‏احفظ وقاري عن لسانٍ يعذربني
وأعز نفسي عن المقفي لو احبه .

‏مانزرع الشوك في طريقٍ مشيناه
‏حنا سحاب لا عبرنا نبلّـه .

صلوا على خير البرية تغنموا
‏عشرًا يصليها المليك الأعظمُ
من زادها ربي يفرّج همه
والذنب يعفى والنفوس تُنَعم .♥

فـ الروح نصف انطفاء وفـ الصدر خفقه
‏وأعذاري لـ وحدتي عيّت تعذّرني

‏من حاجة الحب حتى حاجة الرفقه
‏يا الله بالحاجه اللي ما تصغّرني .

حاذفٍ من معجم الود لك كلمة خلاص
وكاتبٍ قدام باب الجفى مالك لوى .

‏محاولة البدو في تخفيف كلمة : لا .
‏بـإيجاد مصطلح : مـالك لـوا .
‏ محاولة رقيقه تستحق الشكر .

‏ليت إلإنسان من يختار عصره بكيفه
‏كان لا اليوم ذا يومي ولا العام عامي .

كل شيء مّر بي علّمني أن لا شيء ثابت
لا حال مستقر ولا بقاء لأحد
كل شيء عبرت من خلاله علّمني
أني لله وأنني إليه راجع .

‏يالله منك العوض في المقبلات المعاسير
عضني وزدني على سود الليالي جلادة .

هروج العواذل فيه ماهي بـ مسموعه
‏و راعي الهوى من ينصحه كنه يغشه .

تعدّي كل من يرجي التفاتاتك بكل برود
و خليهم مباليق العيون و وجيه مفترّه

‏ما خلقنا الله نداري في بشرها
وما تربينا نبادلها الملامه

من بغانا ياخذ العين ونظرها
ومن تركنا جعل تصحبه السلامه

‏يضربون بنورك الطاغي مثال
يختفون الكل إذا نجمك لمع

تعبت اتشرّه و المشاريه لو تنسام
‏جلبت الظنون و صارت تْباع بالحبّه

‏ما يلحق غياب الكفو يا كود سبع انعام
‏و على ما مضى له قافل الباب بالضبّه

‏ما اخاف الخصيم الواضح الصامل المقدام
‏اخاف الجبان اللايذ إن ما خشى ربّه

‏تدور الدواير و الظليمه على الظلّام
‏تبي تحرقه و يصالي الضوّ من شبّه

نفيس الذهب من لا درى به ماهوب يلام
‏ملامي على اللي داريٍ به و عذربّ به .

‏إذا انك تبي تعرف قليل الحيا من قرب
قليـل الحيا مـن يـستغل الحيا بالناس .
- سعد بن جدلان .

‏قانعٍ من كل حاجه ورجوى المستحيل
و معذرٍ فـ أحلام عمري و نفسي طايبه .

وإذا هزمت صبري ليالٍ سود
بكره بتنصرني عليها بيض أيّامي .

‏يطري علي قبرٍ سفى رمله الريح
يالله عسى راعيه يلقى الشفاعه

يطري علي وأصد بالدمع وآشيح
وأضيق لا منه طرالي وداعه .

‏قفَّى وغاب وتلّ القلب من أقصاه
عساه في الفردوس تمشي مواطيه .

‏وهبتني ما يدهش عبادك من آيات البيان
و أكرمتني بـ عقل ما ياخذ من الجهّال شور .