بس احبها
9
.غالية العصر اجتي أم الصالون للبيت ساوت شعري وحفتني غيرت هواية من شكلي بس افكر بكلام جراح احبه واريده ومن حجه ويايه كلتله مااريدك
قاهرني ليش هسة يلا تذكر . بالليل اجني اخواتي واخواني وعوائلهم نسيت شويه بسوالف وآلضحك
بس كلها دكول ارجعي لزوجج يحبج واني محتارة شنو اسوي راحو كلمن لبيته اخذت اموري نيمته
اجتي رسالة من جراح
....احبج مشتاقلج خايبه اعشكج مسودن بيج انا ريحتج طولج ترافت جسمج فهاوتج كلهن يذوبني
رديلي غالية بداعت حبنه التردي يصير ...
.غالية احس جسمي كله يرجف كلبي دكاته سريعه
دموعي بغزارة تنزل واني احبك جراح بس ادري بيك راح تمنعني من اهلي مارديت عليه نمت ثاني يوم كلت لماما اريد اروح لسوك عفيه ماما منتاخر اني وياج
.الام اتصلي بزوجج اذا قبل نروح
.غالية اعرف ميقبل ومراح اتصل بي
عفية ماما محتاجه ملابس وعطور
.الام شوفي ابوج شنو يكول
.غالية رحت لبابا وقبل كال اني اروح وياكم روحي تحضري صعدت ركض تحظرت اني واموري
ونزلنه ماما وبابا بالسيارة اشتريت ملابس قصيرة والوان جان جراح حارمني منها ميقبل البسها يكول تسويج حلوه بس بغرفتج البسيهم اشتريت كلشي عجبني اموري اشتريتله ملابس والالعاب وماما كل شويه وكالت يلا بنتي زوجج بس يعرف ميقبل لا انوب لسوك... اجتي مره سئلتني مزوجه كتلها اي كالت عجبتيني وابني نعجب بيج عبالي يصير نصيب ماما

ا تخبلت وكالتلها لا مزوجه بس جايتنه خطار اعتذرت المره وراحت باأتجاه شاب حلو مرتب بقه يباوع النه وراحو وامي بس تحجي علية العين عليج وهسة حفيتي طلع وجهج والله لو يسمع جراح شيخلصج منه اخذتها للعطورات اخذتلي عطورات اليه والاموري شفت عطر جراح اخذت واحد مااعرف ليش هيج سويت مااعرف اخذنه بابا لمطعم واموري فرحان ويكمز تعشينه ورجعنه للبيت تعبانين اخذت اموري نيمته رحت سبحت وجيت انام شفت مكالمات ورسائل من جراح خفت شصاير اتصل فتحت خط كال شوكت رجعتي للبيت تفاجئت شمدريك انته
.جراح اعرف كلشي عنج حتى الهوى التتنفسي اعرفه
.غالية لا صدك شلون عرفت طالعه
.جراح ابوج اتصل بيه ومن كال انا وياها قبلت
ولو غصب عني طلعتج بس الخاطر ابوج
.غالية ااوف بابا ليش يكولك انته شعليك
.جراح نجبي رجلج انا لا تلوصين
.غالية سديت الخط بوجها ونمت

ثاني يوم كعدت على صوت امي تصيح علية
نزلت كالت ابنج جوعان وبالاستقبال روحي شوفي
بس يبجي يريد اكل رحت للاستقبال ركض
وينك اموري حبيبي ماما ... فتحت عيوني شفت جراح وبحضنه اموري بقيت جامده بمكاني وهوة يباوعلي من فوك ليجوا كصني كص بنظراته نصدمت بي هذا جابه هنا فززني بصوته
.جراح دخلت غالية لابسة دشداشه قصيرة وردي فااتح قصيرة رجليها ثلج وزنودها كطن الشفايف الخدود ورديه شعرها لونه يموت عليها متت بماكني عليها شلون واكفه الفاهية فاتحه عيونها عليه اموت على عيونها كلتها شبيج شفتي جني
.غالية هاا ليش جيت وشرايد
.جراح الحمدلله انتي شلونج اجيت اخذج انتي واموري
.غالية شنو عيني ماارجع وياك
.جراح فدوة لعينج لا تردين وياي وصيري عاقلة
يلا حظري روحج
.غالية مو على كيفك ماارجعلك افهم طلعت من الاستقبال احجي على ماما ليش مكلتي جراح هنا ماريده ولا اريد اشوفه
.الام بنتي زوجج جاي من طريق بعيد ميصير هيج تستقبلي عيب وليش مترجعين وياه لشؤكت تبقون زعلانين كبري علقج لخاطر ابنج
.غالية ابني مابي شي يبقه عندي ورجعه ماارجعله
.الام شوفي غالية طلاك ماكو شيلي هل فكرة من راسج
.غالية صعدت فوك افكر اني مااريد اطلك بس اريد اسويله درس حتى يبطل بس يتأمر ويمنعني من اهلي بس محد يفهمني  لشويه سمعت صوت بابا بقيت بغرفتي مانزلت انتظره يروح ماكو
صاحتني بابا ونزلت9
.الاب تعالي بنتي اريدج تكعدين ويا زوجج وتتفاهمون من غير عصبيه وصياح حلو اموركم بينكم ولا تنسين ابنج متعلق باابو.. و جراح عرف غلطه وجااي يصلح الامور بينكم يلا بنتي
.غالية مكدرت احجي شي  رحت ويا بابا وكعدو يسولوفون وجراح عينه علية واني اخزر بي
.جراح كدام اهلج الي تردي انا حاظر  بس ردي وياي
.غالية انته بس كلام اذا اروح وياك هم تمنعني من اهلي
.جراح لا ماامنعج انا اجيبج الهم بس من ماعندي شغل
.غالية كل وقت انته مشغول يايوم ماعندك شغل
.جراح زين من تعرفين كل وكتي مشغول واجبج تتحملين وضعي مو تشردين
.غالية ماشردت انته كلت ماالج رجعه اذا طلعتي
.جراح اي كسرتي بيه وكسرتي كلمتي
.غالية والله محد تقبل يمنعوها من اهلها
.جراح انا مامنعتج تخابرينهم ويجونج
هسة هذا مو موضوعنه حظري نفسج انرد لديرتنه
حته نوصل من وكت يلا بويه
.غالية مااروح مااريد
.الاب شهل حجي بنتي زوجج عنده شغل ويريد يرجع شنو متردين يلا بنتي حظري نفسج
.غالية شنو بابا انت وماما تردون تخلصون مني كله صافين ويا جراح ترا اني بنتكم

.الاب حبيبتي اني اريد مصلحتج اعرف تحبين زوجج واعرف كل كلامج هذا لانج زعلانه منه
ف يابنتي كافي عناد وارجعي
.الام بنتي المره مالها غير زوجها وبيتها خليج عاقلة وارجعي8
.غالية بقيت ساكته وابجي ضجت من موقف اهلي ليش صافين ويا رحت حظرت اغراضي وماما تساعدني اني بس ابجي مالي مكان اروحله عبالك جراح اشتراني ...رجعت ويا الطريقه كله يسولف وفرحان بينه اني واموري لحد ماوصلنه البيت ستقبلونه وعمتي أم جراح خطيه فرحت هواي من شافتنه جنت فرحانه بيهم واحس نفسي بين اهلي
بس زعلي من جراح مسيطر على تفكيري اموري فرحان ويكمز لان شاف عمتي والبنات بقيت يمهم وتغدينه بعدها صعدت لغرفتي جانت نضيفه ومعطره وعلى السرير فرشة جديدة مال عرسان
عرفت هاي سوالف أم جراح وجمانه.  غسلت الاموري ونيمته سبحت وتمددت ع سرير دخل جراح يضحك.
.جراح خايبه راح تنامين شني ترا بعد ماكو نوم مشتاقلج بكد رحمة الله
.غالية رجعنه للاوامر مالتك اي اريد انام تعبانه من الطريق
.جراح لا مو اوامر بس مشتاقلج تعاي نامي بحظني يروح تعبج كله
.غالية اخذني لحظنه بقه يمسد على شعري ويسولفلي شلون جان يشتاقلي ويسهر يبجي عليه ماحسيت بشي بعد نمت عبالك صار سنين منايمه نمت براحه وحتى جراح نام
.مرات الايام وجراح يحاول يتغير ميضغط عليه بأاسلوبه اموري صار عمره سنتين واني حامل جراح فرحان بحملي يكول اريد عشرة ولد وعشر بنات ههه تمر الايام بسرعه وهوة يحاول يتغير
بس يبقه جراح يلي ميقبل بكلشي وكل شي ممنوع عنده ....جمانه وعلياء تزوجو
صكر ونسمه اطفالهم حلوين عمرهم سنه
علي واركان لسا مضربين على زواج
نمر خطبنالة بسمه

لهنا واختمها حيات جراح وغالية
اتمنا اتمنا تعجبكم القصة المتواضعه
دمتم بخير4
....... عذراء علي .......

