{يــاوليــنه }

ْْْْْْْْْْْْْْْْْْْْْْْْْْْ 
       ياولــيــنــه ياولــيــنـــــــه     
        خويه   للشام    انسبينه

ْْْْْْْْْْْْْْْْْْْْْْْْْْْْْْْْْ         *********************

  اطفال عندي اتصيح بويــــه
      وينه شو    مارد    عليــنه

   وينه عباس وجــــفــيـــــلــى 
    وينه    حماي      الضعينــه

     ايشوف اخته اشلون صارت
      تسجب   الدمعه   وحزينه

        وانــولــيــنــه وانــولــيــنــه
          خويه للــــشــام انسبيـه
ْْْْْْْْْْْْْْْْْْْْْْْْْْْْْْْْْ  
        *****************

         بــللســـلاســل كيــدونـــه 
           ابلا مروء ه ولا  شـــيــم

        بـــينـــت احقــــاد امـــيــــه   
          ابلا عروبه ولا  قيــم

         عل الحرم هجموا يخويـــه 
          ونار  شعلوهــــه  الخيــم

           دم بــجــيـنــه دم بــجيــنــه
           خويه للـــشــا م انسبينــه

ْْْْْْْْْْْْْْْْْْْْْْْْْْْْْْْْْ           **********************

     سكنه من الــعـطـــش ذبلت  
       مثــل ورده ابلايه   مـــاي

      تسجب الدمــعــه واليــمـــه
          ويــن جــانت الي هـــاي

     روحي نزفت دم عــليــهــه 
         زين ضل العگـــلي راي

        حسين وينــه حسين وينــــه            
        خويه للــشــام انسبينـــــه

ْْْْْْْْْْْْْْْْْْْْْْْْْْْْْْْْْْ        ********************

    جبل اختك يـــبــوالــيمــــــــه
       بس رحيلك يخــي هدهه

       لوصخر انفطر كلبــــــــــي          
       وروحي هجرك هلمردهه

  ،   انت ذخري وكل حيـــاتي              
     خيمتي  انت وعـــمــدهـــه

      رد علينه ردعلينـــــــــــه                
      خويه للشام انســــــبينه

ْْْْْْْْْْْْْْْْْْْْْْْْْْْْْْْْْْْْ         ***************

    جرحي ينزف لبوفاضــــل             
    جرحي مايقبل يطـــــيب

وعل الرضيع اعيـوني نزفت          
    دمى لبنك يا    غريـــــب

    وعلى الاكبر روحي هامت           
     واسته الجدنه    الحبــيب
  
         اتألميــــنه  اتالمينــــه                   
          خويه للشام انسبينه


الشاعر هادي الساعدي

يا حسين يا حسين   يا سليب يا خصيب
مظلوم
🔸🔸🔸🔸
يا ضوه گبتك شامخه  كالجبل راسخه
جينه ألك والعشگ   يانبض. ياملك
طابعه بالگلب  صورتك

نتعنالك من كل صوب
شكرآ شكرا يل محبوب
فاتح ذرعانك والبوب
الزوارك والراد أيتوب
كلهه تلهج باسمك وتصرخ حبيبي ياحسين
من اجينه هل گلب  ملهوف كلنه عاشگين
ياعشگنه انضحي لجله عن وعي حبنه ويقين
للذي ضحى بحياته وانطه اخوان وبنين

يا حسين يا حسين  يا سليب ياخضيب مظلوم
🔸🔸🔸🔸🔸🔸
كل محب من يحب
بس الك هل گلب دگته
لهفته كل وكت دمعته
سايله هامله
عل وجن  كالمزن

نعلن حبك لا منبيع
كلمن ضدك  هو يضيع
اليمشي بدربك صيته يذيع
تنطيه جاه واسمه يشيع
اشعدنه غيرك يا سندنه باجر بيوم الحساب
ياشفيع اذنوبنه لمن يجي وكت العذاب
ابعالم البرزخ تجينه من يهلون التراب
انت وحيدر ابونه اتوقعون اعلل كتاب
يا حسين  يا حسين. يا سليب يا خصيب  مظلوم

