🔰 أولا خماسية البدء :-

خمس حاجات لازم تبدأ بيهم ⤵️

1️⃣ الجدية في الالتزام

ويندوز بتنزله في دماغك عن طريق الدين ⬇️

نفسيتك و أنت داخل الالتزام 👈أنك داخل جد في كل حاجة في العبادة و في الدعوة و..... إلخ

✍ لازم من الأول تاخد قرار

⬅️ سيدنا أبو بكر الصديق أول يوم في التزامه

من أعظم أيام إنجازاته في الحياة 👌

6 من العشرة المبشرين بالجنة أسلموا فيه

يعني أول يوم عمل فيه إنجاز عظيم 🥇

⬅️ عمر بن الخطاب من أول يوم أخذ الصحابة و نزل الكعبة 🕋

وعمل نقلة نوعية في الدعوة 💯

⬅️ سيدنا خالد بن الوليد أول ما دخل في الإسلام .. نذر كل أملاكه للجهاد في سبيل الله ⚔

⬅️ عكرمة بن أبي جهل أول ما دخل في الإسلام أخذ قرار ✍

👈 كل نفقة أنفقها في صد عن سبيل الله ينفق ضعفها في سبيل الله 🌿

💥الصحابة لما بدأوا بقوة كملوا للنهاية بقوة

البداية كانت صح ، فالنهاية بقت صح ✔️


2️⃣ لن تصل إلى الله إلا بالله ( الدعاء ) 🤲

يعني إيه ❓

✏️ كلمة يارب تبقى أسلوب حياة

طول الطريق لازم تفضل رافع إيدك 🤲

ماليش غيرك يا رب 💚

محدش هيوصلني ليك إلاك يارب

◀️ يعني ما تعلقش قلبك بحد أنه يوصلك في الطريق 👎

🚫 اوعى تعتمد على شخص أو تعلق قلبك بشخص

كل اللي هتعلق قلبك بيهم علشان يوصلوك لربنا ما حدش منهم هيوصلك ✋

لا صحابك اللي حواليك هيوصلوك ❌

و لا المشايخ و لا الدعاة و لا العلماء و لا التيار الإسلامي كله👎

ما حدش هيوصلك لربنا إلا ربنا💚

إذن ⬅️ افتقر إلى الله و احرص على الدعاء للنهاية

3⃣ غير أخلاقك

عايز تغير كل اللي حواليك و تدعوهم 👌

حاجتين الأول لازم تعملهم :-

*⃣ الخطوة الأولى :-

( لازم تغير أخلاقك)

- متدخلش دخلة أنت غلط و أنتِ غلط و أنت نمام و أنت مغتاب ،

و تقفش مع أختك في البيت يا متبرجة يا ضلالية يا ظالمة

بالراحة 🤌

💭 افتكر قول الله عز وجل :-

{كَذَٰلِكَ كُنتُم مِّن قَبْلُ فَمَنَّ اللَّهُ عَلَيْكُمْ}

كل دول ناس جواها خير أكتر منك 👍

بس هما لسه مش فاهمين اللي أنت فهمته أو مأخدوش الخطوة اللي أنت أخدتها

لما ياخدوها هيبقوا أحسن منك 👌

- متضحكش على الناس في الشغل بتاعك

لو عملت كده ⬆️ هتشوه صورة الالتزام و الملتزمين

👈 متنفرش الناس من الالتزام

📝 روشتة الأخلاق السحرية 👇

✳️ خلق واحد تبهر بيه بيتك ( بر الوالدين)


✳️ خلق واحد تبهر بيه إخواتك في البيت
( التسامح )

حاجتك تبقى هي حاجتهم 👌

✳️ خلق واحد تبهر بيه عيلتك ( صلة الرحم )

✳️ خلق واحد تبهر بيه أصحابك و دفعتك ( الشهامة )

✳️خلق تبهر/ ي بيه الأخوة و الأخوات في المسجد ( الإكرام و البشاشة )

⬆️ كل ده أخلاق في صمت

ما تقولهمش حاجة و لا تعيش في الدور 👊

🌼 الدين هيخليك شخص مؤثر في حياة الناس

بأخلاقك هتبقى شخصية مميزة في المجتمع 🌟

*⃣ الخطوة التانية :-

( لازم تتغير و تطبق أنت الأول اللي أنت بتسمعه)

