💁‍♂ગુજરાત ગૌણ સેવા પસંદગી મંડળ

📌 જાહેરાત ક્રમાંક:- 225/202324
👉🏻 પેટા હિસાબનીશ/સબ ઓડિટર, હિસાબનીશ, ઓડિટર/પેટા તિજોરી અધિકારી/અધિક્ષક વર્ગ -૩ પ્રથમ તબક્કાની પરીક્ષા કાર્યક્રમ અંતર્ગત પ્રોવિઝનલ આન્સર કી બાબતે અગત્યની જાહેરાત

👨‍💻 Provisional Answer key link👇

⚡️https://cdn3.digialm.com/EForms/configuredHtml/32791/90048/login.html

#GSSSB #PAK

📌શિક્ષણ સહાયક ભરતીના નવા RR સાથે નવા નિયમો.

📍TAT ભરતી મુખ્ય પરીક્ષાના માર્ક્સ ઉપર થશે

💁‍♂નવી પરીક્ષા ના લેવાય ત્યાં સુધીની ભરતીમાં આ 2023 ની ભરતી ના માર્ક્સ જ ગણવામાં આવશે

🔹20% વેઇટિંગ લિસ્ટ

#TAT #RR

Old Teachers GR- 01-08-2024.pdf

Normalised Marks display on 6th August
#GSSSB #forest

મોર્નિંગ મ્યુસિંગ્સ (રવિવાર સ્પેશિયલ):
Unoffendable એટલે જે નારાજ ના થાય, જેને ખોટું ના લાગે, જે રિસાઈ ન જાય, જેને ગુસ્સો ના આવે તે. આપણે નારાજગીના ભાવને એટલો સ્વીકારી લીધો છે કે તેને સદગુણના સ્તરે મૂકી દીધો છે. એના માટે એક શબ્દ છે: પુણ્યપ્રકોપ. લોકો અંગત અને જાહેર જિંદગીમાં નિયમીત રીતે કોઈને કોઈ બાબતે નારાજ થતા રહે છે, જાણે એ જન્મસિદ્ધ અધિકાર હોય. દરેક વ્યક્તિ તેની નારાજગીને ઉચિત ઠેરવતી હોય છે, કારણ તે "સારી" વ્યક્તિ છે અને તેની નારાજગી પણ સારી જ હોય છે.
નારાજ થવું અથવા રિસાઈ જવું તે ઈગોની નિશાની છે. તેમાં વ્યક્તિ એવું કહેવા માંગતી હોય છે કે, "જુવો, હું કેટલો મહત્વનો/મહત્વની છું." મોટાભાગના સંબંધો "હું પણા"થી જ બગડી જાય છે. માણસે સુખી રહેવું હોય તો અપેક્ષાઓ અને વાસ્તવિકતા વચ્ચે સમાધાન કરાવવું જોઈએ અને ભૂલી જવાનો, જતું કરાવાનો, માફ કરવાનો ગુણ વિકસાવવો જોઈએ. જે લોકો પોતાના "હું"માં રહી જાય છે તે જીવનને માણી શકતા નથી. રીસ તમને ભૂતકાળમાં રાખે છે; "મારી સાથે આવું કર્યું હતું, એટલે હવે હું તેવું કરીશ." જતું કરવાથી ભવિષ્ય બને છે; "ભલે, આવતીકાલથી હું આમ કરીશ જેથી રીસાવું ન પડે."
નારાજ થવું, અકળાઈ જવું, આક્રમક થવું આપણા સમાજમાં એક બીમારીની હદે ફેલાઈ રહ્યું છે. તેનાથી નવી પેઢીમાં વિચારો અને લાગણીઓની બિનતંદુરસ્ત પેટર્ન વિકસી રહી છે, જેની અસર તેમના સ્વાસ્થ્ય, સંબંધો અને કામકાજ પર પડી રહી છે.
ગુસ્સો એક તાકતવર ઊર્જા છે. આપણી કારની જેમ, તેની કંટ્રોલ આપણી પાસે હોવો જોઈએ. એ તેની જાતે રોકાતો નથી, આપણે બ્રેક મારવી પડે, કારણ કે ગુસ્સો લાગણી છે અને તેનામાં વિવેકબુદ્ધિ નથી હોતી. બહુ ઓછા લોકો "ઊભા" રહીને તેમના ગુસ્સા સામે "સવાલ" કરવા સક્ષમ હોય છે, કારણ કે દરેકને તેનો ગુસ્સો વાજબી લાગે છે. એટલા માટે જ આપણા સમાજમાં ગુસ્સાનું સ્તર વધી રહ્યું છે.
“Your life will become less stressful when you give up your right to anger and offense.”
- Brant Hansen, Unoffendable

