📔دستور الملتزم ( الجديد )

▪️أولا خماسية البدء :-

5⃣ افهم معنى الالتزام

-أول ما ظابط الشرطة بيتخرج من كلية

الشرطة بياخد رتبة إيه ❓

◻ملازم

ليه قالو كلمة ملازم  ❔

👈لأنه هيلازم قسم الشرطة مش

هيسيبه

-أول ما الدكتور بيتخرج و بيلازم

المستشفي بيتقال عليه  إيه ❓

◻طبيب مقيم

و هو ده معنى ⬆الالتزام

📌 الالتزام يعني أنت هتلتزم

طريق ربنا مدى الحياة إن شاء الله 

ده طريق عمر خلاص أنت فصلت و

تركت طريق المعاصي 👎و البعد عن

الله عز وجل

📌ملتزم ده يعني فيه أعمال هتلتزمها

لازم تعرف إن مهما حصل فيه خطوط

حمراء ( Red lines ) مش هتقل

عنها في عبادتك⚠

افهم معنى الالتزام و طبقه👌في

حياتك صح

#التزمت_ثم_ماذا❔
#البوست6⃣
#الشيخ_حازم_شومان

#دستور_الملتزم  ( الجديد )📔

ثانياً خماسية الانطلاق:-

1️⃣ فكر الأوراد (١)

📌يعني إيه فكر الأوراد ❔

- فكر الأوراد معناه مفيش حاجة اسمها

أنا ماشي بمزاجي

❎طالبة معايا دلوقتي قيام ليل فأقيم

الليل ،طالبة معايا دلوقتي حفظ قرآن

طالبة معايا دلوقتي اتعلم فقه و عقيدة

طلبت معايا بقا جلسة ضحى اليومين

اليومين دول❎

-  وداعاً للعشوائية في الالتزام↕️

-الأوراد معناها إنك هتشتغل بس

بطريقة منظمة مش مهرجلة 👍

-  في فكر الأوراد لازم يبقى عندك

ثوابت مقدسة 👈خطوط حمراء

غير قابلة للتنازل أبداً  مهما كان

العوارض و الشواغل

- فكر الأوراد بيقولك دينك مش لعبة

⚠️اوعى تسيب دينك ريشة في

مهب الريح يحصل أي ظرف أو يحصل

لك انشغال👎 دينك يضيع

-وداعاً للمشاعرية⬇️

فكر الأوراد يعني انتقل من الفكر

المشاعري إلى الفكر العملي🔄

الفكر المشاعري اللي هو  قاعد يراقب

مشاعره 👇

◻️مبتشتغلش في الدعوة ليه ؟

مش لاقي قلبي

◼️أنا محبطة النهارده و مقفولة

ليه ؟

مش لاقية  قلبي، أنا مزاجي وحش

#الطريق_لقلبك_هو_وردك💡

-أول سور نزلت من القرآن كانت عن

تكاليف عملية

( اقرأ - قم - قم -سبح )

بداية الطريق لازم تبقى حاجات عملية

قبل ما تتكلم عن حال قلبك مع الله ،

أسأل نفسك عن حال أورادك ..فين

أورادك ؟

📌أهمية فكر الأوراد ❔

◼️طريقة الورد هتخليك إنسان مستقر

في العلاقة مع الله

◼️لو استمريت على الورد هتوصل لمقامات

إيمانية عالية لا يمكن تتخيل إنك توصلها


#البوست7️⃣
#التزمت_ثم_ماذا؟
#الشيخ_حازم_شومان

#دستور_الملتزم ( الجديد )📔

ثانياً : خماسية الانطلاق

1️⃣فكر الأوراد ( ٢)

📌كل ما تريد أن تصل إلى الله به

حوله لورد .. كل ما لن يتحول إلى ورد

فلن تستفيد منه

يعني إيه ❔

بتحب عبادة معينة اعملها ورد

يبقى عندك أوراد يومية و أوراد أسبوعية

و أوراد شهرية و سنوية

◀️قواعد لنجاح( أي ورد )

