મોર્નિંગ મ્યુસિંગ્સ (રવિવાર સ્પેશયલ):
ઈચ્છાશક્તિ એટલે શું? ઈચ્છાની તાકાત, રાઈટ? તો પછી, કોઈ એક ચોક્કસ ઈચ્છા કેટલી તાકતવર હોય? બીજી કોઇ એક ઈચ્છા નબળી પણ હોય? 
ધારો કે, તમને સિગારેટ પીવાનું વ્યસન છે અને તમારે તે છોડવું છે. "સિગારેટ છોડવી છે" તેને ઈચ્છા કહેવાય. તેમાં કેટલી તાકાત હોય? 
સિગારેટ સાથે આવી અનેક "પેટા-ઈચ્છાઓ" જોડાયેલી છે. જેમ કે- મજા આવે છે એટલે પીવી છે, સ્ટ્રેસ છે એટલે પીવી છે, મિત્રોને ખૂશ કરવા પીવી છે, વ્યવસાયિક સંબંધો કેળવવા માટે પીવી છે, ટાઇમ પાસ કરવા પીવી છે, ખાધા પછી પીવી છે, પાર્ટી છે એટલે પીવી છે વગેરે. 
આ બધી પણ ઈચ્છાઓ જ છે. હવે, તેમાં નવી ઈચ્છા જોડાઇ; "સિગારેટ છોડવી છે." એક તરફ સિગારેટ પીવાની અલગ અલગ ઈચ્છાઓ, અને બીજી તરફ સિગારેટ છોડવી છે તેની ઈચ્છા. બીજી બધી ઈચ્છાઓ બહુમતીમાં છે, કારણ કે તેઓ એક જ "પરિવાર"ની છે. આ નવી લઘુમતીમાં છે, કારણ કે "પર નાત"ની છે. બહુમતી ઈચ્છાઓ તેમની તાકાતના જોરે એકલી અટૂલી ઈચ્છાને દબડાવે રાખે છે. જ્યારે પણ એકલી ઈચ્છા માથું ઊંચું કરે છે, તમારો મિત્ર અથવા બિઝનેસ પાર્ટનર અથવા ઓફિસનો બોસ તમને સિગારેટ ધરે છે, અને તમે ના નથી પાડી શકતા. 
દર વખતે તમે જાતને આશ્વાસન આપો છો કે "આજે આ છેલ્લી," પણ બીજા દિવસે કોઈને કોઈ પ્રસંગ ઊભો થાય છે, અને પેલી બિચારી એકલવાયી ઈચ્છા માથું નમાવીને બેસી જાય છે. જેટલી વખત બહુમતી વાળી ઈચ્છા જીતે છે, તેનાં બાવડાં મજબુત થાય છે, અને લઘુમતી વાળી ઈચ્છા વધુ કમજોર પડતી જાય છે.
કહેવાનો ભાવાર્થ એટલો જ કે, ઈચ્છાશક્તિ એકલી પૂરતી નથી, તેના માટે માહોલ અનિવાર્ય છે. મહોલ ઈચ્છાશક્તિ કરતાં વધુ તાકાતવર હોય છે. ઈચ્છાશક્તિ શરીરના સ્નાયુ જેવી હોય છે. તમે તેને ગમે તેટલી ફૂલાવે રાખો, અંતત: તે થકાન મહેસૂસ કરવા લાગે છે, અને તમારે તેને ટકાવી રાખવા માટે ઉપસ્થિત મહોલ પર નિર્ભર થવું પડે છે.

