*امصابک حیل یابالحسن هدنه،،*
*ابألم نبچی علیک وعیب هدنه،،*
*ابن ملجم أبد منطاک هدنه،،*
*غدر بیک ابسجودک یاشفیّه،،*

✍️بقلمي

يا حيدر طبرتك هدمت حيلي
اون اعليك ابد ما نمت ليلي

••••••••••••••

يا حيدر طبرتك فَجِعت الكلوب
شعظمها مصيبتك بويه يمحبوب
من جابوك ليه الراس لن مصيوب
جرحك يا علي صوب دليلي

••••••••••••••

كلف جرحك يحيدر صوبها الروح
من شفتك اجيت وراسك المجروح
من اليوم مابطل الحزن والنوح
دم للمرتضى يا دمعتي سيلي

••••••••••••••

ونيت وونيني اعليك لن هدني
شلون تروح آه يا ابو الحسن مني
جرح ام الحسن هسه لجمني
بعدكم ما هجع نوحي وعويلي

••••••••••••••

بعدك يا دمع يا نوح يشفه
لا نار الكلب بالدمع تطفه
علي مصيبتك يالحيد كلفه
ليه من يمر بعدك احجيلي

،••••••••••••••


من اليوم ياهو الي يسليني
كبالي تلوج حيل وحيل تاذيني
عسه ياريتها من نعمت عيني
غميجه هموم كلبي وصحت ياويلي
••••••••••••••

غميجه همومي بفراكك يبو الحسنين
الدنيا هاضمتني ولاحكني البين
ابجي عليك لو عالضلع لو عالعين
على مصاب الهل ياعين هلي

••••••••••••••

تمت بعون الزهراء عليها السلام
بقلم خادمات الحسين عليه السلام
-ام علي الموسوي
-حوراء الكناني
تحت إشراف تجمع خادمات الذبيح
https://www.tg-me.com/fvyhbib
#الامام_علي (عليه السلام)

اويلاه شال الوصي من داره
اويلاه زينب تون محتاره

••••••••••••••

عنها مشى واليها
يا هو الذي يواسيها
داره الحزن غاطيها
تصرخ يا حامي جاره
••••••••••••••

اويلاه يا الوالي
والنزل منك خالي
بويه فجعت دلالي
دمعي الك يتجاره
••••••••••••••

من شال ونسد بابه
ظلت حزينه احبابه
كلش عظيم مصابه
والكلب شبت ناره

••••••••••••••

روحي صفت متهدمه
والدنيه بعده مظلمه
زينب تْنوح مألمه
وحزنانه حته داره
••••••••••••••

بنته تون حزنانه
افراك الابو اذانه
يومه صعب بجانه
وتنكطع راح اخباره
••••••••••••••

يومه صعب ماينحمل
يابوي ياخير العمل
والعيد لينه لو يهل
منهو اله خطاره
••••••••••••••

تمت بعون الزهراء عليها السلام
بقلم خادمات الحسين عليه السلام
-ام علي الموسوي
-حوراء الكناني
تحت إشراف تجمع خادمات الذبيح
https://www.tg-me.com/fvyhbib
#الامام_علي (عليه السلام)

قصيده للامام علي عليه السلام
•••••••••••••

يا والي اليتامه وين هالنيه
شايل يا علي وخليت البنيه

•••••••••••••

عنها يا وليها محمل ضعونك
هاي أيتامك ابابك يريدونك
ما يدرون بويه غمضت عيونك
وينطرون ليهم هم الك جيه
•••••••••••••

بعدك يا ولينا لدار خلوانه
بس زينب تون اعليك حزنانه
تنادي وين يا عزنا يا ملفانه
يابو حسين ارجع وانشد عليه
•••••••••••••
بويه بالحزن لا لا تخليني
وبطيحتك هايه زادت ونيني
وين امي الحنينه خل تواسيني
تجيني تشوف عيني شلون معميه
•••••••••••••
تجي وتشوفني يابويه ردتك
عزيزه عليك ماأحمل فركتك
هان عليك وتفارك بنيتك
بعد عينك ترى مالي تجيه
•••••••••••••
لعازات الدهر ردتك تسندني
اشو صارت الفركه وحملت عني
مابطل مناحه دوم الك وني
لو انخاك بويه الحك عليه
•••••••••••••
لو ظليت وحدي ومالي والي
وطاح اعله الثره من عندي كل غالي
ولاواحد نشد بويه على حالي
أفزعلي يحماي الحميه
•••••••••••••