✔️ تبقى قدامهم نموذج عملي صالح

لو حققت الخطوتين دول ⏫

هتيجي تقول لهم ما تيجوا نتوب لربنا

هتلاقيهم أصلا التزموا لوحدهم 💚

ليه ❓

لأنك نموذج عملي، لأن الناس بتحب الدين

و لقت موديل عملي جميل 💚



#البوست2⃣
#التزمت_ثم_ماذا ❓
#دستور_الملتزم_الجديد
#الشيخ_حازم_شومان

ﮩ•┈┈••✾•◆❀◆•✾••┈┈•ﮩ
شاركونا على تليجرام جنة الدنيا🌸💕
https://www.tg-me.com/ganataldonya

💛🌿💛🌿💛🌿💛🌿

قَالَ رَسُولُ اللهِ -صلى الله عليه وسلم:🌹

(إِنَّ الله أمَدَّكُمْ بِصَلاَةٍ هِيَ خَيرٌ لَكُمْ مِنْ حُمْرِ النَّعَمِ،


قُلْنَا:

وَمَا هِيَ يَا رَسُولَ الله؟

قالَ: الوِتْرُ مَا بَيْنَ صَلاَةِ العِشَاءِ إِلى طُلُوعِ الفَجْرِ).

#الوتر وصية النبي صلى الله عليه وسلم 💎💎

ﮩ•┈┈••✾•◆❀◆•✾••┈┈•ﮩ
شاركونا على تليجرام جنة الدنيا🌸💕
https://www.tg-me.com/ganataldonya

تابع 🔰 أولا : خماسية البدء

4⃣ ابدأ مع القرآن

👈يعني اتعب مع القرآن ، جاهد مع القرآن

خذ الكتاب بقوة ✊

خذ حفظ القرآن بقوة، خذ تعلم التجويد بقوة،

خذ قراءة القرآن صح بقوة ، خذ ورد القرآن بقوة ،

خذ فهم القرآن و سماع دروس التفسير بقوة

◻️ جاهد في التلاوة

✔️ اقرأ صح و اتعلم ترتيل

✔️ اتعلم تقرأ القرآن بروح المجاهدة ،

✔️ سلم قلبك للآية ،كررها و اعرضها على قلبك .

◻ صلِ بالقرآن

◻ اسمع دروس فهم القرآن

◀ افهم أن القصة كلها في القرآن ربيع قلبي🧡 و نور صدري💡

ابدأ مع القرآن ، مش هيخليك راجل غيره👌

📖 القرآن ممكن يغير ضعف نفوسنا و ضعف العزيمة اللي مالي حياتنا في العبادة و الدعوة

📚 الشبهات اللي جوا قلوبنا و الأمراض النفسية اللي عندنا من عجب و كبر و غرور ممكن القرآن يغيرها 👍

📝 كلام القرآن عن الدار الآخرة له أثر تغييري رهيب ،

📖 القرآن ممكن يغير على المستوى المجتمعي

💡لازم نؤمن بطاقات القرآن في التغيير

آية واحدة من القرآن ممكن تزلزل حياتك ⚡️⚡️


5⃣ افهم معنى الالتزام

- أول ما ظابط الشرطة بيتخرج من كلية

الشرطة بياخد رتبة إيه ❓

👈 ملازم

👈لأنه هيلازم قسم الشرطة مش هيسيبه

و هو ده معنى ⬆ الالتزام

📌 الالتزام يعني أنت هتلتزم طريق ربنا مدى الحياة إن شاء الله 💚

ده طريق عمر 👌

خلاص أنت فصلت ✋ و تركت طريق المعاصي والبعد عن الله عز وجل

📌ملتزم ده يعني فيه أعمال هتلتزمها

✍ لازم تعرف أن مهما حصل

فيه خطوط حمراء ( Red lines )

مش هتقل عنها في عبادتك 👊

افهم معنى الالتزام و طبقه في حياتك صح ✔️



البوست 3⃣
#التزمت_ثم_ماذا ❓
#دستور_الملتزم_الجديد
#الشيخ_حازم_شومان

ﮩ•┈┈••✾•◆❀◆•✾••┈┈•ﮩ
شاركونا على تليجرام جنة الدنيا🌸💕
https://www.tg-me.com/ganataldonya

ثانياً خماسية الانطلاق:-

1️⃣ فكر الأوراد (١)

