قصيده فزاعيه النزول محاوره بين السيده زينب والامام الحسين(ع) حين وصلو ا الى اراضي كربلاء

لسان حال زينب(ع)

وصل ظعنه لكربله
آه يحسين ياعيوني
***


وصلنه خويه يغالي
تغيرت يخويه احوالي
تروح الجنت تبرالي
وادري راح اتعوفوني


لسان حال الحسين (ع)
يختي ويدم اوريدي
هذا الامر مو بيدي
بسج يخيتي وهيدي
يابعد روحي هوني
***


لسان حال زينب(ع)

اشوفنك هنا مذبوح
بكل كتر خويه مجروح
يحلالنه الهم والنوح
بعدك يخي يسبوني
***


لسان حال الحسين(ع)

ونينج يااذيني
بروحي افديج ياعيني
يا زينب و حاجيني
يخوي بيج خيعوني
***


لسان حال زينب«ع»

حسين اشلون اهود
نشتاگ الايام ونود
نار الگلب متهود
وخلافك يضربوني
***

تمت بعون الله بقلم خادمات الحسين
الشاعرة حوراء الكناني
الشاعرة زهراء الشميساوي
تحت إشراف تجمع خادمات الذبيح
#النزول

https://www.tg-me.com/fvyhbib

هوسات العليله (ع)


حملت يبويه وين بهل الضعون
ابجي واتنحب وادير باالعيون
اعيش بلياك كلي بويه اشلون

((وعيوني//اتصب اعليك))


عيوني تبجي عليك بويه دمه
اعليك يالابو حيلي حيل مالمه
اخذني وياك عليك امك فاطمه

((بالزهره // محلفتك بويه))


اخذني وياك كلبي موش مال فراگ
تدريني عليله ودوم الك اشتاگ
ولو شفتك تطفي البالصدر حراگ

((سنين اتانيك...ومااگطع الضنه))
_
مااگطع الضنه وراح اتانيك
واضل اجويعده لحد ماالاگيك
بعتبة بابكم واترجه طاريك
واذا عني بطيتوا اعتب عليك

(لو طولتوا غياب..يزيد عتابي عليكم)


تمت بعون الله بقلم خادمات الحسين
الشاعرة حوراء الكناني
الشاعرة زهراء الشميساوي
تحت إشراف تجمع خادمات الذبيح
#العليلة

https://www.tg-me.com/fvyhbib

وزن المجسم

وحدي غريبه وبلنزل ياوسفه عافوني
علباب أتاني وانتظر دم تهمل عيوني
""""""""""""""""""''''''''''''''''''''''''''''


علباب اتاني وانتظر بلگت يردون
راحو وما اظنهم بعد ليه يردون
يصعب عليه فرگاهم وبيه انه شلون
صحت شگد وراهم وياگم اخذوني
""""""""""""""""""''''''''''''''''''''''''''''


صحت شگد وراهم و مني تسيل الدموع
وگلبي يون عليهم وصبح حيل مفجوع
مريضه يا هلي آنه والفراگ موضوع
شلون وحدي عليله يااهلي عفتوني
""""""""""""""""""''''''''''''''''''''''''''''

ذبلانه عيوني وكليبي وجعني
اون ونحب عليهم محد سمع وني
محد جاني منهم محد نشد عني
ردو اليه بعجل لا لا تخلوني

""""""""""""""""""''''''''''''''''''''''''''''

لا لا تخلولي بهاي الدار ذكره
ومسطر بگلبي حسره بأثر حسره
ويلاه يا فرگتك ماتنجرع مره
لو بطو عن عيني خافن يموتوني
""""""""""""""""""''''''''''''''''''''''''''''

چم نذر نذريته الك بس كونك ترجعلي
سالم ريت يا ابوي لو يوم و تردلي
يابويه لعيونك مشتاگه ياخلي
يارب طال الغياب جا يمته يلفوني
""""""""""""""""""''''''''''''''''''''''''''''

تمت بعون الله بقلم خادمات الحسين
الشاعرة حوراء الكناني
الشاعرة زهراء الشميساوي
تحت إشراف تجمع خادمات الذبيح
#العليلة

https://www.tg-me.com/fvyhbib

وزن فائزي

بالدار عافوني اهلي انحب الوحدي
بس الدمع فوگ الجفن چوالي خدي

بس الدمع فوگ الجفن ينزف يسيل
بدونكم يااهلي ظل يخنگ الليل
عليله بنيتكم تره ومهدم الحيل
ردوا علي يهلي بعجلي ما والي عندي

_&&&&&__&&&&&

شلون بويه بالگلب لو راد ملگاك
شلون اصبره يالبطيت وطال فرگاك
امنيتي اروح لكربله يابويه والگاك
كلبي لعد الحملوا ياهو اليودي
__&&&&_&&&&&&
يامن يوصلني اله وترتاح العيون
ويهيد البروحي يون للمايرجعون
يهلي العليله تمرضت خافن متدرون
سلاني بويه افراگكم بعظامي يبدي
_&&&&&__&&&&&
ياهو اليوصللهم خبر ويگل للحسين
ضاگ الهوه بريت العليله وهلت العين
وللباب تزحف تنتجي بصف الحياطين
بلكت تمر نسمة اهل يمي تعدي
_&&&&&__&&&&&