تمت بعون الزهراء عليها السلام
بقلم خادمات الحسين عليه السلام
-ام علي الموسوي
-حوراء الكناني
تحت إشراف تجمع خادمات الذبيح
https://www.tg-me.com/fvyhbib
#الامام_علي (عليه السلام)

هوسات للأمام علي عليه السلام
••••••••••••


نحلانه وتون بالدار اخت عباس
من شافت ابوها نطبر منه الرأس
وعليه مكدره وتلطم جميع الناس
(( واولاد الحيد يتجوله ))

••••••••••••

ابو الحسنين طاح وضهدته الطبره
دمه على الوجه والشيبه مْحمره
صاحت ياحنينه يمه يالزهره
(( من دم الرأس مخضبينه ))
••••••••••••


من دمه ييمه تخضبت لحيته
عليه حزنان ومكدر وحش بيته
تنحب بالنزل وتعاتبه بنيته
((حزنانه//بنيته اعليه))

••••••••••••


نطبر كلبي ييمه بطبرت الكرار
بعده عينه مْضلمه وخاليه هالدار
تون روحي عليه وجمر تهلب نار
((بدلالي//تلهب نيرانه))
••••••••••••

تمت بقلم خادمات الزهراء (عليها السلام)
-الشاعرة ام علي الموسوي
-الشاعرة حوراء الكناني
تحت اشراف تجمع خادمات الذبيح
#الامام_علي عليه السلام
https://www.tg-me.com/fvyhbib

قصيدة للامام علي بطور مسلم الوائلي ( صعدة الناكه

~
بالمحراب طايح حيدر اليوم
وينحون عليه زينب وجلثوم
يصيحن ياعلي ياكهف الأيتام
يافارس مضر اكعد يجيدوم
(عليك مرجونه /اليوم ارض وسماها)

ام علي الموسوي
@@. @@. @@

اليوم ارض وسماها اتنوح لمصابه
مجروح الامام وحزنت احبابه
وملتمه اليتامه بعتبة الباب
تنادي يا علي يل بيك الهيابه

(وعلت ابچاها/ أيتامك اجتك)

✍🏻 ام حسين العيساوي
@@ @@ @@

محزونه وتون اليوم الاحباب
هضيمه بمسجده الكرار ينصاب
وهوه البلحرب محد يلاگيه
علي بس بيد وحده قالع الباب

((المايگحمونه /غدر صوبو راسه ))

✍🏻 ام حسين العيساوي
@@ @@ @@

اجو للباب يتباچون الايتام
اگعد ياعلي صاحوله لتنام
ياهو النه يحيدر باجر العيد
ليش اتشيل ما كملت الصيام

((اليوم محزونه /واحبابك عليك ))

✍🏻 ام حسين العيساوي
@@ @@ @@

تنادي يا علي يا ناصر الدين
زينب بيك مفجوعه يبو حسين
مكسوره عليك أيتامك تحوم
عليك تنوح كل هاي المساكين

((تنتحب يم بابك ..أيتام وحرم ))

✍🏻ام زين العابدين
@@ @@ @@

زينب تلطم على الهامه حزنانه
راح اليوم حيدر منه ملفانه
تريده أيتامه يم بابه يونون
وينك يالتحبه أنحب ويانه

(( كوم ويانه. ...ياابالحسن فدوه ))

✍️حوراء الكناني

@@ @@ @@
تمت بفضل الله وعونه بأقلام شاعرات رابطة قتيل العبرات
غير مبري الذمه من يحذف الاسماء أو ينسبها له
https://www.tg-me.com/fvyhbib

