نعي عن الإمام علي ع لسان حال زينب ع🔸
يعيني ادموم مو بس دمع صبي
الليله انفجع  ونصاب  گلبي
دعيت ايعيني اعلل صار ربي
افراگ الابو ما ينحمل يا ناس
خويه حسين ابونه راح منه
ما ينفع بجينه ولا دمعنه
خيمتنه التلمنه  وكل اهلنه
صعبه افراگه وشيبلي الراس
ها يلحسن خويه رد عليه
راح الغالي حماي الحميه
وذيج الگعده واللمه السويه
ابونه النبض هو وهو الانفاس

الشاعر،،، هادي الساعدي



1

علي وما ادراك ما علي ع👇
وكت الحرب جفه يقبض أرواح✌️
ووكت السلم يعمل هذا طبعه
وعلى الكفار گلبه يرجز الموت
وللأيتام گلبه❤️ دنيا وسعه
جنح فراشه🦋 روحه احساسه جياش
على اخدوده تشاهد إثر دمعه💦
يتنفس محبه وعشگ للخير ✔️
وتسبيح الزفير اللي يطلعه🌹
#هادي الساعدي

ضاگت يابو صالح والفرج  يمته
واحدنه عليل  العبره    خانگته.
الغوث الغوث ادركنه يمهدينه
- يا بوصالح    يابوصالح
*****************
يمنقذنه واملنه  غيرك اشعدنه
بامك فاطمه انحلفك تخلصنه
من هذا الوباء ابجاهك انقذنه.
يبو گلب الحنين وانت والدنه
  جم واحد عليل وانت طيبته
    ******************
نضره نريد منك بيهه تكرمنه
تبدل كل حزن بالفرحه تغمرنه
ومن شر المرض بأسمك تعوذنه
وقرينه الفاتحه لأمك يمنقذنه
ألينخاهه ابصدق تگظيهه سالفته
******************
بينه جم جرح للحين لا ما طاب
يوميه   نودع  للنجف  احباب.
نريد الباقي تحفظهم گلبنه شاب
نحلفك بالصميده الحيد داحي الباب
بأبو فاضل نحلفك والعقيله اخته
****************
صعبه افراگهم وشل دمعهه العين
الگبل ساعات يمنه بالنجف ميتين
يفراگ الأحبه زين   يتبع  زين
يبو صالح نريدك تحفظ الباقين
ملاذ الخائفين وكل املنه انته

       الشاعر،، هادي الساعدي
      202 0/6/30

بسج يا مگابر ما شبعتي
وين الزين من عدنه اخذتي
بسج يامگابر
***************
مو بس راسنه حتى الگلب شاب
على الزينين نبجي واغلى الاحباب
بعدهم كل جرح للحين ماطاب
ترفه وجوهم متوسده التراب
       بسج يامگابر
،****************؛
شلج ويانه احجي يا مگابر
ونين اشواگنه ايكسر الخواطر
على احباب الگلب تبجي النواظر
ألهم   بالگلب  ننصب  جوادر
بسج يا مگابر
  ******************
هيبتنه وإخونه ورفعة الراس
يعطر الهيل عطره وريحة الياس
ابو گلب الجبير اليعشگ الناس
شايل غيره كله وينبض احساس
بسج يامگابر
****************
نگول اسمائهم للي ينشدون
صفره وجوهنه ومتغير اللون
شو طالت الغيبه وما يرجعون
اوف افراگم طيحهه المتون
بسج يامگابر
***************
وين احبابنه عنه مشوا وين
بقت بس الصور تملي الحياطين
وين البيه حميه ويترس العين
نحن ليامهم ولذيج السنين
بسج يامگابر