النــهـــايـة 🔥😍

كُلّ عامٍ وأنتم إلى اللّٰه أقرب
لا تنسون مولايّ صَاحِبَ الزمان من دعواتكُم وتقبل اللّٰه أعَمالكم وجعلهُ اللّٰه عامٍ كُلّه خير وبركة وتوفيقات من صاحب الزمان
"كُل عام ونحنُ بإنتظارك يا صاحب الزَّمان"

قصــه جـديـدة 🌷💥🍒 ﴿#حب_بعـد_سن_الاربعين🔥﴾
القصة #_18_بارت
#صلو_على_نبي_الله_محمد_وال_محمد_اذكرو_الله
#قراءة_ممتعة🍒💥

بــــــارت. الاول
اسمي منذر مواليد 55 حنطاوي عيوني كبار حواجبي معگوده لون عيوني عسليه طولي 170انسان عصامي احب الجديه شويه عصبي من مدينه الموصل بس احنه من سكنة بغداد يعني والدي من عمره 15 هو عايش ابغداد يعني صرنا بغدادين حتى لهجتنه بغداديه احنه عشره اخوه وخمس بنات ههههه اكثرمن فريق كرةالقدم امي من نسوان قبل هيه وعل تنور تجيب مبطلت خلفه مع هذا كانت امي امراءة رائعة تهتم بنظافتنا وترتيبنا وبوالدي وتسوي اطيب اكلات من بغداديه للمصلاويه واخواتي نفس طبع امي حبابات مطيعات ونظيفات .
رغم عصبيه الوالد المفرطه كانت امي هادئه وتستوعبه وابد متكسر كلمه اله امي ام مثاليه جنت اريد ازوج وحده مثل والدتي تستوعب الرجل بااسوء حالاته. جنت اختلف عن اخوتي كونت نفسي وبديت اشتغل وصار عندي سياره واني عمري 19 سنه وجنت متفوق بالدراسه وتخرجت وصرت مهندس معماري وبديت اشتغل واجمع فلوس واسافر خارج العراق شبعت ونسه مبقيت دوله اوربيه تعتب عليه .كان والدي معلمنا عل صلاة وصيام يعني كلنا ملتزمين الحمدلله رغم الشباب الي بعمري يكونون علاقات بس جنت اريد علاقه جديه وخطبه وزواج واحبه البنيه بفتره الخطوبه. وبدوا اخوتي يتزوجون رغم انهم اصغر مني بالعمر ابويه كان قافل الا نكون سوه نعيش وصار عدنا اربع جنات. اخواتي كلهم ازوجوا بس صار البيت عباره عن روضه ومشاكل وحده تكيد بالخ صرت ادخل غرفتي بعد مااطلع وامي بس ترضي بهاي وهاي بعدت فكره الزواج عن بالي تماما صح اغلب اخوتي ازوجوا واني كنت مسؤل عن اغلب مصاريف وبدت امي تكلي ازوج وازوج وبدوا يشوفون الي زوجه وكل يوم وحده شكل اني جنت اريد وحده مثل امي خدومه ومطيعه وتفهمني.كل اخواني الي ازوجوا اخذوا من كل طوائف بس كنت اريد مصلاويه كنت عل قناعه ان بنت الموصل تكون نادره ومطيعه وحريصه عل زوجها مثل امي وخواتي اخذت العبره من اخوتي كانوا يعانون من زوجاتهم الي لسانه متبري منها والي وسخه والي مهمله لزوجه واطفالها كرهت زوجات اخي كره العمى .كان اخي اكبر مني بكم سنةاخذ زوجه من شمال العراق كان اسمها نسرين كانت وكحه وصاحبه لسان سليط حتى عل زوجه واكثر من مره تتعارك ويه باقي جنات وتكتلهم .ومره رجعت للبيت واشوفه تتلاسن ويه امي وبدت تتجاوز اني متحملت رحت راسنا ضربته راشدي وكعت بالگاع انصدمت من موقفها مكان بيدي غير اضربه مع ان اني ضد ضرب نساء بس متحملت احد يتجاوز عل والدتي8

يتبـــع

بــــــارت الثاني
من اجه اخويه من شغل لگه مرته ماكو وعرف السبب مكدر يحجي شي ابد لان يعرف مرته كلش زين بس ست نسرين من راحت لااهله عافت الروضه مالتها علينا وماكو احد يداريهم بس امي الي مسكينه تشتغل اغلب الشغل .وصرت اني احكم البيت اي واحد يخربط اني أحاسب صح اني مو الكبير بس الي ازوج واصرف وحجايتي مسموعه. وگام اخويه يريد يرجع زوجته مقبلت ترجع وتريد تطلع بيت وحدها ويم اهلها. اهلها من كركوك وافق اخويه وراح اشترى اهناك بيت طبعا بمساعدتي والبيت نوعا ما هدء من طلعت نسرين خانم من البيت .من وره نسرين كرهت نسوان لان اهتزت العلاقه بيني وبين اخوي الكبير واخوتي اصغر صاروا يتجنبوني گاني مخبل. وراها اخوي لاخ طلع من البيت وشويه فرغ البيت ورجعت امي تريد تزوجني وبدت تشوفني صور لبنات هوايه بس اني ابد مااقتنع وبيوم اجت اختي كالت اكو بنيه متخرجه وحلوه تعالو شوفوها طبعا راحوا شافوها امي رجعت كلش فرحانه وگالت بنيه متتفوت بعدين جابو صورته البنيه كلش حلوه سالتهم عل اصلها گالو من بيت الجاف اني تخبلت اني گتلكم مااريد بس مصلاويه مهم سويت الهم هوسه وطلعت واني اسب نسرين مرت اخويه سوت بيه حاله من نسوان.وبالطريق من مديت ايدي بجيبي جانت صوره البنيه بجيبي اووف اكيد نفس نسرين حلوه ولسان وعرمه. رجعت للبيت وانطيتهم الصوره وامي تفشلت ويه عالم عل انطوها صورة للبنيه واحنا مرضينا بيها شويه امي عفت عني شافتني شوي صعب بدت تزوج البقيه وكلما يزوج واحد يطلع الي قبله مزوج وصار عمري 35سنة تقريبا كل اخوتي اتزوجوا بقوا 2واني ورجعت امي تخطب الي بس اني بعدني اريدها مثل امي ومر شهر من ملحة عليه امي لگت وحده من بيت الدباغ واستاذه جامعيه وحلوه گلت اروح اشوفها ورحنا كانت بيضه طوله 60وشعرها اسود فحم يعني حلوه وهادئ مهم اقتنعت بيها وطرت فرح واخيرا لگيت الي اتمناها واتفقنا عل اغلب اشياء بس هيه كانت تريد تكمل بس مقبلت اني مااحب الوظيفه اريد من ارجع الكه وحده تستقبلني وتداري اطفال والكه بيت نظيف واكل حاضر المهم شويه هيه رفضت واني ظليت مصمم ومرت ايام بعدين رجعوا خبر انوا موافقين فرحت وكلت هاهيه راح ارتاح1


يتبــع

بـــــــارت ثالـث
من رجعوا النا خبر ثاني يوم رحنا عليهم واتفقنا عل اغلب امور والخميس عقدنا بالمحكمة كان يوم كلش حلو نسيت اكلكم اسم خطيبتي اسمها جنان العصر رحت عليهم واخذته وطلعت كانت هادئه الطريق كله فتنا لمطعم وطلبنا اكل كانت كلش مستحيه مني تجاوب عل كد سؤال ممبين عليه استاذه جامعيه حاولت افتح عدد من مواضيع كانت اجاباتها بنعم او لا شويه حسيت بيها متوتره وضايجه من رجعته لبيتهم حاولت اتقرب الها بس صدتني گلت لروحي يلا هاي كيف اول مره وتكررت طلعاتنا بس هيه هيه ابد متحجي وبارده اكثر من مره بسته بس عبالك بايس حايط گلت ويه نفسي من نتزوج تتعلم عليه
وبما انو اني متمكن قررت ازوج كانت طلباتهم تكسر الظهر من ذهب الى هدوم حتى بدله العرس كانت مشتراة مع ان اكثريه كان تأجير گلت ميخالف المهم ازوج واستقر. واجه يوم العرس كنت كلش فرحان رحت اشتريت قاط وتأنقت اخر اناقه وزفونا اني وجنان واخيرا صرنا لوحدنا كانت ليله فاشله بكل معايير ابد هيه مو يمي حتى سالته انت مجبوره بيه گالت لا تحبين واحد قبلي گالت لا حسيت نفسي ويه حايط مو مره المهم من اثر الصدمه مالتي ابد متقربت اله خلال ايام الفندق ظليت احاول افهم بيها اتودد الها اعيشه برومانسيه بس يمكن الحجاره احسن منها ورجعنا للبيت واني كاره روحي ومخنوك وخليت وطلعت ويه اصدقائي مرجعت لليل من دخلت لغرفه شفت الجنط عل حطتها وهيه لابسه دشداشه بازه وگاعده تقره كتاب عبالك واحد كفخني گتله ليش ممفرغه الجنط جاوبتني بجاوب صعقني گالت كلمن يخدم روحه اني رتبت هدومي اجه دورك ترتب هدومك حسيت الدم صعد براسي وردت اضربها بس فكرت احنه اسم الله عرسان خليت وطلعت ورحت عل والدتي وكتله اصعدي شوفي جنان قبل ماارتكب بيها جريمه قتل ومسكينة امي صعدت عليها وحاولت وياها بس هيه متربيه هيج كلمن يخدم روحه ومحد عليه بلاخ صعدت وحاولت افهمها اني زوجها وعليه حق عليها عل اقل تتحضرين الي تلبسين شي مال نوم الحجي ويه جنان اشبه بالحجي ويه نفسك ماكو نتيجة .كمت حتى اكره نوم وياه حتى ريحته مطيبه مر شهر واني حالتي حاله بس اريده تتفهم الوضع تهتم بيه حتى هدومي وصخه عرفت اني گدام انسانه مهمله لنفسها ولكل شي بحياتها عفته بعد مذاب گلبي وياها. وبدت معاناة جديده الأ وهي ان شلون مرتي بالبيت ومتشتغل وباقي جناين يشتغلن ويگولون وين عداله انت الي تحاسب عل صغيره وجبيره متگدر تحكم مرتك والحجي وملامه بس صح كلامهم بس هذا الشي صعب ويه جنان الي متحس بالحواليها وحجيت وياها ان لوبس تغسل وجبه مواعين وحده باليوم بس ماكو ولايمها گالتها بصريح العباره ان هيه من تاكل تغسل مواعينه ليش همه ميغسلون مواعينهم
ميفيد كلام بعد رحت عل امي وكتلها بعد متسون الها اكل هيه تسوي روحها