- فكر الأوراد معناه مفيش حاجة اسمها أنا ماشي بمزاجي

❎ طالبة معايا دلوقتي قيام ليل فأقيم الليل

- وداعاً للعشوائية في الالتزام.👋

-الأوراد معناها أنك هتشتغل بس بطريقة منظمة مش عشوائية 👍

- في فكر الأوراد لازم يبقى عندك ثوابت مقدسة 👈خطوط حمراء غير قابلة للتنازل أبداً مهما كان العوارض و الشواغل

- فكر الأوراد بيقولك دينك مش لعبة

⚠اوعى تسيب دينك ريشة في مهب الريح يحصل أي ظرف أو يحصل لك انشغال👎 دينك يضيع

-وداعاً للمشاعرية 👋

فكر الأوراد يعني انتقل من الفكر المشاعري إلى الفكر العملي🔄

الفكر المشاعري اللي هو قاعد يراقب مشاعره وقلبه

#الطريق_لقلبك_هو_وردك💡

-أول سور نزلت من القرآن كانت عن تكاليف عملية

( اقرأ - قم - قم - سبح )

بداية الطريق لازم تبقى حاجات عملية

📌أهمية فكر الأوراد 👇

◼طريقة الورد هتخليك إنسان مستقر في العلاقة مع الله

◼لو استمريت على الورد هتوصل لمقامات إيمانية لم تكن تتخيلها ✔️

العشوائية مش هتوصلك لحاجة 👎

💡 النبي – عليه الصلاة و السلام – حياته كلها كانت أوراد

زيارة مسجد قباء كل سبت،

درس النساء كل إثنين ،

يقعد مع الصحابة بعد الفجر و بعد العصر ،

الجلسة النسائية العامة لزوجاته الـ ٩ بعد المغرب

◼فكر الأوراد في الدين هيعلمك النجاح في الدنيا

📌كل ما تريد أن تصل إلى الله به حوله لورد ..

كل ما لن يتحول إلى ورد فلن تستفيد منه

يعني إيه ❓

بتحب عبادة معينة اعملها ورد ✔️

◀️ قواعد لنجاح( أي ورد )

(١) اقبل الترقي التدريجي

لما تيجي تعمل ورد ابدأ بأخف حاجة

تقدر تبدأ بيها بداية سهلة و تزيد بعدها 📶

(٢) أداء الورد بفكر المجاهدة ✊

و ليس بفكر أداء الواجب

(٣) الورد ليس عصا سحرية ✋

أول ما هتبدأ تعمله قلبك هيبقى في السما

اصبر سنة أو اتنين👌

💡 أهم شئ الاستمرار على الورد هو اللى هيوصلك للمقامات الإيمانية العالية

(٤) احذر من الطمع في الالتزام ⚠️

يعني إيه الطمع ؟

*⃣ لازم عقلانية في تحديد الأوراد

📌(((الخطوط الحمراء )))

💡خط أحمر يعني خط التراجع اللي متقلش عنه

١ ) الـ ٥ فروض في وقتها

✅الصلاة في جماعة

✅ تكبيرة الإحرام ⬅ بالنسبة للأخوات سيبي اللى في إيديك و صلي

٢) ورد القرآن

٣) أذكار بعد الصلاة اختار ذكرين فقط 👇

آية الكرسي و مثلا سبحان الله ١٠مرات و الحمد لله ١٠ مرات و الله أكبر ١٠ مرات

لما تبقى تنجح فيهم زود إن شاء الله

٤) أذكار الصباح و المساء :-

اختار ذكرين أو ٣ بس أثبت لما تثبت عليهم ٦ شهور مثلا ابقى زود

٥) ركعتين الضحى

٦) ركعة الوتر ( قبل ما تنام )