🎯લક્ષ્યવેધ:સંશયમાંથી શોધેલા સમાધાનનું પરિણામ

✍લેખક: ઉત્સવ પરમાર

દિત્ય અમરાણીનાં માતા વિજયાબહેન શિક્ષિકા હતાં, પણ પછીથી નોકરી છોડીને ઘરની જવાબદારીઓ સંભાળી. પિતા સંજયભાઈ ઇકોનોમિક્સના પ્રોફેસર હતા અને પછી સરકારી સેવાઓમાં જોડાયા અને આઈ. એ. એસ. તરીકે નિવૃત્ત થયા. નાનો ભાઈ ઋજુલ પણ એમ. બી. એ. પિતાની બદલીપાત્ર નોકરીનાં કારણે અમદાવાદ, દાહોદ, સુરેન્દ્રનગર જેવા અલગ અલગ જિલ્લાઓમાં આદિત્યનો અભ્યાસ થયો. બારમા ધોરણ પછી અમદાવાદની નિરમા યુનિવર્સિટીમાંથી મિકેનિકલ એન્જિનિયરિંગનો અભ્યાસ કર્યો. પછી દિલ્હીની ‘ઇન્ડિયન ઇન્સ્ટિટ્યૂટ ઓફ ફૉરેન ટ્રેડ’માંથી માર્કેટિંગ વિષય સાથે એમ. બી. એ. કર્યું. આ વર્ષો આદિત્ય માટે ખૂબ ઉપયોગી નીવડ્યાં. દિલ્હીના કોસ્મોપોલિટન વાતાવરણમાં વિચારો અને દૃષ્ટિકોણની એક નવી સૃષ્ટિ ખૂલી ગઈ. અભ્યાસ દરમિયાન જ એક જાણીતી ટેલિકોમ કંપનીના યંગ લીડર પ્રોગ્રામમાં જોડાવાની તક મળી. આ કાર્યક્રમે આદિત્યનું માનસ ઘડ્યું. ચંદીગઢ, દિલ્હી, અમદાવાદ અને તમિલનાડુના વેલ્લોર જેવાં ગામમાં કામ કર્યું. નવા માણસો, નવા વિચારો. આદિત્યના શબ્દોમાં આ અનુભવે તેમનું ‘એરિયા ઓફ ઇગ્નોરન્સ’ એટલે કે અજ્ઞાન-ક્ષેત્રનો વ્યાપ ઘટાડ્યો. લોકોમાં રસ વધાર્યો. જાહેર સેવાઓ તરફ કુદરતી જ રસ જાગ્યો. પણ તેમને ખબર હતી, આ રસ્તો સરળ નથી. સેલ્ફ ડાઉટ ઘણા હતા. મનોમંથન કર્યું. સેલ્ફ ડાઉટથી સેલ્ફ અવેરનેસ તરફની યાત્રા કરી. પૈસા કરતાં કામ કરવાનો સંતોષ વધુ અગત્યનો છે. જાહેર સેવામાં તમારા નાના યોગદાનની પણ કેટલી મોટી અસર થઈ શકે એ સંતોષકારક હતી. વચ્ચે કોરોના કાળ આવી ગયો. કોરોના કાળમાં સરકારી તંત્રની ભૂમિકા જોઈને વધુ પ્રેરણા મળી. સિવિલ સેવાનો સૂરજ આદિત્યના મનની ક્ષિતિજ પર હવે ઊગી ગયો હતો. આદિત્ય કહે છે, ‘બહારના સંજોગો આપણા હાથમાં નથી પણ આપણી અંદરનું વિશ્વ આપણા નિયંત્રણમાં છે. જીવન તકોથી ભરપૂર છે.’ આદિત્યે નોકરી છોડી કોરોના કાળમાં ઘરેથી જ સિવિલ સેવા પરીક્ષાની તૈયારીનો યજ્ઞ શરૂ કર્યો. અમદાવાદને જ કર્મભૂમિ બનાવી. તેમના મતે દિલ્હી જવાની જરૂર નથી. વાંચવા સાથે રોજબરોજની ભાગદોડ ઊર્જા ખાઈ લે છે. અવાસ્તવિક સ્પર્ધાત્મક માહોલ મનની શાંતિ પણ તોડી નાખે છે ક્યારેક. એકાદ દાયકા પહેલાં માહિતી અને માર્ગદર્શનનો અભાવ હતો, દિલ્હીનું સ્પર્ધાત્મક વાતાવરણ એ સમયમાં મદદ કરતું. હવે તો ઇન્ફોડેમિકનો યુગ છે, માહિતી વિસ્ફોટ છે. જોઈએ એ સવાલનો જવાબ આંગળીના ટેરવે છે. બેખબર રહેવું જ પડકારજનક છે આ સમયમાં. મુખ્ય