يحس بيكِ و الا و الله ح يقتلوكِ.. م ينفع تبكي و تقعدي كده..

روان:بس ده رامي

سيد احمد:لو عايزه يحصل فيكي زيو.. خليكي كده.. ح تندمي.. لازم تخافي على حياتك..

في الوقت الحالي :

سيد احمد:خليتها تنزل و بعدها مشيت
يوسف:م كانت عارفه انك ابوها وقتها
سيد احمد:لا..
يوسف:ليه م جات اتكلمت
سيد أحمد:قبل تنزل انا حزرتها.. قلتا ليها لو في حاجه اتكشفت ح اقول ليهم أنو انتى الوحيده ال كنتِ شايفه ده كلو و وقتها م ح يرحموكِ..
يوسف:ههه يعني خافت
سيد أحمد:هيا م عملت شى.. و الله ما عملت شى غلط

يوسف طلع و دخل مكتبو و ضرب ل سمر بس م كانت بترد..
طلع من المكتب و قال ل أحمد رسل ل روان تجي القسم و احمد قال ليهُ تمام..

قريب العصر جات العربيه و أخذت بيكو و معاهو كم زول للمحكمه..
يوسف مشا هناك قبل بيكو و قابل القاضى و حصلت مناقشه طويله و بعدها جا محامي بيكو ال تم توكيلو من جهة ابوهو ال عندو شغل في تركيا بس ح يخلى كل حاجه و يجي عشان ولدو..

أثناء م بيكو قاعد في الممر في المحكمه جات سمر..

وقتها يوسف كان جوه مع المحامي و القاضي
بره كان في راجلين مع بيكو
و كم زول واقف بعيد..

سمر:إحساسك شنو ؟؟
بيكو:سمر خلاص..
سمر:ايه خلاص؟؟ عايزه اعرف إحساسك؟؟
بيكو:حاسي بذنب خلاص؟ مبسوطه؟!
سمر:ذنبك ده م اظن يرجع حبيبي!!
بيكو:صح.. م ح يرجع تاني

يوسف جا طالع من جوه و قال ل بيكو يلا عشان تدخل..
و عاين ل سمر لقاها واقفه..

سمر:انت كمان مفروض تلحقو على فكره!!

أثناء ما الرجال ماسكين بيكو عشان يدخل جوه و يوسف كان بتكلم مع واحد من الرجال في حاجه..
كلهم اتفاجئو بصوت صرخات من بيكو
و صوت سمر و هيا بتصرخ كمان
فجأه الدم بقا في كل مكان و شكل السكين واضح تماماً و هو طالع من حلق بيكو

كلهم فجأه اتفاجئو انو سمر ضربتو من وره بالسكين و في نص حلقو

الرجال مسكو سمر و بقو جايطين و هيا في اللحظه دي بتشوف دم بيكو و هو بينزل و بتضحك..

جو الأمن و الأسعاف و اخذو بيكو سريع على المستشفي..
و سمر كانت بين واعيه و بين م واعيه..

يوسف م كان قادر يستوعب حاجه و مصدوم في الحاجات ال حصلت في كسر من الثانيه دي..

منظر بيكو و هو واقف و السكينه داخله و طالعه منو كان منظر مفاجئ لكل الناس الحاضرين..
بذات يوسف
ما كان مستوعب انو حاجه زي دي تطلع من سمر..

سمر فقدت الوعى تماماً و قبل ينقلوها على السجن نقلوها على المستشفي برضو و معاها كميه من الأمن عشان يضمنو أنها م تهرب..

يوسف كان واقف قصاد المحكمه و م مستوعب حاجه..
في اللحظه دي تلفونو ضرب..

كان رقم غريب، رده عليهُ طوالي..

يوسف:ايوا..

_ابوي مات ي يوسف

يوسف:منو معاي؟؟

منار:منار💔💔يوسف ابونا مات💔💔💔

"لك كامل الأحقية ترفض تسامح إنسان
سرق من عمرك عُمر."

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*

*#الساعه_أربعه_ونص《17》*
*#بقلم_نرمين_طه*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
"_مفروض نبده من جديد.."

سمر لمن صحت م كانت حاسه بالدنيا حوليناها..
كل حاجه كانت غريبه
لقت روان جمبها و ماسكه يدها و بتبكي..

روان لمن شافت سمر صحت بقت بتبكي بصوت عالي..