يتــبع

بــــــارت رابع
وبيوم رجعت للبيت واشوف جنان گاعده تسوي الها اكل من فتت گالت ليش مانع عني اكل
انت موتگولين كلمن يخدم روحه
اي بس همه ديسون شكو بيه اذا اكلت وياهم
امشي عدل ترجعين وياهم
طلعت لغرفتي الي هيه خرابه حقيقية حتى مااكدر الكه هدومي بديت الم الهدوم مالتي واعزل الوسخ عن النظيف اخدت الوسخ ونزلت ورحت عليها گتله هاي الهدوم تغسليها
ليش متغسلهم انت
اني مو دا اصرف عليج مقابيله تغسلين هدومي
والله لو شستوي مااغسل هدومك
متحملت كمشته من كفشتها وگتل فقدت موتتها گتل طلعت القهر الي بگلبي كله والتم عليه البيت كله وامي تگلي راح تموت بيدك وخرت عنها اخذها اخوي للمستشفى. ابد ولا رحت عليه عساها ماتت وخلصت منها. بس شنو من شعور حسيت بيه فرح وگلبي برد صدك الضيم كله طلعته بيها
طبعا راحت ولت لااهلها وگتله لاامي مااريدها اطلكها وخليت وحده من بنات اخوي تنظف الغرفه وديت ملابسي غسل وكوي حسيت براحة مو طبيعية بس بقيت اشوف نظرات مترحم من اخوتي عل شلون جنت اريد وحده وگعت بوحده اوووف المهم اني شهر كامل عايف جنان ومرتاح منها وقررت اطلك امي مقبلت انطي فرصه لخ الها وميصير هيج لازم اصبر عليها بس اني اتخذت قرار وعزمت عل طلاق وره يومين دزوا اهلها خبر صعقني صعق ان جنان حامل خبر تعيس مثل وجه مرتي وادخل الوالد وگال ميصير تطلك عدكم طفل يربطكم وفعلا رجعت جنان ورجعت وياها الجيفه مالتها والوسخ اهمال لكلشي صرت ماانام ابد بغرفتي ابد انام بااستقبال ومااخلص من حجي صارت كلمتي ممسموعه عل مرتك مضابطها تجي علينا تبيع اوامر
وكبرت بطن جنان وهيه نفس اهمال ونفس الوسخ صرت اني اغسل ملابسي واهتم بروحي بلا مااكلف أحد كلهم شمتانين بيه وامي بدت تكول مرتك خاف مثل نسرين تريد بيت وحد ومن هل حجي جنت اعرف امي متريد يصير تصادم ويه اخوتي لان نسوانهم تنحش براسهم عل مرته كلشي متسوي شغل هو ساكت ميحجي وقربت ولادة جنان وبيوم ولاده مكدرت تجيب طبيعي بسبب الكعده وعدم الحركه وسوت عمليه قيصريه ولدت بنت سميتها مها
ظلت يومين بالمستشفى وطلعته وديتها عد اهلها لان اهلي محد يقبل يداريها وامي متكدر تصعد بالطابق الفوك وبديت ادور عل بيت اطلع بيه حتى اخلص من كل نظرات مال اهلي احنا كنا ساكنين بالقادسيه منطقة راقية مكدرت الكه هناك بيت يناسبني لكيت منطقه شعبيه يسموها اسكان بيوته صغار بس اني لكيت شويه جبير وعل شارع مساحه 150متره سويت عليه اضافات ورتبته وبديت اجهز بيه بس علمود اخلص من قيل وقال وره شهرين رجعت جنان لبيت اهلي واني گلت بلكي تكون متغيره او احسن بس طلعت بعد اتعس من گبل وحتى البنيه وسخه وريحته مطيبه وصارت الغرفه عباره عن ريحة حليب وحفاظات وكتله لجنان عل البيت وبدينا نحول غرفه النوم جنت مستخسر بيها البيت بس اني ردت البيت حتى يكون الي مكان خاص بيه نظيف بعيد عن واهلي واسد الحجي مال نسوان اخوتي وهم يفرغ البيت للبقيه حتى يزوجون3


يتـــبع

بــــارت الخامس
وتحولنا للبيت الجديد وعزلت غرفتي عن غرفة جنان حتى اني أهتم بروحي واشتريت لنفسي غرفه ام نفر وبديت ارتب هدومي وراجع مثل گبل انيق واهتم بروحي
واشتريت غساله اوتماتيك حتى اغسل هدومي واشتريت مكنسه كهربائية حتى اكدر انظف بيها غرفتي شويه ارتاحيت وبعد موصلت يم جنان ابد كرهتها كره العمى
واعتمد عل نفسي ابد مااحتاج احد وقتي فراغي اغسل كراج واهتم بالحديقه وعرفت ان اني مالي نصيب بالحب او حتى زوجه صالحه يمكن لان تبطرت هوايه بس هو طبعي هيج ادقدق بكل شي حتى بااختيار ملابسي مااختار الإ شي راقي. بس هو كلمن وقسمته بالدنيا وكبرت مها وحبيتها كلش واهتميت بيها وبدت من شوفني اشتغل بالحديقه تجي تساعدني وجنت كل فتره اخذها لمها البيت اهلي حتى تتعلم عليهم وامي تسال مصار عندك شي اني اتخبل من هذا السؤال
اكلها هيه مها مدايره بال الها جانت امي تنقهر عليه هوايه جنت اسمع شيكولون عل بنتي بنت استاذه جامعيه والمهندس ريحتها تلعب النفس جنت اخذ بنتي واطلع وصدفت وفاة والدي وسوينا العزاء واجت نسرين للفاتحة من يوم الي اكلت راشدي مني مشفتها من شافتني اجت عليه وسلمت واخذت من خاطري
وراها گالت بخبث وين استاذه مشفناها
عرفت تريد تغثني ويمكن هسه ابتلي بيها واخلي الفاتحه كلها تلتم عليها كانت نسرين حلوه وعيونه خضر بس لسان.. حاولت اجاهلها لان اعرف المره من واحد يتجاهله تنجلط جلطه ثلاثيه ابعاد بس هيه رجعت سألتني لازم نزورك بيتك ابو مها ونشوفه يكولون مرتك كلش مرتبه. حسيت الدم صعد راسي واحترمت الفاتحة مال ابويه وسكتت گتله اشرف بزيراتج ست نسرين وخليت وطلعت ومرت السنين وسنة 98 بالضبط رجعت للبيت واشوف جنان نايمه بااستقبال وكوني فتره سنين ابد مطاخ مره اتقربت اله يعني هيه كانت نزوه وبس وراها كرهت روحي ولمت روحي وكلت بعد ابد مااتقرب منها وره فتره طلعت جنان هم حامل وتخبلت وگتله ذبيه مقبلت واصرت عل بقاء الجنين ويه نفسي كلت خليه بلكي يجيني ولد وبديت اعلم مها عل غسل مواعين وتنظيف مردت تطلع مثل امها خارمه وبدت جنان تكبر بطنها .جنت اتمنى ازوج مره تحبني واحبه ونكضي اني وياها احلى الليالي وتلبس الي احلى الملابس وتتعطر وتتمكيج بس ظاهر ممكتوبه الي بس خلقه جنان كشره حتى كفشتها متمشطها وبديت اذب روحي عل شغل واشتريت عماره بيها محلات وشقق ومشت اموري واشتريت مزرعه انهزم اله من خنكت الحياة وعشت وحيد رغم وجود اهلي وزوجه .وبيوم رحت لااهلي امي كالت يمه اريد ازوج اخوك رشيد
يمه هذا منو ينطيه مره شو لاشهاده ولاشغل ولاعمل وفوگاها نايم للظهر
عيني ابو مها عل كيفك ترى رشيد حلو ويخبل والف من تتمناه
يمه هو بالجمال
عوف اني الكي اله مره بس انت تشتري اله سياره يطلع يشتغل بيها تكسي وانت تتكفل مصاريف زواجه
اي يمه صار بس دا اكلج هيج انت تورطين بنت العالم وياه
لا هسه شوف شلون وحده ياخذ
حسيت امي تعني بكلامه شي حسيت غصه بگلبي وخليت وطلعت
رحت للبيت وحضرت روحي اسافر للمزرعه واخذ وياي مها تتونس
ورحت وظليت اسبوع ارتاحت نفسيتي وخليت ورجعت للبيت وبديت اني مها نظف البيت حبيبة ابوها حتى كبرت قبل وكتها كل صوج ام كفشه اوف وين الله وتموت واخلص منها2


