قصيده للامام العباس
`~~~

محتاره لابو النوماس
وين انصب عزه ليله

~~
الرد انصب عزاه والطم
بعده ضاله بالهم
حركو بعده المخيم
وين اكعد وانعيله

ام✍️ علي الموسوي
◾◾◾◾◾

وين انصب الك مأتم
انت الحيد المعلم
گلبي اعليك يتألم
دمع العين اله انسيله

خادمة اهل✍️ البيت ام ابراهيم الحلفي
◾◾◾◾◾
وين اكعد ومالي دور
علينه احركو الخدور
انعيله ابدمع منثور
وابوفاضل انه ابجيله

✍🏻سلمى أم جعفر
◾◾◾◾◾

وين انعه لبو الكلفه
كتلني منگطع جفه
گلبي اعليه مايشفه
للعباس انه انحیله

✍🏻 ام زينب الأسدي
◾◾◾◾◾

وين انصب التعزيه
الخيم حركوها عليه
اعذرني مجتفه أديه
يروحي دوم ونيله

✍🏻حوراء الكناني

◾◾◾◾◾

لاخيمه ولاصيوان
وانصبها الگمرعدنان
اختك مشت وي عدوان
ودروب السبي اطويله

✍️ام ستار الكعبي
◾◾◾◾◾◾◾
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

قصيده لشجاعة العباس عليه السلام
~~`

ياشيخ المراجل ياهله بعباس
خليت العدو منك مدنك الراس

➖➖➖➖➖➖

ساحات الحرب عباس تشهدلك
بطل مغوار فن زلمه يصل يمك
شجاع وبالشجاعه مايصح مثلك

ياابن حيدر علي ياشهم فراس

✍️حوراء الكناني
➖➖➖➖➖

ياابن حيدر علي يالحلوه افعالك
وبيوم الحرب محد تدنالك
شجاع وبالشجاعه تعجب اخبارك

شجاعة حيدره وارثه يانوماس

✍️ ام حسين العامري
➖➖➖➖➖➖➖

ياشيخ الزلم يعضيد الحسين
ياكافل خدر زينب ويحنين
عجب وكل العحب يكطعو الجفين
يالكلك وفه ويا شديد الباس

✍🏻سلمى أم جعفر
➖➖➖➖➖➖

شجاع وبالشجاعه سور بالعالي
وكل خصلة الحلوه بيك يالغالي
عيونك من اشوفن تورد امالي

وتباهه بخصالك بين هالنا س

✍️ ام محمد الساري
➖➖➖➖➖➖

دارسه الشجاعه من الکرار
کفو نعمین منک اسد مغوار
تحصد بالرؤس منهم تاخذ، ثار
شبل حيدر بطل. سماك عباس

✍🏻الشاعره ام هاجر الفرحاني
➖➖➖➖➖➖

عباس البطل تشهد له صولاته
يرعب في المعارك هاي حملاته
ضرغام الصميده وهاي ملگاته
مثله منولد بالطيب والاحساس

✍️هدى المطر ام محمد
➖➖➖➖➖➖➖➖تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

هوسات حول شجاعة العباس ع


ابو فاضل سبع ومعدل الميله

مخلي عداه تون مانايمه ليله

غيور الكافل ومايرضه بالعيله

((الملعب عندك وانته التلعب بيه))

✍️الشاعره كريمه البو حلوه
🖤🖤🖤🖤🖤🖤🖤🖤🖤
ابو فاضل يلوك اله ولهله الحجي الزين
شجاعه ومرجله وفده الجفين لحسين

حياه الله اخو زينب هذا الحنين


((عزب بچفوفه ابن البدويه))

ام زيـــ✍🏻ــــــن العابدين لمحمداويه
🖤🖤🖤🖤🖤🖤🖤🖤🖤

شجاع وبالشجاعه محد ايلحگه
ومن حلگ السبع مولاي اخذ حگه
النضر لجل اخته ويلي بالسهم شگه

((طشرها ///وسيفه ايلم بيها))
~~
يطشرها ويلمها ابسيفه ملك الموت
اشحده العند ابو فاضل اليوم ايفوت
ابن ام البنين البلشدد منعوت

ایگصدونه بالشده الصعبه

((الشاعرة ام✍️ ابراهيم الحلفي))
🖤🖤🖤🖤🖤🖤🖤🖤🖤
اريد احجي والحجي للهيبه للعباس

هذا ابن حيدر علي هيبه ونوماس

تشهدله المعارك بطل فراس


((من زغره عدوانه تهابه))

ام ✍🏻رحــمه الگاظميه
🖤🖤🖤🖤🖤🖤🖤🖤🖤
هيبه ومرجله محلاته ابوفاضل
كفو ونعمين والله واسمه الكافل
اله الگول والحجي الزين يستاهل

((شيلي الرايه //اوهوسيله

هذا الكافل))

✍🏻سلمى أم جعفر

🖤🖤🖤🖤🖤🖤🖤🖤🖤
اريد احجي على العباس المشكر
يوم االصال على العدوان وتخير
يتخير بلزلم گص روسهم ويفتر


