‏"يوم غابت ليلة الميعاد و أقفت كل نجمة
جيت أدوّر في عتيم الليل عن ضحكة سراجك"

‏"وإستعذت من الدروب اللي نهايتها حسافة
قبل ترميني ملذات الزمن في جوف غبّه"

‏ما شفت منـه غير تـم وتبسّـام
ما كشر بوجهي لا ولا قد تردّى

‏يا لبيه يا كبدك ويا كبد ابيك العود
هذا والله الانتاج . . والفردي الناهي

‏"على كثر ما كانت ليّال الوصال قصار
على كثر ما كانت طويلة بـ ذاكرتي"

‏ما مال غصنك وأنت طيرٍ بلا رِيْش
وأنا على ساقي، وساق انتظاري

كل السنين اللي قبل ضحكتك طيْش
"وكل الديار اللي تضمّك دياري"

‏سرحت بخيالي فيك وأسهيت فالتفكير
وطلّعت كل اللي مخبي ورى صدري

ما تمنعني ، حدود المسافة عن التعبير
أنا توّي مسولف معك .. وانت ماتدري"

علي بن حمري

‏ندهني في عيوني من مَهْف الشّمس صوت وزوْل
‏على حد النّظر خايلتهم لين انحنى شوفي .

وكأنه دعا ألا يفارق عقلي وقلبي
وكأن شعوب الأرض كلها ردَّدت : آمين .

على كثر ما شريط الذاكرة يطوى
‏ما فيه وجهٍ ثبت في الذاكرة كثرك .

‏جعل العوض في مقبلات الليالي
ويالله عسى اللي يشرح البال نلقاه .

وقف وقفة اللي باقي يوم من دنياه
‏ولمح غالي أحلام الحياة متعديته

‏رقا بإنكساره وإلتفاته ودمعه وآه
‏وحوّل بضيقه وإستماته وتنهيته

‏نصيبه متاهاتٍ من البؤس والمأساه
‏هذيك متنطحته وذيك متقفيته .

‏مانوطي روسنا الا سجودً فالصلاة
‏ماتوطينا ضروف الحياة وجورها .

اترك اثر طيب تسولف به الناس
الصيت يغني و الجمايلّ خزاين .

الحمد لله الذي يردنا الى أمانه
كلما تاهَ القلب وطالت المسألة
و ضلّت الخُطى .

‏توحشك الحياة ويوحشك الطريق
ويوحشك هذا القلب الذي بين جنبيك..
وليس لك سبيلٌ لأنسٍ يبدد
هذه الوَحشات سوى الأنس بالله
وبقربه وباستشعار معيّته
ورحمته ولطفه بعباده .

‏﴿‌‏فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ﴾ .

اللهم أبعدني عن دُروب الخيبات
وارزقني الثبات حتى ألقاك
اللهم ألهمني الصواب وسُبل الثبات .

أنا من لقلبي يا إلهي غير بابك باب
‏ليا ضاقت ودارت لياليه وآنهكته

‏أنا عبدك المذنب وأنا عبدك التواب
‏وأنا اللي ظني بعفوك ولا يوم صغرته

‏نصيتك وقلبي في رجاء رحمتك طلاب
‏ولا خاب قبلي من هقى بك ولا أبعدته

‏تولاني بلطفك ولطفك ذرا وحجاب
‏وكثّر علي من خيرك وزوّد بركته .