بلگت تمر نسمة هوه من يم الاحباب
عيني تربي على الدرب وتصد علباب
موتني ياعالم تره تدرون الغياب
مجروح دلالي و اون مابيه اهدي
_&&&&&__&&&&&
تمت بعون الله بقلم خادمات الحسين
الشاعرة حوراء الكناني
الشاعرة زهراء الشميساوي
تحت إشراف تجمع خادمات الذبيح
#العليلة
https://www.tg-me.com/fvyhbib

يابويه اخذني وياك
مااحمله انه الفرگاك

شلون اصبر شلون
عليك تبجي العيون

بويه اخذني ٢
""""""""""""""""""''''''''''''''''''''''''''''
عليك تبجي عيوني ماتصبر يبويه ابدونك
تشتاگ روحي هواي الك وتحن لشوف عيونك
لمن تصل حد كربله خبرني گلي شلونك

الدمع جوه الجفون
عليك تبجي العيون

بويه اخذني

""""""""""""""""""''''''''''''''''''''''''''''

يابويه حسراتي صفت تحسب الجيتك وياي
وتراكمن كلهم علي فوگ المرض زاد ابجاي
يالغربت ليمت ترد ماضل عله ابنيتك راي

يالرحتوا يمته ترجعون
عليك تبجي العيون

يابويه اخذني
""""""""""""""""""''''''''''''''''''''''''''''

وتراكمن كلهن علي احزاني بويه و وني

تدري صعب بويه البعد مااحمله تدري يهدني
ابجي اظل اعلى الابو كل يوم يكبر حزني

جرح الگلب لا ميهون
عليك تبجي العيون

بويه اخذني
""""""""""""""""""''''''''''''''''''''''''''''

يابويه يومي من يمر چن سنه تمر عليه
گطعت گلبي بروحتك ريتك تشوف شبيه
عاود يبعد التنتظر فرحنه بويه شويه

بيكم اعيشن تدرون
عليك تبجي العيون

بويه اخذني
""""""""""""””""""""""""""""""""""""""



بيكم اعيش آنه ترى الفرگه مااحملها
الله يساعده الذي تفارگ ابوها وخلها
انه وحيده بحسرتي وبس الدموع اندلها

عليه لا تبطون
عليك تبجي العيون

بويه اخذني
""""""""""""""""""''''''''''''''''''''''''''''
تمت بعون الله بقلم خادمات الحسين
الشاعرة حوراء الكناني
الشاعرة زهراء الشميساوي
تحت إشراف تجمع خادمات الذبيح
#العليلة

https://www.tg-me.com/fvyhbib

قصيده للعليله عليها السلام
🥺🥺🥺🥺🥺🥺

و ياكم ياهلي الكربله اخذوني

وحدي بالنـزل لا لا تخلونــي
✹✭┈✺✺---- ​​͜͡༄✹✭​​​​◌͜͡*
اخذوني يا هلي هاليوم وياكم

صعب ماينحمل يابويه فرگاكم

تبقه اعله الدرب هالروح تتناكم

الجيتكم يضلن شابحه عيوني
✹✭┈✺✺---- ​​͜͡༄✹✭​​​​◌͜͡*
مشبوحه تضل يابويـه العيون

ياذيني البعد يحبابي تـدرون

يمته مــن السفر ليـه ترجـعون

عليله وبلنزل وحدي عفتونــي
✹✭┈✺✺---- ​​͜͡༄✹✭​​​​◌͜͡*
عفتوني بنزلكم ياهلي وحدي

مريضه وما بقت احبيبه عندي

ودمعاتي عليكم جرحت خدي

مااحمل هظم وفراگ تدروني
✹✭┈✺✺---- ​​͜͡༄✹✭​​​​◌͜͡*
ما احمل هظم يابويه وفراگ

الكــم هالگلب كلساع يشتاگ

والله اغيابكم بلحشه حـراگ

انادي ياهلي او ما تسمعوني
✹✭┈✺✺---- ​​͜͡༄✹✭​​​​◌͜͡*
انادي يــاهلـــي ردو اعليـه

وشوفــو الجره والصار بيه

من فراگكم هالروح مگضيه

بويه من الدمع امورمه اجفوني
✹✭┈✺✺---- ​​͜͡༄✹✭​​​​◌͜͡*
تــــمت بقــــ✍️لم خادمات أهل البيت عليهم السلام

*الشاعره حــــ✍️ـــوراء الـكناني*
*الشاعره ســ✍️ـــــهام المالكي*

لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))https://www.tg-me.com/fvyhbib

