اشما بجيتك لو رثيتك انت اكبر من رثائي
ابروحي اجيتك ما نسيتك تبقى اغلى من دمائي
************
انا احبك وامشي دربك بروحي متوسط نجم
ما اعوفك جنه اشوفك واقع ولا مو حلم
محلى اسمك من ارسمك كرم مو لوحة رسم
يا حبيبي يا طبيبي للعل انت دوائي

**********
كل كياني والاماني بعيني اشاهد كبتك
يا حياتي وامنياتي مشي نمشي ازياتك
انقيم مأتم نبجي من دم رغم ناس الضدتك
اهناك يمك انواسي امك يانظر عيني وضيائي

************
نور ليلي يا خليلي يل حسن بأسمك اصيح
علمتني وفهمتني ينهض ابهمه اليطيح
حاربتهم وفضحتهم مثل ابو اليمه الذبيح
وواجهتهم ولقنتهم بيك يفخر كل فدائي




شأقره عنك .طاهه جنك تفتخر بيك الجنان
كرم كلك هذا اصلك منبع الحب والحنان
حربي حربك امشي دربك كله خير وبس امان
بروحي اظمك عطر اشمك ايزل مني كل عنائي

***********
حلمي انت ودمعي سكته من اصب دمعي عليك
اتمنه اصير كون طير اصفك اجناحي وجيك
وبجي يمك فدوه لسمك انا خادم بين اديك
يا امامي وكل غرامي مطلبي هذا ودعائي


الشاعر//هادي الساعدي

يا كريم أل النبي يل الحسن كلك آبي
الكرم عندك سجيه والشجاعه حيدريه
يل حسن كلك آبي
***************
من اوصفك شرد اضيف لو كلت عنك كريم
هاي خصله من خصالك يا امين ويا حليم
رحمه وبطبعك مسامح مثل طاهه اشكد عظيم
واليضدك رغم حقده انت تدعيه للنعيم
اتحملت ياما اذيه والشجاعه حيدريه
يل حسن كلك آبي
****************
أليدك بابك مؤكد ياخذ الحاجه بأديه
واليتيم وهو ساكت حاجته ألبيته تجيه
ما تنام الليل كله مثل ابوك انت شبيه
املثم وخفيه تصدق طالع بكلشي عليه
مثل حماي الحميه والشجاعه حيدريه
يل الحسن كلك آبي
****************

بالمعارك من تقاتل تحصد بسيفك زلم
فارس وقائد محنك بالقتال انت ملم
رافض الذل بيك نعرف ما تنام اعللظلم
يوسع الكونين صدرك مملي زود ويه الحلم
يل صفاتك هاشميه والشجاعه حيدريه
يل حسن كلك آبي

***************
حيرتهم بيك داخوا ابد ما كدرو عليك
بالمكر شنو حربهم رادو ايشلون اديك
جندو جيش الدعايه وخانك الجان الشريك
وشترو بعض الظماير بغضآ بحيدر أبيك
وهاي معروفه القضيه والشجاعه حيدريه
يل حسن كلك آبي
*****************

هاي عيني اشما بجتلك ابقه امقصر اكيد
يا غصن شجرة محمد يشهد الباري المجيد
فرض حبك يا امامي بكلبي يوميه يزيد
طاهه جدك بيك وصه ووصه بحسين الشهيد
كل صفاتك هاشميه والشجاعه حيدريه
يل حسن كلك آبي


الشاعر //هادي الساعدي

☆قصيده إلى الامام الحسن المجتبى ع ☆

سبط النبي واسمه الحسن    كله  شهامه ومكرمه
سيفه  يعادل  مية   الف      معروف وكت الموزمه
   ~~~~~~~~
جم معركه البيهه نزل      ابصفين  وبيوم  الجمل
عل ميمنه وعل ميسره   يحصد اركاب اهل الجهل
التاريخ  عنه ما حجه      ولا يذكر الصار  وحصل
حامل لواء   المرتضى     واعدائه تشرد لو حمل

يحمل شجاعة حيدره      يرفض الذل والمظلمه
سيفه يعادل مية الف       معروف وكت الموزمه
~~~~~~~~~~
متربي بحضان  النبي    ومن كل صفاته مقتبس
سبطه وحبيبه المؤتمن   نوره يشع مثل الشمس
اتصفحنه زين بسيرته     من عدهه ناخذ جم درس
قائد سياسي  ومقتدر    حير أرباب اهل الرجس