قصيده للامام علي عليه السلام ...يوم سابع


وحشه داري..........ياعلي بعدك صفت
بويه بويه.........روحي مهظومه بقت

♕♕♕♕♕♕♕♕♕♕♕♕♕♕♕

وحشه داري سبوع مامربيها
فراك ابوي روحتي مأذيها
انت لو مابيها مانمر ليها
سبوع صار الحزن متلملم عليها

يا اماني.....زينبك ريت نعمت
بويه بويه...... روحي مهظومه بقت

✍️✍️ام علي الموسوي

♕♕♕♕♕♕♕♕♕♕♕♕

وحشه داري بعد عينك ياعلي
انت نوري ونور اليضوي الي
بويه ارجع ليش نايم بالخلي
عله افراگك دمعه من عيني اتهلي

ياحبيبي...ريت ميته ابموتتك
بويه بويه.... روحي مهظومه بقت

✍️✍️خادمة اهل البيت ام ابراهيم الحلفي

♕♕♕♕♕♕♕♕♕♕

الدار بعيوني يبويه مضلمه
من شلت عنهه يحماي الحمه
وانه تدري اعليك بويه معلمه
صفت روحي بالحزن ومهدمه

ولغيابك... دمعتي عالخد جرت
بويه بويه.... روحي مهضومه بقت

✍️✍️ ام حسين العامري

♕♕♕♕♕♕♕♕♕♕♕
الدار وحشه وعلي شيرده بعد
افراگه يكتل وانمرد منه الچبد
والله وسفه المرتضى ينام بالحد
ما يجينه هاي هيه للأبد
آه يحيدر •••ام عون منك ايست
بويه بويه....... روحي مهضومه بقت

✍️✍️ام حسين العيساوي
♕♕♕♕♕♕♕♕♕♕♕
داري وحشه حيف ياضي عيني
سبوع صار وانت شو ناسيني
ماابطل عليك بويه ونيني
فركتك وسط الكلب تجويني

ياضوانه.... الدنيه بعدك ضلمت
بويه بويه..... روحي مهضومه بقت

✍️✍️حوراء الكناني
♕♕♕♕♕♕♕♕♕♕♕

علي بويه نندب انه واخوتي
بعد عينك من يشفت دمعتي
ريتني بعدك تجيني منيتي
من نعى جبريل كطع مهجتي
بمقتلك .........الّاركان تهدمت
بويه بويه...... روحي مهضومه بقت
✍️مروه احمد الياسري
♕♕♕♕♕♕♕♕♕♕♕

تمت بفضل الله وعونه بأقلام خادمات الحسين في رابطة قتيل العبرات
غير مبري الذمه من يحذف الاسماء أو ينسبها له
https://www.tg-me.com/fvyhbib

لطميه للامام علي عليه السلام


سبع تيام فارگتك يكرار

منك خالي المحراب والدار
~~

سبع تيام صار افراگ وجهك
لا شفناك لا سمعينه حسك
ابنك ضل يون وتنوح بتك
صعب فركاك يچوي گلبي بنار

✍🏻 ام حسين العيساوي
♕♕♕♕♕♕♕♕♕♕♕♕♕♕♕
صعب فركاك ماينحمل گوه
رحت شبساع من عدنه يسلوه
ترد ايامنه وكعدة الحلوه
اخ من الزمن ويلي الغدار

✍️حوراء الكناني

♕♕♕♕♕♕♕♕♕♕♕♕♕♕♕
وجهك فاركيته ابجيت العيد
ماترجع بعد ليه يصنديد
عليك امن البچي والنوح. ماهيد
بس انحب يبويه ودمعي نثار

✍️خادمة اهل البيت ام ابراهيم الحلفي


♕♕♕♕♕♕♕♕♕♕♕♕♕♕♕
ييويه الروح مشتاكه لحجاياك
ياريت العمر نكضيه وياك
هيهات الكلب ياحيد ينساك
ولاانسى الجرى ياوصي المختار