(١) اقبل الترقي التدريجي

لما تجي تعمل ورد أبدأ بأخف حاجة

تقدر تبدأ بيها بداية سهلة و تزيد بعدها

(٢)أداء الورد بفكر المجاهدة

و ليس بفكر أداء الواجب

مثال 👈حدد ورد بسيط بس اعمله

صح بفكر المجاهدة

(٣)الورد ليس عصا سحرية

بعمل وردي بقالي أسبوع لا قلبي عاش

في السما و لا حصل لي أي حاجة !

الورد مش عصا سحرية  أول ما هتبدأ

تعمله قلبك هيبقى في السما

اصبر سنة أو اتنين👌

- و قلبك لما يجي هيكون شوية

فوق و شوية تحت

👈الله عز وجل سماه قلب لأنه

بيتقلب شوية فوق و شوية تحت

أهم شئ الاستمرار  على الورد

💡هو اللى هيوصلك للمقامات

الإيمانية العالية

(٤) احذر من الطمع في الالتزام

يعني إيه الطمع ؟

يعني أنا عملت ورد قرآن تمام

هعمل ورد جلسة ضحى كل يوم بقى

و ورد قيام الليل ساعتين قبل الفجر كل

ليلة و ورد هقعد من المغرب العشاء

أحفظ قرآن في المسجد و ورد هحضر

درس الشيخ ... يوم كذا و درس الشيخ

....يوم كذا ........

لو عملت كده⬆️ مش هتقدر تكمل

*️⃣لازم عقلانية في تحديد الأوراد


البوست8️⃣
#التزمت_ثم_ماذا؟
#الشيخ_حازم_شومان

#دستور_الملتزم ( الجديد )📔

ثانيا : خماسية الانطلاق

1️⃣فكر الأوراد (٣)

📌(((الخطوط الحمراء )))

💡خط أحمر يعني خط التراجع اللي

متقلش عنه

١ ) الـ ٥ فروض في وقتها

✅الصلاة في جماعة

✅ تكبيرة الإحرام

⬅️بالنسبة للأخوات سيبي اللى في

إيديك و صلي

٢)ورد القرآن

٣) أذكار بعد الصلاة

اختار ذكرين فقط آية الكرسي

و مثلا سبحان الله  ١٠مرات  و الحمد

لله ١٠ مرات و الله أكبر ١٠ مرات

لما تبقى تنجح فيهم  زود إن شاء الله

٤) أذكار الصباح و المساء :-

اختار ذكرين زودت على نفسك أوي

اختار ٣ بس أثبت

لما تثبت عليهم   ٦ شهور مثلا ابقى

زود

بلاش تقول كل الأذكار في البداية

علشان هتقولها كم يوم و مش

هتكمل👎

اتعلم الأوراد بتيجي إزاي؟

الدنيا مبتجيش بالعافية

واحدة... واحدة
 
٥) ركعتين الضحى 

٦) ركعة الوتر ( قبل ما تنام )

#البوست9️⃣
#التزمت_ثم_ماذا ❔
#الشيخ_حازم_شومان

ثانياً خماسية الانطلاق:-

2️⃣ فكر الشحن (١)