الشاعر،،،، هادي الساعدي

يمه يل طعمك شهد    . گلبي يايمه انمرد  
              لحظة رحيلك
غييمة عيني مطر        ونزلت الدمعه نهر
            لحظة رحيلك
   ،،،،،،،،،،،،،،،،،،،،،،،،،،،،،،،،،،،،،،،
شاتله بروحي انتظارك    ناطره موسم حصادك
      وغيري ابقسوه خذاك
يا امل نسمة حياتي        اختنك لو ما اشمك٠
         وهسه محتاجه هواك
تغفه بحضاني من اظمك اتسولف وتشكيلي همك
    يا معزتك ياغلاك
الله يدري اشكد احبك  انت مايي اللي اشربك
               انا ماعندي سواك
استعجلت يمه السفر    ونزلت الدمعه نهر
              لحظة رحيلك
    ،،،،،،،،،،،،،،،،،،،،.،،،،،،،،،،،،،،،،،،،،

خيط شمعه واحتركلك    ضوه اعيـوني وماتملك
          وسفه بس طفو  ضواك
فاگده گبلك فرحتي   وبيك اشوفه يا مهجتي
            واللجم هسه ابجفاك
عندي امودع امانه    من ابوك انت ابمجانه
             والغدر جفه رماك
يمي خلالك وصيه    من تصير الغاضريه
           . هذا سيفه يمه هاك
   وانت سريت النظر.  ونزلت الدمعه نهر
            لحظة رحيلك
 
        ،،،،،،،،،،،،،،،،،،،،،،،،،،،،،،،،،،،،،،،
من تحن الأم لبنهه      والصخر يبجي اعله ونهه
                   ربي اتغيم سماك
بكل صلاه تدعي يربي   تدري بأبني هو گلبي
               آمنت في كل قضاك
ربي ارحمني ابرحمتك. على كل شي انا شكرتك
                 وابني قدمته الرضاك
وسولفتله وسولفالي   وگلي عندج ادري غالي
          واشترى الجنه  واجاك
    هو لعيوني البصر   ونزلت الدمعه نهر
               لحظة رحيلك
       ،،،،،،،،،،،،،،،،،،،،،،،،،،،،،،،،،،،،،،،
افرح ابعرسك يشمسي   والشهادة ادگلي عرسي
              يمه يم جدي الرسول.
يابدر بالظلمه ضاوي    وعل الرحيل الليله ناوي
               جم وسام انت تنول
اتقلدت يبني ابحسامك.  اتنازل ومرفوعه هامك
             وبيهم اتنادي وتصول
انا ابن الحسن انه    الدين والإسلام امانه
              افهموا ماذا اقول
واليجي اگبالي انتحر.   ونزلت الدمعه نهر
            لحظة رحيلك
          ،،،،،،،،،،،،،،،،،،،،،،،،،،،،،،،،،،،
يمه يل راضع حنيني.   ياذخر شيبي وسنيني
         خل اودعك ياضوه
يمي اتقرب يغالي.    انت يا أغلى الغوالي
         خل اشمك ياهوه
يا أميري بروحي اظمك.بنص ضلوعي تلگة اسمك
          هو لجروحي دوه
راح اودعك والله يعلم   عمري بعدك كله مئتم
                 إلى أن نلتم سوه
انا بعدك عل إثر     ونزلت الدمعه نهر
              لحظة رحيلك

الشاعر،،، ، هادي الساعدي
              
         

الي الامام العباس ع               وزن الميمر
شايل وفه وغيرة علي بعيونه
خله الزلم تتشارد  ومجنونه
   ،،،،،،،،،،،،،،،،،،،،،،،،،،،،،،
شال السيف بس حركه من گرابه
جن نيران  تحرگهم و  لهابه
مابينهم صارت  دمه وطلابه
   مثل الأسد لو يزئر يخافونه
    ،،،،،،،،،،،،،،،،،،،،،،،،،،،،،
جاب الماي محد تحرك منهم
بيده الجود يتمشى رغمآ عنهم
من الخوف  ظل بصدرهم ونهم
وصوت الگمر بس هو اليسمعونه
      ،،،،،،،،،،،،،،،،،،،،،،،،،،،،،
صف اصفوف جيش العده محتاره
من بعيد   شافوا  يهز.  بتاره
  واحد يلوذ بواحد وجن غاره
ابصولة علي وطلعاته ايشبهونه
     ،،،،،،،،،،،،،،،،،،،،،،،،،،،،