يتـبـــع

بــــــارت السادس
بدلت وارتاحيت شويه ورحت لاهلي ومفاجئه كانت صادمه الي گالو رشيد كطع مهر اني انثاريت وگلت شبسرعه وشعرفتوا عل البنيه هيج بساع تكطعون مهر
گالت امي ترى الناس خوش ناس والبنيه صغيره وحلوه
شنو عشيرتها
والكل سكت
شبيكم متعرفون شنو اصلها
اجه رشيد وسلم عليه هنيته عل خطوبه
جان فرحان كلش 
رجعت ورحت عل اختي مكلتي البنيه من يا محافظه
كلهم ساكتين
رد رشيد  وكال خطيبتي من دهوك واهنا اني انثاريت ولكم يعني نسرين لخ بحياتنه
واهله شكد رادوا منكم ذهب بيوم نسرين كسرتوا ظهري بالذهب مالتها وتالي لعبت بيكم طوبه احجوا كيلو ذهب طلبوا منكم وبعدين شبساع انطوكم شنو ميردوها
واهنا گام رشيد الي اني كبرته وسويته رجال
هسه احنا شحصلنا من مدام مالتك بنت اصول ال استاذة جامعيه
متحملت وردت اضربه  امي وكفت بيناتنا وگالت اهل البنيه مارادوا شي بس حلقه ومحبس يمه ترى مو كل اصابيعك سوه البنيه  يتيمه  لاتعارض
خليت وطلعت من بيت اهلي وكرهت جنان كره مو طبيعي من وراها الكل تنتقدني ورجعت للبيت وخليت راسي ونمت وصادف بعد كم يوم عيد اضحى وامي دزت الي اخوي تريد كم فلس تشتري هدوم للعروس حتى تطلع ويه رشيد لان احنه جنه اذا وحده ناخذه نلبسه ربطه وجبه منقبل غير شي ودزيت فلوس الهم حتي يشترون. محبيت اروح لااهلي الإ للعيد احسن ما اسمع حجي واضوج وانغث وبهاي الفتره جنان ولدت وهم قيصيريه وجابت بنت ثانيه الي سميته رقيه
وصار العيد واحنه بالعيد كلنا ننجمع يم امي ونتغده ورحت اني ومها لبيت اهلي لبسته حلو وسويت الها شعرها وانجمعنا والكل زوجاتهم يمهم بس اني وحدي گاعد يم امي سالت عل رشيد گالو  راح يجيب خطيبته شويه ضجت بس محجيت شي ظليت ساكت واكول اذا طلعت مثل نسرين شراح اسوي اني وبااخص هسه اني معايش وياهم واجه رشيد كان رشيد اشقر وطويل بس مبهذل ومخربط ومدلل لهذا مضيع شخصيته بالخربطه مالته. ودخل رشيد وسلم علينه وهيه كانت وراه واگفه بسده صوتها ناصي ابد مينسع كانت كلش جذابه عمره يمكن 16سنه ضعيفه وطولها زين عيونه كبار وناعسات بشرتها بيضه عل وردي عبالك لعابه طبعا لان لابسه ربطه مشفت شعرها
يعني لو اني مزوح منوگت كان بنتي بگبرها گلت بگلبي هسه فقيره وبعدين نشوف شنو تاليتج بس اني الج بالمرصاد اني نسرين هججتها عاد انت الي بگد بنتي ظليت ساكت ومحجيت شي بعدين بدو يحطون اكل واكلنا وللعصر كلت اروح للبيت لان تعبت ثم جنان هسه ميته جوع خلي اخذ الها منا اكل احسن ماارجع واسوي اله وصيت مرة اخويه تحط الي شويه اكل بسفر طاس بديت ادور عل مها ماكو ويه جهال طلعت للحديقه واشوف مها يم خطيبة اخويه تسوي شعرها وتعدل بهدومها صحت عل مها اجت ركض واخذت اكل وطلعت من وصلت للبيت كان اكو ناس بالفرع جديدين كاعدين وبعدهم يحولون بغراضهم مبين كلش بسطاء من غراضهم سلمت عل رجال ودخلت جوه واهنالك تملكني فضول اسال مها عل خطيبة اخوي وسالته گالت كلش حبابه وحلوه وهيه سالته وين امج مها مجاوبته بالبيت عدها نونو حطيت اكل لجنان ورحت نمت
وره العيد بفترة اتزوج رشيد وصدك اهل البنيه ابد مطلبوا شي عبالك ميردوها كان ابوها وامه متوفين وعده سته اخوه وبس هيه بنيه
وطبعا منذر جيب وجيب حسيت اهلي يعرفوني بس بالفلوس عبالك گدامهم بنك كلما يردون فلوس يجون ياخذون
صح همه اهلي بس هسه كلهم صاروا زلم لازم يعتمدون عل نفسهم كبرتهم وحتى احسن كليات دخلتهم وحتى اخواتي من ازوجوا اني جهزتهم احسن جهاز (احنه مصالوه عدنه البنيه تكون جاهزه من كلشي حتى لو اهل الولد يجهزون لازم نجهزها بكل شي) ومرت ايام  وبيوم دا اغسل كراج اندك الباب وفتحته كانت امراه يطلع عمرها بدايه الثلاثين حنطاويه وطويله وعيون سود ولابسه عبايه مال راس وياه ابنها
شونك اخويه
اهلا
اني ام علي جيرانكم الناس الجدد
تفضلي
عيني اني ارمله بلكي تكدر تشوف احد يريد اساعده بنتظيف البيوت اني مااعرف احد بلكي تساعدني
ظليت صافن عليه حلوه حرامات  هيج تضيع بالخدمه
صار اختي صار الله كريم اشوف الج وارد الجواب الج
وخلت وراحت
واني ظليت صافن شكد تقهر خطيه
يتـــبع.

بــــــارت السابع
طبعا بالمنطقة  الي عايش بيها كلهم ناس فقره وماكو احد يريد خدامه لهذا خابرت عل اخويه وكتله اكو وحده ارمله وتريد تشتغل بالبيوت شوف اله احد يشغلها لان منطقه اهلي ناس هاي وبيوتهم ضخمة ويدورن احد ينظفها بس اخوي گال انت شمعرفك يمكن تطلع حراميه واحنه نبتلي اسال عليها واعرف مين مامين
المهم مكذبت خبر رحت وسالت بالمنطقة  عليهم گالوا ماعدهم معيل يعني بس هيه وامها مره جبيره بالعمر وعدها ولد وبنيه وكانوا عايشين بالجنوب ومن صارت انتفاضه مال 91رجلها راح ويه الي راحوا وضلت هيه ويه اخوه بس بعدين اخوها انطاه الورث هيه وامه وگلهم روح عيشوا بعيد عني وظلوا يتنقلون بالمناطق الي ان صفى بيهم الدهر اهنا انقهرت عليها كلش ورجعت عل اخوي وكتله وكال انتظر يومين واشوف الك ونهينه المكالمه وثاني من رجعت من دوام گلت اروح عل امي صار شهر مشايفها ولا ماكل من ايدها بهاي الفتره جنان تعلمت تطبخ بس شلون طبخ يلعب النفس  عبالك مال مستشفى. ورحت عل اهلي اني متعلم ماادخل ايدي فارغه الا اسوق ودخلت اني وعلاليك من باب المطبخ كانت امي كاعده هيه ورشيد دياكلون ومااشوف الا وحده اجت عليه واخذت العلاليك من ايدي وكالت عمو انطيني اياها اني شمس بعده بعيوني اريد اشوف منو ديگلي عمو واشوف مرت رشيد مااعرف شحسيت اني صدك جبير بس استثقلت كلمه عمو منها خزرته وكتله وج شنو عمو  هيه راسنا وخرت وراحت  يم رشيد سلمت عليهم وكعدت عل ميز عاد رشيد گال عل كيفك ابو مها ترى البنيه مشايفتك بس مره اعذرها
لا مصار شي هاي شنو اني صار شكد مماكل برياني عاشت ايدج  يمه
هههه هاي مو اني طبخت هاي ايفين
منو ايفين
يمه مرت رشيد اسمها ايفين
اسم غريب وبديت اكل عبالك صار سنين مماكل وبگلبي اكول گبر لفج جنان انت وشهادتج بنت 16سنه تطبخ احسن منج جان اكل كلش طيب وبدت امي تمدح بجنتها عل مداريتها كلشي  متخليها تسوي وفار البيت فر. حسيت كلام امي بي قصد الي وكفت اكل واباع عل رشيد اخويه الي اعرف مخربط دومه. جان غير شكل لابس دشداشه ومضروبه اوتي وشعره مرتب ظليت ساكت وبگلبي اسب بجنان كبور خاسفه تلفج واخلص منج ومن جهرتج كملنا اكل وصبت ايفين الجاي وبس عل وجها ابتسامه خفيفه حسيت بالغبن وگلبي الم وحسره ليش اني شهادة ومرتب حظي مكعد ردت اروح بس رشيد كلي ابو مها ايفين حضرت الك حمام وجابت الك هدوم مني مكدرت احجي شي دخلت  للحمام اسبح ومن طلعت كان اكو فراش الي بااستقبال رحت نمت حسيت نفسي رجل طبيعي اجه من بره لگه اكل واخذ حمام وهسه ينام مو اني احمي اكل واكل واغسل مواعين والكه مكاني مخربط
ونمت ومن كعدت لگيت رشيد كاعد هو وامي بالحديقه طلعت يمهم يشربون جاي وياكلون گليجه صاح رشيد عل ايڤين  تصب جاي الي وشفت الحديقه تخبل ومداريها تعجبت جنت بس اني اداري بالحديقه  وگتلهم هاي جايبين فلاح ابتسم رشيد وگال لا هاي ايڤين ترتب بيها عدها واهس بالزرع تعجبت شلون معتنيه بيها الحديقه ظليت ساكت طول مااني گاعد ردت اسمع صوتها ماكو يمكن خرسه
گتلهم ارجع لبيتي ورحت للحمام ملكيت هدومي تعجبت صحت عل رشيد وين هدومي گال دقيقة هسه وراح جابها لهدومي مغسوله ومضروبه اوتي وريحتهم تخبل تفاجات گلي هاي ايڤين غسلتهم حسيت بغصة بگلبي وقهر وخليت وطلعت من البيت واني اگول هيه هاي الحياة الطبيعه لرجل مو حياتي اني
يتـــبع

