قصيده عن الخدم  والخدامه
خادمك وتشرف   يبن طاهه الهادي
حسين يا محبوبي  كلشي بيه ينادي
*---------------*----------------*
ما امل الخدمه.   خدمتك محلاهه
هيه رفعة راسي   وبيهه انه اتباهه
ما ألومه البحجي. وماعرف معناهه
يا حلاة الخدمه    عاشگ وأهواهه
حسين يا محبوبي كلشي بيه ينادي
هيه نور ادروبي . كلشي بيه ينادي
*--------------*--------------—----*
ألما يحبك يندم.    خل يراجع أصله 
خله لازم عنده.       دربه ما. يندله
خل يراجع نفسه.   لا يطيح ابذله
و اليحبك فايز.  رحمة الله اتشمله
ياشفيع اذنوبي     كلشي بيه ينادي
*- - - - - - - - - - - - *- - - - - - - - - *
للمجالس   آخذ.     من الزغر اولادي
بيهم اغرس حبك   علموني اجدادي
انت نور اعيوني.    جنة الله وزادي
امنياتي كلهه.     ويه الخدم تعدادي 
اتوقع ابمكتوبي. كلشي بيه ينادي
*- - - - - - - - - - *- - - - - - - - - - *
ريت اخلص عمري    بالمواكب خادم
واصرخ بكل صوتي  يا هلا بالقادم
خادم  الزوارك.       الكل ملذه هادم
اجندت للخدمه     الما يخدمك نادم
اسود البس ثوبي كلشي بيه ينادي
، *- - - - - - - - - - *- - - - - - - - - - *
فضلك وتضحيتك  َوداعتك يحسيني
ابد ما انساهه.      يل مثبت ديني
يبقى خالد طفك. يللي ساكن عيني
المرقدك اتعنه. أشواگي ألتوديني
زادي ومشروبي. . كلشي بيه ينادي
الشاعر،، هادي الساعدي

قصيده عن زينب والإمام العباس ع🔸
بيه أفتخر كافلني    وسط الجفن شايلني
معروف اخوي بغيرته. تارس الجود بجربته
       بيه أفتخر كافلني
🔸🔸🔸🔸🔸🔸🔸🔸
أسمه يرعب العدوان  يسمونه الگمر عباس
يشبه حيدره الكرار    كله مرجله ونوماس
منه ترجف الظلام    يرعب سيفه الأرجاس

تتهيب اعداه منه.   أشحده الگرب ودنه
شمرة أبونه شمرته. تارس الجود بجربته
  بيه أفتخر كافلني
    🔸🔸🔸🔸🔸🔸🔸🔸🔸
من شاف الحرم تصرخ  وتنادي يبو الحملات
بيك احنه تنخينه      وتنزل سكته الدمعات
صوب العلگمي اتعنه  جاب الماي ابوالكلفات

لا مو زلم ناداهم.  وبطلعته اتحداهم
كاشخ بزوده ولامته  تارس الجود بجربته
       بيه افتخر كافلني
   🔸🔸🔸🔸🔸🔸🔸
يتلئلئ بدر ضاوي.  من نوره الشمس غارت
ومن طب ساحة الحومه  فرسان العدى انهارت
جم فارس يصيح أدخيل  امنين الشرده أحتارت

من حرك اذراعه وصاح.
من خوفه قائدهم طاح
يرعبهم اسمه ونظرته  تارس الجود بجربته
بيه افتخر كافلني
🔸🔸🔸🔸🔸🔸🔸🔸🔸
عباس الكرم والجود.  والطيبات بيه كلهن.
كافلني ونعم منه     الحرم ويايه كافلهن
ابجفه رافع الرايات   اجفوف أعدائه ايذلهن
أگبل عليهم وحده. للجيش كله أتحده
للماي يمشي براحته. تارس الجود بجربته
  بيه افتخر كافلني
🔸🔸🔸🔸🔸🔸🔸🔸
وحق كل يوم بيه عشنه وذيج الخوه واللمه
يظل عايش نفس بيه. الهوى هو الذي اشتمه
جرح فرگاه لا ميطيب. هو وجرح ابو اليمه

همه العمر والآمال   فرگاهم يهز اجبال
وعيوني كلشي شافته  تارس الجود بجربته
          بيه افتخر كافلني

الشاعر،، هادي الساعدي

     ابوذيه بحق ام البنين والعباس ع🔹
شهم ما خالفت يوليدي وعداك
بالف فارس احسبنك وعداك
صگار العدى ايسموك وعداك
يشوفونك علي حامي الحميه
هادي الساعدي

