استضافه حسينيه مع الشاعر علي الامي في اذاعة الكوثر
الشاعر هادي الساعدي

لا مرض يمنعهه عنك لاوباء
زحف احبابك اجتي الكربلاء
يا ابا عبد الله. يا ابا عبد الله
هادي الساعدي

لو ضريحك بالعراق نفترض هذا فرض
يبو القاسم جان هسه نفرش ورود الارض
***********
جان سوينه المناره تلامس خيوط الشمس
وكبتك تصبح مدينه ينشرح بيهه النفس
نجتمع بالحب سويه نحجي بشفاف الهمس
كلنه نصبح أيد وحده وننطي للعالم درس
واحنه خدامك يطاهه نفرش ورود الارض
************
جان خلينه اليزورك ملك واحنه بخدمته
هو بس بأيده يأشر يمه يلكه حاجته
لو طلب شيريد يطلب أله نحقق طلبته
كل محب بأسمك ينادي وترضى عنه غايته
أنت يا أجمل هديه نفرش ورود الارض

**************
نخلي العالم يشوف ذولي اتياع الرسول
بس محبه وبس موده والكرم منهم تنول
اهل افكار وعقيده ونيره كل العقول
كلهه من عدنه اتعلم المناهج والحلول
بنهجك اتمسكنه احنه نفرش ورود الارض
**************
جان خلينه المواكب عل الارض مد البصر
والعزاء يصبح موحد لو يظل طول الدهر
و الفضائيات تنقل سجلوا هذا الخبر
شوفوا اتباع الرساله تابعين اشرف بشر
منبع الحب والوفاء نفرش ورود الارض
*************
نزور ابو اليمه ونزورك ولعلي نرجع نزور .
والضريح يصير معلم والفلك حوله يدور
ولبو صالح ننطي كلمه ندخل بكلبه السرور
عهد ننطي احنه جنده نطلب يعجل الظهور
احنه طلاب الحقيقه نفرش ورود الارض


خادم اهل البيت
هادي الساعدي

  نعي لسان حال مولاتي فاطمه ع عن رسول الله ص💎
فراگ الابو صعبه يا ناس
ما ينوصف ايتعب الاحساس
صدگوا ابد لا لا مينقاس
ياويلي تشيب حتى الانفاس
يا رحمة الله ها ينبراس
فگدك ما احمله لايغالي
حالي مايسرك بويه حالي
دونك علي وحشه الليالي
لذيذ النوم لا ما حلالي
بويه وداعتك دنياي ظلمه
يا نور الاله وللبشر رحمه
ياهو اشكيله وياهو اكلمه
حزني اعليك ما اكدر اظمه
اطب للبيت خالي مكانك
واشم بريحتك وذكر حنانك
زماني ما رحمني ولا زمانك
وبعدك يبويه النوح عنواني
هادي الساعدي

،،،، إلى السيده سكينه رضوان الله عليهه،،،،،
    هاك اديه انطيني إيدك  .  بويه يويه
      يا. هو المگطع وريدك.     بويه بويه
🔸🔸🔸🔸🔸🔸🔸🔸
ا زغيره  انا ويتموني         ومنهو غيرك لليتيمه
انت غامرني ابحنانك      وعيشتي عيشه كريمه
شلي بالدنيا وحياتي.        قاسيه الدنيا وأليمه
ما اشوفك بيهه يعني       ميته وايامي ظليمه
        هسه يمي انا أريدك       بويه بويه
       يا هو المگطع وريدك.    بويه بويه
🔸🔸🔸🔸🔸🔸🔸🔸🔸
والنساء ابلايه والي.      ياهو بعدك بويه  الهن.
وهايه مسبيه الأرامل.  . أخلافك وحمل ضعنهن
إمسح إدموع الثكالى      غرگ الوجنه   دمعهن
ضايعات الغربه تكتل      وما يسر بويه وضعهن
       وينه ابو فاضل عضيدك     بويه بويه
       يا هو المگطع   وريدك.    بويه بويه
🔸🔸🔸🔸🔸🔸🔸🔸🔸
عمري وسنيني فدائك    ألك يرخص كلشي عندي
وكون عميه ولا أشوفن. . أتگطعت أوصال جبدي
ريت متوسده الترائب.   والشمس تحرگلي خدي
صحت ياجده إحضري.    ياعلي احضر   يجدي
   ابهل الحجي احزان ازيدك    بويه بويه
   يا هو المگطع.   وريدك        بويه بويه
🔸🔸🔸🔸🔸🔸🔸🔸🔸🔸
بانيه احلامي الجبيره      اوياك اخلص عمري كله
وكل سنه أكبر  وتكبر       والسنين   اوياك.  تحلهَ
العدهه ابو مثلك يغالي.    مثل نجمه ابصيته تعله
ماكو شي يصعب عليهه.  الصعبه اكيد اتكون سهله
      ساعي للحق ابريدك     بويه بويه
     يا هو المگطع وريدك. . بويه يويه
🔸🔸🔸🔸🔸🔸🔸🔸🔸🔸
انا صح ازغيره لكن.     . انا   ترباة   الفواطم
من كسر ضلع الزجيه.     وإلذبح بيت  الهواشم
عمتي زينب علمتني      عل صبر وحمل مظالم.
إيهون كلشي لجل ربنه    والمهم دين الله سالم
     تدعي بأسم الله نشيدك.       بويه يويه
     ياهو المگطع    وريدك.          بويه بويه