"If we do not create and control our environment, our environment creates and controls us."
—Benjamin Hardy, Willpower Doesn't Work

*🔥Current Affairs🔥*
➖➖➖➖➖➖➖➖➖➖➖
*🗞️Date:-01-09-2024 થી 15-09-2024🗞️*

⭕તાજેતરમાં સમાચારમાં છપાયેલો કાર્યક્રમ પ્રેરણા કયા મંત્રાલય દ્વારા શરૂ કરવામાં આવ્યો છે❓
*☑️શિક્ષણ મંત્રાલય*

⭕હાલમાં કેન્દ્ર સરકાર દ્વારા રજૂ કરાયેલી રાષ્ટ્રીય જંતુ સતર્કતા પ્રણાલી એટલે કે NPSSનો મકસદ શું છે❓
*☑️જંતુનાશકોના છૂટક વેપારીઓ પરનું ખેડૂતોનું અવલંબન ઘટાડવું*

⭕તાજેતરમાં સમાચારમાં જોવા મળેલું કેલિફોર્નિયમ શું છે❓
*☑️ભારે કિરણોત્સર્ગી તત્ત્વ*

⭕થોડા સમય પહેલા સમાચારોમાં ચમકી ગયેલી જીઓ પારસી યોજના શું છે❓
*☑️પારસીઓની વસતિના ઘટાડાને ઉલટાવવાનું*

⭕ડિસબાયોસિસ શું છે❓
*☑️માઈક્રોબાયોમમાં અસંતુલન*

⭕ખૂબ ચર્ચામાં રહેલું ચાંદકા વન્યજીવ અભયારણ્ય દેશના કયા રાજ્યમાં આવેલું છે❓
*☑️ઓડિશા*

⭕કેન્દ્રીય જળ આયોગ એટલે કે CWC દ્વારા વિકસવાયેલું પૂરની સ્થિતિ પર નજર રાખવાનું એપ કયા મંત્રાલયે લોકાર્પિત કર્યું❓
*☑️જળશક્તિ મંત્રાલય*

⭕વનસ્પતિશાસ્ત્રી મધુસુદન ખનન દ્વારા ભારતના સિક્કિમ ખાતેના ફેમબોન્ગલ્હો અભ્યારણ્ય ખાતે ઓર્કિડની એક નવી જાતિની શોધ કરી છે આ જાતિનું નામ શું રાખવામાં આવ્યું છે❓
*☑️ગેસ્ટ્રોડિયા ઈન્ડિકા*

⭕ભારતમાં ઇલેક્ટ્રિક માઈક્રો કાર ક્યારે લોન્ચ થશે❓
*☑️2025*
*☑️આ નાની ઇલેક્ટ્રિક કારને રોબિન નામ અપાયું છે*
*☑️વિંગ્સ ઈવી નામની સ્ટાર્ટ અપ કંપની દ્વારા જેના સ્થાપક પ્રણવ દાંડેકર અને તેમના પિતા પ્રકાશ દાંડેકર છે*

⭕તાજેતરમાં જાપાનમાં આવેલ વવાઝોડું❓
*☑️શેનશાન*

⭕જે ગામની તમામ વિદ્યાર્થીનીઓ ધો.12 સુધી ભણે તે પંચાયતને સહાય મળશે.ગુજરાત સરકારની આ નીતિનું નામ શું છે❓
*☑️નારી ગૌરવ નીતિ-2024*

⭕તાજેતરમાં મુખ્યમંત્રી ભુપેન્દ્રભાઈ પટેલે કેટલામો રાષ્ટ્રીય પોષણ માહનો રાષ્ટ્રવ્યાપી પ્રારંભ કરાવ્યો❓
*☑️સાતમો*

⭕ગુજરાતના જાણીતા ઇતિહાસકાર અને લેખક જેમનું હાલમાં નિધન થયું❓
*☑️મકરંદ મહેતા*

⭕સ્વચ્છ વાયુ સર્વેક્ષણ-2024 અંતર્ગત દેશના 131 શહેરોમાં સૌથી વધુ સ્વચ્છ શહેર કયું છે❓
*☑️ગુજરાતનું સુરત*

⭕ભારતીય વાયુસેના અને બીજા આઠ દેશો દ્વારા રાજસ્થાનના જોધપુર એરફોર્સ સ્ટેશન પર ચાલી રહેલી હવાઈ કવાયતનું નામ શું છે❓
*☑️તરંગ શક્તિ - 2024*

