غيرك ما عشك گلبي...ولامال
ولا منك زعل مره...ولامال
حياتي انت وحلم روحي...ولامال
محبتك بالگلب مطبوعه بيه

ومحمد من زعل وياي...وكفه
على الرجلين مامش بعد...وكفه
بغيابه الثوب گام يطول...وكفه
وسحل گام هلي يسحلون بيه

عجيبه أشكد الك قصه...والك روح
احبك حتى لو تكلي...والك روح
تدري انت شنو بجسمي...والك روح
اروح شلون وانت الروح بيه

صحيح بعيد بس قلبي...شعر بيك
شارد وباقي بس يكتب...شعر بيك
عجيبه شلون ظل اسود...شعر بيك
وانا هم سواد لعين صار ابيض بيه

مو كلت عايفهم؟ شكد جَذبت
ليش من تفوت منهم تلتفت؟
مو كلت كسرت الاقلام ونسيت !
ليش بعدك تكتبلهم ما تبت؟
ليش ماليك الوفه أتعدّى النسوك
ليش لَمّن عرسوا ما عرّست؟
هواي عندك وادم تريدك شجاك !
شبيك ويا الفارَكتهم جَلَبت؟

زعلانّ شفتك أمس
متوقع أنسىٰ الحصل ؟
لا والله متناسي
من گلبي أبد ما رحت
بس أنا مثل الوكت
مجبور أظل قاسي .

غصباً عليه عشت
من أنتَ مو يمي
وگلت على هجرك حلو
وگالولي عفيه وكفو
بَس النتيجة شنو
گدام ناسي الصدك
أنه ربحت الحرب
بس أخسرت حَلمي

صار فترة احن واشتاگ وختنگ عبرة
من رحت كلبي انكسر فهمني شيجبرة

شضال بيه؟
غيّر صفنَات وسوالف
مَال شايب مُوش اليه
غيّر ذيج الذكريَات
الما تلمني وظاله تباوع عَليه .

كلبي ضل ابيض رغم عاشر سواد هواي
الهيله ضلت هيله ماغيرها چاي💔🥺