كابتن شلون أضخم منطقة وأنشف منطقة ثانية بنفس الوقت..؟ بمعنى أنه أضخم المؤخرة بدون مايصرلي كرش...أو أضخم الأرداف وأحرق دهون البطن
جوابي ماكو حل الا انك تروحين على أقرب عيادة تجميل😌😎
لأنه لا يمكن أبدا...تعالوا نحجي بالعقل والمنطق لا يمكن لأنه التضخيم يحتاج سعرات حرارية عالية والتنشيف يحتاج سعرات منخفضة وكارديو.. وهنا صار هدفك متناقض..
ممكن بطريقة وحدة تمشين على كل هدف بشكل منفصل ووقت كافي.. يعني حددي الأولوية والأهم لهدفك وامشي عليه وبعدها انتقلي إلى هدفك الثاني..

لعد هذول البنات الي تنزل فيديوهات الهم البطن عدهم نحيفة والارداف كبيرة ومرسومة... شنو السبب؟ راح اكلج الجواب👇👇
هذول ناس تلعب من (سنوات وسنوات) بين قوسين ركزولي على كلمة( سنوات) ... تعبت على حالها يمكن ماكان عده بطن من الأساس وركزت على بناء الارداف... أو ضخمت الارداف واهملت البطن.. بعدين دخلت تنشيف وعدلت شكل البطن.. فتهمتوا هسه؟
يعني المختصر... هذول الي تشوفونهم دخلوا تضخيم ثم تنشيف ثم تضخيم ثم تنشيف وهكذا حتى يوصلون للشكل والجسم المثالي الي يردونه ...
تضخيم وتنشيف بنفس الوقت No مستحيل...❌
و اكو مواضيع يوم سوي هذا التمارين حتى تكبرين وباجر سوي بطن حتى تصغرين هذا غلط🙃
واكو مواضيع اكلي كارب والأخضر واليابس يوم تمارين الارداف ولا تاكلين شي يوم تمارين البطن.. كلها خرابيط.. شنو تضحكون على الجسم انتوا 🙂😏
وكأنه الجسم والجهاز الهضمي على مشتهاج وتحت امرك وهمه انه تكبري اردافك ويوزع التغذية على كيفج... والنتيجة تجين صار عندي كرش 😭
و عبارات بروتين تكبير المؤخرة وبروتين تنشيف البطن وبروتين تكبير الصدر.. هاي عبارات الي يكوله أو بحرض عليها هاي جريمة …😡ك

التمارين الي جوه لتضخيم الأرداف👇... التكبير يعتمد على تناول سعرات حرارية عالية فوق الاحتياج اليومي من كارب وبروتين ودهون صحية بالإضافة إلى تمارين مقاومة باوزان وكثافة عالية حتى الوصول إلى الفشل العضلي وعمل تلف بخلايا العضلة حتى ترجع تنبني وتتطور وتقوي وتكبر من جديد بالتغذية المناسبة والراحة والنوم..
اعملي سكويز للعضلة (الضغط عليها وعصرها) هالحركة تشغل اكثر الياف عضلية في الارداف وتسويلها تلف حتى تنبني من جديد... وسوي هولد لمدة ٣٠ ثانية بنهاية كل تمرين

أسماء التمارين بالترتيب مع الجولات والتكرارات 👇👇
1️⃣ Squats - 4x10
2️⃣ Dumbbell hip thrusts - 4x20
3️⃣ Cable reverse lunge variation - 3x15 each leg
4️⃣ Deadlifts - 4x10


#كابتن حيدر

#صحة_رشاقة

@haider84


👇👇👇

مرحبا جمييييعااااا…
اي استفسار عدكم ع التمارين والانظمه الغذائية سواء يكون تمرينك بالبيت او بالجم للولد او البنات اني حاضر وطبعا اي احد يشترك عندي اسويله نظام غذائي حسب الهدف تنشيف او تسمين وتمارين ترسل ع شكل مقطع فيديو لكل حركة حتى يتعلم الحركة الصح يكون نظام متكامل وتكون مدة النظام يستمر عليهن 35 يوم وبعده اذا يحب يجدد اني بالخدمه اي احد عنده سؤال يراسلني واكون خادم….

#كابتن حيدر

#صحة_رشاقة

@haider84

وهذا معرفي الخاص خاف اكو احد ميعرف

@haider84

معلمي يقول عوفوا عمليات النحت والشفط والهلس والحبوب المنحفة والانظمه القاسيه 😡😡😡😡😡😡😡😡😡😡😡😡

