📌GOV. HIGHER SECONDARY TEACHER R.R.

મોર્નિંગ મ્યુસિંગ્સ:
દુનિયાના સૌથી સફળતમ લોકો વિશે જેટલું વાંચ્યું છે, તે પરથી તે સૌમાં આ દસ નોંધપાત્ર આદતોનું સામ્ય જોવા મળ્યુ છે:
૧. એ લોકો નિયમિત રીતે વાંચતા હોય છે
૨. નિયમિત વ્યાયામ કરતા હોય છે
૩. તેમનામાં જિજ્ઞાસા ભારોભાર હોય છે
૪. તેમનો આત્મવિશ્વાસ ગજબનો હોય છે
૫. તેમની આજુબાજુમાં પ્રતિભાશાળી લોકો હોય છે
૬. તેઓ દરેક બાબતમાં શ્રેષ્ઠતાનો આગ્રહ રાખતા હોય છે
૭. તેમનામાં ખૂબ ધૈર્ય હોય છે
૮. તેમના વિચારોમાં રચનાત્મકતા હોય છે
૯. તેમની એકાગ્રતા મજબુત હોય છે
૧૦. તેઓ ફાલતુ બાબતોમાં સમય બરબાદ નથી કરતા 

મોર્નિંગ મ્યુસિંગ્સ:
માણસની મેચ્યોરિટીની 10 નિશાની કઈ?

મેચ્યોરિટી એટલે શારીરિક, ભાવનાત્મક, બૌધ્ધિક અને સામાજીક રીતે સંપૂર્ણપણે વિકસિત અવસ્થા. તેમાં વિવેકબુદ્ધિ, આત્મસંયમ અને જવાબદારીની ભાવના સાથે વર્તન કરવાનો સમાવેશ થાય છે.

વ્યવહારમાં, એવા લોકોમાં આ દસ બાબતો જોવા મળે:

૧. તેમને પોતાના અને બીજાના સમયની કિંમત હોય, એટલે સમયનો અસરકારક સદઉપયોગ કરે.
૨. તેઓ જવાબદારીથી વર્તે. તેમના વિચાર અને વર્તનમાં વિચારશીલતા હોય. તે આળસ ના કરે. અપરિપક્વ વ્યક્તિમાં જવાબદારીની ભાવના ના હોય.
૩. નાનું હોય, મોટું હોય, ટૂંકું હોય, લાંબુ હોય, તેઓ કામને ગંભીરતાથી લે. તેઓ તેમનું શ્રેષ્ઠ યોગદાન આપે. કામચોરી ના કરે.
૪. મતભેદોનું સન્માન કરે. પરિપક્વ વ્યક્તિ બીજાના વિચારો અને લાગણીઓ પ્રત્યે સંવેદનશીલ હોય, અને તેમાંથી શીખે, પણ વિરોધ કે અપમાન ન કરે.
૫. પરિપક્વ લોકોનો ઇગો શાંત હોય. એટલે તે કોઈની વાતો કાપે નહીં, પણ ચૂપચાપ સાંભળે. તેમનામાં સાંભળવાની ક્ષમતા વધુ હોય.
૬. તેઓ અવિચારીપણે ના બોલે. પરિપક્વ લોકોનું મગજ પ્રકૃતિથી સ્થિર હોય, એટલે તેઓ કશું બોલતાં પહેલાં વિચાર કરે. તેમના પર લાગણીઓ હાવી ના હોય.
૭. તેમનામાં બહેતર બનાવાની, નવું શીખવાની, જૂનું સુધારવાની ભાવના હોય. પરિપક્વ લોકોને નવીનતા બહુ ગમે.
૮. તેમનામાં ધૈર્યની ભાવના હોય. તેમને ખબર હોય છે કે ઉતાવળે આંબા નથી પાકતા. તેઓ પ્રયાસો કરતાં રહે, પણ પરીણામ માટે ઉત્તેજિત ના થઈ જાય.
૯. તેઓ કોઈ કામ કે સંબંઘને નિભાવાની ફરજથી દૂર ના ભાગે, પછી ભલે એમાં તકલીફો આવતી હોય. તકલીફોને તેઓ લેશન તરીકે લે.
૧૦. તેઓ તેમના હાથ બહારની બાબતો અંગે ચિંતા ના કરે, પરિવર્તનનો સ્વીકાર કરે, દરેક સ્થિતિમાં હકારાત્મક અભિગમ રાખે, સ્વાસ્થ્યની ઉપેક્ષા ના કરે.

