આજનું ઊર્જાનું સંરક્ષણ,
આવતીકાલનું સમૃદ્ધ જીવન...!!

આવનારી પેઢીની ભવિષ્યની જરૂરિયાતોને અનુલક્ષીને ઊર્જાનું સંરક્ષણ અત્યંત આવશ્યક છે. આવો, આપણે સૌ ઊર્જાની બચત કરવાનો તથા રિન્યૂએબલ એનર્જીના મહત્તમ ઉપયોગનો સંકલ્પ કરીએ...

#NationalEnergyConservationDay
#GujaratInformation12333

‍💁‍♂આટલું કર્યા પછી પણ તમે ક્યારેય નિષ્ફળ નહિ જાઓ તેવું નહિ થાય,કારણ કે આપણે માણસ છીએ, ચાવીવાળું રમકડું નથી.ફરી નિષ્ફળ જઈએ તો ભૂલનો એકરાર કરી ફરી એક્શન પ્લાન બનાવી કટિબદ્ધ થઈએ - ગુજરાત જાહેર સેવા આયોગના વર્તમાન અધ્યક્ષશ્રી

*ઇવનિંગ મ્યુસિંગ્સ (રવિવાર સ્પેશિયલ):*

શું તમને એવું લાગે છે કે જીવન પર તમારું નિયંત્રણ નથી?
તમે માણસો નિરાશ કે નારાજ ના થાય એટલે દરેકને "હા" પાડતા રહો છો? તમે બીજા લોકોની ફીલિંગ્સ અને પ્રોબ્લેમ્સની જવાબદારી તમારી પર ઉપાડી લો છો?
તમે બીજા લોકોને નિ:સ્વાર્થ ભાવે પ્રેમ કરવા પર એટલું બધું ફોકસ કર્યું છે કે તમારી મર્યાદાઓને ભૂલી ગયા છો?

જો "*હા*" .. તો તમને સીમારેખાઓ કેવી રીતે દોરવી તે શીખવાની જરૂર છે.

આપણે ભૌતિક દુનિયામાં તો દિવાલો, વાડાઓ, આડાશો વચ્ચે રહીએ છીએ, કારણ કે તે આપણી શારીરિક સલામતી માટે જરૂરી હોય છે, પરંતુ આપણી ભાવનાત્મક અને માનસિક સલામતી માટે પણ દિવાલોની જરૂર હોય છે તેવું આપણે નથી. સમજતા. એનું કારણ છે. ભૌતિક સીમાઓની જેમ, માનસિક સીમાઓ સૌને સ્પષ્ટ રીતે દેખાય તેવી નથી હોતી. એટલા માટે તેને સ્થાપિત કરવી પણ અઘરી હોય છે.
તેનાથી પણ વધુ, તમે સીમારેખાઓ લાગુ કરો, તો લોકોની નજરમાં તમે નિર્દયી સાબિત થવાનો ખતરો પણ હોય છે.
પરંતુ એમાં ખોટું નથી. આપણે જ્યારે સીમા બનાવીએ છીએ ત્યારે આપણી જરૂરીયાતો, ઈચ્છાઓ અને ફીલિંગની જવાબદારી ઉપાડીએ છીએ. એનો અર્થ એ નથી કે આપણે બીજા લોકોની ઉપેક્ષા કરીએ છીએ. વાસ્તવમાં, તંદુરસ્ત સંબંધનો અર્થ જ એ થાય છે કે બે વ્યક્તિ તેમની હદ નક્કી કરે છે અને તેની ભીતર એકબીજાને પૂરતી મોકળાશ આપે છે.

"Boundaries define what is me and what is not me. A boundary shows me where i end and someone else begins, leading me to a sense of ownership."
- *Henry Cloud, Boundaries.*

📌 અરુણાચલ પ્રદેશ PSC પેપર

#Paper

તમે ઓફિસમાં કામ કરીને ઊભા થાવ ત્યારે તમારા ટેબલ પર પડેલા કાગળિયા, પેન-પાણીની બોટલ, એસીનું રિમોર્ટ આ બધું બરાબર પાછું એની જગ્યાએ બરાબર ગોઠવ્યા બાદ જ કેબિનમાંથી બહાર નીકળો? કે તમારો પટાવાળો બધું સરખું કરી દે?

તમે સવારે ઊંઘમાંથી ઊભા થયા હોવ ત્યારે બેડ પર આમતેમ પડેલા તકિયા-તમારું કંબલ આ બધાની ઊઠીને તરત ઘડી કરી, બેડ વ્યવસ્થિત કર્યા પછી જ રૂમની બહાર નીકળો? કે પહેલા ચા પીઓ-પછી બધા કામ?

