بــــــارت الخامس عشر
وعدت اليومين واني افكر شلون اقنعها  زينت لحيتي وكشخت اخر كشخة وترست روحي عطر ورحت للمتنزه انتظر شذى وايڤين وظليت اروح واجي الى ان لمحتهم طرت من الفرح بشوفتها ورحت عليهم وسلمت هيه ارتبكت وظلت تباع عل شذى واهنا اختي گالت ابو مها عنده حجايه وياج اني اكعد بالسياره انتظر وراحت شذى گلبي راد يوكف حسيت روحي مراهق مااعرف شااحجي وياها گتله تعالي نكعد ورحنا گعدنا ظليت كل شويه اريد ابدي مااعرف
ايڤين
باوعت عليه بعيونه وبيها الف سؤال
اني اريد اكمل حياتي وياج اني فعلا محتاجج يمي ارجوج وافقي اعيشج اميره
ابو مها
لا گولي اسمي
ظلت ساكته احجي گولي لاتظلين ساكته
اني مااعرف احجي زين
ها
اني
شنو انت افهم عليك بس مااستطيع اتكلم مثلك
ها انت متعرفين عربي
نعم مااعرف
ههههه لهذا انت ماالج صوت واني اتخيلج خرسه  هههههه
حسيت بيها ضاجت
لاتضوجين اتعلم احجي كردي علمودج والله مستعد اتعلم حتى هندي بس وافقي
ههههههه
فدوه هل ضحكه
ايڤين وافقي وبس
باوعت عليه عيونه احلى عيون وعمتي
اني اقنع واحارب العالم كله علمودج
ابتسمت زين بس انت اممم وظلت تريد تحجي متكدر الي فهمته تقصد البلوه جنان
جنان ماله شغل بيج افتح الج بيت خاص بيج بعيد عن بلوه مالتي
هههههه هزت راسها موافقه يمكن اسعد يوم كان بحياتي يلا گومي اشتري الج مبايل تعلمين بيه كردي ههههه
گامت وعيونه كلها فرح ورحنا واشتريت اله مبايل وسيم كارت وصلته للبيت وراحت وظلت شذى بس تباع عليه
هههههه
شسويت الها
حجيت وياها
ولك اني كوه افتهم عليها
افتهم عليها بلا كلام
منذر انت من شوكت تحبها
وكفت السياره وارتبكت
من جان رشيد عايش
لا مو هيج
لاتكلي هذا الحب وليد اللحظه
اني حبيتها بس ابد متجاوزت حدودي وياها ولا حتى نظرت الها نظره مو زينه
هاي اول مره احجي وياها حتى مااعرف هيه متعرف عربي زين اول مره اعرف
منذر استعد للحرب زين
مستعد كافي عمري الي ضاع مني ويه ام كفشه خلي احس روحي رجل واله احتياجات
يصير خير ابو مها يصير خير
شذى مراح انسى جميلج هذا
لاتگول هيج انت اخوي الجبير وسندي بالحياة. ودخلنا البيت ورحت عل امي بوسته وكتله بالموضوع مال زواج وكيفت بس من عرفت العروس گامت تبجي
يمه لاتبجين
ليش تريد تاخذ شي مو مالتك
يمه صار سنه اخويه ميت واني ممسوي شي حرام
البنيه متفيدك عاگر
واني مااريد جهال
راح تدخل روحك بدوامه شوف الك غيرها شو گومه نسوان
بس اني اريد ايڤين
ناس تاكل وجهنا
ليش تاكل وجهنا هواي حموين يزوجون نسوان اخوهم من يموت اخ
هاي اذا كان اكو اولاد ويردون اولادهم يبقون يمهم مو مثل حاله ايڨين
خلص يمه كافي والله تعبت وهيه الوحيد الي راح ارتاح وياها
ابني اني اريد مصلحتك البنيه متفيدك
شوفي يمه اذا ماازوج ايڤين اسافر لاامريكا ولابعد الي كعده اهنا
هيج ابو مها تهدد امك
رحت عليه وبست ايدها وافقي
روح يمه سوي الي تريده
ارضي عليه يمه
راضيه عليك ابني الله يفتحها بوجهك
خليت وطلعت وگلبي كلت هاهيه منذر اذا الوالده قابل الباقين اسهل ورحت دكيت عل ايڤين ظل يدك محد شاله ظل بالي ليش متشيله ودكيت مره لخ هم محد شاله صرت اعصاب  اريد اسمع صوتها ذبيت تليفون ورحت خابرت اخوتي وجمعتهم كلهم طبعا وياهم زوجتي مصون وبلغتهم قراري الكل انصدم بالقرار ووراها گتلهم اني مجاي اخذ رايكم اني ردت يصير عدكم علم بس وخليت وطلعت8

يتــبع

بــــارت السادس ععشر
طبعا مها انصدمت بقراري وردت اشرح الها بس كانت بس تبجي اما حرمي مصون ظلت تگول انت خرفيت تالي عمرك راكض وره وحدة بكد بنتك والله عيب
عيب عليج ياام وسخ والجفيه متكولين صار كم سنه وانت هاملتني اذا فتحتي حلكج اشگه الج وهسه اطلع قهر السنين كله بيج
اي مفكرت تروح تجيب الك اولاد يشاركون بناتي بالتركه
وج موتيني عساج مفخخة وميلكون الج چثه ارتاحي ام كفشه البنيه عاگر متخلف هو هذا الهامج الفلوس غمه بشكلج وبشكل الخلفوج
اذا هيه متخلف اني ماعندي مانع
هو اني جاي اخذ رايج روحي ولي منا
وظليت يومين اقنع بمها الى ان شويه اقتنعت  وقررت اخذ بيت اخويه سمير اكعد بيه الى ان ابني الي ملحق ويه اهلي وخابرت سمير شويه استغرب بعدين گال يلا انت اعلم بمصلحتك وقررت ادز شذى واختي لخ عل بيت ايڤين حتى يخطبوها وقررنا الخميس يروحون
ومن صار الليل دكيت عليها مره لخ ظل يدك متشيله وره اربع دكات انشال تليفون وسمعت صوتها جنت عصبي فول راسنا عطت بيها وين جنتي مو خبلتيني ليش مجاوبين
اني اسفه بس اشتغل ميخلون اكعد
من سمعته تحجي كوه ضحكت انت رهيبه بالضمائر دمرتيه للعربيه
بعد مااحجي وياك
لا عل بختج كلشي ولا تزاعليني شوفي الخميس يجون اخواتي  عليكم زين
زين
احبج اموووت عليج
ههههه
شوكت حبيتك
😑😑😑😑😑تقصدين شوكت حبيتني
اي هههههه
من نزوج كلشي احجي الج
زين اروح اني يصحون
اوكي روحي
سديت تليفون وگلت خرب هاي شلون راح اتفاهم وياها بس يلا المهم اكون وياها
وصار الخميس واهلها وافقوا وگالو بشرط تسجل شي بااسمها ضمان الها لان انت مزوج وعندك بنات وهيه متجيب اولاد اني راسنا وافقت وكتلهم صار اشتري قطعه گاع وابنبها وتكون بااسمها وقررنا الخميس نعقد بالمحكمة بس ماكو عرس يعني نعقد وهاهيه ترجع وياي للبيت اني مصدكت يعني بعد أسبوع  حلمي يتحقق بس قررت اني اخذها واروح للشمال نقضي كم يوم اهناك بس مگلت حتى جنان لتحرك مها عليه وتصير خزازيات بيني وبين مها الي الى هسه ضايجه ومتريد تسمعني. اهل ايڤين مرادو ذهب بس گلت الأ اعوضه لان بيوم اخويه كلشي مشترينا الها وكمت اخابرها يوميه بس شنو كلشي متفهم وبدت تنطيني كلمات حتى اتعلم منها ومن الفظها تضحك فدوه ضحكتها تخبل وصار الاحد وگتله جايج اني وشذى نشتري الج ذهب وملابس ورحنا عليها وطريق كلها كامش ايدها ممصدك ان هيه الي صارت وشذى كل شويه تگول نحنا هنا وشويه تگول ترى اني ارمله راعي شعوري بس اني ولايمي‘ اخذتها واشتريت اله احسن الملابس وتخم ذهب راقي عل ذوقي ورحنا للمطعم وغديتهم ورجعتها للبيت ومن دا اطلع بسته من خدها هههههه
وظليت انتظر الخميس بفارغ الصبر وظليت اشكر رب العالمين عل نعمه عليه
وبديت اجهز بيت سمير واشتريت اخشاب وكم مره خليت اختي تشتري اله ملابس وصار الخميس ورحت للحلاق واشتريت قاط  واتحضرت عبالك ابن العشرين صح امي ومها كانوا ضايجين بس اني الدنيا متوسعني من الفرحة ورحنا عقدنا بالمحكمة ورجعنا للبيت وسوينا عشاء للجميع الكل كانت ضايجه وجنان دزيتها لااهلها حتى لااتكئب وره العشه اخذت ايڤين ورحت لبيت اخوي ويانا شذى واختي ام عادل وظلوا گاعدين واني اريدهم يطلعون وهمه سوالف عبالك صار سنين ممتشاوفات وظليت ادفع بيهن الى ان تطلعن من البيت موتتني ورحت عل ايڤين بغرفك النوم كانت كلش هادئه اتقربت عليها واخذتها بحضني وضميتها كلش حيل كأنما تعويض عل كل سنين الحرمان بدت تتوتر وترجف
شبيج مراح اكلج ثم هذا مو اول زواج الج حتى تخافين
ابو مها
اوفف گولي اسمي عيونها كلها ارتباك وخوف
ايڤين شبيج روحي بدلي وتعاي دخلت للحمام شويه طولت اني بدلت بس صدك طولت شبيها ليش خايفه رحت دكيت عليها الباب جاوبت اي طلعت وره شويه طلعت عيونه حمر
انت باچيه
لا دخل صابون بعيني مكانت لابسه شي مال نوم استغربت لابسه تراكسود گلت مستحيه اخذته من ايدها وظليت ابوس بيها اعترف جنت شويه عنيف وياها شو هاي گامت تبجي وگفت ودفعتها ليش تبجين
متجاوب
شبيج احجي
مابيه شي وبدت تحجي مو عربي مافهمت عليها شي
اوووو كافي كمت من جربايه وهيه ظلت تبجي
كافي تبجين اسكتي
كامت تگول اسم رشيد ومااعرف بعد شنو
شجاب رشيد هسه انت اذا تحبيه جان گلتي
وعفتها وطلعت2