هي اتروط حتى الارض من جدمه
جن زلزله  ومن كل كتر محتدمه
جم فارس البيهم  يموت ابدمه
ميت عدل   اخبرنه. ايصيحونه
      ،،،،،،،،،،،،،،،،،،،،،،،،،،،،،،

هو الگمر   منه تغار   انجومه
من شافته وحده نزل بالحومه
و اللي گرب منه تگرب  يومه
نطلب عذر من البدر يرجونه
   ،،،،،،،،،،،،،،،،،،،،،،،،،،،،،،،
جفينه باساهه علي جم مره
شي يدري بيهه ادافع اعللحره
هاي الجفوف بكل وكت متحضره
ما گدرو ألهه اتفقوا  ايغدرونه


            الشاعر الحسيني
           : ✍️هادي الساعدي

الأسماء كلهه امسجله   ابدفتر الخدمه كامله
محسوبه حتى الانفاس  واللي يسجل عباس
        وإم البنين وفاطمه
          ٪٪٪٪٪٪٪٪٪٪٪٪٪٪٪٪٪٪٪
     يل تخدم حسين استمع 
        هنيالك ابهل. الخدمه

     عل صدر  جفك تنطبع   
          تشفع الك كل لطمه

      وكل آه تصبحلك قصر.  
        جنه  تصير  ورحمه

      ولو بايدك اتكسر الظلع  
        وترضرضه  وتحطمه
كل الفخر تدريهه   ودموعك التبجيهه
بالخدمه مرفوع الرأس  واللي يسجل عباس
        وإم البنين وفاطمه
  ٪٪٪٪٪٪٪٪٪٪٪٪٪٪٪٪٪٪٪٪٪٪٪
لو تدري منهو يدعي الك
               من تحظر بكل مجلس
ومنهوالذي حاظر نعم 
                 يلطم اوياك ويجلس
صاحب الامر  المنتظر. 
                 ويانه بس بيه منحس
ابجفينه ندري الطاهره
             يداوي الجرح من يلمس
هو الشفه والبلسم.   والعاشگه مايهتم
متهمه كل الارجاس  واللي يسجل عباس
       وإم البنين وفاطمه
    ٪٪٪٪٪٪٪٪٪٪٪٪٪٪٪٪٪٪٪٪
       بالك تهم لو تستمع
      حجي العواذل عوفه

    حسين كعبه الكل محب
     ابوسط الگلب ونطوفه

     هو العشگ هو الدين
       ضحيله و  لتعوفه

     ولو الك گطعوا جفين
   أذكر  الگمر  وجفوفه
من گال نفسي هوني    هوالنضر لعيوني
من بعد اخوي النبراس  واللي يسجل عباس
        وإم البنين وفاطمه،
        ٪٪٪٪٪٪٪٪٪٪٪٪٪٪٪٪٪
    من تبجي اتواسي النبي
    عل منذبح من نحره

   ومرفوع راسه عل رمح
  ايرتل. آيات   ويقره

   وتعيش انت الواقعه
   وتنادي اه يازهره.

وعل رأس تلطم والصدر
وتجري المدامع حمره

وتصيح يا مولاتي     ميت أنه بحسراتي
ياريت ضلعي المنداس واللي يسجل عباس
       وإم البنين وفاطمه
    ٪٪٪٪٪٪٪٪٪٪٪٪٪٪٪٪٪٪
  لا مال ينفع لاولد
بس الأعمال اتنفعك

اخلص ابنيتك بالعمل
الإخلاص هو ايرفعك

وبالك تغرك شهرتك
تالي الغرور ايوگعك

ولحسين رخص دمعتك
ولاتبخل اسجب دمعك

أملاك السمه تبجيله    صبوا دمه هل الليله
مفجوع حتى الاحساس اللي يسجل عباس
     وإم البنين وفاطمه

✍️  الشاعر/ هادي الساعدي
             2 020/1 /3

الولد  يبني    دللول
يضي عيني.  دللول
صحتلك ما ترد ليش
***********
خلص صبري ونوح انا دللول
وخلص ليل الموده وليل العتاب.

