📚 જ્ઞાન કી દુનિયા 📚 62609

1.0K views03:55

મોર્નિંગ મ્યુસિંગ્સ:
"વાલીયા લૂંટારામાંથી વાલ્મિકી ઋષિનું અને તુલસીદાસનું પત્નીમાંથી ભગવાન રામ તરફ જે ઝડપથી આત્મ પરિવર્તન થયું એટલું આજના સમયે ઝડપી આત્મ પરિવર્તન થાય ખરું?"

વાલ્મિકી અને તુલસીદાસનું આત્મ પરિવર્તન આધ્યાત્મિક હતું. તેમની માનસિક અને શારિરીક અવસ્થાનો વૈજ્ઞાનિક દસ્તાવેજ આપણી પાસે નથી, એટલે તેના વિશે આપણે કશું નિશ્વિત રીતે કહી ન શકીએ. કિસ્સા-કહાનીઓ મારફતે આપણને તે વખતના ધાર્મિક મહોલની જ ખબર છે, એટલે એવું કહી શકાય કે તેમની પર તેમના માહોલની જબ્બર અસર પડી હતી, જેનાથી તેમનામાં આત્મ પરિવર્તન શક્ય બન્યું હતું.

એવું પરિવર્તન આજે સંભવ છે?

આનો જવાબ વિજ્ઞાનના આધારે જ આપવો પડે, નહીં તો તેમાં કલ્પનાઓ અને શ્રદ્ધા ઘૂસી જાય. જેટલું પણ વૈજ્ઞાનિક સંશોધન થયું છે તે પ્રમાણે, આત્મ પરિવર્તન (Self realisation) બાયોલોજિકલ હોય છે. મતલબ કે, અમુક લોકોમાં જીનેટિક કંડીશન એવી હોય છે કે તેમને યોગ્ય માહોલ મળે, તો તેમના એવું પરિવર્તન આકાર લે છે. તે એક ઉત્ક્રાંતિક પ્રક્રિયા છે. તે કોનામાં થાય અને કોનામાં ના થાય તે પ્રકૃતિના રહસ્યમય નિયમોને આધીન છે. આવું અતીતમાં થયું છે, આજે પણ થાય છે, અને ભવિષ્યમાં પણ થતું રહેશે.

ઇતિહાસમાં બહુ દૂર ના જઈએ તો પણ, રમણ મહર્ષિ, જે. કૃષ્ણમૂર્તિ, મહર્ષિ અરવિંદ, સ્વામી વિવેકનંદજી, પરમહંસ યોગાનંદ, સ્વામી રામદાસ, મેહર બાબા, નીમ કરોડી બાબા, નિસર્ગદત્તા મહારાજ, આનંદમયી મા, ચિન્મયાનંદ સરસ્વતી, અને એસ. એન. ગોયેન્કા જેવા અનેક મહાપુરૂષોનાં ઊદાહરણ તાજેતરના ભૂતકાળમાંથી મળી રહે છે.

1.2K views03:55