વિષયની પસંદગી માટે સમય લીધો. એમ. બી. એ. અને મિકેનિકલ એન્જિનિયરિંગની પૃષ્ઠભૂમિ હતી. શરૂઆતમાં પબ્લિક એડમિનિસ્ટ્રેશન, પોલિટિકલ સાયન્સ-ઇન્સ્ટરનેશનલ રિલેશનશિપ તથા સોશિયોલોજી જેવા વિષય વચ્ચે મૂંઝવણ હતી. દરેક વિષયને પંદર-પંદર દિવસ આપ્યા. આદિત્યને લોકોમાં રસ હતો, સમાજ જીવન પ્રત્યે રુચિ કેળવાઈ હતી. તેમણે સોશિયોલોજીને મુખ્ય વિષય તરીકે પસંદ કર્યો. ભારતીય સમાજના સળગતા પ્રશ્નોની સમજ એક સનદી સેવક તરીકે પણ આ વિષયના લીધે વધુ તીક્ષ્ણ બને છે. આદિત્ય કહે છે, ‘સીમિત સંદર્ભ સાહિત્ય હોવું જોઈએ. માહિતી વિસ્ફોટના યુગમાં રોજ નિતનવું મટિરિયલ્સ દુકાનોની બહાર ખડકાતું રહે છે. ઘણા ઉમેદવારો બધાથી જુદા પડવાના જ્વરમાં મટિરિયલના માયાજાળમાં ફસાઈ જાય છે. સિવિલ સેવાના લાખો ઉમેદવારો વચ્ચેથી કેટલાય દાયકાઓથી પ્રતિષ્ઠા પામેલાં પુસ્તકો આ મટિરિયલ-અસુર સામે આજે પણ પાદરના જૂના વડલાની જેમ ઊભા છે. માહિતી અગત્યની નથી, સમજણ અગત્યની છે.’ જરૂરી નથી કે તમે પોપ્યુલર સોર્સ જ પસંદ કરો, પણ જે કરો તે સાવધાનીથી પસંદ કરો. એ પુસ્તક સાથે લોંગ ટર્મ રિલેશનશિપમાં જવાની તૈયારી હોય તો જ. બહારથી માહિતી મળે તો એનાં પાનાંઓ પર ટપકાવી દો. પરીક્ષામાં આંખો આગળ એ પુસ્તકનાં પાનાં પ્રગટ થાય એટલાં તો વાંચવા જ પડે. વારંવાર રિવિઝન કરો. તમે જે વાંચો છો એ પ્રીલિમિનરી, મેન્સ અને ઇન્ટરવ્યૂના ત્રણ તબક્કામાં ફરીફરીને ઉપયોગમાં લેવાનું છે. આ એક લોંગ ટર્મ ઇન્વેસ્ટમેન્ટ છે. તેમણે રિવર્સ એન્જિનિયરિંગ કર્યું. ત્રણ રિવિઝન જરૂરી છે. પ્રીલિમિનરી કે મેન્સ પહેલાં કઈ તારીખે પોતે ત્રીજું રિવિઝન કરશે એ નક્કી કર્યું. એ ઊંધા પગલે ચાલતા પહેલાં બે રિવિઝન ક્યારે કરવાના એની તારીખો પણ નક્કી કરી. એ જ હિસાબે પોતાના વાંચવાની દિનચર્યા બનાવી. ચોક્કસ આ દિનચર્યા સો ટકાના સ્તરે અમલમાં લાવી ન શકાય પણ તમને રોજબરોજના વાંચનમાં ખ્યાલ આવે કે તમારી પ્રગતિ કેટલી થઈ છે. મગજના મશીનની ફ્રિક્વન્સી સેટ કરીને ફાઈન-ટ્યૂનિંગ કરી શકાય, જેથી પરીક્ષાના દિવસે સારું સંગીત વાગે. પ્રીલિમિનરી વિશે તેઓ કહે છે, ‘દરેકની રણનીતિ અલગ અલગ હોય છે. ઘણા એવા હોય કે જેમણે દસ હજાર એમસીક્યુ સૉલ્વ કર્યા છે અને અમુક એવા કે જેમણે હજાર-બે હજાર. કોઈની રણનીતિ જોઈને પોતે નક્કી ના કરવું કઈ. બે-ચાર મોક આપીને નક્કી કરવું કે શા માટે મોક આપવી છે. ઝડપ તપાસવી, ચોકસાઈ તપાસવી, સ્મૃતિ તપાસવી કે પછી આ મોકથી મારી તૈયારીમાં શું ફેરફાર આવશે? બીજું ટિક કરવાની ઉતાવળ ના રાખો.

