آنه بعيونَك ألگاني•

تعال احجي البكلبك صارحنه
وعليه الحزن بعدك صار حنه
دمع عيني بغيابك صار حنه
لما ترجع واحني جفوف اديه

ذخر ضم لليالي حيله كلها
بسبب دنياك صارت حيله كلها
طبك مرض كلبي حيل اكلها
وهن وتخاوي دوم بحسن نيه

العمر ماي و تبدك الف لمه
و علي لچمات هجرك صفن لمه
شوكت ترتاح گتله و گال لمه
اشوف جنازتك تمرگ عليه

انجبح وانهض وارد اوكف ورادم
ومجرى الدمع من عيني ورا دم
يلاهي بجاه كل مرسل ورا ادم
الي تبعث معين يعين بيه

حرت شنطي شبيعن بعد شرهن
يرود و فوگ شوچ الوكت شرهن
يلاهي شما اگولن برد شرهن
التفت و الگاهن مورثات بيه