الشاعر، ✍️هادي الساعدي
202 0/3/3

💔 موال بحق الامام المهدي عج 💔
انت عاشگ لو ولهان
            يا هو محبوبك يفلان
لاتخجل واحجيهه صراحه
             مبين بعيونك. سهران
  بيه اتفكر هم گلنه
           واليعشگ ندريه حيران
وگلتلهم عاشگ مهدينه
           وكلمن حبه مو خسران
هو النور وكل آمالي
         وانا ابهذا الحب ربحان
هو العايش وي انفاسي
        عطر الجوري والريحان
وتنطر كل لحظه اهلاله
          هو العيد وبيه فرحان
دگة گلبي تنبض مهدي
      بالدم يسري ويه الشريان
وخل يسمعني هذا العالم
            هو منقذ كل  انسان
من حباه حب طاهه وربنه
             حبه معناه. الأيمان

الشاعر،،،،هادي الساعدي
2020/10/22




ئ

اللهم صل على محمد وال محمد

❣دنا فتدلى❣

#الحب_العظيم(1)

✨قال تعالى: {ثُمَّ دَنَا فَتَدَلَّى * فَكَانَ قَابَ قَوْسَيْنِ أَوْ أَدْنَى}

✨*الدنو : القرب
*قاب قوسين : فكان البعد قدر قوسين أو قدر ذراعين أو أقرب من ذلك.

✨المعنى : ثم قرب النبي محمد (ص) من الله سبحانه وزاد في القرب ، فكان البعد قدر قوسين أو قدر ذراعين أو أقرب من ذلك ، والمراد به القرب المعنوي أي بلغ اعلى منازل القرب من الله وحبه ، فصار احب الخلق الى الله ، واكثر الخلق حبا لله .

🕊#نبي_الرحمة
#فريق_ثم_أهتديت_الثقافي📜

ام البنين والعباس عليهم السلام
تستبشر أم الولد زبن وشهم ابنهه
وفعاله كلهن عزم مايوم اله اب نهه
يوليدي شفتك علي ومثله المسيره ابنهه
وهذا الزمن بيه طبع ما يرحم وخوان
شد عزمك وساعدك للسبط وكتك. خو آن
ومثل النبي وحيدره لأخر نفس. خوان
ولحسين مثلك اخو. الام تفتخر بأبنهه
2020/11/3

عن الإمام الصادق (عليه السلام):

‏لا تكونن أول مشير

‏وإياك والرأي الفطير

‏وتجنب ارتجال الكلام

‏ولا تشر على مستبد برأيه

‏ولا على وغد

‏ولا على متلون

‏ولا على لجوج

‏وخف الله في مواقع هوى المستشير
‏فإنما التماس موافقته لؤم وسوء الاستماع منه جناية.

