قصائد محرم
فزاعيه عن زينب ع

مرفوع راسج للأبد. يازينب يازينب
يا لبوه من ذاك الاسد. يازينب يزينب
**٠٠٠٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠٠٠٠**
حياج يا اخت البطل يا زينب يزينب
معروف عباس الكفل. يا زينب يزينب
كسرة اعدائه من حمل. يا زينب يزينب
خله بمعسكرهم خلل. يازينب يزينب
ما همه كل ذاك العدد. يازينب يزينب
**٠٠٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠٠**
بيا كلمه اوصفج يا وصف. يا زينب يزينب
من إلزلم تسوين الف. يا زينب يزينب
جرحج نعم جدا كلف. يا زينب يزينب
بالشام ضيعتي العرف. يا زينب يزينب
ما كوا أنصار بهل البلد. يا زينب يزينب
**٠٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠٠**

بنت الجليله الطاهره. يا زينب يزينب
مثل امج انتي أعظم مره. يا زينب يزينب
عل عيله عينج ساهره. يا زينب يزينب
رغم الظروف القاهره. يا زينب يزينب
للعيله جنتي أعظم سند. يا زينب يزينب
**٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠**
شفتي الحسين ومنحره. يا زينب يزينب
والخيل ضلعه كاسره. يازينب يزينب
يا هو اللي يحمل ما جره. يا زينب يزينب
جم نار بيج اموجره. يازينب يزينب
وگلبج وناره ما حمد. يا زينب يزينب
**٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠**

إسهام جانت كلمتج. يازينب يزينب
التاريخ سجل خطبتج. يا زينب يزينب
جن سيف هيه ابيمنتج. يا زينب يزينب
مرفوعه تبقى رايتج. يا زينب يزينب
ويزيد وقصوره بدد. يا زينب يزينب
يا لبوه من ذاك الاسد
**٠٠٠٠٠٠٠٠٠٠٠٠٠٠**٠٠٠٠٠٠٠٠٠٠٠٠٠٠**
كيد كيدك افهم هل الامر. يازينب يزينب
والله ما تمحو الذكر. يازينب يزينب
اسمعني انت والشمر. يا زينب يزينب
لا مال ينفع لا قصر. يا زينب يزينب
گالتله ايامك عدد
يا لبوه من ذاك الاسد

خادم اهل البيت ع
الشاعر ،،هادي الساعدي

قصائد عن زينب ع

الله يعين گلبج يأم الاحزان
شفتي الما جرى ولا مر على انسان

*'''''''''''''''''''''''''*''''''''''''''''"''''''''*
مثل امج يهيبه بكل صفاتج
يل ما شفتي أي راحه بحياتك
من حزن الحزن والحد مماتج
خلص عمرج يزينب وسط الاحزان
'''''''''''''''''''''"'''''''''''''''''''''''''''''''**
انتي ام الحزن وانتي ام الأيتام
اسيره مگيده من رحتي للشام
وذبح اخوانج ويا حرگ الخيام
جمره وتستعر يفراگ الإخوان
'''''''''''''''''''""""'''''''''''''''''''''''''''''**
الله يعين گلبج يأخت الحسين
عطاشا اتصبح اطفال ونساوين
وين اليوث هاشم عنه جا وين
ذاك يصيح بويه وذاك عطشان
''''''''''''''''''''''''''''''''''''''''''"""""""""**
راحوا كل هلج محد بقه اوياج
ورضعان وحرم تتباجه بحماج
ولا عدهم رحم لا غيره اعداج
على طول الوكت يبقون عدوان
''''''''''''"''''''"""""""''''''''''''''""""""""**
اخوتج غيره كلهم رفعة الرأس
وجدج خير كله ورحمه للناس
وناس الحاربتكم ذوله مو ناس
واحدهم اكيد ابألف شيطان
'''''''''''''''"""""""'''''''''''''''''''''''''''''''''**
ذبحوهه البراءه اعيونج اتشوف
وابو فاضل وجوده وگطع الجفوف
وصهيا الخيل ذيجه وصوت السيوف
سليب حسين دامي وهو قرآن
خادم اهل البيت ع
الشاعر ،،،هادي الساعدي

