من انطق اسمك دوم الگلب يرتاح
اذكر أمامي حسين اهمومي تنزاح

✍بقلمي

نعي لااخو
😭-----------★😭★---------😭
غالي اخويه راح اودعه
وبالبيت صوته مااسمعه
راح يروح وتطفه الشمعه

احووي اتوادع وياه خلوني
😭-----------★😭★---------😭
ويه الحنين ابدي اوداع
عنه غفله يروح شبساع
ينام وسفه جوه الگاع

احووي اعميها اعليه اعيوني
😭-----------★😭★---------😭
صعبه يفارگنه الحنين
عالغالي مابطلنه الونين
عليه الگلب منجسم نصين

احووي الطم اعلي لاتلموني
😭-----------★😭★---------😭
يامحله المعاتب وياه
ماينحمل لااخو فرگاه
الموت منه غفل اخذاه

احووي ويه الحنين ادفنوني
😭-----------★😭★---------😭
اخذاه منه بعجل هالموت
بعد مانسمعه يذاك الصوت
ريت ايشيلني بداله التابوت

احووي ريت بداله بتابوت شالوني
😭-----------★😭★---------😭
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

من زغري يا مولاي تدريني اهواك٠~
اتمنه اشوفك طيف وتكضني يمناك٠~

✍🏻بقلمي

ينزاح التعب يهواي من اذكر اسمك~
هنيال ذيج العين الماجفت رسمك~

✍🏻بقلمي

لطميه للامام الكاظم عليه السلام
₰❥ــہہہـ٨ـــ٨ــــــہہـ٨ــ❥ .
الكاظم بالسجن خلص حياته
سموه العده وحانت وفاته
_₰❥ــہہہـ٨ـــ٨ــــــہہـ٨ــ❥ .
الكاظم بالسجن ويون عله اهله
محد حاضره من كرب اجله
سجن هارون بالساجد اشخله
ويتمنه يحضرنه بناته
✍️ام سجاد الصبيحاوي
₰❥ــہہہـ٨ـــ٨ــــــہہـ٨ــ❥ .
يتمنه الاهل يمه يحضرون
وين الي يخبر هاشم ايجون
يخبرهم الكاظم مات مسجون
الميت من تشيله اهله شحلاته
✍🏻 ام حسن البطاط
₰❥ــہہہـ٨ـــ٨ــــــہہـ٨ــ❥ .
وين اهله وتشوف اسادي عليه
وتتعنه عمامه واخوته ليه
يلوچ وبالسجن ياويلي عليه
ويشكى الربه كل ظلمه واذاته
✍🏻ام نور الهدى المنصوري
₰❥ــہہہـ٨ـــ٨ــــــہہـ٨ــ❥ .
يعالج بالسجن ياويلي وحده
وين اليوم اهل بيته وجده
بهيده الكاظم ينزلوه بلحده
اينوحن اعليه ظلن بناته

✍🏻حوراء الكناني
₰❥ــہہہـ٨ـــ٨ــــــہہـ٨ــ❥ .

يعالج للمنيه يريدله احباب
من يوم الجفه وجرحه ولا طاب
وكل اهله يويلي عنه غياب

الموت أبين الاولادامنياته


✍️ام كرار الأمي
₰❥ــہہہـ٨ـــ٨ــــــہہـ٨ــ❥
مسموم ويلوج لوحده عافوه
ماتنهضله ولده وخل يشوفوه
وين ابنه الرضا خلهم يخبروه
زناجيله ثكيله وماذياته
✍🏻 خادمة الحسين حنين.
₰❥ــہہہـ٨ـــ٨ــــــہہـ٨ــ❥ .
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
🔮باشراف
العلويه ام مرتضى الموسوي
لانجيز حذف الاسماء✋✋
🙏🏻🙏🏻نسالكم الدعاء🙏🏻🙏
https://www.tg-me.com/fvyhbib