روان:ليه كده ي سمر
سمر:لمن شفتا دمو حسيت انو دم رامي قصادي💔
روان:ح تستفيدي شنو لو مات؟؟ ح تدخلي السجن و تضيعي حياتك
سمر:حياتي اصلا ضاعت يا روان، م اتوقع اقدر اكمل بعدو
روان:آسفه
سمر:ليه؟؟
روان:انا شفتا كل حاجه اليوم داك💔بعد طلع راجل امي و سمعتا صوت الصرخات انا طلعتا فوق و اتصدمتا انو حماده و رامي بتشاكلو💔وقتها ادسيت عشان م يشوفوني و كنت عايزه اعرف في شنو.. م اتوقعتا ده كلو يحصل💔انا و الله كنت خايفه بس.. وقتها ال ع اساس ابوي ده كان معاهم و شافني و خوفني انو لو اتكلمتا م ح يحصل خير💔لمن شفتو في القسم و طلع ابوي اتصدمتا💔انا كنت خايفه بس و الله.. طول عمري ح أفضل خايفه شكلي.. خفته من راجل امي و حسي خفته منهم.. ي سمر انا وقتها م عرفتهم.. بيكو صحبنا وقتها كان زول تاني تماماً..

سمر م ردت على روان و كانت بتعاين بس لسقف الغرفه..
روان مسكت يدها اقوي و بقت تبكي..
كانو في المستشفي وقتها..
إضائة الغرفه كانت قويه شديد بس نسبه لكل الأحاسيس الجواهم وقتها كانو حاسين بظلام بس
ظلام بسبب كل الكِذب و كل الحُزن الحولينهم..
لا سمر كانت قادره تقول ل روان خلاص م مشكله
و لا روان كانت قادره تقول ل سمر يا ريت وقتها كان عملتا حاجه، امكن رامي م كان مات..

عنده يوسف :

لمن سمع الخبر قبل يتحرك مكان مشا و قعد في المسطبه في الشارع
ولع سجاره و كان بشرب فيها..
جا أحمد و قعد جمبو..

احمد:الحاصل شنو ي مان
يوسف:ابوي اتوفى..

أحمد سكت مسافه بعدها قال..

احمد:البركه فيكم، ربنا يرحمو و يغفر ليهُ ي رب.. حاسي ب شنو؟؟

يوسف:الأنسان الطبيعي في وقت زي ده بزعل.. بحس انو قلبو اتكسر.. بس انا ما حاسي بحاجه..
امكن لو زول سمعني ح يشتمني و ح يقول لي ده ابوك و ده جابك الدنيا
بس الأبوه عمرها ما كانت بس عباره عن زول يجيبني الحياه و يخليني احارب فيها براي..
كان نفسي احضنو و اقعد معاهو و اقول ليهو عفيت ليك كل ال فات
بس تصدق م ندمان.. م ندمان أبداً
في حاجات الإنسان م بقدر يغفر فيها
مقارنة بكل ال شفتو في الحياه م بقدر اغفر لأبوي الأذى الحصل لي و لأخوي
هو انا غلطان كده؟؟

أحمد عاين ليهو مسافه بعدين قال " م تغفر لو ما قادر.. بس كلنا بنغلط.. ماف انسان أتخلق من غير غلطات.. اغفر عشان يغفرو ليك .."

أحمد قام و دخل جوه، يوسف اتحرك على بيت ابوهو..

اتكفل و جاب الصيوان و كان واقف مع اخواتو..

لمن اختو قالت ليهُ ادخل شوف ابوك لأخر مره وقتها هو رفض
و اكتفى بأنو يكون زي الغريب عنو..

وقت الدفن اتحرك مع الرجال و دفنو معاهم..
لمن مشو كلهم هو كان لسه واقف في قبرو..

يوسف:من جوه حاسي بزعل شديد اتجاهك بس عافي ليك
عافي ليك كل الأيام النمنا فيها جعانين و كل الايام الضربتنا فيها الحياه و كل الأيام ال كنت ببكي عشان انت بس تجي
ح اعفيها ليك .. ما عايزك تتعذب و الله .. ربنا يرحمك و يغفر ليك و الناس ال خليتهم وراك ح اكون معاهم .. ماف زول يستاهل يتساب كده من غير حاجه...

يوسف اتحرك من المقابر و رجع ليهم البيت
قضا ليهم كل حاجه، و اداهم قروش في يدهم و طلع من هِناك..

