شد و عزل و تكوير الجلوتس
يعني الخلفية
ركزو بالحركة باعو كسرة الرجل البسيطة وية النزول
٤ جولات
١٠ تكرار
#كلنا_نكدر
#يلا_نتغير

الارادة
و شكل الجسم
اكيد اتجاهين متعاكسات
بس الي عدنا اذا طلعلها شوية بطن
راحت كصت معدتها و حجزت ٣ عمليات شفط
شنو الفرق بينا و بينهم ؟
هم عدهم ثقافة صحية
و احنا ماعدنا 😢

#كلنا_نكدر
#يلا_نتغير

تعالو
رح اسولف على اسوء ٣ عادات
ممكن تسبب زيادة وزن


اولا استخدام الاكل للتعبير عن المشاعر
فرحانة تاكل ٣ لقات بركر
حزينة علبتين نوتيلا وشوية مكسرات
ضوجها حبيبها ٣ صاجات من البديع 😅
الاكل طلعي من مخج
طلعي وية صديقة
احجي وية اختج

ثانيا تخزين سناكات مفرحه بالغرفة
شوية نمبر ون على جبسين و ٣ كيكات
هذي عادة جدا سيئة و لازم تتركيها باقرب وقت
خزني فواكه مثلا 😉
كلها فوائد و فيتامينات و الياف

ثالثا تناول الطعام سريعا 😅
ماشاء الله اني بعيني شايف ناس تبلع
متلوك اللكمة
معدل وقت تناول الوجبة من ٢٠ الى ٣٠ د
كل لقمة لازم تنهظم بالفم من ٢٠ الى ١٥ مرة
اما جماعه الصلصات و المايونيز و غيرها
كل ملعقة طعام مايونيز تساوي ١٠٠ سعرة تقريبا 😒

#اعادة_توجيه_للفائدة

ثقتها بنفسها
حبها لجسمها
عدها شغف دتسوي رياضة
تحس روحها رح تتقدم و رح تتحسن
المشكلة مو بالسمن
المشكلة بالمخ

سهلة كلش اذا الجسم سمن
بس صعبة كلش اذا العقل تكاسل

جسمج هو وعاء روحج ✋
حافظي عليه لطفا ❤️
#كلنا_نكدر
#يلا_نتغير

شربتو مي ؟
مهم تعالو نحجي على ٥ خرافات منتشرة كلش بعالم الدايت

اولا 👇
الامتناع عن الاكل ينقص الوزن
الحقيقة الامتناع عن الاكل يضعف وضائف الجسم و خاصة حرق الدهون

ثانيا 👇
شرب الماء مع الاكل يسبب كرش
الحقيقة شرب الماء يساعد على الشبع و يسهل الهظم

ثالثا 👇
الشاي الاخضر يحرق الدهون
الحقيقة هو مضاد اكسدة فقط لا علاقه له بحرق الدهون 😅


رابعا 👇
الدهون دائما مضرة بالصحة
الحقيقة بعض انواع الدهون تساعد في خسارة الوزن 😉


خامسا 👇
الاكل باليل يسمن 😝
الحقيقة السمن او التنحيف يعتمد على مجموع السعرات المتناولة و ليس وقتها

#كلنا_نكدر
#يلا_نتغير

كل ما عليك فعله لتتبع نظام غذائي صحي ان تلجأ لكوبين كبيرين من الماء فور الاحساس بالجوع و التركيز على تناول الخضراوات الطازجة والمسلوقة والمشوية
وتناول الفواكه والحبوب الكاملة مثل القمح والشوفان والذرة والشعير ومشتقاتها مثل المعكرونة السمراء والخبز الاسمر وتناول البقول مثل الحمص والفول والفاصولياء
واعتماد اللحوم البيضاء مثل الاسماك مشوية ومسلوقة اكثر من الحمراء
ستجد نفسك تلقائيا تبتعد عن الحلويات والمقالي المليئة بالسموم والدهون
وستتمتع بكل بساطة بجسم صحيح وسليم
باختصار الحياة الصحية تعني ان نبحث عن خيارات غذائية صحية