وبقت دمعة حزن بعيوني مطيح
تنشد وين  راحوا عنهه الاحباب

عليك العين تربى الراح والراد
حبيبي الجان يمي عني شو غاب

      وبقت احزاني وياي
       من بعدك   يسلواي
     صحتلك ما ترد ليش

*****************
أون ونحب عليك أبسنطت الليل
وصيح بصوت يمه وماكوا اجواب

واذكر  من   الوليلك   وناغيك
عدوك ها عليل وما وصل خاب.     

واذكر من تنام بحضني ساعات
كل هم بيه انسه وكل جرح طاب

        وهسه اجروحي آلاف
          يبني يأبن الإشراف
         صحتلك ما ترد ليش
       ******************
وهيج ابساع  يمه   تكبر  ابساع
واحس الدنيا جنه لو صرت شاب.

وتداريني بكبرتي ها يرجواي
وبموتي  ييمه  اتهل  الاتراب

عني سافريت ورحت  لبعيد
حاجيني ييمه اشرحلي الاسباب
      العطش كتال انه ادريه
      عمري لجلك افديه
    صحتلك ما ترد ليش

********************
يا شمام روحي وزرع السنين
سگيتك دمع عيني الهسه الك صاب

وريتك هسه يمي أتردلي اردود
حلم ودري الحلم ايزيد المصاب

وشبگك حيل يمه وصرخ ابصوت
البعد مرمرني يمه والگلب ذاب
      السهر ذبلي العيون
      وذبحوني اليشمتون
    صحتلك ما ترد ليش

     **************
إلام اخلاف ابنهه مثل الأشجار
كلهه اتموت إذا ميت غصنهه

يغصني الراح مني تدري بأمك
الليالي  وحشه حيل وعذبنهه

نار احزاني حرگت كلشي بيه
شيظل بالأم إذا فگدت ابنهه
تظل مستعره نيران
تعيش اوياهه الاحزان
صحتلك ماترد ليش
  
  الشاعر،،،، هادي الساعدي

🔸قصيده عن الم الفراق زينب ع

اوداع الاخو ما ينحمل      والفرگه جتاله
و فارگت عباس الذي.         يرعبهم اخياله
         صنديد وموصيه.  علي
        ساقي العطاشا وكافلي
              يرعبهم اخياله
   ،،،،،،،،،،،،،،،،،،،،،،،،،،،

يمرعدني تالي الليل حزني و ونيني
ها خويه لو بالطيف ردتك تجيني
يابن امي طفي النار يسعر حنيني
وتردلي ادعي الله وتقرلي عيني

     النيران شعلت مهجتي
      ما ترضه ابقه بغربتي
    ياضوه عيوني وشمعتي
     يابعد ناسي وكل هلي
    ساقي العطاشا وكافلي
        يرعبهم اخياله

،،،،،،،،،،،،،،،،،،،،،،،،،،،،،،،،،،،،،
ردتك تجي وتشوف حالي انا ياحال
هو البعد يا خوي مو   تدري  جتال
ذاب الگلب والروح بيهه الحزن صال
حملي يهد الحيل   متحمله الاجبال
       
     طيحلي امتوني وطحت
     صدگني من يوم الرحت
       عباس ياكافل صحت

      انت ألمباري محملي
     ساقي العطاشا وكافلي
          يرعبهم اخياله
    ،،،،،،،،،،،،،،،،،،،،،،،،،،،،،،،،،
هيدي ولو لحظات احجي ويه روحي
ايصب الدمع نهران  يخنگني نوحي
ابگد الجروح البيك صارن جروحي
ياضوه اعيون الدين تاجي وصروحي
      جم غصن من عندي ذبل
     بعيوني شاهدت الحصل
     وعباس من صال وحمل
           گلي يخويه ادللي
       ساقي العطاشا وكافلي
         يرعبهم اخياله