⭕તાજેતરમાં ફ્રાન્સના વડાપ્રધાન પદે કોની નિમણૂક કરવામાં આવી❓
*☑️મિશેલ બાર્નિયે*

⭕ગાંધીનગર ખાતે આવેલી ટીચર્સ યુનિવર્સિટીના કુલપતિ તરીકે કોની નિમણૂક કરવામાં આવી❓
*☑️સરોજ શર્મા*

⭕તાજેતરમાં ચીન તથા વિયેતનામમાં આવેલ વિનાશક વવાઝોડું❓
*☑️યાગી*

⭕ફૂટબોલમાં 900 ગોલ ફટકારનારો વિશ્વનો પ્રથમ ખેલાડી કોણ બન્યો❓
*☑️પોર્ટુગલનો રોનાલ્ડો*

⭕8 સપ્ટેમ્બર➖વર્લ્ડ ફિઝિયોથેરાપી ડે

⭕યુએસ ઓપન મહિલા સિંગલ્સ ટેનિસમાં પ્રથમવાર કઈ ખેલાડી ચેમ્પિયન બની❓
*☑️બેલારુસની આર્યના સબાલેન્કા*
*☑️અમેરિકાની સીડ જેસિકા પેગુલાને હરાવી*

⭕તાજેતરમાં કયા દેશમાં દુષ્કાળના કારણે ભયાનક ભૂખમરો ફેલાયો હોવાથી નાગરિકોના પેટ ભરવા માટે 700 વન્ય પશુઓને મારી નાખવાનો નિર્ણય લેવામાં આવ્યો છે❓
*☑️નામીબિયા*

⭕પેરિસ પેરાલિમ્પિક 2024👇🏻
*☑️ભારત મેડલ ટેબલમાં 18માં સ્થાને*
*☑️ભારતના કુલ 29 મેડલ, જેમાં 7 ગોલ્ડ, 9 સિલ્વર અને 13 બ્રોન્ઝ*
*☑️ચીન 220 મેડલ સાથે પ્રથમ સ્થાને (94 ગોલ્ડ, 76 સિલ્વર, 50 બ્રોન્ઝ)*

⭕10 સપ્ટેમ્બર➖વિશ્વ આપઘાત નિવારણ દિવસ

⭕યુએસ ઓપન પુરુષ સિંગલ્સમાં કયો ખેલાડી ચેમ્પિયન બન્યો❓
*☑️ઈટાલીના જેનિક સીનર*
*☑️અમેરિકાના ટેલર ફ્રીટઝને હરાવ્યો*

⭕તાજેતરમાં વડાપ્રધાન નરેન્દ્ર મોદીએ સેમિકોન ઇન્ડિયા 2024નું ઉદ્દઘાટન ક્યાં કર્યું❓
*☑️ગ્રેટર નોઈડા*

⭕દેશની પહેલી સ્વદેશી વંદે મેટ્રો ટ્રેન કયા બે સ્થળ વચ્ચે દોડશે❓
*☑️અમદાવાદ-ભુજ*

⭕સ્વાસ્થ્ય વીમા યોજના 'આયુષ્માન ભારત' માં કેટલા વર્ષથી વધુ ઉંમરના તમામ લોકોને લાભ અપાશે❓
*☑️70થી વધુ*

⭕ગુજરાત સરકારે જાહેર કરેલા નવા ઠરાવ આધારિત નિયમ મુજબ કઈ તારીખ પછી થયેલી જમીનોની લે-વેચનો રેકોર્ડ માન્ય ગણાશે❓
*☑️6 એપ્રિલ, 1995*
*☑️આ પહેલા 1951-52 ખરાઈપત્રો રજૂ કરાતા*

⭕કેન્દ્રશાસિત પ્રદેશ અંદમાન-નિકોબારની આઇલેન્ડ સમૂહની રાજધાની પોર્ટબ્લેરનું નામ બદલીને શુ કરવામાં આવ્યું❓
*☑️શ્રી વિજયપુરમ*

⭕કઈ સંસ્થાએ તાજેતરમાં ઊર્જા મંત્રાલય દ્વારા લોકાર્પિત કરાયેલા પ્રોમ્પ્ટ, ડ્રિપ્સ અને જલવિદ્યુત ડીપીઆર જેવા ઓનલાઈન પ્લેટફોર્મ વિકસાવાયા છે❓
*☑️સેન્ટ્રલ ઇલેક્ટ્રિસિટી ઓથોરિટી-CEA*

