FOREST

મોર્નિંગ મ્યુસિંગ્સ:
આપણે ઔસત જીવન જીવીએ છીએ કે વિશિષ્ટ, તે આપણે ઉઠાવેલાં જોખમો પર નિર્ભર કરે છે. જોખમોથી આત્મવિશ્વાસ વધે છે, નવું શીખવા મળે છે, નવા અવસર ખુલે છે, સિદ્ધિનો ભાવ, દ્રઢતા અને ધૈર્ય કેળવાય છે. જો સાધારણ જોખમ ઉઠાવીએ, તો જીવન ઔસત રહે છે. જો અસાધારણ જોખમ ઉઠાવીએ, તો જીવન વિશિષ્ટ બને છે. જોખમ લેવાથી પ્રગતિનો રસ્તો ખૂલે છે, રચનાત્મકતા પેદા થાય છે અને નવી સંભાવનાઓ પ્રગટે છે. જોખમ ન લઈએ, તો જીવન જેવું છે તેવું જ રહે છે. 
આપણે એક જહાજ જેવા છીએ. જહાજ કિનારે લાંગરેલું રહે તો સુરક્ષિત રહે છે, પણ જહાજ તેના માટે બન્યું નથી. તે દરિયો પાર કરવા બન્યું છે, અને દરિયો જોખમોથી ભરેલો હોય છે. જહાજ જેમ જેમ દરિયામાં દૂર જાય છે, તેમ તેમ જોખમોની તીવ્રતા વધે છે, પણ તે સાથે જહાજ તેના લક્ષ્યથી નજીક પણ જાય છે. 
જીવનનું પણ એવું જ છે. તેની ગુણવત્તા આપણે કેવાં જોખમો ઉઠાવીએ છીએ તેના અનુપાતમાં હોય છે. ચાહે કામ કરવાનું હોય, સંબંધ કેળવવાનો હોય, કશું શીખવાનું હોય કે કશું બદલવાનું હોય, જીવનની ખૂબસૂરત ક્ષણો આપણે જે તે સમયે લીધેલાં જોખમોમાંથી આવે છે.

📌GOV. HIGHER SECONDARY TEACHER R.R.

મોર્નિંગ મ્યુસિંગ્સ:
દુનિયાના સૌથી સફળતમ લોકો વિશે જેટલું વાંચ્યું છે, તે પરથી તે સૌમાં આ દસ નોંધપાત્ર આદતોનું સામ્ય જોવા મળ્યુ છે:
૧. એ લોકો નિયમિત રીતે વાંચતા હોય છે
૨. નિયમિત વ્યાયામ કરતા હોય છે
૩. તેમનામાં જિજ્ઞાસા ભારોભાર હોય છે
૪. તેમનો આત્મવિશ્વાસ ગજબનો હોય છે
૫. તેમની આજુબાજુમાં પ્રતિભાશાળી લોકો હોય છે
૬. તેઓ દરેક બાબતમાં શ્રેષ્ઠતાનો આગ્રહ રાખતા હોય છે
૭. તેમનામાં ખૂબ ધૈર્ય હોય છે
૮. તેમના વિચારોમાં રચનાત્મકતા હોય છે
૯. તેમની એકાગ્રતા મજબુત હોય છે
૧૦. તેઓ ફાલતુ બાબતોમાં સમય બરબાદ નથી કરતા 

મોર્નિંગ મ્યુસિંગ્સ:
માણસની મેચ્યોરિટીની 10 નિશાની કઈ?

મેચ્યોરિટી એટલે શારીરિક, ભાવનાત્મક, બૌધ્ધિક અને સામાજીક રીતે સંપૂર્ણપણે વિકસિત અવસ્થા. તેમાં વિવેકબુદ્ધિ, આત્મસંયમ અને જવાબદારીની ભાવના સાથે વર્તન કરવાનો સમાવેશ થાય છે.

વ્યવહારમાં, એવા લોકોમાં આ દસ બાબતો જોવા મળે:

૧. તેમને પોતાના અને બીજાના સમયની કિંમત હોય, એટલે સમયનો અસરકારક સદઉપયોગ કરે.
૨. તેઓ જવાબદારીથી વર્તે. તેમના વિચાર અને વર્તનમાં વિચારશીલતા હોય. તે આળસ ના કરે. અપરિપક્વ વ્યક્તિમાં જવાબદારીની ભાવના ના હોય.
૩. નાનું હોય, મોટું હોય, ટૂંકું હોય, લાંબુ હોય, તેઓ કામને ગંભીરતાથી લે. તેઓ તેમનું શ્રેષ્ઠ યોગદાન આપે. કામચોરી ના કરે.
૪. મતભેદોનું સન્માન કરે. પરિપક્વ વ્યક્તિ બીજાના વિચારો અને લાગણીઓ પ્રત્યે સંવેદનશીલ હોય, અને તેમાંથી શીખે, પણ વિરોધ કે અપમાન ન કરે.
૫. પરિપક્વ લોકોનો ઇગો શાંત હોય. એટલે તે કોઈની વાતો કાપે નહીં, પણ ચૂપચાપ સાંભળે. તેમનામાં સાંભળવાની ક્ષમતા વધુ હોય.
૬. તેઓ અવિચારીપણે ના બોલે. પરિપક્વ લોકોનું મગજ પ્રકૃતિથી સ્થિર હોય, એટલે તેઓ કશું બોલતાં પહેલાં વિચાર કરે. તેમના પર લાગણીઓ હાવી ના હોય.
૭. તેમનામાં બહેતર બનાવાની, નવું શીખવાની, જૂનું સુધારવાની ભાવના હોય. પરિપક્વ લોકોને નવીનતા બહુ ગમે.
૮. તેમનામાં ધૈર્યની ભાવના હોય. તેમને ખબર હોય છે કે ઉતાવળે આંબા નથી પાકતા. તેઓ પ્રયાસો કરતાં રહે, પણ પરીણામ માટે ઉત્તેજિત ના થઈ જાય.
૯. તેઓ કોઈ કામ કે સંબંઘને નિભાવાની ફરજથી દૂર ના ભાગે, પછી ભલે એમાં તકલીફો આવતી હોય. તકલીફોને તેઓ લેશન તરીકે લે.
૧૦. તેઓ તેમના હાથ બહારની બાબતો અંગે ચિંતા ના કરે, પરિવર્તનનો સ્વીકાર કરે, દરેક સ્થિતિમાં હકારાત્મક અભિગમ રાખે, સ્વાસ્થ્યની ઉપેક્ષા ના કરે.

📌Question Paper of the Mains Written Examination (Paper-1, 2, 3 and 4), Advt. No. 42/2023-24, Deputy Section Officer / Deputy Mamlatdar, Class-3

#GPSC #Mains #Paper

💁‍♂GSSSB CCE Exam Result Update