2⃣ فكر الشحن 🔋

البطارية لو مشحنتهاش التليفون مش هيشتغل

حط قلبك على الشاحن 🔌

🔄 من غير شحن مفيش أوراد

👈لازم شحن عشان تقدر تواصل

إيه الحاجات اللي بتشحن ❓

1⃣ حضور الدروس

شوف ظروفك إيه و ثبت درس أسبوعي

اتربى وسط الملائكة 🧡

اللي هيتربى وسط الملائكة دي أفضل تربية 👌

الناس اللي بتحضر دروس هم في معسكرات الإيواء الربانية💚

♥ آووا إلى الله فآواهم الله♥

2⃣ سماع الشرائط

اسمع دروس المساجد بتاعة زمان

↕ تذكر قول الله عز وجل :-

{وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ}

3⃣ حفظ القرآن

حفظ القرآن بيشحن ، حفظ القرآن هيخليك بني آدم تاني

◻في ناس دخلت المسجد مرات و مكملتش

👈 و ما التزموش وثبتوا غير لما حفظوا القرآن

◻ في دعاة كتير اللهم لك الحمد التزامهم كان بسبب حفظ القرآن

👈امشي بمنهج و خط سير في حفظ القرآن

كفاية عشوائية و توهان ✋

4⃣ الدعاء

🤲الدعاء ده بيشحن القلب بالإيمان أصلا من غير الاستجابة 💓

👈 ابدأ بالراحة ،

ارفع إيدك لربنا خمس مرات و قول يارب🤲

🕐 اختار إما دقيقة قبل كل صلاة، يا دقيقة بعد كل صلاة

↙ الدعاء بين الأذان و الإقامة لا يرد

♥ اطلب من ربنا اللي أنت عايزه

💡ركز في دعائك و شوف ربنا هيغير لك حياتك ازاي❔

5⃣ الاحتكاك بالنماذج العالية

النماذج اللي توسع أفقك 👍

الناس اللي لما تشوفها بعينك ، الدنيا تختلف

♡ لو عرفت تقعد مع داعية قعدة ،

لو عرفت تقعد مع أحد المربين قعدة خاصة

♡ لو عرفت توصل لأخ من الأخوة .المنطلقين و تقعد معاه و تصاحبه

↙ صُحبة عالية الهمة

6⃣ المواسم .. أنت فيهم وقف لله تعالى♥

لأن دي شحنة السنة كلها :

◼رمضان
◼عشر ذي الحجة
◼عمرة

📌لو متشحنتش هتلاقي الفتور بيجيلك كتير و بتقع كتير💯

الشحن هيخليك تقدر تستمر على أورادك بإذن الله

🔌الشحن هيخليك دائماً سخن و متحمس

♨️ اللي مش هيحضر دروس و مش هيتشحن صح هيطلع بارد

حتى لو بقى داعية هيطلع على المنبر بارد

لأنه ما اتعلمش أن الدين فيه سخونية و أن الدين فيه حماس

و أن النبي صلى الله عليه وسلم وقف على المنبر و ارتجف به ⚡️⚡️

#البوست4⃣
#التزمت_ثم_ماذا ❓
#دستور_الملتزم_الجديد
#الشيخ_حازم_شومان

تابع ثانيا خماسية الانطلاق :-

3⃣ فكر القنص 🏹

فكر القنص يساوي فكر استرجل عند المتدينين.

خليك راجل .. خلي قلبك جريء

brave heart 👍

🎗اقنص الفرصة اللي تيجي قدامك

🎗 فكر القنص: زي أبو بكر الصديق -رضي الله عنه- لما النبي ﷺ قال:

من أصبح منكم اليومَ صائمًا؟

قال أبو بكر: أنا.

قال: فمن تبِع منكم اليومَ جِنازةً؟

قال أبو بكر: أنا.

قال: فمن أطعم منكم اليومَ مِسكينًا؟

قال أبو بكر: أنا.

قال: فمن عاد منكم اليومَ مريضًا؟

قال أبو بكر: أنا.

فقال رسول الله ﷺ:

"ما اجتمعن في امرئ إلا دخل الجنة".

الحياة فرص ما تضيعش فرصة اتفتحت لك 🚫

لو جات مرة ممكن ما تجيش تاني!

👈 في فرص هي رسائل من ‏ربنا 📩

لو تجاوبت معاها هيتفتح لك باب خير كبير جدا

🏹 الحاجات اللي أنت بتقنصها دي ممكن بعد كده تفتح لك آفاق في الدين تفرق في عمرك كله 👌

اقنص، خليك مهاجم شاطر 🏹

من نص فرصة تجيب جون.🥅

أنت مش عارف الحسنة اللي هتدخلك الجنة إيه 💙

4⃣ فكر بيئة الإيمان

يعني لازم يبقى ليك شلة🤝

كل واحد بيصاحب الناس اللي في اتجاه حياته

اشمعنى أنت اللي أصحابك عكس اتجاه حياتك⁉️

📌لازم صُحبتك تكون في اتجاه حياتك

📌لازم يبقى لك بيئة إيمان💙

طيب أجيبها منين ❓

#كراش_عليه

⭐اعمل كراش على أخ في المسجد معاك عشان تتعرف عليه ✔️

🍬 بونبوناية مثلا و تقول له ازيك يا أخي !!