ابوذيه عن الامام العباس
ابو فاضل ابد لا ما نسه أخته
ما يوجد نضيره ولا نسخته
حبه ابروحي وگلبي نسخته
عشگته والعشگ حد المنيه
الشاعر،، هادي الساعدي ؛

ابوذيات عن الام 😭😭
كلمات الشاعر هادي الساعدي

🌹   ياحسين نور عيني🌹
مسألة عندي وأريد ألهه
وانا اعرف زين حل المسألة
اليموت ويندفن تحت التراب
جم سنه تبجي عليه ناسه وهله
عشره لو عشرين لا روح اربعين
وزين إذا  الفاتحه يقروهه إله
مو لغز هذا ولكن ارد اگول
الف  وربعمية عام   الكامله
حسين جن ميت أمس هاك الدليل
ابمحرم  شوف جم  مأتم  إله
الشاعر،، هادي الساعدي

ابوذيات حسينيه

لبو اليمه نذر عمري وقف له
سكن حبه وسط گلبي وقفله
أقف لحسين هم انت وقف له
واقره الفاتحه لبن الزجيه

الأنصار
وي حسين  محلاهه الشهاده
نجحنه بحبه ونطانه شهاده
خير أصحاب يكفينه شهاده
وسام اعلل صدر واعظم هديه

الشاعر،، هادي الساعدي

🔸ابوذيات حسينيه🔸🔸🔸
اصيح حسين هذا حسين يماي
سليب وخنصره مگطوع يماه
ويگلولي اشربي الماي يا ماي
وعطاشا كل هلي راحوا سويه
🔸🔸🔸🔸🔸🔸🔸🔸
أنه زينب مشت روحي وراهم
همي اشما خلص يرجع وراهم.
صدگ ماشوف خواني وراهم
حلم ياناس شوفتهم عليه
🔸🔸🔸🔸🔸🔸🔸
ابو فاضل الهذا اليوم يراد
سيفه ابز ود جالفقار يرد.    
مشه للماي جن اعداه يراد
بس اگبل اشو فروا سويه
🔸🔸🔸🔸🔸🔸🔸🔸
الحز نحرك يبو السجاد حزنه
وكل شيعي يظل للموت حزنه
يل أعلى المراتب بيك حزن
تظل للأمه عنوان وهويه
الوادم بعالم تسولف 🌹
وانا سالفتي الحسين ❣️❣️،،،

https://www.tg-me.com/had_jaa:

نعي عن العليله ع
طفلة انا وضيعتكم
       ليش عفتوني شجاكم
حاولت اقتنع انسه
    كلشي ظل يمشي َوراكم
أبحرت والدنيا ليل
      اشراعي هل يتبع هواكم
والنهار ايمر عليه
      ظلمه وتناطر ضواكم
ها نسيتوني بعدكم
         ورده ذبلهه جفاكم
ضحكة الشمات توجع
     ميته من تسمع نساكم
وجادر الأحزان باقي
    مأتم الحد ما اراكم
كل جرح بيهه مدينه
      وفقط اشفه من دواكم
الشاعر،،،، هادي الساعدي

ابوذيه هاجن
عليه الناس خل ادگول ها جن
اجروحي اغماج وسط الروح هاجن
بنات حسين من الخيم هجن
سكينه والحرم تبجي ورقيه
الشاعر،، هادي الساعدي

     ابوذيات حسينيه
لبو اليمه نذر عمري وقف له
گلبي حسين مفتاحه وقفله
أقف لحسين هم انت وقف له
واقره الفاتحه لبن الزجيه
- - - - - - - *- - - - - - - -
غير حسين ما عندي وسيله
ووشل دمع البعيني وسيله
مذنب واعترف يمه وسأله
شفيعي يكون من تثگل عليه
- - - - - - - - *- - -  - - -
ابوذيه عن الإمام العباس ع
ابو فاضل ابد لا ما نسه أخته
ما يوجد نضيره ولا نسخته
حبه ابروحي وگلبي نسخته
عشگته والعشگ حد المنيه

- - - - - - - - - *- - - - - - -
   ابوذيات للأنصار
وي حسين  محلاهه الشهاده
نجحنه بحبه ونطانه شهاده
خير أصحاب يكفينه شهاده
وسام اعلل صدر واعظم هديه
*---------—-*---------------*
وي حسين لا منعوف ونصر
واحنه احبابه ابد للموت وانصار
آخر لحظه بوداعه  ون صار
لئن وحده يظل بالغاضريه
*---------------*----------------*
تهاب  الموت  حاشا وعدهه الحسين
لجل الدين صالت   عدهه الحسين
واحد وسبعين صاحب عدهه الحسين
خبر أصحاب همه اعلل وطيه
خادم أهل البيت ع
الشاعر،، هادي الساعدي