⭕હાલમાં સમાચારમાં છપાયેલો જળવિદ્યુત પ્લાન્ટ તિસ્તા-વી કયા રાજ્યમાં આવેલો છે❓
*☑️સિક્કિમ*

⭕વર્તમાન સમયમાં સમાચારોમાં છવાયેલો શબ્દ, સ્લો લોરિસ શું છે❓
*☑️પ્રાઈમેટ*

⭕યુરોપિયન સંગઠન સાથે ધ્રુવીકરણ અંગે ઓનલાઈન પરિષદનું આયોજન કરનાર દેશ કયો ❓
*☑️ભારત*

⭕હાલમાં વિજ્ઞાનીઓએ કયા ગ્રહ પર પ્રવાહી સ્વરૂપમાં પાણી શોધી નાંખ્યું છે❓
*☑️મંગળ*

⭕નેટ ઝીરો કાર્બન ઉત્સર્જન એરપોર્ટનું સ્ટેટ્સ દેશના કયા એરપોર્ટને હાલમાં મળ્યું❓
*☑️ઇન્દિરા ગાંધી ઇન્ટરનેશનલ એરપોર્ટ, નવી દિલ્હી*

⭕તાજેતરમાં નીતિ નિર્માણ ફોરમની પહેલી બેઠક ક્યાં થઈ❓
*☑️નવી દિલ્હી*

⭕તાજેતરમાં ઊર્જા સહકાર માટે ભારતે કયા દેશ સાથે સમજૂતી કરી❓
*☑️અમેરિકા*

⭕ITBP (ભારતીય-તિબેટ સરહદ પોલીસ)ના વડાપદે કોની નિમણૂક કરાઈ❓
*☑️સંજીવ રૈના*
➖➖➖➖➖➖➖➖➖➖➖
💥💥

પીએસઆઇ તથા લોકરક્ષક ભરતીની શારીરિક કસોટી 15 નવેમ્બરની આસપાસ શરૂ થશે. તે પછી ઝડપથી લેખિત પરીક્ષા લેવામાં આવશે.
-Hasmukh Patel IPS,GPRB
#PSI #LRD #Police

નથી મેચીંગ થતો કોઈ દિવસ ,આ ખાખી ઉપર કેમ ?
બધાને વાર-તહેવાર અને અમારે જ તૈયારી કેમ?

નવરાત્રી ના શોખ અમારે અને તમારે બધાને જ સેમ ?
પણ આ ખુલ્લી ગલીઓ મા મુંઝવણ અમારે જ કેમ ?

નથી જરુર માં ને કોઈ આસ દિકરાના રુણની ?
છતા તૈયારી કાજે માં બાપ થી દૂર અમો જ કેમ ?

દિકરી પૂછે બધાના પપ્પા ઘરે અને તમે લાયબ્રેરિએ કેમ ?
"ખુલાસા" કરવામાં માહેર છું,પણ આ ખુલાસો થય શકે કેમ ?

જેનામાં ખોટ ખાવાની તાકાત હશે એક દિવસ જરુર નફો કમાસે.... મુંઝાતા નહી સાવજો.. આવતા ગ્રાઉન્ડ માં તો શું ટ્રેનીંગમાં ટક્કર મારવાની છે.. શું કેવું યશપાલસિંહ?

સમય વય જશે પળવારમાં,
   તમે રખડી પડશો દેખાદેખી કરવામાં,
આ મેચીંગ કરવામાં હવે તો વળો પાછા,
   તમે પણ પસ્તાશો આ જમાનામાં.

મિત્રો લડી લેજો... આજ થી કરો મજબૂત નિર્ણય અને ખાખી પામવા જપલાવો લાગી પડો..

જય માતાજી
✍ ભવાનીસિંહ ચૌહાણ (સાહિત્યકાર)

મોર્નિંગ મ્યુસિંગ્સ: 

"શિસ્ત (આત્મસંયમ) કેમ અઘરી બાબત હોય છે?"