એ છોકરો વર્લ્ડ ચેમ્પિયન બન્યો. અઢાર વર્ષની ઉંમરે તમે વર્લ્ડ ચેમ્પિયન બનો-ત્યારે ખુશીથી ઉછળી પડો, ચીસો પાડો, બૂમો પાડો, કૂદાકૂદ કરી મૂકો….અઢાર વર્ષનાં એણે આમાનું કંઇ કર્યું નહીં. એની સામેનો ખેલાડી લિરેન ડિફેન્ડિંગ ચેમ્પિયન હતો, એ હારવાની સાથે તરત ખુરશી પરથી ઊભો થઇ જતો રહ્યો-પણ માત્ર અઢાર વર્ષની ઉંમરે વર્લ્ડ ચેમ્પિયન બનેલો એ ત્યાં જ બેસી રહ્યો, રડતો રહ્યો ! એની સાથે ઘણાંએ હાથ મેળવ્યા પણ એ અભિનંદન સ્વીકારી ફરી પાછો ખુરશી પર બેસી ગયો અને ચેસ બોર્ડ પરનાં પ્યાદાને ફરી પાછા વ્યવસ્થિત ગોઠવવા માંડ્યો, એણે આખું બોર્ડ સરખી રીતે ગોઠવ્યું, ખુરશી પરથી ઊભો થયો અને ખુરશી પણ સરખી ગોઠવી ! મિટીંગ પૂરી થયા પછી ખુરશીને કોઇપણ દિશામાં ફરતી મૂકી દેનારાઓને આ વાત નહીં સમજાય.

આપણે પણ આવી એક ચેમ્પિયનશીપ રમતા હોઇએ છીએ. જમ્યા પછી થાળી ટેબલ પર જ મૂકી રાખવાની ચેમ્પિયનશીપ, અસ્તવ્યસ્ત ટેબલ-કપડાંઓ-ઘડી નહીં વળાયેલા કંબલથી બેડને અસ્તવ્યસ્ત રાખવાની ચેમ્પિયનશીપ, પટાવાળો ટેબલ સાફ કરી લેશેનાં ગુમાનની ચેમ્પિયનશીપ !!!

પણ વિશ્વ-વિજેતા એમનેમ બનાતું નથી !

અઢાર વર્ષનો દોમ્મારાજુ ગુકેશ ચેસમાં વર્લ્ડ ચેમ્પિયન બનવાની સાથે-સાથે “સંસ્કારનો વિશ્વકપ” પણ જીત્યો, “શિસ્તનો વિશ્વકપ”પણ જીત્યો !!

કોંગ્રેચ્યુલેશન્સ ગુકેશ દોમ્મારાજુ !

-એષા દાદાવાળા

RRB Exam Dates

#RRB #Exam

*મોર્નિંગ મ્યુસિંગ્સ:*

"જ્ઞાની કે પ્રબુદ્ધ વ્યક્તિની વાતોમાં જે જ્ઞાનત્વ કે પ્રબુદ્ધત્વ દેખાય છે, એ એના વર્તનમાં કે વ્યવહારમાં કેમ દેખાતું નથી?"

સાદી ભાષામાં, આ કથની અને કરણીનો ફરક છે. એનું કારણ એ છે કે મોટાભાગનું જ્ઞાન માથામાં જ રહી જાય છે, તે માથા નીચેના ભાગમાં (એટલે કે ઇન્દ્રિયોમાં) નથી ઉતરતું. કથનીમાં ખાલી જીભ હલાવાની હોય છે, કરણીમાં મહેનત કરવી પડતી હોય છે.
૯૯ ટકા લોકોનું જ્ઞાન કાં તો દુનિયાને બતાવવા માટે હોય છે અથવા ધંધો કરવા માટે હોય છે.
કથિત રીતે જ્ઞાની લોકોને માપવાનો મારી રીત બહુ સીધી છે. હું જાતને એક પ્રશ્ન પૂછું છું; આ વ્યક્તિ સાથે હું જીવન પસાર કરી શકું? જવાબ જો "હા" હોય, તો મારા માટે તે અસલી જ્ઞાની છે. "ના" હોય, તો મારા જેવો પામર છે.
આપણી લાગણીઓ અને વૃત્તિઓ કરોડો વર્ષ જૂની છે. માણસ જ્યારે ગુફામાં રહેતો ત્યારથી તેનામાં ઇર્ષ્યા, લાલચ, કામવાસના, ક્રોધ, સ્વાર્થ, ડર વગેરે વૃત્તિઓ છે.
માણસ પહેલેથી ઇન્દ્રિયો માટે જીવતો હતો. મગજ પછી આવ્યું, અને તે પણ ઇન્દ્રિયોને સંતોષવા માટે જ.
જ્ઞાન માણસની મૂળભૂત મૌલિક જરૂરિયાત નથી. જ્ઞાન એક સામાજીક જરૂરિયાત છે, જેથી બીજા લોકોની તુલનામાં સારી રીતે જીવી શકાય.

બીજી રીતે કહેવું હોય તો, જ્ઞાની માણસને પણ ઇર્ષ્યા થાય અને તેને પણ સ્વપ્નદોષ થાય. એટલે, તેનું જ્ઞાન મંચ પર બેસીને પોતાને ચડિયાતા સાબિત કરવા માટે અથવા પૈસા કમાવા માટે જ હોય છે, જીવવા માટે નહીં. અસલી જ્ઞાની એટલે જેણે ઇન્દ્રિયો પર વિજય મેળવ્યો છે તે (જિનેશ્વર). બાકી બધું જ્ઞાન માર્કેટિંગ છે.
ટૂંકમાં, જ્ઞાન હોવું તે જ્ઞાની હોવાની નિશાની નથી.