موال إلى الإمام المهدي عجل الله فرجه

يسئلوني وكلهم اني اهواك
يا عشكي وحياتي انت دنياي
يا بلسم جروحي وبيك مجنون
ومن انخاك اعرف ما يظل داي
اسمك من اذكره كلي أرتاح
وتظل ترتيل بيه ا ترتل اشفاي
دعاء الفرج ادعي يبن الأطياب
وكل احبابك ادري تدعي وياي
عجل بالظهور انريدك اليوم
عكدنه الرايه الك وتوحد الراي
منقذنه واملنه ياضوى العين
عطشانين الك ما ردنه كل ماي
نريد ابدولتك مولانه انعيش
مثل دوله علي للناس حماي

الشاعر/ هادي الساعدي
2019/4/17

تكحل العين
ما ريدك شمر بعيوني اتصير
اريدك عابس ومجنون يحسين

وما ريدك يزيد وباغي عل ناس
اريد أفعال منك تنذكر زين

اريدك جون كون أتصير مختار
تهد للثأر كون اتكحل العين

اريد إنسان كون اموالي كرار
نذر عمره وحياته الخدمة الدين

وريدك للأخوه أتصير عباس .
ألفدى لحسين عينه وانطه جفين

وريدك بالبلاء اتصير سجاد
عليل ورغم علته يصلي كل حين

ومثل زينب اريدك وكت الأهوال
جبل شامخ عزمهه وبجت البين

وريدنك شمس ومضوي أخلاق
وسكتهه الشماته والمبغضين

الشاعر .... هادي الساعدي

♡ هوسات بحق الامام الحسن المجتبى ع♡
نعرفك يل حسن قائد وأبن قائد
عدوك من تخزره يختل ولابد
والميدان الك يا سيدي شاهد
ها ها ....تشهدلك ساحات الحومه
♡♡♡♡♡♡♡♡♡
يا حامل لواء الدين يا سبط النبي المختار
امامي يل حسن معروف تشبه صولة الكرار
لو طبيت بالميدان سيفك جنه ذو الفقار
ها ها ها
● عدوانك ترجف مرهوبه ●

♡♡♡♡♡♡♡♡♡♡♡
شوصف بيك وانت الوصف بيك احتار
كريم آل النبي والكرم منك غار
عظيم الشأن سرك عجز الاسرار
♢ سر حبدر سرك والهادي ♢


الشاعر .... هاديالساعدي
2019 /4/30

♡ أفراح ولادة الامام الحسن المجتبى ع ♡


طيبته وأحسانه والكرم عنوانه
من يطب ميدانه تختنك عدوانه
الحسن هاذ الحسن هاذ
☆☆☆☆☆☆☆
كلبه يوسع دنيا وكله حنان .
واليجي يمه يحس بس بالآمان
عطره الفواح عطر كل مكان
ومن تمسك بيه فايز بالجنان
مولده هليله والورد نهديله
والكلب يمشيله بالعشك يحجيله
الحسن هاذ
☆☆▪☆☆☆▪☆☆☆☆
مثل جده طاهه اقره سيرته
بالكرم معروف تكتل شارته
ومثل حيدر بالمعارك طلعته
ترعب الفرسان قبضة يمنته
اتهاب كلهه اقدومه من يطب للحومه
الزلم مهزومه واضحه ومعلومه
الحسن هاذ
☆☆☆☆☆☆☆☆☆☆☆
كل موالي اينادي بالحب والولاء
بالكلب خطينه اله كلمة وفاء
هو من نوره أخذ نوره الضياء
اشواكنه نبعثهه بجناح الهواء
الروح اله ملهوفه هلعشك منعوفه
شيعته معروفه عاشكه لحروفه
الحسن هاذ
☆☆☆☆☆☆☆☆☆☆
هو للأيتام جان الهم ابو
ألما أله خوان يصبحله أخو
بالكرم معطاء حتى ويه العدو
يا بشرنه ابنهجه أمشوا وقتدو
اقتدوا بفعاله وأحفظوا أقواله
واليحب هنياله الشفاعه اتناله
الحسن هاذ
☆☆☆☆☆☆☆☆☆
اسمع انت زين وحفظ هالكلام
الحسن عنوان للحب والسلام
وسيفه غربل روس أرباب الظلام
ابن حيدر عل ظلم لا ما ينام
لله ناذر نفسه نقتبس من درسه
نستضيئ ابشمسه وفضله لا ما ننسه
الحسن هاذ



الشاعر ...هادي الساعدي
2019/4/24

الليله مولانه انولد حبه احلى من الشهد
ويانه فرحان الزمن حبه جنات وعدن
الليله مولانه انولد
*****************
الليله كل الكون فرحان وسعيد
اهلال بدره هل علينه الليله عيد
نلفظ اسمه مثل معزوفة نشيد
ابهل الولاده نحمد الباري المجيد
كل ملائكة السمه تهني حماي الحمه
الليله مولانه انولد
**************
ابن طاهه بمولده ما ظل جرح
شمس نوره بزغت ابأجمل صبح
يلي حبه جنه واملاك وربح
بالكرم مثله فلا واحد يصح
هو ابن خير البشر نوره عل امه ظهر
الليله مولانه انولد
*************