((خلاها/// تترادم كلهه))

ام 👍🏻علي السماوي
🖤🖤🖤🖤🖤🖤🖤🖤🖤
تشهدله المعارك بسيفه وافنونه
وخله الكون تزلزل الاسد مرجونه
تخوف ابو فاضل خزرت عيونه

((العيله//شردو من طب))

✍️حوراء الكناني
🖤🖤🖤🖤🖤🖤🖤🖤🖤

هاذا ابن القلع بيبان ابجف ايده وهد الكون
ذله ماعرف لاموت بس الوفه بيه مفتون
تربات الوفه والطيب زرعت من اصلها غصون


( (حار وعدوانه يعرفونه) )

✍ام اسعد الشمري

🖤🖤🖤🖤🖤🖤🖤🖤
طب موت الحمر وينظر الصوبين
بطل عباس وموجرات الوجنين
يطبگ روسهم ميفرزن الرا سين

((طب بيها//خيال الحومه))

*✍🏻خ_ألحُســـــينيه*

🖤🖤🖤🖤🖤🖤🖤🖤🖤

طب. الحومة الميدان خلاها الزلم تفتر
مايدرون شنهي الصاراجاهم موتهم احمر
راواهم بدر، واحنين ماخذ، درس من حيدر

((خله الگاع اتموج وفرت منه الخیاله))

✍🏻الشاعره ام هاجر االفرحاني
🖤🖤🖤🖤🖤🖤🖤🖤🖤
تمت بعون الله بقلام شاعرات رابطة سيد الشهداء عليه السلام غير مبري الذمه الي يحذف الاسماء او تلاعب بيهه✍🏻
🙏🏻🙏🏻نسألكم الدعاء 🙏🏻🙏🏻
https://www.tg-me.com/fvyhbib

نعي عن لسان حال زينب تخاطب العباس. ع
~~``

عندي طلب عباس اسمع
عطاشه الحرم والحال يفجع
ريتك شفت حالة اليرضع

~~

سكنة وبنات حسين يبجن
مفطور الگلب بالگوة يحجن
بلكت تجيب امية يردن


العلوية فضيلة الموسوي
😭😭😭😭😭😭

يعباس يالكلك موده
كلبي عليكم لاتمرده
خافن يضل حسين وحده

~

يعباس جيب الماي لينه
يتناحبن خوله وسكينه
عكاشه ونريدك تروينه

ام علي الموسوي
😭😭😭😭😭😭

عدعینچ يحره اجيبه المای
انه حیدر مسمینی السقای
فدوی الچ جفي وعینای

///////////////

صاحت هله ومیة هله
عباس یاراعی المرجله
حیدر ضاخرک الکربله

✍🏻الشاعره ام هاجر الفرحانی
😭😭😭😭😭
ابو اذيه

خلها اعيونك اتعاين علينه
وحنه ابجال ابو فاضل علينه
خويه ياذخر عودك علينه
ذخر خلاك الي بالموزميه

~~

يريت الشر بعد عنك وكفاك
وبس حسين بي تقنع وكفاك
يبو فاضل طفت عينك وكفاك
شمرته اعله النهر لجل الخويه

~``

عباس يذخيرة خواتك
يابو الحميه فاكداتك
يالمحد اليلحگ صفاتك

~~~

حكج يزينب من تعتبين
انه اخوج وفديلج الجفين
بوجدي يخويه لاتهمين
بس ماي من عندي تريدين
وي الزنود افديلج العين

~

ساعه اجيب الماي يمج
يم الخدر وبضلع امج
يم عون خويه لا يهمج
والله اسجل النهر بسمج

خادمة اهل البيت أبراهيم الحلفي
😭😭😭😭😭
تكله

كل الهله ياأبو الغيره
اعرفك ماتخليني بحيره
بجالكم والله اميره

~~~~
جواب العباس

ادللي بعيوني افديج
محتاره يزينب مااخليج
اجيب الماي خوييه لعندج وليج

✍️حوراء الكناني
😭😭😭😭😭
تم بفضل الله وعونه بأقلام خادمات الحسين في رابطة سيد الشهداء عليه السلام

