મોર્નિંગ મ્યુસિંગ્સ:
નવા વર્ષે, જીવનને સુખી બનાવવાની ચાર શુભેચ્છાઓ:

1. આ ત્રણ આદતો છૂટે:
જંક ફૂડ, આળસ, તુતુ-મૈં મૈં

2. આ ત્રણ લાગણીઓ છૂટે:
ઈર્ષ્યા, અહંકાર, ગુસ્સો

3. આ ત્રણ લોકો છૂટે:
અસલામત, અસંવેદનશીલ અને નાસમજ

4. આ ત્રણ ગુલામી છૂટે:
સોશ્યલ મીડિયા, વેલિડેશન, આત્મમુગ્ધતા

નૂતન વર્ષાભિનંદન... 💥🎆🎇💫

મોર્નિંગ મ્યુસિંગ્સ:
અમુક લોકોને, તેમની જાણ બહાર, કેવી રીતે ઓળખી લેવાય?
- જે લોકો પગ ક્રોસ કરીને વાત કરે, તો માનવું કે તેમનો સ્વભાવ આક્રમક અને ધોંસ જમાવાનો હશે.
- જે લોકો બોલતી વખતે આંખ ના મિલાવતા હોય, તેમને તમારામાં રસ નથી અથવા અસ્વસ્થ છે.
- જે લોકો બોલતી વખતે માથું એક તરફ નમાવે, તો માનવું કે તેઓ તમારામાં બહુ રસ લઈ રહ્યા છે.
- જે લોકો બોલતી વખતે વાંરવાર તેમની હડપચીને અડતા હોય, તે લોકો ફૂંકી ફૂંકીને વિચારતા કે વર્તતા હોય.
- જે લોકો બોલતી વખતે ચહેરા, મોંઢા કે ગળાને અડતા હોય, તો તેઓ જૂઠું બોલતા હોય તેવું શક્ય છે.
- જે લોકો અદબવાળીને વાત કરે તે જિદ્દી સ્વભાવના અથવા "પેક"હોય.
- જે વ્યક્તિ ત્રણ સેકન્ડથી વધુ વાર આશ્ચર્યચકિત રહે, તો માનવું કે તે નાટક કરે છે.
- કોઈ વ્યક્તિ સાવ ફાલતું વાત પર બહુ હસે તો તે અંદરથી એકલવાયી હોય
- જે વ્યક્તિ નજીક આવીને વાત કરતી હોય તે તમારાથી કમ્ફર્ટેબલ છે, અંતર રાખે તે અનકમ્ફર્ટેબલ છે.
- જે વ્યક્તિ બોલતી વખતે તમારા જેવા જ હાવભાવ કરવા લાગે, તો માનવું કે ઉત્તમ સંવાદ થઈ રહ્યો છે.

સુપ્રભાત.. 💐🌞💐

મોર્નિંગ મ્યુસિંગ્સ:
"જ્યારે આપણે દુ:ખી હોઈએ, અને અચાનક આપણા પરિચિત કે મિત્ર આપણી કરતા વધુ દુ:ખી અવસ્થામાં હોય, તો આપણે કેમ તરત જ સારું ફીલ કરવા લાગીએ?"

વ્યક્તિને દુઃખી જોઈને દુઃખી થવું તેને સહાનુભૂતિ કહે છે, પરંતુ કોઈના દુઃખે (અંગત રીતે) સુખ મહેસૂસ કરવું પણ એટલું જ વ્યાપક છે. આવું લાગવું ખરાબ નથી.
બીજી વ્યક્તિના ભોગે ખુશ થવું આપણી ઇવોલ્યુશનરી પ્રક્રિયામાં નિહિત છે. એટલે આ પ્રશ્ન અસ્થાને નથી.
કોઈ વ્યક્તિ મારા કરતાં વધુ દુઃખી હોય, તો આપણને રાહતની લાગણી થાય છે કારણ કે આપણને આપણું દુઃખ નાનું અને સહ્ય લાગવા માંડે છે.
મનોવિજ્ઞાનમાં, તેના માટે એક શબ્દ છે: Schadenfreude. જર્મન શબ્દ છે, અને ઉચ્ચાર છે shaw-den-froy-da. અર્થ થાય છે, બીજાના દુર્ભાગ્યથી રાહત અનુભવવી. બીજી વ્યક્તિને તકલીફમાં જોઈને આપણું મન પોતાને તે વ્યક્તિની સ્થિતિમાં કલ્પે છે અને "હું તેવી તકલીફમાં નથી" તેવી સભાનતાથી રાહત અનુભવે છે.
તેને ગુરુતાનો ભાવ પણ કહે છે કારણ કે બીજાના દુર્ભાગ્યથી આપણે એવી ગુરુતાનો અહેસાસ કરીએ છીએ કે મારી સાથે આવું નથી થયું.
આનું સૌથી પ્રચલિત ઉદાહરણ કોઈ વ્યક્તિનું કેળાની છાલ પરથી લપસી પડવાનું છે. તેને જોનારાઓ સહજ રીતે હસી પડે છે, કારણ કે તેમનું મન એવી કલ્પના કરે છે હું આવી રીતે ના લપસી પડું.
ક્રિકેટમાં, હરીફ ટીમ હારી જાય તો બીજી ટીમના સમર્થકો તેમના દુઃખથી બહુ ખુશ થાય છે. (ભારત અને પાકિસ્તાન)
આશ્ચર્યજનક રીતે, બાળકોમાં આ વૃત્તિ બહુ સક્રિય હોય છે. તેમનામાં સહાનુભૂતિ વિકસી નથી હોતી, એટલે તેમના દોસ્તારને પડવા વાગવાનું દુઃખ થાય ત્યારે તેઓ તાળીઓ પાડવા લાગે છે.