،،،،،،،،،،،،،،،،،،،،،،،،،،،،،،،،،

       اوفي اشكبرهه اعليك مثل العواصف
       خوتنه حد الموت مو  بس  عواطف
        اذكر انه الگعدات   واحلى  السوالف
         يابو الوفه والطيب وذيج المواقف
               ما انسه طيبك للأبد
              وفيت خويه بكل وعد
              من جنت بعدك بالمهد
          نضرة اعيونك بس الي
           ساقي العطاشا وكافلي
              يرعبهم اخياله
،،،،،،،،،،،،،،،،،،،،،،،،،،،،،،،


       جا شلي بدنياي عنهه انت غايب
       جرح البعد للحين لتضنه طايب
      يا خويه من فرگاك اگليبي شايب
    وفرگة اخوي حسين أغلى الحبايب
            ناحت أملاك ال بلسمه
            تبجي عليه و لاطمه
            وتعزي  امي فاطمه
           يا دمعتي دم انزلي
       ساقي العطاشا وكافلي
            يرعبهم اخياله

    
الشاعر الحسيني،✍️،، هادي الساعدي

2 020,,/4 /2 8

قصيده إلى عبدالله الرضيع

أرق من جنح الفراشة     ترف ما يحمل لمس
نحره واحه من الحنان.   موسهم بيه ينغرس
،،،،،،،،،،،،،،،،،،،،،،
ذولي لا لا موبشر     أقسى حتى من الصخر
       ذبحوا الطفل الرضيع
احساسهم ميت اكيد   اشلون صابوه بالوريد
            هل الأمر جدا فضيع
اگماطه اتقبل بأديه.       شابگه ومحني عليه
          اينادي ياربي السميع
ريت اتحول نهر.          وريت عندي اني نحر
        وبدل عبد الله صريع
فز شعوري من رموه      انا  بألامه  أحس
نحره واحه من الجنان  مو سهم بيه ينغرس

🔸🔸🔸
ارد اسولف هل الأمر      بكل محرم من يمر
            وينه اصيح اوليدي
أنه مشتاگه اشمه     اشمحله من ايگلي يمه
             هو فرحة عيدي
بگلبي موش بحضني اظمه حرز اشيل احروف اسمه
          وأيده اريد ابأيدي
ابني ايه من الجمال.   اشلون ما شبعه دلال
          ناري لا  تهيدي
والضوه أصبح ظلام   وماتت احلام الامس
نحره واحه من الجنان مو سهم بيه ينغرس
،،،،،،،،،،،،،،،،،،،،،،،،،،،،،،،،،،،،،،،
ها دللو بعده ألمن   احجيهه انه اعيوني يبجن
            اشتاگن النظراته
شوف ما شبعانه منه   فقط ست اشهور سنه
              وانتظر جلماته
اشحلاة الابن لمن         لوكبر أيامه يحلن
            ولذه احجاياته
يوم يوم انتظره انه.      أشعر ابحبه وحنانه
             اوليدي اشمحلاته
ابعده عني الزمان.  ابصوت اصيح ومو همس
نحره واحه من الجنان  مو سهم بيه ينغرس
،.،،،،،،،،،،،،،،،،،،،،،،،،،،،،،،،،،،،،،،،،،
الأم إذا فگدت ابنهه.     ردلي اتحلفه ابلبنهه
     لئن هوالهه أمل
ابذاك سهر اللي تسهره. ابكل بروده وذاك حره
وذاك طعمه الجن عسل
وياظهرهه المحني خيمه    من تلوليله ابعزيمه
   يمه نام احلى الجمل
هو عمري وهو روحي.  والدوه اليشفي جروحي
        جسمي بغيابه نحل
كل تعب مني يزول   لحظة لو جفه امس.
نحره واحه من الجنان  مو سهم بيه ينغرس
      ،،،،،،،،،،.،،،،،،،،،،،،،،،،،،،،،،،،،،،،،،١
روحي صحره وانت غيمه. والهوى انت ونسيمه
          رد عليه ماترد
يبس كلشي وحزني خضر   وهالحزن يوميه يكبر
           وانا ليامك اعد
ساعه ساعه بلكي ترجع  الحضني وتمسح المدمع
          حلمي ولليقضه ارد
وكل شعوري وكلشي بيه    ينادي ارجع يمه ليه
           ازرع ادروبك ورد
كلشي اتحول رماد.     ونگطع حتى النفس
نحره واحه من الجنان    مو سهم بيه ينغرس
@had_jaa

