મોર્નિંગ મ્યુસિંગ્સ:
ડાયેટને અને ઈમોશનલ હેલ્થને સીધો સંબંધ છે. શરીરમાં સુગરનું અને પ્રોસેસ્ડ ફૂડનું પ્રમાણ વધુ હોય, તો લાગણીઓનું નિયમન કરવું મુશ્કેલ બની જાય છે.ખાવામાં પ્રોટીન વધારે હોય અને સુગર ઓછી હોય, તો સ્ટ્રેસ, એન્ગઝાઇટી, ડિપ્રેશન અને મૂડ સ્વિંગ્સ સાથે પનારો પાડવાનું આસાન રહે છે. ખાવા-પીવાનું ઠીક કરવાથી, પૂરતી ઊંઘ લેવાથી અને રોજ વર્ક આઉટ કરવાથી ૯૦ ટકા માનસિક સમસ્યાઓ ઠીક થઈ જાય છે.
"અન્ન તેવો ઓડકાર" કહેવત પાછળ વૈજ્ઞાનિક તથ્ય છે. આપણે જેને ગટ એટલે કે આંતરડા કહીએ છીએ, તે gastrointestinal tractમાં લાખો તંદુરસ્ત બેક્ટેરિયા રહે છે. તે જે કેમિકલ્સનું નિર્માણ કરે છે તેનાથી આપણી શારીરિક-માનસિક તંદુરસ્તીનું નિયમન થાય છે. આ બેક્ટેરિયાનો આધાર આપણું ખાવાપીવાનું અને જીવનશૈલી છે.
ડાયેટ અને ઇમોશન્સ જોડિયા જીવ છે. બંને એકબીજાને પોષે છે. આપણે જે ખાઈએ છીએ તે આપણા મૂડ, એનર્જી લેવલ અને મગજની પ્રક્રિયાને પ્રભાવિત કરે છે, અને આપણી મનોદશા વળતામાં આપણા ખાવાપીવાને અને જીવન શૈલીને અસર કરે છે.

*🔥Current Affairs🔥*
➖➖➖➖➖➖➖➖➖➖➖
*🗞️Date:-01-08-2024 થી 22-08-2024🗞️*

⭕પૂર્વ એશિયાના વિદેશ મંત્રીઓની 14મી શિખર પરિષદ તાજેતરમાં ક્યાં મળી હતી❓
*☑️વિએનટીઆને, લાઓ PDR*

⭕તાજેતરમાં જ સમાચારમાં ચમકી ગયેલું ગ્રિનિયમ શું છે ❓
*☑️સંલગ્ન કૂપન ચુકવણી પર ગ્રીન બોન્ડ આપનારને થતી બચત*

⭕હાલમાં જ ભારતના કયા ભાગમાં સંશોધકોને મેગ્નેટોફોસીલ્સ મળ્યા છે❓
*☑️લદાખ*

⭕કયા મંત્રાલયે હાલમાં જ સ્ટીલ આયાત પર નજર રાખવા માટેની પ્રણાલી SIMS 2.0 નો આરંભ કર્યો❓
*☑️સ્ટીલ મંત્રાલય*

⭕વિવિધ પ્રોજેક્ટને ભંડોળ આપવા હાલમાં કઈ સંસ્થાને ગ્રીન ક્લાઈમેટ ફંડમાંથી 2156 લાખ ડોલર્સનું ભંડોળ ફાળવાયું ❓
*☑️SIDBI*

⭕ભારતમાં કારગિલ વિજય દિવસ તરીકે કયો દિવસ ઉજવાય છે❓
*☑️26 જુલાઈ*

⭕બહુરાષ્ટ્રીય સંયુક્ત સેનાકીય કવાયત ખાન ખોજ માટે કયો દેશ યજમાન બન્યો છે❓
*☑️મોંગોલિયા*

⭕તાજેતરમાં ભારતે કયા દેશ સાથે ટેક્નોલોજી સુરક્ષા બાબતે સમજૂતી પર હસ્તાક્ષર કર્યા❓
*☑️બ્રિટન*