مجلس العليله«ع»
........(😭)........( 😭)........
اعوذ باللهِ من الشيطان الرجيم
بسم الله الرحمن الرحيم


صلى الله عليك يا سيدي ويامولاي يارسول الله.. صلى عليك وعلى ال بيتك المظلومين الميامين..
صلى الله عليك يا سيدي يا اباعبدالله.. يا غريب ويا عطشان كربلاء يا بوعلي،.. السلام عليك وعلى ابنتك فاطمه العليله،.. المضلومه التي تجرحت جفونها من كثرت البكاء على اهلها،..وبقيت تنعاهم ليلا ونهارا،.. ماخاب من تمسك بكم سادتي وأمن من لجأ اليكم،.. ياليتنا كنا معكم فنفوز والله فوزا عظيما...
........(😭)........( 😭)........
~قريض~

نظرت والدمع في عينها منهمرِ

واذا با اهلها. تجهزوا للسفرِ

لملمت حاجاتها وكحلت جفنها بالسهرِ

عسى عند الرحيل يقولُ لها بالخبرِ

تعالي يافاطمة اركبي وقلبها يبتشر

وصار الوداع بالاسى عند طلوع الفجرّ

وسار الضعن ومضت العير وهي تنظر
........(😭)........( 😭)........
~ابوذيه~

حالي شلون يوم الفجر لاحا
وصوت الحزن والاشجان. لاحا
عليَّ ارض وسمه بالاهات لاحا
من اليوم الهظم بين عليه
........(😭)........( 😭)........
~نعي شعبي~
بويييييه

فدوه وياكم اركبوني
خلافكم يعمن عيوني
انطوني وعد يمته تجوني


بسمي اگولن تصحون
اغفه وانامن بويه شلون
عساهه بعمه وتروح العيون



گلبي ابد مايستراح
بس الحزن راحت الافراح
من سار الضعن وحمل وراح
........(😭)........( 😭)........
~محاضره~

لما أرد الحسين(ع) أن يتوجه بعياله إلى كربلاء تارگا مدينه جده رسوالله(ص) وقد حمل عياله على النياق صاح أين أخي أين گبش گتيبتي أين قمر بني هاشم //قال العباس«ع» لبيك لبيك ياسيدي وقال له الامام أخي أباالفضل قدم لي جوادي فقدمه ولزم رگاب الفرس حتى رگب الحسين«ع» ورگب بنو هاشم جمعيا ثم ركب العباس(ع) وبيده الرايه فصاح اهل المدينه صيحه واحده وعلت اصوات بني هاشم بالبگاء والنحيب وصاحوا الوداع الوداع الفراق الفراق فقال العباس/ع/هذا والله الفراق والملتقى يوم القيامه ثم صاروا قاصدين الى كربلاء مع العيال وجميع الاولاد الا فاطمه العليله فانها كانت مريضه قد اودعها الحسين~ع~عند زوجه النبي ام سلمة وكانت حاضره حين الوداع فلما نظرت الى اهلها وقد ساروا عنها اخذت تزحف نحو ظعن اهلها وهي تنادي ابه گيف تتركوني لوحدي🥺 //ابه خذوني معكم.. 💔
........(😭)........( 😭)........
~المصيبه~

رجع اليها الحسين وضمها الى صدره الشريف قلبها وبعدها ودعها ورگب جواده وهي تنظر اليه ابه الحسين(ع)وعيناها تهمل بالدموع😭😭وگانت گل يوم تاتي الى دار أبيها الحسين/ع/وتجلس خلف الباب لعلها تسمع شيئا عن ابيها واهلها يروى أنها كتبت كتابا ضمنته همومها واحزانها والام الفراق واخذت تبحث عن شخص يوصله الى اهلها...😭 ارحم الله من ناده والعليله... وامصيبتاااه//واحسيناااه...
........(😭)........( 😭)........
~نعي الزريجي~

منهو الذي ياخذلي هاذا الكتاب
خطيت بيه بواجي بدمع العتاب
ليش كطعتو بيه وشنهو الاسباب
بدمع العين دزيت الك مرسال
........(😭)........( 😭)........
~نعي مجرد~

سار الظعن واگطع البيده
حملو اهلي شوفتهم بعيده
گلبي يحن للملكه ويريده


راحو اهلي واگطعو بيه
بعد ياهو الينشد عليه
وخلاف الابو تذل البنيه


الگلب يون يريد الاحنان
من دونهم ماگو امان
فرگنه غصب هاذا الزمان


اظل مساهره وماغفت عيني
راحوا هلي وماواحد يجيني
وريت الابو يسمع ونيني
........(😭)........( 😭)........
~نعي عاشوري~

انه مناطره عيني الدربهم اه. اه
بلجن خبر يلفيني منهم . اه. اه
نسوني ولاجن انه بتهم. اه ،اه
وحشه يدار اهلي وخليه