الشاعر الحسيني،،،،، هادي الساعدي
          202 0/5/11

اشم حبك عطر جوري اشتم الكون
وعن دربك بغض رادوني اشتمل كون
يسئلونه يشيعه انتوا اشتملكون
نملك حب علي وسيد البريه
هادي الساعدي

نعي

عباس ياكافل اضعوني
الحرم عنك ينشدوني
ها عباس يعيوني
والأطفال   نادوني
وين الماي. سئلوني
شجاوبهم يضي العين
اگلهم مات اخوي الزين
ياوسفه وگطعوا الجفين
ابو فاضل عضيد حسين
ضحى بروحه لجل الدين

خويه يا خويه يابو فاضل
اوف اوف اوف
صح للشام  اخذوني اسيره
اظل أم الخدر انا واميره.
من صبري عدوي باقي ابحيره
بت حيدر علي والشام ذليته

انا اختك يخويه وما اطخ الراس
بت حيدر علي والاخو عباس
تخاف الزلم منه وتشرد الارجاس
يزيد بقصره خويه هناك خزيته

انا اختك يخويه وانت تعرفني
يبو فاضل عضيدي ويا مدللني
بس افراگم   ما حمله ألمني
الهوى بغيابكم عطاب شميته

الشاعر،،،، هادي الساعدي
قناة مختصة باللطميات والاشعار الحسينية

وحق الگطعوا ايمينه ويساره
نموت ابحب ابو اليمه ويساره
ويسعده اليمشي بدربه ويسره
ويقر عين النبي سيد البريه

الشاعر #هادي الساعدي
2020 /5/10

  ،،،،، فزاعيه إلى الأمام العباس ع،،،،،

ابو فاضـل يا أبن فحل الفـــحول
      ترجف الفرسان منك من تصول
     ************************
      جن علي الكرار تطـبكهم ســــوه
      ألموت اجاهم ما يــــشمون الهوه
      اصير ظلمه وما يوجدون الضوه
       الوكفوا أكبالك فلا عدهم عـقول
       ***********************
       الميـمنه تكلبـهه فوك ألمــيسره
       غير كلك زود همـــه ومقــدره
       اتعلمت من الصميده حيـــــدره
       كل فنون المعركه وبيهم تجول
      ************************
     

      ماتثني بضربتك تكطع رؤوس
      منك الفرسـان تتـــعلم  دروس
     تضحيات وغيره غذيت النفوس
     هذا ابحقك قليل اشــــما  نكول
   **************************
  من اجاهم اجت لحظات الاجــل                      همه ىكل ضنهم يصدون البــــطل
الريح عـــمره ما يأ ثر بالجــــبل
وهمه ريح اشما تهب حتمآ تزول
**********************
مـــحزم بغيره ودرعك بس وفـــــه
نبـــــــع للـــخوه وكـــلك  عاطـــفه
كلت اضحي بروحي لبن المصطفه
امي  وصـــــتني أوفي  للــــبتول
************************
     انت وفيت ونعم يوم الطفوف
     والدليل أكطعت منك  جفوف
     ياشهم ماهمتك كل  الصفوف
    وسفه لكن بالغدر منك تنــول



الشاعر  /// هادي الساعدي

نعي أو تهيئة للمجلس قبل اللطم،،،،
حجى العباس وي حسين  وحجيهم جان بالنظرات
وجانت زينب ابنصهم     وعرفت ماحجه العباس
لئن جانت علاقة روح       روح ابروح متصلات
إذا مر  الألم    لحظه. .    نفس إالألم والأحساس.
وخلت عينهه     ابعينه.     وبيهن ركزت لحطات
حجت هاخويه ابوفاضل  يل مشاركتي بالأنفاس
خل المس جفن عينك.   سهمهم بيهه راح ايبات
وانا الساكنة ابنصهن . يصوبوهن حقد الارجاس
وجفوفك نهر وجروف   راح اطيح مگطوعات
هسه انه ارد اقبلهن.    الهن حيدره اشكد باس