એક્ઝામ હોલની બહાર એંસી કે નેવું ટિક કરવાનું નક્કી કર્યું હોય તો પરીક્ષાની શરૂઆતમાં રેશનલ માણસ છેલ્લા અડધા કલાકમાં ઈમોશનલ થઈને આડેધડ ટિક કરે છે. એ પણ ઉમેદવારને કટ-ઓફથી કટ કરે છે. પ્રેઝન્સ ઓફ માઈન્ડ અગત્યનું છે.’ તેઓ કહે છે, ‘દરેક નિષ્ફ્ળતા સારી શિક્ષક નથી હોતી. તમે બસ નિષ્ફ્ળ જાઓ છો. હિંમત ના ખોઈ બેસો અને લડો.’ પર્સનાલિટી ટેસ્ટમાં પણ તેમણે પોતાના બેકગ્રાઉન્ડને વિભાજિત કર્યું. તમામ સંભવિત પ્રશ્નોની યાદી બનાવી. ઇન્ટરવ્યૂમાં સરસ દેખાવ કર્યો. તેમની મહેનત રંગ લાવી. તેમણે બે વાર સિવિલ સેવા પરીક્ષામાં લક્ષ્યવેધ કર્યો. ઇન્ડિયન રેલવે મેનેજમેન્ટ સર્વિસમાં ફરજ બજાવી રહેલા આદિત્ય અમરાણી ચાલુ વર્ષે ઇન્ડિયન પોલીસ સર્વિસમાં પસંદગી પામ્યા છે. }