البطارية لو مشحنتهاش التليفون

هيشتغل ❔

حط قلبك على الشاحن 🔌

🔄 من غير شحن مفيش أوراد

👈لازم شحن عشان تقدر تواصل

إيه الحاجات اللي بتشحن ❓

أ) حضور الدروس

شوف ظروفك إيه و ثبت درس أسبوعي

الدرس ده حقنة نور في قلبك 💡

ملائكة السماء بتحف الدروس

الإيمانية

اتربى وسط الملائكة 🧡

اللي هيتربى وسط الملائكة دي

أفضل تربية

الناس اللي مش راضية تحضر

أعرضوا فأعرض الله عنهم 👎

الناس اللي بتحضر دروس

هم في معسكرات الإيوء الربانية

♥️ آووا إلى الله فآواهم الله♥️

ب) سماع الشرايط

اسمع دروس المساجد بتاعة زمان

↕️تذكر قول الله عز وجل :-

{وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ}

#البوست 🔟
#التزمت_ثم_ماذا ❓
#الشيخ_حازم_شومان

#دستور_الملتزم ( الجديد )📔

ثانيا : خماسية الانطلاق

2️⃣فكر الشحن ( ٢)

ج) حفظ القرآن

حفظ القرآن بيشحن ، حفظ القرآن

هيخليك بني آدم تاني

◻️في ناس دخلت المسجد مرات

و مكملتش 👈 ما التزموش وثبتوا

غير لما حفظوا القرآن

◻️ في دعاة كتير اللهم لك الحمد

التزامهم كان بسبب حفظ القرآن

👈امشي بمنهج و خط سير في

حفظ القرآن ،كفاية عشوائية و توهان

⬅️خطوة أولى قرآن

الجزء التلاتين ..حفظته و راجعته و

صليت بيه

خطوة تانية ..يبقى المفصل من ق

للجزء الثلاثين

خطوة تالتة من يس لـ ق

خطوة رابعة من الكهف لـ يس

خطوة خامسة من الأعراف للكهف

خطوة سادسة من البقرة للأعراف

د) الدعاء

الدعاء ده بيشحن القلب بالإيمان أصلا

من غير الاستجابة

👈أبدأ براحة، ارفع إيدك لربنا ٥

مرات و قول يارب

اختار إما دقيقة قبل كل صلاة، يا دقيقة

بعد كل صلاة

↙️ الدعاء بين الأذان و الإقامة لا يرد

ارفع إيدك دقيقة بين الأذان و الإقامة

طيب و لو ملحقتش بعد الصلاة ارفع

إيديك الدعاء مستجاب برضه

♥️اطلب من ربنا اللي أنت عايزه

💡ركز في دعائك

و شوف ربنا هيغير لك حياتك إزاي❔

البوست 1️⃣1️⃣
#التزمت_ثم_ماذا ❔
#الشيخ_حازم_شومان

#دستور_الملتزم ( الجديد )📔

ثانيا خماسية الانطلاق

2️⃣فكر الشحن (٣)

ه) الاحتكاك بالنماذج العالية

النماذج اللي توسع أفقك

الناس اللي لما تشوفها بعينك ، الدنيا

تختلف

-لو عرفت تقعد مع داعية قاعدة ، لو

عرفت تقعد مع أحد المربين قاعدة

خاصة

-لو عرفت توصل لأخ من الأخوة

المنطلقين و تقعد معاه و تصاحبه

↙️صحبة عالية الهمة

و ) المواسم

أنت فيهم وقف لله تعالى♥️

لأن دي شحنة السنة كلها

◼️رمضان
◼️عشر ذى الحجة
(◼️عمرة )