يتبــــع

بـــــــارت السابع عشر
مرحبا اني ايڤين تاخرت بالتعريف عن نفسي لان مااعرف احجي زين عربي وكاتبه متعرف كرديه ميخالف اعرف عن نفسي مواليد 83 من دهوك يعني ارياف مال دهوك مو سنتر مالته من انولدت ماتت امي صعب واحد يتربى بالام تربيت بين اخوتي وابوي عندي 6اخوة صحيح مكانوا يضربوني بس محد داير بال الي وبس اشتغل واخدم بيهم من دخلت مدرسه وجنت شاطره بس من صار عمري عشر سنين والدي توفى وگام اخويه الكبير اخذني ورحنا عشنا بغداد واني مااعرف طگه عربي ادى ان اترك المدرسه لان صعب اتعلم وان تعلمت فلفظ غلط گاموا أطفال يضحكون عليه وصرت محط سخريه الهم فتركت الدراسه وايضا اخوي يحجي كوردي بس من يطلع يحجي عربي وزوجه اخي تركمانيه متحجي بس تركماني كلها ادت اني افتهم عربي بس مااعرف احجي الكلمات زين  ومن احجي اتعرض الى سخريه لهذا جنت بس ساكته ولااحجي وجانوا بس يكربون عليه حتى خبز اخبز الهم من صرت 16اجوي ناس خطبوني طبعا اخوي راسنا انطاني لان اعتبر عنده علاكه ولازم يتخلص مني حتى بلا مااشوف العريس  وخلال اسبوع اخذني اخوي ورحنا كطعنا مهر واشوف العريس اول مره كلش حلو واشقر وطويل راسنا حبيته وره فتره ازوجنا ولان اني مبطله من المدرسه واصلا جان ماكو لا نت ولا اي احد علمني شنو هو الزواج فجنت كلشي مااعرف عن الزواج وبيوم العرس اجه عليه رشيد باسني وگلي يلا نام ونمنا اني عبالي مجرد ان انام بصفه هاي يعني صار الزواج  وراح يصير عندي نونو رشيد جان كلش طبيعي وياي بنهار بس هو يجي ليل يصير عصبي وهو ابد محاول يفتهم عليه او افتهم عليه ومشت ايام واني اخدم بيهم امهم كلش حبابه وابد تحجي ورشيدنفس الشي هم ميحجي وعندي نسوان حموين بس ابد ميحبوني ويظلون يسخرون مني التزمت الصمت افهم بس مااحجي المهم عندي  رشيد وعمتي جنت شاطره وعمتي مكيفه بيه مرت اول ثلاثه اشهر ورشيد كلش زين بعدها بده يكلي ان راح يتعالج وبده يروح اطباء بس ظاهر هم كايلين اله ماكو فائده واجه گلي ان هو عاجز تماما ولازم اروح لااهلي ميريد يظلمني وياه بس اتمسكت بيه ومقبلت اعوفه لان بصراحة حببته كلش بس هو ظل يتوتر هوايه من يشوفني گباله وميكدر يسوي شي فگام يصير كلش عصبي وبده يضربني عل اتفه اشياء وبدوا يسالون عن اطفال وهو يكول بعدنا صغار والعمر كله گبالنه ومرت ايام ورشيد متغير يحس بالنقص وگام ميقبل البس ملابس خفيفة گدامه والبس حتى دشداشه ردن وانام ومن صار السقوط بدت مرحله جديده وهيه انفتاح وستلايت دخول حياتنا وبديت افتهم شنو عله رشيد وبده يفقد من يضربني حتى يطردني بالشارع وفد يوم گتله گول لااهلك ان اني مااخالف وصوج  صوجي بس هو جان يحس بتأنيب الضمير وحتى هجرني وگام ينام جوه وبعدها اتعرض رشيد لااطلاق نار واتوفى عل اثرها وراح سره وياه محبيت اگول الهم ‘كانت صدمه الي رغم كل عيوبه بس اني احبه وابد ومگلت لااحد عل مرضه ورجعت لااهلي واني منهاره وجانت اخت زوجي عل اتصال وياي عل طول وجانوا كل فتره تجيب الي فلوس مساعده الي وره سنه اجه اخوهم خطبني اني تفاجات كلش يعني هو اكبر مني بهواي ويعرف اني مااخلف مع هذا وافق يخطبني اتصورت ان هاي شفقه عليه لهذا رفضته وراها اخته سوت بينا لقاء كان كلش حلو طالع وفرحان وحسيت بيه طاير من الفرح وافقت عليه واشترى الي كلشي بلا مااقول كلشي وراها عقدنا ورحت وياه للبيت وگلبي خوف لان هاي اول مره الي وراح يعرف بسر اخوه فحاولت اشرح اله هو جان مندفع هواي وياي لان عباله اني مزوجه وعندي خبره وميعرف اني بعدني ابنيه ظليت ابجي وهو عباله اني رافضته وصار عصبي عليه شرحت اله بس مثل مگتلكم مااعرف زين عربي وراها عافني وطلع بلا ميفتهم شبيه اني1


يتــــــبع

بـــــارت الثامن عشر والاخيــــر
عفته وطلعت ورحت بالاستقبال وبگلبي غصه وراسي ميت سؤال ليش تمانع ليش
اووف مين اجيب الحظ واذكرت اول ليله الي ويه جنان ظاهر ماعندي حظ ويه نسوان اووف ربي ليش هيج ظليت افتر الليل كله مكدرت انام ارجع عليها واخذ الي اريده غصب عنها بديت تجيني افكار سوده استغفرت الله واذن الفجر صليت ونمت گعدت عل صوت الجرس فزيت هاي شذى اكيد جايبه ريوك ركضت شلت فراش جنت نايم بيه هسه شتكول عليه ليش نايم اهنا
رحت فتحت الباب هلا بالعريس وتضحك لا مبين عليك السهر وتضحك دخلت جوه وبيديها صينيه اكل وتسال عل ايڤين گتله بعدها نايمه
اي عيني نوم العوافي
والله الليل كله ادعيلك
دعاءج واصل
ههههه اكيد
اروح اني بعدك عريس
اي مبخوت مو بيدي 😑😑😑
هههه بالعافيه عليك يلا مع سلامه
ظليت گاعد واتصفن اروح اكعدها حتى ناكل
من فتت عليها جانت تخابر بالتليفون وجه تعبان يمكن باجيه هواي صرت عصبي شنو يعني هذا بعدها تحب اخويه
ليش وافقت عليه
خلصت مخابره
تعاي اكلي
اي هسه
ويامن تحجين جنتي
زوجة اخي
ذبت تليفون وطلعت كمزت عل تليفون اشوف اخر مكالمه جانت صدك زوجه اخوها طلعت وراها انوب لابسه من فوك ليجوه يارب صبرني كعدنا ناكل وهيه بس صافنه
ايڤين احجي اني اسمعج
نزلت راسها
شوفي اذا تبجين والله ارجعج لاهلج
ظلت ساكته
اووووه انت مو  طبيعيه يمكن لهذا رشيد جان يكتلج لان كاضيته بس تبجين نكدتي حياته وهسه دوري جنت عايز نگد بحياتي
اريد اذهب الى مقبره
ها شنو
ازور قبر رشيد
ليش يابه تاخذين رايه نام سوه لولا
سكتت
لا ماكو  روحه 
عفيه حباب
زين ميخالف انروح بس بدون احد يدري هسه شيكولون علينه
وللعصر رحنا للمقبره مال شهداء الي بااعظميه اهناك دفنا ال رشيد دخلنا للمقبره هيه راحت كعدت عل قبره مالته مااعرف شتحجي طلعت قران وقريت سورة يس گلبي وجعني عل اخويه وبدت دموعي تنزل لا ارديا اباع عليها هيه هم تبجي وراها باوعت عليه وگالت ممكن شويه تعوفني انصدمت بطلبها عفتها ورحت للسياره وگلت ولااتقرب عليها بعد واذكرت حجي امي من گالت عل دوامه الي ادخل بيها خنگتني  العبره وره شويه اجت وشغلت ورحنا للبيت الطريق كله محجيت وياها وهيه هم صامت نزلته بيت سمير وگتله رايح لااهلي ورحت واشوف مها گاعد وحده ومقهوره من دخلت راسنا اجت شبكتني گتله شبيج گالت خايفه من نتائج گتله لاتخافين شطلعين اني راضي وضحكت صدك ضحكة بنتي بالدنيا كلها واجت امي وسلمت عليها وسالت عل ايڤين گتله بالبيت
مرتك خابرت  تريد ترجع
خليه يومين وخلي ترجع
هسه انت بيت وحد خلي ترجع
لا مو هسه 
گومي مها بدلي نروح للمزرعه
صدك بابا
اي
وحدنا
طبعا وحدنا بس اني وياج يلا گومي رحت عل شذى وكتله روحي عود جيبي ايڤين يمكم اني رايح
يا بعدك عريس
لا شويه مها ضايجه هيه يومين وارجع
صار عيني عود ادز عليها البنات
ورحنا اني ومها للمزرعه ملاذي الوحيد من هموم ومشاكل وظلينا نزرع ونحرث اني ومها وافكر بايڤين شلون كاعده عل قبر اخويه  واخذ حسرات تجر حسرات
بعدين صحت عل مها
نعم بابا
تعاي شنو رايج بعلي
دنجت راسها
شوفي اذا ميعجبج كولي ابد لحد ياثر عل رايج اني شيكون رايج اني وياج
مااعرف شكول
ليش
اريد واحد يشبهك
ههههه هيج اني وسيم وتردين واحد يشبهني
اي
بس علي حلو واشگر
مااريد اشگر
ههههه اذا عل لونه سهلة نصبغه
هههههه فكري مها وردي الي جواب واني وياج مهما كان رايج
ميخالف بابا افكر
يلا خلي نكمل
وضليت يومين بالمزرعه ومابدي ارجع واشوف الرفض بعيون ايڤين ورجعنا ثالث يوم ورحت لااهلي وسلمنا وكعدنا بس ماشفت ايڤين سالت عليها گالوا فوك بغرفتها القديمه گلبي وجعني دزيت مها تصيحها حتى نرجع للبيت واني براسي الف سؤال وسؤال

+
واجت ايڤين وعيونه وارمه من بجي متحملت سلمت گتله يلا امشي لبيتنا امي گالت يمه ابقوا عل غده گتله لا تعبان اريد ارتاح  وطلعنا من بيت اهلي واول مدخلت للبيت عطت بيها شسوين فوق بغرفة خافت وگالت صعدت بس شويه ارتاحيت لان مگدرت انام البارحه طبعا كلمه عربي وعشره مختلط عربي عل كرديه
يلا كافي اني اخذ حمام وانام ومن يصير اكل كعديني هزت راسها موافقه حسيت داخلي براكين ظليت  بالحمام جوه الدوش ردت بس شويه اهدء من طلعت راسنا حطيت راسي ونمت جنت كلش تعبان من طريق بعدين كعدتني عل اكل اكلها كلش طيب كعدت كبالي تاكل هادئ واني اعصاب كمت گتله اريد جاي بغرفة النوم ورحت ظليت اكلب بتليفون واجت انطتني الجاي وراحت اوووف اريد اروح عليها بس اخاف لتصدني واذا صدتني يكمن ابتلي بيها وشويه سمعته دخلت للحمام اروح عليها هيه زوجتي ظليت افتر بالغرفه اروح واجي الى طلعت من حمام واجت بالبرنص تريد تبدل اني ظليت اباوع عليها طلعت دشداشه بجامه حمره مال نوم ورجعت للحمام گلبي كمز من مكانه معقوله راح تجي لابسه الي ظليت انتظر وشويه  اجت جانت شويه خجلانه بس اني رحت عليها وحضنته حيل وظليت ابوس بيها جانت مجاوبه وياي كلش ظليت اتلمس بيها فقدت بعد مكدرت اسيطر عل نفسي مااعرف حرمان هاي السنين كلها طلعت بيها كانت ذابيه بين ايدي واني