https://www.tg-me.com/fvyhbib

قصيده للعباس
~~~~

ياعباس يالمنك يهابون
خليت العده بالطف يرهبون

‏ ●▬▬▬ஜ۩🌟۞۩ஜ▬▬▬●

خليت العده بالحومه طشار
لعبه لعبت بيهم كوم الاشرار
وبكلبك الغيره وشعلت نار
والعدوان من عندك يخافون

✍️حوراء الكناني
🏴🏴🏴🏴🏴🏴

حامي من الصغر سموك ابو الغيره
بكماطك تحل من زينب ابحيره
تخاف اعلى العبايه راسك اديره
معروف الوفه من خزر العيون

✍ام اسعد الشمري
🏴🏴🏴🏴🏴🏴

يالمعروف بالغيره وحميه
يالشايل صفاة الحيدريه
من امك خذتها هالوصيه
لولاد الزجيه ضحي المتون

✍️ ام علي الموسوي
🏴🏴🏴🏴🏴🏴

خزراته تخوف زلزل الگاع
هد اعله الکفر سواهم اشراع
منه الگوم فرت وکت الانزاع
سواهم خرز بیهم يلضمون

✍🏻 ام زينب الأسدي
🏴🏴🏴🏴🏴🏴

منه الكل تخاف وخزرت اعيونه
ابو النوماس والوادم يهابونه
وركاب الرجال ابسيفه مرهونه
وجدام ابو الغيره مايثبتون

خادمة اهل البيت ام ابراهيم الحلفي
🏴🏴🏴🏴🏴🏴

ياقمر العشيره اوشيلت الراس
تسلم ياذخر زينب يعباس
حدنه ابجال جفك عيب ينداس
تخاف اعداك يالمنك يفرون

ام ستار الكعبي
🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

نعي للقاسم
~
محلاك من تهل عليه
يجسام محروم الدنيا
بعدك ييمه شلون بيه

~~
بالغرب يمدلل عفتني
مكسور كلبي وزاد وني
خذاك الدهر يالولد عني

ام ✍️ علي الموسوي
💔💔😭💔💔

الطم صرت بثنين اديه
صحت بصوت يبني التفت ليه
عكب الولي اشبع مهضميه

~~~

اهنا يلولد مذبوح عطشان
شفت الوجه وبدمه غركان
اريدن على ابني انعى ينسوان

ام علي السماوي
💔💔😭💔💔

محمل يالولد عني رحت وين
كلبي الغيابك صار نصين
عريس نايم بالميادين

~~~

افراكك يجاسم مااحمله
كضه الروح يايمه شخله
ضل الدمع عالخد اهمله

✍️ ام حسين العامري
💔💔😭💔💔

جاسم ييمه راحت الروح
وفگدك هضمني وزيد النوح
بالحومة وسفة ليش مطروح

~~

يجسام يمه صد عليه
ردتك ضخر يمه وتجيه
اشسوت ابحالي الغاضريه

✍🏻ام زهراء الزيداويه البصراويه
💔💔😭💔💔

اشسوت بحالي يمه الطفوف
العين عميه وبيها ماشوف
احا يل المكطع بالسيوف

~~

يانارك ابكلبي سريه
يل الولد تسعر للمنيه
إيست منك ها هيه

✍️ام نور الزهراء الزينبيه
💔💔😭💔💔

اشسوت بحالي فاركتني
يجسام يمه وياك اخذني
فكدك يبعد العين هدني

~

بعد وين اشوفك ونتلاكه
يانار الكلب يبني حراكه
بعد هيهات يوليدي الملاكه

✍🏻حوراء الكناني
💔💔💔😭😭💔💔💔
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

🤲الفاتحه🤲 الى ارواح الشهداء
https://www.tg-me.com/fvyhbib

قصيده للقاسم بهوسه

ياعريس صارت حنته دمومه
زفوه العده برماح للحومه

‏ ▬▬ஜ۩🌟۞۩ஜ▬▬
زفوه العده مازفته اخوانه
امه وعمته نصبن صيوانه
جابت لبس أبوه زينب الحزنانه
صاحت يالحسن جاسم كرب يومه

((ماتفزع لابنك وتشيله))

✍️ام علي الموسوي
‏ ▬▬ஜ۩🌟۞۩ஜ▬▬
المعرس يجاسم تحضر احبابه
وتزفه عمامه وتبني اطنابه
بس جسام صارت حنته اخضابه
او مصوب يجاسم حنته ادمومه

((من مثلك حنو بدمومه))

خادمة اهل✍️ البيت ام ابراهيم الحلفي
‏ ▬▬ஜ۩🌟۞۩ஜ▬▬
خلص يومه عزيزي وعافني بحيره
بس هاذه الوحيد ماالي غيره
گلبي ايون عليه ضايع تدابيره
منك ياعزيز الروح محرومه

( واگبالي امدد ضي عيني)

✍️ام ستار الكعبي
‏ ▬▬ஜ۩🌟۞۩ஜ▬▬

هدم حيلي الولد من شال هالشيله
وروحي اعليه ضلت تون ونحيله
افراكه هدماني ومالي حيله

وروحي اعالولد صبحت مهدومه

هدم حيلي //من شال ابني

✍️ ام حسين العامري
‏ ▬▬ஜ۩🌟۞۩ஜ▬▬

جاسم ياوليدي لصدري اضمنك
خليني بنحرك  يبني اشمنك
بيك فجعو كلبي  ياذخر امك
ياعريس عرسه يصير بالحومه

((فجعوني//بوليدي لذبحوو ))

✍🏻حوراء الكناني
‏ ▬▬ஜ۩🌟۞۩ஜ▬▬
‏مذبوح الولد جابه الي عمه
متغيره ألوانه مخظب بدمه
صعبه مصيبته وروحتي مهدمه
شلون انسا ويمي معلكه هدومه

((نارك بضلوعي و تجويني))

ام ✍️ علي الموسوي
‏ ▬▬ஜ۩🌟۞۩ஜ▬▬
‏تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له

https://www.tg-me.com/fvyhbib

قصيدة مربوعه القاسم ابن الحسن عليهما السلام



اليوم ام الولد مكسور خاطرها
بس حسره ابگلبها أو ونه اتجرها

💔💔💔💔💔💔
اليوم ام الولد بس تجذب الونه
للحومه تزفه بلوعه وبحنه
ماشعلت  اشموع وحضرت حنه
بس امن الدمع متروس ناظرها

خادمة اهل البيت ام ابراهيم الحلفي
💔💔💔💔💔💔
عميه من البواجي صبحت عيني
نام عالترايب يالولد يبني
تكول شلون تالية العمر ذبني
امك يالولد ياهو اليرجعها

ام ✍️ علي الموسوي
💔💔💔💔💔💔

اليوم ام الولد تبجي وحزنانه
تشوف من الولد ضل خالي صيوانه
بسيوف ونبل زفوه عدوانه
ضلت عالولد بس تهل مدمعها

✍️ ام حسين العامري
💔💔💔💔💔💔

حكهه ام الولد تنحب ومالومه
شلون تشوف ابنهه تحنه بدمومه
بعده ازغير وتوسد على الحومه
اليوم البين بالعريس فاجعها

✍️ ام حسين العامري
💔💔💔💔💔💔
فجعها البين بالعريس  واويلي
ياجاسم  ييمه هدمت حيلي
بعدك مانمت و مساهره ليلي
بيها شلون يبني الراح ضنوتها

ام ✍️ علي الموسوي
💔💔💔💔💔💔

اليوم ام لولد دمعتها تتجاره
تلطم بالحزن والروح محتاره
يمه عليك نوحي ماله چاره
روحي بروحتك يايمه كاسرها

✍🏻حوراء الكناني
💔💔💔💔💔💔
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء

https://www.tg-me.com/fvyhbib

لطمية للقاسم مربعة
~~~~