اسال على اهلي الراح والراد اه. اه
ونار المشوا تسعر بالفواد. اه. اه
بعدهم زماني مني اشراد. اه. اه
يعودون وين الله. ونبيه
........(😭)........( 😭)........
~تخميس~

تبكي العيون حزينة لوحشة الداري
والقلب موجوع وطال انتظاري
انظر الى الدرب عسى ياتيني خطاري
ذهبو بعيدا وظاع الامل وظل اصطباري
........(😭)........( 😭)........
اناالله وانا اليه راجعون وسيعلم الذين ظلموا حق ال محمد اي منقلب ينقلبون والعاقبه للمتقين
........(😭)........( 😭)........
تمت الحمدلله🤲🏼
بقلم خادمات اهل البيت~ع~
✍🏻الشاعره ام محمد الساري
✍🏻الشاعره حوراء الكناني
نسالكم الدعاء🙏🙏بتعجيل الفرج الصاحب الزمان «عج»https://www.tg-me.com/fvyhbib

وزن الهجري

***

طالت السفره يبويه وما اجه منك كتاب
من رحت عني يوالي طولت بويه الغياب

من رحت عني يوالي وحدي وخالی النزل

شگد وراک انه بچيت ودمعي بخدودي يهل

بطيت عن بتك يغالي ومنك اگطعت الامل

لاخو لاأمي يمي وابعدت عني الأحباب

✍🏻حوراء الكناني
ـــــــــــــــــــــــــــــــ

ـبويه تانيني اروح وياكم واسرج الخيل

وحدي يابويه اظلن دمعتي بخدي تسيل

ابسفرتك والله احسن مني مگطوع الدلليل

عليله عايفني يوالي معرفت شنهو الاسباب

✍🏻ام عمار الصائغ
ـــــــــــــــــــ

من رحت عني يبويه بگیت اون بحسرتي

وبتعد ظعن الاحبهم وانه اجری ابعبرتي

صحت ياراعي المروه خل رقيه خیتي


گلبي اعله لاحبهم وحتئ رمشي مني شاب

✍🏻ام زين العابدين لمحمداويه

________

من طلعتو رجف گلبي خايفه من هلسفر
يمته ياساعه التجوني يكتل گليبي الهجر
دمعه صارت نار لجلك اخذ وياك العمر
انه كلحظه اتاني وانته نايم علتراب

✍🏻تقى التميمي

________
ونته نايم ها ياغالي واني منتضره تجي
اوگف وابجي واونن والدربکم ارتجي

طول علیه سفركم شفت منكم بس جفي
ظل يناديني صداكم بعد ما يرجع الغاب

✍🏻 العلويه زهراء النور 🍃
***
🕌🕌▣━━━━
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها
https://www.tg-me.com/fvyhbib

مسلم ما يخاف عداه
طشرها الجثث بيده
✍🏻🧿✍🏻🧿✍🏻
طشرها وصرخ ابصوت
مسلم ما يخاف الموت
وينه الزلمه خل يفوت
مسلم بعد شيهيده

#الشاعره غدير الباهلي
✍🏻🧿✍🏻🧿✍🏻
مسلم يا هله وياحيف
جدلها ولعب بالسيف
هابونه والكل مخيف
بيهم يرعد ارعيده

الشاعره سلمى أم جعفر
✍🏻🧿✍🏻🧿✍🏻
ماهاب العده امجدم
يفدي حسين روح ودم
شبه كرار نعم العم
جول اعله الكفر عيده

الشاعره ام محمد الكعبي
✍🏻🧿✍🏻🧿✍🏻
ابو طاهر العذبهم
ماكدرو عليه كلهم
ابسيفه الحيد نجلهم
حارب والحرب عيده

أم ابراهيم الحلفي
✍🏻🧿✍🏻🧿✍🏻
طباها ولعب جوله
شردوهم العده ذوله
محد يگدر ويلوله
خافو منه الصميده

#الشاعره حوراء الكناني
✍🏻🧿✍🏻🧿✍🏻
بسيفه رهب عدوانه
مسلم هذا عنوانه
اتكنطر من عالحصانه
وصارت سفرته بعيده

✍️#ام سيف الزبيديه
✍🏻🧿✍🏻🧿✍🏻
تمت بحمد ﷲ تعالى بقلم
خادمات الزهراء عليها السلام
اسئلكم الدعاء 🙏❤️
غير مبري الذمه
من يمسح اسم الشاعرات
او ينسب الكلمات لنفسه
https://www.tg-me.com/fvyhbib

يحسين انصارك بجو العياله
منهم شردو كل الخياله


يحسين انصارك ونعم بيهم
طشروها العده من هدو اعليهم
والله اسباع يامحله اساميهم

((بالطف كلهم//لعبو جوله))
♾️♾️♾️♾️♾️
حي الله أنصارك ياابو اليمه
قليله سيدي ابحقهم الكلمه
النصرتك كل وكتك مولاي متحزمه