🔸🔸🔸🔸🔸🔸
ياهلا  ومرحبا   باليجي  معتني 
گاصدك
خادمك نعرفه  كل وكت  مايمل
خدمتك جنته  غايته
مشايه و نرفع رايات
لا منعوفك لا هيهات
مأتم نعقد وقرايات
نقره اشعار ولطميات
اجفوف  رخصناهه لجلك عذبوبنه بالسجون
بينه محتارين ما هذا العشك هذا الجنون
واحد  ابواحد يوصي  ازيارتك حد المنون
بالوصيه البيهه وصونه اهلنه سائرون

يا حسين  يا حسين 
ياسليب. ياخضيب. مظلوم
🔸🔸🔸🔸🔸🔸🔸🔸
يا ذنب خنصرك  منگطع. منسلب خاتمك والألم  والحزن  والشجن للأبد
والضلع منكسر  منهشم
اعگدنه الرايه للموعود
نهتف بأسمه وكلنه اجنود
حتى  التوه ها  مولود
بالروح وبالدم  انجود

من المنامه من الكويت من الهند عندك ضيوف
من بقاع الكون كله جايه ويمك تطوف
والفضائيات تنقل كله العالم يشوف
ياحسين اتصيح كلهه وباسم مگطوع الجفوف
يا حسين يا حسين
ياسليب  ياخضيب  مظلوم
الشاعر، هادي الساعدي

قصيده على الإمام الحسين المجتبى ع 🔸
زينب ع تنعى اخيها
يا نعش الحسن بسهام يرمونه
ويم جده النبي منعوا يدفنونه
وبس اهله وخوته اللي يشيعونه
*- - - - - - - - *- - - - - - - - - - *
يا ريحة ابوي وعطره ونوره
يا هيبة علي ودين الله وسَوره
عليك ابجي وونن خويه معذوره
وي روحك يخويه روحي معجونه
*- - - - - - --- - *- - - - - - - - - - *
أنه بعازتك باجر يسلوايه
أريدك بالطفوف اتخورس اعدايه
وي عباس يا روحي ويرجوايه
يبو محمد وكل شامت تسكتونه
*- - - - - - - - - - *- - - - - - - ---*
ما صارت گبل لا صايره ياناس
ألميت ينمنع دفنه وهو نبراس
ابن طاهه النبي وبجده من ينقاس
الكريم ابن الكريم الكل يسمونه
*- - - - - - - - - * - - - - - - - - - *
الاخو هيبه الأخيته وهو يا محلاه
سند ألهه وتجيه وكل وكت بحماه
الأخت لو مات اخوهه يعني ميته اوياه
وتحس مدفونه هيه من يدفنونه
*- - - - - - - - - *- - - - - - - - - - - *
يجرحي الينزف وكل لحظه شو ملجوم
من كسر الضلع ينزف لهذا اليوم
وروحي أوياك راحت خويه يل مسموم
ومن سموك يغالي اعداك فجعونه
خادم أهل البيت ع
الشاعر - هادي الساعدي

هوسات بحق الإمام الحسن المجتبى*- - - - - - - - - - - *

الحسن يعني الحسين اثنينهم واحد
الشجاعه والكرم ها عابد  وزاهد
خلص كل حياته وي علي ايجاهد
لو جر سيفه  زلزال وطگ
*- - - - - - - - - *- - - - - - - - *
شسولف عل حسن وبيا هي  اني أبدي
يخلص كل كلامي وكل شعر عندي
على المظلوم دمعي فايض ابخدي
حزني ونوحي  عل غدروا بيه
*- - - - - - - - *- - - - - - - - *
إذا عندك امر مستصعب اعليك
وإذا محد اجاك وينشد اشبيك
لوجه الله أخبرك راح ادليك
بس انخه الحسن شتريد ينطيك
،،، بس اومي بجفك وحجيله،،،،
🔸🔸🔸🔸🔸🔸🔸🔸
منو حاتم الطاىي يم ابو محمد
الكرم خجلان من الحسن يتودد
مواقف اله ما تنحسب لا تنعد
،،،، من حيدر ماخذ عنوانه،،،،،،
خادم أهل البيت ع
الشاعر،، هادي الساعدي