موشح عن زينب يزينب ع

بالطفوف الحره الله يعينها
عل رمل عافت ذبيح حسيتها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
هاي زينب بت علي ام الصبر
هيه والأحزان توأم بالعمر
من هوان الدنيا حاديها الشمر
شلون زينب بت علي اميسرينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اطفال عطشانين ذبلوا كالورود
وٱل اميه اتجاوزو كل الحدود
يا گلبهم قاسي وكلهم جحود
ناس باعت كل قيمهه ودينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اتلوذ بيعه الحرم من هول الحرب
ولو گطرة ماي رادت للشرب
المخيم هجمت اخيول الغرب
وين آل المرتضى جا وينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠**

اوف يا هول المصيبه يا بشر
عل رمال حسين محزوز النحر
والسهام الصوبت جسمه مطر
والضلع مكسور شافت عينها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
قصة الطف مؤلمه ما توصف
بيهه عبدالله انذبح نحره الترف
موقف ايهز الرواسي اشگد كلف
اشحال زينب سكته جان ونينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اصعب من الموت يا فگد الأهل
والمصاب أشأعظمه وجدآ جلل
والرضيع يشيب من هول الحصل
وبين اخوهه حالوا وما بينها
خادم اهل البيت ع
الشاعر ،،هادي الساعدي

آه منك يا زمن من محن انا المحن
انا زينب انا زينب
***********
انا صاحبت المصايب يا علي بويه صحت
فاركت اغلى الحبايب بلحظه امي ودعت
والكلب بحزانه ذايب ذبل غصني وماطحت
ودعت اهلي الاطايب واين عن بنتك رحت
زين واشتم الهوه الجرحي ما يرهم دوه
انا زينب انا زينب
***********
احسب أيام وليالي بلوعه خلصت العمر
ياهو يحمل ما جرالي احزان كل لحظه التمر
والوكت لا ما يبالي سلط اعلينه الكفر
بعد عزي وكل دلالي اميسر ه وعند الشمر
اللحظه احسنهه أبسنه ظهري احس بيه انحنه
انا زينب انا زينب
*************
انا والرضعان والهم صحت وينك يا اخي
النار تسعر بيه تلهم يوم للشام انسبي
وانت بألأيتام تعلم وتدري بالحاله انولي
برجعتك ياخويه تحلم تصيح وينه ما يجي
هذا صوت من الخيم وينه شيال العلم
انا زينب انا زينب
************
يا زمن مو كافي بسك خذت مني كل هلي
بعده أخضر جرح امسك حزني لا ما ينجلي
ليش ماتشرقلي شمسك اتعيد إ خواني الي
قاسي بكلشي احسك اهمومي بيه تعتلي
انظر اهلي مذبحين ولد امير المؤمنين
انا زينب انا زينب
************
هيه كل لحظه بحياتي من قسى بيه الوكت
اتبددت بيهه أمنياتي ياما ياما أتلوعت
قبل لاتدنى وفاتي صرعه إخواني شفت
ادعي الباري بصلاتي كون وياهم متت
ياحزن احمل بعد وراحو الجانو سند
انا زينب انا زينب

الشاعر//هادي الساعدي
07708700988

قصيده عن الخدمه
اطلب طلب منج. ومن حيدره وابنج
رايد فقط نظره مولاتي يل زهره
//////////////////////////////////////

عمري ما يسواله كلشي. اذا ما احظر مجالس
رحمة الله كلهه بيهه. وهيه للوادم مدارس
بالحسينيات روحي. ترسي جن طير النوارس
حب ابو اليمه جنوني. بكل وكت موجود عابس
واحظر الكل المواكب. والهدف واحد
وكل هوى نفسي احارب. وطرد المارد
ومن كيده وشره.
ما خذ الف عبره
رايد فقط نظره
مولاتي يل زهره
////////////////////////////////////////
بأبنج المحسن احلفج. وضلعج وذيج الظليمه
نظره منج يل حنينه. ادري بيج انتي كريمه
ما تكسرين الخواطر. مثل ابوج انتي عظيمه
يا طبيبه إبلا مقابل. يا هوى اعذيبي ونسيمه