⭕તાજેતરમાં આસામના કયા સ્થળને યુનેસ્કોએ વૈશ્વિક વારસામાં સ્થાન આપ્યું છે❓
*☑️અહોમ કુળના રાજવીઓના દફનવિધિઓના સ્થળ ચરાઈડો મોઇડેમને*

⭕તાજેતરમાં જ નિધન થયું એ ગુજરાતના અંશુમાન ગાયકવાડ કઈ રમત સાથે સંકળાયેલા હતા❓
*☑️ક્રિકેટ*
*☑️ભારત માટે 1975 થી 1987 સુધી 40 ટેસ્ટ અને 15 વન ડે મેચ રમ્યા હતા*

⭕78મા સ્વતંત્ર દિનની રાજ્યકક્ષાની ઉજવણી ક્યાં કરવામાં આવી❓
*☑️નડિયાદ (ખેડા જિલ્લો)*

⭕3 ઓગસ્ટ➖ભારતીય અંગદાન દિવસ

⭕દેશના પહેલા સ્વદેશી સેમિકંડક્ટર એસેમ્બલી અને ટેસ્ટિંગ પ્લાન્ટનું ભૂમિપૂજન ક્યાં કરવામાં આવ્યું❓
*☑️આસામના મોરીગાંવ*

⭕તાજેતરમાં નૃત્યાંગના યામિની કૃષ્ણમૂર્તિનું નિધન થયું તેઓ કયા નૃત્ય સાથે સંકળાયેલા હતા❓
*☑️ભરતનાટ્યમ*

⭕તાજેતરમાં રાષ્ટ્રપતિ દ્રૌપદી મૂર્મુને કયા દેશનું સર્વોચ્ચ નાગરિક સન્માન અપાયું❓
*☑️ફીજી*
*☑️કંપેનિયન ઓફ ધ ઓર્ડર ઓફ ફીજી*

⭕'એક પેડ માં કે નામ' અભિયાન,
➖75મો વન મહોત્સવ, 2024
➖હરસિદ્ધિ વન, ગામ:-ગાંધવી, તાલુકો :- કલ્યાણપુર, જિલ્લો:- દેવભૂમિ દ્વારકા

⭕પ્રથમ વિજ્ઞાન રત્ન પુરસ્કાર માટે કોણે પસંદ કરવામાં આવ્યા❓
*☑️દેશના બાયોકેમિસ્ટ ગોવિંદરાજન પદ્મનાભ*

⭕દેશનું પહેલું અનાજ ATM ક્યાં ખુલ્યું❓
*☑️ઓડિશાની રાજધાની ભુવનેશ્વરમાં*

⭕થોડા સમય પહેલા સમાચારોમાં ચમકી ગયેલી પાર્વતી ખીણ પ્રદેશ ક્યાં આવેલો છે❓
*☑️હિમાચલ પ્રદેશ*

⭕હાલમાં જાહેરમાં આવેલી સૌભાગ્ય યોજનાનો પ્રાથમિક મકસદ કયો છે❓
*☑️તમામ ઘરોમાં સાર્વત્રિક ધોરણે વીજળી પુરી પાડવાનો*

⭕આયુષ્યમાન ભારત હેલ્થ એકાઉન્ટ -ABHA-ના એક કરોડ ટોકન ID થકી તાજેતરમાં કયા રાજ્યે રેકોર્ડ કર્યો❓
*☑️ઉત્તર પ્રદેશ*

⭕હાલમાં જ લિયોન માસ્ટર્સ ચેસ ચેમ્પિયનશિપ 10મી વાર કોણે જીતી લીધી❓
*☑️વિશ્વનાથ આનંદ*

⭕તાજેતરમાં જ જેમનું નિધન થયું એ ભુપિંદર સિંઘ રાવત કઈ રમત સાથે સંકળાયેલા હતા❓
*☑️ફૂટબોલ*