لو متشحنتش هتلاقي الفتور

بيجيلك كتير و بتقع كتير، الشحن

هيخليك تقدر تستمر على أورادك

بإذن الله

🔌الشحن هيخليك دائماً سخن

و متحمس

اللي مش هيحضر دروس و مش

هيتشحن صح هيطلع بارد حتى

لو بقى داعية هيطلع على المنبر بارد

لأنه ما اتعلمش إن الدين فيه سخونية

و إن الدين فيه حماس و إن النبي

صلى الله عليه وسلم وقف على

المنبر و ارتجف به

#البوست2️⃣1️⃣
#التزمت_ثم_ماذا ❔
#الشيخ_حازم_شومان

ثانياً خماسية الانطلاق:-

3️⃣  فكر القنص

لاعب الكرة القناص اللي بيعرف يجيب

جون من نص فرصة⚽️

🎗تعرف تعمل كده في التدين

تعرف تبقى قناص🏹 ❓

الملتزم القناص ده اللي يساوي

🎗القنص ده استرجل بتاعة

المتدينين ... خليك رجل جرئ🌟

🎗اقنص الفرصة اللي تيجي قدامك

اتعرض عليك فرصة تنزل مع  قافلة

خيرية أو تعمل عمل مش من ضمن

أورادك استرجل و روح

أنت خسران إيه ❔

إما تطلع حلوة و تحولها لورد بعد

كده و تبقى عمل جديد في حياتك و

مكن يبقى مجال حياة تتخصص فيه بعد

كده .. حد عارف ❓

و لو كانت مرة و خلاص فأنت كسبت

حسنة الحمد لله 👍

و هيبقى عمل صالح جربته و فهمته

🎗متضيعش فرصة اتفتحتلك

أول ما تلاقي حاجة قدامك

ما تستنهاش تقف قدامك سنة بقا

و أنت تقعد تفكر آخدها و لا لا ❔

الحياة فرص ماتضيعش

الفرصة🚫  لو جت مرة ممكن

متجيش تاني

👈 في فرص هي رسائل من ‏ربنا

لو تجاوبت معاها هيتفتحلك باب خير

كبير أوي

🎗الحاجات اللي أنت بتقنصها دي

ممكن بعد كده تفتحلك آفاق في الدين

تفرق في عمرك كله

تفرق في كل حياتك

اقنص خليك مهاجم شاطر 🏹

من نص فرصة تجيب جون

أنت مش عارف الحسنة اللي هتدخلك

الجنة إيه 💙

مش  عارف ممكن تيجي بسبب القنص

ده يوم و القيامة وتنادى من أبواب

الجنة الثمانية

#التزمت_ثم_ماذا❔ ( الدرس ٢)

#البوست3️⃣1️⃣

#الشيخ_حازم_شومان

ثانياً  : خماسية الانطلاق :-

4️⃣ فكر بيئة الإيمان

يعني إيه فكر بيئة الإيمان ❔

يعني لازم يبقى ليك شلة🤝

لازم يبقى ليك بيئة إيمان💙

طيب أجيبها منين ❓

◀️كراش عليه

1️⃣لازم يكون ليك صحبة  في إتجاه

حياتك صحبة صالحة

⭐️اعمل كراش على أخ في

المسجد معاك عشان تتعرف عليه

بونبوناية مثلا و تقول له ازيك يا أخي

ده أنا و الله حبيتك في الله

المرة الجاية تجيب معاك أي حاجة

حبيب قلبي الغالي و الله أنا نفسي

اتعرف عليك

🎗بس بص لواحد كده تحس إنه

مصحصح

2️⃣تاني واحد تعمل كراش عليه

أخ أكبر منك بسنتين

شوف أي حد سابقك بسنتين هتلاقي

كتير

🌟ده قيمته إنك هتقدر تحكي له

المشاكل اللى هتقابلك في التزامك

👈مشاكلك اللي حصلت في بيتك

لما تدينت ، مشاكلك مع معصية

قديمة مش قادر تتخلص منها و غيرها

أنت محتاج تكلمه

3️⃣أنت محتاج مسجد فيه ملتزمين

بيصلو و بيتقابلو و بيحفظوا

قرآن مع بعض و فيه دروس إيمانية و

فيه دروس علمية

محتاج مسجد فيه جو دين و فيه

نشاطات في الدروس

اعمل كراش عليهم في المسجد إنك

تدخل ببشاشة ،إنك تعزمهم ع حاجة

4️⃣ داعية بتحبه و اعمل كراش عليه

بكده هيبقى عندك عواميد نور 💡في

حياتك

عمود نور اسمه صاحب 💙صالح

عمود نور اسمه أخ أكبر منك بيوجهك

و بيفهمك👍

المشاكل اللي تقابلك تحلها إزاي

و عمود نور اسمه داعية بيديك دروس

شحن إيماني

و كمان احرص إن يكون عندك ⬇️

🎗عمود نور اسمه محفظ قرآن

🎗عمود نور اسمه مربي

دي 5️⃣ عواميد نور في حياتك

لو موجوده عندك يبقى أنت

صاحب بيئة إيمان حقيقية👍

#البوست 4️⃣1️⃣

#التزمت_ثم_ماذا ( الدرس ٢)

