مره...مره.

يانهر يعتب عليه.
حته بجناج الكصب روجات اعبره...
وياجبل يصعب عليك.
حته اذب احبال روحي اكصايب اعله اجتاف صخره...
وياعظم تتصور التم!!
حته يم بابك عشر كسرات اكسره...
مره ..مره..
والمراره اتزيد للمايلكه ظل وينتجي اعله الشيب عمره...
وياجمرتي الماطفت حسبت يطفيهه دمعي.
ثاري دمعاتي اعله خد النار شذره...
..
آنه من شكيت زيجي احتركت ايدي.
ونته من شكيت زيجك شفنه كمره...
جان عمري نهر صافي.
ومايه غافي..
وخنجرك مثل البلم بالليل طره....
ويانهر والحسره حسره..
كون اشوفن سندبادك..
شايل اعله اجتافه جزره.....
بكلبي حسره.
كون اذب ثوب الحزن وانه بشبابي والحزن عالخد اسطره....
كون اشوفن مريمك مابيهه لوله..
ومن صدك نلكاها عذره..!!
هيه حسره ..وعشره مره.
والمراره اتزيد للمايلكه فيي وينتجي اعله الشيب عمره....


- كاظم اسماعيل الگاطع

وآنه اشوف الدنيه
كلها زهور كلها نجوم
لو ثغرك تبسم…