‏لو جبرك الوقت من عيني تطيح
طيح من عيني على اشياء تسوى

عمومًا

"ما عاد فيني جلادة على أنصاف الحلول
اما تجي على هوانا .. والا عساها ما تجي"

‏احيان ماودّك — توايق على المستور
«من خوف لا تفقّد اللي ماتبي فقده»

‏سافر نظرها مع غروب الشمس فأطراف النفود
‏مثل ما ترقب فـ المشاريف الطيور الجارحه
‏
قالت وش أجمل شي يمكنّك تشوفه في الوجود
‏قلت انعكاس الشمس في عينك وعينك سارحة .

جالس لحالك وكرسي الخشب يحتويك
‏وتمرّك الريح وتشاورك تلحينها

‏تمرّك العابرين وما تسلم عليك
‏إلا غريبٍ طوته الأرض بسنينها

‏قال أنت جالس لحالك تنتظر من يجيك
‏قلت أنتظر روحي اللي ما أعرف وينها .

ياصاحبي طابت النفس ونبا الفكه
‏مليت من قوم عدلها وبدلها

‏انا على نيتي والناس مشتكه
‏لا قلت كلمه قعد كلٍ يحللها

‏بعض الأوادم تقل بجنوبها حكه
‏تصد عنها وتبلاك بمشاكلها

‏اثنين ولا ثلاثه من هل الدكه
‏يغنيك عن عالمٍ صعبٍ تعاملها .

‏ذكر الحيا زين و البشرى تسرّ القلوب
‏و أهل الاناسه تدوّر للونيس دوره .

وإني لراضٍ بالقَضا وبما تشاء
وعندي يقينٌ أنَّ لُطفكَ شامِلي .

للناس وجهتهم وأنا وجهتي غير
‏ولكل حي هوايةٍ يهتويها

‏الأيام ممزوجٍ صفاها بتكدير
‏والله كريم ورحمته نرتجيها

‏أنا صبور وقانعٍ بالمقادير
‏ومتوقعٍ ساعة فرج واحتريها .

يالله ليا زاد حزني في مجاديبه
أمطرني برحمتك بالنافع الصيّب .

لاشهر كما يشهر مع الجو شيهان
قطع البحور ولا حياة الغليبه

لجّوا علي الناس قوم وصدقان
واخترت عنهم بعد مسرى النجيبه .

‏نسمع وندفن جمرها داخل الذات
نضحـك لها لو كان كبرت علينا .

‏الوقت لامن صـار ضدي ولا طاع
راضي بـحكم الله علي يا زماني
⠀
لا طاح معكاز الهقاوي على القاع
أثبت على ساق الصبر في مكاني .

- ‏اصنع الخير :
لأنه الشيء الوحيد
الذي لا يموت
حين تغيب .

‏ياذيب انا مثلك شموخي غريزه
اكره ردي الطبع واموت في الطيب

وعن الردى ياذيب نفسي عزيزه
يمكن انا انسان في داخلي ذيب .

‏لو ينبع الماء من عوافي ولاباس
ما جفّ دجلاي وتبخّر فراتي .

بِنت‌ـن لصّواديفّ الايام ذيبه .

أبعد روحك عن اللجه واشرب شاهي
وسط ليلٍ يضويه القمر والهبايب .

‏من أوغل فالحقايق وأنصدم فالواقع المشؤوم
ما عاد يفكّر يسولف لأحد بأصغر تفاصيله .

يبوني اطيح لكن ماني بطايح
متعلّقٍ في حبال الله سبحانه .