#الشيخ_حازم_شومان

دستور_الملتزم  ( الجديد )📔

ثانياً خماسية الانطلاق:-

5️⃣ فكر المجاهدة 

🌸 المجاهدة هي النقطة الفاصلة

مابين ملتزم والثاني

☘️ فكر الأوراد وفكر الشحن علشان

تبقى إنسان متدين

مش إنسان عايش في وهم التدين👎

لكن فكر المجاهدة

هو اللي بتميز ملتزم عن ملتزم

ده اللي هيخلي .. بإصطفاء الله وحده

واحد بكرة داعية ..أو مربي .. أو

طالب علم .. أو معلم .

و واحد يفضل في مكانه زي ماهو .

يعني إيه فكر المجاهدة ❓

🌟فكر المجاهدة إن لازم يبقى في

وقفات مجاهدة

في حياتك .. غير فكر الأوراد والخطوط

الحمراء ⚠️

◀️مجاهدة زي سيدنا إبراهيم كده ..

واقف بيقول  أنا عايز إيماني يزيد يا رب

أنا عايز قلبي
👇

{وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِي الْمَوْتَىٰ ۖ قَالَ أَوَلَمْ تُؤْمِن ۖ قَالَ بَلَىٰ وَلَٰكِن لِّيَطْمَئِنَّ قَلْبِي ۖ .......} [البقرة : 260]

◀️فكر المجاهدة يعني كلمة سيدنا

موسى " وَإِذْ قَالَ مُوسَىٰ لِفَتَاهُ

لَا أَبْرَحُ حَتَّىٰ أَبْلُغَ " مَجْمَعَ الْبَحْرَيْنِ أَوْ أَمْضِيَ حُقُبًا} [الكهف : 60]

تبلغ فين يا سيدنا موسى .. ده إنت

من أقوى خمس عزائم في تاريخ

البشرية .. تبلغ فين ده أنت نبي الله

  ده أنت اللي بتعلم البشرية

  رايح تقطع ‏المسافات من أجل تعلم

ثلاث مسائل ..

🌟هي دي المجاهدة . إن يفضل

جواك جزوه متقده أنا لازم أزيد  .. أنا

مش مقتنع باللي أنا فيه ده ..

عشان كده أنت بتقول في الفاتحة اهدنا

الصراط المستقيم

و  بعد ما تبقى داعية إلى الله

هتفضل تقول اهدنا الصراط المستقيم

  طيب النبي بعد ما بقى نبي بردو

بيقول ‏اهدنا الصراط المستقيم

🌺شهية المؤمنين للزيادة

في الوصول إلى الله لا تتوقف❌

#البوست 5️⃣1️⃣

#التزمت_ثم_ماذا؟ (الدرس 2)

#الشيخ_حازم_شومان

#بصمات_وعلامات_آي_القرآن_في_حياة_الإنسان 2️⃣1️⃣🌻

💟بصمة سورة النساء:

🌿علمتني أن يكون زادي في الحياة تقوى الله، وهي وصية الله للأولين والآخرين.

💭 {وَلَقَدۡ وَصَّیۡنَا ٱلَّذِینَ أُوتُوا۟ ٱلۡكِتَـٰبَ مِن قَبۡلِكُمۡ وَإِیَّاكُمۡ أَنِ ٱتَّقُوا۟ ٱللَّهَۚ}.