ها يمن فدوه الترابج. كون اروح اني
يلي متي بعز شبابج. . موتج آذاني
تخنگني العبره
من ظلعج اذكره
رايد فقط نظره
مولاتي يل زهره
///////////////////////////////////
من يجي ويهل محرم. أعقد بروحي مئاتم
گلبي جن زنجبيل دكته. وذكر الطف والمظالم
وزينب الحره سبيه. ويه غربه وموش اوادم
امدللة حيدر اميره. اتغيرت بيهه المعالم
كلشي بيه يصيح زينب. حتى بأحلامي
ومن اجي للماي اشرب اذكر الضامي
وتجدد الحسره
بگلبي الف جمره
رائد فقط نظره
مولاتي يل زهره
////////////////////////////////////////
هيه اكبر امنياتي. إن ألج مرقد يحره
وكون يم شباجج إنه. الطم واشعاري اقره
وعاليه تكون المناره. كل محب الكم تسره
انتي يا درة محمد. ام ابيها وغلى دره
كل حرف انوار اسمج. فاطمه البضعه
ما أحب كلمن يظلمج اشما صعد وضعه
بنت الذي اسره
حد منتهى السدره
رايد فقط نظره
مولاتي يل زهره
///////////////////////////////////
من ابو الأيتام رايد. ساعة المحشر يجيني
بدنيتي بكل شده حاظر. يحظر هناك يقيني
ايوقع بصگ الولاية. شيعي مكتوب بجبيني
وأنه بالذر. بايعيته. ورخصتله كل سنيني
يا علي دوم بلساني. ياحلاة اسمه
تجتمع بيه. ألمعاني. نعمة النعمه
منه خذت عبره
ومشي بنهج فكره
رائد فقط نظره
مولاتي يل زهره
/////////////////////////////////////
اقضي حاجاتي المعسره. ضاگت بعيني الوسيعه
راح احلفج بالهواشم. وللمشه صوب الشريعه
كافل اضعون العقيله. . بذيجه جفينه الگطيعه
فدوه ألج يا أم أبيها. هناك كونيلي شفيعه
انتي منزلتج عظيمه. ماتعوفينه
وروحج الطيبه الرحيمه. شافعه لينه
والحاير ابأمره
ابحالته ادره
رايد فقط نظره
مولاتي يل زهره

خادم اهل البيت ع
الشاعر ،،،،،هادي الساعدي

العليله تسئل عمتها بعد رجوعهاإلى المدينه


عمه زينب وأين ابوي وسئل السجاد اخوي
بعد ما عندي صبر كوه بنفاسي أجر
هايعمه هايعمه
*************
أمنية كلبي الوحيدة هسه اشوفه
حتى اقبلنه أبجبينه وبجفوفه
هو كعبة روحي كل لحظه اطوفه
جرح بعده عالم ويا هو اليروفه
الكون حزنان وينوح وتنزف اجروح الجروح
هايعمه ها يعمه
***************
ها يعمه اخبار ابوي احجيهه ليه
ووينهه اختي ما اشوفنهه رقيه
جاوبيني عمه ها ردي عليه
نبضي أتغير واحس ماتت اديه
ما اشوفلهه أثر دققت زين النظر
هايعمه هايعمه.
***************
انا اعرف كلشي من نبرة حجيكم
ومن صفار وجوهكم ورجفة اديكم
انا بالي يمكم وخوفي عليكم
كلبي يخبرني ويكلي ما يجيكم
انتهت أجمل سنين كلشي اشوفنه حزين
ها يعمه ها يعمه
***************
عمي عباس الكمر كافل ضعنكم
ادري بيه ما يبتعد أي لحظه عنكم
هو خيمه وبيه يلتم كل شملكم
ادري بس الموت هو يبعده عنكم
عمي عباس الشهم بيه جان اشكد يهم
ها يعمه ها يعمه
***************
وين قاسم راح كولي وين الأكبر
وينه عبدالله الرضيع كلبي تفطر
بعد ما أحمل خبر من هذا اكثر
دنيا ما بيهه رحم بالعكس تفتر
اشكي للباري القدير ذبحوا ولد الامير
ها يعمه ها يعمه