ابد مرحمت بحالها جنت كلش عنيف  وياها رغم كنت اذيها بس هيه ساكته حسيت بيها بدت تدفع بيه مااعرف شبيها اني مدرت بال الها بدت تگول عوفني حباب گاعد اتاذيني بس مجنت اريد اعوفها وصار شي ممتوقع اتفاجات بيه وخرت عنها هيه تتالم وتبجي ظليت مصدوم انعقد لساني وراحت هيه لحمام ركض هيه بعدها عذراء ليش مو هيه جانت ويه اخويه اسئله هوايه وهيه ظلت بالحمام رحت عليها ادك الباب ايڤين افتحي الباب وفتحت الباب جانت تنزف خفت عليها وكتله هسه اجيب الج شي من صيدليه جانت تبجي وتتالم رحت عل صيدليه اقره باادويه اعرف اكثر ادويه وكدرت اجيب الها دوه وانطيتها شاش گتله لاتبجين اني اسف بس اني ماادري انت ابنيه كان لازم تگولين الي شربته دوه بس هيه ابد محجت شي ضميتها الصدري باوعت بعيونها وسالتها انت ليش ساكته كل هاي السنين واحنه نگول عليج عاگر وانت اخويه مطاخج شگد انقهرت عليها وغفت بحضني گلت العصر اوديه عل دكتوره اخاف يصير عليها شي وظلت نايمه بحضني مثل طفله مكدرت اسامح روحي عل اذيه الي اذيتها الها من صار العصر گتله بدلي اوديج عل دكتوره وديتها وظلت دكتوره تحجي عليه  واني ساكت مهم رجعته للبيت وهيه كلش تعبانه خليته ترتاح ورحت للسوگ جبت اله معلاق وشويته الها من كعدت وشافت مسوي الها اكل ظلت مبتسمه وكلته باايدي حسيته بنتي وشويه شويه گامت تشرح الي عل علاقته ويه اخويه لهذا هو جان يضربها وهيه استحملت ومحجت لااحد شگد كبرت بعيني ومرت ايام وصارت زينه وعشت وياها احلى ليالي عوضتني عن كل حرمان الي عشته وره شهرين حبلت وطرت بيها طير والكل اتعجبوا كتلهم هيه موعقيم كان اخويه هو عقيم مكتلهم هو كان عاجز وجابت الي ابنيه حلوه تخبل سميتها علا
ومها قبلت بعلي ورحنا اني وهيه وايڤين لاامريكا واهناك سويت الها حفله جبيره واشتريت الها بدله ولبسته وخذنا صور وره شهر رجعنا للعراق  جانت ونسه من العمر وظلت الوالده تريد الولد وبسنة 2009ايفين جابت الي الولد وسمينا رشيد ورحنا اني وياها لدهوك عل اخوتها  وتعلمت منه احجي كردي لان هيه مستحيل تحجي زين عربي وعشنا اني وياها احلى عيشه

انتهــــــت

✿ من الروائع ✿ :
يحكى أن فتاة ممددة على فراشها تعاني من مرض خطير ..
سألت أختها الكبرى وهي تراقب الشجرة بالقرب من نافذتها :
كم ورقة باقي على الشجرة ؟؟
فأجابت الاخت بعين يملؤها الدمع : لماذا تسألين يا حبيبتي ؟
أجابت الطفلة المريضة :
لاني أعلم أن أيامي ستنتهي مع وقوع آخر ورقة
ردت الاخت وهي تبتسم : إذن حتى ذلك الحين سنستمتع بحياتنا ونعيش أياماً جميلة ..
مرت الأيام وتساقطت الاوراق وبقيت ورقة واحدة
ظلت الطفلة المريضة تراقبها ظناً منها أنه في اليوم الذي ستسقط فيه هذه الورقة سينهي المرض حياتها ..
انقضى الخريف .. وبعده الشتاء ومرت السنة ولم تسقط الورقة ..
والفتاة سعيدة مع أختها وقد بدأت تستعيد عافيتها من جديد
حتى شفيت تماماً فكان أول ما فعلته انها ذهبت لترى معجزة الورقة التي لم تسقط
فوجدتها ورقة بلاستيكية ثبتتها أختها على الشجرة .
♥ العبرة أن :
✿ الأمل روح أخرى ، إن فقدتها فلا تحرم غيرك منها ✿

راقت لي
◾قصة معبرة
عاش رسّام عجوز في قرية صغيرة وكان يرسم لوحات
غاية في الجمال ويبيعهم بسعر جيّد..
- في يوم من الأيام أتاه فقير من أهل القرية وقال له:
أنت تكسب مالًا كثيرًا من أعمالك، لماذا لا تساعد الفقراء في القرية ؟!
انظر لجزار القرية الذي لا يملك مالًا كثيرًا
ومع ذلك يوزّع كل يوم قطعًا من اللحم المجّانية على الفقراء..
- لم يردّ عليه الرسام وابتسم بهدوء
- خرج الفقير منزعجًا من عند الرسّام وأشاع في القرية
بأنّ الرسام ثري ولكنّه بخيل، فنقموا عليه أهل القرية..
- بعد مدّة مرض الرسّام العجوز ولم يعره
أحد من أبناء القرية اهتمامًا ومات وحيدًا..
- مرّت الأيّام ولاحظ أهل القرية بأنّ
الجزار لم يعد يرسل للفقراء لحمًا مجّانيًا..
- وعندما سألوه عن السبب، قال:
بأنّ الرسّام العجوز الذي كان يعطيني كل شهر مبلغا من المال
لارسل لحمًا للفقراء ومات فتوقّف ذلك بموته .
.هذا الرسام لم يكن يريد ثناءمن أحد هو يعمل لربه والله يرى كل شيء

قصــه جـديـدة💥🍒 ﴿#الريـفـيه_وابن_بغداد 🔥﴾
القصـه #10_باـرت 🔥💥
#صلو_على_نبي_الله_محمد_وال_محمد_اذكرو_الله
#قراءة_ممتعة🍒💥 +18

بارت اول 😍🍁
الريفية وابن بغداد
اعرفكم ع نفسي اني وردة عمري 20 ابوي متوفي واني صغيره ما عندي اخوان عندي بس خوات اكبر مني 7 وكلهن ماخذات ولد عمي اني عندي عمام 3 يمنه 2 واحد كاعد بغداد احنى هنا بالريف حياتنه كلش حلوه طبيعه وخظار يرد الروح جدي متكفل بينة وهو الي مربيني ودائما يكلي وريده اريدج تاخذين من ولد عمج ما اريدج تاخذين غريب بس ولد عمي الي بالريف كلهم متزوجين ظلو بس ولد عمي 3 الي بغداد بس هذول يسعرون من عدنه مره اجو وجدي فتح الموضوع وياهم كشو بوجها وما قبل ولا واحد منهم جا شني حكهم ناس متعلمين ياخذوني شني اني ما اعرف اقره حرف بس اني بت بيت مأصلة لو يفترون بنات بغداد كلهن ما يلكون بندارتي
بس جدي كبر وما عاد مثل الاول احنى حدنه كيعان وحلال وبساتين داير بيتنه
مره كعدنه الصبح جدي يجالع وكوه يحجي ويكول خلي يجي ابو جلال(عمي الي بغداد) اريد اشوفه
رعد عمي الجبير:اذكر الله بويه ما بيك بس العافيه
جدي: ولك يا عافيه هاي روح خابره اريد اشوفه قبل لا اموت
وردة: كاعده يم جدي وابجي
جدي فدوه اغديلك لا تمش وتعوفني جا شنهي منو بعدك يربيني عدمن اظل
جدي: بويه وريده لا تبجين انه انقهر من اشوفج هيج
وردة : رحت يم امي وتسكت بيه وعمي رعد خابر عمي ابو جلال حتى يجي يشوف ابو قبل لا يصير شي
والتمو عمامي وخواتي ولد عمي وعماتي ع جدي وكلنه نبجي ولا بالايد حيله
نوريةام ورده: ولج وريده تعاي ساعديني جا انتي بسج من البجي هاي الوادم شنو نعلفها يلا امشي وياي حظري الجيمة (الحطب) حتى نخبز
ورده: حظرت الجيمه وكعدت اخبز واني ابجي وبالي يم جدي كوه كملت بس امي ما عافتني
شنهي يمه اريد اكعد يم جدي ساعه وانتي ما عايفتني ريضي (انتظري) عليه شوي جا شني بس اني عندج وتامرين عليه
نورية: وجباح شني ترادديني هو انه هسه بيا حال يوم ابوج انعاد عليه جا شنو هو عزيز عندج واني لا
ورده: رحت للمطبخ وطبخنه الاكل الي يكفي هذا الجيش الي هد علينه ولا وحده كامت بالجذب كالت اساعدكم واني عين ع الاكل وعين ع جدي
كملنه وصبينا وكعدو ياكلون وكملو وشلنه الاكل ورحت اغسل الماعين صارن مجغمرات(يعني تل ) وكعدت اغسل بالحوش ومسرفنه اديه وشايله ثوبي احنه جوه الثوب نلبس سروال عريض وكاعده اغسل وانحب واون ع جدي
.
.
ياحلوين الشوارب وين هالنيه
لا تبطون والطلعه فراكية
.
.
جدي حالته ميؤس منها وكلبي راح ينشلع علي واني بنص المواعين واون وابجي دخل عمي ابو جلال وياه مرته وجلال سلمت عليهم وطبو بس جلال ما رد عليه حتى يباوعلي ودار وجها بس حكة شنهي اني اطلع زلمه يم البنات الي يشوفهن جنت لابسه ثوب تترون هذا القماش والواكف ولابسه شيله ومتعصبه والثوب عريض وشوي بي كصر كد اصبعين جواه سروال عريض هم تترون يعني شكلي يخزي اني يم امه بيبيه
كملت شغلي وطبيت كعدت يم جدي
وافرج براسه وابجي
جدي: ولج وريده بسج بجي راحت عيوني شني انه احسن من الراحو بالعكس ارتاح ليش انه شحصلت
جدي: وريده بويه كومي وكل مره ما اريدها يمي طلعو كلكم اريد بس عمامكم وجلال
ورده: طلعنه كلنه عماتي ونسوان عمومي ولدهم وخواتي وظالين نتصفن شكو وليش جلال ما طلع نوريه: سوده عليه يمكن كاعد يوصيهم بيه ولا بي ان شاء الله اني هو العازنه والرازنه انه وهاي البت عكب عينه وين نولي
عمتي: اي والله ما عايف احد منو يشوفه محتاج ينطي ناسي روحه وملتهي بينه كبره الظيم
جدي: شوف ابوي جلال وهاي كبال الحاظرين اني مدري اعيش اليوم يو لا اريد حجايتي تمشي فهمتو لو لا
ابو جلال: بويه تأمر اشلعلك عيوني
جدي: مثل ما تدري اخوكمات والبنات كلهن خذن ولد عمهن ظلت بس وريده وخوانك بعد ما عدهم زلم ظليت انته ورده ملزومه منك تاخذها الجلال
جلال: شنو اني اخذ ورده لا ما اخذها لو مدري شنو يصير
ابو جلال: انجب ولك ترادد ابوي غصبا عليك تاخذها بت عمك هاي ما تكول لا
جلال: طلعت متنرفز وكفت بالحديقه شغلت جكاره وصافن معقوله هاي الهمجيه اخذها مستحيل هاي ام اطفالي اخليها هاي خدامه ما ادخلها بيتنه
جدي: شوف ابنك ياخذها غصبا عليه خليني اموت وانه مطمن عليها
ابو جلال: اسم الله عليك بويه غصبا عليه ياخذها
جدي: جا روح جيبو الشيخ وعقدلهم
ابو جلال: صار بويه هسه اجيب الشيخ
جلال: اجه ابوي عليه وظل يصيح
ابو جلال: ولك انته ما تستحي ما تخجل علمتك حتى تتثقف لو تشيل خشمك ع الاوادم بت عمك وتاخذها لو تطلع روحك فهمت ورايح اجيب الشيخ ونعقدلكم رضيت والما رضيت ما ازعل ابوي مني ع مود حظرتك
جلال: ابوي يحاجيني بطريقه غريبه اول مره هيج ما كدرت اكول شي لان ابوي دمه يفور
ورده: وصل النا خبر جلال راح يعقد عليه وراح يجيبون الشيخ وانه ادري هو ما راضي يربي شلون تصير حياتي وياه ليش يا جدي تظلمني وتظلم بختك عمي راضي وحتى مره عمي هي زينه وياي وراضيه بس ما فرحانه بيه
وع كلشي تنتقد شني اروح العب بروحي حتى اعجبكم انه هيج خذيتوني
اجه الشيخ وعقدلنا وجدي كال باجر اروح وياهم البغداد وكال الامي تروح العصر تجيبلي ملابس
يتــــبع 😍🍁