🍬 ده أنا و الله حبيتك في الله 💚

🍬 حبيب قلبي الغالي و الله أنا نفسي اتعرف عليك 🤝

👈بس خلاص أنت عملت أحلى كراش في الدنيا

بس كراش على مين ❓

🎯 بص لواحد كده تحس أنه مصحصح

أنت مش عايز صاحب صالح بس أنت عايز تعمل بيئة إيمان

⭐تاني واحد تعمل كراش عليه أخ أكبر منك بسنتين .. شوف أي حد سابقك بسنتين

🌟ده قيمته أنك هتقدر تحكي له مشاكلك اللي حصلت في بيتك لما تدينت

👈مشاكلك مع معصية قديمة مش قادر تتخلص منها

♨️ أنت محتاج تكلمه

لو قعدت مستني الشيخ اللي بيديك الدرس يفضالك طريقك هيطول👎

✍ الكلام العملي👇

اعمل كراش على حد أكبر منك بسنتين تعرف تتكلم معاه

⭐أنت محتاج مسجد فيه ملتزمين✊

بيصلوا و بيتقابلوا و بيحفظوا قرآن مع بعض

و فيه دروس إيمانية و فيه دروس علمية

اعمل كراش عليهم في المسجد أنك تدخل ببشاشة

أنك تعزمهم على حاجة ✔️

⭐ داعية بتحبه و اعمل كراش عليه

بكده هيبقى عندك أعمدة نور في حياتك🔆

🔅عمود نور اسمه صاحب صالح

🔅عمود نور اسمه أخ أكبر منك بيوجهك و بيفهمك المشاكل اللي تقابلك تحلها ازاي !!

🔅عمود نور اسمه داعية بيديك دروس شحن إيماني

🔅عمود نور اسمه محفظ قرآن

🔅عمود نور اسمه مربي

💢خمس أعمدة نور في حياتك لو موجوده عندك

يبقى أنت صاحب بيئة إيمان حقيقية👍



#البوست5⃣
#التزمت_ثم_ماذا ❓
#دستور_الملتزم_الجديد
#الشيخ_حازم_شومان

تابع ثانيًا: خماسية الانطلاق:-

5⃣ فكر المجاهدة

💪 المجاهدة هي النقطة الفاصلة ما بين ملتزم والثاني ...هي اللي بتميز ملتزم عن ملتزم

🗯 فكر المجاهدة ده اللي هيخلي -باصطفاء الله وحده- واحد بكرة داعية، أو مربي، أو طالب علم، أو معلم، وواحد يفضل في مكانه زي ما هو ✋

🌟فكر المجاهدة: أنه لازم يبقى في وقفات مجاهدة في حياتك..

غير فكر الأوراد والخطوط الحمراء ⚠

◀ فكر المجاهدة يعني زي كلمة سيدنا موسى -عليه السلام-

{وَإِذْ قَالَ مُوسَىٰ لِفَتَاهُ لَا أَبْرَحُ حَتَّىٰ أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا} [الكهف : 60]

تبلغ فين يا سيدنا موسى؟

ده أنت من أقوى خمس عزائم في تاريخ البشرية!

تبلغ فين؟ ده أنت نبي الله ✊

ده أنت اللي بتعلم البشرية ✍

رايح تقطع ‏المسافات من أجل تعلم ثلاث مسائل!

✔️ هي دي المجاهدة

أنه يفضل جواك جذوة متّقدة🔥 أنا لازم أزيد..

أنا مش مقتنع باللي أنا فيه ده.

عشان كده أنت بتقول في الفاتحة:

{اهْدِنَا الصِّرَاطَ الْمُسْتَقِيمَ}

وبعدما تبقى داعية إلى الله هتفضل تقول {اهْدِنَا الصِّرَاطَ الْمُسْتَقِيمَ}.

النبي ﷺ بعد ما بقى نبيّ بردو بيقول: {اهْدِنَا الصِّرَاطَ الْمُسْتَقِيمَ}

🌺 شهية المؤمنين للزيادة في الوصول إلى الله لا تتوقف✊

إيه ثمرات إننا يبقى عندنا أوراد مجاهدة؟

☘ 1- ورد المجاهدة بيحافظ على مشاعر البداية

- هتبقى حياتك كلها حماس إيماني 💥

- لياقتك الإيمانية عالية

- التزامك شباب على طول

☘ ٢- أول ما هتبدأ تاخد الدين بروح المجاهدة وروح الحرب من أجل الوصول إلى الله.. هتلاقي المعاملة بينك وبين ربنا اتغيرت تمامًا.