✍️ام علي الموسوي

♕♕♕♕♕♕♕♕♕♕♕♕♕♕♕

على فراگك اون وابچي ونوحن
وباچر عيد بويه وين اروحن
عگب عينك يحيدر اعايدمن
ويوم العيد نبچي ازغار واكبار

✍🏻 ام حسين العيساوي

♕♕♕♕♕♕♕♕♕♕♕♕♕♕♕

اجانه العيد بويه وانت غايب
ليش، اتغيب يا اغله الحبايب
عله افراكك يبويه الگلب ذايب
اومصابك يبويه مثله ماصار

خادمة أهل البيت ام ابراهيم الحلفي


♕♕♕♕♕♕♕♕♕♕♕♕♕♕♕
صعب فركاك بويه ويهدم الحيل
احن الشوفتك من يجبل الليل
بعد حملي يغالي ياهو ليشيل
وتدريه الفلك يابويه دوار

✍🏻ام زهراء الزيداويه البصراويه

@@@@@@@@@@@@


تمت بفضل الله وعونه بأقلام خادمات الحسين في رابطة قتيل العبرات

غير مبري الذمه من يحذف الاسماء أو ينسبها لهhttps://www.tg-me.com/fvyhbib

قصيده للامام علي عليه السلام

      ♕♕♕♕♕♕♕♕♕
سبعة ايام حيدر ضيعينها
لاشفناه ولاصوته سمعناه

     ♕♕♕♕♕♕♕♕♕
لا شفناه ولا بين علينه
بالمسجد وبيته فاگدينه
اليله سابعه ومنه ايسينه
شيجيبه علي والگبر ضماه

✍️✍️ام حسين العيساوي
♕♕♕♕♕♕♕♕♕♕♕
شيجيبه علي بالكبر ممدود
لايكغد ويانه ويرجع... اردود
تبجي ام عون منهه الكلب ممرود
اله وحشه وعليها صعب فركاه

✍️✍️ ام حسين العامري
     ♕♕♕♕♕♕♕♕♕

اله وحشه وعليه بس تهمل العين
صار اسبوع من ضيعنه ابو حسين
شلون يهيد كلبه الفاركه احنين
يضل يون عليه ودوم ينعاه

✍️✍️ ام حسين العامري
       ♕♕♕♕♕♕♕♕♕
يون عليك كلبي يالنسيته
يبو الحسنين بيتك ضلميته
زينب ياوليها ريت ميته
خلصان العمر ياريت وياه

✍️✍️ام علي الموسوي

       ♕♕♕♕♕♕♕♕♕
يخلص هلعمر ياريت وياك
مر اسبوع بويه وحنه نتناك
وسط اللحد وسفه ضيعيناك
نايم بالگبر   يالغالي.  ويلاه

✍🏻ام زهراء الزيداويه البصراويه

        ♕♕♕♕♕♕♕♕♕
مايرجع بعد وايسنه منه
على افراك الابو نجذب الونه
ضيعناه البيه هيبه وسندنه
وتراب اللحد ياحيف غطاه

✍️✍️حوراء الكناني
       ♕♕♕♕♕♕♕♕♕

تمت بفضل الله وعونه بأقلام خادمات الحسين في رابطة قتيل العبرات
غير مبري الذمه من يحذف الاسماء أو ينسبها له
https://www.tg-me.com/fvyhbib