البارت الثاني


الريفية وابن بغداد+18

وردة: امي راحت للسوك وجابتلي اشكال والوان دشاديش يخبلن مال مزوجات وجابتلي 3 رواب نوم ستن وطوال واحد نص ردن وطويل حيل مثل الدشداشه والثاني هم طويل وربع ردن والثالث ردنه كركش هيج هنه عراض يسمونهن ام الزخمتين حلوات وجابتلي شيله بريسم جديده وجابلي كحله وديرم شغلات يخبلن شكد حلوات فرحت بيهن وضميتهن بالجنطه ورحت يم جدي
وردة: جدي شلون اروح باجر وانته مريض جا غير يظل بالي يمك عليش تقلقني واني من مهب الريح اطيح
جدي: يا بعد روح جدج اني زين ما بيه شي روحي البيت رجلج واذا الي عمر اعيشه وباجر عمج ياخذني للمستشفى والله كريم
جلال: افف شلون تحجي كلامها والفاضها مقززة ما اتخيلها صارت مرتي اباوع الها ولعبانه نفسي وطلعت من الغرفه ورحت للحديقه اشم هوه ياريتني ما جاي ولا صارت هاي المصيبة
وردة: يا رب سترك جلال ما رايدني كلش ولا بشكل من الاشكال بس شسوي اني شنهي بيدي هم مغصوبه مثله
رحت الامي اسولف وياها
يمه هذا جلال ما بالعني ولاني عاجبته مطنكر بوجهي عليش اني ما بياش(بيه) شي يتعيب وجدي مدري منين طلعلي بهذا الفنتك (الموضوع)
نورية:جا شني هو بكيفه ما يريدج بعد انتي صرتي مرته شوفي سمعي كلامه اموتج اذا تعصين امره ما اريد يكولون نوريه ما عرفت تربي
وردة: يمه شنهي ما عرفتي تربي اني مربايه زين بس هو يمه ما رايدني ما توجدين(تشوفين) زين
نورية: شنهي انفتكتي (خبصتيني) بهاي السالفه كلتلج صتري مرته وهذا هو
وردة: يربي محد يفهمني اروح للهوايش واسولف وياهن احسن
طلعت ورحت البيت الهوايش وكعدت اوكل بيهن وكاضه (لازمه)الفانوس بيدي لان ليلت الدنيه وكعدت انظف بالمكاني واسولف ويه روحي بصوت عالي يربي ليش ما يريدني جا اني مو بت شنهي ما عجبته بس هو حكه هو حلو حيل من هاي الشباب الجمالهم تستحين منه بس شني اني هم حلوه عليش شايف روحه علي شني شايفني مجعمرة(مو حلوه)
جلال: طلعت اتمشه واشرب جكاير واسمع صوت طالع من الحظيره مال الابقار تقربت حتى اسمع طلعت ورده تسولف ويه روحها بيه
ورده: كملت تنظيف وردت اطلع وما اشوف الا جلال كبالي اتسمرت(وكفت) بمكاني
جلال:الحمدلله والشكر هم همجية وهم مخبلة اني امي اكيد داعيه عليه
وردة: اني راح احجي بس مو تكول تراددين
شني عليش ما عاجبتك واني شني همجيه ما كلتلك اخذني واني موش مخبله عكلي يوزن ديره
جلال: لج دروحي دخلي جوه اني اتناقش ويه هيج شكول
وردة: دخلت للبيت ودموعي تصب اذا ما يريدني عليش يحجي علي جا اني شني حيوان ما احس
نمت وكعدت ويه اذان الفجر عجنت وكملت ورحت خبزت ودخلت سبحت بصابون ركي جلفت روحي جلف بعد عشتو وانه عروس وطلعت لبست ثوب وردي ستن وبي غرس لونه وردي واني شني مستحيه احد يشوفني كله البس الوان طوخ سلمت ع امي وجدي وظليت ابجي وعمتي تسكت بيه ورحنه صعدنه السياره
واني اباوع ع الطريق انه اول مره اطلع من الديره كله جنت سارحه بحلالنه وجلال وعمي يتناقشون وعمي يقنعه بيه ويكله جدك يزعل اذا دره مدري شيريد يسوي نمت بحضن عمتي شوي وفزيت كالو وصلنا دخلت شنو البيت نازك بي اشياء ما شايفتهن دخلت واباوع ع البيت والاضويه وعمتي كالت صعدي فوك الغرفه جلال بعد هاي غرفتج جاي اصعد بالدرج واحد جرني من وره كال وين رايحه
عمتي: اني كلتلها تصعد فوك غير صارت مرتك
جلال: هاي مو مرتي واني ما اريدها دوريلها مكان ثاني غير غرفتي
وردة: دفعني اجيت اطيح نزلت جوه وعمتي كالت ميخالف شوي ويتعود هو ما يحب النسوان من يوم يومه
ودخلتني غرفه ما بيها شي فارغه جابتلي فراش وكالت باجر نجيبلج جربايه وكنتور
دخلت بدلت ملابسي ورحت ادور ع عمتي
عمه شنو جاي تسوين اني اسوي بمكانج
عمتي: يا عمه شنو روحي كعدي بغرفتج عروس انتي
وردة: يا حسره ع حضي عروسيش  سوده مصخمه
عمتي: يا عمه كل شي بالتعويد بس انتي تغيري شوي جذبي لبسيله وعدليله
وردة: اي امي جابتلي روابه شحلاتهن
عمتي: اي اليوم لبسي وصعدي بلكي ينغري وتعجبينه
ورده: كملت الاكل وصبيته وعمي عجبه الاكل حتى ولد عمي بس جلال ساكت واحد من ولد عمي حيل حباب اسمه امجد اصغر واحد والاكبر منه ايمن هم حباب بس جلال اعوذ بالله ابليس عيونه تطلع نار
كملت وغسلت الماعين واستحي اسولف لان يستغربون حجيي ويضحكون عليه هم مو قصدهم بس انه اضوج
وصار وقت العشه عمتي سوته وجلال طلع وره العشه اني غسلت المواعين ودخلت غرفتي اخذت الروب والديرم والكحله والشب وصعدت فوك77
يتــــبع 😍🍁