بــــــارت الثامن
من رجعت للبيت جنت مخنوگ واسال روحي اني منو مااعرف روحي اني مو نفس الشخص قبل عشر سنين جنان حطمت ذاك الشخص قتلت احلامي بدال مااغيرها هيه غيرتني اني ليش اهرب من الحقيقية ليش اهرب من اهلي ليش مااعترف اني صرت لاشئ وين حقوقي كرجل كل حق ماعندي. جنان خلتني اخدمها بدال ماهي تخدمني خلتني اهرب من اهلي ونظراتهم داخلي عواصف من 😡 الغضب لازم ازوج لازم ارجع منذر ليش اتخلى عن نفسي اني انسان اكدر افتح بيت لاخ
وبديت افكر بالزواج اخر اكون بيه رجل والي كامل حقوقي فعلا تلك مراهقة ايقضتني من سبات طويل دام لعشر سنوات
وبديت اوصي اختي عل زوجه لي وعمت الفرحه بگلبها وگلب والدتي لان يعرفون بحالتي گلبي بيه فرحه وغصه اخاف تكون زوجه جديده لاتفرق شي عن جنان بس لا هلمره لازم تكون فترة خطوبه طويله كلش
وره فتره خابر اخوي وگال اكو ناس يردون وحده تجي تسوي الهم الزوالي وكم حاجه ودزيت مها بيت ام علي تصيح علي واجه الولد انطيته العنوان كتبته بورقه وكتله يكول امه تگول من طرفي وراح الولد وره كم يوم اجه علي بيد قالب كيك ويگول امي تشكر منك هوايه اخذت القالب وحطيت بيد الولد خمسه كمساعده مني الهم وبدت ام علي تشتغل وتنشهر بالمنطقه لان امينه وشغلها نظيف وكل مره دز علي جايب الي نوع اكل ومرت ايام واختي كلما تجيب وحده يكون بيها عيوب وبعدين امي گالت انت هسه رجل متزوج وعندك اطفال وعمرك موصغير صعب تلك الك امراءة مثل متريد لازم شويه تتنازل .
حجايه امي صحيحة ومرت شهرين واني ممقتنع بااي امراءة ورجعت للبيت واشوف ام علي دك بابنا  طفيت السياره ونزلت عليها سلمت عليه وكالت ان هيه تشكرني هوايه وتريد بااي طريقه ترد الي الجميل گالت انظف الك الحديقه والكراج  تشكرت منها وكتله تعالي يوم الجمعه من اكون بالبيت حتى اكدر اوجهج وظلت ساكته واني ساكت ومرت خمس دقايق وهيه ساكته  گتله ام علي امريني تحتاجين شي لاخ تشكرت مني وراحت ودخلت للبيت واني اگول شبيها خاف عبالها اتحارش بيها. وباوعت عل بنتي رقيه بدت تمشي جانت نفس شكل امها بالضبط يمكن لهذا اني مااطيقها البنتي رقيه وگلت بعد من اروح لااهلي اخذها وياي سويت الي اكل واني افكر باام علي واكول شنو الي بدر مني حتى تفكر هيج ورحت ارتاحيت  وطلعت بعدين رحت لااهلي اني ومها من دخلت شفت سيارة رشيد  گاعد تغسله ايڤين سلمت ودخلت ادور عل احد ماكو طلعت للكراج مره لخ ورحت عل ايڤين
اممممم وين امي وكفت شغل وكالت بصوت كوه ممسموع طلعوا
وين بصوت ناصي بيت سمير
ليش مرحتى وياهم دقتني بسكوتها وهدوءها
شوفي ترى اني مااكل اودم ظلت ساكته عفتها وطلعت واني افشر عل اخوي شلون يعوفها وحده بالبيت رجعت مها للبيت ورحت اسهر ويه اصدقائي وليل يلا رجعت كنت اتمنى الكه جنان متحضره الي اوگول في نفسي انا رجل ولي احتياجات گلت خلي اروح عليها بت گلب واشوفها ورحت وشفته مطموره وصحت بااعلى صوتي جنان جنان فزت مثل مخبله متعرف شكو باوعت عليه شبيك منذر تخبلت تصيح بنص الليل
اي تخبلت والي يعيش وياج عاقل
شتريد ساعة وحده باليل
رجلج واريدج
اتقربت عليها
شوف منذر انت مو صاحي روح نام وخلصني  من جهرتك
وج عليمن هيج تحجين
عليك مكعدني بنص الليل شنو مو صاحي انت مخبل
وهجمت عليه گتل واكتل بيها وداخلي غضب عارم اريده يبرد وهيه تصيح واجت مها تبجي وتدفع بيه وتكول عوف امي هلست راسها تهلس ورمت وجه وصار الدم يطلع منها وعفتها وطلعت .والصبح رحت للشغل ومن رجعت كلت خلي امر عل اهلي ورحت وشفتهم دياكلون وكعدت وياهم وكان اكل دولمه تهبلت عليه صار كم سنه واني مماكل دولمه جانت طيبه كلش اكل واباع عل رشيد شلون مترتب ومتغير حتى گصت شعره مغيرها وسالت انت شلون تعوف مرتك وحدها بالبيت سكت محجى شي بعدين امي رادت تلغمطها مقلبت وگتله يمه ميصير تطلعون وتعوفون البنيه وحدها
راد رشيد يحجي بس امي سكتته عاد ان كمت واريد اطلع بس مقبلت وگالت ابقى وارتاح تجي اختك ونحجي بالموضوع  مالتك گتله غير يوم وعفتهم وطلعت
يتــبع

بــــــارت التاسع
واجه يوم الجمعة ومن صارت الثامنة اندك الباب جنت بعدني نايم گمت اريد اشوف منو جانت ام علي بالباب
صباح الخير
صباح الخير
هاي بعدك  نايم اتصورت تكعد من وكت ادخلي ام علي هسه اصحصح ودخلت ومن وصلت لباب المطبخ وكفت
شبيج ام علي ادخلي
لا ميصير ادخل خلي انظف الكراج والحديقه ومن تروح  للجامع اني انظف البيت
زين ليش متنظفين الجوه وبعدين تطلعين عل بره ظلت ساكته
شوفي  ام علي ترى اني ماعندي شي ومراح اسوي شي الج
لا مو هيج ابومها انت افتهمتها غلط
شلون
يعني ادخل البيت وانت وحدك واگفه شويه
لحظه اني مو وحدي
چا منو  وياك
زوجتي
شنو
ام علي اني هم اعرف بااصول شلون ادخلج للبيت وبس اني وياج
ظلت ام علي مرتبكه ومصدومه  وگالت اني اروح ابو مها
اوگفي شنو شبيج
ماكو شي اني اطلع
وخلت وطلعت واني مافهمت شبيها ليش تفاجأت من گتله زوجتي شنو متعرف اني مزوج بس هيه شافت مها بس لاعباله اني مطلق او ارمل ومن عرفت لا انصدمت ظليت افكر وسويت الي اكل واكلت وگلت اروح  عليها وافتهم منها بس هيه ليش هيج انقهرت بس لا عجبتها  اكيد عجبتها
ليش مااعقد عليها يم شيخ بس وتكون مرتي بالسر الى ان اكدر افتح اله بيت ظليت اتصفن بعدين  گلت لا منذر ليش تزوجها بالسر هاي مسكينه  وجار الزمن عليها تگوم انت هم تظلمها لو تزوجها گدام العالم لو لا.
وللعصر اخذت مها ورحت عليهم وطلع ابنها ودخلنا البيت اجت والدتها وسلمت عليه وتشكرت مني عل مساعده كانت عائله كلش بسيطه حتى اثاث ماكو گعدنا بالگاع وشويه اجت ام علي سلمت وگعدت وظليت ساكت مااعرف احجي شي امها گاعده وشويه اجت گعدت شويه ليغاد مني وگالت اني اسف لان عفتك ومانظفت الك
ام علي اني جاي اخطبج تقبلين نتزوج
ظلت ساكته ومحجت شي كانت مصدومه كلش
ام علي اني معجب بيج بس اصبري الي كم يوم اكدر ارتب اموري واجي اخطبج رسمي
گامت عل حيلها وگالت وزوجتك شسوي اله
شدخل زوجتي بالموضوع
ابو مها اني مو هجامت بيوت
لا بس اني وزوجتي علاقتنا شبه منتهيه هيه تبقى بيتها وانت بيتج
لا ابو مها اني ماادخل عل ضره اعذرني ابو مها
شكو بيها
اني قبل اربع سنين ازوجت واحد وجان مزوج بقى وياي شهر ورجع زوجته مااريد اخوض نفس التجربه
زين ام علي عرضي قائم منا لاسبوع تفكرين بيه ورجعي الي خبر
وخليت وطلعت اني صح عجبتني ماانكر بس مااكدر اطلق جنان اني عايفها علمود بناتي واذا طلقت جنان واخذت البنات راح تربيهم نفس تربيتها الصگط واذا اخذتهم مينطيني گلبي اخليهم تحت رحمة زوجت اب مهما كان جنان ابد متضرب بناتها ولاتعنفهم حتى لو كانت وسخة ومهمله اني مبقيها علمود بناتي


