﴿وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ﴾

شباب صباح الخير

بالنسبة للتجاوز يخوانا .. بغض النظر عن نوع الارتباط والأسباب

أغلب الناس بتعاني من حتة التجاوز دي !

الكلام دا بيخص البنات أكتر.. لأنهن بيعانن من الحتة دي اكترر بمراحل من الأولاد

عمومًا .. اذا التجاوز أخد معاك وقت كتيير شديد يبقى إنت لازم تراجع روحك في حد ذاتها ..!

يخوانا كل الناس دي بتتعوض كلهم بالإجماع.. بإستثناء الوالدين " اذا قدروا يكونوا والدين حقيقيين "

وهو ذاتو الموضوع برجع ليك إنت في المقام الأول .. يعني اذا فعلًا ناوي تتجاوز .. ح تتجاوز ولو الزول قاعد معاك في غرفة واحدة !


من اللحظة اللي قررت فيها إنك تتجاوز .. ابدأ طوالي..
أحذف كل الشاتات
إذا اضطريت أمسح الصور، شيلو من جميع حساباتك " انفريند فيسبوك ، آوت من الواتس وكل باقي الميديا ، وممكن تستعين بالبلوك اذا الزول لصقة "
أقفل اي باب بذكّرك أو يمكن يضعغك ولو في جزء بسيط

ديا ما تهـرّب بقدر إنو يكون تجاوز .. لأنو يجماعة..

Meomories bring back meomories .

مهو م ممكن إنت تكون صايم وكل دقيقتين تفتح الزير تعاين للموية .!
صدّقني في مرحلةٍ ما ح تشرب وحتخـرّب صيام اليوم الطويل كلوو

شان كدا قفّل مسامات الوجع .. وصحيح م كذب
الزمن طبيب كل الجروح .. وانا اسي جاي من هناك

ح تتجاوزو وح تتجاوز حنانو ذاتو..

إنت بس م تبقى لصقة .. خليهو

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

{‏وَجَاءَتْهُ الْبُشْرَىٰ}

﴿ حَسۡبُنَا ٱللَّهُ وَنِعۡمَ ٱلۡوَكِیلُ ﴾

‏مع كامل احترامي لمؤيدي ان الحب يصنع المعجزات ولكن التقارب الفكري و المستوى الاجتماعي و المادي فى وجهة نظري بحكموا على استمرارية العلاقة من عدمها ويمكن اكتر من الحب نفسه

من فترة منظوري للحب اتغير و بقيت بشوفو شئ نسبي ، احيانا بقل و يزيد ع حسب مزاجك و ال mood

القلوب ما ثابتة و المشاعر ممكن تتغير في اي لحظة، ف ح يفضل الاختيار الانسب المبني ع اسباب عقلانية مع المشاعر هو العمود الصلب لإستمرارية العلاقات 💛

انا عندي فكره دسيسه ياخ..
نحنا الشباب بدل م نمشي السوق ونشوف الاسعار البتخلع دي ، نعمل لينا ابلكيشن بتاع تبادل ملابس ، يعني انت ما عندك قميص بتلبسو ابدلو معاك ب تيشيرت ضاق علي وهكذا
ونسميهو " شده مسترده "

علمو أولادكم انو القروش ف التجاره اما الطب والهندسه ديل بوبار نسوان ساي ف الجمعيات .

‏مفروض يتعمل تطبيق إسمو " مواصلات "
يوريك كيف تصل المحل المعين ب ياتو مواصلات و يديك التسعيرة و يوريك في الخط في كم عربيه وح تشمع ولا لا ؟

﴿إِنَّكَ مَيِّتٌ وَإِنَّهُمْ مَيِّتُونَ﴾

ف هذا الصباح ♥️

لعلّ هذا المنشور يترك أثراً على احدكم اليوم ..



يحكي أحدهم ..

" لو فاتني دخول الجامعة التي تخرجت منها ، لم أكن لأعرف طريق الالتزام والتدين ، في حين أن من دخل الجامعة التي أرادها ، جميعهم لا يعلم عن الالتزام شيئا ً، ولم أكن لأتعرض لما تعرضت له ولم أكن لأقرر أن هذا الدين ينبغي أن يُبذل له الغالي والنفيس ولم تكن خياراتي لتكون على مناط هذا الدين وما يرضي الله عز وجل..
نعم ، أقع في التقصير والذنوب كما يقع الكل ، وأسأل الله التوبة النصوحه والعافية وحسن الخاتمة..

لكن والله العظيم البلاء الذي تعرضت له في الجامعة وجعلني أكرر عام كامل في الدراسة بسبب التعب ، كان أعظم منحة في حياتي ، به عرفت الأخوة وبه عرفت طريق الالتزام ومنه خرجت بالصحبة الصالحة التي معي الآن لما يزيد عن 12 عاماً ، ولا أحصر كم النعم والرحمات التي تغمدني الله بها في حين أن الكل كان ينظر لعثرتي أنها إخفاق!


لعل ما أريده كان سيصدني عن كثير من الخير ، ومنها هذه القناة وغيرها من المشاريع ، ف الحمد لله على لطف أقداره بي ولطفه في معاملته إياه رغم تقصيري وإسرافي على نفسي..