RRB NTPC under graduate total form

4th State Finance Commission
અધ્યક્ષ - યમલભાઈ વ્યાસ

મોર્નિંગ મ્યુસિંગ્સ:
ડરનું મૂળ અણઆવડતમાં નહીં, અનુભવના અભાવમાં હોય છે.
"મને તો આ કરતાં બહુ ડર લાગે છે" તેનો અર્થ એ નથી કે તે કરવાની ક્ષમતા નથી, તેનો અર્થ એ છે કે એ ક્યારેય કર્યું હોવાનો અનુભવ નથી.
ડરનો ઉકેલ તેને ટાળવામાં નથી હોતો, તેનાંથી પસાર થવામાં છે. અનુભવ ડર દૂર કરે છે. અનુભવના અભાવમાં ડર આપણને આપણા લક્ષ્યથી દૂર રાખે છે કારણ કે આપણે પ્રયાસથી વંચિત રહીએ છીએ. 
ઘણા લોકો કહેતા હોય છે કે તેમનામાં લક્ષ્ય હાંસલ કરવાની ક્ષમતા નથી અથવા તેઓ ખુબ વ્યસ્ત છે અથવા બીજી-ત્રીજી પ્રાથમિકતાઓ આડી આવે છે. આ ક્ષમતાની અભાવની નિશાનીઓ નથી, આ ડરની નિશાનીઓ છે.
આત્મવિશ્વાસ વગરની વ્યક્તિ જાતનો બચાવ કરવા માટે જાતભાતનાં બહાનાં શોધી કાઢે છે કારણ કે તે અનુભવથી બચે છે.
ડરના કારણે આપણે કામકાજમાં, સંબંધોમાં, ઈચ્છિત જીવન જીવવામાં પહેલ નથી કરતા, અને "મારું તો નસીબ જ આવું છે" એવું માનીને આપણે આપણી ક્ષમતા કરતાં ઉતરતા જીવન સાથે સમજૂતી કરી લઈએ છીએ.
ડર જીવન વિરોધી છે, આત્મવિશ્વાસ જીવન તરફી છે.

#Gsrtc #List

મોર્નિંગ મ્યુસિંગ્સ:
આફ્રિકામાં, ઘાસના વિશાળ મેદાની ઇલાકાઓમાં એક કહેવત છે: ચિંકારાને રોજ સવારે વિચાર આવે છે કે તેણે આજે સિંહને માત આપવી પડશે, નહીં તો તેનું મોત થઈ જશે. સિંહને રોજ સવારે વિચાર આવે છે કે તેણે આજે ચિંકારાને પછાડવું પડશે, નહીં તો ભૂખ્યા રહેવું પડશે.

આપણા જીવનમાં પણ એવું છે. સફળતા રોજની લડાઇ છે. એમાં આરામ નથી હોતો.
રોજે રોજ આપણી લડાઈઓ તીવ્ર બને છે. એમાં નિષ્ફળતાને અવકાશ નથી હોતો, નહીં તો જીવન સમાપ્ત થઈ જાય. રોજની લડાઈ વધુ સફળતા લાવે છે અને એ સફળતાને ટકાવી રાખવા માટે બમણી મહેનત કરવી પડે છે.
સફળતા જેમ વધે, તેમ દાવ મોટો થાય છે, અપેક્ષાઓ વધે છે, લોકોની તમારી પર નિર્ભરતા વધે છે.
હું આજે સફળ થયો એટલે હવે આવતીકાલની ચિંતા મટી, એવું નથી થતું.
ચિંકારા અને સિંહની જેમ, રોજ એક નવી સફળતા સર કરવી પડે છે. એટલા માટે સફળતા ખાવાના ખેલ નથી. સફળતા સિંહની સવારી છે. ઉતરો તો તમને ખાઈ જાય, એટલે ઉપર બેસી રહેવું પડે.