ما واجهوه وجه ابوجه     سمته جعده الظالمه
سيفه يعادل مية الف     معروف وكت الموزمه
   ~~~~~~~~~~~
لو نفرض احنه بس فرض    شاهد وحاضر كربله
وبسيفه ايصول الحسن      ضد الجيوش الجاهله
وياه ابو    فاضل  سوه        يا زلمه هذا   اينازله
من خوفه يموت  الشمر      ويذبح بروحه حرمله

والجيش ألبسبعين الف      يرجف يظل ويهزمه
سيفه يعادل مية الف     معروف وكت الموزمه
~~~~~~~~~~~
بوصافه يحتار  العقل     عالم  عظيم  المنزله
وارث علوم المصطفى    تسهل عليه كل مسأله
من توكع ابشده وخطر   أندب  أمامك  وسئله
لا  ما يرد  واحد  أبد       يوكفلك ابكل معضله

هاي الكرامه واضحه     وبيه تفتخر ارض وسمه
سيفه يعادل مية الف     معروف وكت الموزمه
      ~~~~~~~~
قران   آيات   ودرر         منطق الحكمه  والعلم
طبعه التسامح والكرم     ونبع   الموده  والحلم
جامع صفاة المرتضى      اصل المحبه   والسلم
وللدين كل عمره نذر      حارب طغاة اهل الظلم

والكل محب خيمه ووطن    ابن الرساله وفاطمه
سيفه يعادل مية  الف       معروف وكت الموزمه

الشاعر. ... هادي الساعدي @had_jaa

الى الامام الحسن (ع)

باجر المهدي يبني كبتك

وابد ما تنمنع عنه ازيارتك

*************
باجر ابن الحسن ياخذ حيفه
وبيده ذو الفقار يلمع سيفه
ويبقه كل الامر هو بكيفه
تظل ترجف منه ناس ألظلمتك
وأبد ما تنمنع عنه ازيارتك

*************

يبني الكبه ويعلي اصروحك
ياخذ ابثارك يظمد اجروحك
واحنه ندخل مرقدك ونوحك
وبيدنه اترفرف رغمهم رايتك
وابد ؛ما تنمنع عنه ازيارتك

*************

المناره تنبني وتعلى اكيد
ازورك احبابك ملايين ومزيد
والطغاهو تنتهي بالذل وتبيد
والعفو تطلب الناسة الضدتك
وابد ما تنمنع عنه ازيارتك

***********


اهناك يمك سيدي انقيم العزاء
ويانه تلطم حتى املاك السماء
انصيح يا مسموم وتسيل الدماء
وتجي من كل صوب ناس الحبتك
وابد ما تنمنع عنه ازيارتك

***************

ايصلي المهدي ابضريحك يا امام
وخلفه انصلي ويطرد كل ظلام
ومن نطوفك يفرش اجناحه الحمام
ويا هلا ومرحبا تنادي شيعتك
وابد ما تنمنع عنه ازيارتك


الشاعر //هادي الساعدي

ادورك وين
وانت بكل كتر بيه
حتى بصفنتي الگاك
تحجي وياي حنيه
يحجاية عشگ ياهيل
انت أنفاس للريه
الشاعر #هادي الساعدي

وحق الگطعوا ايمينه ويساره
نموت ابحب ابو اليمه ويساره
ويسعده اليمشي بدربه ويسره
ويقر عين النبي سيد البريه

الشاعر #هادي الساعدي
2020 /5/10

استضافه حسينيه مع الشاعر علي الامي في اذاعة الكوثر
الشاعر هادي الساعدي

لا مرض يمنعهه عنك لاوباء
زحف احبابك اجتي الكربلاء
يا ابا عبد الله. يا ابا عبد الله
هادي الساعدي