من دمه الولد حنوهن اجفوفة
وين امه الحزينة تطلع تشوفة

~~~
طلعي من الخيم ابنج رجع هسة
ايامه گضت واتضلمت شمسه
مالحگ يويلي يفرح بعرسه
وشوفيها دماية تگطر زلوفة

العلوية✍️ فضيلة الموسوي
◾◾◾◾◾◾

رجع مذبوح ابنج والدمه يجري
اخبرها اعله موته شلون مادري
رمله تصيح يمه ضيعت صبري
عليك الحيف يبني وروحي ملهوفه

خادمة✍️ اهل البيت ام ابراهيم الحلفي
◾◾◾◾◾◾
طلعت من خيمها تصيح ياويلي
يبني ياثمر جبدي ونجم ليلي
يبني وين اروح خلافك احجيلي
وأنه بالغرب وعداك معروفه

ام ✍️ علي الموسوي
◾◾◾◾◾◾
جابه للخيم لمه يصب دمه
مايكدر يشيله اعله الصدر عمه
حمله ثكيل ون وتكدر بهمه
يكللهن فلشن صيوان والحوفه

ام علي السماوي
◾◾◾◾◾◾

من دمه الولد حنوه عدوانه
ضل جاسم رميه بوسط ميدانه
الله يعين كلب امه الحزنانه
تنوح اعله لولد والدمعه مذروفه

✍️ ام حسين العامري
◾◾◾◾◾◾

تنوح اعله لولد والكلب مملي جروح
تكله اكعد يجاسم يابعدها الروح
عليك ابجي ييمه ومااكطعه النوح

ياجرح الكلب يمه بيش اروفه

✍🏻حوراء الكناني
◾◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء
https://www.tg-me.com/fvyhbib

فزاعيه الامام القاسم عليه السلام

رد لمه جاسم للخيم
حناته دم اوريده
◾◾◾◾

رد للخيم يبن الحسن
عماته وامه اتلوعن
ناحن عليه وتحسرن
وحسين يصفج بيده

خادمة اهل✍️ البيت ام ابراهيم الحلفي
◾◾◾◾◾

رد لامه بس شردته
مكطوعه جاسم ركبته
ويلاه أمه شافته
النوح كام تزيده

✍️ام علي الموسوي
◾◾◾◾◾

زادت ونين الفاجعه
رمله على ابنها مصدعه
كامت تون وتودعه
ليها يرد تريده

ام✍️ علي الموسوي
◾◾◾◾◾

ليها يعاود رادته
عليه ناحت عمته
طفت لجاسم شمعته
وحسين ضل اوحيده

✍🏻حوراء الكناني
◾◾◾◾◾

يساعدها الله الفاكده
واكبر مصيبه الوالده
من تشوف ابنها بنص عده
تكلب جروحه بهيده

✍️ام محمد الحسناوي
◾◾◾◾◾

رمله عليه متالمه
رد الهه متحني بدمه
والروح منهه مهدمه
والكلب ون شيهيده

✍️ ام حسين العامري
◾◾◾◾◾◾◾
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء

https://www.tg-me.com/fvyhbib

لطميه للقاسم ابن الحسن عليه السلام
~~~~