ماقصرت ویای لمن نخیتک،،
یابوالفضل یاحید یل یزهی صیتک

شكرا مولاي ماقصريت
✍️بقلمي

وابخط جفون العين يحسين ارسمك
یحله الشعر لوچان کل چلمه بسمك

✍️بقلمي

قصيده بحق مولانا أبا الفضل العباس عليه السلام
~~~~~~
اخوزينب بطل تربات نشميه
كفو ونعمين من ابنج يبدويه

🚩🚩🚩🚩🚩🚩🚩

شجاع ومايهاب اجموع عدوانه
للميدان طب وصاح هذا انه
وجر سيفه البطل شمرها ذرعانه

وخلاها اترادم اخو الحوريه

✍🏻ام زين العابدين لمحمداويه
🚩🚩🚩🚩🚩🚩
جر سيفه البطل سواها افنون
مثل عوده علي بجه اليعيلون
هلا ابعباس يالمنه يهابون
خله ادمومهم بالكاع مجريه

✍🏻ام رحمه الگاظميه
🚩🚩🚩🚩🚩🚩
هلا بعباس صال وشال بتاره
وخله اعداه تتراجف ومحتاره
سل سيفه وشن اعله العده غاره
وتشهدله صدك ساحة الحربيه

✍️ ام حسين العامري

🚩🚩🚩🚩🚩🚩
يشهدله صدگ عباس ميدانه
ابو فاضل سبع واسباع خوانه
مصيت يالشجاعه ثبت عنوانه
مثل عوده علي وامه البدويه

✍🏻 ام حسين العيساوي
🚩🚩🚩🚩🚩🚩

گفو ونعمين من عندك يبو النوماس
وگالبها گلاب اليوم تاج الراس
طشر روسهم رجفهم العباس
ياراعي الشهامه وكله حنيه

✍️حوراء الكناني
🚩🚩🚩🚩🚩🚩
يلكلك شهامه وطيبة ومروه
راسك حار ندري وتفز بالنخوه
بالحره نحلفك ياوفي الخوه
تعرف حاجتي وتكون مكظيه

✍️ام علي الموسوي
🚩🚩🚩🚩🚩🚩
تمت بااقلام خادمات أهل البيت عليهم السلام في رابطة قتيل العبرات ✍🏻
🙏🏻🙏🏻نسألكم 🙏🏻🙏🏻
https://www.tg-me.com/fvyhbib

نعي للخروج من المدينه

♕♕♕♕♕♕
البابج يالحبيبه اجينه
نريد نشيل عن دار الربينه
ودعنه ايام الحنينه
~~
عن. دار اهلنه حملينه
وي الوليان يامحله مشينه
ترفرف.راية الكافل علينه


✍️✍️ام علي الموسوي
♕♕♕♕♕♕
بدمع الحزن ودعنه الدار
حسين أخذها ازغار وكبار
وصوب الطفوف الضعن هلسار

~~~~
الطف كربله ماشي ضعنه
خل نتوادع وي اديار اهلنه
بعد هلسفره مايلتم شملنه

✍🏻ام زهراء الزيداويه البصراويه

♕♕♕♕♕♕

يادار... عنج... هالمرحلين
اليوم اعله لسفر شو ناوي حسين
اودعج يدار وتهمل العين

~~

اليوم حملناها.. الضعون
بعد للدار اخوتي مايرجعون
هالفركه طويله وتعمي العيون

✍️ ام حسين العامري

♕♕♕♕♕♕
ودعناج يادارنه الحبيبه
وفركاج ياداري صعيبه
راح الهنى ومنين اجيبه


كلهم حملو اهل المحنه
من اشوف اخوتي اجهر الونه
ياحسين ياشايل حملنه

✍️حوراء الكناني

♕♕♕♕♕♕
شايل ضعنه بهدوة الليل
ويانه اهلنه والمداليل
وانه حزينه ورايح الحيل
.

رايح الحيل وگلبي مالوم
ومابيه اشيلن حتى الهدوم
خاف الفرح وي اهلي ميدوم


✍🏻 الحجيه ام علي

♕♕♕♕♕♕

ضعنهم للطفوف محمل اليوم
زينب بس تهل الدمع واهموم
كمر يحدي الضعينه وي النجوم


ودعنه اهلنه بدمعة العين
عايف ادياره وشال الحسين
بهاي الحرم بالضعن ماشين


✍️ ام ابراهيم الحلفي
➖➖➖➖➖➖
تم بفضل الله وعونه بأقلام شاعرات رابطة قتيل العبرات✍🏻🙏🏻🙏🏻نسألكم الدعاء 🙏🏻🙏🏻

https://www.tg-me.com/fvyhbib

فزاعي جنوبي بقفلة الهوسه


اعله الصادق اجريها اليوم الدموع
نون اعليه حيل بلكلب مفجوع

              🚩🚩🚩🚩🚩
اعله الصادق خل نصب عزيه
مو دمعات  ادموم  الجريه
ومصاب يوجع ويخنك الريه

((يمصاب الصادق//يااذينه))
             🚩🚩🚩🚩🚩🚩
شال من دار وطفت انواره
دمع عينه الي يحب يتجاره
وحشه مضلمه  هاليوم صبحت داره