اول ما ركب العربيه مسك تلفونو و رسل ل ياسر رساله نصيه محتواها :

" أبونا أتوفى."

رسل الرساله دي و قفل التلفون طوالي..

في مكان تاني في المصحه :

حماده كان أول يوم ليهُ هناك
كان قاعد في الغرفه و بعاين نظرات عشوائيه لكل حاجه
كان قاعد و برجف بصوره مبالغ فيها..

بلسان حماده :

كنت قاعد و شايف قدامي شباك كبير لمن اقيف هناك كان واضح انو الأرض م بعيده شديد
أمكن كنت في الدور الثاني
كنت بتخيل شكل ابوي و هو واقف تحت و بعاين لي بنظرتو المعتاده

النظره المليانه غضب آتجاهي
رغم اني م عملتا حاجه تستاهل كل الغضب ده..
قررتا اقعد في السرير بس حافه السرير بتذكرني كيف كان بمسكني من يدي و بربطني عشان يعاقبني
كنت بقوم من السرير مخلوع عشان م يربطني و لمن ارجع وره بعاين للحيطه ال وراي و بخاف امكن حسي الأنوار تتقفل و اقعد ف الظلمه مع الحيطه دي برانا
في النهايه قررتا اغمض عيوني و اقعد في الأرض في نص الغرفه
كنت بحاول اتمسك بذكرياتي الحلوه ما كان بجي في بالي غير اصحابي.. 💔

#فلاش_باك :

كنا قاعدين في مطعم من مطاعم الخرطوم و تقريبا طلبنا كل أنواع الاكل في المطعم😂

نرمين:عاينو احنا نتفق كل زول فينا يسمي أطفالو بأسم باقي الشله
حماده:اها ده كلام شنو كمان
نرمين:مثلاً انا لو جاني ولد ح اسميهو حماده عليك
بيكو:بس م يكون شين زيو بعدين😂
حماده:و الله حظو لو جاب صلعتي دي
روان:و حلاتي معترف كمان😂😂
رامي:ماف طريقه غايتو انا بناتي قررتا اساميهم
روان:اي انت ي روميو خليك بره الموضوع
بيكو:حسي انا لو جاتني بت اسميها روان أو نرمين.. ليه اصلو امكن مرتي م عايزه
نرمين:مشكلتك انت و مرتك بعداك
حماده:انا موافق و الله لو ربنا رزقني نعمل قرعه و نشوف ياتو واحد ح يكون اسم ولدي😂
بيكو:خلاص انا قدام معاكم
روان:مع انو اساميكم م حلوه بس اوكي
نرمين:اتفقنا
رامي:خلاص انا زاتي بعد البتين ديلاك بجيب تاني عيال عشان اشيل اسمائكم😂

في الوقت ال حالي :

حماده كان قاعد و بتذكر و بضحك..

عنده نرمين :

كانت قاعده في غرفته و قافله الباب
سمع صوت بت عمها بتناديها، بعد نزلت قالت ليها في زول عايزك بره و فعلاً طلعت لقت يوسف واقف..

نرمين:يووسف

يوسف كان لابس تيشيرت ابيض و بنطلون اسود و مدخل يدو في جيبو..

يوسف:كيفك
نرمين:تمام.. كيف انت
يوسف:نص نص.. بقينا في نفس المكان
نرمين:كيف
يوسف:ابوي اتوفى

نرمين اتخلعت و لون وشها اتغير..

نرمين:انت جادي و لا بتستهبل ؟؟ مالك طيب م متأثر و لا مصدوم و لا في شنو
يوسف:متأثر يعني.. انا و ابوي م كان في بينا علاقه
نرمين:اها.. ربنا يرحمو ي رب
يوسف:بس ده م بغير فكرة اني زعلان.. كنت شايف انو ممكن بكره يجي و كلو يتصلح بس بكره تاني م ح يجي معاهو
نرمين:حاسي بذنب
يوسف:لا أبداً .. حاسي بس انو حياتي ح تفضل ناقصه للأبد..
نرمين:هيا الحياه كده ظالمه دايماً
يوسف:آسف لأني جيت كده.. بس حسيت اني عايز اشوفك
نرمين:تعال اى وقت..
يوسف:ح امشي عشان م ظريفه قدام اهلك
نرمين:طيب..