ابوذيات بحق رسول الله ص 🌹
طاهه ابدعوته الأمه هداهه
و للإسلام كل روحه  هداهه
هد الظلم وعروشه هداهه
رحمه من الإله لهل البريه
🔹🔹🔹🔹🔹🔹🔹
محمد هو ملهمنه وابينه
غيره ابد ما ردنه وابينه
گال الأمر من بعدي ابينه
مولاكم علي حامي الحميه
🔹🔹🔹🔹🔹🔹🔹🔹
منو غيره عرج لله وأسره
ابهواه جنينه كل احنه واسره
وصرنه اخوان في حبه واسره
ابونه المصطفى سيد البريه

ةالشاعر،، هادي الساعدي

نعي عن الولد
. تمنيت الولد يگعد وحاجيه
أحن لسوالفه وذيجه محاجيه
وبحضني اگعدنه وشم بيه
وگله الفرح بعدك ما لفاني

أگله اعللفراگ اشعمل بيه
يا هو الشافي يصرخ خطيه
نهران الدمع عيني جريه
أفراگك يل ولد يبني عماني

اعاين عل صور وفرك بأديه
ألك جيه بعد لو هاي هيه
احجي اوياك شو مترد عليه
فجعني الدهر بيك ورماني

هذا أصويحبك عنك سألني
ولمن شافني ون اعله وني
افراگ اصويحبي گلي هدمني
ولذيذ النوم فارگته وجفاني
الشاعر،، هادي الساعدي

نعي

صحت اهنا يغالي رد عليه
انوحن وصرخ وصفگ بأديه
ها كلي ايست ما ألك جيه
لذة النوم بعدك ما حلى النه

يل عايش ابروحي اشلون بيه
ليل انهار دمعاتي جريه
يا هو الشافني يصرخ  خطيه
يا هو أخلافك الشايل حملنه

ما جانت أبالي ولا امحسبتهه
مجفيه الدنيا عني وخذت رادتهه
ووسط الروح جم بركان شعلتهه
ما تطفاش لا يا بعد اهلنه

يشيال الحمل يل بيك غيره
وعلي وَداعة علي فجتك جبيره
صعبه غيبتك والفرگه حيره
نجاوب بالدمع كلمن سألنه
🔸🔸🔸🔸
نعي أو رده سريعه
غريبه الدار وتناشد اهلهه
شالوا وين جا ما ردوا الهه

وين البيهم امروه صفو وين
وسفه بالنجف يا ناس ميتين
دم تبجي عليهم صبت العين
هاي الدنيا وهذا عملهه

تنشد وين راحوا هل الميامين
عليهم تلطم وتبجي المحبين
عزيزين ونشامه وحيل غالين
وحق زينب وابو الغيره الكفلهه

هذا الموت ياخذ وين الاحباب
وتسعر بالگلب نيران عطاب
وتظل العين تربي بس على الباب
بلكت تنسعد ويرد املهه.

الشاعر 🔸هادي الساعدي

هوسات افراح بحق فاطمه الزهراء ع
هلا ابمولد الزهره ام الميامين
بت طاهه النبي سيد الكونين
بأم الحسن وحسين فرحانين
🔸وفرحانه الأملاك اويانه،. 0
/////////////////////////////////

السمه گبل الأرض فرحانه مبتشره
ابمولدهه الزجيه الطاهره الزهره
ونگلهه انريد منج فقط بس نضره
🔸وهنياله الفاز ابحبج،،،،
////////////////////////////
لبو الحسنين نمشي الليله انزوره
وكل واحد يطش جكليته ونذوره
ونگله شيعتك بالزهره مسروره
🔸بالمولد فرحانه الشيعه،،،
/////////////////////////
يا هو بالفضل مثلج ويوصلج
ولا يوصل اشويه حتى من ضلج
وانت المصطفى بالشبه شو كلج
🔸ابنص گلبي اسمج خطيته

الشاعر،، هادي الساعدي

نعي.
تنام عيونهم وعيوني متنام
وجن عگلي عليك اتشتت وهام
مكسورة گلب جن كسرة الجام
تشضى وما يصح كل دوه ليه

مرت جم سنه وما بيه انساك
طير ومنذبح لو مرني طرواك
تمر كل لحظه وتجويني ذكراك
يبعد ارويحتي ما بيك جيه