في قانون كده اسمه قانون #جاهد_تشاهد

كلما تجاهد، ربنا يعطيك كرامات دنيوية..

ويعطيك رؤى موجهة، ويعطيك تيسير للهداية أكتر وأكتر ويعطيك إجابة الدعاء

علامات معاملة مع الله ♥

ربنا يلاطفك بيها ويقولك أنا معاك

☘ ٣- قال ابن تيمية -رحمه الله-: "هذه غَدْوَتي -ورد المجاهدة اليومي بتاعه- فإن لم أتغدّها سقطت قوتي".

لا هيبقى عندك قوة على غض البصر ..

ولا قوة على أوراد عبادة..

ولا قوة على تكبيرة الإحرام..

ولا قوة على حضور درس..

سقطت قوتي 👎

ورد المجاهدة هو ورد شحن 🔌القوة والعزيمة ‏وتحصيل الروح المعنوية 👌

💥❓ ️إيه الأوراد اللي مطلوب المجاهدة فيها؟

✍ ورد يومي 📝

ورد قيام ليل أو ورد جلسة ضحى

أو ورد من المغرب للعشاء ساعة يوميًّا.

الساعة دي تجاهد فيها في علاقتك بالقرآن أو الذكر. 💪

🕐 ساعة يوميًّا، تمسك المصحف وتقرأ و تعيش من أي مكان وأي سورة في المصحف

- تمسك سورة وتعيش معاها كده كل أسبوع.

- تمسك سلسلة في التفسير وتسمعها وأنت قاعد في جلسة الضحى 🌤

- تبدأ بقى ترتل القرآن وتقف مع الآية وتعرضها على قلبك️ ثلاث أو أربع مرات، لحد ما قلبك يشرب معانيها ✔️

وبعد كده الآية اللي بعدها👍

✍ ورد أسبوعي 📝

✅ يوم تفضي ساعتين كده للتدبر في الخلق وأنت في المقابر.

✅ أسبوع تروح مكان خلوي، تتدبر في خلق الله.. وأسبوع تروح المقابر

🌴لما تروح مكان خلوي خذ معاك على الموبايل صور طبيعية 👌

مش عارف تلاقي مكان طبيعي !!

اقعد على اللاب أو الموبايل وهات أفلام طبيعية زي أفلام 📀 ال BBC مثلًا ..

أفلام من الناشيونال جيوغرافي بس تكون أفلام آمنة 👍 طبيعية..

تدبر وسبح ربنا عليها 📿 هتنور قلبك 💛

✍ ورد شهري 📝

💪 مجاهدة يوم في الشهر

تقفل على نفسك.. تقفلي على نفسك غرفتك..

🕌 أو تقعد في مسجد تعتكف فيه يوم مع سورة.. زي "الرعد" أو "ص" أو "ق" أو "الحديد"

أي سورة بتتكلم عن ربنا.. وعن علو الهمة وتعيش

تصلي بيها الأول.. وأنت لسه ما قرأتش تفسيرها أو سمعت تفسيرها

وبعد كده تسمع🎧 تفسيرها وتقرأه

وبعد كده بقى تعيش معاها باقي اليوم بعد ما بدأت تفهمها 💯

تسلم قلبك للآيات💛

الآية هتبقى نبراس ليك طول عمرك 💡

هتخرج من اليوم ده بقرارات عظيمة ✊

اليوم ده هيبقى ‏نقلة في التزامك بالذات لو استمريت عليه👌

✍ ورد سنوي 📝

🌙 رمضان

وقت المجاهدة في القرآن 💚

🗓 اليوم بيبدأ من بعد التراويح لحد تراويح تاني يوم

الجزء اللي هيتقرأ في تراويح تاني يوم.. تفضل بقى تسمعه وتقرأ تفسيره

وتسمع تفسيره، وتصلي بيه وتتدبره...

والامتحان في صلاة التراويح:

النبي ﷺ كان جبريل يأتيه في رمضان فيدارسه القرآن ✍

🌖 العشر من ذي الحجة

‏دورة تربوية مكثفة في الذكر..