كل موالي الليله لازم يبتشر
وخبر مولد ابن حيدر ينتشر
حب امامي الحسن ينفع بالحشر
حبه خير وجنه ونور وأجر
يامحب شارك تعال كل حزن هليله زال
الليله مولانه انولد
***********

بكل جوامعنه و حسينياتنا
استقبلتنا وفرحت ابهيئاتنا
بيهه نقرأ بالعشك انشادنا
الليله باسم الحسن كل هوساتنا
بالعقيده والولاء للحسن يحلى النداء
الليله مولانه انولد
*************
الليله ننسى كل حزن وجروحنه
وبالفرح ننشد نبدل نوحنه
حبه يغذي النفوس وروحنه
رحمه النه وبيه نغذي اصروحنه
هذا حبنه معتقد بالحساب النه سند
الليله مولانه انولد


. الشاعر /هادي الساعدي

افراح


كلمن يشوفه انبهر ملك هذا لو بشر
هذا مولاي الحسن
************
كل خصال البيه جميله
بالكرم ماكو مثيله
روحه يهديهه قليله
لليكصده ويعتنيله
خيره فايض كل النهر ملك هذا لو بشر
هذا مولاي الحسن
*************
لله ناذر كل حياته
حير اعدائه بصفاته
يا جماله ويا حلاته
شوكه بعيون الشماته
خابت وماتت قهر ملك هذا لوبشر
هذا مولاي الحسن
************
امن الاله اجمل هديه
الفاطمه الحره الابيه
وللنبي خير البريه
والعلي حامي الحميه
وخبر مولوده انتشر ملك هذا لو بشر
هذا مولاي الحسن
************


بدره هل اعله الليالي
يفرح الليله الموالي
يشهد الله عندي غالي
اعز من كل الغوالي
بروحي افديه والنحر ملك هذا لو بشر
هذا مولاي الحسن
***********
الحمد لله اعلل ولاده
والحسن تقوى وعباده
فارس يحب الشهاده
في سبيل الله جهاده
دوم للحق انتصر ملك هذا لو بشر
هذا مولاي الحسن

الشاعر//هادي الساعدي

بويه زينب لاتونين اعله ابوج
ضمي ونج بعد كدامج طفوف

تهون طبرة هامتي ودمي اليسيل
راس اخوج اعله الرمح عينج تشوف

عل الرمال حسين مذبوح وسليب
جرح واحد بيه وجروحه الوف

ابنصكم انا ابينكم من راح اموت
ابلا نصير حسين وتحيطه الصفوف

وأبو فاضل يوصل الشط الفرات
بزوده يمشي ويوصل ويكسر أنوف

ايمد جفوفه والعطش صحرى ورمال
يصيح اخوي حسين ابو كلب العطوف

ابجوده يملي الجود ساقي كربلاء
الماي منه يعتذر تبجي الجروف

بويه زينب خاف أ ألمج من اكول
يوكع العباس مكطوع الجفوف.

بعينه نابت سهم يازينب تراه
البدر طايح تصبح الدنيا كسوف

الشاعر....هادي الساعدي

نعي إلى الإمام علي ع
ابطبرة هامتك مطبور الأسلام
يبو جف الكريم وابو الأيتام
ساجد ياعلي وطبرولك الهام
ماعدهم مروءه امنيلهم دين

يا أخ النبي وغيرك فلا آخه
وعنه دافعت وغيرك اتراخه
وابن ملجم تجاسر هو وشياخه
ابفعلتهم اكيد بهاي ملعونين .

علي ابيت الله ندريهه الولاده
ومماتك صار في بيت العباده
وكلت فايز ومحلاهه الشهاده
وحمدت الله وشكرته ها يبوحسين