للقاسم يلوگ اللطم

وي رمله ونعازيها
~~~~

وي رمله نبچي على الولد
مذبوح نايم بالحد
وفراگه ما ردلي الچبد
افراگ الولد لامه اشكثر ياذيها

✍🏻 ام حسين العيساوي
⭐⭐⭐⭐⭐

ممروده روحي ومهجتي
مذبوح ابني وضنوتي
شلي ييمه بدنيتي
ماريد روحي والولد ناسيها

ام ✍️ علي الموسوي
⭐⭐⭐⭐⭐

واليوم ننصب ماتمه
لمارجع لمخيمه
عريس غارك بالدمه
واليوم رمله بالدمع واسيها

✍️ ام حسين العامري
⭐⭐⭐⭐⭐

الطمتنه حماسيه
نعازي أمه المسبيه
على الحلوه معانيه

اعله افراك الولد روحي شبعد بيها

✍🏻حوراء الكناني
⭐⭐⭐⭐⭐

عجنو حنة القاسم
گبل لاتذبحه الوادم
ويبگه عالثرى نايم
ولمدلول لامه مايرد ليها

✍🏻 الحجيه ام علي
⭐⭐⭐⭐⭐

يالمذبوح عالعبره
و الشبان امسطره
تون عليهم الزهره
رايح يالولد وامك امخليهه

ام علي السماوي
⭐⭐⭐⭐⭐⭐⭐
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
الفاتحه الى ارواح الشهداء
https://www.tg-me.com/fvyhbib

لطميه ثكيله للقاسم ابن الحسن عليه السلام
عن لسان حال امه رمله وهي تنعى على فراقه
~

اوداعت الله وياك يمه بهالمسيه

وين شايل يالولد ريض اليه

فركتك تاذيني..... ريض وحاجيني

وين شايل يالولد ريض اليه
➖➖➖😭➖➖➖

وين شايل يالولد وامك عفتهه

ضلت بلوعه وحزن يالفاركتهه

نار فكدت بالكلب تسري وجوتهه

نار فكدك يالولد.... تسعر وكلبي نمرد

افراك صار اوياك يمه وهاي هيه

✍️ ام حسين العامري
➖➖➖😭➖➖➖

صار الفراك وكسر گلبي وچواني
من رحت عني الدهر بعدك ولاني
مدري يمه وين ضماها زماني

تروح مني وانحرم ... كلبي يالغالي نهشم

هم ترد يايمه هم نكعد سويه

ام ✍️ علي الموسوي
➖➖➖😭➖➖➖

بعد ماترجع علي يالولد هيهات
ماترد ايامنه وذيجه الكعدات
حكه كلبي الفركتك يجهر الونات

رحت مني يلولد..... والكلب حيل انمرد

كوم يبني وشوفني وارجع عليه

✍🏻حوراء الكناني
➖➖➖😭➖➖➖

وداعة الله يمن حنتك بالدمه
اني بفراكك الروح مهدمه
شلك بنوم اللحود المضلمه
يبني مالايك الك
الرمل حار يغيرك
تروح ذيج رسومك الحلوه البهيه

ام ✍️علي الموسوي
➖➖➖😭➖➖➖
تروح عني رسوم وجهك من وكت
مهجتي مذبوحه يبني من رحت
يارباي وهدلت متوني صحت

يالنمت فوك لثره
هاي روحي محسره
ضلت امك بالمصايب والرزيه

ام علي الموسوي
➖➖➖😭➖➖➖

اعليك يمه العين مايبطل دمعهه
يوم فكدك يالولد كلش صدعهه
روحي حزنانه ويومك هالفجعهه

ابعيد عني سافرت.... ماكلت امي ورحت

بعد ماترجع صدك يالغالي ليه

✍️ ام حسين العامري
➖➖➖➖➖➖➖➖

من رحت وياك كلبي انت خذيته
تمشي بيه الروح لكن انا ميته
والحسبته راح ذاك انا لحسبته

راح كل ذاك التعب وحالي من بعدك صعب
ورايحه للشام يايمه سبيه

✍️ام محمد الحسناوي
➖➖➖➖➖➖➖➖
تمت بأقلام شاعرات رابطة قتيل العبرات

غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام له


خادم منبرك يحسين يامولاي

اقبل خدمتي وسجلهه يمك هاي

✍️ ام حسين العامري

https://www.tg-me.com/fvyhbib

نعي للقاسم ابن الحسن سلام الله عليهما
~~~

جاسم يروحي ونور عيناي
عمله الدهر سواها وياي
ماخذ عزيزي ولبت احشاي

~~~

الطمت صدرها تصيح ويلي
اطلبك رباي وسهر ليلي
راح الفكر وانهد دليلي

✍ام اسعد الشمري
💔💔😭💔💔

جاسم ييمه وياضوه العين
اشبر بطولك صارلي سنين
منين اجتني كربله منين