((الروح الشخصك ضحوها))
♾️♾️♾️♾️♾️♾️
ثلث تنعام منهم سيدي الأنصار
كل واحد لزم بجفوفه البتار
يبو السجاد عاين وكفت الأحرار

((حسين اتنومس بصحابه))
♾️♾️♾️♾️♾️♾️
تنومس بالطفوف حسين بصحابه
ابلَمتهم ابد لا ماخطر. صابه
كلها هوست هليوم يم بابه

((لجلك هل دم يرخصونه))
♾️♾️♾️♾️♾️♾️
لجل عينك دماهم يالولي رخصو
هجمو عالعده وجيشوهم شردو
من وكفتك انصارك كلهم ارتعبو

((انصارك //ذلو عدوانك))
♾️♾️♾️♾️♾️♾️
الطف تنومست بيهم يبو السجاد
المثلهم بالشدايد دوم. ينراد
ابصولتهم ارتعبت كل البلاد

((الحومه ابجفهم// هزوها))
♾️♾️♾️♾️♾️♾️
تمت بااقلام ✍🏻خادمات اهل البيت عليهم السلام ✍🏻
✍🏻الشاعرة حوراء الكناني
✍🏻ام زهراء الزيداويه البصراويه
🙏🏻🙏🏻نسألكم الدعاء 🙏🏻🙏🏻بتعجيل الفرج الصاحب الزمان~عج~https://www.tg-me.com/fvyhbib

قصيدة عن الانصار

ام عون صاحت حي الله يالانصار
ياأهل الشجاعة ونخوة. وصرار


هله بااهل الشجاعه والميامين
فدوها أرواحهم لتراب الحسين
صاحو أمني وبالج تخافين
ابهاي سيوفنه انحارب الاشرار
♾️♾️♾️♾️
انصارك يبو اليمه نعم منهم
ايخاف الهوه لمن يمر يمهم
لجلك سيدي منذور كل دمهم
كل واحد لزم بيده البتار
♾️♾️♾️♾️♾️♾️
يحسين انصارك دگو الثايه
هجمو علعده شالوها الرايه
صوب المشرعه هلمشو عنايه
بين انذال گالو نشعل النار
♾️♾️♾️♾️♾️
عن شجاعتهم تشهد السيوف
بصولاتهم لعبو جوله بلطفوف
وحسين يصيح حي الله ويشوف
كلها كربله تشهد للاحرار
♾️♾️♾️♾️♾️
ثلث تنعام من أنصار أبو اليمه
قليله لو كتبنه ابحقهم الكلمه
كل واحد نذر لحسين كل دمه
بالعالم مثلهم ابد ماصار
♾️♾️♾️♾️♾️
انصاره حسين بيهم يرفع الراس
أهل غيره وشهامة وتشهد الناس
ماعافوه وحده الكطع الأنفاس
ومادارو ابد من الفلك دار
♾️♾️♾️♾️♾️♾️
تمت بااقلام✍🏻خادمات اهل البيت عليهم السلام ✍🏻
الشاعرة ✍🏻حوراء الكناني
✍🏻ام زهراء الزيداويه البصراويه
🙏🏻🙏🏻نسألكم الدعاء 🙏🏻🙏🏻https://www.tg-me.com/fvyhbib

قصيده الامام العباس ع لسان حال زينب الحوراءع
~🙏~
عالعباس لعمي اليوم العيون
نايم علشريعه حامي الضعون
~🙏~

((اكعد ليه//عباس اختك))
~🙏~
نايم علشريعه شلون يانومه
انوح اعلي اخيي وحيل مالومه
شوف احسين مسلبه اهدومه

((انهض يلگافل//حاچيني))
~🙏~
انهض ياسبع وأحمل الرايه
يروح العلگمي ماريد انه مايه
ادري بيك انته البيك الكفايه

((يابو الشيمه//انهض لأختك))
~🙏~
رد لأختك ترا هي بغير حراس
وصدر حسين شلون ينداس
شنهي نومتك گلي يعباس

((هاك جفوفي//ياخويه اگعد ))
~🙏~
شنهي نومتك طوالت هل النوم
والشوفگ يخويه گلبي يحوم
اگعد ياسبع اگعد يجيدوم

((انهضلي//ياعم سكينه))
~🙏~
انهض ابساع يل منك يخافون
ابو الغيره بطل عباس يدرون
من اسمك مرجفهم يهابون

((طاريك// رد العياله))
~🙏~
تمت الحمدلله🤲🏻
بقلم خادمات اهل البيت ع
✍🏻الشاعره ام منتظر الجابري
✍🏻الشاعره حوراء الكناني
نسالكم الدعاء🙏🙏 بتعجيل الفرج الصاحب الزمان /عج/https://www.tg-me.com/fvyhbib

سبع عباس طشره الزلم كله
لعب بيهم لعب ماواحد خله

((بسيفه//طشرهم كلهم))
................ 💔...............
ابسيفه لعب طشر بصولاته
ومن بعيد. شافنه خواته
ياهيبة علي وبكل صفاته