રમતોત્સવ:ઓલિમ્પિક્સ ગેમ્સનો ગરવો ઇતિહાસ

✍વિપુલસિંહ વાળા


ઓલિમ્પિક્સ એ વિશ્વની સૌથી મોટી રમતગમત સ્પર્ધા છે. અત્યારે પેરિસમાં એ સ્પર્ધા ચાલી રહી છે. મૂળ તો ઈ. સ. પૂર્વે 776માં સૌપ્રથમ વખત ઓલિમ્પિક્સ રમતની શરૂઆત પ્રાચીન ગ્રીસના ઓલિમ્પિયા શહેરથી થઈ હતી. ઈ.સ. પૂર્વે 394 સુધી ઓલિમ્પિક્સ રમતો દર ચાર વર્ષે યોજાતી હતી પરંતું રોમના રાજા થિયોડોસિયોએ ઈ. સ. પૂર્વે 393માં તેનું આયોજન બંધ કરાવ્યું હતું.

આધુનિક ઓલિમ્પિક્સનો ઇતિહાસ • આધુનિક ઓલિમ્પિક્સ શરૂઆત ફ્રાન્સના બેરોન પિય રેડી કુબરટિનના પ્રયાસોથી વર્ષ 1896માં ગ્રીસની રાજધાની એથેન્સથી થઈ હતી. • ત્યારબાદ દર ચાર વર્ષે ઓલિમ્પિક્સનું આયોજન થાય છે. • ઈન્ટરનેશનલ ઓલિમ્પિક્સ કમિટી (IOC) ઓલિમ્પિક્સ રમતોનું સંચાલન કરે છે. • ઇન્ટરનેશનલ ઓલિમ્પિક્સ કમિટી (IOC)ની સ્થાપના 1894 માં કરવામાં આવી હતી. • IOCનું મુખ્યાલય સ્વિત્ઝર્લેન્ડના લૌસેન ખાતે આવેલું છે. • IOC અંતર્ગત જે તે દેશમાં ઓલિમ્પિક્સ એસોસિયેશન હોય છે. ભારતમાં ઈન્ડિયન ઓલિમ્પિક્સ એસોસિયેશન (IOA)ની શરૂઆત વર્ષ 1924માં થઈ હતી. • આ ઓલિમ્પિક્સ બે ભાગમાં યોજાય છે : (1) સમર ઓલિમ્પિક્સ અને (2) વિન્ટર ઓલિમ્પિક્સ • અગાઉ ટોક્યો ખાતે 32 સમર ઓલિમ્પિક્સ 2020નું આયોજન કરવામાં આવ્યું હતું. (કોરોના મહામારીને કારણે વર્ષ 2021માં આ ઓલિમ્પિક્સ યોજાઇ હતી.) જ્યારે વર્ષ 2024ના ઓલિમ્પિક્સનું ફ્રાન્સના પેરિસ ખાતે 26 જુલાઈ થી 11 ઓગસ્ટ સુધી આયોજન થયું છે. સમર ઓલિમ્પિક્સનું આયોજન ક્રમ વર્ષ શહેર દેશ પ્રથમ 1896 એથેન્સ ગ્રીસ 32મી 2020-21 ટોક્યો જાપાન 33મી 2024 પેરિસ ફ્રાન્સ 34મી 2028 લોસ એન્જલસ અમેરિકા

• સમર ઓલિમ્પિક્સ દર ચાર વર્ષે યોજાય છે. • સમર ઓલિમ્પિક્સને ‘ગ્રીષ્મકાલીન ઓલિમ્પિક્સ’કે ‘ઉનાળુ ઓલિમ્પિક્સ' તરીકે પણ ઓળખવામાં આવે છે. • જ્યારે પ્રથમ વિન્ટર ઓલિમ્પિક્સ નું આયોજન ફ્રાન્સના ચેમોનિકસ (Chamonix) ખાતે વર્ષ 1924માં થયું હતું. • આ અગાઉ ચીનના બેઈઝિંગ ખાતે વર્ષ 2022માં 24મા વિન્ટર ઓલિમ્પિક્સનું આયોજન થયુ હતું. •

વિન્ટર ઓલિમ્પિક્સ પણ દર ચાર વર્ષે યોજાય છે. • સમર અને વિન્ટર ઓલિમ્પિક્સ વચ્ચે બે વર્ષનો ગાળો હોય છે. • વિન્ટર ઓલિમ્પિક્સને ‘શીતકાલીન ઓલિમ્પિક્સ’ કે ‘શિયાળુ ઓલિમ્પિક્સ’ તરીકે પણ ઓળખવામાં આવે છે.