~~~

يالولد يالبعدك شباب
شلك ييمه بنوم التراب
حيلي ركد والگلب عطاب


✍🏻 #_علويه ام منتظر الجابري
💔💔😭💔💔

ياحيل رمله هدميته
تعبي ورباي ضيعته
ياريت كبل اليوم ميته

~
امك يجاسم كوم ليها
تالي العمر عالو عليها
اكعد يالمدلل احميها

ام ✍️ علي الموسوي
💔💔😭💔💔

تعب رباي من عندك أريده
الوالده ضلت وحيظه
حنت لديها من وريده

~

يبني بفركتك شيب الراس
طفو شمعتك حركو لياس
ماعدهم رحم يايمه هالناس

✍🏻حوراء الكناني
💔💔😭💔💔

ياعمود بيتي وزهرة البيت
وحيده ييمه انه ظليت
كون وياك تاخذني تميت

،،،،،،،،،،،،،،،

يافرحتي ويانور عيناي
يمه بكبرتي تكون وياي
وتشيل الجنازتي يالولد منواي

✍️ ام محمد الساري
💔💔😭💔💔

جسام ابني اشمحله اسمه
وجهه حلو يامحله رسمه
جنه بدر عالشفه بسمه

**

سبحان من خالق اوليدي
يسباح يالشوفتك عيدي
خان الزمان اصفگد بیدي

✍🏻 ام زينب الأسدي
💔💔😭💔💔

اه يلولد أمك جبيره
والحمل عكبك من يديره
لاعندي ابنيه ولاولد غيره

،،،،،،،،،،،،،،،،،،،،،،

ردت الولد للكبر وياي
يباريني ويعدل اغطاي
وكت المنيه ينكط الماي

ام كرار مناذره
💔💔😭💔💔

ردت الولد لايام شيبي
وسفه انكطع منه نصيبي
جاسم ييمه وياحبيبي

~~

يبني يجاسم يغصن بان
مايلوك لك نومة التربان
الف ويل وحسره عله الشبان
✍🏻سلمى أم جعفر
💔💔😭💔💔

مذبوح يبني بين الجموع
نارک ييمه بين الضلوع
والحنه عجناها بالدموع

~
منك حرمني غادر البین
حنتك دمه. امحنی الچفین
نایم ییمه وسلهم العین

✍🏻ام هاجر الفرحانی
💔💔😭😭💔💔
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء

https://www.tg-me.com/fvyhbib

فزاعيه للقاسم ع
➖➖➖➖➖

رمله تنادي يلولد
الفراك ماريده
➖➖➖➖
رمله تنادي اومعوله
بدموع ويلي هامله
حشمت ويالعايله
طيحتك يبني امجيده

ام ✍️علي السماوي
➖➖➖➖➖
ارجع يبعد امك الي
ضليت يبني بلاولي
بالدنيا من بعدك شلي
غيبتك يمه بعيده

ام ✍️ علي الموسوي
➖➖➖➖➖

ابعيده يمه شوفتك
موتت گلبي ابطيحتك
خاب الرجه من جيتك
يالحضني بعده ايريده

✍️ام زينب الأسدي
➖➖➖➖➖
خلوني ابوسه بكصته
عدلي الولد يا عمته
جسام محله گعدته
خلیني ابوس اٌوريده

✍🏻 ام زينب الأسدي
➖➖➖➖➖

اه یالولد ومصابه
صارت دماه اخضابه
نارالگلب لهابه
هذا العرس ماریده

✍🏻الشاعره ام هاجر الفرحانی
➖➖➖➖➖
خليني اشمن منحره
نار الكلب متوجره
نايم وليدي عالثره
بدماه حنو ايده

✍🏻حوراء الكناني
➖➖➖➖➖
نايم ومحله نومته
ومن دمه صارت حنته
تراب الوطيه مخدته
گلبي اعليه شيهيده

✍🏻 #_ علويه ام منتظر الجابري
➖➖➖➖➖➖
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
الفاتحه 🤲 الى ارواح الشهداء
https://www.tg-me.com/fvyhbib

نعي للقاسم ابن الحسن
~~~~

جسام يوليدي يمحروم
ماهي ييمه ساعة نوم
فاركة ذيج الحلوه الرسوم

~
اكعد يبعد امك واهلها
امك غريبه منهو الها
تريدك تجازيها تعبها

ام ✍️ علي الموسوي
😭😭💔😭😭

غالي الولد وغله من العيون
جناز ردته وي اليدفنونه
ويشل نعشي فوك المتون