الشاعر//هادي الساعدي

يا بنيني الاربعه

يا بنيني الاربعه كالنجوم الامعه
يمه كحلو العين وناصروه لحسين
يمه يمه
*********.
يمه اريدن كون واحدكم بطل
ايصول صولة حيدره ذاك الفحل
يقبض الأرواح ويحل الأجل
يرعب الكفار لو صال وحمل
وصلوا لجل الدين وناصروه لحسين
يمه يمه
****
اتناصرون حسين ضد المعتدي
وبيكم الأجيال تفخر تقتدي
وبنهجكم تمشي يمه وتهتدي
لبو اليمه اربعتكم افتدي
ومثلي امضحين ناصروه لحسين
يمه يمه
*****
يمه احلفكم يولدي بحيدره
وبحنيني وعيني يمه الساهره
ظهر صيروله وعينه الناضره
اله مو تدرون كلكم ناذره
ارد أوفي الدين ناصروه لحسين
يمه بمه
*****
والله أوفي الفاطمه وهذا نذر
المثل هذا اليوم افنيت العمر
ما اريدن منكم اسمع كل عذر
تقر عيني اخباركم كون وتسر
بجوا حتى البين وناصروه لحسين.
يمه يمه
*******
يمه عد عيناج قريهه العيون
رفعي راسج يمه ام كلب الحنون
و للعهد وفايه للخوه نصون
احنه ولدج ابد منخاف المنون
احنه اله شارين وناصروه لحسين
يمه يمه


الشاعر //هادي الساعدي
07708700988

قصيده عن الأمام العباس ع
مثل للخوه وصرت عنوانها
وفارس الحومه وبطل ميدانها
يبو فاضل ياكمر ياكمر
**********************
من تطب للمعركه اتصيح انا هاذ
ما أصافح للظلم جفي معاذ
حسين اخوك وقائدك خير ملاذ
للسفينه اشراعها وربانها
يبو فاضل يا كمر ياكمر
**********************
جسديت الخوه وانطيت الدليل
انطيت جفين وكلت هذا قليل
والسهم نص عينك ودمك يسيل
تضحياتك يا شهم برهانها
يبو فاضل ياكمر يا كمر
**********************
السيف بيدك منه يرجف حرمله
ضربه من يمناك موت وزلزله
جيشهم وحدك ابزود اتنازله
ومنك تعيش ابر عب فرسانها
يبو فاضل يا كمر ياكمر



2

كل صفات المرتضى شفناهه بيك
امنيتنه انقبل احنه اثنين اديك
نرثي اجفوف الوفه ونبجي عليك
لئن ذليت العدا واعوانها
يبو فاضل يا كمر يا كمر
**********************
حقهه هاي الروح شي تتبع هواك
يا بدر للحين بينه ايشع ضواك
ريت كل احنه يبو فاضل فداك
الشيعه لجلك ما تبطل احزانها
يبو فاضل يا كمر يا كمر



الشاعر // هادي الساعدي

بصوت. مسلم المطيري

نعي. 
تنام عيونهم وعيوني متنام
وجن عگلي عليك اتشتت وهام
مكسورة گلب جن كسرة الجام
تشضى وما يصح كل دوه ليه

مرت جم سنه وما بيه انساك
طير ومنذبح لو مرني طرواك
تمر كل لحظه وتجويني ذكراك
يبعد ارويحتي ما بيك جيه

حبيبي وسلوتي ساكنهه العيون
عليك الطم عمر وهدلهه المتون
وهيمن بالبراري حد الجنون
لو ما تعتب الوادم عليه

ابو گلب الحنين ألما قسه ابيوم
وجودك جان فرحه اتزيل الهموم
وهسه اهمومي انه محمله أغيوم
انت وفرحتي وراحت من أديه

يل كلك حميه وكلك احساس
عايش بالگلب للريه انفاس
فخر كلك عجيد و رفعة الراس
تظل  طول العمر عيني جريه

الشاعر 🔸هادي الساعدي

زينب تخاطب الأمام العباس ع
احجايتك حب ودفو
خيمتي ونعم الاخو
يا محنتك يل حنين
ثلث تنعام وكفو
!!!!!!!!!!!!!!!!!!!!!!!!
خوه غامرني ودلال. تجتمع بيك الخصال
يا صفاتك
هيبه وكلك جمال. صافي بلون الزلال
يا حلاتك
اهلال عيد أبطلتك
غيره مالي جربتك
ثلث تنعام وكفو
!!!!!!!!!!!!!؛؛
صلت اعليك السهام. عالي شانك والمقام
من تقاتل
خجلت احروف الكلام. توصفك وانت الأمام
يا بو فاضل
جن ابوي أبطلعتك
ما تثني بضربتك
ثلث تنعام وكفو
!!!!!!!!!!!!!!!!!!!!
من زغر سنك حنين. ومملي ايمان ويقين
يا ضنوتي
شامخ ولا ما تلين. اتفوح ايمان وأمين
يا مهجتي