يمك يراعي الجود اتهون الاوجاع
والحاجة ما تبگاش تقضيها ابساع

✍بقلمي

الگلب شديته يحسين علگ بشباجك
وادري بالينخاك بوجه لا ماتسد بابك

✍🏻بقلمي

گليبي شتٌـاگ الحضـرتٌـك وناره تفُـور
ذابحني الشوك يحسين وگليبي مفطور

✍بقلمي

بحضرتك الگلب يرتاح مولاي💔

✍🏻بقلمي

الفــارگ الاعـزاز ضـل يـجهر اهات
اليال الهـجر صعبـات واشـگد مظلمات

✍🏻بقلمي

ضايع وضيعني الوكت احضرني مولاي
ماشفت راحه بيوم بس تصب عيناي

✍بقلمي

ضيعني الوكت لتضيعني من ايديك
تدريني يا مولاي مالي غير الله واليك

✍🏻بقلمي

مولولد الامام المهدي عجل الله فرجه الشريف

يمته تظهر يا امام
بجفك يعم السلام
عاشكك سموني.. يالغالي
****
تنور الدنيا ضوه
انتَّ ريتي والهوه
كون نتلاگه سوه
بحبك يحسدوني.. هينالي
عاشكك سموني.. يالغالي
✍🏻حوراء الكناني
**
هله ياهيبة علي
شوكت تظهر يلولي
بيك همنه ينجلي
الضدك يلوموني.. يالوالي
عاشكك سموني.. يالغالي
ام علي المالكي
***
انته يا شافي العلل
انته بالدنيه امل
خاف يبعدنه الاجل

والنجم بعيوني.. يلعالي
عاشكك سموني.. يالغالي
✍ام اسعد الشمري
**
دخل بعيادك سرور
وجهك يلالي وينور
برد اكليبي اليفور

بحبك يلوموني...هنيالي
عاشكك سموني.. يالغالي
✍️ام زهراءالفاطميه
*
يالطلعتك كلها نور
بجيتك يحلى السرور
اظهر وصلح الامور

ما تخيب اضنوني ..تبرالي
عاشكك سموني..يالغالي
✍️الحاجه ام احمد الحچامي

تمت باقلام شاعرات رابطه #النحر_الخضيب
https://www.tg-me.com/fvyhbib

مشتاك الك
للحجه عجل الله فرجه الشريف

مشتاك الك يلمهدي يا روح الزمن
مشتاك الك يلمهدي يارمز الامن
يا مولاي.. يا مولاي
💓💓💓💓💫💓💓💓
يلمهدي ياكل العزم انطر تجينه
نندب الك صبح ومسه بس مرعلينه
يابو العلامه الباهره جفك بدينه

مشتاك الك يلمهدي يا روح الزمن
مشتاك الك يلمهدي يارمز الامن
يا مولاي.....يامولاي
✍حوراء الكناني
💓💓💓💫💓💓💓
مشتاكه شوفك سيدي ترتاح العيون
من السهر ومناطرك درب اليمرون
بهلالك اشموع الفرح بيد اليوافون

مشتاك الك.. يالمهدي ياروح الزمن
مشتاك الك.. يالمهدي يارمز الامن
يا مولاي.....يا مولاي
✍ام اسعد الشمري
💓💓💓💫💓💓💓
يلشوفتك عيد وفجر لو هل هلالك
انته الامل يلمرتقب تجمع عيالك
ونصير كلنه بدولتك وجف دلالك

مشتاك الك..يالمهدي يا روح الزمن
مشتاكلك....يلمهدي يا رمز الامن
يامولاي....يا مولاي.
✍الفاطميه طالبه الزهراء
💓💓💓💫💓💓💓
ريحان اشهكك بالنفس ياعطر دنياي
والقبله تحجي بسجدتي ادعيلك هواي
اتنور حياتي بطلعتك تستمع شكواي

مشتاك الك .... يالمهدي ياروح الزمن
مشتاك الك ... يالمهدي يارمز الأمن
يامولاي .... يامولاي
✍ام محمد الخطيب الموسوي
💓💓💓💫💓💓💓
اتنطرك يمته تجي يالمهدي مولاي
تحل الامان بهيبتك يانور عيناي
صبح ومسه انه انتظر نورها دنياي

مشتاك الك...يالمهدي ياروح الزمن
مستاك الك ...يالمهدي يارمز الامن
يامولاي.... يامولاي
✍️الحاجه ام احمد الحچامي
💓💓💓💫💓💓💓
ببحور جودك سيدي لمنه ابطيوفك
تتكحل عيون المحب لمن يشوفك
متوثق ابكلبه العشك يرسم حروفك

مشتاك الك يلمهدي ياروح الزمن
مشتاك الك يلمهدي يارمز الأمن
يامولاي... يامولاي
✍🏻سلمى أم جعفر
💓💓💓💫💓💓💓
نمشي مشي الكربله ونهني الحسين
ونهني فاطمة الزجيه ابقرة العين
وعباس وياهم يجي وامه ام البنين

مشتاگ الك يالمهدي يارمز الامن
مشتاگ الك يالمهدي يارمزالامن
يامولاي .... يامولاي
✍ام علي المالكي
💓💓💓💫💓💓💓
تمت القصيده باقلام شاعرات رابطه النحر الخضيب
اللهم عجل لوليك الفرجhttps://www.tg-me.com/fvyhbib

يـمتـة تـجينه •• تسكـت بـچيـنه
الدنيا دونك مظلمه •• وضاگت علينه

انته دوانه •• وشمت هوانه
يمته تجي يابن الحسن •• بحسره حجينه

فرحك فرحنه •• وحزنك حزنه
مولاي فدوة اتوسلك •• ارضه علينه

ـــــــــــــــــــ✍🏻 زهراء الكـعـبـي

هوسات الامام المهدي (عجل الله فرجه الشريف)