((يشهدله الطف//بصولاته))

✍🏻حوراء الكناني
********
لعب بيهم لعب عباس المشكر
والميدان للعباس خط احمر
فارسهم لبو مريوش مايكدر

((لو هز باسيفه//يكلبها الحومه))

✍🏻ام محمد الساري
******
هز سيفه الكمر اترعبو منه
تشهدله الطفوف وسولفو عنه
امضهضب ابد ماواحد اله ادنه

(( امبجيهم// عباس ابزوده))

✍🏻حوراء الكناني
******
ينظرله خواته وزينب تهلهل
عدها عيد للعباس من يجبل
وعن دربه الزلم لوطبه اتميل

((عاداها // صولاتك حيدر))

✍🏻ام محمد الساري
*******
زينب شافته وافرحت بافعاله
دخل شردو ولاواحد تداله
شافه حسين من بعيد حياله

((وبعضيدي//حي الله صاح))

✍🏻حوراء الكناني
********
فوك المهر وتخط رجله بالكاع
بطل عباس والرضعته نسل اسباع
الرحم ويه الكرم حنين حلو اطباع

((يلبيها// لو نادت حره))

✍🏻ام محمد الساري
*****
تمت الحمدلله 🤲🏻
بقلم خادمات اهل البيت ع
نسالكم الدعاء🙏🙏 بتعجيل الفرج الصاحب الزمان عجhttps://www.tg-me.com/fvyhbib

قصيده للامام القاسم عليه السلام
━━━━▣⚫▣━━━
اگعد يالولد جسام يبني

بعدني بعازتك والدهر ذبني

━━━━▣⚫▣━━━━
نومك يالولد لا مو محله

بنص گلبي ييمه خله عله

واليفارگ اوليده بعمره شله

ردتك للكبر وبعدت عني

✍️ام حسين الحسني

━━━━▣⚫▣━━━━
يومك يلولد هدملي الحيل

عليك امدوهنه و مانمت ليل

دمعي من دمه علوجنه ايسيل
فجعني البين يمه وبيك هدني

✍🏻حوراء الكناني
━━━━▣⚫▣━━━━
رتك للكَبر بيدك تزتني

وليش تروح يمه ودوهنتني

وهم ترجع بعد ليه وتمرني

وتشيل الظيم ولهظمات مني

ا✍️م منتظر لاسديه

━━━━▣⚫▣━━━━
تشيل الظيم مني ياضوه العين

اريد ارباي كله وتعب الاسنين

زغير يالولد ماوصل عشرين.

حيلي منهدم يوم العفتني

✍🏻 # علويه ام منتظر الجابري

━━━━▣⚫▣━━━━
عريس الولد لاماهو يومه

عايف حنته وعايف اهدومه

ليش امدللي علترب نومه

انطر جيتك يمه بعدني

✍🏻 الحجيه ام علي
..
━━━━▣⚫▣━━━━

نضر عيني ييمه ابغيبتك غاب
وجرحك بالكلب يوليدي ما طاب
عتبت اهواي بس ما فاد العتاب

تشهد عالجره ادموعي هذني

ام ســ✍ــجاد العسكري

▪️▪️▪️▪️▪️▪️▪️
تمت بعون الله تعالى ✍🏻✍🏻شاعرات رابطة دموع العقيلهhttps://www.tg-me.com/fvyhbib

فزاعيه لقاسم عليه السلام
〰️🪐〰️🪐〰️🪐〰️
راح ارباي تعبي وذيج الايام
خابت يلولد من عندي احلام
〰️🪐〰️🪐〰️🪐〰️

راح ارباي يمه يلولد يبني

وغيابك صعب وگلش عذبني

يسباح الگلب البين فجعني

وبيك البين رماني بسهام

✍🏻خادمه الحسين حنين
〰️🪐〰️🪐〰️🪐〰️
راح ارباي يمه وتعب السنين

بس عليك بقت تهل العين

منك يلولد حرمني البين

ومشتاگ الگلب وعليك هل هام

✍🏻حوراء الكناني
〰️🪐〰️🪐〰️🪐〰️
مني يالولد خابت هالضنون

ضاع التعب يبني وكلبي محزون

شلون تعوفني يايمه شلون

واروح اميسره من بعدك الشام

🖊️سلمى أم جعفر
〰️🪐〰️🪐〰️🪐〰️
ماكدر اعيشن يالولد بلياك

تمنيت تاخذني للكبر وياك

ارجع يايمه واسمع حجاياك

من رحت يالغالي عيني ماتنام

✍🏻الشاعره ناعيه كربلاء عاشقة الطف ام محمد آل درويش
〰️🪐〰️🪐〰️🪐〰️
بعدك ماتنام العين يايمه