لو أنت أخذتهم 10 أيام ذكر هيغيروا لك حياتك كلها..

وهيصلحوا لك بوصلة قلبك 👍

وهيعملوا لك تظبيط زوايا 💙

الكلام ده مش هيعطل حياتك في حاجة👆ولا هيقفلك حياتك

بس أنت اعمل الكلام ده وشوف الثمرة بتاعته هتبقى إيه ☘❔

#بوست1
#التزمت_ثم_ماذا❓(2)
#دستور_الملتزم_الجديد
#الشيخ_حازم_شومان

#يوم_الجمعة هو خير يوم طلعت عليه الشمس ☀

وهو يوم ينشغل فيه المؤمن الصادق بكثرة الصلاة على النبي ﷺ🌿🤍

فعن النبي -ﷺ- أنه قال

🌳 «إن من أفضل أيامِكم يومُ الجمعة، فأكثروا على من الصلاة فيه، فإن صلاتكم معروضة عليّ» 

ألا تستحي يا مسلم أن تكون قليل الصلاة عليه حتى في هذا اليوم؟؟!! ✋🏻

#الصلاة_على_النبي 🤍🌳 ﷺ

✏️قواعد المجاهدة 👇

١) إن لم تكن في زيادة فأنت في نقصان 👊

لو ما جاهدتش وما عملتش أوراد المجاهدة

👈 هتنزل ومش هتثبت

٢) أبشر، فالصعود أسرع مما تتخيل📈

هتلاقي نفسك فوق بسرعة 🌟

واحذر.. فالهبوط أسرع مما تتخيل📉

٣) ما لا تفعله ‏المجاهدة يفعله الابتلاء.

💡خُد بالك

ربنا لو يريد لك مقام عالي ويريد تصحيح صفاتك؛

فلو أنت ما جاهدتش عشان تتعلم وتتغير في الدين ربنا هيبتليك ابتلاءات تكمل لك تربيتك 💯

كل ما بتجاهد أنت بتوفر ابتلاءات من حياتك ‏👌

٤) إياك أن تعطي لله فضول أوقاتك

🚫 اوعى تتعامل مع ربنا بفضول الوقت

الموضوع كله وقت قصير 👌

٥) الكَيِّس من دان نفسه

أنت في حرب بينك وبين نفسك

يا تدخلها وتنتصر عليها يا هتفضل كده ‏مكانك 👎

لو ما عملتش أوراد المجاهدة اللي تكسر فيها ‏نفسك وتسوقها نفسك هي اللي هتسوقك ❌

💥 العاجز من أتبع نفسه هواها


🔰 ثالثًا: خماسية الارتقاء :-

🔖 خمس حاجات أنت لو ما قبلتهاش، وعرفت تتعامل معاها هتدمرلك نفسيتك، وهتخليك محبط👎

1) اقبل الفتور
2) اقبل الوقعات
3)اقبل الوقوع في الذنب
4) اقبل الدنيا
5) اقبل مشاكل بداية الالتزام

◀ الحاجات دي هتحصل لك شئت أم أبيت 👊

قال تعالى {وَأَعْطَىٰ قَلِيلًا وَأَكْدَىٰ}

"أكدى" دي يعني: بلغ الكُدْيَة.

واحد ييجي يحفر بئر، بعدما تعب في حفره يلاقي صخرة؛ ييأس ويسيبه👎

العربية اللي مع كل مطبّ هيقابلها هتقف عمرها ما هتوصل لحاجة👎

- أنت محتاج تتعلم لما يقابلك مطبّ تتعامل ازاي 👌

الخمس مشاكل دول عايزين واحد عاقل وذكي أكتر ما هم عايزين واحد مؤمن

((1⃣)) اقبل الفتور (مش لاقي قلبي)❕

أنا عندي فتور.. يبقى أنا مانفعش ، يبقى أنا ضايع

📝 فقه التعامل مع الفتور بيقوم على خمس قواعد 👇

1⃣ الفتور ده ظاهرة طبيعية ما بتحصلش غير للأوائل أصلًا..

◀ فمعنى إن حصل لك فتور إنك أنت من القمم 🔝

اعلم إنك في أول عشر سنين في الالتزام طبيعي جدًّا يجيلك فتور كتير، حاجة طبيعية جدًّا.