⭕રાજ્યની યુનિવર્સિટીઓ અને સંસ્થાઓના સંશોધન અને વિકાસકાર્યોમાં સુધારણા બાબતનો હેવાલ કઈ સરકારી એજન્સીએ પ્રસિદ્ધ કર્યો❓
*☑️નીતી આયોગ*

⭕ગ્રામ્ય વિસ્તારોમાં બ્રોડબેન્ડ માટે IIT મુંબઇ દ્વારા વિકસિત વાયરલેસ નેટવર્કને કઈ સંસ્થાએ હાલમાં જ માન્યતા આપી❓
*☑️ઇલેક્ટ્રિકલ-ઇલેક્ટ્રોનિક્સ એન્જિનિયર્સ ઇન્સ્ટિટયૂટ*

⭕વર્ષ 2025ના મેન્સ ક્રિકેટ એશિયા કપનો યજમાન દેશ કયો બનશે❓
*☑️ભારત*

⭕ભારતમાં નાગરિક ઉડ્ડયનને વધુ સરળ અને અદ્યતન બનાવવા માટે કયો કાયદો ઘડવામાં આવ્યો❓
*☑️ધ ભારતીય વાયુસેના વિધેયક 2024*
*☑️1934ના હવાઇજહાજને લાગતા કાનૂનના સ્થાને નવા કાનૂન તરીકે લાગુ થયું છે*

⭕10 ઓગસ્ટ➖વિશ્વ સિંહ દિવસ

⭕તાજેતરમાં પેરિસમાં ભારતના કયા ભૂતપૂર્વ ખેલાડીને ઓલિમ્પિક એવોર્ડ એનાયત કરવામાં આવ્યો❓
*☑️અભિનવ બિન્દ્રા*

⭕પેરિસ ઓલિમ્પિકના સમાપનના અંતે ભારત કેટલામાં સ્થાને રહ્યું❓
*☑️71માં*
*☑️1 સિલ્વર અને 5 બ્રોન્ઝ મેડલ સાથે કુલ 6 મેડલ જીત્યા*

⭕14 ઓગસ્ટ➖વિશ્વ વરુ દિવસ

⭕એન્ફોર્સમેન્ટ ડિરેકટોરેટ (ED)ના ડિરેક્ટર તરીકે કોની નિમણૂક કરવામાં આવી❓
*☑️રાહુલ નવીન*

⭕વડાપ્રધાન નરેન્દ્ર મોદીએ સતત કેટલામી વાર તિરંગો ફરકાવ્યો❓
*☑️11મી વાર*

⭕70મો રાષ્ટ્રીય ફિલ્મ પુરસ્કાર
✔️શ્રેષ્ઠ ફિલ્મ :- કાંતારા
✔️શ્રેષ્ઠ અભિનેતા :- ઋષભ શેટ્ટી (કાંતારા)
✔️શ્રેષ્ઠ અભિનેત્રી :- માનસી પારેખ (કચ્છ એક્સપ્રેસ) અને નિત્યા મેનન (તિરુચિત્રામ્બલમ)
✔️સહાયક અભિનેત્રી :- નીના ગુપ્તા (ઊંચાઈ)
✔️શ્રેષ્ઠ હિન્દી ફિલ્મ :- ગુલમહોર

⭕19 ઓગસ્ટ➖વર્લ્ડ ફોટોગ્રાફી દિવસ

⭕આજકાલ ભારે ચર્ચામાં રહેલું હમાસ શું છે❓
*☑️પેલેસ્ટાઈનનું આતંકવાદી જૂથ*

⭕હાલમાં જ UPSCના નવા વડા તરીકે કોની નિમણૂક કરાઈ❓
*☑️પ્રીતિ સુદાન*

⭕કયો દેશ કૃષિ અર્થશાસ્ત્રીઓની આંતરરાષ્ટ્રીય પરિષદનો યજમાન બન્યો છે❓
*☑️ભારત*

⭕એપ્રેન્ટિસશિપ એન્ડ ટ્રેનિંગ યોજનાનું પોર્ટલ કયા મંત્રાલયે શરૂ કર્યું છે❓
*☑️શિક્ષણ મંત્રાલય*