عله افراك الولد اشبع مغمه

من ايدي شال وقلبي زاد همه

ابوطول الحلو بالحد هانام
✍️#ام سيف الزبيديه
〰️🪐〰️🪐〰️🪐〰️
وسفه باللحد سوده عليه

عافاني ومشه واصفج بديه

مااكدر بعد احمل اذيه

ياسلوه حياتي يمه جسام
ام حسين الحلفي
〰️🪐〰️🪐〰️🪐〰️
خذاك الوكت مني وكطع بيه

بعد هيهات ابني يطب اعليه


يامحله الولد وكت المسيه


بفكدك صوباني الوكت بسهام


✍️الشاعره كريمه البو حلوه
〰️🪐〰️🪐〰️🪐〰️
تمت القصيده باقلام الشاعرات لايجوز حذف الاسماءhttps://www.tg-me.com/fvyhbib

قصيده الامام القاسم(ع) لسان حال زينب«ع» تخاطب الامام القاسم~ع~تگول
┈•┈┈★•$ ✿ $••★┈┈•
صارت زفتگ يالولد بالحومه
تون عليگ امك حيل مالومه
┈•┈┈★•$ ✿ $••★┈┈•
تون عليگ امك تجذب الونه
رحت منها يغالي وگطعت الضنه
رد الها يگلبك بيه محنه
علولد ام الولد ملجومه
┈•┈┈★•$ ✿ $••★┈┈•
ويلي بيك مافرحت يلوليد
تنعه وتنحب واليل متهيد
لحگاه الدهر وعليگ شيريد
گلساع تشتم ريحت هدومه
┈•┈┈★•$ ✿ $••★┈┈•
ابو طول الحلو تشتاگله هواي
اگوم انهض وحاجيها يعيناي
شوف احوال امك يلولد هاي
عليها يصعب ياويلي يومه
┈•┈┈★•$ ✿ $••★┈┈•
تون ام الولد ونه ثجيله
يفراگه صعب مامن مثیله
حمل امك وگع ياهو الیشیله
یگلب الوالده یبقی ابهمومه
┈•┈┈★•$ ✿ $••★┈┈•
یمحروم العرس فدوه الشبابك
يمه ابزفتك يكثر مصابك
يالرحت ابعجل شيطفيها نارك
شبت نار من جابوا اعلومه
┈•┈┈★•$ ✿ $••★┈┈•
بس اعتب بعد شفيد عتبي
ليل انهار اون وبجي يربي
من كثر البجي ماشوف دربي
اه يم الولد للدوم مغمومه
┈•┈┈★•$ ✿ $••★┈┈•
تمت الحمد الله🤲🏻
بقلم خادمات اهل البيت«ع»
✍🏻الشاعره حوراء الكناني
✍🏻الشاعره ام زينب الأسدي
نسالكم الدعاء🙏🏻🙏🏻بتعجيل الفرج الصاحب الزمان~عج~https://www.tg-me.com/fvyhbib

نعي القاسم ع لسان حال امه تكول يمااااه يمه
❥❥😔ــــــــ❁🔹❂❁ـــــ😔❥❥
شلونك يبعد امك شلونك
شحلاتهن يمه عيونك
اگعد عمامك يردونك
❥❥😔ــــــــ❁🔹❂❁ـــــ😔❥❥
آه ياقاسم بعد حيلي
ابدونك انه مساهره ليلي
من الفراك اصيح اه يويلي
❥❥😔ــــــــ❁🔹❂❁ـــــ😔❥❥
شحلات طولك ياوليدي
بعيوني اضمك لون بيدي
وحيد ي راح مني وعضيدي
❥❥😔ــــــــ❁🔹❂❁ـــــ😔❥❥
گلساع كلبي الك يحن
من الفرگه روحي عليك تون
اشوف الضيم عگبك والمحن
❥❥😔ــــــــ❁🔹❂❁ـــــ😔❥❥
بيش اصبر بعدك الروح
ينزف دليلي اعليك مجروح
جابوگ الي بدمك المسفوح
❥❥😔ــــــــ❁🔹❂❁ـــــ😔❥❥
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

فزاعيه للقاسم بن الحسن عليهما السلام


ياعريس يامظلوم
امك تظل حزنانه
******
امك حظرت عرسك
بين اعمامك ازفك
رديت محنه ابدمك
خاب الامل دوهانه

✍🏻ام محمد الساري
••••••••••••••••••••••
وراح وطفت شمعاته
تذوب الكلب وناته
تنحب امه بحسراته
والروح اعليه وجعانه

حوراء الكناتي
••••••••••••••••••••••
شباب وراح من ايدي
ييمه عليك انه اشبيدي
نشف دم البوريدي
عليك العين سهرانه

✍🏻ام محمد الساري
،•••••••••••••••••••••••••
خاب الامل يوليدي
ظلت اصفگ انه ابيدي
اكل للروح انه اهيدي
وعمتك تنحب ويانه