   
نعي فصيح ام البنين ع
أبكي على فراقكم   يا قرة العينِ
أشتاق اليكم صفوتي ويهزني الحنين
بدورُ نوركم واضح ساطعُ كل حينِ
نعم الأخوة كلكم  فداءً للحسين
يا من بذلتم روحكم لله والدين
سيبقى  ذكركم خالد وتشهد السنين
رأسي بكم مرفوعةً يا خيرة البنين

الشاعر،، هادي الساعدي

{يــاوليــنه }

ْْْْْْْْْْْْْْْْْْْْْْْْْْْ 
       ياولــيــنــه ياولــيــنـــــــه     
        خويه   للشام    انسبينه

ْْْْْْْْْْْْْْْْْْْْْْْْْْْْْْْْْ         *********************

  اطفال عندي اتصيح بويــــه
      وينه شو    مارد    عليــنه

   وينه عباس وجــــفــيـــــلــى 
    وينه    حماي      الضعينــه

     ايشوف اخته اشلون صارت
      تسجب   الدمعه   وحزينه

        وانــولــيــنــه وانــولــيــنــه
          خويه للــــشــام انسبيـه
ْْْْْْْْْْْْْْْْْْْْْْْْْْْْْْْْْ  
        *****************

         بــللســـلاســل كيــدونـــه 
           ابلا مروء ه ولا  شـــيــم

        بـــينـــت احقــــاد امـــيــــه   
          ابلا عروبه ولا  قيــم

         عل الحرم هجموا يخويـــه 
          ونار  شعلوهــــه  الخيــم

           دم بــجــيـنــه دم بــجيــنــه
           خويه للـــشــا م انسبينــه

ْْْْْْْْْْْْْْْْْْْْْْْْْْْْْْْْْ           **********************

     سكنه من الــعـطـــش ذبلت  
       مثــل ورده ابلايه   مـــاي

      تسجب الدمــعــه واليــمـــه
          ويــن جــانت الي هـــاي

     روحي نزفت دم عــليــهــه 
         زين ضل العگـــلي راي

        حسين وينــه حسين وينــــه            
        خويه للــشــام انسبينـــــه

ْْْْْْْْْْْْْْْْْْْْْْْْْْْْْْْْْْ        ********************

    جبل اختك يـــبــوالــيمــــــــه
       بس رحيلك يخــي هدهه

       لوصخر انفطر كلبــــــــــي          
       وروحي هجرك هلمردهه

  ،   انت ذخري وكل حيـــاتي              
     خيمتي  انت وعـــمــدهـــه

      رد علينه ردعلينـــــــــــه                
      خويه للشام انســــــبينه

ْْْْْْْْْْْْْْْْْْْْْْْْْْْْْْْْْْْْ         ***************

    جرحي ينزف لبوفاضــــل             
    جرحي مايقبل يطـــــيب

وعل الرضيع اعيـوني نزفت          
    دمى لبنك يا    غريـــــب

    وعلى الاكبر روحي هامت           
     واسته الجدنه    الحبــيب
  
         اتألميــــنه  اتالمينــــه                   
          خويه للشام انسبينه


الشاعر هادي الساعدي

يا حسين يا حسين   يا سليب يا خصيب
مظلوم
🔸🔸🔸🔸
يا ضوه گبتك شامخه  كالجبل راسخه
جينه ألك والعشگ   يانبض. ياملك
طابعه بالگلب  صورتك

نتعنالك من كل صوب
شكرآ شكرا يل محبوب
فاتح ذرعانك والبوب
الزوارك والراد أيتوب
كلهه تلهج باسمك وتصرخ حبيبي ياحسين
من اجينه هل گلب  ملهوف كلنه عاشگين
ياعشگنه انضحي لجله عن وعي حبنه ويقين
للذي ضحى بحياته وانطه اخوان وبنين

يا حسين يا حسين  يا سليب ياخضيب مظلوم
🔸🔸🔸🔸🔸🔸
كل محب من يحب
بس الك هل گلب دگته
لهفته كل وكت دمعته
سايله هامله
عل وجن  كالمزن