لو ضريحك بالعراق نفترض هذا فرض
يبو القاسم جان هسه نفرش ورود الارض
***********
جان سوينه المناره تلامس خيوط الشمس
وكبتك تصبح مدينه ينشرح بيهه النفس
نجتمع بالحب سويه نحجي بشفاف الهمس
كلنه نصبح أيد وحده وننطي للعالم درس
واحنه خدامك يطاهه نفرش ورود الارض
************
جان خلينه اليزورك ملك واحنه بخدمته
هو بس بأيده يأشر يمه يلكه حاجته
لو طلب شيريد يطلب أله نحقق طلبته
كل محب بأسمك ينادي وترضى عنه غايته
أنت يا أجمل هديه نفرش ورود الارض

**************
نخلي العالم يشوف ذولي اتياع الرسول
بس محبه وبس موده والكرم منهم تنول
اهل افكار وعقيده ونيره كل العقول
كلهه من عدنه اتعلم المناهج والحلول
بنهجك اتمسكنه احنه نفرش ورود الارض
**************
جان خلينه المواكب عل الارض مد البصر
والعزاء يصبح موحد لو يظل طول الدهر
و الفضائيات تنقل سجلوا هذا الخبر
شوفوا اتباع الرساله تابعين اشرف بشر
منبع الحب والوفاء نفرش ورود الارض
*************
نزور ابو اليمه ونزورك ولعلي نرجع نزور .
والضريح يصير معلم والفلك حوله يدور
ولبو صالح ننطي كلمه ندخل بكلبه السرور
عهد ننطي احنه جنده نطلب يعجل الظهور
احنه طلاب الحقيقه نفرش ورود الارض


خادم اهل البيت
هادي الساعدي

  نعي لسان حال مولاتي فاطمه ع عن رسول الله ص💎
فراگ الابو صعبه يا ناس
ما ينوصف ايتعب الاحساس
صدگوا ابد لا لا مينقاس
ياويلي تشيب حتى الانفاس
يا رحمة الله ها ينبراس
فگدك ما احمله لايغالي
حالي مايسرك بويه حالي
دونك علي وحشه الليالي
لذيذ النوم لا ما حلالي
بويه وداعتك دنياي ظلمه
يا نور الاله وللبشر رحمه
ياهو اشكيله وياهو اكلمه
حزني اعليك ما اكدر اظمه
اطب للبيت خالي مكانك
واشم بريحتك وذكر حنانك
زماني ما رحمني ولا زمانك
وبعدك يبويه النوح عنواني
هادي الساعدي

،،،، إلى السيده سكينه رضوان الله عليهه،،،،،
    هاك اديه انطيني إيدك  .  بويه يويه
      يا. هو المگطع وريدك.     بويه بويه
🔸🔸🔸🔸🔸🔸🔸🔸
ا زغيره  انا ويتموني         ومنهو غيرك لليتيمه
انت غامرني ابحنانك      وعيشتي عيشه كريمه
شلي بالدنيا وحياتي.        قاسيه الدنيا وأليمه
ما اشوفك بيهه يعني       ميته وايامي ظليمه
        هسه يمي انا أريدك       بويه بويه
       يا هو المگطع وريدك.    بويه بويه
🔸🔸🔸🔸🔸🔸🔸🔸🔸
والنساء ابلايه والي.      ياهو بعدك بويه  الهن.
وهايه مسبيه الأرامل.  . أخلافك وحمل ضعنهن
إمسح إدموع الثكالى      غرگ الوجنه   دمعهن
ضايعات الغربه تكتل      وما يسر بويه وضعهن
       وينه ابو فاضل عضيدك     بويه بويه
       يا هو المگطع   وريدك.    بويه بويه
🔸🔸🔸🔸🔸🔸🔸🔸🔸
عمري وسنيني فدائك    ألك يرخص كلشي عندي
وكون عميه ولا أشوفن. . أتگطعت أوصال جبدي
ريت متوسده الترائب.   والشمس تحرگلي خدي
صحت ياجده إحضري.    ياعلي احضر   يجدي
   ابهل الحجي احزان ازيدك    بويه بويه
   يا هو المگطع.   وريدك        بويه بويه
🔸🔸🔸🔸🔸🔸🔸🔸🔸🔸
بانيه احلامي الجبيره      اوياك اخلص عمري كله
وكل سنه أكبر  وتكبر       والسنين   اوياك.  تحلهَ
العدهه ابو مثلك يغالي.    مثل نجمه ابصيته تعله
ماكو شي يصعب عليهه.  الصعبه اكيد اتكون سهله
      ساعي للحق ابريدك     بويه بويه
     يا هو المگطع وريدك. . بويه يويه
🔸🔸🔸🔸🔸🔸🔸🔸🔸🔸
انا صح ازغيره لكن.     . انا   ترباة   الفواطم
من كسر ضلع الزجيه.     وإلذبح بيت  الهواشم
عمتي زينب علمتني      عل صبر وحمل مظالم.
إيهون كلشي لجل ربنه    والمهم دين الله سالم
     تدعي بأسم الله نشيدك.       بويه يويه
     ياهو المگطع    وريدك.          بويه بويه