     🔸   علي بنبضات گلبه🔸
علي بنبضات. گلبه تلگه الايتام
    وعلي بريشلة حنانه يرسم افراح
علي انسان راقي ارقى انسان
         ميحب الدماء وغدر الأرماح
لكن للضروه حتمآ احكام
      اخذ فقاره بايده اعظم اسلاح
سوكه بعين كلمن يغدر. الناس
            وللمظلوم عزه و ورد قداح
اخذ سهمه التعب ومساهر الليل
       وجانت راحته من شعبه مرتاح
على المسحاه طبع اقدامه اشهود
      على اجفوفه تشاهد اثر الجراح
شايل گلب يوسع كل الأكوان
         ابو للكل حنون وكله. اصلاح
ينوم النجم صاحي عينه متنام
         يفتر عل فقاره ابخلگ ملاح
عالم وشتراكي وقاضي حاجات
          وامير المؤمنين وشغله فلاح
يداوي اجروح ناسه وگلبه ملجوم
         طبيبآ حيدره الكل عله جراح
لذلك يا علي بجنون نهواك
         لئن حبك علي للجنه. مفتاح
واليحبك علي انحبه لله
      واليضدك اكيد انشوفه. سفاح

الشاعر،،هادي الساعدي

🌹الى حبيتي الغالية أمي 💔
جا شنهو الجمال البيج حوريه
لا طبعآ يقينآ أجمل شويه.،،،،
النجمه اتغار منج واضحه الاسباب
وجهج كل وكت انشوفه گمريه.،،
يا خيط الصبح منج يضوج الليل.
إذا هو الگمر منج اخذ ضيه،،،
يا تاريخ ابوي وظهره  المهيوب
من جنتي زغيره وهسه حجيه،،،
اصد بعيونج واقره اشكثر اسرار
يأم حجي الحلو يل كله حنيه،،،
الحرف يطلع عسل محلاته من تحجين
دكتوراه عندج  گالوا.  اميه.،،،
مدرسه العشگ وتخرجين اجيال
وشرط أخلاقهم صح ميه بالميه،،
صفنتي الورد رغم الذبول البيج
يعطر الرازقي ويا احلى جوريه.،
امي اشما اوصفج قصرت وياج
يكفيني من اگول انت حسينيه،،
يكفيني من. أگول انت عراقية

هادي الساعدي

2020،،8

🌹  أللهم عجل لوليك الفرج🌹
       ما نندل
اي موجود بس اگلوبنه العميهَ
يمنه انت وندور اعليك
وحق عيناك هيه الدنيا غرتنه
على السلطة وكراسيهه
اخذنه الواهس وطول الأمل ماخذنه
األطلگهه علي وذمهه
شكثر احنه ألهه هوسنه
ومثل الطير طرنه ابلهفه صفگنه
وجلبنه ابحبلهه وبيه تمسكنه
اخذنه الترف والواهس
ومشينه بعيد
وي كل سجه وي كل ريل
ومن خنگتنه دنيانه تذكرنه
اكوا المنقذ و يترسهه هوى الريه
ما يتركنه لا ميگول شعليه
ابونه والابو خيمه
كلنه نحتمي بفيه
ابونه والابو. رحمه
باب الله الذي ماينغلگ لحظه
وماله احدود
الى ما لا نهايه طوله وعرضه
ورغم كل هذا ومتيهين مانندل
يمهدينه اشكثر من عدنه تتحمل

     هادي الساعدي

حب علي عـــــنواني          ما يكل ألســــاني
سمــــع  ألسفيــــاني          حب علي عنواني
*********************************
حبه نور دربـــــي      وحربه أعلن دربي
أمن ألزغر عاهدته        والعــهد ماخنتـــــه
            حــب علي عنــواني
      ************************
هو روحي وبيتي        وكل شموخي وصيتي
أنذبـح ما عوفـــه        بدمي تسري احروفــه
       حــــب علي  عنــواني
    **********************
من أنادي حيدر            بالــــشدايد يحضر  
منه كلشي أتعلم               وبكــــــلامه أتكلم     
                 حب علي عنواني
    ***************************
الشاعر/// هادي الساعدي

مني لاتتقرب                حذريــــتك تتــعب     
ابتعد احسنلك                تالي كلك تهـــــلك    
             حب علي عنواني
   ************************
سيفي للحق رافع            للظــــلم ماخاضع
لوأظل بس وحدي          جندي اظل للمهدي    
                حب علي  عنواني
    **************************
النبي رافع جــــــــفه           انت زين اتعــــرفه
وصي طاهه اتنصب              مثل نفسه وأقــــرب  
                    حب  علي عنواني


             الشاعر / هادي الساعدي

ابوذيه عن الأم
صرت مثل النهر ناشف بلا ماي
انكسر مجذافي وتحطم بلماي
ومثل نشغة طفل أنشغ بلا اماي
وأشم بهدومهه. وصفج بأديه
هادي الساعدي