يـــتبع

بــــــارت العاشر
ظليت يومين افكر باام علي انه هيه راح توافق واذا رفضت فهي تضيع عليها فرصه اني صح عجبتني بس ماهدم حياتي بناتي علمودها تريد ازوجها بس مااطلگ جنان.
وره يومين امي عزمت الكل لان تصادف السنويه مال الوالد ورحت اني وبناتي جانت رقيه كلش نحسه بس اني مااريد تبقى بس ويه امها ظلت مجلبه بيه مگدرت اخذ راحتي وگته سوا اكل وزعوا عل ناس محتاجه الكل كان مخبوص بالتحضيرات وصبوا اكل وكعدنا اكلنا بس رشيد كان معصب كلش وبس يدردم بس هوسه مااعرف شبيه المهم عل اكل ظل گالب وجه اني ضوجتني رقيه ومها ظلت تلعب متقبل تجي تاكل حسيت روحي طفرت وشويه رشيد ظل يسب ويفشر عل ايڤين محبيت ادخل يمكن اكو شي بينهم بس مدااعرف شنو وانتهت العزومه ورجعت للبيت محمل اكل لان بزعت من اكل ام كفشه ظليت انتظر رد ام علي بس ظاهر هيه تريدني اتوسل واني مهما كان عندي عزة نفس ماانذل علمود مره وعفتها الشغله ولا رحت ولا سالت ومرت ايام واني بين شغل وبناتي وبيتي من اشوف مها ترد روحي كلش احبه وهيه دلوعه وتاخذ احسن الدرجات وجنان تقريها جنان تهتم بالدراسه هم بيه ايجابيه
تقربيا صار شهر اني مرايح لااهلي ومن طلعت من شغل رحت لاهلي كانت بس امي بالمطبخ تعجبت وين رشيد گالت نايم سكتت كعدت اكلت وگتله يمه انت اكلج ميتعوض ليش متجين تعيشين وياي احسن من اهنا ضحكت امي وگالت يمه ريحة ابوك بالبيت حسيت امي مقهوره سالته يمه شبيج
والله مااعرف شگلك
شكو يمه احجي خوفتيني
رشيد
شبيه ابو بلاوي
متصير عصبي
يمه احجي
ضرب ايڤين وطردها
ليش
ماادري ميگول شوف منذر اريدك تحجي وياه بهدوء ترى البنيه دره مال الله بس هو اخوك مخبل شوف شبيه
زين يمه يصير خير اكوم انام والعصر اشوف
فدوه لگلبك ابني والله انت بميت رجال بس حظ ماكو
اووف يمه اگوم احسن متبدين
ورحت وظليت افكر بهذا اخوي ليش يضربها المرته اذا هيه ممقصره وياه
والعصر من گعدت جان رشيد طالع يمكن عرف بيه موجود وراح أمسح بيه الگاع المهم اجه اخويه سمير كان دكتور ومرته موظفه بدائره الصحة وظلينا نسولف وفكرت باام  علي بلكي يلكون اله شغله احسن من بهذلت التنظيف وصيتهم يخلوها بالهم حتى لو هيه رفضت الزواج تظل جيرانا ولازم اساعدها وگتله لسمير انت من تشوفها گول الها جانت مرت سمير تحب السولف ومتسكت دقيقة وحده وظلت تسولف ومن وصلت سالفه رشيد بدت امي تغمز الها متريد اعرف شي انداريت عل امي يمه خلي نسمع الحقيقه خليني اسمع اكيد ابنج غلطان لان عرف اني اهنا
وظلت مرت اخويه تكول رشيد بااخر فترة كل يوم يضربها لايڤين ويطردها بالشارع وهم ياخذوها يمهم ومن يسألوه يگول مرتي وحر بيها ظليت اباع عل امي وكلت الها ليش متحجين ليش تخلين بنت العالم هيج يصير بيها
اوو يمه هو انت عصبي ومتتحجى‘
من بدايه گتلج ابنج مو ادمي لاتزوجيه
يمه صار شهر هو شاد وياها كل اشهر المضت همه زينين
زين انتظر رشيد افندي وافتهم منه وين يروح انطيت السويج لاابن سمير وگتل دخل سيارتي بالكراج مال اهلك حتى يعرف اني رحت وباليل اجه رشيد واتفاجا بوجودي وارتبك  سلم وكعد
احجي رشيد  شبيك ويه مرتك
ابو مها انت اخويه وكبرتني وسويتني رجال مااريد احد يدخل لا انت ولاغيرك
انت رجال وتطلع عضلاتك عل البنيه مراهقه وتضربها وتطردها غير نفتهم السبب
ماكو سبب كرهتها مااريدها
ولك وهو شنو لعب مال زعاطيط هذا زواج
منذر شوف مااريد مرتي اريد اطلگها
لا مو بكيفك رشيد  افندي متطلگ بدون سبب مقنع اقتنع بيه اني
انت لاتدخل مو ابويه انت اذا عندك قوانين روح طبقها عل استاذة مالتك وماكمل حجي الا واني ضربته وامي وكفت بينه ظليت اغلط عليه واسب بيه وگتله باجر اجي: اشوف مرتك بالبيت  لا اطردك من البيت افتهمت وخليت وطلعت
يتبـــــع

بـــــارت الحادي عشر
وظليت يومين مااروح لااهلي انطي فرصه لرشيد يصلح خطا ويه مرته ويوم الجمعه اخذت بنتي ورحت من دخلت شفت ايڤين تغسل الكراج فرحت حيل بشوفتها سلمت عليها ودخلت ليجوه اشوف امي واشوف رشيد كاعد بالمطبخ ويه امي سلمت عليهم بس هو شويه شايل عليه ومحجى شي واترخص وگام اني گلت يومين ويجي يريد فلوس مني اعرف لااخويه كلش زين ظليت ويه امي سالته عليهم گالت زينين بس يمه اخوك مقهور لان ضربت علمود مرته گلته لمصلحته حتى يكون رجال وكد مسؤليه ظلت امي تسولف الي من راحوا رجعوه لايڤين واخوه ابد محجى شي انقهرت هوايه وكلت لو بنتي مها لااطيح حظه ليدوس اله عل طارف وبعدين امي گالت  يمه هيه سبب خلافاتهم ان هم الى هسه مصار عدهم طفل گتله ترى البنيه صغيره والله كريم تترس الكم البيت جهال وخليت ورجعت للبيت واني افكر بهاي المسكينه الي الله انطاه واحد مخبل مثل اخويه حالها مثل حالي اني الله انطاني جنان ومرت ايام ورشيد ابد ميحجي وياي ومن اجي يصعد لغرفته انقهرت هواي ردت اني مصلحته المهم خابرني سمير وكلي انهم لكو وظيفه لام علي وهيه باشرت بيها كيفت گلت الحمدلله الي عليه سويته اني مخليتها تتبهذل بالبيوت وصارت شويه اوضاع مخربطه مال بلد وبدت الناس تشتري مواد وتتحضر وامريكا تهدد والكل مخبوص اني فكرت اخذ اهلي واروح للموصل عندي اهناك بيت نكعد بيه وبيوم رحت لاهلي واشوف هوسه وامي من شافتني كمشتني وكالت الحك اخوك راح يموته لمرته صعدت عليهم واشوفه يضربها بالحزام متحملت وخرته كانت شبه عاريه ودم يطلع منها وفاقده الوعي ظليت ادفع بيه واكله عوفها وهو مصصم يستمر بضربها رشيد كان اطول مني واضخم بس لان اخوه كبير وكف كتل وگال بعد مااريده خلي تولي منا دفعته وطلعته خارج الغرفه ظل يعيط ويصيح ويسب بيها رحت عليها گلبي وجعني عليه كانت فاقده غطيتها وبگلبي اكول ليش هيج متحمله شنو الي جابرج شلته ونزلته ليجوه شافته امي تخبلت وظلت تگول انكسرت ايدك رشيد  ودزينه عل سمير اجه فحصها وكال اوديها للعياده مالتي حتى لحد يحس بالمستشفي  اخاف تشتكي عل رشيد وديتها للعياده مال سمير وگال ايده مكسوره وعدها رضوض هواي بجسمها المهم وديناها وجبرنا ايدها ورجعتها للبيت كانت طريق كله تبجي وخليتها بغرفة امي وصيت عليه بنات اخويه يداروها ومتصعد بعد فوك يم رشيد الى ان نشوف حل الهم ورجعت للبيت واني اكو دم بهدومي مال ايڤين نزعت هدومي ورحت امتديت واني اذكر شلون دم يجري منها وجسمها حسيت بشي موطبيعي استغفرت الله وكمت صليت ونمت ومن الصبح رحت عليهم اشوف شصار وليش هيج رشيد يضربها اكيد اكو سبب  سالت امي گالت والله لان ميردها ويكول متخلف وصار سنتين وهيه محبلت كتله بسيطه انوديها للاردن ونشوف ليش متحبل امي گالت يمه من وداها رشيد للدكتوره كالوا اله ماعدها مبايض انصدمت وكلش انقهرت عليها گتله هاهيه يمه خلي يعوفها وياج ويزوج غيرها اذا كاتل روحه عل خلفه اني ازوجه مره لخ  ورحت عليها للغرفه واشوفها استحت مني سلمت عليها وطلعت مكدرت اظل يمها اكثر مااعرف شبيه وظليت اصيح اريد رشيد اجه بس لا سلم ولا شي وراسنا گال شوف منذر بعد مالك دخل بيه واني اعتبرني ميت وخلا وعافني ظليت صافن مااعرف  شااسوي امي كالت انوديها لااهلها لان منخسر رشيد علمودها گتله خلي تصير زينه وعود الله كريم وخليت وطلعت وظلت ايفين بعقلي شكد ردت اطلعها ماكو ولاكدرت انسه جسمها كرهت تفكيري كلش وعزمت بعد مااشوفها ابد ولا اوگف بطريق اخوي اذا طلكها ومشت ايام واني حتى من اروح اهلي أتجنب  شوفتها وظلت هيه يم امي عايشه ورشيد بغرفته وابد ميجي يحجي وياي وصار السقوط وقبله رحنا للموصل اني وعائلتي وامي وايڤين ورشيد راح ويه سمير وعائلته وبقيه اخوتي هم اجوي جنت نهار كله ملتهي ويه الكل وحجي وسوالف بس من يصير الليل اظل اذكرها وابقى الوم بروحي واستغفر الله الى ان انام وصار السقوط ظلينا شهر يلا رجعنا لبغداد ماكو داعي اسولف الكم اكيد كلكم مريتوا بيه بمرور ايام رجعت ايفين لرشيد وشويه خف عليها بداخلي غصه بس اگول شنو لازم ترجع رجلها هو اصغر مني هواي وهيه مرته ميصير هيج افكر اني گمت بعد مااروح لااهلي بس اخابر عل امي واسال عليه ردت اقتل الشعور الي بگلبي الي طريق مسدود ومحرم ولازم  يموت