البارت الثالث



وردة: صعدت فوك ودخلت للغرفه خايفة بس غرفتة نازكه ومرتبة مثلة هو كلش مرتب وانيق خلي اوصفلكم شكله
هو ابيض ولحيته شوي طويلة عيونه وصط حلكه يخبل وردي وطويل وضخم
اما اني بيضه وجهي مدور وعندي رصعات بخدي شعري طويل حيل اكصر مني بشبر عدنه بالريف عيب البت تكص ضفايرها واني كصيره طولي 155 وزني 50 يعني جسمي وسط عيوني سود وكبار ورموشي طوال وحواجبي مرفوعه يعني هذا شكلي بأختصار اني حلوه بس الشيله واللبس مكبرني
.
.
لبست الروب الجابته امي يصير ستن طويل وعريض لونه احمر وبي دانتيل ابيض ع الردن استحيت من لبسته طالعه زنودي وحليت ظفايري وخليت شب وحطيت ديرم وحطيت كحله بس الله ستر وما بزيت عيني وكعدت بالكاع انتظر جلال
شوي ولنه طاب علي وانه هنا متت استحيت كلت شسويت بروحي هسه شيكول كاتله روحها ع الرجل صخام الصخمني
جلال:دخلت وشفت ورده كاعده بالكاع ولابسه ملابس تلعب النفس مال بيبياتي لا ومكملتها فاتحه شعرها دخلت سحبتها من ايدها وكلتلها ليش صعدتي انتي ما تخافين
وردة: والله اني ما علية بس عمتي كلتلي صعدي
جلال: وشمسويه بنفسج تخوفين جنج وحش هاي ملابس هاي شوفي وجهج لو ريحتج كلها ريحه حيوانات
وردة: شبيها ريحتي سابحه وشحلاتني ما بي شي لو انته بس تحجي علي عليش تسوي هيج ما تريدني كلي امشي وانه امشي جا شني ما عندياش (عندي) كرامه
جلال: لج انتي لو ينكعونج بديتول تظل هيج ريحتج مقززة جسمج تشبع بريحه الحضيره
وردة: سمعته هيج يكول حطيت ثوبي النزعته ع متني (جتفي) ونزلت وشافتني عمتي واجتلي
عمتي: هاي شبيج دادا دتبجين
وردة: عمه هذا جلال يعيب علي وما رايدني باجر تودوني لهلي جا عليش ضاله جويعدة (كاعدة) هنا شصخم
عمتي: لج هاي شنو شلابسه بس لا شافج جلال هيج
وردة: اي هيج شافني لبستله روب وحطيتله ديرم وحليت ظفايري وما عجبته عمه كليلي شسوي
عمتي: لج شنو تسوين لعبتي نفس الولد من النسوان كلهن شبيج هي هاي ملابسج كلهن تذبيهن باجر اني وياج نروح نجيب نيشان جديد بدال هاي الملابس الي من زمن جدي حقه الولد ما يعجبه
وردة: شني هاي عمه حتى انتي علي جا وين اولي الله واكبر انوليت
عمتي: كافي يلا ونامي هسه وسمعي كلامي وراح تكسبين جلال هو ما يريد شي بس تصيرين نازكه ومرتبة
باجر اخذج واجيبلج شنو تحتاجين واخذج للصالون اغيرج شوي
وردة: يااا عمه صدك اريد مثلج شعري اصفر
عمتي: اي اسويلج هسه نامي باجر مشوارنه طويل
وردة: نمت وكعدت سويت الريوك وعمتي اخذت فلوس من عمي ورحنه للسوك وعمتي جابتلي اشكال والوان دهن للادين وللوجه تكلي تصيرين حلوه وجابتلي روابه نوم استغفر الله منهنما ينلبسن شكد عيب كله خفيف ومشخل وجابتلي شسوار اسوي شعري بي وملابس بيت وملابس بره كالت اسمهن فساتين وشالات كالت بعد ماكو شيله وكملنه ودتني للصالون كالت فد مره طلعه وحده
عمتي: شلونج لولو اريدج تكلبينها كلاب اريدها تصير ملكه جمال بعد ما يصعب عليج
لولو: بس شنو هاي جانت بجحر يرادلها شغل هوايه عيني ارتاحي وهسه من تجيلج ما تعرفينها
وردة: كعدت ع الكرسي ظلت تحف بيه بس وجع ما ينحمل نوب خلصت وبدت تسوي بشعري ميشته الي ميش نثر اصفر زيتوني ع طول شعري صار يموت وكفت انه ما عرفت روحي وعمتي كلتلها مكيجيها ومكيجتني وصرت اخبل طلعتني غير ون جن اني شواربي ينحلف بيها ورجعنه للبيت ودكت ع المطعم جابت اكل جاهز لان ما لحكنه نطبخ ودحلنه للغرفه تعلمني شلون احجي
عمتي: شوفي حبيبتي راح اسولف وياج وركزي زين اريد كلامج يتغير صيري نازكه وهادئة وصوتج ناصي وتدلعين وبيج انوثه مو من تسولفين حلكج كوله تفتحي لا عيني نصي صوتج وتدلعي بالكلام وبعد ماكو العليش واليا وجا وشنهي لا كولي لعد كولي شنو وكولي ليش اوك هيج احجي بنزاكه
وردة: وكعدت تعلم بيه وصل الاكل وكلها التمت حتى تاكل انه طلعت لابسه فستان ماروني والمكياج الي حطته ام الصالون وطلعت وشافني جلال انصدم مو بس هو الكل وامجد يصيح روح جلال طكيت باوعت شنو جاي ياكلون هيج خبزه وفوكاها لحم وفلفل وطماطه سمعت جلال يكول اسمها بيتزا يحظي هاي شلون راح اكلها
انتبهت ع امجد شلون كصها واكلها سويت مثله بس شنو العيون كلها عليه ادري مستغربين شكلي حتى انه مستغربه نفسي كملنه اكل وردت اعزل المطبخ عمتي ما خلتني كالت الجلال اخذ مرتك وياك فوك وهو ما عجبه الوضع اخذني وصعد فوك بس شنو جر ايدي حيل وشمرني بالكاع وراح ع جربايته ونام واني خفت انزل وخفت اتحرك بالغرفه ظليت شلون المسجون تقرفصت بمكاني وغمضت عيوني وغفيت وكعدت ع صوت
يتـــبع 😍🍁

البارت الرابع



الريفية وابن بغداد+18

جلال: انتي هيي كومي ماخذه راحتج كلش ونايمه روحي نزلي جوه ما احب احد بغرفتي يظل يلا مو كافي تحملتج ساعتين بيها
وردة: باوعتله بنظرة غضب ونزلت وبعيوني النعاس وما اشوف كدامي ونردمت ب امجد
امجد: هاا ولج جلال حيل مدوخج حتى تمشين وتنضربين بالناس
وردة: خررب حظي يا جلال ليش هو يباوعلي
امجد: اكلج شي مو تضوجين حقه اذا اخوي ايمن مغري اكثر منج ههههه
وردة: ولي جا شنو مو تعدلت اليوم وصرت شحلاتني جني البخت
امجد: شوفي هذا كلامج الي يذكره بشكلج القديم
وردة: جا شبيكم عليه من انولدت واني بالريف تردوني بساع (بسرعة) اعرف احجي مثلكم
امجد: ولا يهمج اني اساعدج تعالي وراي للاستقبال
وردة: رحت وراه وكعد يعلم بيه وبديت احجي مثلهم  بس شنو اذا حجيت سريع ومتحمسه ارجع احجي مثل قبل بس اذا مركزه لا احجي مثلهم حتى صوتي نصه هههه
وبعد ايام من التعويد تقريبا صرت تمام بس مو كلش لا ع كولتهم كولش ههه مرات طفر مني كلمه عليش ههههه
وعمي يتصل يوميه ع اهلي ويتطمن ع جدي وكالو صار زين وهم اسولف ويه امي شوي وكالو اكو تحاليل يسويهن هنا بغداد ورا يجي هو وامي يا الله شكد مشتاقتلهم
واليوم بليل ب9 يوصلون واني وعمتي حظرنه كل شي وكالت لبسي احلا شي عندج حتى لا يظل بال جدج احنى مقصرين ومكيجتني خفيف وسوينه العشه وواندك الباب ودخلت امي مدري شصار بيه ركضت وحضنتها وظليت ابجي وشفت جدي واكف ع حيله بعد ما جنت مأيسه اشوفه وامي تسكت بيه
نوريه: ولج وريده شبيج تبجين احد مضوجج
عمتي : شنو هذا الكلام ام وردة ورده حاطينها بعيونه بس هي مشتاقتلج
وردة: اي يمه هم ما مقصرين وياي
وتعشينه وكعدنه نسولف وصار وقت النوم
عمتي : ورده حبيبتي لا تجيبين خبر الامج جلال ما متقربلج واذا سألتج كوليلها صرت مرته وكوليلها انام فوك وانتي هم نامي فوك اني مساع صعدت جنطتج فوك حتى ما يشوفونها ويشكون اوك
وردة: بس عمه جلال ما يقبل انام بغرفته
عمتي: جلال عوفي عليه اني اسولف وياه
جلال: جنت كاعد يم جدي وامي صاحتني واخذتني ع الحديقه
عمتي: شوف جلال ما اريد مشاكل ويه جدك صعدت ملابس ورده فوك وطول ما جدك هنا هي تنام فوك وبعدين انته ما تستحي رجال طول بعرض بنية ع ذمتك بعدهي مثل ما جابتها امها شنو مو رجال
جلال: من حجت هيج امي عصبت حيل وظليت افور
يمه مو قصه رجال بس البنيه ما اريدها ما احبها
عمتي: تريدها ما تريدها هي مرتك ولا تحلم بغيرها فهمت مثل ما اني ما اقبل تجي وحده تشاركني ابوك ما اقبل ع بنت الناس تجي وحده تشاركها بيك فا اتقبلها شلون ما هي
اصلا هي تغيرت ع مودك حسسها فرحان بيها
جلال: كلام امي لا بعيني ولا بحاجبي مغثوث من ورده واني الها اليوم تشكي الامي ومسويتني مو رجال اعلمها المو رجال شنو راح يسوي بيها
دخلت جوه شفتها كاعده يم امها صحتلها
ورده تعالي اريدج
وردة: جنت كاعده يم امي وصاحلي جلال ورحت بس شنو جان معصب يفور بس يسوي روحه ما بي شي
ردخلت للغرفه وسحبني ودفعني ع الجربايه وشك ثوبي وما يتحاجه اكله شبيك ما يرد
وردة: جلال شبيج ولك عوفني عوفني لا اصرخ والم البيت عليك هسه
جلال: عليمن يلتمون رجال ومرته وحر شننو اسوي بيج  مو اني مو رجال اريد اراويج المو رجال شلون
وظليت ابوس بيها بشراها و بوساتي تسوي اثار بجسمها الابيض وهي ظلت تدفر وتتحرك جواي بس تريد تخلص نفسها
وردة: جلال عوفني انته ما تريدني ليش تسوي بيه هيج
عوفني الله يخليك
جلال: وعيت ع نفسي شنو جاي اسوي كمت منها وعفتها كلماتها صحني صح ليش اتقبلها زوجه واني ما اريدها
وردة: كام جلال واني حالتي حاله ركبتي توجعني ولونها صاير ازرك وجسمي كله اثار لزمه ايده كمت وطلعت ملابس ورحت للحمام غيرتهن وظليت ابجي بالحمام ع  حظي الجابني هنا يا ترى شنو مظموم الي بعد اكثر من هيج عذاب ماكو الله يسامحك يا جدي ورطتي غسلت وجهي من الدموع وطلعت وشفت جلال كاعد ع الجربايه
وشكله عصبي يمكن لو احجي حرف يكوم يكتلني
باوعت ما لكيت فراش الغرفه عمتي ناسيه ما مصعده فراش اليه
وردة: جلال اني وين انام ماكو فراش بالغرفه
جلال: شسويلج اني دبري نفسج هاج هاي مخده ولي من وجهي
وردة: اخذت المخدة وطلعت من الجنطه مالتي بيها عبايتي تغطيت بيها ونمت ع الكاع وحظرته ع الجربايه مرتاحه ولا عندة غيره شلون يقبل هيج
يتــــبع 😍🍁