الشاعر ... هادي الساعدي
2019/5/24

أين نحن من علي ع
1 .من هو علي ابن ايو طالب
2 .اذا عاد في هذا الزمان ما هو موقفنا هل نكون كمالك الأشتر وأبا ذر الغفاري ام مع السقيفه
3: ما موقفنا من الأحزاب التي تجمعت لقتل الرسول ص هل نصافحها أم نفدي ارواحنا من اجله كما فعل علي
4.. هل نتصدق على الأسير والسائل أم نتباهى بأن مالدينا هو من أنفسنا وننظر إليهم بأحتقار
5.. هل نعطي حق الأيتام ونجول الليل كي نتفقدهم أم نسلب حقهم
6... اذا كان سكوتنا عن حقنا الشرعي فيه حقن للدماء وحفظ للدين والإسلام رغم ما لدينا من قوه وليس ضعف ماذا يكون موقفنا
7.. لو كانت شجاعة علي وهيبته وقوته عندنا كيف نتعامل مع الضعفاء
9.. بماذا نوصي ولدنا اذا اعتدى علينا أحد قبل ان نموت
8.. ماذا اخذنا من علي ع
9..أين نحن من علمه ومروؤته وانسانيته
10.. ماذا نفعل في بيت المال وخزائن الدوله
11 هل نستولي على الأراضي والاملاك العامه ام نعطيها إلى مستحقيها ونحافظ عليها لئنها امانه
12..اذا كنا منذ اليوم الأول للرساله مع الرسول الأعظم ص ومن أقرب الناس إليه ما هي الامتيازات التي نتمتع بها هل تكون هناك خدمه جهاديه
13اذا اصبحنا خلفاء على اكثر من 44 دوله ماذا نفعل وماذا نجعل من أولادنا واقاربنا في اي مناصب .
14..........
وتستمر الاسئله
والجواب ؟؟؟
--------------------
اللهم عرفني نفسك فإنك أن لم تعرفني نفسك لم أعرف نبيك اللهم عرفني نبيك فأنك ان لم تعرفني نبيك لم أعرف حجتك اللهم عرفني حجتك فأنك إن لم تعرفني حجتك ضللت ديني .
اشهد ان لا آله الا الله
واشهد ان محمد رسول الله
واشهد ان علي حجة الله واولاده المعصومين حجج ونعم الحجج
اللهم ثبتنا على ولاية أمير المؤمنين
هادي الساعدي
2019/5/27

ما بين حزني والأمل 😌

كحل اعيوني بنضرتك

مشتاكلك انا وعلي

يوميه اموت ابغيبتك

نعي عن الاخو
مشه عني العزيز وشال من داره
وظل اينوح يبجي اعليه خطاره
وكلبي امورث ولا ما طفت ناره
لآخر نفس بيه النار ما تطفه
اطب للدار واحس الدار تسئلني
المن جايني خليني انه و وني
راعي الدار راحل للنجف عني
وخليه هسه منه حيف الف وسفه
ربينه من الزغر عل حلوه والمره
وابد ما يوم عني دار ألي ظهره
عمود البيت هو وخيمه وشجره
ابوي الثاني هو بطيبته وعطفه
مثل نشغة طفل انشغ وصيحن اه
ما اكدر اعيشن صعبه انه ابلياه
وسط روحي يعيش بكلبي ما انساه
ابو الطيبات وحجاباته الترفه

هادي الساعدي
2019/5/16

♡بحق خدام الامام الحسين ع♡

نتباهه احنه بهاي الخدمه
باجر النه تصبح  رحمه
اشما نتعب ونسهر العين
يعني اتضوي مثل النجمه
منمل ولا نتعب لحظه
هاي الخدمه اكبر نعمه
تدعي الناس النه وتشكرنه
الله يحفظك اجمل كلمه
اجمل لحظه ورقى احساس
من ابنادم ينطوه حجمه
ومن نخدم شايب ونقدره
وتنادينه اعجيز    يمه
الله يا محلاهه اللحظه
نشوه وجن اعذيبي انشمه
ولو طفله تصرخ مالومه
انداربهه بكل عزم وهمه
ولو شفنه مجروح الجندي
من دمنه ننطيه الدمه
اطوعنه ويه الحشد الشعبي
وسمعتنه قمه اعلل قمه

هادي الساعدي

نعي عن الاخو
يامحلى الطفوله وذيج الأيام
عشناهه سويه احلام بأحلام
على واهس لعبنه اعيونه اتنام
جنه انجوم ونضوي الليالي
أجيت وبالحلم تشبكني جى وينك
شفت نظرات الوداع بجفن عينك
يل بالطيب معروف وحنينك
أعز مني وحياتك عندي غالي
من جاني الخبر ماظلي كل حيل
وأحس حتى النهار بعيني جن ليل
صحت ياويل بعدك أوف جم ويل
وظل يصيح وينك حتى دلالي
احس باعيوني تبجي ذكرياتك
وأحس الكلب ينبض كل حياتك
يبو طول الحلو وهيبه بحلاتك
ابد متغيب لحضه انته اعله بالي
الك ابعث سلام ويه الهوى الهاب
ياروحي وحياتي واغلى الاحباب
صدك مدفون خويه جوى التراب
تعال ومر عليه وشوف حالي

الشاعر ..هادي الساعدي

مؤسسة الانامل والأصوات الحسينيه
مؤسسه حسينيه ثقافيه للشعراء والرواديد والخطباء
https://www.tg-me.com/mustfairq

https://youtu.be/Pz6Ukq8zZd8
أحبائي واخواني هذه قناتي على اليوتيوب أليحب يشترك شاكر له ذلك مع أمنياتي للجميع بالصحه والأمان وان يحفظكم الله ويوفقكم لكل خير

السلام على الإمام الصادق ع في ذكرى استشهاده

قيل للإمام الصادق «ع» صف لنا الموت قال «ع» ؛【للمؤمن كأطيب ريح يشمه فينعس لطيبه و ينقطع التعب و الألم كله عنه و للكافر كلسع الأفاعي و لدغ العقارب أو أشد】.