~~~

انده يجاسم كوم وياي
وي الغريب اشلون ممشاي
اريد اليباري ابهون بهداي

✍️ام كرار مناذره
😭😭💔😭😭

تمنیت لولیدی اعرسنه
ونصب كلته واعجن الحنه
اویلی علی ابنی الماتهنه

~~

جسام یاشمعة الشبان
ياحوفتك حومة الميدان
زفتك يبني اخيول عدوان


✍🏻الشاعره ام هاجر الفرحانی
😭😭💔😭😭

متكوم يبني وتحاچيني
يمحروم فكدك ياذيني
منهو لبعدك يباريني

~~

وين الحنينه تخليها
بفركاك الحزن والنوح غاطيها
ماتكدر على الفركه تدريها

*✍🏻خ_ألحُســـــينيه*
😭😭💔😭😭

اريدك الي يبني عكازه
وتشيل يايمه الجنازه
ياعازتك هاليوم عازه

~~

ياعازتك يبني يلوليد
بعدك لعمري ابد مااريد
غفله رحت مني يلوحيد

✍🏻حوراء الكناني
😭😭💔😭😭

يجسام يبني اوحيد امك
من الموت يبني وين اضمك
منحي عليك حسين عمك

~

يمه الولد يافتشف العين
جابك ييمه عمك حسين
يمفارگ اعيوني يالحنين

خادمة اهل البيت ام ابراهيم الحلفي
😭😭💔😭😭

لتعوف امك يالوحيد
والدنيه بعدك ماتفيد
لأفرح اخلافك ولا البس جديد

~~~

عيني عمت يالولد يمه
گلبي انكسر وكثران هضمه
گلت الشباب الشیبي اضمه

✍🏻 ام زينب الأسدي
😭😭😭😭😭😭😭😭
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
الفاتحه الى ارواح الشهداء
https://www.tg-me.com/fvyhbib

اجنوبي القاسم ابن الحسن عليه السلام
~~

ضمي اهدوم عرسه القاسم اليله
وطلعي للحرب يا رمله ودعيله

🖤🖤🖤🖤🖤🖤

ضميهن اهدوم الولد يارمله
وطفيهن اشمعوه وگشعي الكله
تره ياقصة العريس موسهله

صيوان المعرس لاتنصيله


خادمة ✍️اهل البيت ام ابراهيم الحلفي
◾◾◾◾◾◾

صيوان العرس ألمن تحضرينه
القاسم راح يارمله يالحزينه
للعريس هليله تعازينه
دم دموم للعريس نبجيله

✍🏻حوراء الكناني
◾◾◾◾◾◾

تحلم بعرس ام جاسم تزفه
وتلبسه هدوم العرس الترفه
سهرانه وتفكر بيه ماتغفه
باسمه تلهج وبكل وكت تدعيله

✍️ ام محمد الساري
◾◾◾◾◾◾

لتنصبين كلته مو وكت عرسه
رايح جاسم وشم الهوا ابنفسه
ياربي اوليدي ابعينك اتحرسه
گامت للولد تبجي و تنعيله

✍🏻 ام زينب الأسدي
◾◾◾◾◾◾

ويلاه يالشباب وهظمته هظمه
جابه الخيمته محني الظهر عمه
هاذا ابنج يرمله غارك ابدمه
وابدال الفرح حزن ودمع سيله

✍ام اسعد الشمري
◾◾◾◾◾◾

حسبت حساب وبعرسه يهنوني
اطش املبسه مبارك يكلولي
وتالي عالثره وبيه فجعوني
لاعندي ولد غيرك أني امشيله

✍️ام كرار مناذره
◾◾◾◾◾◾◾◾
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

لطمية في القاسم ابن الحسن وبكاء امه رملة
◼️◼️◼️◼️◼️
اسم الله عليك يبني ويانضر عيني
شايل يالولد واني عله ونيني
◼️◼️◼️◼️◼️

ميته ريت يبني وثمر دلالي
يدفنوني ييمه وياك يالغالي
يغصن البان بعدك خابت آمالي
فجعني الدهر وسفه وضاعت سنيني
✍🏻سلمى أم جعفر
◾◾◾◾◾◾

يغصن البان صارت حنته دمه
وبعرسه يويلي انفجع گلب امه
ماضنيت ترجع لأمك مدمه
وبعرسك بعد ياهو اليهنيني

خادمة اهل✍️ البيت ام ابراهيم الحلفي
◾◾◾◾◾◾

عفاني حيل من شفت الولد بيه
ممرود الكلب يبني وجلاويه
فلت عشرتي وياك عجليه
ماني أمك جبيره من يباريني

✍️أم كرار مناذره
◾◾◾◾◾◾

عبالي يايمه افرح بعرسك
بعد منين اجيبه يلولد مثلك
محضره منصتك بيدي عجن بحنتك
راحت شمعتي الجانت تضويني

✍🏻حوراء الكناني
◾◾◾◾◾◾

اريده للكبر للشیب اعتازه
مسرع ما اجاله الموت وتوازه
تالیها انه امه اشیع الاجنازه
هان علیك يايمه تخليني

✍🏻 ام زينب الأسدي
◾◾◾◾◾◾

يبني شلون خليت بغرب امك
ماني للكبر يالولد ذاخرتك
لوضمني لحد يبني ولاضمك
شلي بالعمر وعداك سابيني

إم ✍️علي الموسوي
◾◾◾◾◾◾◾◾
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

قصيده مربعه للقاسم ابن الحسن
~~

رمله ام الولد كومن نعزيه
على الشايل غفل الله يكويهه