نعلن حبك لا منبيع
كلمن ضدك  هو يضيع
اليمشي بدربك صيته يذيع
تنطيه جاه واسمه يشيع
اشعدنه غيرك يا سندنه باجر بيوم الحساب
ياشفيع اذنوبنه لمن يجي وكت العذاب
ابعالم البرزخ تجينه من يهلون التراب
انت وحيدر ابونه اتوقعون اعلل كتاب
يا حسين  يا حسين. يا سليب يا خصيب  مظلوم

🔸🔸🔸🔸🔸🔸
ياهلا  ومرحبا   باليجي  معتني 
گاصدك
خادمك نعرفه  كل وكت  مايمل
خدمتك جنته  غايته
مشايه و نرفع رايات
لا منعوفك لا هيهات
مأتم نعقد وقرايات
نقره اشعار ولطميات
اجفوف  رخصناهه لجلك عذبوبنه بالسجون
بينه محتارين ما هذا العشك هذا الجنون
واحد  ابواحد يوصي  ازيارتك حد المنون
بالوصيه البيهه وصونه اهلنه سائرون

يا حسين  يا حسين 
ياسليب. ياخضيب. مظلوم
🔸🔸🔸🔸🔸🔸🔸🔸
يا ذنب خنصرك  منگطع. منسلب خاتمك والألم  والحزن  والشجن للأبد
والضلع منكسر  منهشم
اعگدنه الرايه للموعود
نهتف بأسمه وكلنه اجنود
حتى  التوه ها  مولود
بالروح وبالدم  انجود

من المنامه من الكويت من الهند عندك ضيوف
من بقاع الكون كله جايه ويمك تطوف
والفضائيات تنقل كله العالم يشوف
ياحسين اتصيح كلهه وباسم مگطوع الجفوف
يا حسين يا حسين
ياسليب  ياخضيب  مظلوم
الشاعر، هادي الساعدي

قصيده على الإمام الحسين المجتبى ع 🔸
زينب ع تنعى اخيها
يا نعش الحسن بسهام يرمونه
ويم جده النبي منعوا يدفنونه
وبس اهله وخوته اللي يشيعونه
*- - - - - - - - *- - - - - - - - - - *
يا ريحة ابوي وعطره ونوره
يا هيبة علي ودين الله وسَوره
عليك ابجي وونن خويه معذوره
وي روحك يخويه روحي معجونه
*- - - - - - --- - *- - - - - - - - - - *
أنه بعازتك باجر يسلوايه
أريدك بالطفوف اتخورس اعدايه
وي عباس يا روحي ويرجوايه
يبو محمد وكل شامت تسكتونه
*- - - - - - - - - - *- - - - - - - ---*
ما صارت گبل لا صايره ياناس
ألميت ينمنع دفنه وهو نبراس
ابن طاهه النبي وبجده من ينقاس
الكريم ابن الكريم الكل يسمونه
*- - - - - - - - - * - - - - - - - - - *
الاخو هيبه الأخيته وهو يا محلاه
سند ألهه وتجيه وكل وكت بحماه
الأخت لو مات اخوهه يعني ميته اوياه
وتحس مدفونه هيه من يدفنونه
*- - - - - - - - - *- - - - - - - - - - - *
يجرحي الينزف وكل لحظه شو ملجوم
من كسر الضلع ينزف لهذا اليوم
وروحي أوياك راحت خويه يل مسموم
ومن سموك يغالي اعداك فجعونه
خادم أهل البيت ع
الشاعر - هادي الساعدي

هوسات بحق الإمام الحسن المجتبى*- - - - - - - - - - - *

الحسن يعني الحسين اثنينهم واحد
الشجاعه والكرم ها عابد  وزاهد
خلص كل حياته وي علي ايجاهد
لو جر سيفه  زلزال وطگ
*- - - - - - - - - *- - - - - - - - *
شسولف عل حسن وبيا هي  اني أبدي
يخلص كل كلامي وكل شعر عندي
على المظلوم دمعي فايض ابخدي
حزني ونوحي  عل غدروا بيه
*- - - - - - - - *- - - - - - - - *
إذا عندك امر مستصعب اعليك
وإذا محد اجاك وينشد اشبيك
لوجه الله أخبرك راح ادليك
بس انخه الحسن شتريد ينطيك
،،، بس اومي بجفك وحجيله،،،،
🔸🔸🔸🔸🔸🔸🔸🔸
منو حاتم الطاىي يم ابو محمد
الكرم خجلان من الحسن يتودد
مواقف اله ما تنحسب لا تنعد
،،،، من حيدر ماخذ عنوانه،،،،،،
خادم أهل البيت ع
الشاعر،، هادي الساعدي