كل ماطال السكوت بسور صدري طال باسي
كني اللي راضي بالتعذيب من قوة المضره .

معروفي إن راح في بطن الجحود ونسَاه
زكاة عنّي وعن أحببابي و أمواتنا .

‏أعيش بالفوضويه ماعرفت النظام
‏مؤمن وأعرف النهايه بين قبر ولحد

‏أقول أموري تمام وكل شي تمام
‏لو أن سيوف القدر قدام عيني تحد

‏أخذت من تجربة الأيام زبدة كلام
‏أليا تحدتك ميلات الليالي تحد

‏أما تعلويت في الأمجاد ذروة سنام
‏ولا توفيت والدنيا ما قرت لحد .

ووجهي كل ما مسّه من الغربة وصب وأحزان
‏طفت فيه الحياة ولاذكرك أشعل قناديله

‏ياربي وأنت جلاّي الظلام الراحم المنّان
‏يارب المرسلات ورب قلبي وانت تاوي له

‏أعوذ بنور وجهك لاتصيّرني ضعيف ايمان
‏تلقّاني بعطفك يا كريم ان قلّت الحيلة .

يارب إليك كل السُبل ومنك كل الحلول
ولك كل الحمدُ على ما كان وما سيكون .

واقسم لي الخير والخيرة وعقلٍ رشيد
واغفر لي اللي مضى من العمر واللي بقى .

يا مملوح إنتظرني لين أجيك وخاطري منساح
‏تلاشت حيلتي .. وأنت إنجبرت تجرّب فراقي

‏لعل ( الغيبه ) تزيد الغلا .. و تلهّف الأرواح
‏وأعوّد لك بشوق يختلف عن ماضي أشواقي

‏على متني ( هقاوي غالي ) كنها حصاة رزاح
‏ومتني مرتكي لو خطوتي مدري وش تلاقي !

أنت لو تطلب ماضمت ضلوعي قلت جاك
أسهج الضلع الموالي وأخذ مما يليك
صالح النشيرا

أشر على ماتبي واللي تبي حصل
حتى لو تطلب عيوني ... من عيوني
جابر النشيرا

على البال ياسيد الشوارد فداك البيت
‏طواري تمر الأولويّات . . وتخطّر
‏
‏لكن قبل سرقة ما تبقى من التوقيت
‏فدتك العيون وعرض الأزوال والخطّر
‏
‏عسى الليلة اللي كنت فاضي وفيها جيت
‏عوض ليلة اللي كنت غايب وانا مضطّر

يا شبه يا ويش أشبّه انت مالك ثاني
‏تشبه التأخيره اللي كل أبوها خيره

‏في وصوفك والله انه ما يصح لساني
‏من بذاخة هيمنتك وحسنك وتصويره

‏جاني و أنا من اللي يزبنون الجاني
‏ازبن بصدري . . وعده لك مقر وديره

تمرّ البال . . يا سيد الوجيه اللي تمرّ البال
‏تمرّ البال ، والساعة . . توقف لك دقايقها

‏توّقف لك دقايقها رضا نفس وقدر وأجلال
‏على لحظة لقى من بدّ هاللحظات سارقها

‏أحبك كثر ما ذعذع لك الغربي وعودك مال
‏أحبك كثر ما تكذب علي عينك وأصدقها

انا سجين عيونها الثنتين لليوم الاخير
‏اموت واحيا بين منحرها وبين ايدينها🤍

‏نزلنا فالموده منزلٍ " ما جاه " غير الطير
و شدينا من قفور المودّه .. يوم دللوها

اه من حره الونه ومن بذت الخفا
كن صدري على جمرن تساعرملايله

اتعزم على الحفلات والفكر ماصفا
اتحرى اتصاله و اتحرى رسايله

ما نسيت العهد لو العهد تم في خفا
قال لي علمن ابا اموت ماني بقايله

له علي اني اعطيه الوجهه ما اعطي القفا
( ولي عليه انه يحاول بشتى وسايله )

‏من مراحل الحُب القويّة إنه يحب أهلك وقبيلتك من حبّه فيك يقول الشاعر عبدالله بن هندي :

والله لأحطها في وجهي وجاهي
هي وبني عمّها وأقصى قبايلها

‏ماعاد باقيٍ عندي غير اليقين
وسلّوم أهلنا والكرامه والشعر

‏انتي عيونك متاهه وانا عابر سبيل
اتركيني عادني انشد وادور لـ عربي

خايف من الضيعه اللي ماعاد لها دليل
لاعصا موسى عصاتي وانا ماني نبي

قبل يملا الحب عيني وقبل انها تسسيل
وقبل احطك ثالث الناس بعد امي وابي

امسكي ايدي واحضنيها على الخصر النحيل
واتركيني الواهم اللي مايدري وش يبي .

" اللهم إنك عفو تحب العفو فأعف عنا ".

(عَسى رَبُّنا أَن يُبدِلَنا خَيرًا مِنها إِنّا إِلى رَبِّنا راغِبونَ )

سُبْحَان الله ، والْحَمْدُ الله ، ولا إلَهَ إلا الله ،
والله أكْبَر ، ولا حَوْلَ ولا قُوَّةَ إِلا بِالله  .