ورضا الباري غايتك
طلگتهه دنيتك
ثلث تنعام وكفو
!!!!!!!!!!!!!!!!!
يفتخر بيك المكان. كلشي يشعر بالأمان.
رد عليه
يللي شابعني حنان. اتمنى لو رد الزمان
انرد سويه

خويه خويه وداعتك
تملي عيني شوفتك
ثلث تنعام وكفو

!!!!!!!!!!!!!!!!!!!!
روحي حل بيهه الدمار. ما طفت مشتعله نار
گوه اصابر
لما سألوني الزغار. ابو فاضل وين صار
انريده حاضر

سكنه تسأل رادتك
كلهه تنطر جربتك
ثلث تنعام وكفو
!!!!!!!!!!!!!!!!!!!
شابحه اعيوني عليك. مو بأديه ما اجيك
يا ضوايه
كون أشمنهن اديك. بكل حياتي اني اشتريك
يا هوايه
شنسه من امحنتك
مثل صارت خوتك
ثلث تنعام وكفو

الشاعر ،هادي الساعدي
8/6/2023

قصيده عن عبدالله الرضيع
لا تطول سفرتك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!
يا ضوه يا ضوه. ظلمه من بعدك حياتي
مظلمه حتى الشمس
يا هوى يا هوى. اختنك لو ما اشمك
انت للريه النفس

كالشمع كالشمع هيجي اذوبن وحدي
وانتهي وبلايا حس
ماترد ما ترد. و رد الأيام الجميله.
ردلي يا حلم الأمس

الجنه اشمهه ابشمتك. موتي يمه ابموتتك
اوليدي يل غالي
!!!!!!؛!!!!!!!!!!!!!!!!!!!
ما تجي ما تجي. كلشي يسألني ويريدك
يا نبض گلبي اليرف
والحجي والحجي احجي وي جرحي وسولف
يا جرح بعدك كلف
بس دمع. بس دمع حفر الوجنات دمعي
وحزني ما لحظه يكف
ودعت ودعت. كل فرح ودعته يمه
بالفرح مالي عرف

والمنايا رادتك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!!!!!!!!!
من يحن. من يحن. . گلبي ما يقنع اصبره
اشلون اصبر هل الگلب
فززن. فززن. اطيوفك احروحي الغميجه
الما نفع وياهه طب
يا ورد يا ورد. ذبلوا زهرة حياتك
يا ترف تحت الترب
لا رحم. لا رحم. لا سبب وبلا جريمه
تنذبح شنهو الذنب
ماتهزهم صرختك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!!!!!!!!!!!
فرحتي. فرحتي. تكبر وتمليلي عيني
اشما الولي يل ولد
دنيتي. دنيتي ما تهمني الدنيا كلها
ردتك انت يا سند
مولحت. مولحت. من كثر ما تبجي وتصب
عيني اصبيهه أنمرد
رفرفت رفرفت. روحي جن طير وترفرف
من تصد صوب المهد

ما امل من شوفتك. موتي يمه ابموتتك
اوليدي يل غالي
!!!!!!!!!!!!!!!!!!!!!!!!!!!!!!!!!
نضرتك نضرتك. تحجي وياي وتسولف
من تصدلي بنضرتك
يا حبيبي يا حبيبي. يل ملكت احساسي كله
يمه احن الشوفتك
ضنوتي ضنوتي. يا ذنب سويته أنته
الهسه بأذني صرختك
شوغتي شوغتي. اتهز جبال الكون كله
شوغتي وي شوغتك