((ياداره الضلمه//تبجيني))

            🚩🚩🚩🚩🚩🚩
ننصبله عزه ونوسع الميدان
يلطم و العزيز  يريدله عوان
عليه ابنه ينوح وحيل  اله حزان

((ويون ويبجي //على مصابه))


               🚩🚩🚩🚩🚩🚩
يون ويبجي لأجله اليوم ابو طلبه
حزنان  وثيكله هموم البكلبه
على جعفر يون وينوح اليحبه

((ويعزي الكاظم لمصابه))
          🚩🚩🚩🚩🚩🚩
هالليله العزه ونوح والعبره
الك ياسيدي ياسادس العتره
لمصابك نعزي فاطمه الزهره
(( تلطم وتناشد. يولادي ))

            🚩🚩🚩🚩🚩🚩
يولادي ييمه ياذنب ليكم
مارحمتكم وشدت اعاديكم
يوميه بسهم مسموم راميكم

(( وكل يوم بواحد صوبوني ))


             🚩🚩🚩🚩🚩🚩
تمت بقلم خادمات الحسين :
حوراء الكناني
أم علي الموسوي
تحت إشراف تجمع خادمات الذبيح
https://www.tg-me.com/fvyhbib

💫قصيده لمولاتي الزهراء ع💫
لطلب الحاجه
➖➖
أجيت اليوم الج يزهره عنايه
حضري شدتي يل بيچ الكفايه

➖➖➖➖➖➖➖
يم بابچ أجيت و دمعتي ابعيني
حضري شدتي يل زهره عينيني
الچ مديت اديه اَب آه و اونيني
تره اهموم العليه كلش اهوايه

*✍🏻خ_ألحُســـــينيه

➖➖➖➖➖➖➖
اگظي حاجيتي وريحيلي دلالي
عليج اليوم امشي حسينج الغالي
بالله وبيكم اني امخليه آمالي
تگظين الكلافه انتي اهل هايه
✍🏻ام محمد التميميه
➖➖➖➖➖➖➖

تگظين الكلافه انتي اعرفنج
تسهلين الصعب مولاتي من يمچ
احظري يالزجيه اليوم احلفنج
واعرفنج كريمه انتي الوفايه

✍️حوراء الكناني
➖➖➖➖➖➖➖
یالبابج ابد مایردله طلابه
احلفج بالحسين بجرحه ومصابه
اتمنه يم گبرها وكون ادگ بابه
تگضي حاجتي وگصدها مشایه
✍🏻 ام زينب الأسدي
➖➖➖➖➖➖➖

احلفج باالذي محروم الميه
تسهلي حاجتي بالله ي علـويه
وجروح الغميجه الاثرت بيــه
نخيتج يم حسن واليوم شجايه

✍🏻ام سجاد الشهيد
➖➖➖➖➖➖➖

انتي البشدد انخاج مولاتي
احلفج بالضلع تگضين حاجاتي
كضيت انه العمر بالاه حسراتي
اجيت المجلسج هاليوم عنايه
✍🏻ام حيدر الكناني
➖➖➖➖➖➖➖
تسهلين الامر للطالب الحاجة
تشافين المريض ويمج علاجه
اجيتج والنخت ولكل محتاجه
تكضين الشديد يالعندچ ادرايه

✍🏻ام محمد باقر آل عبيد🍃
➖➖➖➖
تمت بحمد الله بأقلام شاعرات رابـــطة مواساة الزهــــــراء عليها السلامhttps://www.tg-me.com/fvyhbib