البارت الخامس



الريفية وابن بغداد+18

وردة: كعدت الصبح وجلال بعده نايم تقربت منه واباوعله صح البارحه اذاني بس تمنيته رايدني ويسوي هيج جا ما كلتله يروح بس لو اعرف شبيك
نزلت جوه وشافتني امي وصبحت ليها هي وجدي ودخلت للمطبخ اسوي ريوك طلعت ركبتي من الشال وعمتي ظلت تضحك هاا شعليج صرتي مره
عمتي: ها شلونه جلال وياج  ما متأذيه كعدي اني اسوي ريوك
وردة: زين دلال واني ما بيه شي اني اسوي ريوك
وبديت اسوي بالريوك وامي تلمحلي واني اجذب واكلها لا صرت مرته حتى جدي شاك يكلي جلال لا يصيحج لا تكدين يمه
وظليت ع هاي الحاله يومين جلال ما متقبلني بالغرفة بس اني بديت احبه رجلي شلون ما احبه واريده ااخ لو يفهم هذا الشي صار الظهر وصعدت فوك وجان جلال ما يتحاجه واني هم غلست عليه كلت احسن ما تصير مشكله وامي هنا
جلال: طلعي بره ما اريد اشوفج هنا يلا نزلي جوه
وردة: وين اروح ظهر وكلها نامت من انزل شنو يكولون
جلال: ولج تراددين
كملت لزمتها من شعرها ظليت اضرب بيها بدون وعي وهي بس تبجي وتصرخ ودخلت امي وامها وامجد حتى يفكوها مني واني مصر اموتها
نورية: ولك عوف البنيه راح تموت شني ما تخاف الله شسوتلك عوفها
وردة: ما ظليت احس ع نفسي من الضرب تكسرت تكسر وهو يصيح ما اريدها اخذوها بتكم بعدهي مثل ما هي ما اريدها
نورية: ياااا صخام الصخمك شني بعدهي بنيه جا شني عايفينها يمك مزهريه اليوم ما تظل يمك ولج وريده كومي جيبي هدومج ما الج كعده هنا
ورده: يمه لا الله يخليج عوفيني جلال معصب هسه يهدأ
جلال: روحي ولي ما اريدج ما اريد اشوفج4
نوريه: ولج كومي جاي اكلج ما تبقين وروح ابوج
ورده: كمت لميت ملابسي واني ابجي اتمنى احد يكلي ظلي هاي هي خلص كلشي وراح اصير مطلكه ريتني ما تزوجت من البدايه شصار بيه وليش هيج اني من دون البنات
نزلت ملابسي وجدي مدنك ومستحي مني وعمتي فشلانه من ابنها زين اعاتب منو والوم منو خطيتي بركبت منو اااخ الافكار راح تفجر راسي
ورحنه اني وجدي وامي واجرنه سياره نرجع البيتنه تمنين اشوف جلال قبل لا اروح بس ما شفته ظليت ابجي الطريق كله وانه بحضن امي وهي تمسح بدموعي وتسكت بيه وصلت البيته ومن شفته ما تمنيت ارجعله وانه هيج مضيعه المشيتين
.
.
لا انت غائب وانتظرك
ولا انت بعيد والقاك
ولا انت ميت وانساك
ولا انت لي ويطمئن قلبي
انت في منتصف كل شيء
.
.
ما اعرف شعوري شنو انساه لو انتظره احبه لواكرهة
دخلت للبيت ورحت الغرفتي بعدهي مثل ما عفتها  بس اني مو مثل ما عافتني تغيرت اجيت بس جسد ماكو روح
وظليت ابجي بصوت عالي طلعت كله حركه بكلبي
الحد ما غفيت ورجعت كعدت نص الليل كلبي يوجعني ومخنوكه
احس بيه بعد بجيه كلبي ما تاب بعدني اريد جلال وبعده بالي وحنيتله لو يدري شكثر
روحي لهل الروح حنت
بس وينه حت يسمعني
طلعت اشم هوه بالحديقه واتذكر من اجه ودخل وشلون يباوعلي وهو ضايج
زين لو ما صار هذا كله
ليش حبيته وراح ليش ما حباني شنو يصير منو احسن مني حتى يحبها
بعدني اريده ولا بالي اي فكره انو انساه لا بالعكس اشتاقيت المكاني اشتاقيت العصبيته
اشتاقيت العمتي ما صار كم ساعه اني عفتهم بس حبيتهم وحسيتهم عائلتي الثانية
اوووف ياليل شغلته يذكرنه بكل عزيز راح شسوي بدون جلال ومعقوله يطلعني
وينتهي كلشي واصير اني الغلطه الي بحياته ويصححها ليش
وظليت ع هاي الحاله للصبح فكره توديني وفكره تجيبني كعدت امي وظلت تسولف وياي حتى انساه وابدي
حياة جديدة بس اني حياتي بديتها وياه ليش هيج انتهت بسرعه بعدني ما مصدكه احس نفسي بحلم واي لحظة اكعد بس ما كعدت ولا طلع كلشي الصار حلم  لا حقيقه
وصار الضحى وبدت تجي قرايبنه عماتي وخواتي وكلها تسأل ليش وشكو والي يحجي عليه لو عليه
واني بين الوجوه ادوره بلكت الكاه تعبت عيوني وما لكيته
كل نظراتهم تغث وما بيها شوي احساس ما فكرو بيه اني شنو شعوري تزوجت وشهر ما ظليت يم رجلي الي يسمع شنو يكول عني ااخ لو يدري شسوه بيه
يتــــبع 😍🍁

البارت السادس



وردة: جنت كاعده بالغرفه واجه جدي يمي
جدي: وريده بويه  ادري الغلط كله مني وانه السويت بيج هيج بس انه شعرفني كلت استر عليج وازوجج قبل لا تغمض عيني
وردة: جدي انته مالك شغل والعيب مو منك ولا من جدلال ولا مني هذا قدر ولازم يصير الحمدلله ع كلشي احسن شي
صار الليل وعيوني ما ترضه تنام البيت يخنكني كلشي بي يخنك وظليت افكر شلون اخلي جلال يجي ياخذني اني ما اكدر بدونه رحت ع غرفه جدي وظليت امشي ع كيف ادور جهاز جدي ولكيته واخذته وطلعت ع البستان حتى احجي ومحد يسمعن بس رجليه ما شايلتني امشي وارجف
جدي اخر واحد اتصل عليه جلال وظل يحجي عليه كبل دست اتصال
ظل يدك ومحد يشيله
يا رب يرد عليه بس ماكو رجعت اتصلت مره ثانيه ورد عليه
وردة: الو جلال اني ورده الله يخليك لا تسد الخط
جلال: شنو تردين اني باجر جاي وراح اطلكج وكلمن عند اهله
ورده: لا الله يخليك جلال لا والله اني حبيتك تغيرت ع مودك احجي وابجي واتوسل بي حتى ما يطلكني
بستعال اخذني حتى لو اظل العمر كله هيج اقبل خليني يمك شوفتك كافي والله ما اكول شي جلال الخاطر الله طلبتك لا تردني لا تكسر بخاطري
جلال: شوفي اذا ارجعج تمثلين ع الكل انتي مرتي بس احنى ولا شي بالحقيقه فهمتي راح ارجعج بس لان ظليتي تتوسلين واذا سمعتج تشكين الامي لو الامج كبل اطلكج فهمتي ولا تنتظرين مني احبج لو اتقبلج لا هاي اني مثل ما اني ما اتغير فهمتي
ورده: ما اريد شي والله وما احجي شي الاحد شوفتك كافي والله تعال باجر بسرعه الله يخليك منتظرتك ما تدري عيون الناس شسوت بيه وشكد تشمتو بيه
جلال: باجر نطلع من الصبح اني وابوي وارجعج هسه يلا روحي
ورده: توصل بالسلامه الله وياك الله يحفظك
سديت الخط ورديت الجهاز مكانه وانه ابجي بس هاي فرق دموع الفرح ادري الي راح اسوي بنفسي تعذيب هو ما راح يحبني وبس راح اتعذب بس وجوده بحياتي نعمه هو هديه من الله شلون اعوفها لازم يجي يوم ويحن عليه
نمت وبكلبي فرحه باجر راح ارجع الجلال وارجع اشوفه مره ثانيه
كعدت الصبح كلي نشاط عجنت وخبزت وسويت ريوك حتى امي وجدي متعجبين وصارت الساعه ب10 وصل جلال وعمي واستقبلهم جدي وامي عبالها جايين يطلكوني
وبدو يسولفون بس شنو جلال كاعد ع اعصابه كوه متحمل وجدي كال راح ارجعها بس اخر مره يسوي بيها هيج ورحت الم ملابسي بالجنطه وامي تبجي خايفه عليه وانه الفرحه ماخذتني راح ارجع واصير قريبه يم جلال
وركبت السياره وبالي ظل يم امي ومشت هواي يلا وصلنه البغداد وصلت للبيت الي من طلعت منه حسيت بعد مستحيل ارجع ودخلت وسلمت ع عمتي وع ايمن وامجد وصعدت فوك الفرفه جلال وبس يتأفأف ويكول الله ليش بلاني هاي البلوه بس ميخالف كلامه مثل العسل ع كلبي يجيك يوم وتريدني53
نمت بالكاع وجلال ع الجربايه لان تعبانه من السفر وفزيت المغرب كعدت جوعانه كلش بس ما لكيت جلال ولكيته خابص الغرفه مطلك ملابسه والساعات ع الجربايه وهوسه صايره
وبديت ارتب بالغرفه ونظفتها ومسحتها وخليت للغرفه عطر وطلت منها ونزلت جوه اسوي عشه ولاكتني عمتي وكالت هاا شصار
وردة: عمه صار كل الخير كافي تخجلين بيه راح اسوي العشه اني
وبديت اطبخ شويت دجاج وخضروات ورتبت الطاولة وصحتلهم ع الاكل ودخل جلال وكعد ياكل
جلال: الله ع الاكل شكد طيب عاشت ايدج يمه
عمتي: مو اني الطابخه هاي مرتك
جلال: ارتبكت ما عرفت شكول
هاا اي عاشت ايدكم وكملت اكلي
وردة: عوافي
كملت الاكل وصعدت فوك قبل جلال دخلت للحمام سبحت ومشطت شعري وشسورته وخليت مكياج خفيف ولبست روب وخليت عطر ناعم ريحته عبالك جكليت
جلال: صعدت للغرفه وفتحت الباب ولكيت ورده كبالي لابسه روب اسودوهي بيضه وريحته تارسه الغرفه
دخلت مدري شصار بيه وظلت رجليه تاخذني الها كوه صحيت ع نفسي جاي تستغل نقطه ضعفي بس هه ما استسلم لو تتصلخ كبالي
جلال: ليش هيج لابسه ومتمكيجه شنو اتفقنا
ورده: ما لابسه الك لابسه النفسي
جلال: لا والله وتلبسين النفسج روب مشخل هيج
ورده: رحت ع فراشي وتغطيت وما رديت عليه وهو هم راح للجربايه
جلال عفيه خلي اجي انام يمك نومه الكاع اذت ظهري
جلال: لا نامي بمكانج لا تخليني ارجعج الاهلج
ورده: لا شنو ترجعني لا انام ع الكاع شبيها الكاع تخبل
نمت وكعدت الساعه ب6 حتى اكعد جلال للدوام