نبلة الغل ذبحتك. موتي يمه ابموتتك
اوليدي يل غالي

خادم اهل البيت ع
الشاعر ،هادي الساعدي

قصيده عن القاسم ع
فارس وابن فارس. عند الحسن دارس
هذا فتى هاشم. ليث الوغى القاسم
::::::::::::::::::::::::::::::::::::::::::::
خل اسولفلك عليه. خاف ما سامع گبل
خلني ابدي بالبطوله. وحجي عن هذا الشبل
اليجي اگباله ايتلعثم تنگطع بيه ا لسبل
من تقدم جنه حيدر. القوه جامع والنبل
براسه الف غيره. هذا ابن الحسن
محلاها من سيره. هذا ابن الحسن
حد سيفه عل ظالم. ليث الوغى القاسم
::::::::::::::::::::::::::::::::'::::::::
گال اطبقهه الوصيه. وانه جندي من الجنود
ويه عمي ما اعوفه. وعن قراري ما اعود
لا حياة بلا حسيني. بعمري اضحيله وجود
الحقيقة هيه وحده. دربه معناه الخلود
خل بالك واسمع. . افهم ما يلي
الهذا الحجي الينفع. افهم ما يلي

متيقن وحازم. ليث الوغى القاسم
:::::::::::::::::::::::::::':::::::::::
سولف وگل للحنينه. يمه خل نبري الذمم
خاف صحتي يمه جاسم. وانه ما گايل نعم
ومره اخرى صحتي وينك . وسببتلج جم ألم
يمه ادري الفرگه صعبه. گلبج انهد ونثلم

وگبلي نزف دمج. گلج عاطفه
وادري انذبح حلمج. گلج عاطفه

خل تفهم الوادم. ليث الوغى القاسم
::::::::::::::::::::::::::::::::::::
طلگ الدنيا وحسنهه. لا ابد ما غرته
وبمماته اشتره الجنه. رضا الباري غايته
كل شباب العدنه لازم. منه يأخذ فكرته
بالوعي هو ايتسلح. بنهجه يمشي وسيرته

مثل الشمس واضح. ساطع كل وكت
البيه اقتدى رابح. ساطع كل وكت
متعلم وفاهم. ليث الوغى القاسم
::::::::::::::::::::::::::::::::
ويه عمه ظل يسولف. گال عمي اطلب طلب
أرد أضحي دونك انه. ومن حجاهه بكل ادب
آمنين اصلهم ذولي ياهم. يا سلاله ويا نسب
اليوم اصول وبينهم أخطب واله اكومهم حطب

شبل الحسن اني. زود ومرجله
عل غيره رباني. زود ومرجله
انت المهم سالم. ليث الوغى القاسم
:::::::::::::::::::::::::::::
من لبس درعه وترجل. صوفرت حتى السيوف
وضجه صارت بالمعسكر واحد وهمه ألوف
صال بيهم جنه جده. اگلويهم مرتعبه خوف
گال ابن الحسن انه ذخره اليوم الطفوف

عمري فدى العمي. عرفهم. ابنفسه.
ولجله رخص دمي. عرفهم ابنفسه

الكم أنه قادم. ليث الوغى القاسم

خادم اهل البيت ع
الشاعر ،هادي الساعدي

نعي زينب ع
ملجومه روحي تريد اهلهه
وفراگهم عذبهه سلهه
ما ينحمل هذا الجرى ألهه

جف الحنين امگطعينه
صاب السهم يا ناس عينه
شبعت قهر روحي الحنينه

يأم الحسن موحش دربنه
وفوگ الهزل أسره ركبنه
خشبه الجيد مي ما شربنه

صاب السهم عبدالله صابه
وصار الموت يا يمه شرابه
گلبي أنفطر زادوا عذابه

من ديره الديره مشينه
وعيون الغرب تنظر علينه
وحز الحبل اجفوف ادينه

وين الشهم كافل أخيته
بس النفس من دونه ميته
أنه انتظر للحين جيته

الشاعر ،هادي الساعدي

موسسه وجدت لنشر القصائد الحسينية
https://www.tg-me.com/+Z1wxDlYUJ19jZGEy

نزله سريعه* القران الناطق*
من ضحى حسين ابدمه. من اجل أيصحي الأمه
حسين القرآن الناطق
*:*;///////////////*/////////////////////**
اعلن ثوره اعلل طغيان
ثورة اصلاح الإنسان
لجل الدين أصبح قربان
ثبت اركان الايمان

ضحى بروحه وكل اهله
صوت الحق لازم يعله
حسين القرآن الناطق,
,///////////////*//////////////////
گاللهم كونوا احرار
لتكونوا سيف الاشرار
وي الحق صيروله أنصار
صفو وي درب ا لابرار