⭕તાજેતરમાં જ પોતાની નિવૃત્તિ જાહેર કરનાર અશ્વિની પોનપ્પા કઈ રમત સાથે સંકળાયેલા છે❓
*☑️બેડમિન્ટન*

⭕હાલમાં જ સમાચારોમાં ચમકી ગયેલો ઝીકા વાયરસ કયા મચ્છરો દ્વારા ફેલાય છે❓
*☑️એડિસ મચ્છર*

⭕તાજેતરમાં સમાચારમાં આવેલું વતેઝૂથું શું છે❓
*☑️આલ્ફાબેટીક ઉચ્ચાર*

⭕સશસ્ત્ર સેનાઓના સૈનિકોની સલામતી અને કાર્યક્ષમતા વધારવા તથા બીજા અનેક ફિલ્ડમાં ઉપયોગ કરવા માટે એક ખાસ પ્રકારની ટેક્નોલોજીનો ઉપયોગ કરીને ઇન્દોર IITએ નવા પ્રકારના જૂતા તૈયાર કર્યા છે, જે ટેકનોલોજીનું નામ શું છે❓
*☑️ટ્રીબો-ઇલેક્ટ્રિક નેનોજનરેટર (TENG)*

⭕ભારતે આંતરરાષ્ટ્રીય સ્તરના અવકાશ મથક મિશન એક્સિઓમ-4 માટે કયા બે અવકાશયાત્રીઓની પસંદગી કરી છે❓
*☑️મેઈન પાઇલટ તરીકે ગ્રુપ કેપ્ટન સુભાંશુ શુક્લા અને બેક અપ પાઇલટ તરીકે ગ્રુપ કેપ્ટન પ્રસાંત બાલાક્રિષ્નન નાયર*

⭕દેશની કઈ હાઇકોર્ટે 1908ના રજિસ્ટ્રેશન એક્ટની કલમ 77-એ ને ગેરબંધારણીય જાહેર કરી❓
*☑️મદ્રાસ હાઇકોર્ટ*
*☑️આ કલમ છેતરપિંડી કે ઠગાઈના આરોપ લાગ્યા હોય એવા કેસમાં રજિસ્ટ્રારને સંપત્તિના દસ્તાવેજ રદ કરવા સહિતની ઘણી સત્તા આપી દે છે. પ્રામાણિક જમીનધારકોને આ કલમ મદદરૂપ થઇ શકે તેની સાથે સાથે ખરેખર હકદાર હોય એવા સંપત્તિધારકોને માટે આ કલમ સમસ્યા ઉભી કરી શકે છે*

⭕થાઈલેન્ડના નવા વડાપ્રધાન કોણ બન્યા❓
*☑️પેટોન્ગટાર્ન શિનાવાત્રા (37 વર્ષ)*
*☑️થાઈલેન્ડના સૌથી નાની વયના વડાપ્રધાન બન્યા*

⭕તાજેતરમાં ભારતના પ્રખ્યાત સિતારવાદક અને સપ્તક મહોત્સવના સહ-સ્થાપક મંજુ મહેતાનું નિધન થયું. તેઓ કયા ઘરાનાના હતા❓
*☑️મહિયર ઘરાના*

⭕ભારતમાં નેશનલ સ્પેસ ડે દર વર્ષે કઈ તારીખે ઉજવાશે❓
*☑️23 ઓગસ્ટ*

⭕20 ઓગસ્ટ➖વિશ્વ મચ્છર દિવસ

⭕દેશની પ્રથમ ડિજિટલ કોર્ટ કયા રાજ્યમાં શરૂ થઈ જ્યાં 24 કલાક કેસની સુનવણી થશે❓
*☑️કેરળ*

⭕રાજ્યની વિધાનસભામાં કાળા જાદુ બિલ સર્વાનુમતે મંજુર થયું.જેમાં ધુતારા-ઢોંગીઓ માટે કઈ સજા થશે❓
*☑️7 વર્ષની કેદ અને 50 હજાર રૂપિયા સુધીનો દંડ*
➖➖➖➖➖➖➖➖➖➖➖
💥💥