ﮩ•┈┈••✾•◆❀◆•✾••┈┈•ﮩ
شاركونا على تليجرام 💕جــنــة الـدنيا🍃
https://www.tg-me.com/ganataldonya

#بصمات_وعلامات_آي_القرآن_في_حياة_الإنسان 3️⃣1️⃣🌻

💟بصمة سورة المائدة:

🌿علمتني أن أكون صادقًا بمعناها الشامل، صادقًا في كل نواحي حياتي، صادقًا في إيماني، صادقًا في معاملاتي، صادقًا في أقوالي وأفعالي وسلوكياتي، صادقًا في أداء عباداتي.

💭 {قَالَ اللَّهُ هَٰذَا يَوْمُ يَنفَعُ الصَّادِقِينَ صِدْقُهُمْ ۚ}.

والطريق إلى ذلك:
{يَا أَيُّهَا الَّذِينَ آمَنُوا أَوْفُوا بِالْعُقُودِ}.

ﮩ•┈┈••✾•◆❀◆•✾••┈┈•ﮩ
شاركونا على تليجرام 💕جــنــة الـدنيا🍃
https://www.tg-me.com/ganataldonya

دستور_الملتزم  ( الجديد )📔

ثانياً خماسية الانطلاق:-

5️⃣ فكر المجاهدة 

🔰ثمرات إننا يبقى عندنا أوراد

مجاهدة إيه.؟

١) ورد المجاهدة بيحافظ على مشاعر

البداية  هتبقى حياتك كلها حماس

إيماني

لياقتك الإيمانية عالية.. التزامك شباب

على طول

٢) أول ما هتبدأ تاخذ الدين بروح

المجاهدة .. و روح الحرب من أجل

الوصول إلى الله .. هتلاقي المعاملة

بينك و بين ربنا اتغيرت تمامًا

  في قانون كدا اسمه قانون

(جاهد تشاهد ) كل ما

تجاهد ربنا يعطيك كرامات دنيوية ..

و يعطيك رؤى موجهة.. ويعطيك

تيسير للهداية أكتر وأكتر  و يعطيك

إجابة الدعاء

علامات معاملة مع الله ♥️

ربنا يلاطفك بيها ويقولك أنا معاك

٣)  قال ابن تيمية هذة غدوتي - ورد

المجاهدة اليومي بتاعه- فإن لم

اتغداها سقطت قوتي .. لا هيبقى

عندك قوة  على غض البصر .. و لا

قوة على أوراد عبادة ..ولا قوة على

تكبير الإحرام .. ولا قوة على حضور

درس

.. سقطت قوتي 👎

ورد المجاهدة هو ورد شحن 🔌القوة

والعزيمة ‏و تحصيل الروح المعنوية

#البوست6️⃣1️⃣

#التزمت_ثم_ماذا ❓( الدرس ٢)

دستور_الملتزم  ( الجديد )📔

ثانياً خماسية الانطلاق:-

5⃣ فكر المجاهدة 

⬅ ️اﻷوراد المطلوب المجاهدة فيها 

(أ)🌟ورد يومي 🌟

ورد قيام ليل أو  ورد جلسة ضحى

أو ورد من المغرب للعشاء ساعة يوميًا .

. الساعة دي تجاهد فيها في علاقتك

بالقرآن أو الذكر.

*⃣ساعة يوميًا .. تمسك المصحف

وتقرأ بس مش بطريقة أنا عندي

١/٤   أو حزب ورد مثلا فبقرأ بسرعة

و خلاص 👎

✅تعيش من أي مكان في

المصحف

  -تمسك سورة  و تعيش معاها كده

كل أسبوع .

-تمسك سلسلة في التفسير

وتسمعها

و أنت قاعد في جلسة الضحى ....

- تبدأ بقى ترتل القرآن و تقف مع

الآيه و تعرضها على قلبك️ ثلاث أربع

مرات لحد ما قلبك يشرب معانيها ..