يتـــبع 😍🔥

البارت السابع



الريفيةوابن بغداد +18

وردة: كعدت الساعه ب6 ورحت حتى اكعد جلال لكيته نايم بس مثل الملاك تمنيت نايمه بحضنه مو بالكاع ما اعرف شنو صارلي وتقربت منه وخليت شفتي ع شفته
جلال: جنت نايم وفزيت ولكيت ورده متقربه مني وتريد تبوسني ما كدرت ما ابادلها نفس الشي لان كنت متعطش
ع بنيه وسحبتها من خصرها ونومتها بحضني
ورده: تجاوب وياي ونومني بحضنه فرحت حيل ما تمنين اروح بس هو شوي وتبعد مني
جلال: لازم اروح وراي دوام
وردة: جلال الصراحه حبيتني لو لا
جلال: اني ما اكرهج ولا احبج شعوري محايد تجاهج
وردة: كلي شلون تحبني شسوي واعجبك
جلال:المحبه من الله مو انتي تزرعينها بداخلي وبعد لا تسوين هيج حركات لان انتي مجرد جاي تغريني مو تحببيني بنفسج
وردة: مستعده اسوي اي شي حتى اعجبك لو تحبني دليني ع الطريق وامشي عليه
جلال: ورده مالي خلك هذا الكلام رايح للحمام حظريلي الملابس
وردة: رحت حظرتله الملابس والغصه بداخلي ما اعرف شنو اسوي حتى يحبني او حتى يفكر بيه
راح للدوام ونزلت سويت ريوك حتى نتريك اني وعمتي
وردة: عمه جلال يا لون يحب
عمتي : يحب البنفسحجي الغامق يموت عليه
وردة: عمه اليوم اريد اسوي كيكه والبس فستان خلي نروح نجيب بدله من السوك ونرجع بسرعه
عمتي:  لج ع شنو البدله شنو تسوين بيها
وردة: يا عمه يعني شسوي بيها البسها الجلال
ورده: صدك كملنا ريوكنا ورحنه للسوك  وجبت بدله قصيره وهيج لازكه ع الجسم لونها بنفسجي غامق
ورجعنه وصيت عمتي ما تحجي شي والظهر سويت كيكه طبعاجلال اجه من شغله وراح الصاحبه كال بليل اجي
وكملت الكيكه وزينتها صارت احلى من الجاهزه وبديت اعدل بنفسي تمكيجت ولبست الفستان وبرمت شعري
ولبست حذاء كعب عالي تجهزت ع اخر حبايه
ودخل جلال للغرفه وتفاجئ بالجو الي مسويته شموع وموسيقى هادئ واني طالعه حلوه اجه تقرب مني ولزم ايدي واني ارجف كون ما يفشلني
جلال: شنو قصتج انتي شنو بالدقيقه تزيدين جمال خفي ع كلبي تره ما اتحمل
وردة: يا حسره هذا الجمال وما لاكيه الي يقدره
جلال: لا اني اقدر واقدر كولش زين كعدت ع الجربايه وسحبتها وكعدتها بحظني اكو شي تجاها يجذبني الها بهذا الوقت ما كدرت انو ما احبها وابادلها مشاعري بس ما ردت اتقرب منها الا اتأكد من نفسي صدك اريدها
وردة: كعدني بحظنه ولمسات ايده تخبل اخذتني العالم ثاني وكصصنه الكيكه واكلها وعجبته حيل
جلال: ورده يلا شيلي هاي الاشياء اريد ادخل للحمام اسبح وانام باجر وراي دوام
وردة: تدلل يا عيوني ادخل للحمام واني انطيك الملابس تطلع تلكه كلشي مرتب
جلال: دخلت للحمام وانطتني ملابسي وبدلت وطلعت لكيتها لابسه روب نوم لونه زيتوني وهي بيضه صاير قطه تخبل ورافعه شعرها وخاله مكياج قوي ومحضره فراشها تريد تنام لزمته وشلتها وحطيتها ع الجربايه واسمع انفاسها السريعه ودكات كلبها بستها من راسها وكلتلها
وردة: جلال شالني وخلاني ع الجربايه وكالي بعد تنامين يمي وما اوصفلكم فرحتي شنو ونمت ع ايده وهو حاضني
جلال: ورده اني متعبج وياي بس عادي تحمليني تره انتي عزيزه عندي هواي
ورده: يمه اني كم جلال عندي هو واحد انته هديتي من الله وانته حبيبي وروحي مستعده اسوي كلشي بس ترضه عليه وتحبني
جلال: حضنتها حيل وكلتلها الله كريم
نمت وفزيت ع صوت المنبه وطفيته كبل فرحان بوجود ورده بي اديه ويمي تمنيتها ما تكوم
ورده: فزيت ع صوت المنبه ولكيت جلال كاع بسته من خده
صباح الخير حبيبي
جلال: صباح النور يلا حظريلي ملابس وهم سويلي ريوك اريد اكل من اديج الحلوه وبستهن وهي خجلت طلعت ملابسي ونزلت شوي وصعدت
ورده: ياا جلال بعدك ما مبدل راح تتأخر
جلال: هئ ما اريد ابدل انتي تعالي بدليلي
ورده : بديت البسه القميص ويه كل دكمه اسدها يبوسني من شفتي ويقربني اله الحد ما صرت قريبه منه وايدي ع خصري حضني قوي وهمس بأذني
جلال: وردة اني احبج شسويتي بيه اخذتي عقلي
ورده: رفعت راسي ومن كال احبج احس وكف الوقت وكفت الدنيا كلها عبالي يتراوالي بس ظل يرددها هواي وبصوت عالي يا الله اني بحلم لو بعلم
جلال الله عليك صدك تحبني
جلال: اي والله صدك احبج بس ظلي حبابه مو تتغيرين
يتــــبع 😍🍁

البارت الثامن



الريفية وابن بغداد+18

وردة: والله ما اتغير اني ما صدكت حبيتني اروح اتغير عليك ليش
جلال: حظري نفسج اليوم نطلع نتعشه بره ونتونس ونرجع اوك اليوم ما اجي ع الغده العصر اجي ونروح اريدج جاهزه
وردة: صار تدلل
ونزلنا تريكنه وطلع للدوام واخذ روحي وياه بس شنو اليوم وراي هواي اشياء اسويهن
سويت الغده وكملت وتغدينه ورحت طلعت الملابس وظليت انزع والبس اوشوف شنو حلو عليه اخر شي لبست فستان بيجي وشال جوزي وجنطه جوزي وحذاء هو جوزي ولبست اكسسوارات ومكياج خفيف ورتبت نفسي كلش بحيث اني انعجبت بنفسي وشوي واجه جلال اني حظرتله ملابسه حتى يبدل ونطلع بس شنو تعجب بيه وكال نزاكتج تخبل واني حتى صار كلامي مرتب حيل وصوتي صار ناعم وحتى ذوقي تغير قبل عندي اي شي لازم احمر ولازم يلمع وبي الف شغله هسه لا صارت الاشياء البسيطه تجذبني بعد تغيرت كله لعيون جلال
صعدت السياره واخذني للمطعم تعشينه ورحنا الحديقه تمشينه وبعدين اخذني المول وجبت كم شغله محتاجتها واخذني ع مكان الملابس وظل يختارلي ملابس واني اكدرهن بس شنو ذوقه يخبل وجبت 3 فساتين وجابلي روب نوم كال اليوم لبسي وغمزلي واني فد استحيت متت بخجلي يمكن اليوم يريدني مرته من صدك
وكملنا ورجعنه للبيت بس شنو تعبانه كلش كبل دخلت للحمام اسبح حتى يروح التعب واني جاي اسبح وانفتح الباب ودخل جلال واني جامده بكاني ما توقعته هيج يسوي
وردة: جلال شنو تسوي هنا عفيه اطلع
جلال: شنو اطلع اريد اسبح
ورده: هسه اخلص وتعال
جلال: تقربت منها وكلتلها لا تتأخرين منتظرج ع نار
ورده: طلع جلال وكملت سبح وطلعت بالبرنص والمنشفه ع راسي ولكيت جلال كاعد ع الجربايه ولازم الروب بايده ونزعني البرنص ولبسني الروب واني ما نطقت حرف ذبيت بين ايديه ولمساته تذوب الحديد واخذني ع الجربايه وسوينه اشياء عيب وصرت مرته وهو فرحان بيه واني فرحتي بعد اكثر ما مطيتها الاحد وكال باجر ما اروح للدوام اخذت اجازه 10 ايام اظل كاعد يمج
جلال: بس خاف تملين مني
ورده: لك شنو امل شوفتك ترجعلي عمري وجودك يمي يغنيني عن الكل
ونمنه وكعدنه الصبح وتوني حسيت نفسي صدك عروسه جلال مدللني حيل واليوم هم طلعنه تونسنه
ومرت الايام وصار ع انو اني مرته من صدك شهرين وجلال معاملته الي احلا من العسل بس لابد اكو مشاكل صغيره ونقاشات حاده بس تنحل بوكتها ما احب المشكله تتأجل الثاني يوم لان راح تكبر
ورحت حللت وطلعت حامل بس شنو عمتي فرحانه كلش وتكلي
عمتي: ولج ورده والله اذا جبتي بنيه هديتج غير شكل
ورده: عمتي ما عدها بنات خلفتها بس ولد جلال هم يريد بنيه بس امجد يتمنه ولد وعمي كال اي شي يجي خير وبركه وبشرت امي وجدي وفرحولي كلش هواي وصرت مثل الاميرات عمتي ما تخليني اسوي شي بالبيت وجلال يونسني ويجبرني اكل هواي حتى يتغذى الطفل ويطلعني اذا مليت من البيت وظليت ع هاي الحاله الحد ما صار ع حملي 5 اشهر ورحت حتى احلل رحت اني وجلال ودخلت ع السونار
الدكتوره: نامي وطلعيلي بطنج
ورده: نمت وظلت تمشي جهاز ع بطني وهيج اشوف الطفل بطني شعور يجنن وكالت بيه بنيه وفرحت هواي راح تدلل من صدك وكالت عليه بالضبط 5 اشهر وبعد 4 ايام اصير 6 اشهر ما ظل شي ع ورلادتي وطلعت بشرت جلال ورجعنه للبيت وجبنه ويانه بقلاوه هيج فرحه
عمتي: كللللووووووووش مبروك تتربه بعزكم يمه ما مصدكه هيج بنيه صغيره بيتنا وامشطلها والعبها شيصبري يمكن اكلها من الحماس
وردة: فرحانه وفرحتي زادت بفرحتهم
ومرت الايام وصار وقت ولادتي وجبت لارا جلال سماها لارا كال اسم حلو واحبه واني هم عجبني ومن ايد الايد صايره واجت امي نفستني و20 يوم وكمت ع حيلي وشايفه لولو وما مصدقه تخبل جنها كمر معانيها مخلطه مني ومن جلال
ويوميه جلال من يجي جايب الها لعبه العابها ترست الغرفه وهي بعدهي ما تفتهم شي من غير عمتي جابت العا تراجي وثقبنا اذانها ولبستهن الها وجابتلي كلاده تخبل اسم جلال كالت هاي الحمدلله ع سلامتج وامي هو جابتلي سوار وجدي انطاني ورقه
يتـــبع 😍🔥