▪️મંડળની
જા.ક્ર.૨૧૭/૨૦૨૩૨૪ વર્ક આસીસ્ટન્ટ, વર્ગ-૩
જા.ક્ર.૨૧૬/૨૦૨૩૨૪ સર્વેયર, વર્ગ-૩
જા.ક્ર.૨૧૩/૨૦૨૩૨૪ સર્વેયર, વર્ગ-૩ ના ઉમેદવારોના પ્રમાણપત્રોની ચકાસણીનો કાર્યક્રમ મોકુફ રાખવા બાબત.
#GSSSB

રાધણ છઠ્ઠ અને શીતળા સાતમ.

છઠના દિવસે ઘેર ઘેર નવા વ્યંજનો બનાવવામાં આવે છે. જ્યારે આ વ્યંજનો શીતળા સાતમના દિવસે શીતળામાતાની પૂજા કર્યા પછી ઠંડા જ આરોગવામાં આવશે. (વ્યંજનો શબ્દનો અર્થ ભોજનના અર્થમાં)
લોકમાન્યતા મુજબ છઠના દિવસે શીતળા માતાજી ઘરે-ઘરે ફરે છે અને ચુલામાં આળોટે છે. જેથી લોકો રાંધણ છઠની રાત્રે ઘરના ચુલાની સાફ-સફાઈ અને પૂજા કરીને ચૂલો ઠારી દે છે. ત્યારબાદ સાતમના દિવસે છઠનું જ ઠંડુ ભોજન લેવાનું હોય છે.શીતળા સાતમના શુભ દિવસે શ્રદ્ધાળુઓ ખાસ પ્રકારે પૂજા-વિધિથી સંપૂર્ણ વર્ષ માટે સુખી અને રોગમુક્ત રહેવા માટે પ્રયાસો કરે છે. છઠ્ઠના દિવસે સાંજે સાતમની વિધિ અને રસોઈ બનાવવાની તૈયારીઓ શરૂ કરી દેવામાં આવે છે.
છઠ્ઠના દિવસે રાત્રે બધી રસોઈ પૂરી કર્યા બાદ ચૂલાને ઠારી-બંધ કરી તેના પર કન્કોલા તથા ફૂલની માળા, કંકુ, ચંદન, ચોખા વગેરે દ્વારા તેનું પૂજન કરવામાં આવે છે. સાતમની સવારે સાંજે બનેલી વાનગીને એક થાળમાં લઈ ઠંડું દૂધ, જળ,ચંદન, ચોખા, કંકુ વગેરે સુગંધિત દ્રવ્યો દ્વારા શીતળા માતાની પૂજન કરવામાં આવે છે. પછી ફૂલહાર ચઢાવી પોતાની મનોકામના મનમાં વ્યક્ત કરી નમસ્કાર કરવા. આ પૂજન કરવાથી સંતાન પ્રાપ્તિ થાય છે, સંતાન હોય પણ જો તે રોગગ્રસ્ત રહેતું હોય તો તેને ફાયદો મળે છે. સૌભાગ્યવતી સ્ત્રીઓએ આ વ્રત જરૂર કરવું જોઈએ.
કથા એવી છે કે રાંધણ છઠ્ઠના દિવસે દેરાણી અને જેઠાણીએ વિવિધ પ્રકારની વાનગીઓ રાંધી હતી અને ચૂલો સળગતો રાખીને સૂઈ ગયા હતા. રાત્રે સૂમસામ શાંતિમા શીતળાદેવી ફરવા નીકળ્યા અને દેરાણી રૂપાને ઘેર આવી ચૂલામાં આળોટવા જતાં જ આખા શરીરે દાઝી ગયાં, તેથી શાપ આપ્યો: “જેવી મને બાળી, એવું જ તારું પેટ એટલે તારી સંતતિ બળજો…”