~~~~

رمله تنتحب وتصيح اه يبني
يومك هدماني وحيل عذبني
شفتك منذبح والحيل فاركني
جثتك بالشمس يبني امخليهه

✍️ام علي السماوي
⭐⭐⭐⭐⭐

جسمك بالشمس يبني مخلينه
فراكك بلكلب يجوي ويأذينه
يومك صعب يوليدي ويبجينه
على فكدك ييمه الروح مابيهه

✍🏻حوراء الكناني
⭐⭐⭐⭐⭐

جثتك من عفتهه ورحت حزنانه
وي ناس الغرب والروح خلصانه
ماني أمك جبيره وحيل تعبانه
تمشي باليسر عكبك يواليهه

ام ✍️كرار مناذره
⭐⭐⭐⭐⭐

عيني شلون تنضرلك يلوحيد
نايم بالشمس يايمه ومدد
ندهتك ليش ياجسام ماتگعد
بعد ذيجه الجهامه وين الاگيها

ام ✍️ستار الكعبي
⭐⭐⭐⭐⭐

بعد وجهك ييمه مايلاكيني
ياتعب السنين ويانظر عيني
روحي وياك راحت يلي ناسيني
عيوني بروحتك يالولد تعميها

ام ✍️ علي الموسوي
⭐⭐⭐⭐⭐

گومن خل نعازي رمله هالليله
عالرايح شباب المدمع نسيله
ثوبي من الحزن مابيه انه اشيله
شمعات العرس ياعمته طفيها

الخـ✍️ــادمه ام زيد الشمري
⭐⭐⭐⭐⭐⭐
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له

https://www.tg-me.com/fvyhbib

~قصيده الامام القاسم ع لسان حال امه رمله ع~
~~

بزفافه مفرحت يالولد يايمه
جابه للخيم محني الظهر عمه

~~~

بعرسك يالولد محرومه خلوني
حرموني العده يوليدي حرموني
اصيح بصوت ياجاسم ضوه عيوني
جنت محضرتله الحنه اوهدمه

✍🏻حوراء الكناني
⭐⭐⭐⭐⭐

ربيت الولد ذخري وامل دنياي
من اكبر سند روحي ونظر لضواي
راح اويه الولد عمري وعمت عيناي

هظمه يالولد يومك الف هظمه

✍ام اسعد الشمري
⭐⭐⭐⭐⭐

جنت احلم ابعرسك يالولد يبني
تدري يوم عرسك والله شيبني
اجيت لكربله والدهر سلبني
بعد منهو اليگلي بجلمة اليمه

خادمة اهل✍️ البيت ام ابراهيم الحلفي
⭐⭐⭐⭐⭐

ماادري الولد هيجي يجافيني
لاعندي والد غيره ويباريني
كلت يشيل نعشي هو يواريني
رمله عليك تدري عيونهه تعمه
✍️ام كرار مناذره
⭐⭐⭐⭐⭐

حاسبتك تظل للضيج والعازه
على متونك ييمه اتشيل الجنازه
حاربني زماني عليك وتوازه
الدنيا خلاف وجهك يالولد ضلمه

✍️ام كرار مناذره
⭐⭐⭐⭐⭐

نظل خدام لم جاسم المحزونه
ابخدمتكم يغاتي أني ممنونه
وكل طالب امراده ابساع تطونه
واليوم العزه للحنته من دمه

✍️ام كرار مناذره
⭐⭐⭐⭐⭐⭐
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
https://www.tg-me.com/fvyhbib

هوسات لعبدالله الرضيع
~~~~~

خليتو ااولد عطشان وينوني
عبد الله الطفل يا مدمع عيوني
اشما اكتب وكول لا تلوموني

((يذبحونه جا شنهو امسوي))

ام ✍️زين العابدين لمحمداويه
🔰🔰🔰🔰🔰🔰

تشيب غصته ازغيرون من يبجي وشبح عينه

لاينطق واگله اشبيك جرح اليوجعك وينه

الله يعين ابوالسجاد ابحضنه الگوم رامينه

( بجفوف احسين //ترف روحه)

ام ستار الكعبي
🔰🔰🔰🔰🔰🔰🔰

يلوب ابني ويدير العين ليه
يريد الماي وإني اعيوني مجريه
صحت يحسين أخذه وشربه اميه

(((وبحظن حسين يذبحونه ))

أم كرار مناذره
🔰🔰🔰🔰🔰🔰

حزو منحره مارحمو الطفلي
يادمعي عله الخدين ظل يهلي
صحت بصوت يلوليدي نذهل عقلي

((يحرمونه//من عذب الماي))

✍🏻حوراء الكناني
🔰🔰🔰🔰🔰🔰🔰

روحه شايغه لمن اجه سهمه روحه فرفرت عبدالله بعد امه
اینازع بالمنيه هظمته هظمه

((ايرفرف// من حر اصوابه))

✍🏻 ام زينب الأسدي
🔰🔰🔰🔰🔰🔰🔰🔰
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها


https://www.tg-me.com/fvyhbib