يوسف أبتسم و مشا طوالي و نرمين دخلت جوه..
لقت عمها قاعد بتكلم مع مرتو و م انتبهو ليها

صمد:ناخذها تقعد معانا
منيره:دي مسؤوليه كبيره
صمد:اها يعني نعمل شنو في النهايه دي من ريحه اخوي اكيد م ح اخليها
منيره:انا م عندي مشكله طبعاً

نرمين م تمت باقي كلامهم و طلعت فوق من غير ينتبهو
دخلت الغرفه و قفلت على نفسها الباب..
كانت بتفكر في ميه حاجه في نفس الوقت..

في المستشفي :

روان مشت تشوف حاله بيكو و قالو ليها انو حالتو خطيره شديد بس لسه م اتوفى

نزلت و قعدت في الكافتيريا تحت، في اللحظه دي جا أحمد و شافها و طوالي قعد قصادها..

أحمد:كويسه انتى؟ ؟
روان:تعب عادي
أحمد:حصل شنو في موضوع راجل امك
روان:تتوقع شنو؟؟ ياها بلدنا.. مستحيل تقدر تاخذ حقك من زول بالساهل
أحمد:بس في النهايه ح تاخذي م تشيلي هم
روان:انا م شايله هم.. خلاص بقيت م بفكر في حاجه و لا بشيل هم حاجه.. اليحصل يحصل بعد ده
أحمد:...

"_أنك تنتظر
تنتظر تعرف مصير كل الناس ديل شنو
نرمين كانت في غرفته ما عارفه كيف ممكن تحارب براها و منتظره الخطوه البعدها
سمر كانت منتظره تعرف مصيرها بعد الجريمه ال عملتها
روان منتظره تعرف شنو ممكن يحصل تاني
حماده فقد كل الأحاسيس بس برضو منتظر، في غرفتو ديك قاعد وحيد منتظر بس انسان امكن يدخل عليهُ و يمسك يدو..
حتى بيكو منتظر
منتظر فرصه تانيه من الحياه.. "

عده أسبوع ..
أسبوع كامل من الأنتظار..
أسبوع كامل من الأستفهام الكبير..
استفهام في حياة كل واحد فيهم..

سمر دخلت السجن و ابوها و امهاا جو من دبي..
بيكو في المستشفي لسه و حالتو خطيره شديد و الأمن رفض انو ابوهو يطلعو بره عشان يعالجوهو..
نرمين اتكلمت مع عمها و وافقت انها تعيش معاهو بس بعد القضيه تنتهي
روان كانت قاعده مع نرمين طول فتره الأسبوع دي عشان ما عندها مكان تمشي ليهو..

بلسان يوسف :

صحيت من النوم و انا نشيط شديد..
الليله ح تكون أول محاكمه في قضيه رامي
صح بيكو في المستشفي بس لازم المحكمه تستمر في شغلها
مبسوط لاني قدرتا اجيب معلومات كتيره عن مجموعه ناصر
صح هو اتوفى بس لسه شغلو مستمر و لازم يقيف..
لبستا بنطلون اسود و قميص اسود و اتحركتا..

لمن وصلتا هناك لقيت نرمين و روان قاعدين
سلمتا عليهم من بعيد و بعدها بدت المحاكمه و دخلنا جوه..

بلسان نرمين :

لمن كانو بتكلمو و لمن ابو حماده قال كل الحصل وقتها حسيت انو قلبي وجعني شديد..
كيف قدرو يعملو كده في رامي؟؟
كنت قاعده و مستنيه الناس دي كلها تسكت بس..
لانو كان مع كل حرف يتقال بحس انو في زول ضاغط على صدري و قلبي ح يتوقف..
لمن ابو روان طلع و قال انو كان أول معاي بسبب تهديداتو لأمي زعلتا شديد

كنت عايزاهو يسكت و م عايزه الناس تسمع الكلام ده عن امي..
لمن القاضي طلب شهادتي انا وقتها كنت برجف..
م كنت عايزه اتذكر امي بالطريقه دي
و م كنت عايزه اتكلم عنها و الناس تسمع ده كلو عنها..
في نص كلامي قعدتا ابكي
وقتها يوسف قال للقاضي انو امي أتوفت ليها كم يوم
و القاضي طلب اني اقعد و م اكمل شهادتي..

