👮🏻‍♂️ બિન હથિયારી પોલીસ સબ ઇન્સ્પેકટરની લેખિત પરીક્ષા અંગેની સૂચનાઓ

#GPRB #PSI

ગુજરાત નેચરલ ફાર્મિગ સાયન્સ યુનિવર્સિટી દ્વારા વિવિધ ભરતી

જુનિયર ક્લાર્ક -૨૧ જગ્યા

*મોર્નિંગ મ્યુસિંગ્સ*

પુસ્તકમાં, Tetris Effect નામની ધારણાની ચર્ચા છે. આ ધારણા Tetris નામની એક લોકપ્રિય વિડિઓ ગેમ પરથી આવી છે. આ એક પઝલ ગેમ છે, અને જે લોકો બહુ લાંબો સમય સુધી તેને રમે, તો તેમની આંખો અને મગજ તેનાથી એટલાં ટેવાઈ ગયાં હોય કે અસલ જીવનમાં પણ ચીજોને (જેમ કે સુપરમાર્કેટમાં બોક્સ અથવા બિલ્ડિંગો) ક્યૂબની જેમ એકબીજામાં ફિટ થતી જુવે છે. તેઓ આંખો બંધ કરે, ત્યારે વિડીયોમાં જોયેલા રંગબેરંગી ક્યુબ્સ તેમની આંખ સામે અમુક આકૃતિમાં ગોઠવાતા નજર આવે.
પુસ્તકના લેખક, શોન એકર, એક સાયકોલોજીસ્ટ છે, અને તેઓ આના પરથી એવો નિષ્કર્ષ કાઢે છે કે આપણું મન આપણી આસપાસની દુનિયાને સમજવા માટે પેટર્ન શોધતું હોય છે. એટલે, આપણે જો નકારાત્મક બાબતો પર ફોકસ કરીએ, તો આપણું મન નકારાત્મક Tetris Effect સર્જે છે, અને જો સકારાત્મક પેટર્ન પર ફોકસ કરીએ, તો સકારાત્મક Tetris Effect સર્જે છે.
ઉદાહરણ તરીકે, હું તમને કહું કે તમે તમારા રૂમમાં લાલ રંગની ચીજોને જુવો. એક મિનિટ પછી હું તમને કહું કે આંખ બંઘ કરો, અને કહો કે રૂમમાં કાળા રંગની ચીજો કેટલી છે. તમને એ યાદ કરવાનું અઘરું પડી જશે, કારણ કે લાલ ચીજો જોવા માટે તમારા મગજે કાળા રંગની ચીજોને એડિટ અથવા ફિલ્ટર કરી નાખી હતી.
આનો અર્થ એટલો જ કે આપણું મન એ જ જુવે છે જે આપણે જોવા માંગીએ છીએ. આ સારી બાબત છે, કારણ કે આપણે મનને આપણે ધારીએ તે જોવા માટે ટ્રેઈન કરી શકીએ છીએ. "મન હોય તો માળવે જવાય" તે આનું નામ!
સાર એટલો કે, સુખ આપણે શેના પર ફોકસ કરીએ છીએ તેના પર નિર્ભર કરે છે.

"We become more successful when we are happier and more positive, not the other way around."

- Shawn Achor....
- Happiness Advantage

*Happy Morning*

*મોર્નિંગ મ્યુસિંગ્સ:*
સફળતા અને સુખ બંને માંગ્યા નથી મળતા. આપણે જો તેને લક્ષ્ય બનાવી દઈએ (જેમ કે, હું જીવનમાં સફળ થવા માંગુ છું અથવા મારો ધ્યેય સુખી થવાનો છે), તો એવી પૂરેપૂરી સંભાવના છે કે નિશાન ચૂકી જઈએ. કારણ કે સુખ હોય કે સફળતા, કાર્ય નથી, કારણ છે. તે આપણે જે ચીજ કરીએ છીએ તેનું તે પરિણામ છે. એટલે, ધ્યેય કામને શ્રેષ્ઠ રીતે, સમર્પિત રીતે કરવાનું હોવું જોઈએ, અને તે સમર્પણ તેમજ નિષ્ઠા સફળતામાં પરિણમે છે. આપણે આયાસપૂર્વક કામ કરી શકીએ, પણ સુખ- સફળતા અનાયાસ હોય છે, તેનો આયાસ ના હોય.
નિષ્ઠા જ સુખનું કારણ બને છે. નોકરી કરતો હોઉં, તો મારે તેમાં મારું સર્વશ્રેષ્ઠ આપવું જોઈએ. હું નિષ્ઠાથી કામ કરીશ તો સફળતા જરૂર મળશે. એટલે, આપણું સમગ્ર ફોકસ શિદ્દતથી પ્રેમ કરવા પર અને નિષ્ઠાથી કામ કરવા પર હોવું જોઈએ, તેના પરિણામ પર નહીં. વૈજ્ઞાનિકો કોઈ પ્રયોગ કરે, ત્યારે પરિણામ પહેલેથી ધારી લેતા નથી. તેઓ પ્રયોગ એટલો શાનદાર કરે કે તેનું પરિણામ પછી આકર્ષક બની જાય છે.

*Happy Morning*

*મોર્નિંગ મ્યુસિંગ્સ:*

એક સમય હતો જ્યારે કોઈ કામ સમયસર પૂરું ના થાય અથવા મારે કશું કરવું હોય તે કરી ના શકું, તો હું બાહ્ય કારણો કે પરિબળોનો દોષ કાઢતો હતો. મને થતું કે લોકો અથવા સંજોગો અથવા ઘટનાઓ મને ખલેલ પાડે છે અને હું મારા લક્ષ્ય પર ધ્યાન નથી આપી શકતો.

ધીમે ધીમે ખ્યાલ આવ્યો કે વિક્ષેપો તો હર હાલમાં રહેવાના છે, તે જીવનનો એક અનિવાર્ય હિસ્સો છે, પણ મારે મારી એકાગ્રતાને મજબુત કરવાની જરૂર છે.
સમસ્યા વિક્ષેપોની નહોતી, મારા ફોકસની હતી.
આ સમજવા જેવું છે. આપણા વિક્ષેપો તાકાતવર નથી હોતા, આપણું ફોકસ કમજોર હોય છે. આપણે સમય, સંજોગ કે લોકોની ખલેલનો દોષ કાઢીને ખુદની જવાબદારીમાંથી બચી જઈએ છીએ.
વાસ્તવમાં, બાહ્ય વિક્ષેપ ના હોય તો હું બહેતર રીતે પર્ફોર્મ કરી શકું એવી વૃતિ વાસ્તવમાં પોતાની નાકામી છુપાવાનું બહાનું છે. જેને સાચે જ કશુંક કરવું છે તે પરફેક્ટ ટાઇમની રાહ ન જુવે.
બાહ્ય પરિબળો આપણને ચલિત કરે છે તેનો અર્થ એટલો જ થાય કે આપણી અંદર કોઈ કમજોરી છે.
આ એના જેવું છે કે એક માણસ ઘરમાં બેસીને મેડિટેશન કરી શકતો નહોતો એટલે જંગલમાં ગયો, પણ ત્યાંય તેને પ્રાણીઓ અને જંતુઓ અને તેની અંદરની લાગણીઓ પજવતી રહી. એટલે, વિક્ષેપોને દૂર કરવા માટે જંગલમાં જવાને બદલે જે તે ક્ષણ અને સ્થિતિમાં એકાગ્ર થવાની કોશિશ કરવી જોઈએ.
*Happy Morning*