#كابتن حيدر

#صحة_رشاقة

@haider84

ماكو أكل يسمن...
ماكو اكل ينحف...
ماكو أكل محدد للتنشيف...
ماكو أكل مخصص للتضخيم...
ماكو أكل يكبر مكان معين بالجسم..
ماكو أكل يصغر مكان معين بالجسم ََ
ماكو بروتين يكبر مكان وبروتين ينشف مكان..
ماكو تمرين يصغر عضلة...
ماكو تمرين يحرق دهون منطقة معينة بالجسم..
ماكو اي طريقة بالعالم تكدرين تركزين بيه انه تنزلين دهون من مكان معين بجسمك أو أنه تنزلين دهون من مكان أكثر من الثاني
كل دهون الجسم تعامل نفس الطريقة الا اذا أن بعض الدهون تكون ثلاثية عنيدة تاخذ وقت أطول
حرق الدهون منظومة متكاملة بدءا من تعديل أكلك وبذل مجهود يومي
الحل اتباع نظام غذائي صحي قليل السعرات مناسب لهدفك
تمارين مقاومة وكارديو يومي
ودهون البطن تتأثر بشكل مباشر بنوع أكلج وتقليل محفزات الأنسولين (الكارب)
والرياضة تساعد

أشكال الجسم عند الأنثى ٤ (أنثوي.. ذكوري.. لمفاوي.. درقي)
التوازن الهرموني جزء اساسي لتعديل نمط وشكل الجسم بخطة تغذية مناسبة لشكل الحسم
يعني سبب تراكم الدهون في الجزء العلوي هو الهرمون المسيطر هو السبب

الخلاصة معرفة شكل جسمك يؤدي إلى تحديد مواقع المشكلة عندك وبالتالي معرفة الطعام التي تشكل خطرا على قوامك على حسب شكل الجسم هل هو ذكوري أو أنثوي أو درقي أو لمفاوي

الموضوع هو عبارة عن منظومة متكاملة تكمل بعضها البعض
الفكرة بالكمية وعدد السعرات فقط
تمارين مقاومة مع تغذية متكاملة (كارب وبروتين ودهون صحية) يعني بناء عضلي
دايت ( نظام غذائي صحي قليل السعرات) مع تمارين يعني تخسيس ونزول وزن.

ركزولي على آخر سطرين..
اتفقنا؟ 👍

#كابتن حيدر

#صحة_رشاقة

@haider84

هوايه بنات يكولون انه نتمرن على الأرداف لكن ما مانحصل نتيجة مرضية وأكيد في أسباب وأغلاط لازم تبتعدوا عنها... 👍👍
هاي شوية نصائح.. 👇

قبل التمرين .. سوي تمارين الاحماء من ٤ دقايق ل ١٠ دقايق على جهاز الدرج او الغزالة الطائرة او سكوات جمب ولانجز جمب ( القفز ) ويكونون٣ جولات كل جولة ١٥ عدة .

زيدي اكلك للكارب والبروتين..

أحلى شي توصلين العضلة للفشل يعني بآخر عدة ما تكدرين تشيلين الوزن .. هو اللي يتلف ألياف العضلة بالتالي تحتاج بعدها إلى الاستشفاء والراحة والاكل الصحي حتى تكبر ...
.
نوعي بتمارينك حتى لا تتعود العضلة على نفس التمارين وبالتالي ماتشوفين نتيجة... كل شهر الى شهرين غيري التمارين ....

يوجد مايسمى ( الزيادة التدريجية) كل فترة زودي أوزانك لا تبقين عليها او تمرني تمارين سوبر سيت او دروب سيت ... فيها نتائج ممتازة هذه النوعية من التمارين..

الأوزان جدآ مهمة... هوايه بنات يتمرنون باوزان خفيفة... الشي الي يخليج ماتشوفين نتيجة والعضلة تتعود وماتستجيب... وزن ٥ كيلو ولا ١٠ كيلو مابينفع... عليج بالأوزان العالية هي الي تكبر...
ودائماً انصح التدرج بالأوزان

وانتي تتمرنين التمارين لازم تسوين سكويز للعضلة بالضغط عليها
التواصل العقلي... حاولي وقت التمرين ركزي بالعضلة وحسي بيه

ولازم تعرفون الوراثة لها دور وجينات كل وحدة تختلف عن الثانية

مرني كل عضلة من عضلات الارداف (الكبيرة والوسط)
وأعطي كل عضلة حقها مو بس السكوات... لانه اغلب البنات ماحافظين غير السكوات مع انه تمرين السكوات يستهدف عضلة الفخذ الامامي أكثر من الأردااف الا في حال غيرنا بتكنيك التمرين يستهدف الارداف وفي تمارين أقوى من السكوات من حيث التحميل على العضلة مثل تمرين hip thrust الي بالفيديو👇

لازم تراعين فترة الراحة للعضلة يعني تخليها ترتاح يومين بعد تمرينها.. فترة الراحة مهم جدآ لبناء وتطور حجم العضلة
والنوم جيدآ وشرب الماء بكثرة😌
وبس 😌😅

#كابتن حيدر

#صحة_رشاقة

@haider84

" أهم إنتصار يجب أن تُحققة في حياتك هو أن تنتصر على نفسك أولاً ، وإلا فستخسر كثيراً ، انتصر على أفكارك ، وعُيوبك ، ومخاوِفك ، هذا ما تحتاج إليه " 💪🏼🔥

#كابتن حيدر

#صحة_رشاقة

@haider84