Муаммолар билан ишлаш, ишончли янгиликлар ва таҳлилий мақолалар — буларнинг барчаси Bugun.uz сайтида!

⚡️Нашрнинг Telegram каналига уланинг ва янгиликлардан ҳаммадан олдин хабардор бўлинг.

👉 Обуна бўлиш: @bugunrasmiy

Қўлимдан келганида тўхтатардим. Ундан кўра шартта бўшаб кетардим. Лекин асло ва асло тарқатмадим...

@hamzajumayev

Ҳеч қачон ўзингни шарҳлама! Дўстинг сенинг изоҳингга муҳтож эмас, душманинг эса барибир бунга ишонмайди.
Элберт Ҳаббарт
Америкалик адиб

@hamzajumayev

Илтимос, фикр қилайлик. Бир-биримизга улашайлик...

Хуллас, бугун эрта қаҳатчилик келгандек ҳамма харажат қилади. 3-4- январ кунидан айний бошлаган маҳсулотларни еганлар билан касалхоналар тўлиб тошади. Яъни, касал бўлиш учун харажат қиламиз. Каникул тугагач боламиз ўша таги ёрилган пойафзалда ёғин сочин кечиб дарсга қатнайди. Лекин, янги йил дастурхонининг 10 дан бир пулига ўшанга этикча олиб бермаймиз. Биз пулдан ва соғлиқдан тўғри фойдаланишни ўрганмагунимизча биримиз икки бўлмайди...

@hamzajumayev

Ҳаммаси чотки! Хавотирим фақат турли ташкилотларнинг корпоративида қатнашиб кўкрак нишони ва "совға" олаётган блогеру журналистлардан...

@hamzajumayev

Пиёда юриш энг самарали кардио-тренировка ҳисобланади ва кўплаб жиддий касалликларнинг олдини олишга ёрдам беради.

1hls.uz соғлигига бефарқ бўлмаганлар учун рағбатлантиришнинг янги усулини жорий қиларкан. Кунига 10 минг қадам юрган иштирокчилар ўртасида ҳафта якунларига кўра битта 100 млн сўм миқдоридаги пул мукофоти ва 1000та велосипед ўйналади.

Шаффофликни таъминлаш мақсадида жараённи депутат Расул Кушербаев бошчилигидаги жамоатчилик кенгаши назорат қилади.

@hamzajumayev

#bojxonam_30

Сарф айлаган, иқтидорин, ақлу-кучин,
Борини бахш этар, керак бўлса агар.
Хизматингиз шу миллат, шу Ватан учун:
Ўз касбига садоқатли фидойилар!

Байрам муборак!

@hamzajumayev

ЎзЖОКУ ректорининг аудиоси тарқаяпти. Шерзодхон Қудратхўжани яхши танийман. Аввалдан, акам, устозим деб хурмат қиламан. Журналистиканинг таёғини ҳам, қаймогини ҳам етарлича татиган мутахассис. Агар унинг ўрнида мен бўлсам ҳам талабаларга шу талабни қўярдим. Аввало, қайси талабам ижтимоий тармоқдан фойдаланаётганини билиб тураман, иккинчидан, муносабат билдириш, шарҳлаш, ахборот тарқатишда профессионализми қай даражадалигини аниқлаб у билан индивидуал ишлашни қандай ташкил қилиш кераклигини аниқлаб оламан.

Фейсбукнинг бу борада яна бир қулайлиги бор ки, сиз лайк кўйган постлар ва одамлар орқали сизнинг соҳангиз ва дунёқарашингизни аниқлаб, шунга мос контент тақдим этади. Бўлажак журналистлар учун соха мутахассисининг фикрлари, ғоялари, тажрибаси муҳим. Тобелик эмас, плюрализм нуқтаи назаридан.

Ҳа, мен хам ўша университет магистрантиман. Ҳа, битириб олишим учун ректор менга керак. Диссертациямга илмий раҳбар бўлинг, деб андиша қилиб айтолмай юрибман. 😄

Шерзодхон ака, америкалик адиб Элберт Ҳаббартнинг бир гапи бор: "Ҳеч қачон ўзингизни изоҳламанг. Дўстингизга бунинг ҳожати йўқ. Душманингиз эса барибир ишонмайди..."

@hamzajumayev

"Эълон қилинмаган шеърлар" рукнидан.

Ваъда қилганимиздек, ўттиз бир йиллик тарихга эга "Шарқий Туркистон" шеърини эътиборингизга ҳавола этяпмиз. Шоир бисотидаги бу дурдона нега бу кунгача эълон қилинмаганининг сабабини ўзингиз ўқиб, тушунарсиз. Ижодкор архивида ҳали эълон қилинмаган шеърлар кўп. Мавриди келиши билан шеърларни Абдулла Орипов ижодига бағишланган каналимизда бирин-кетин эълон қилиб борамиз.

@abdullaorifijodi

Абдулла Орипов

Шарқий Туркистон

Мен сени аввал бошдан
Етук деб ўйлагандим.
Боболардан қолган бир,
Битик деб ўйлагандим.
Оқсоқ бўлсангда сени,
Тетик деб ўйлагандим,
Шўргинанг қурсин сенинг,
Жоним Шарқий Туркистон,
Бегона эмас менинг
Қоним, Шарқий Туркистон.

На ота-ю онани
Танимай қолибсан сен,
Кимса билмас манзилга,
Йўлингни солибсан сен,
Балки бу сафар қалтис,
Ҳорибсан, толибсан сен.
Шўргинанг қурсин сенинг,
Жоним Шарқий Туркистон,
Бегона эмас менинг
Қоним, Шарқий Туркистон.

Боланг келса безрайиб,
Тилини ҳам билмайсан,
Бировга-ку юқтирмай,
Ўзингга ҳам юқмайсан.
Деҳқонсан-у заминга
Бирор ниҳол суқмайсан.
Шўргинанг қурсин сенинг,
Жоним Шарқий Туркистон
Бегона эмас менинг
Қоним, Шарқий Туркистон.

Меҳмон келса изида,
Тўртта бешта изи бор,
Бу элнинг на ғурури
Ва на айтар сўзи бор.
Гоҳи-гоҳи шоирнинг
Йиғлаб турган кўзи бор,
Шўргинанг қурсин сенинг,
Жоним Шарқий Туркистон
Бегона эмас менинг
Қоним, Шарқий Туркистон.

Ҳа, бир замон сенинг ҳам
Юрган йўлинг оқ эди,
Лекин биров у деди,
Буниси бундоқ деди.
Раҳмон ош пиширганда,
Оқибат шайтон еди.
Шўргинанг қурсин сенинг,
Жоним Шарқий Туркистон
Бегона эмас менинг
Қоним, Шарқий Туркистон.

Аҳволингга қараб мен
Йиғладим бугун нетай,
Ҳар нечук жигаримсан
Мен юрак қайга кетай.
Иқболингни ахтариб,
Каъбага токи етай.
Шўргинанг қурсин сенинг,
Жоним Шарқий Туркистон
Бегона эмас менинг
Қоним, Шарқий Туркистон.

Асл-асл инсонлар
Қучоғингда бор балки,
Оҳ, қандайин даҳолар,
Беэътибор, хор балки.
Дийдиёни ўзига
Билишади ор балки,
Шўргинанг қурсин сенинг,
Жоним Шарқий Туркистон,
Бегона эмас менинг
Қоним, Шарқий Туркистон.

1991 йил 9 май. Урумчи

✍️ Абдулла Орипов

@abdullaorifijodi