دنياكم لتغركم هاي
گللهم صفوه الرأي
حسين القرآن الناطق
/////////////*///////////////
قدم عبدالله اوليده
ورده وشايلهه أبايده
ضامي وألمي ايريده
ابهيده ياسهم ابهيده

نحره اليلمع جن فضه
يتمزق يا هواليرضه
حسين القرآن الناطق
/////////////*////////////////
انطه منهج للأجيال
أتريد البطوله الهه رجال
ما تنحني جنهه اجبال
ومتغرهه دنيا ولا مال

ما تطمع ابملك الري
بيهه الضمير يظل حي
حسين القرآن الناطق
///////////////*///////////////////
من ذاك اليوم الهل يوم
تتربص بالدين الگوم
هذا ايهادن ذاك ابسوم
بين الحافد والمسموم

لكن هيهات ايربحون
نور الحق لا ميطفون
حسين القرآن الناطق
/////////////*////////////////

يتمنى كل واحد كان
موجود وي الصحبان
يا ليتنا هسه الآن
هبوا ونصروا القرآن

من أجله قدم روحه
وأهله أصبحت مذبوحة
حسين القرآن الناطق
الشاعر هادي الساعدي
2023/7/22
https://www.tg-me.com/had_jaa

كعديه مناصره للقرآن
منصور يضل القرآن والله الناصر
منهج دستور الإنسان بالماضي وحاضر
اسمع وافهم ياسلون
ملعون وكلك شيطان
وتذمك كل الأجيال ملعون وكافر
*

ربنا من نزل كتابه اعله الرسول
حافظه من كل زنيم وكل جهول
عالي شأنه واليضده. في نزول

الحارب القرآن يخسر
وتالي وحده يبقى ابتر
بالجحيم اهناك يحشر
تلهمه النيران والموقف يطول
اعمالك هيه البرهان
ملعون وكلك شيطان
وتذمك كل الأجيال ملعون وكافر
***
احنه نعرف زين يا هو الجندك
ويا هو جابك للرذيله وساعدك
وترس عقلك بالسموم وساندك
حتى ايعم الفساد
وحرب مابين العباد
بالضغائن والأحقاد
لا تضن تفلح ابهذا مقصدك
اميين عدنه العنوان
ملعون وكلك شيطان
وتذمك كل الأجيال ملعون وكافر

***
من تكون انت وأصلك من تكون
مس اكو ايعقلك لو عندك جنون
انت ترباة الفضائح والمجون

واضحه كل الأمور
مغتر وكلك شرور
بالرذيله وبالفجور
يا هو يشفعلك اذا جاك المنون

في الدرك الاسفل خسران
ملعون وكلك شيطان
وتذمك كل الأجيال ملعون وكافر
****
حسين للقران قدم منحره
وزينب الحره العقليه اميسره
وتدري ابو فاضل اجفوفه امبتره

حاربوا اهل الظلام
الحرفوا حتى الكلام
وضحى بعياله الامام
واحنه مثله انضحي والحق ننصره
وأرواح انقدم قربان
ملعون وكلك شيطان
وتذمك كل الأجيال ملعون وكافر
**
احنه ترباة المجالس والحسين
عن كلام الله ندافع وبيقين
العروة الوثقى والحبل المتين
نقسم برب السماء
لجله انرخص الدماء
اولادنه وكلنه فداء
لا حياة إبلا عقيده ولايه دين
اشما تنعق وي الغربان
ملعون وكلك شيطان
وتذمك كل الأجيال ملعون وكافر


الشاعر ،،هادي الساعدي 27/7/2023
https://www.tg-me.com/had_jaa

بالطفوف الحره الله يعينها
عل رمل عافت ذبيح حسيتها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
هاي زينب بت علي ام الصبر
هيه والأحزان توأم بالعمر
من هوان الدنيا حاديها الشمر
شلون زينب بت علي اميسرينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اطفال عطشانين ذبلوا كالورود
وٱل اميه اتجاوزو كل الحدود
يا گلبهم قاسي وكلهم جحود
ناس باعت كل قيمهه ودينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اتلوذ بيهه الحرم من هول الحرب
ولو گطرة ماي رادت للشرب
عل مخيم هجمت اخيول الغرب
وين آل المرتضى جا وينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠**