આપણે ઇન્દ્રિયજીવી માણસ છીએ. પ્રકૃત્તિએ, બાકી તમામ જીવની જેમ, આપણામાં ઇન્દ્રિયોને સંતુષ્ટિ કરવાની પ્રાથમિકતા મૂકી છે. જીવો હંમેશા સંતુષ્ટિ શોધે છે. તો પછી, અન્ય જીવોમાં સંયમની જરૂર કેમ નથી? 
ફરક એ છે કે બીજા જીવોથી વિપરીત, આપણી અંદર એક એવું મગજ પણ છે, જે બધુ યાદ રાખે છે અને પૂર્વાનુમાન પણ કરી શકે છે. મતલબ કે, આપણે ઇન્દ્રિયોના આનંદને યાદ રાખીએ છીએ અને શેમાંથી મળશે તેનું અનુમાન પણ કરી શકીએ છીએ. બીજા જીવો શરીરની જરૂરીયાત હોય ત્યારે ઇન્દ્રિયોને સંતોષે છે, આપણે મનની જરૂરીયાત ત્યારે ઇન્દ્રિયોને સંતોષીએ છીએ.

દાખલા તરીકે, એક જંગલી જાનવર ત્યારે જ શિકાર કરે છે, જ્યારે તેને ભૂખ લાગી હોય. આપણે ભૂખ લાગી જે એટલે નહિ, મજા આવે છે એટલે પણ ખાઈએ છીએ. એવી જ રીતે, અન્ય જીવો શરીરને ખપ હોય તેટલું જ ઊંઘે છે, પણ આપણે મજા આવે છે એટલે પણ ઊંઘીએ છીએ. આ કારણે આપણી અંદર આનંદની અતિશયોક્તિ થઈ છે, અને તેને નિયંત્રીત કરવા માટે શિસ્તની જરૂરીયાત ઉભી થઇ છે.
પરીણામે, આપણી અંદર સંતુષ્ટિ અને શિસ્ત વચ્ચે કાયમી સંધર્ષ છે. આપણું મગજ આનંદને શોધે છે અને કષ્ટને ટાળે છે. આ સંઘર્ષના કારણે આપણે શિસ્તમાં સાતત્ય અને એકાગ્રતા જાળવી શકતા નથી. દાખલા તરીકે, સવારે વહેલા ઊઠીને ચાલવા જવું અથવા એક દિવસ ભૂખ્યા રહેવું કષ્ટ દાયક છે. ઉપરાંત, નહીં ચાલવા જવા માટે ઘણાં કારણો અને વિક્ષેપ પણ ઉપલબ્ધ છે, જયારે ખાવા માટે લાલચ થઈ જાય તેવો મહોલ પણ છે. આનાથી આપણો સંઘર્ષ ઔર વકરે છે.

શિસ્ત અથવા સંયમ અઘરો હોય છે તેનું સૌથી મોટું કારણ એ છે કે તેનો ફાયદો તાબડતોબ નથી. ઉપરનું જ ઊદાહરણ લઈએ તો, સવારે ચાલવા શા માટે જવું જોઈએ અથવા ભૂખ્યા શા માટે રહેવું જોઈએ? કારણ કે તેનાથી વજન ઉતરે છે. ક્યારે? એ ખબર નથી. તેની સામે, પથારીમાં સુઈ રહેવાનો અથવા ભાવતું ભોજન ખાવાનો આનંદ તત્ક્ષણ છે. ઇન્દ્રિયો વર્તમાનમાં સંતુષ્ટ થાય છે અને શિસ્તનો લાભ ભવિષ્યમાં થાય છે તે વિસંગતિના કારણે શિસ્ત મુશ્કેલ બની જાય છે.

એટલા માટે શિસ્ત કેળવવા માટે લાંબા ગાળાની ઉચિત વ્યૂહરચના ઘડવી પડે, જેથી તાબડતોબ સંતુષ્ટિની લાલચમાંથી બચી જવાય અને ભવિષ્યના લાભ માટે ધીરજ વિકસિત થાય.