البارت التاسع



الريفية وابن بغداد+18

وردة: مرت الايام والسنين ولارا تكبر كبال عيني واني هم كبرت وجلال كبر بس ظل حلو جدي توفه الله يرحمه اخذ روحي وياه احسه ابوي وحياتي كلها فاتت 6 سنوات من عمري واحلا ايام حياتي جلال ظل نفسه ما تغير عليه بالعكس يزيد حبه الي يوم عن يوم مرات تصير خلافات بس عادي ملح الحياة بس هو يحترمني هواي
وهو هم انشغل بشغله واني منشغله بتربيه لارا وامجد تزوج بس شنو زوجته وحده خبيثه ومرمرته خطيه امجد ما يستاهل يوميه يوديها بيت اهلها بس هي ما تخاف ولا تستحي واني مالي شغل بيها اشتغل واروح اصعد فوك حتى ما تصير مشاكل عمتي وجلال يلحون عليه حتى ارجع احبل من جديد ويمكن لو هذا الشهر لو الشهر اليجي يصير حمل لارا دخلت مدرسه اني ما اعرف للدراسه كلش جلال هو الي يدرسها وهم اكعد يمها اتعلم شوي
ويوميه جلال يوصلها ع المدرسه بس يوم من الايام اجت لارا من المدرسه وضايجه هي ام اللسان كلشي تفتهم وتعرف يعني نبها
لارا:ماما تعالي اكولج هاي معلمه ست احلام تريد رقم ابوي وتكلي لا تكولين الامج وانطيج 10 بالاملاء
وردة: ياا عزززه شتسوي برقم ابوج
لارا: ماما دائما تكلي ابوج حلو وتسألني عليج حلوه لو لا
وردة: عرفت المعلمه حاطه عينها ع جلال بس ظل الدم يغلي بعروكي شيجيب باجر واروح للمدرسه واراويها قيمتها الهاي احلام
سولفت الجلال بليل وظل يضحك ويكول والله ما عندي غيرج
جلال: لج خبله انتي شايفه احلام تخوف اني احلى منها معقوله اعوف الكمر اعوف وردايتي واروح الاحلام باجر راح ترحين وتشوفين بعينج راح تشوفين كابوس مو احلام
ورده: هههههه وشنو هاي عيني مركز بيها حيل حتى عرفتها مو حلوه
جلال: وردايتي عفيه تعبان عوفيني اريد انام يلا تعالي بحضيني تره اصيح الاحلام ههههه
وردة: لك لا تكول هيج هذا مكاني ما اخلي وحده تاخذك مني
نمت و كعدت وجلال وصلني اني ولارا  واخذتني الاحرام هي شافتني طبعا شكلها قصه خربتني من الضحك ذكرتني بماضيي المرير الي بالريف هههه

جانت لابسه تنوره سوده عريضه وبدي برتقالي وشال سمائي وجنطه سمائي وحذاء سمائي وحاطه حمره حمره كلش وعدها شامه ماخذه نص خدها وجاره كحله شوي وتوصل الاذنها كلشي بيها جبير ومو متناسق وفوك هذا كله تطك بعلجها
احلام: هلو انتي ام لارا
وردة: اي اني ام لارا اجيت انطيج رقم جلال بنفسي خفت بنتي تنقله غلط
احلام: هاا شسوي برقمه ومنو كالج هذا الكلام
ورده: لا تلفين وتدورين اعرف هذن السوالف مو جديده  عليه
احلام: ما اسمحلج احترمي نفسج افتهمتي
ورده: عفتها تسولف وحدها ورحت للمديره اخذت قرار نقل لارا واخذت لارا ورجعنه للبيت بس شنو منظر ست احلام بالي ظليت اسبوع كل ما اتذكر اضحك
.
.
.
طبعا هاي السنين كلها جلال جان يشتغل بقطعه ارضنا ونبنيها شلون ما نريد ومشغول ويه العمال والمقاولين بعد تعب البنيان وكمل البيت الحمد لله مو بعيد عن بيت عيالي قريب فرق شارع بينا هم احسن من اضوج اسير ع عمتي وبديت بهوسه النقل والترتيب كملت نقل غرفتني بيتنا الجديد اربع غرف كبار يصيرن فوك كل حمام وياه الصحيات والطابق الارضي عباره عن استقبال جبير للخطار واستقبال داخلي النا ومطبخ جبير ومأثث من مجاميع
وحديقه وياها كراج للسياره وهم اكو صحيات جوه يعني بالنسبه الي بيت العمر حابته كلش لان صار مثل ما احنى نريد وكملت نقل وشبعت بجي لان عيالي احبهم كلش وراح افتقدهم بس هذا الشي لازم يصير لان ايمن راد يتزوج لان تأخر حيل ومجان يقبل يتزوج زوجنه امجد قبله وهسه راح ياخذ غرفتنه يتزوج بيها واني ار الي بيت مملكه خاصه الي جلال يحب الاكلات الجديده بيتزا فطائر وهاي السوالف ما يحب التقليديه واني ظليت اطبخ شلون ما احب ويوميه اسوي حلويات ومرات عمتي تجي يمنه تظل يوم وتروح لو عصريه وتشكي شكد من زوجه امجد وكالت يمكن امجد يطلكاه لان تعبته وصدك اسبوع وامجد طلك مرته وعمتي كلتله هاي المره ما تتزوج غير بنت خالتك هي صدك افنان بنت خالته حبابه وحلوه وصغيره ونادره وفقيره بس هو اجل الموضوع شوي حتى ترتاح نفسيته وعمتي كالت نزوج امجد وايمن بيوم واحد واني حللت وطلعت حامل وفاتت اشهر واخذت سونار وطلع ولد وقررنا نسمي امير وهاي المره اني اختاريت الاسم بس كلش تعبانه بدايه حملي تعبتني النساوه كلش وشغل البيت ولارا يعني صار صعب حيل والاصعب من اجيب تكثر المسؤوليات بس عمتي خطيه ما عايفتني
يتـــبع 😍🍁

البارت الاخيييررر
38.7K 2.3K 270

بواسطة zhoor136
الريفية وابن بغداد+18

وردة: مرت الاشهر وصار وقت ولادتي بأمير وعسرت كلش وكوه جبته طلع عيوني بس شوفته نستني الالم شكله يشبه جلال وامجد يعني ماخذ من عمامه وابوه ابد ما يشبهني وامجد طاير من الفرحه بي عبالك ابنه بس اشربه حليب وابدله ياخذه يمه وجلاليتعارك وياه بالشقه يريد ياخذه منه وعمتي كالت هذا الشهر نزوج امجد وايمن وصدك صار يوم العرس اني جبت فستان ورحت للصالون سويت تسريحه وطلعت اخبل بس شلع كلبي امير بس يبجي بعدين انطيته الجلال يحتار بي وما اسولفلكم ع لارا صاعده ع الطبله وتركص وتكول ماما شوفيني مو احلى من ركصج من تركصين البابا شهرتني هاي الجهال ما يتسوه يمها شي هههه وركصت الشويه بعدين غيرت البدله ولبست فستان محتشم لان صار وقتالعشه وظلو يجيبون بالعشه وينقلون واوزع للمعازيم خلص العرس اني بصفحه والعافيه بصفحه رجعت للبيت متكسره وامير بس يبجي تعبني واني ما بيه اشيل نفسي خطيه جلال ساعدني عليه

وفات شهر ع زواجهم افنان ادري بيها حبابه حتى زوجه ايمن هم فقيره تصير جوارينه ويجن يمي واروح يمهن ومره سويت عزيمه ولفيت دولمه وشويت دجاج وسمج ومركات وطبك وتمن ومحشي ومشاوي يعني عزومه مرتبه واجو عيالي كلهم النا وتونسنه كلش وجلال حلف عليهم الا يباتون وصدك باتو جلال بات يم اخوانه واني بتت يم عمتي والبنات سوالفهن حلوه وجبنه كرزات وشاميه  وصارت سهره تخبل وكل وحده تحجي موقف محرج الها وعمتي ظلت تسولف النا ع الجوارين والقرايب منو تزوج منو طلك منو مات يعني غيبه بس مو قويه ع الخفيف
وسولفتلهن قبل حياتي بالريف وشكد عانين يلا اتفقنا اني وجلال وطبعا الفظل يرجع العمتي وخذتنه السوالف لل4 الصبح ونمنه
وكعدنه ب10 سويت الهم ريوك وشكد لحيت عليهم يظلون ع العده ما قبلو وكالو لازم نعزمكم ونلتم هيج لمه بعد وكالو ع الاسبوع اليجي
وفات اسبوع ورحنالهم وصادف افنان و ضحى طلعن حوامل وفرحتلهن كلش وعمتي مبتليه بنساوتهن خطيه وظليت اروح واجي عليهم اطبخلهم لو يجون ياكلون يمي
.
.
يعني حياتي حلوه لمه الاحباب والقايب ع الخير والموده تره رحمه الدنيا خلصانه ومحد ضامن عمره يعيش بعد ساعه اني ظليت اعاملهم زين وهم يرجعونه بالاحسن عائلتنه متماسكه وحلوه والي يكون فير علينا هو الي يخسر
مو زوجة امجد الاولى شنو حصلت بس الكره ونهايتها تطلكت حلو واحد ياخذ من ثوبه الي يفهم عليه الي يعيشه حياة سعيده ومستقره حتى يبني عائلة حلوه اساسها صح حتى يطلعون الاطفال صح عدهم ثقه بنفسهم يتربون بيئة صحيحه ومو مشوشه جتى يكونو شي زين بالمجتمع واساس العائله اختيار الزوج للزوجه صح واختيار الزوجه للزوج صح لان هو مو بس زواج وانتقالة ع حياة جديده لا هو بناء اسره كامله راح تصنعين اطفال الجيل المسؤولية اكبر من انو يكون تفكيرنه بالزواج سطحي او بس خلي اتزوج واخلص من حياتي او شخص احبه خلي اخذه خلي يكون تفكيرنا اعمق حتى نحصل ع حياة اجمل واحسن لان اذا شي انبنه ع باطل فهو باطل فا خلي نبني ع شي صح حتى يبقى صح
اتمنى عجبتكم القصه
النهــــايه 😍🔥