Day 02
Date 16/08/24
Time 23/55
#GK02

♟Join More ➡️ @Currentaffairs_98

મોર્નિંગ મ્યુસિંગ્સ:
જીવનમાં કિંમત તો ચૂકવવી પડે છે. એમાં બીજો કોઈ વિકલ્પ નથી. તમે એવું ના નક્કી કરી શકો કે મારે કોઈપણ કિંમત ચૂકવ્યા વગર જ બધું જોઈએ છે. હા, તમે કઈ કિંમત ચૂકવવી છે તે ચોક્કસ નક્કી કરી શકો. જીવનમાં પ્રયાસો, તકલીફો, સમય, ઊર્જા, મહેનત, નિષ્ફળતા, બલિદાન વગેરે કશુંક મેળવવા માટેની કિંમત છે. વિનેશ ફોગાટ જેવી કુસ્તીબાજ નાનપણથી સખત તાલીમ વગર ઓલિમ્પિક્સમાં પહોંચી ના હોત. 
કશી ઇચ્છા રાખવી એ એક વાત છે, અને એ મેળવવા માટે તમે કઈ કિંમત ચૂકવવા તૈયાર છો તે બીજી. અમુક લોકો કશું મેળવવા માટે જબરદસ્ત મહેનત કરે છે, જ્યારે અમુક લોકો આખી જિંદગી મહેનત કરે છે પણ લક્ષ્ય હાંસલ કરી શકતા નથી. કશી ઇચ્છા રાખવી અને તેને પ્રાથમિકતામાં તબદીલ કરવી એ બે બાબતો વચ્ચે ગહેરો સંબંધ છે. એમાં જાતને પાયાના બે પ્રશ્નો પૂછવા જોઈએ: એક, મને આ સાચ્ચે જ જોઈએ છીએ? અને ને, હું તેના માટે કેટલી કિંમત ચૂકવવા માંગુ છું? 
ટૂંકમાં, દરેક ચીજની એક કિંમત હોય છે, તમે તે ચૂકવી શકશો?

મોર્નિંગ મ્યુસિંગ્સ (રવિવાર સ્પેશિયલ):
સફળ, સુખી અને સંતોષી જિંદગી સાહસથી જીવાય છે. કમજોરીમાં નહીં. સાહસનો અર્થ બળ કે નીડરતા નથી, સાહસનો અર્થ છે કમજોરી અને ડર હોવા છતાં આગળ વધવાની તૈયારી. સાહસ એટલે વૈચારિક સાહસ, ભાવનાત્મક સાહસ અને આચરણનું સાહસ. જે વ્યક્તિ સારા-ખોટા તમામ અનુભવો અને ગમે-ના ગમે તેવી લાગણીઓમાંથી પસાર થવા માટે તૈયાર હોય તેને સાહસિક કહેવાય. "મને કેવું લાગશે?" એવા એક વિચારથી આપણે ઘણું બધું કરતા નથી. ડર પ્રગતિમાં અવરોધક હોય છે, અને હકિકત એ છે કે ડરનો સામનો કરવાથી જ આપણી અંદરની સંભાવનાઓ અને ક્ષમતાને મોકળું મેદાન મળે છે.
ટેલેન્ટ અને સ્કિલ તો દરેકમાં હોય છે, પણ જ્યાં સુધી જોખમો લેવાનું અને અનિશ્ચિતતાને સ્વીકારવાનું સાહસ નથી આવતું ત્યાં સુધી પ્રગતિ નથી થતી. સાહસમાં કોઈ સુરક્ષા કવચ નથી હોતું. તમે દરેક પ્રકારની ચિંતા અને પીડામાંથી પસાર થવા માટે સજ્જ હો છો. તમે જ્યારે કમજોરીને અવગણીને સાહસ કરો છો ત્યારે કમજોરી તાકાત બની જાય છે.

"Vulnerability sounds like truth and feels like courage. Truth and courage aren't always comfortable, but they're never weakness."
-Brené Brown, Daring Greatly

MCQથી Merit

#AMC

લોકરક્ષક અને GPSSB ની અપડેટ✅

મોર્નિંગ મ્યુસિંગ્સ: 
બુદ્ધિનો અર્થ યાદ રાખવું અને તેને દોહરાવ્યા કરવું થતો નથી. સ્કૂલોમાં આપણાને ગોખવાની તાલીમ આપવામાં આવે છે, અને જેને વધુ યાદ રહે તેને આપણે બુદ્ધિશાળી ગણીએ છીએ, કારણ કે તે પરીક્ષામાં અવ્વલ આવે છે. એટલા માંટે આપણે બુદ્ધિનું માપ (IQ) પણ કાઢ્યું છે.
બુદ્ધિ અનેક પ્રકારની હોય છે, અને શૈક્ષણિક હોંશિયારી તેમાંથી એક છે. આપણે શૈક્ષણિક બુદ્ધિને સર્વસામાન્ય બુદ્ધિ તરીકે ગણી લઈએ છીએ, પરંતુ બુદ્ધિની અસલી ઓળખ તે સુખી અને સંતોષી જીવન જીવવા માટે કામ આવે છે કે નહિ તેના પરથી થાય છે.
અસલમાં, બુદ્ધિ એટલે જીવનના અનુભવોમાંથી શીખવાની, અવરોધો પાર કરવાની, જે જોઇએ છે તે પ્રાપ્ત કરવાની, સમસ્યાઓનાં સમાધાન શોધવાની અને નવી પરિસ્થિતિઓ સાથે અનુકૂલન સાધવાની ક્ષમતા. બુદ્ધિ જ્ઞાનનો સંચય નથી, તે જ્ઞાનનો વ્યવહારિક અમલ છે.
આપણે જીવનમાં જે પણ જાણીએ, સમજીએ, શીખીએ, અનુભવ કરીએ તે અંતત: આપણને સફળતાના, સુખના અને સંતોષના અહેસાસ તરફ દોરી જવું જોઈએ. તેનું નામ બુદ્ધિ.