وبعد كده الآية اللي بعدها

#البوست 7⃣1⃣

#التزمت_ثم_ماذا؟ (الدرس 2)

#الشيخ_حازم_شومان

دستور_الملتزم  ( الجديد )📔

ثانياً خماسية الانطلاق:-

5️⃣ فكر المجاهدة 

⬅️ الأوراد المطلوب المجاهدة فيها

(ب)🌟 ورد أسبوعي 🌟

✅يوم تفضي ساعتين كده للتدبر في

الخلق والمقابر .

أسبوع تروح مكان خلوي.. تتدبر في

خلق الله .. و أسبوع تروح المقابر

☘️لما تروح مكان خلوي

  خذ معاك على الموبايل صور طبيعية

مثلا 🏞🌄 .. مش عارف تلاقي

مكان طبيعي اقعد على اللاب أو

الموبايل هات أفلام طبيعية

زي أفلام  📀ال BBC مثلًا ..

أفلام من الناشيونال جيوغرافي بس

تكون أفلام آمنة 👍

  طبيعية ‏..تدبر وسبح ربنا عليها ..

هتنور قلبك 💛


#البوست 8️⃣1️⃣

#التزمت_ثم_ماذا؟ (الدرس 2)
#الشيخ_حازم_شومان

دستور_الملتزم( الجديد )📔

ثانياً خماسية الانطلاق:-

5️⃣ فكر المجاهدة 

⬅️ الأوراد المطلوب المجاهدة فيها

(ج)🌟ورد شهري 🌟

مجاهدة يوم في الشهر

تقفل على نفسك .. تقفلي على نفسك

غرفتك .. أو تقعد في مسجد تعتكف

فيه يوم مع سورة .. سورة زي الرعد

.. سورة زي ص .. سورة زي ق ..

سورة زي الحديد...أي سورة بتتكلم

عن ربنا .. وعن علو الهمة وتعيش👇
تصلي بيها الأول .. و أنت لسه

مقرأش تفسيرها أو سمعت تفسيرها

وبعد كده تسمع🎧 تفسيرها وتقرأه

.. ‏وبعد كدا بقى تعيش معاها باقي

اليوم بعد ما بدأت تفهمها

🌸تسلم قلبك للآيات🌸

-مش هتعرف تخلص نص سورة في

اليوم مفيش مشكلة

ولكن بتتعامل مع الآيات صح👌

  الآية هتبقى نبراس ليك طول عمرك ..

هتخرج من اليوم ده بقرارات عظيمة

اليوم ده هيبقى ‏نقلة في التزامك

بالذات لو استمريت عليه  👌

#البوست 9️⃣1️⃣

#التزمت_ثم_ماذا؟ (الدرس 2)
#الشيخ_حازم_شومان

دستور_الملتزم  ( الجديد )📔

ثانياً خماسية الانطلاق:-

5️⃣ فكر المجاهدة 

⬅️ الأوراد المطلوب المجاهدة فيها

(د)🌟ورد سنوي 🌟

🔹🔸رمضان

وقت المجاهدة في القرآن

اليوم بيبدأ من بعد التراويح لحد تراويح

تاني يوم.

الجزء اللي هيتقرأ في تراويح تاني يوم

  تفضل بقى تسمعه و تقرأ تفسيره

وتسمع تفسيره .. و تصلي بيه .. 

تتدبره ...

و الإمتحان في صلاة التراويح يا ترى

أنت وصلت لفين❔

لحد أمتى الموضوع ده 👆❓

لحد ما تموت ..النبي صلى الله عليه

وسلم كان جبريل يأتيه في رمضان

فيدارسه القرآن

🌸هو ده برنامج رمضان 🌸

مدارسة القرآن .. والتدبر في القرآن ..