الحمد لله رب العالمين على تدبيره ، الحمد لله رب العالمين على اختياره لي ، الحمد لله رب العالمين حمداً وثناءً كما ينبغي لجلال وجهه وعظيم سلطانه..♥️

وما فاتني من الدنيا ومتاعها لا يقارن ب موضع سوط لي بالجنة ، وإنما هي أيام قلائل!

المهم أن تكون أياماً في مرضاة الله، لا في غفلة ولا معصية!


- منقول لقارئه.

قبل شهرين كنت سنجل قحطان نفسي ف مزه تحتويني ، لقيت واحده عمرها 25 من الفيس حنكتا معاها علي اساس عمري 30 و رسائل و اهتمام و مكالمات بعد اسبوعين العلاقه اتطورت واحلام ورديه واعيشك ملكه وفلسفه ، رسلت ليها خاتم عجبها ..
قالت لي : حبيبي ربنا يخليك لي.. وانا خلاص عيوني بقت عصافير حب عديل..
ف يوم كدا قالت لي : مشتاقه ليك وعايزه اشوفك فجأه ف عز البرد بديت اعرق وريقي نشف واللسان اتشلى ، بعد نقاش طويل حددنا مكان نتلاقى فيهو ، حنكت ليها انو ح يجي يلاقيها اخوي الصغير عمرو 23 سنه المهم مشيت لاقيتها واتونستا معاها وطلعت مزه وقوام كيف وجمال كيف بقيت اعاين و اصلي علي النبي..
المهم قلتا اعترف ليها بعمري وانا عبدو ، لما وريتها التفاصيل وانو انا بحبها وعايزها لقدام وح اعيشها ملكه وح نحقق احلامنا مع بعض ونبني بيتنا ، قعدتت تضحك ربع ساعه وتقوم وتقع المطعم كلو يعاين ليها ، سكتت وطلعت 1000ج قالت لي : دا حق المواصلات بابا بكون طلع بدري وم أداك المصاريف ..
وانا طالع صحبي كان مستنيني بالموتر قلت ليها : بالمناسبه الخاتم نحاس م فضه ي جقه ، بس والله حبيتك 💔

﴿فَاجْتَبَاهُ رَبُّهُ فَجَعَلَهُ مِنَ الصَّالِحِينَ﴾

لازم تفهم انو الحياه بتتقلب بمكالمة تلفون ، بنتيجة تحاليل ، بكلمه واحدة من دكتور بعد كشف ، وانت قاطع شارع ، بخطوة غلط في الشارع ، بمقابلة شخص ، بخبطه عبيطه ، بكلمه بايخه او قاسية من شخص ، بموقف أهبل ..
الحياة كلها بتتقلب في لحظه ، لحظة بس كفيلة إنها تلففك حوالين نفسك مهما كنت مخطط ومرتب و مأمن .. لحظة واحدة كفيله تجيبك الأرض في عز جبروتك .. الحياة كل يوم بتعلن إنو ماف ضمان فيها غير " ربنا " بس عشان لا فهمك ولا مركزك ولا قوتك ولا قروشك بتنفع قدام لحظه من اللحظات دي ..

م تزعل نفسك عشان حاجة وم تشيل هم بكرة ، م تموت نفسك عشان بكره ، ماف واحد عارف اللحظة الجاية شايله شنو فـ ريح بالك و ارمي كل الهموم والافكار والقلق ورا ضهرك و سيبها علي الله .. 💛

بتذكر مره شرحتا لي بتين حلوات معاي ف الجامعه م شاء الله خلقه واخلاق.. اها اتكيفن من الشرح حقي انا طوالي مشيت رفعتا حاله ف الواتس " رب اني لما أنزلت إلى من خير فقير "
واحده منهم ردت لي " إن أبي يدعوك ليجزيك اجر ما سقيت لنا " أخوكم من الفرحه والضحكه يومين ما نام ..

‏﴿رَبِّ اشْرَحْ لِي صَدْرِي ۝ وَيَسِّرْ لِي أَمْرِي﴾

الا يا أهل العالم الحسين قتلوه عطشاناً 💔

قبل شويه شفتا فيديو لواحده بتسأل الناس ف الشارع عن " اخر مره قالو فيها لأمهم ولا أبوهم بحبك متين ؟

صراحه انصدمت من الإجابات تقريبا وحده بس القالت ليها امبارح ، الباقين كلهم م عارفين متين !

انتو عارفين نحنا مشكلتنا شنو ؟!

أننا جافين ، ومستعدين نقول بحبك لأي زول ما عدا لأهلنا ال هم أولى بيها ، بتقول لي حبيبتك بحبك ف اليوم الف مره ولي امك مره ف السنه ، بتقولي لي حبيبك بحبك ف كل ثانيه ولا يوم جربتي تقوليها لأبوك .

ليه بنحاول نكون كويسين مع كل الناس الا مع اهلنا !
ليه بنبخل عليهم بكلمه !
لو قلنا ليهم بحبك وبسنا رأسهم كل صباح ح نخسر شنو ؟
ولا شي طبعا.. بالعكس ح نكسب رضاهم ونزرع جواهم شعور حلو .

انا عارف انكم بتحبوهم بس جربو تعبرو عن مشاعركم ليهم ، ادوهم من حبكم شويه فضلآ "💛

‏فَيَوْمَئِذٍ وَقَعَتِ الْوَاقِعَةُ