بلسان روان :

بعد نرمين قعدت مسكتا يدها و قلتا ليها ح ندعي لأمك و ان شاء الله ربنا ح يغفر ليها ده كلو..
الصراحه اني كنت حاسه ب قرف اتجاهه ابوي..
كيف قدر يعمل كده مع انسانه؟؟
كيف قدر يهدد وحده هو عارف انها أم صحبتي..
لمن طلبو شهادتي وقفتا و قلتا كل حاجه شفتها..
منظر رامي و هو واقف و بيكو برميهو كان كل حاجه واضحه قدامي
حسيت كأنو كل حاجه حصلت امبارح..
كنت زعلانه بس حسيت انو رامي حسي مرتاح
و أنو حقو م ح يضيع..

بلسان سمر :

دخلوني المحاكمه بعد وقت متأخر..
كانو كلهم جوه..
عاينتا ل نرمين و روان و كان نفسي اكون قاعده معاهم و ماسكه يدهم
عاينتا ل امي و ابوي و حسيتهم زعلانين شديد
كان نفسي اعتذر ليهم عن العملتو و اقول ليهم انو م كان بإرادتي..
لمن القاضي سألني ليه عملتا كده كنت حاسه انو سؤال غبي..
كيف يقول لي ليه عملتي كده ؟؟
اكيد ح اكون عملتا كده عشان حبيبي.. عشان الإنسان ال كنت راسمه معاهو كل حياتي
قلتا ليهُ اني م ندمانه على العملتو و انو يستاهل
صوت امي و هيا بتصرخ و بتقول لي م تقولي كده م قادر يطلع من بالي
بس دي الحقيقه و م كنت بقدر اكذب
م كنت بقدر اقول اني ندمانه مثلاً لانو الزمن لو رجع ح اعمل اكتر من كده..
لمن سألوني كنت شايله السكين كيف من غير زول ينتبهه شرحتا ليهم اني كنت مدخلاها في كم العبايه و م كانت واضحه ابدا
القاضي حكم علي بالسجن لمدة ثمنيه سنين وقتها امي بقت جايطه و ابوي بصرخ و ابو بيكو بقول لا تستاهل اكتر من كده..
م كنت قادره اركز في حاجه غير منظر نرمين و روان و هما بعاينو لي بنظره كلها حنيه
حسيتهم حاضنني رغم المسافه ال بينا..
الصراحه م فرق معاي الحُكم و حسيتو م كتير شديد
كنت حاسه انو رامي زعلان مني و فعلاً لمحتو واقف وسط الناس و مكشر بس انا ابتسمتا ليهُ و قلتا ليهُ " ده كلو عشانك .."

بلسان يوسف :

لمن حكمو على سمر زعلتا شديد و دي كانت أول مره ازعل على زول في شغلي..
سمر كانت طيبه شدديد من جوه و انا متأكد انها م تستاهل البحصل فيها..
كان نفسي اساعدها بس كلامها مع القاضي كان هو البورطها اكتر..
بعد حكم على سمر جبنا كل الاولاد ال شغالين مع ناصر و ال كانو شغالين مع بيكو و رامي و كلهم اتحكم عليهم بالسجن و طبعا البضاعه كلها أخذه الأمن..

في النهايه جا حكم بيكو..

بلسان نرمين :

كان نفسي بيكو يكون كويس و يجي يشوف حكمو و يتعاقب على العملو بس هو حسي بين الحياه و الموت و م عارف حاجه من البحصل..
المحكمه حكمت على بيكو ب السجن المؤبد
ابو بيكو كان جايط طوالي طلعو بره..
الصراحه الحُكم خلاني ارتاح شديد..
حسيت انو حق رامي أخيراً رجع، و اتحكم على ابو روان ب اربعه سنين على التهديد ال كان بهددو لي و للأسف لبنات كتير تاني و على مساعدتو في تهريب المخدرات و اتحكم على ابو حماده بالسجن لمده ٢٠ سنه بسبب قتلو ل ناصر و إخفاء الأدله..

اليوم ده أنتهت الفاصله و أتختت نقطه كبيره على بعض الأسئله..

طلعو كلهم من المحكمه و فيهم الزعلان و فيهم ال مبسوط
بس كلهم كانو عارفين انو اليوم ده اتغيرت حياتهم امكن للأسوء أو امكن للأحسن..

يوسف:نرمين
نرمين:ها
يوسف:فاضية بعدين؟؟
نرمين:...

" نحن الآن نقف على وشك أن نقع في الحُب
أتعطيني قلبك مقابل وعد مني بالبقاء في حُبك للأبد؟ .."

*"Nermeen_Th❤️*
--------------------------------------
---------------------
*☆يتبــــــــــــــــــــــــــــــــــــــــــــع☆☆*