فزاعي سريع// الرباط هوسات
للامام الصادق// عليه السلام
،،،،،،،،، ،،،،،،،،،
الك عنوان
(الصادق يسمونك)
ـــــــــــــــــــــــــــــــ
يبوالكاظم عليك الشيعه مرجونه
و احبابك تون اوكلها محزونه
عراظات والطم نعشك يشيعونه

(يشيعونه// الليله الصادق)
✍🏻ام سجاد الشهيد
▪️▪️▫️▫️▪️▪️
عليك النوح يمئسس علوم الدين
الحوزه والجوامع عزلت صوبين
طلابك تون اعليك متحيرين

(الحوزه اتون يا راعيها)

✍🏻ام محمد التميميه

▪️▪️▫️▫️▪️▪️
كلها مكدره وتنوح هل اليله
مفتاح العلم ايودع العيلـــــه
كنز المعرفه هالليله . ننعيلــــه

((( محزونه المصابه/الشيعه)))

*✍🏻 خ_ألحُســـــينيه*

▪️▪️▫️▫️▪️▪️
محزونه عليه الشيعه متگدره
وتنعاه بحزن وياهم الزهره
ومصابه كلف حط بلگلب جمره

((وياذينه امصاب //الصادق ))

✍️حوراء الكناني
▪️▪️▫️▫️▪️▪️

الشيعه مكدره والنوح غاطيها
مدرسة العلم غرب يراعيها
والسفره طويله ومايرد إليها

((والكون اظلم/شال الهيبه))

✍️فاطمه المطر أم زاهر
▪️▪️▫️▫️▪️▪️
یمصابه کلف خله الحزن بینه
والامام الرافضه انقدم تعازينه
ازغار اكبار هذا اليوم ونينه

(( الشيعه اتون// وتبجيله))

✍🏻 ام زينب الأسدي
▪️▪️▫️▫️▪️▪️
الك يحله اللطم والنوح مولانه
عليك اهل العلم والدين حزنانه
الحق والعدل انته يميزانه
( ويسمونه / ياتاج الدين )

العلويه ام زين العابدين
▪️▪️▫️▫️▪️

تمت باقلام شاعرات رابطة مواساة الزهراء عليها السلام
https://www.tg-me.com/fvyhbib

أظهر يهل موعود أظهر وشوف احوالنه،،
من غبت حد هلساع بس الدمع يبرالنه،،

✍🏻بقلمي

قصيده لسيد،محمد الصدر ق بطور فزاعي

،،،،،،،،،،،،،"""""""،،،،،،،،،،،

الحنانه بجت من شال واليها

عكبك يا صدرنه الحزن غاطيها

،،،،،،،،،،،""""""""،،،،،،،،،،،،

شال الليث الابيض ما يرد،ليهه

الحوزه مضلمه بعدك يراعيهه

تنعاك الجمع يلجنت تحييهه

تحييه ،،،،،الجمعه نريدك

،،،،،،،،،،،"""""""،،،،،،،،،،

رجع يا صدر ما بسك النوم

يبو مؤمل ترد ريدك اليوم

تسند مقتدئ وزيل الهموم

لوليدك رد، ،،شيل همومه

،،،،،،،،،،"""""""""،،،،،،،،،

ما يرجع النام بطين هيهات

يحلال المسائل والصعوبات

نايس ما ترد اهل الفراضات

يا فكد محمد، ،،هد حيلي

،،،،،،،،،،،""""""""،،،،،،،،

فكدك هدمانه وبيد الحيل

يمخوف الزلم وترد اليعيل

تتراجف رجف منك اسرائيل

يسمونه، ،،صكار اعداه

،،،،،،،،،،،""""""""""،،،،،،،،،

موتك مثل جدك علي الكرار

ما كدروله الا بسيف غدار

مثل جدك غدر غدروك الاشرار

فكديناه، ،،،،الناطق بالحك

بقلمي ✍️الشاعره والملايه ام حسن