الشاعر ✍️هادي الساعدي

ابوذيات عن زينب ع
مثل عباس زينب حيد آأراهه.،،،.
صبر أيوب شيمة حيدراهه.
ابو الحسنين حاظر حي دراهه.
ورسول الله انفجع بالغاضريه
🔸🔸🔸🔸🔸🔸🔸

جمر يلسع حجي العاذل يحز بأي ،،
يخيمه اتلم بقايا اختك يحزباي.
ترضه الحبل بجفوفي. يحز باي.
ومن بعد العز يبو الغيره سبيه

الشاعر ✍️ هادي الساعدي

للشمس گال البدر   يرخص الج هالعمر
    يازينب الحره
  🔸🔸🔸🔸🔸🔸🔸🔸
زينب اجت للگمر     عدهه طلب گصدته
انت جفيلي  وسند.   عن العطش خبرته
غيره انتفض ورتعد   هم ولبس لامته
يتمشه مثل الأسد   زود وعزم خطوته
لمن اجه واقترب     الجيش كله ارتعب
      ظل يطلب  الطفره
🔸🔸🔸🔸🔸🔸🔸🔸
عباس هذا علي  .    لما الكفر شافته
عباس هذا الذي.     تشبه علي ضربته
كرار ما فر   أبد.        تشهد إله حملته
عباس من كر وصل   للمشرعه وغايته
ولا زلمه منهم حجه   والجيش كله بجه
    وحتاروا ابامره
🔸🔸🔸🔸🔸🔸🔸🔸🔸🔸
مد جفه ماي انترس.     ذبه وترس جربته
هيهات گال  ارتوي.     ونار العطش لسعته
ومعروف جان السبب. ما شرب گبل اخوته
الجود جود  انترس.      شامخ علم طلعته
جاب الفرات واجه.   صد الهم وانتجه
      وما شرب اي قطره
🔸🔸🔸🔸🔸🔸🔸🔸🔸🔸🔸 
غدر ابعمود انضرب  طگ الظلم هامته
ومن كل كتر حاربوا  وگطعوا أله يمنته
وبعينه صد السهم.    من گطّععوا يسرته
ماهمه شنهو السهم.   وجفوفه لاهمته
خجلان من فاطمه.   وظل گلبه ينزف دمه
ويجر الف حسره
  🔸🔸🔸🔸🔸🔸🔸🔸🔸🔸
يا خويه ارجوا العذر   منج يبت حيدره
تدريني ما قصرت      ابعينج نظرتي الجره
گالتله يا مهجتي.     كلك وفه  ومقدره
نعمين منك كفوا.       ومن سيفك الشاهره
يل بيك شمرة علي.     يل گتلي ادللي
      مشكور الف مره
 

الشاعر،،، ✍️هادي الساعدي

( نعي على الإمام السجاد ع)

يا علي السجاد يازين العباد
ابمصابك نحزن ونلبس سواد
الكون كله يعلن اعليك الحداد
يا ابن طه النبي يا غالي


نبجي ونلطم نقيم احنه المئاتم
ونذكر الصار وجرى وذيج المظالم
شفت عبدالله انذبح وبسهم ظالم
وهو بأيد حسين ابوك الوالي

من نذكرك نذكر آهات الطفوف
وعمك العباس مكطوع الجفوف
وعلي الأكبر وجسام بعيونك تشوف
امذبحين ودمع زينب جاري

هاي احبابك إجت نصبت عزاء
اتواسي امك فاطمه خير النساء
وحيدر الكرار سيد الأوصياء
وندعي بتقبل عزانه الباري

الشاعر...هادي الساعدي