🔹🔸العشر من ذي الحجة

  ‏دورة تربوية مكثفة في الذكر .. لو

أنت أخذتهم ١٠ أيام ذكر هيغيرولك

حياتك كلها .. وهيصلحولك👍

بوصلة قلبك

وهيعملولك تظبيط زوايا 💙

#البوست 0️⃣2️⃣

#التزمت_ثم_ماذا؟ (الدرس 2)
#الشيخ_حازم_شومان

دستور_الملتزم  ( الجديد )📔

ثالثا : خماسية الارتقاء

-خمس حاجات أنت لو ما قبلتهاش
وعرفت تتعامل معاها إزاي ❗️
هتدمرلك نفسيتك .. و هتخليك محبط
1 ) الفتور 2 ) الوقعات 3 )  الدنيا
4)الوقوع في الذنب 5 ) مشاكل بداية
الالتزام
◀️ الحاجات دي هيحصلولك شئت أم
أبيت

  ال5️⃣ مشاكل دول عايزين واحد عاقل و ذكي أكتر ما هم عايزين واحد مؤمن

1️⃣ اقبل الفتور( مش لاقي قلبي)❕

❌أنا عندي فتور .. يبقى أنا منفعش
يبقى أنا ضايع يبقى أنا محبط .. يبقى
أنا مصيبة والعياذ بالله❌

🔰فقه التعامل مع الفتور بيقوم على
خمس قواعد :-

1️⃣الفتور ظاهرة طبيعية

◀️في أول عشر سنين في الالتزام
طبيعي جدا يجيلك فتور كتير ،حاجة
طبيعية جدًا بعد كده طبعًا لو أنت
استمريت في المجاهده بيقل جدًا بإذن الله

2️⃣الفتور ظاهرة صحية

لو محصلش هتبقى فرعون
الفتور ده ربنا بيربيك بيه
بيكسر نفسيتك .. وبتحس بإخوانك
الضعفاء في الدين بدل ما أنت متفرعن
و قاعد تبصلهم ...أنتو مش عارفين
تقيموا الليل  و مش قادرين تجاهدوا!
عشان ترحم غيرك بعد كده  .. و عشان
تحس بالناس بعد كده

3️⃣ إياك أن تحول الفتور إلي كارثة

- في ناس كده بتتغابى على نفسها
و تحول الفتور لكارثة
يجيله فتور ..يقول أنا ضايع يقوم داخل
في إحباط 👎
فحول الفتور لمصيبة
◀️ بدل ما بقى فتور كم يوم بقى إحباط بيقعد بالشهور

◀️و ممكن يقع في ذنب كبير بعد كده و ينتكس
⭐️ فهي مش عافية جالك فتور

أقبل و افهم إنه ظاهرة طبيعية⭐️

4️⃣طيب أعمل إيه ❔❓👇

💊 العلاج رباني 💊
((((لوحدك هتخف)))

-زي واحد قاعد يذاكر يذاكر
فقام قالك إيه يوم يومين زهقت وهرجع
أذاكر تاني إن شاء الله

*️⃣ طيب عايز أخلص من الفتور بسرعة مش طايق نغسي ❔

📝عندك حاجتين تعملهم

1) أعمال الشحن

-الفتور مش حله العبادات ،الفتور حله الشحن📀
ادخل بقي اسمع مقاطع مؤثرة كتيرة
اسمع دروس عن علو الهمه كتير
إن شاء الله الفتور ينتهي بسرعة  

2) انزل اتفسح

🌸الفسحة عبادة زي ما الشحن عبادة🌸


5️⃣ وقت الفتور إياك أن تكسر الخطوط
الحمراء

-في الفتور ممكن تكون مش قادر تجاهد إنما الخطوط الحمراء لازم تتعمل حتى لو ملكش نفس اعملها

#البوست 1️⃣2️⃣

#التزمت_ثم_ماذا؟ (الدرس 2)

#الشيخ_حازم_شومان