بعد كده طبعًا -لو أنت استمريت في المجاهدة- بيقل جدًّا 👍

2⃣ الفتور ظاهرة صحية

- إيه الصحية اللي في كده ⁉️

⏪ لو ده ما حصلش هتبقى فرعون❗️

♻️ الفتور ده ربنا بيربيك بيه، بيكسر نفسيتك، وبتحس بإخوانك الضعفاء في الدين..

3⃣ إياك أن تحول الفتور إلى كارثة ✋

- في ناس كده بتتغابى على نفسها وتحول الفتور لكارثة.

يجيله فتور، يقول أنا ضايع، يقوم داخل في إحباط 👎 فيحوّل الفتور لمصيبة ⚡️

◀ بدل ما يبقى فتور كام يوم، بقى إحباط بيقعد بالشهور..

◀ وممكن يقع في ذنب كبير بعد كده وينتكس!

👈جالك فتور اقبل وافهم إنه ظاهرة طبيعية⭐

س) أنا بقالي خمس/ ست شهور ليه❓

👆 ده إمّا (إحباط) .. بسبب إنك عندك مشاكل في الدين ومش عارف تحقق حاجة.

- بسبب إنك عندك مشاكل في التزامك مش عارف تحلها.

- وضعك في الدين مهرجل ومش عارف تحقق اللي أنت عايزه.

➖أو صراع نفسي 👇

- صراع نفسي مع رواسب الجاهلية.

- صراع نفسي بين دنيتك وشهواتك وبين دينك.

- صراع بين طموحاتك الدينية والدنيوية.

- واقف في صراع داخلي مش قادر تفصل فيه وتحسمه.

4⃣ طيب أعمل إيه ⁉️👇

💊 العلاج رباني 💊

#لوحدك_هتخف

*⃣ الفتور هو شدّ نفسي، زي الشد العضلي كده..

والعضلة زي ما شدت شوية فكّت تاني لوحدها.

*⃣ طيب عايز أخلص من الفتور بسرعة مش طايق نفسي

📝عندك حاجتين تعملهم:

1) أعمال الشحن 🔋

الفتور مش حله العبادات❌
الفتور حله الشحن🔌

ادخل بقى اسمع مقاطع مؤثرة كثيرة، اسمع دروس عن علو الهمة كتير..

إن شاء الله الفتور سينتهي بسرعة ✔️

2) انزل اتفسح

الفسحة عبادة زي ما الشحن عبادة🌸

5⃣ وقت الفتور إياك أن تكسر الخطوط الحمراء

-في الفتور ممكن تكون مش قادر تجاهد، إنما الخطوط الحمراء لازم تتعمل حتى لو مالكش نفس اعملها 👌


#بوست2
#التزمت_ثم_ماذا❓(2)
#دستور_الملتزم_الجديد
#الشيخ_حازم_شومان

🌸🍃

#وقفات_للتفكر

مع ان تبسمك في وجه أخيك صدقة وان الكلمة الطيبة صدقة .. يعني منتهي السهولة وليس لك أي عذر ! ..

إلا أنك تجد منا من يصعب ويشق علي نفسه الشحيحة حتي ابسط أنواع هذه الصدقات ! ..

إيه رأيكم لو نبدأ بنشر وإحياء تلك السنة ؟ ..

ابتسم في وجه أخيك او قل له كلمة طيبة ..

مساؤكم كله صدقات وابتسامات وتفاؤل بإذن الله ..

ﮩ•┈┈••✾•◆❀◆•✾••┈┈•ﮩ
شاركونا على تليجرام جنة الدنيا🌸💕
https://www.tg-me.com/ganataldonya

🔖وغدًا تحتاج شفاعة من كنت مقصر في الصلاة والسلام عليه

#سنن_يوم_الجمعة
#الصلاة_على_النبي
#اتبع_سنته_لتسعد_بصحبته

ﮩ•┈┈••✾•◆❀◆•✾••┈┈•ﮩ
شاركونا على تليجرام جنة الدنيا🌸💕
https://www.tg-me.com/ganataldonya

🌟🍒

#صيام_الاثنين 🎗🌸


- تذكير بصيام الإثنين غداً ..

🖋قال ﷺ | من صامَ يوماً في سبيلِ الله ،
باعد اللهُ وجهَهُ عنِ النار☄☄ سبعين خريفاً. "

❣إن استطعت أن تكُن في قوافل الصائمين فكُن.

💓💓إن لم تكن صائماً .. فذَكِّر بها غيرك 🌿