✍🏻حوراء الكناني
••••••••••••••••••••••••
تسعر نارك ابكلبي
عميت وتيهت دربي
مشتاكه وحك ربي
الدهر طشار خلانه
✍🏻ام محمد الساري
•••••••••••••••••••••••
عمتك حيل محزونه
الدهر راوانه افنونه
يويلي تصيح عافونه
والشمر بسوطه اذانه

✍🏻حوراء الكناني
••••••••••••••••••••••••••
ءا يس مابعد جيه
اضلوعي تظل محنيه
مهظومه حيل مابييه
الشام ابطبل لاكانه
✍️ام محمد الساري
•••••••••••••••••••••••••••
تمت الحمدلله🤲
بقلم خادمات اهل البيت ع
نسالكم الدعاء🙏🏻بتعجيل الفرج الصاحب الزمان«عج»https://www.tg-me.com/fvyhbib

نعي الامام العباس ع لسان حال زينب ع تكوووول زينب
​┅┅┅┅ـ🌸🕊🕊๘✿ৡ┅┈┈‏•🌸
مصايب كربله بالطف عمني
انه راح البطل عباس مني
اگعد يخويه استمع وني

​┅┅┅┅ـ🌸🕊🕊๘✿ৡ┅┈┈‏•🌸
بالنار العده حرگو الخيمه
الماعدها اخو تظل بهضيمه
يخويه قصة احزاني اليمه
​┅┅┅┅ـ🌸🕊🕊๘✿ৡ┅┈┈‏•🌸
يسبع الكنطره اعتنئ ليه
تتشمت اعداكم خويه بيه
وتعلئ أصواتهم بعدك عليه

​┅┅┅┅ـ🌸🕊🕊๘✿ৡ┅┈┈‏•🌸
اگعدالي. يلگلك مروه
ادوس اعله الجدم ياخويه گوه
يلمالك مثيل وخوتگ حلوه
​┅┅┅┅ـ🌸🕊🕊๘✿ৡ┅┈┈‏•🌸

عالو عليه. اعداك. بعدك
يالسافرت ليه. اشيردك
لون جفين هذا اليوم عندك
​┅┅┅┅ـ🌸🕊🕊๘✿ৡ┅┈┈‏•🌸
جان انذال اميه. دمرتهم
وبسيفك يخويه كطعتهم
بس انت يبو الغيرة تردهم
​┅┅┅┅ـ🌸🕊🕊๘✿ৡ┅┈┈‏•🌸
*تـــــمت والـــــ🤲ـــــحمد الله تعالى*
*بـــ✍🏻ــقلم خـادمـة آهـل البـيـت﴿ع﴾*
*✍️الــشاعـره حـوراء الكـنانـي*
*نسالكم الدعاء🙏🏻🙏🏻بتعجيل الفرج الصاحب الزمان /عج/*https://www.tg-me.com/fvyhbib

قصيده العبدالله الرضيع«ع»
❥❥┈┈‏┈.✹.💔.✹┈┈┈‏❥❥
حسين بهلخبر گلبي فجعته
مذبوح الولد صاح وسمعته
❥❥┈┈‏┈.✹.💔.✹┈┈┈‏❥❥
مذبوح الولد شفته ابعيوني
مظروب ابسهم ببني یفجعوني
تاليها يعبد الله یسلبوني
ياريت السهم بيدي لزمته
❥❥┈┈‏┈.✹.💔.✹┈┈┈‏❥❥
تاليه هيج ايحرموني منه
اضل اعليه اون ونه اعله الونه
ذبحو من وكت ذبحو حلمنه
ابعزيز الروح الگلبي لجمته
❥❥┈┈‏┈.✹.💔.✹┈┈┈‏❥❥
ابعزيز الروح اگليبي تصوب
اضل للدوم محزونه انه ونحب
من اشمنه اشم الهوه لوهب
يضالم ليش مني ابني اخذته
❥❥┈┈‏┈.✹.💔.✹┈┈┈‏❥❥
يعبدالله ييمه ذابت الروح
من جابوك اليه اوليدي مذبوح
ما انسه مصابك گلبي مجروح
من بعدك ترى نومي هجرته
❥❥┈┈‏┈.✹.💔.✹┈┈┈‏❥❥
شنو ذنبه يذبحونه ييمه
من جابوا الي سابح ابدمه
اضل اسنين گلبي ايزود همه
ابهايه موتتك ياريت ميته
❥❥┈┈‏┈.✹.💔.✹┈┈┈‏❥❥
هيهات الولد يرجع اليه
منه ايست او هاي هيه
ماشوف الدرب اوعيني عميه
بس بالطيف ايمرني ابني الخسرته
❥❥┈┈‏┈.✹.💔.✹┈┈┈‏❥❥
تمت الحمدلله🤲🏻
بقلم خادمات اهل البيت~ع~
✍️الشاعره حوراء الكناني
✍️الشاعره ام زينب الاسدي
نسالكم الدعاء🙏🏻🙏🏻بتعجيل الفرج الصاحب الزمان«عج»https://www.tg-me.com/fvyhbib