يشهد الله عليه اني صليت وصمت ودعيت من كل گلبي حتى اطلع ايڤين من گلبي بس ماكو فائده تربعت بگلبي بدون اذن مني ودون سابق علم وصار العيد الفطر واني ظليت بالبيت ميعجبني اروح واشوفها ويه اخويه اني عمري جبير مو مراهق ليش ظلت بالي شلون كدرت هاي مراهقه تسرق قلبي مني انا لم اجرب الحب من قبل ممعقوله هذا هو الحب لا اكيد هذا مو حب هاي نزوه هاي وسواس شيطان

ورحت لغرفتي ميعجبني اروح لاهلي فكرت اروح للمزرعه وفعلا بلغت مها  ورحت اني ويها بعد ماذبيت جنان بيت اهلها ورحت للمزرعه وهناك طلعت كل قهري ازرع واحرث ومها تلعب وتسوي بيوت بالطين كضيت ايام العيد كلها بالمزرعه وبعدين رجعت للبيت ونمت نوم طويله وكعدت عل صوت تليفون جانت امي تسال عليه ليش مامريت عليهم ليش هيج ايام عيد واني مزرتهم گتله اخذت عائلتي ورحت للمزرعه غيرنا جو واتعذرت منها هواي وگلت باجر من الصبح اروح عليهم وضليت ادعي ربي يساعدني حتى اتجاوز هذا امر ردت اطلع گلبي واذبه لان يفكر بشي مو من حقه وظليت صفنه تجيبني وصفنه ترجعني وصار الصبح واني بعدني منايم گمت اخذت منوم اووف عقلي طار مني احس روحي مفرفحه اتريد تشوفها بس عقلي ميقبل ويگول انت داخل ممر اظلم واصحى قبل فوات اوان وظليت بمعركه الى ان نمت ومگعدت الا للعصر مها تلعب بشعري وتگلي اروح عل بيبي شفت السأعة اربعه العصر كمت عل حيلي وسويت اكل الي ظلت رقيه مجلبه بيه متريدني اعوفها تحس من اريد اطلع واخذتهم ورحت لبيت اهلي جنت تعبان نفسيا ظليت گاعد بالحديقه وبنات يركضن ويلعبن مردت افوت جوه بالبيت وراها طلعت امي بوستها وگتله لاتاخذين عل خاطرج اليوم اتعشى يمج  طلبت مني امي اذا اجه رشيد عليه اكون طبيعي وياه ومااضوجه
صار يمه صار لايظل بالج
واجه رشيد وگع عليه وباس ايدي متحملت وحضنته وبوسته وگتله انت ابني الي مو من ظهري گام يبجي ويگلي اني مااستاهل هيج اخ طبطبت عل ظهره وراها اجت ايفين ابد مشلت راسي عليها وكرهت روحي واختنگت گتلهم اني طالع جلب بيه رشيد واجت امي تتوسل گتلهم خلوا البنات يمكم اني اخلص شغله وارجع الكم حسيت البيت يخنكني ظليت افتر بالشارع شويه اوضاع مو زينه ظليت بالسياره گاعد اشوف من بعيد رتل امريكي يمر وهم موگفين السير حسيت اني اشبهم اجيت واريد احتل شي مو مالتي واول مره ابجي وادعي من الله يخلصني من هذا الشعور اني احبه لاخويه ومجرد التفكير بزوجته اكبر خيانه حسيت الوگت اخذني بالصفنات بس مااريد ارجع لبيت اهلي فكرت أرجع لبيتي وادز عل علاوي ابن اخويه يجيب البنات ويكول الهم اني عندي ضيف وعازمه بالبيت ورجعت لبيت وخابرت عل علاوي وفهمته وخلال نص ساعه رجعوا بناتي وبدت اوضاع تسوء وشويه منطقتنا تعبانه فكرت بالهجره اخذ بناتي واروح  لسوريا كانت منطقه اهلي احسن بهواي من منطقتي بس مااريد اروح يمهم حاربت شعوري بكل الطرق كمت كله اصوم واقوم الليل حتى اهدء واتوازن وبديت معامله مال جواز اني وبناتي اخذهم واسافر بلا جنان وخلال اسبوع كملت الجوازات بدون علم جنان وبنات اصلن متعلقات بيه وكله يمي ينامن وحجزت عل السفر وسحبت كم دفتر اكدر ابقى هناك بقى بس اوصي اخوتي عل ايجارات واكلهم مسافر كم شهر بس بداخلي گلت بعد ماارجع ورحت ودعت امي ورشيد كانت ايڤين عد اهلها شكرت الله لان مشفتها ومكتلهم عل جنان خليها مثل الچلب ترعى
وتعين الي يوم سفري مااخذت كلشي لاجنطه ولاشي گلت مناك اشتري الهم كله جديد وفهمت جنان ان رايح للمزرعه واخذت البنات وياي وفعلا سافرت اني وبناتي وتركت گلبي بغداد هذا افضل حل الي
يتــــبع

بـــــارت الثاني عشر
وبدت ايام تعدي عليه ثقليه بس بناتي مخففين عليه وافكر الي خلاني احبها يمكن لان بنفس الظروف هيه عدها رجل يضربها وقاسي عليها واني عندي جنان يمكن حسيت روحي مسؤول عليها كلما يصير شي الها اني اكون سند الها وبديت اشغل فلوسي حتى اشتغل واعيش واطلع افكار من راسي وعدت سنه 2004گوه فراق وغربه.
وكنت اتصل عل امي واسال عليها بس ابد مااسال عل رشيد وانهي مكالمه من امي تبدي تريد تحجي عليهم  مااريد اسمع شي عنها واجت سنه 2005 واني الحمدلله شوي سويت الي شغل وبناتي حمدلله تالفوا عل وضع جنت افكر اروح لدول اوربيه بس گلت عندي بنات خليني اهنا صح سوريه مو مثل العراق شويه باللبس واختلاط بس اني ابد ماتركت بناتي يتربون الا عل الصح وصارت مها عمرها 14 ورقيه8 سنين وبدوه همه يهتمون بيه حبيبات گلبي ابد مقصرت وياهن وجنان موليه لااهلها واكثر من مره گتلهم مااريده خلي تولي وردت اطلكها بس اهلها گالوا عوفها وخليه يمنا الى ان ترجع اني جنت اگلهم ارجع من اوضاع تتحسن بس اني بعد مااريد ارجع كان اليوم كله عادي اروح وارجع واكل وويه بناتي بس باليل يحل عل ذاكرتي طيف ايڤين ويظل ملازم الي رغم اني محاجي وياها الا هيج كلمات حاولت اكون علاقه بس اني متربي عل حلال مگدرت هوايه كان اكو فرص بس اني مااحب الحرام كانوا جيرانه عراقين كنت التهي وياهم ايام العطل يمكن مالگيت الراحه بالعلاقه الزوجيه بس الله عوضني بالبنات وايضا كنت من ادخل مشروع اربح ارباح مضاعفه والحمدلله وحبت امي تجي تزورني هيه وبيت سمير اخويه رحبت بالفكره كلش وطرت من الفرحه امي كانت فرحتي وبركه الي بدعائها الي وانتظرت كم يوم وفعلا اجوي اخويه سمير عنده ولدين علي وعمار وابنيه اسمها صفا علي كان حاط عينه عل مها بس اني احس من يباع عل بنتي اتخبل مااعرف شحس مااريد بناتي يروحن مني ولمح اخويه لموضوع الخطبه  بس اني گتلهم بنتي صغيره وتكمل كليه وافقوا بس داخلي نار مااريد احد ياخذ مني بناتي وتخيلت اذا ازوجوا وعافوني اكيد ما اوكف بطريق سعادتهم وظلوا يمي قريب الشهر وامي تلمح الي ان ازوج حتى لو سوريه ماشيتها امي حتى لااقهرها وگتله يصير خير وبدت امي تحجي اخبار رشيد ان صار احسن ويشتغل وهو يدير اغلب محلات الي ومقضي وقته كل بالشغل حمدت الله وشكرته امي رادت تزوجه لرشيد بس هو ميقبل وراضي بقسمته ويه ايڤين  وخلص شهر بغمضه عين ورجعوا للعراق وحسيت اخذوا روحي وياهم اريد ارجع لبلدي بس مااكدر خلصان من جنان وشوفتها الگشره فكرت اروح ارجع للموصل احسن مااضل بالغربه
وصارت اوضاع بعد اتعس بالعراق سنه 2006 وصار القتل والتفجيرات صرت اخاف عل اخوتي اخويه سمير كان دكتور جبير خاف عل روحه وعل ولده شباب اجه يمي طرت من الفرح واشترى شقه وكعد بعد كم عماره عنا شويه رجعت بيه الروح وصار علي ميفارقنا ابد شگد اطرد بيه لازك يمنه كان علي طويل واشگر وخريج صيدله بس اني ماادري احس بيه يريد ياخذ روحي مو بنتي يمكن لان تعبت هواي عل بناتي صار عندي هذا احساس مااعرف كل اباء مثلي لو بس اني
امي خطيه من خوفه عل اخوتي شكل عدها ضغط وكل يوم متخربطه وصار وحده خواتي ارمله بسبب كون رجله تحول من مذهب ال مذهب وقتلوه بالمحل مالته خرطوه خرط مااعرف شلون يكدرون يكتلون انسان طبعا امي راحت يمها لااختي جان رجله حالة الماديه زينه بس اهله محاربي كامت امي اخذت اختي يمها وباعت بيتها واشترت الها قطعة گاع وسدوا المحل مال زوج اختي بعدها صغيره كله مواليد 71 مهم مكدرت انزل للعراق لا اني ولا سمير بسبب اوضاع اخوي سمير يريد يروح لاامريكا وگلي عل بنتي ياخذها وياها گتله تخلص سادس واذا هيه وافقت اني ادزها الك وبگلبي اكول ان شاء الله  متوافق ومرت ايام عسيره وبده سمير بالمعامله مالته مال سفر وبدايه 2007طلع الهم القبول حزنت كلش عل فراق اخوي بس قبل ميسافر اخويه بشهر لاامريكا صار شي متوقعنا ابد وهزني وگعني من طولي وووو