الشاعر، ✍️هادي الساعدي
202 0/3/3

💔 موال بحق الامام المهدي عج 💔
انت عاشگ لو ولهان
            يا هو محبوبك يفلان
لاتخجل واحجيهه صراحه
             مبين بعيونك. سهران
  بيه اتفكر هم گلنه
           واليعشگ ندريه حيران
وگلتلهم عاشگ مهدينه
           وكلمن حبه مو خسران
هو النور وكل آمالي
         وانا ابهذا الحب ربحان
هو العايش وي انفاسي
        عطر الجوري والريحان
وتنطر كل لحظه اهلاله
          هو العيد وبيه فرحان
دگة گلبي تنبض مهدي
      بالدم يسري ويه الشريان
وخل يسمعني هذا العالم
            هو منقذ كل  انسان
من حباه حب طاهه وربنه
             حبه معناه. الأيمان

الشاعر،،،،هادي الساعدي
2020/10/22




ئ

اللهم صل على محمد وال محمد

❣دنا فتدلى❣

#الحب_العظيم(1)

✨قال تعالى: {ثُمَّ دَنَا فَتَدَلَّى * فَكَانَ قَابَ قَوْسَيْنِ أَوْ أَدْنَى}

✨*الدنو : القرب
*قاب قوسين : فكان البعد قدر قوسين أو قدر ذراعين أو أقرب من ذلك.

✨المعنى : ثم قرب النبي محمد (ص) من الله سبحانه وزاد في القرب ، فكان البعد قدر قوسين أو قدر ذراعين أو أقرب من ذلك ، والمراد به القرب المعنوي أي بلغ اعلى منازل القرب من الله وحبه ، فصار احب الخلق الى الله ، واكثر الخلق حبا لله .

🕊#نبي_الرحمة
#فريق_ثم_أهتديت_الثقافي📜

ام البنين والعباس عليهم السلام
تستبشر أم الولد زبن وشهم ابنهه
وفعاله كلهن عزم مايوم اله اب نهه
يوليدي شفتك علي ومثله المسيره ابنهه
وهذا الزمن بيه طبع ما يرحم وخوان
شد عزمك وساعدك للسبط وكتك. خو آن
ومثل النبي وحيدره لأخر نفس. خوان
ولحسين مثلك اخو. الام تفتخر بأبنهه
2020/11/3

عن الإمام الصادق (عليه السلام):

‏لا تكونن أول مشير

‏وإياك والرأي الفطير

‏وتجنب ارتجال الكلام

‏ولا تشر على مستبد برأيه

‏ولا على وغد

‏ولا على متلون

‏ولا على لجوج

‏وخف الله في مواقع هوى المستشير
‏فإنما التماس موافقته لؤم وسوء الاستماع منه جناية.