બીજા દિવસે સવારે જોયું બાળક દાઝેલું હતું, આ જોઈને નાની વહું કલ્પાંત કરવા લાગી. કોઈ એ કહ્યું કે નક્કી આ શીતળા માતાનો કોપ છે. આ સાંભળી તે ટોપલામાં દાઝેલા બાળકને લઈ અને વન-વન ભટકવા લાગી. વનમાં એક બોરડી નીચે તેને વૃદ્ધ ડોશી દેખાયા, ડોશીએ તેને બોલાવી. તે ત્યાં ગઈ, તે ડોશીના કહેવા પ્રમાણે તેણે તેના માથાને સાફ કર્યું. આ રીતે ડોશીની સેવા કરવાથી ડોશીએ કહ્યું ‘‘ જેવી મને ઠંડક આપી તેવી તને ઠંડક મળજો. ’’ એમ કહી તેના દીકરાને સ્પર્શ કર્યો તો તે સજીવન થયો. શીતળા માતાએ દર્શન આપી તેને ઘરે મોકલી. આ રીતે શીતળા માતા તેને પ્રસન્ન થયા. તેને ઘરે ધન-ધાન્યની વૃદ્ધિ થઈ અને સ્વસ્થ સંતાનની પ્રાપ્તિ થાઈ.
આપણા ઘણા ઉત્સવ પ્રાદેશિક હોય છે. આ ઉત્સવ પણ આપણા વડીલોએ ઘણી બાબતો વીચારીને કરી છે. પહેલાના જમાનામાં શિતળાનામનો રોગ થતો હતો. વળી, આ સમય શ્રાવણનો છે, જે વરસાદનો સમય છે. આ સમયમાં શરીરને રોગપ્રતિકારક શક્તિની ખાસ જરૂર હોય છે. તેથી એક દિવસ ભોજનમાં રુખુ-સુકુ ચલાવીને શરીરને આરામ આપવાની વાત છે.
જો કે હાલ તો અનેક વાનગીઓ માટે આ તહેવાર ઉજવવામાં આવે છે. વળી, વ્યાવહારિક કારણ એવું છે કે રાંધણ છઠ્ઠના દિવસે રસોઈ કરી સાતમના દિવસે સ્ત્રીઓ રસોઈના કામમાંથી મુક્ત રહી શકે જેથી કરીને આવનારા બે દિવસ જન્માષ્ટમી અને પારણાનોમની તૈયારી થઈ શકે છે. આ ઉપરાંત ધાર્મિક મહત્વ એવું છે કે આપણું પાલન-પોષણ કરનાર અન્નને જેમ શાસ્ત્રઓએ દેવતા કહ્યા છે તે રીતે અગ્નિને પણ દેવતા કહ્યા છે. તેના પૂજનની પણ આ એ પ્રચલિત વિધિ છે. શીતળા માતા ઘરમાં બધા પ્રકારના તાપ-સંતાપ અને ઉત્તાપને શાંત કરનાર દેવી છે. આવા કારણો છે જે આપણને આ તહેવારોથી જોડી રાખે છ.