ઓલિમ્પિક્સ ધ્વજ • વર્ષ 1914માં ઓલિમ્પિક્સ ધ્વજ બનાવવામાં આવ્યો હતો. • ઓલિમ્પિક્સ ધ્વજને સૌપ્રથમ સાતમાં ઓલિમ્પિક્સ રમતોત્સવ એન્ટવર્પ શહેરમાં ફરકાવવામાં અવ્યો હતો. ઓલિમ્પિક્સ ધ્વજ સિલ્કનો બનેલો છે. • આ ધ્વજ પર પરસ્પર જોડાયેલાં પાંચ વર્તુળો હોય છે. તેમાં વાદળી, પીળો, કાળો, લીલો અને લાલ રંગ ક્રમશઃ પૂરેલા હોય છે. • ·ઓલિમ્પિક્સનાં પાંચ વર્તુળો એ પાંચ ખંડનાં પ્રતીક છે. તથા પરસ્પર જોડાયેલાં હોવાથી આંતરરાષ્ટ્રીય સદભાવના અને મૈત્રીનો સંદેશ આપે છે. •

આ પાંચ વર્તુળ વિશ્વના પાંચ ખંડોનું પ્રતિનિધિત્વ કરે છે : (1) વાદળી સર્કલઃ યુરોપ, (2) પીળુ સર્કલ : એશિયા, (3) કાળુ સર્કલ : આફ્રિકા, (4) લીલુ સર્કલ : ઓસ્ટ્રેલિયા, (5) લાલ સર્કલ : અમેરિકા ઓલિમ્પિક્સમાં ભારત • ઓલિમ્પિક્સની શરૂઆત વર્ષ 1896માં થઈ હતી. • ભારતે સૌપ્રથમ ઈ. સ. 1900માં પેરિસમાં રમાયેલા ઓલિમ્પિક્સમાં ભાગ લીધો હતો. • ત્યારબાદ 1920થી ભારતે તમામ ઓલિમ્પિક્સમાં ભાગ લીધો છે. • વર્ષ 1900થી વર્ષ 2020-21 સુધીમાં ભારતે ઓલિમ્પિક્સમાં 16 બ્રોન્ઝ સહિત કુલ 35 મેડલ જીત્યા છે. • ભારતે જીતેલા 10 ગોલ્ડમાંથી 8 હોકીમાં, 1 ગોલ્ડ શૂટિંગમાં અભિનવ બિન્દ્રાએ અને એક ગોલ્ડ જેવલિન થ્રોમાં નીરજ ચોપરાએ અપાવ્યો છે. • અત્યાર સુધીમાં ભારતીય પુરુષ હોકી ટીમે આઠ ગોલ્ડ, એક સિલ્વર અને 3 બ્રોન્ઝ મેડલ જીત્યા છે. • ઓલિમ્પિક્સમાં હોકીની રમતમાં સૌથી વધુ ગોલ્ડ ભારતે જીત્યા છે.}

#Sports #GK

વન મહોત્સવ ૨૦૨૪…

રક્ષક વન : નારીશક્તિના સાહસ અને શૌર્યને સમર્પિત...

#GujaratInformation1000
#Vanmahotsav2024

ભારે વરસાદના લીધે જેના ઘરે Light નથી તેવા Aspirantની મદદ કરવા AC ચેમ્બરમાં બેસેલ વ્યક્તિઓ આગળ આવ્યા.