حبيبي وسلوتي ساكنهه العيون
عليك الطم عمر وهدلهه المتون
وهيمن بالبراري حد الجنون
لو ما تعتب الوادم عليه

ابو گلب الحنين ألما قسه ابيوم
وجودك جان فرحه اتزيل الهموم
وهسه اهمومي انه محمله أغيوم
انت فرحتي ورحت من أديه

يل كلك حميه وكلك احساس
عايش بالگلب للريه انفاس
فخر كلك عجيد و رفعة الراس
تظل  طول العمر عيني جريه

الشاعر 🔸هادي الساعدي

نعي
لرض النجف ودوني
مدفون نور عيوني
يا ناسي لتلوموني

هناك العزيز الغالي
الأول وموش التالي
بعده الحزن موالي

سبع ابحور ابجيله
يم الگبر احجيله
صعبه تمر كل ليله

جيله البعد جتاله
گطع الگلب وو صاله
من اوصل انه أگباله

كل ساعه گلبي ملجوم
ابجي بجي جن مفطوم
يعين گلبي المهموم

كل نشغه من نشغاتي
اتوضح عمق آهاتي
تنزل مطر دمعاتي

وينك يغالي وينك
صبح ومسه امتانينك
يل بالعمر شارينك

الشاعر،، هادي الساعدي

هوسات بحق الامام الكاظم ع🔸
عدنه أسرار نحجيهه فقط يمك
وننسه أسمائنه ونذكر فقط إسمك
وتكضي الحاجه بس انحلفك أبأمك
ها ها
،، نتعناك،،،، ايزورك حتى اليرضع
🔸🔸🔸🔸🔸🔸🔸🔸🔸
اسروب اسروب جنه اطيور ومحلقين
نعم هجرة عشگ وبلهفه متعنين
نحوم بمرقدك تهمل دمه العينين
ها ها
،، ويه الموعود،، ننصب مأتم يمك

🔸🔸🔸🔸🔸🔸🔸
للمحتاج ما سديت بابك دوم
وكلمن يگصدك ما تبقه عنده هموم
بلسم للجروح ودوه الكل ملجوم
ها ها
،،، والگاصد تنطيه امراده،،،
🔸🔸🔸🔸🔸🔸🔸
نعم كلمن تنخاكم اهو يعرف
متعوفونه حاير والدمع يذرف
ومن خيراتكم ينهل ترى ويغرف
ها ها
اشما رايد،، تنطونه ازياده

خادم الإمام الكاظم ع
الشاعر، 🔸هادي الساعدي

َنعي على الأخ
اه يل اخو موته صعب اه
نار وتشب للفاگد اعضاه
ينزل دمع هم ومعاناه
راح ومشه نتمناه نلگاه
لا ما يرد  عشناهه ذكراه
موت الشجر متنه بلياه
حزن ودمع ويلي أويلاه
بين الخلگ ما نلگه مثلاه

افراگ النحبهم يا خلگ صدگونه ذباح
ياخذنه ويرد الگلب شيرده الراح
ابلياهم نخلص العمر بس دمعه ونياح
فدوه تعالوا يا أملنه وعيدوا الافراح
ردو ولو ساعه فقط صاح الگلب صاح

الشاعر، هادي الساعدي
202 3 /1/31

نعي عن زينب ع
مثل امج يهيبه بكل صفاتج
يل ما شفتي كل راحه بحياتج
من حزن الحزن والحد مماتج
خلص عمرج يزينب وسط الاحزان

انت ام الخدر وانت ام الايتام
أسيره امگيده من رحتي للشام
وذبح اخوانج ويا حرگ الخيام
كل هذا الجرى ميحمله انسان

الله يعين كلبج يخت الحسين
عطاشا تصيح أطفال ونساوين
وين اليوث هاشم عنه جا وين
ذاك ايصيح ابوي وذاك عطشان

عذرآ سيدي،،،،،،
شفتي حسين داست صدره الخيل.
وابوج الجان بيه ايلوذ الدخيل
على هذا الجرى يراد الف حيل
وانت للمواقف صرتي عنوان
خادم أهل البيت ع
الشاعر،، هادي الساعدي
202 3 2/2
https://www.tg-me.com/had_jaa
الوادم بعالم تسولف.
َوانا سالفتي الحسين