*શુભ સવાર*

મોર્નિંગ મ્યુસિંગ્સ,:

"લોકોને ડિપ્રેશન કેમ આવે? માણસ સિવાય પ્રાણીઓ કે બીજી સજીવ પ્રજાતિને આવે? ડિપ્રેશન છે શું? એમાંથી બહાર કેવી રીતે નીકળી શકાય?"

પ્રાણીઓમાં માણસોની જેમ દોષની ભાવના, આત્મઘાતી વૃત્તિ કે ઉદાસી જેવા ડિપ્રેશિવ લક્ષણો નથી હોતાં, પરંતુ લેબોરેટીમાં થયેલા પ્રયોગોમાં, તેમનામાં "ડિપ્રેશન જેવાં" લક્ષણો જોવા મળે છે, જેમ કે- શરીરથી શિથિલ થઈ જવું, મનથી નિષ્ક્રિય થઈ જવું અથવા સુખદ અનુભવ કરવામાં રસ ના હોય.

માણસોમાં, ડિપ્રેશન (હતાશા, ઉદાસી) સામાજીક, સાઈકોલોજિકલ અને બાયોલોજિકલ પરિબળોના મિશ્રણથી પેદા થાય છે. ડિપ્રેશન એટલે દુઃખ અને ઉદાસીની એવી લાગણી, જે કાયમી હોય. મતલબ કે, ખુશ થવા માટેનાં દેખીતાં કારણો હોય છતાં વ્યક્તિ દુઃખી રહેતી હોય તો તે ડિપ્રેશનનો સંકેત કહેવાય.

ડિપ્રેશન આમ બહુ કોમન છે, પરંતુ તે અમુક લોકોમાં હોય છે, અને અમુક લોકોમાં નથી હોતું. કેમ?

ઘણી બધી બાબતો કામ કરતી હોય છે. જેમ કે- જીનેટિક્સ, બ્રેઈન કેમેસ્ટ્રી, સ્ટ્રેસ, ખરાબ સ્વાસ્થ્ય, હોર્મોન્સ, આઘાતજનક ઘટનાઓ, પરિવાર અને સામાજીક માહોલ વગેરે. જીવન ઉતાર-ચડાવથી ભરેલું હોય છે. વ્યક્તિ તેમાં કેવી રીતે પ્રતિક્રિયા આપે છે તેના પર તેના ડિપ્રેશનનો આધાર હોય છે.
ડિપ્રેશનથી બચવા માટે આશાવાદી માનસિકતા અને સ્વસ્થ જીવન વિકસાવવું જોઈએ. જે લોકો નકારાત્મક માનસિકતાના શિકાર છે, તેમનામાં ડિપ્રેશન પેદા થવાની સંભાવના વધુ હોય છે. કોઈપણ પ્રકારની પરિસ્થિતીમાં અનુકૂલન સાધવાની માનસિકતા ડિપ્રેશનમાં મદદ કરે છે. તેવી માનસિકતા ત્રણ રીતે વિચારો કરવાથી વિકસાવી શકાય:
૧. પરિવર્તન અઘરું પણ જીવનનો હિસ્સો હોય છે. પરિવર્તનને સકારાત્મક રીતે સ્વીકારવું અને જ્યારે કોઈ સમસ્યા સર્જાય, ત્યારે તેના સમાધાન માટે પગલાં લેવાં.
૨. અવરોધો અને સમસ્યાઓ કામચલાઉ હોય છે અને તેનું નિરાકરણ આવી શકે છે.
૩. એવા મજબૂત સંબંધો વિકસાવવા, જ્યાં જરૂર પડે મદદ લઇ શકાય. ડિપ્રેશનમાં સપોર્ટ સિસ્ટમ બહુ જરૂરી હોય છે. અમુક લોકો સર્જનાત્મક કામોમાં, આદ્યાત્મમાં, ફિલોસોફીમાં સાંત્વન પ્રાપ્ત કરતા હોય છે.

સદા સૌમ્ય શી વૈભવે ઊભરાતી,
મળી માતૃભાષા મને ગુજરાતી.

રમે અન્ય સખીઓ થકી દેઇ તાળી,
સુધા કર્ણ સીંચે ગુણાળી રસાળી.
કરે બોલતા જે ભર્યા ભાવ છાતી,
રમો માતૃભાષા મુખે ગુજરાતી.

મળી હેમઆશિષ, નરસિંહ-મીરાં,
થયા પ્રેમભટ્ટ ને અખો ભક્ત ધીંરા,
પૂજી નર્મદે કાન્ત ગોવર્ધને જે,
સજી ન્હાનલે કલ્પનાભવ્ય તેજે.

ધ્રુવા સત્ય-સાથી અહિંસા સુહાતી,
નમો ધન્ય ગાંધીગિરા ગુજરાતી.

– ઉમાશંકર જોષી

વિશ્વ ગુજરાતી ભાષા દિવસની શુભકામના 💐💐