📌Question Paper of the Mains Written Examination (Paper-1, 2, 3 and 4), Advt. No. 42/2023-24, Deputy Section Officer / Deputy Mamlatdar, Class-3

#GPSC #Mains #Paper

💁‍♂GSSSB CCE Exam Result Update

મોર્નિંગ મ્યુસિંગ્સ (રવિવાર સ્પેશયલ):
ઈચ્છાશક્તિ એટલે શું? ઈચ્છાની તાકાત, રાઈટ? તો પછી, કોઈ એક ચોક્કસ ઈચ્છા કેટલી તાકતવર હોય? બીજી કોઇ એક ઈચ્છા નબળી પણ હોય? 
ધારો કે, તમને સિગારેટ પીવાનું વ્યસન છે અને તમારે તે છોડવું છે. "સિગારેટ છોડવી છે" તેને ઈચ્છા કહેવાય. તેમાં કેટલી તાકાત હોય? 
સિગારેટ સાથે આવી અનેક "પેટા-ઈચ્છાઓ" જોડાયેલી છે. જેમ કે- મજા આવે છે એટલે પીવી છે, સ્ટ્રેસ છે એટલે પીવી છે, મિત્રોને ખૂશ કરવા પીવી છે, વ્યવસાયિક સંબંધો કેળવવા માટે પીવી છે, ટાઇમ પાસ કરવા પીવી છે, ખાધા પછી પીવી છે, પાર્ટી છે એટલે પીવી છે વગેરે. 
આ બધી પણ ઈચ્છાઓ જ છે. હવે, તેમાં નવી ઈચ્છા જોડાઇ; "સિગારેટ છોડવી છે." એક તરફ સિગારેટ પીવાની અલગ અલગ ઈચ્છાઓ, અને બીજી તરફ સિગારેટ છોડવી છે તેની ઈચ્છા. બીજી બધી ઈચ્છાઓ બહુમતીમાં છે, કારણ કે તેઓ એક જ "પરિવાર"ની છે. આ નવી લઘુમતીમાં છે, કારણ કે "પર નાત"ની છે. બહુમતી ઈચ્છાઓ તેમની તાકાતના જોરે એકલી અટૂલી ઈચ્છાને દબડાવે રાખે છે. જ્યારે પણ એકલી ઈચ્છા માથું ઊંચું કરે છે, તમારો મિત્ર અથવા બિઝનેસ પાર્ટનર અથવા ઓફિસનો બોસ તમને સિગારેટ ધરે છે, અને તમે ના નથી પાડી શકતા. 
દર વખતે તમે જાતને આશ્વાસન આપો છો કે "આજે આ છેલ્લી," પણ બીજા દિવસે કોઈને કોઈ પ્રસંગ ઊભો થાય છે, અને પેલી બિચારી એકલવાયી ઈચ્છા માથું નમાવીને બેસી જાય છે. જેટલી વખત બહુમતી વાળી ઈચ્છા જીતે છે, તેનાં બાવડાં મજબુત થાય છે, અને લઘુમતી વાળી ઈચ્છા વધુ કમજોર પડતી જાય છે.
કહેવાનો ભાવાર્થ એટલો જ કે, ઈચ્છાશક્તિ એકલી પૂરતી નથી, તેના માટે માહોલ અનિવાર્ય છે. મહોલ ઈચ્છાશક્તિ કરતાં વધુ તાકાતવર હોય છે. ઈચ્છાશક્તિ શરીરના સ્નાયુ જેવી હોય છે. તમે તેને ગમે તેટલી ફૂલાવે રાખો, અંતત: તે થકાન મહેસૂસ કરવા લાગે છે, અને તમારે તેને ટકાવી રાખવા માટે ઉપસ્થિત મહોલ પર નિર્ભર થવું પડે છે.

"If we do not create and control our environment, our environment creates and controls us."
—Benjamin Hardy, Willpower Doesn't Work