يتبــــــع

بـــــــارت الثالث عشر

مگدرت اسمع الخبر ومحسيت الا اني مغمى عليه اجت عليه مها تبجي وتكعد بيه گتله روحي صيحي عمج سمير وراحت مكدرت اكوم عل رجليه واجه سمير من شفته بديت ابجي مثل اطفال واگول رشيد مضروب طلقه وحالة خطره شبگني وظلينا نبجي وقررنا ننزل سمير گال عوف بناتك بيتنا گتله لا مااكدر بلياهم منطاني گلبي اعوفهم حتى لو بيت عمهم ذوله بنات مينعافون ورجعت للعراق واني مخنوگ ولااكدر اجر نفس گلبي يريد يطلع من صدري ودخلت البيتنا واشوف اختي ارمله مگدرت بعد اكمل ليجوه اجت حضنتني وسمير هم يبجي ورحت ادور عل امي واشوفه كلش تعبانه حتى متكدر تگوم عل حيلها خنگتني العبره وطلعنا بوجهنا عل مستشفى واشوف اخويه جمال وزوجته نسرين ظل نفسي مخنوك ظليت ابجي مثل الطفل هذا اخويه الي ربيته عل ايديه هذا اخويه الي عفت وطني واهلي علموده ومستعد انطيه من عمري بس لايموت ودخلت لغرفته واشوفه مدد عل سرير وصوندات طابه وطالعه من جسمه كعدت بالگاع يم رجليه لا تموت ياما وياما ضربتك وادبتك موعلمود تعوفني لا حتى تكون سند الي گوم هاي نومه مو الك بعدها غبت عن وعي ومااعرف شصار من فتحت عيني جان اخويه جمال عل راسي ويگلي ضغطك فول ردت اگوم مااكدر احجي جمال شصار
والله يااخوي والدتي متخربطه  باليل ورشيد طالع يوديه للمستشفى كان ماكو منع تجوال بس من راد يروح يشتري اله دوه كان صاير منع تجوال وامريكان منبهين عليه بس ظاهر مداير بال الهم وضاربيه جانت اصابه رشيد مو بالغه يعني جايه طلقه من جهة راسه بس صفح وطلقه لخ ابطنه بس هيه طلقه مال امريكان تنفجر داخل الجسم وتسوي تسمم بالجسم وهذا سوه عنده غيبوبه يعني مختصر المفيد انهم مسوين الطلقه حتى لو اصابتك طفيفة تؤدي الى تسمم بالدم وبالتالي موت الشخص
مرت ايام سوده علينه ماكو اي تحسن بحاله رشيد واطباء قالوا عنه ميت سريرا فهمني سمير امرا بس اني متقبلت الموضوع ابد ردته يگوم من نومته وبدت حرارته باانخفاض مستمر كله اشياء تگول ماكو امل اله وانجمعنا ان ننهي عذابه ونرفع عن جهاز كانت ايڤين شبه منتهيه ومتقبل لاتاكل ولاتشرب
الشخص لو عنده الف اخ بس من يفقد اي واحد منهم لايستطيع اخرين سد مكان اخ مفقود وبدينا نهيأ لاامي أمر بس الوالدة ابد متصحى وخفنا عليها وظل رشيد لاهو حي ولا هو ميت وحاله من اسوء الى اسوء كان سمير بحكم طبيب افتهم الموضوع وقرر عنا رفع اجهزه عن رشيد واعلنوا وفاته  وعمت سحابه سوده بيتنا الكل منتهيه ومشت ثلاثه ايام العزاء واني مهدود الحيل كرهت كلشي  مكدرت استوعب موت اخي رغم ايماني بالموت بس اخ عزيز وفقده يكسر الظهر ومشت ايام وامي ابد متصحى وشكل عدها سكر  ظليت اني ومها يمها ابد معفناها من تصحح ظل تصيح بااسم رشيد وتلوم بروحها خلت يطلع علمودها ومر شهر كامل واني تعبان نفسيا وجسديا ماالي واهس وسافر سمير ال سوريا ورجع جمال الكركوك وكلمن رجع لحياته بس اني ظليت معلل مااكدر اعوف امي واختي وكمشت ايڤين عده يم اهلها ورجعت جنان البيتنا القديم واخذت يمها البنات بس اني ظليت يم امي خفت لااعوفها واجي الگاها متوفيه اختي ظلت تداري باامي گالت اختي بعد مترهم تسافر وتعوفنا صرنا بس نسوان اختي عدها بس بنات ثلاثه وبعدهم صغار  .كالت جيب عائلتك تعيش ويانه فوك بالملحق مكدرت اعارض لان منطقتنا كلها مليشات رحت قفلت البيت وجبت جنان وبنات يعيشون ويانه ومشت ايام وگتلهم اروح سوريا اصفي امور مال شغل وارجع وسافرت قريب الشهر صفيت وكان سمير مسافر هو عائلته ورجعت للعراق ورجعت لشغلي بس الدوام مكدرت ارجع اله لان  كنت مستقيل2


يتـــبع

بـــــارت الرابع عشر
وعدت ايام تجر ايام والدتي شويه تحسنت شويه امور احسن بس كلش قليل جانت اختي تروح تزور بيت ايڤين وتجيب اخبارها بس  اني بعدها الدنيا مو بعيني ماكنت مهتم وعدت سنة عل وفاة اخويه وقررنا نسويه سنويه اله وعزمنا اخوتي واجت ايڤين بس كانت غير المراهقه الي عفته 2004 كانت  كبرانه وبيها مظاهر و مفاتن الانوثه وكانت بعده لابسه اسود مكدرت اشيل عيني عنها داخلي حن الها مع اني لاحاجي وياها ولا طالع ولاطاب كنت اتعجب عل هذا الحب الي بداخلي ليش ممات اذا الحب متسقيه من افعال الحبيب يموت الإ حبي بلا اي شي من جهة الحبيب هو يكبر ويكبر عيوني تراقبها بكل مكان تروح اله قبل كنت امنع نفسي من نظر الها هسه بعد كافي گلبي يريدها بس شلون اهلي اذا رفضوا وهيه ولاحاسه بيه  ابد كل هاي السنين اني احترك وحدي وخلصت السنويه وراحت ايڤين وگلبي راح وياها ظليت الليل كله افكر بيها الى ان طلع الفجر صليت ونمت
كانت بنتي تستعد للامتحانات مال سادس وللظهر يلا فتحت عيني نزلت جوه اختي وبناتها يسون غدة ويحجون برشيد وايڤين شلون جان اخر ايام هاجره ينام بااستقبال إلى  ان حطو الغده واكلنا گتله لااختي عندي حجي وياج ورحنا گعدنا بااستقبال وگتله اريد ازوج ظلت اختي ساكته بعدين ابتسمت وگالت لازم من زمان هذا الموضوع يصير ومنو سعيده الحظ الي  اختاريتها واخيرا منذر حسيت ان لازم تتزوج گول من باجر اني اخطبها
ايڤين
شنو
الي سمعتيه
وليش ايڤين شنو قحطت نسوان حتى تاخذ مرة اخوك
لم تعد مرة اخويه
قنعني ليش هيه بالضبط
خوش ابنيه مؤدبه ومطيعه كلها اسباب
منذر انت اذا تريد تزوج لازم تزوج وحده تگدر تجيب الك الولد يشيل اسمك
مااريد ولد عندي مها تسوه بالدنيا كلها ساعديني شذى
مااوعدك بشي امي واخوتي كلهم اراح يحاربون هذا الزواج
خلص ازوجها واسافر
وين تعوفنا احنا كلنا نسوان وارامل
اوووو اريد ازوج ايڤين وخلص بدون اي اعتراض
انت لازم تلاحظ فارق العمر والشهاده
ملاحظ كل هاي اشياء
امي راح تكون اول معارضين الك ولاتنسه يمكن البنيه متريدك
(كلام اختي كله صحيح  بس اني شااسوي لگلبي .وكفت عل اخر جمله يمكن البنيه متريدك معقوله ترفضني ليش يعني تقبل بيه بكد ابوها زائد جنت حماها ويمكن بعدها تحب اخويه)
منذر شبيك صفنت ترى انت داخل حرب اصور مو گدها
شوفي شذى انت كوني وياي وخلص
زين منذر اني وياك
الي اريده منج تساليها عني تقبل تزوجني اتفقنا
زين ابو مها اسوي الي تريده
وطلعت واني كلي اساله معقوله ترفضني اوووف شوكت ارتاح وره يومين وديت شذى لبيت ايڤين وگتله ساعة وارجع عليج ظليت افتر واني افكر شنو جوابها يكون وگضت الساعة ورجعت عل اختي دكيت عليه هورن طلعت وصعدت وياي مشينا ظليت انتظر تحجي
اوو شذى احجي
گالت اني ماافيده لان زوجه اخو ومااكدر اجيب اله اطفال
شوفي شذى اريد اقابلها
يااا منذر شبيك البنيه رفضتك
لا مو كيفها ترفض
منذر انت بيك شي وكفت السياره وشحطتها
منذر شبيك راح تگلبنا
باعي اريد اقابله دبري الي موضوع اتقفنا
وين تريد تقابلها مااعرف المهم اقابلها
والله شوف مكان واني اجيبها الك
جيبها للمتنزه الي يمنا
وشلون اهلها يخلوها تطلع
لان انت راح تكولين احتاج ايڤين بكم شغله تشتريها وتجيبها
زين سيد منذر اتفقنا
خلال يومين هيه بالمتنزه
اي شوف الطريق  قبل متدعم واحد ونبتلي+


يتبـــع