اوف يا هول المصيبه يا بشر
عل رمال حسين محزوز النحر
والسهام الصوبت جسمه مطر
والضلع مكسور شافت عينها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
قصة الطف مؤلمه ما توصف
بيهه عبدالله انذبح نحره الترف
موقف ايهز الرواسي اشگد كلف
اشحال زينب سكته جان ونينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اصعب من الموت يا فگد الأهل
والمصاب أشأعظمه وجدآ جلل
والرضيع يشيب من هول الحصل
وبين اخوهه حالوا وما بينها
خادم اهل البيت ع
الشاعر ،،هادي الساعدي
,

فزاعيه للأربعينه
حراره بگلب كل مؤمن
ماتنطفي ولا تبرد
لبني حسين ابو اليمه
گالاهه النبي احمد
///////////////
تظل مشتعمله ما تطفه. حراره بكلب كل مؤمن
اعيون المحب ماتغفه. حراره بگلب كل مؤمن
اليزوره من يجي ابلهفه. حراره بگلب كل مؤمن
حجه ازيارته تتعد
ما تنطفي ولا تبرد
//////////////////
حسين النفس والريه. حراره بگلب كل مؤمن
نجيه وصافيه النيه. حراره بگلب كل مؤمن
ابصرختنه الحسينية. حراره بگلب كل مؤمن
غيره ما نريد احد
ماتنطفي ولاتبرد
///////////////
زحف نزحف لبو اسكينه. حراره بكلب كل مؤمن
الگلب هو وشراينيه. حراره بگلب كل مؤمن
حنين النوگ حنينه. حراره بگلب كل مؤمن
حبه ما أله كل حد
ما تنطفي ولا تبرد
/////////////////
عابس جون كل احنه. حراره بگلب كل مؤمن
حبه نعم حنننه. حراره بگلب كل مؤمن
دمنه اله رخصته. حراره بگلب كل مؤمن
ودنه انقدم الأزيد
ما تنطفي ولا تبرد
////////////////
اليوم ابأربعينيته. حراره بگلب كل مؤمن
العالم يحجي ابصيته. حراره بگلب كل مؤمن
تظل مرفوعه ساريته. حراره بگلب كل مؤمن
المسيحي البوذي اله يشهد
ما تنطفي ولا تبرد
//////////////////////
سليب وگطعوا اوصاله. حراره بگلب كل مؤمن
عطاشه تصرخ أطفاله. حراره بگلب كل مؤمن
اساره أخذوا اعياله. حراره بگلب كل مؤمن
حزنه لجله يتجدد
ماتنطفي ولاتبرد
الشاعر هادي الساعدي

قصيده للمشايه الأربعينية
تتوافد المشايه
من كل بقعه بالعالم
//////////////
هو كعبة الاحرار. تتوافد المشايه
عشاگه وآله أنصار. تتوافد المشايه
تتحدى شكو إخطار. تتوافد المشايه
من كل كتر عنايه
من كل بقعه بالعالم
//////////////
تصرخ يا ذبيح الله. تتوافد المشايه
وتلطم بالدمع والآه. تتوافد المشايه
على المذبوح وا ويلاه. تتوافد المشايه
اله الأرواح فدايه
من كل بقعه بالعالم
/////////////////

قصة عشگ مكتوبه. تتوافد المشايه
حبيب ايوافي محبوبه. تتوافد المشايه
مواكب اله منصوبه تتوافد المشايه
تنصب عزا وقرايه
من كل بقعه بالعالم
//////////////////
يمشي شايب امحدب. تتوافد المشايه
يكول حسين هو الحب. تتوافد المشايه
اسمع زين گلي اكتب. تتوافد المشايه
حسين الهدف والغايه
من كل بقعه بالعالم
//////////////////////

شفت اليطبر براسه. تتوافد المشايه
لئن حسين بأنفاسه. تتوافد المشايه
هو مالك إحساسه. تتوافد المشايه
بمشي و رافع الرايه
من كل بقعه بالعالم
/////////////////////
سفرته خير ممدوده. تتوافد المشايه
الكل الكون مشهوده. تتوافد المشايه
امعزبه الوادم ابزوده. تتوافد المشايه
وباسمه دگوا الثايه
من كل بقعه بالعالم

الشاعر ،هادي الساعدي