🌹💐🌹💐🌹💐

يالمهدي الك الاملاگ مستبشره وفرحانه

بجيتك نورت الاكوان يامحلاها دنيانه

بميلادك يحجه اليوم كل الدنيه حليانه


*((ميلادك // من هل اعلينه))*

*حـــــــ✍ــوراء الكناني*

🌹💐🌹💐🌹💐

ميلادك يبو صالح هالليله اجه علينه

بجيته ياهله اومرحب ضوه الدنيه والينه

ونطش الورد والياس نهني طه هادينه


*((محلاها // الفرحه الليله))*

*العلويه بتـــ✍ـــــول الهاشمي*

🌹💐🌹💐🌹💐

الليلة مولدك مولاي والافراح محلاها

نهني المرتضى حيدر ونهني النبي طه

باسمك شيعتك مولاي هذا اليوم تتباها

*((بالمولد// فرحانه الشيعه))*

*ام احـــ✍ــــــمد المنصوريه*

🌹💐🌹💐🌹💐

هالليله هناء وسعود بيها صار ميلادك

نهني ام الحسن فاطم ونهني بيك اجدادك

الشيعه فرحت الليله كلها اجت وفادك

*((مشتاقه //الشيعه الليله))*

*ام مـــــ✍ــــــازن*

🌹💐🌹💐🌹💐

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tg-me.com/fvyhbib

قصيده للاحباب

المستهل وزن موشح
النص وزن الوسيله المثلث

✤┈┅✦❂✦┅┈✤

هل شهر رمضان ماكو احبابي

عليهم اعتب مايفيد عتـــابي

اوجوهم جوه التراب
راحو وسدو البــــاب

عليهم اعتب مايفيد عتــــابي

✤┈┅✦❂✦┅┈✤

غفل عنه راحو وجنهم نســـونه

ابد مابطل البجي عالفارگــــونه

والمحب عالدرب تربي ياعيونه

بعد هيهات المشو لا مايجـونه

مابطل دمع العيــــون
منهم اگطعنه الضنون

عليهم اعتب مايفيد عتــابي

*حـــ✍️ــــوراء الكناني*

✤┈┅✦❂✦┅┈✤

مشو بس ظل الحزن والهظم حـــالي

من بعدهم مادرو باللي جــــــــــــرالي

احسب الجيتهم ايام اوليــــــــــــــالي

مانسيت احبابي كل لحضه اعله بالي

اغيابهم طول سنين
گلبي مابطل ونــين

عليهم اعتب مايفيد عتــــــــابي

*ام منـــــ✍️ـــــذرالحجار*

✤┈┅✦❂✦┅┈✤

مايفيد اعتابي لو كل عمري اعتب

المن ابچي يالخلگ چا المن اندب

هاي دنيا تاخذ الزين المعــــــــزب

روحي تندبهم تظل ساعة المغرب

منهم اگطع ضنتي
مايردون اخــوتي

عليهم اعتب مايفيد اعتــــــابي

*بقلم المقصره ام كيـــ✍ـــــان المحياوي*

✤┈┅✦❂✦┅┈✤

دارهم ظلمه وصفت وحشه وخليه

الهم شتاگيت اون صبح ومســـيه

بعد ما منهم رجه واصفج بــــديه

سكنو ادروب البعيده شلون بـــيه

بعد ما منهم خـــبر
منين اجيبنه الصبر

اعليهم اعتب ما يفيد اعتـــــابي

*ام احــــــ✍ــــمد الساعدي*

✤┈┅✦❂✦┅┈✤

عليهم اعتب والعتب الهم جمــيل

ثكل حملي بالحزن كلساع اميل

جانو برمضان الي اجمل خلـــيل

ليلي بفراك الاودهم شگد طويل

الصبر مر ومااجـرعه
عالحبيب الي اودعه

عليهم اعتب مايفيد اعتـــــابي

*ام محــ✍ـــــــمد الساري*

✤┈┅✦❂✦┅┈✤

وين ذيدج ايامهم الجانت زهيه

نذر عمري انطي لو ردو هـــديه

خلاف اهلنه نشبع همـوم واذيه

صحت وين احبابي ماردو علـيه

اه من صدعة البــين
ياخذ الزين الحنين

عليهم اعتب مايفيد اعتــــابي

*ام حســــ✍ــــــين عباد التميمي*

✤┈┅✦❂✦┅┈✤

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

https://www.tg-me.com/fvyhbib

سالفتي جبيره ولمن احجيها💔🥺

✍🏻بقلمي